Author: webrwanda

Uyu musore ategerejwe mu gitaramo kibera muri Camp Kigali kuri uyu wa Gatandatu tariki 6 Nzeri 2025. Yasesekaye mu Rwanda mu gitondo cyo kuri uyu wa Gatandatu.

Iki gitaramo ategerejwemo kiranaririmbamo abarimo Chryso Ndasingwa, Rata Jah Naychah na See Muzik. Kiri mu mujyo w'ibyo ari gukora azenguruka Isi amenyekanisha album ye yise 'Reconstruction'.

Ni ibitaramo yahereye muri Afurika kuva ku wa 4 Nzeri 2025 ahereye muri Zimbabwe no muri Zambia ku wa 5 Nzeri 2025, mu gihe ubu i Kigali ari ho hatahiwe.

Nyuma yo kuva i Kigali, ku wa 7 Nzeri 2025 azahita ataramira i Nairobi muri Kenya abone kwerekeza muri Afurika y'Epfo aho afite ibitaramo bitatu kuva ku wa 10-13 Nzeri 2025.

Nyuma yo gusoza ibi bitaramo muri Afurika, kuva ku wa 1 Ukwakira 2025, uyu muraperi uzaba aherekejwe n'abarimo Miles Minnick azatangira ibitaramo bizenguruka Leta Zunze Ubumwe za Amerika kugeza ku wa 13 Ukuboza 2025.

Lecrae ubusanzwe witwa Lecrae Devaughn Moore, amaze gukora album zigera 10 na Mixtape enye kuva yatangira umuziki ku giti cye mu 2004.

Uyu muraperi mu buzima bwe amaze guhatanira ibihembo 55 aho yegukanyemo 27 birimo Grammy Awards enye zirimo ebyiri yegukanye umwaka ushize.

Si Grammy Awards gusa abitse kuko yanatwaye Billboard Award mu 2015, BET Awards eshatu mu 2015, 2017 no mu 2018 mu gihe abitse ariko kandi ibihembo 12 bya 'Gospel Music Association' GMA Dove Awards n'ibindi binyuranye.

Uyu muraperi uretse umuziki afitemo album 12 ni n'umukinnyi wa filime aho amaze kugaragara muri filime zigera kuri 11 n'umwanditsi w'ibitabo ufite ibirimo Unashamed cyasohotse mu 2016 n'icyitwa 'I Am Restored: How I Lost My Religion but Found My Faith' cyasohotse mu 2020.

Ubwo LeCrae yari ageze i Kigali

LeCrae ni umwe mu baraperi bakomeye mu muziki wo kuramya no guhimbaza Imana ku rwego rw’Isi

Uyu munsi ikipe y’Igihugu Amavubi ikina na Nigeria mu gushaka itike y’igikombe cy’Isi cya 2026, ishobora kugaragaramo impinduka bigendanye n’abakinnyi umutoza yari amaze iminsi akoresha.

Ni umukino w’umunsi wa 7 mu itsinda C ugomba kubera muri Nigeria muri Leta ya Uyo kuri uyu wa Gatandatu tariki ya 6 Nzeri 2025 kuri Godswill Akpabio International Stadium.

Ni umukino umutoza atahamagaye bamwe mu bakinnyi nka Hakim Sahabo na Samuel Gueulette bakina mu cyiciro cya mbere mu Bubiligi.

Amakuru aturuka muri iki gihugu ni uko abakinnyi babiri bamaze iminsi babanza mu kibuga mu busatirizi, Nshuti Innocent na Mugisha Gilbert kuri iyi nshuro bashobora kubanza ku ntebe y’abasimbura.

Uyu mutoza ushobora gukina sisiteme ‘System’ ya 3-5-2 ashobora guha umwanya rutahizamu Biramahire Abeddy umaze iminsi ahagaze neza akaba ari we ubanzamo.

Dore 11 ashobora kubanzamo

Umunyezamu: Ntwari Fiacre

Ba Myugariro: Kavita Phanuel, Mutsinzi Ange Jimmy na Manzi Thierry

Abo hagati: Omborenga Fitina, Niyomugabo Claude, Mugisha Bonheur Casemiro, Bizimana Djihad na Ally Enzo

Ba Rutahizamu: Biramahire Abeddy na Kwizera Jojea

Amavubi agiye gukina uyu mukino ari ku mwanya wa 3 n’amanota 8 inyima ya Benin ifite 11 na Afurika y’Epfo ifite 16, Nigeria ifite 7, Lesotho 6 n’aho Zimbabwe ikagira 4.

Ibyo babigarutseho nyuma y'uko Ihuriro ry'Urubyiruko rw'u Burundi ruba mu mahanga, Ishami ryo mu Rwanda, ryasuraga urwibutso rwa Jenoside rwa Kigali.

Urwo rubyiruko ruvuga ko rwasuye urwibutso mu rwego rwo kwigira ku mateka y'ibyabaye mu Rwanda byagejeje kuri Jenoside yakorewe Abatutsi, hagamijwe kwirinda ko ibyabaye byazongera kubaho ukundi haba mu Rwanda no mu Karere muri rusange.

Nyuma yo gusobanurirwa amateka yagejeje kuri Jenoside yakorewe Abatutsi, uburyo abaturanyi bishe bagenzi babo, abakirisitu bakica abo basenganaga babaziza ko ari Abatutsi, Perezida w'Ihuriro ry'Urubyiruko rw'u Burundi ruba mu mahanga, Bizoza Deo, yavuze ko rwiyemeje guharanira ko irondabwoko ritazongera kubaho ukundi.

Ati 'Turebye ibyabaye mu gihugu cyacu ndetse na Jenoside yakorewe Abatutsi twaje kureba amateka yayo hano, biragaragara ko bitangirira mu bitekerezo. Twabonye ko kugira ngo tuvure ibi bibazo, tugomba kubanza kuvura abantu [binyuze mu] guhindura imyumvire mibi, iganisha ku macakubiri, iganisha ku kurimbura abantu benshi ari yo Jenoside. Twaje hano kugira ngo turusheho kwiga.'

Yagaragaje ko ibibazo biri mu Burasirazuba bwa RDC bikomeje gushimangira ko ingengabitekerezo ya Jenoside mu Karere itigeze ishira nubwo hashize imyaka 31 Jenoside yakorewe Abatutsi ibaye.

Yavuze ko ikibabaje ari uko usanga ishyigikiwe n'abakuru b'ibihugu badatinya gutegura ibitero bigamije kwica abaturage b'igihugu bayobora babaziza ko ari Abatutsi.

Yashimangiye ko kubona Ingabo z'u Burundi zijya mu Burasirazuba bwa RDC kurwana zifatanyije n'umutwe w'iterabwoba wa FDLR, bishimangira ko ingengabitekerezo ya Jenoside iri mu mitwe ya benshi uhereye mu bayobozi bakuru b'u Burundi.

Ati 'Urebye ibibera muri Congo, Leta y'u Burundi ubona ko ibishyiramo imbaraga rimwe na rimwe si ibintu bakorera mu bwihisho, ni ibintu ushobora kumva rimwe na rimwe bashyigikira ukwica abantu. Abo bantu bicwa ugasanga n'ubundi bigarutse kuri rya zina, ubwoko bw'Abatutsi ariko ubirebye ikibazo gikomeye ni iyo ngengabitekerezo y'ivangura n'irondabwoko riri mu mitwe yabo (Abayobozi b'u Burundi). Biragaragara ko ari ikibazo cy'iyo ngengabitekerezo iri mu mitwe y'abantu atari mu Rwanda gusa, muri RDC, no mu Burundi.'

Mugenzi we, Nsabyumuremyi Oscar, yavuze ko kubona Ingabo z'u Burundi zifatanya na FDLR byerekana ko irondabwoko rikomeje guhabwa intebe mu Burundi.

Ati 'Bitwereka ko u Burundi buri kwifatanya n'abakoze Jenoside. Icyo ni ikintu kitari cyiza kuko bazi neza icyo irondabwoko riganisha ku gihugu, rero kwifatanya n'abakora irondabwoko ni ibintu bibi cyane, bitwereka ko bari gushyira mu kaga igihugu cyacu. Ntiwajya kwifatanya n'abakora irondabwoko mu bindi bihugu, mu gihugu ho urumva ko biba byarabaye ukundi.'

Yashimangiye ko buri wese akwiye kubona ko mugenzi we atahisemo uko avuka, ubwoko avukiramo cyangwa agace avukiramo, bakabana neza mu mahoro nta kibatandukanya.

Havyarimana Audace yavuze ko ingengabitekerezo ya Jenoside iri kurushaho kwaguka mu Karere kandi ari ikintu giteye ubwoba.

Yagize ati 'Ibyo rero biteye ubwoba kurushaho. Ni ukuvuga ko ingengabitekerezo ya Jenoside ikomeje kwambukiranya n'ibihugu. Mu byo twabonye aha ni uko Jenoside yakorewe Abatutsi yateguwe na guverinoma ku butegetsi butandukanye, aba Banye-Congo bicwa bazizwa ko ari Abanyarwanda bari hariya, byumvikane ko ari Jenoside iri gukorerwa hariya kuko ni Abanye-Congo bizwi.'

Yavuze ko biteye ubwoba kubona ibihugu nk'u Burundi byifatanya na RDC kugira ngo barimbure abaturage bitwaje ko bari kurwanya Ihuriro rya AFC/M23 kandi rigizwe n'Abanye-Congo biyemeje kurwanya akarengane bakorerwaga ndetse no gusubiza igihugu ku murongo, abaturage bakagira amahoro n'iterambere.

Yavuze ko bibabaje kubona ingabo z'Igihugu cyabo zifatanya na FDLR yagize uruhare muri Jenoside yakorewe Abatutsi mu Rwanda, mu mugambi wayo wo gukongeza ingengabitekerezo ya Jenoside mu Karere no kuyishyira mu bikorwa mu Burasirazuba bwa RDC.

Ati 'Igiteye ubwoba cyane ni uko abari imbere muri uwo mugambi ari abasize bakoze Jenoside yakorewe Abatutsi bambukanye iyo ngengabitekerezo bari kuyikwiza mu Banye-Congo kugira ngo bicwe, Abarundi nabo bari kubafasha. Ni ibintu biteye isoni ndetse bitumvikana kubona u Burundi buriyo. Kumva igihugu kijya gushyigikira ikindi mu kwica abaturage bacyo?'

Aba Barundi basabye ubutegetsi bwa Perezida Evariste Ndayishimiye guhindura umuvuno, akareba inyungu z'igihugu aho kureba inyungu ze ku giti cye, bityo akavana Ingabo zabo muri RDC.

Urubyiruko rw’u Burundi rwasuye Urwibutso rwa Jenoside rwa Kigali

Uru rubyiruko rwunamiye abazize Jenoside yakorewe Abatutsi

Abarundi bagaragaje ko ingengabitekerezo ya Jenoside ikwiye guhagarara

Abarundi banenze kuba ingabo zabwo zifatanya na FDLR muri RDC

Amafoto: Mukayiranga Esther

Yabigarutseho mu Kiganiro na Televiziyo Rwanda aho yasobanuraga impinduka zabayeho mu biciro by'ibikomoka kuri peteroli bishya byatangiye gukurikizwa kuri uyu wa 6 Nzeri 2025 nk'uko byatangajwe n'Urwego rw'Igihugu rushinzwe kugenzura imirimo imwe n'imwe ifitiye abaturage akamaro.

Ku mugoroba wo ku wa 5 Nzeri 2025, RURA yatangaje ko ibiciro by'ibikomoka kuri Peteroli byazamutse, aho litiro ya lisansi yashyizwe ku 1.862 Frw ivuye ku 1.803 Frw, mu gihe litiro ya mazutu yashyizwe ku 1.808 Frw ivuye ku 1.757 Frw.
Ni ibiciro bigomba kugenderwaho mu gihe cy'amezi abiri.

Minisitiri Dr. Gasore yatangaje ko izamuka ry'ibiciro rishingiye ku mpinduka zabayeho ku isoko mpuzamahanga ariko ko ridakwiye guteza ikibazo ku isoko.

Ati 'Mu mezi abiri ashize, mu Burasirazuba bwo hagati aho ibikomoka kuri peteroli dukoresha bituruka hari hari intambara cyangwa amakimbirane, byagize ingaruka ku izamuka ry'ibiciro bya peteroli muri iki gihe. Izo ngaruka ni zo zagize uruhare ku izamuka ry'ibiciro twabonye nubwo tutaryita rinini cyane.'

Yavuze ko Leta iri gukora ibintu byinshi bigamije kwirinda ko ibiciro by'ibikomoka kuri peteroli byatumbagira, harimo guherekeza igicuruzwa kuva hatanzwe ubusabe kugera kigejejwe muri stasiyo.
Ati 'Icyo dukora nka Leta ni ugufasha abacuruza peteroli, ku buryo iki bazo cyose yakagize mu nzira dukorana na Leta zegereye ibyambu kugira ngo ibicuruzwa byacu ntibigire ikibazo icyo ari cyo cyose kuko ubutinde bwose bubayeho, buraza bukagaruka n'ubundi mu giciro tuzishyura.'

Yakomeje ati 'Ibyo bituma lisansi na mazutu bitabura, kandi ibiciro bitazamuka cyane. Mugereranyije mukareba ibihugu duturanye ndetse n'ibyo tunaranguramo, muzasanga ko peteroli na diesel ibiciro byacu biri munsi usibye Tanzania, ahandi turi munsi kubera ko tugerageza gukora kugira ngo hatabaho impamvu iyo ari yo yose ituma igiciro kizamuka.'

Yavuze ko hakomeje gushyirwa imbaraga mu kubaka ibigega bizafasha mu guhangana n'ibibazo byajyana n'ibura ry'ibikomoka kuri peteroli cyangwa gutinda kubibona.

Umunyamabanga Uhoraho Muri Minisiteri y'Ubucuruzi n'Inganda, Antoine Marie Kajangwe, yavuze ko iryo zamuka nta mpinduka zikomeye rikwiye guteza ku biciro ku masoko.

Ati 'Izamuka ry'ibiciro ntabwo ryazamutse ku kigero gikabije, cyangwa kinini cyane. Ryazamutseho 0,3% mu buryo bw'amafaranga ni 51 Frw kuri mazutu na 60 Frw kuri Lisansi kuri litiro. Iyo uyagereranyijwe n'amafaranga ya mazutu na lisansi bijya mu modoka zitwara ibicuruzwa usanga atari amafaranga yagira impinduka nini cyane ku biciro bitandukanye yaba ubwikorezi bw'ibicuruzwa, cyangwa ubwikorezi bw'abantu.'

Nk'urugero yerekanye ko umuceri uva i Rusizi ugera i Kigali amafaranga y'ubwikorezi ari 40 Frw ku kilo, mu gihe ku bicuruzwa biva Kigali na Musanze usanga ikiguzi kiri hagati ya 25 Frw na 29 Frw kandi ko nta mpinduka zikomeye ziteganyijwe.

Ati 'Tubona ko nta ngaruka nini yagakwiye kugaragara ku bicuruzwa bitandukanye.'

Minisitiri w'Ibikorwaremezo, Dr. Jimmy Gasore, yavuze ku izamuka rya lisansi na mazutu, agaragaza ko bitazagira ingaruka ku biciro ku masoko

Ibiciro by'ibikomoka kuri peteroli mu Rwanda byazamutse

Ibi byatangajwe ku wa 5 Nzeri 2025, ubwo icyiciro cya mbere cy'abanyeshuri cyatangiraga gusubira ku mashuri.

Icyi cyiciro cya mbere cyagiye ni icy'abanyeshuri biga mu turere twa Ruhango, Gisagara, Ngororero, Ngoma, Kirehe na Rulindo.

Abanyeshuri bagiye muri iki cyiciro cya mbere bavuze ko kujya ku ishuri hakiri kare bibafasha kwitegura gutangira neza amasomo, kurenza uko bagenda bari butangire uwo munsi, nk'uko Irakoze Marie Gisele yabivuze.

Ati 'Iyo tugiye kare bidufasha kuruhuka, tukitegura uko dutangira amasomo hakiri kare, tukaruhuka mu mutwe ku buryo dutangira amasomo nta mwana n'umwe ufite imbogamizi zo gutangira amasomo.'

Abanyeshuri kandi bashimira gahunda yo kubaha ahantu hihariye ho gutegera nko kuri Pele Stadium kuko bibarinda ibibazo byinshi bahuraga nabyo bagiye gutegera Nyabugogo nk'uko Manzi Herve yabivuze.

Yagize ati 'Byaratugoraga cyane kuko habaga hari akavuyo kenshi, ugasanga barakwibye, ubuze imodoka, rimwe na rimwe urayobye, ariko hano nta kibazo.'

Ababyeyi nabo bunze mu ry'aba bana bavuga ko iyi gahunda yo gushyiraho ahantu abana bategera ndetse bakagenda kare ari nziza kuko ifasha abana kuruhuka no kugera ku mashuri nta ngorane.

Nyirahitimana Mathilide wari uherekeje umwana we yabwiye RBA ko ubu ikibazo cy'umubyigano n'umutekano muke ku bana cyakemutse kuko batwarwa ukwabo.

Ati 'Habagaho umubyigano mwishi mbere ku buryo abana bagiriraga ibibazo mu nzira ndetse n'ababyeyi bakarara mu nzira baherekeje abana, rero kuba byonyine abana baza hano tukaba twizeye umutekano wabo ni ibintu byiza cyane.'

Umuyobozi ushinzwe Ubugenzuzi muri NESA, Angelique Boneza, yasabye ababyeyi kubahiriza igihe abana bazagira ku mashuri cyane cyane hashingiwe ku turere bigamo.

Ati 'Nibadufashe gahunda y'ingendo z'abanyeshuri buri mubyeyi ayubahirize, bakomeze barebe gahunda y'akarere umwana azajya kwigamo bayubahirize.'

Igikorwa cy'ingendo z'abanyeshuri giteganyijwe kuzarangira ku wa 8 Nzeri 2025, aho hazahita hakurikiraho igikorwa cyo kureba imyanya isigaye mu mashuri kugira ngo abanyeshuri basabye guhindurirwa ikigo babe basubizwa.

NESA yasabye ababyeyi kubahiriza gahunda y'ingendo z'abanyeshuri

Umuvugizi wa Singida Black Stars, Hussein Massanza yavuze ko biteguye gukina na Rayon Sports kandi icyo bakeneye ari intsinzi.

Singida Black Stars izahura na Rayon Sports mu ijonjora ry’ibanze rya CAF Confederation Cup aho umukino ubanza uzabera mu Rwanda.

Aganira n’ikinyamakuru ISIMBI, umuvugizi wa Singida Black Stars, Hussein Massanza yavuze ko ikipe yiteguye neza ari yo izakomeza.

Ati “turimo kwitegura na bo [Rayon Sports] barimo kwitegura, duhurire mu kibuga. Buri wese arimo kwitegura ashaka intsinzi. Tudakeneye intsinzi ntabwo twakirirwa dukina.”

Umukino ubanza uzabera kuri Kigali Pelé Stadium tariki ya 20 Nzeri 2026 ni mu gihe uwo kwishyura uzaba tariki ya 26 Nzeri 2025 muri Tanzania.

Singida Black Stars ikaba yariyubatse yongeramo amaraso mashya aho yaguze Khalid Aucho, Chota Chama n’abandi.

Amakuru avuga ko abaturage bo mu Mudugudu wa Bannyisuka, Akagari ka Nyarubuye, mu Murenge wa Musanze, mu Karere ka Musanze basanze uwari Mutwarasibo wabo yapfuye bikekwa ko yiyahuye.

Bamwe mu baturage bavuze ko bamusanze apfukamye, afite umugozi mu ijosi atwikirije igitenge. Amakuru avuga ko yabanje koherereza Umuyobozi w'Umudugudu ubutumwa bugufi amusezera, amubwira ngo 'umugeni aratashye.'

Nyuma yo kwakira ubu butumwa, Umuyobozi w'Umudugudu yagerageje kuvugisha uyu mugabo, ariko asanga telefoni itariho.

Mutwarasibo kandi yandikiye abana be indi baruwa abasezera, ababwira ko agiye kuko arambiwe kubana n'umugore we utaha yasinze.

Bamwe mu baganiriye na TV1, barimo n'abo mu muryango we, bavuze ko umugore wa nyakwigendera yari afite ibaruwa yari yandikiwe n'umuhungu we w'imfura, ivuga ko amusize mu rugo n'ubwo agiye mu gihe kibi, amusaba kwita kuri barumuna be.

Abaturage bavuga ko uyu muryango wa nyakwigendera wari umaze iminsi mu makimbirane aturuka ku kuba umugore ari umusinzi, aho yatahaga ahagana saa sita z'ijoro, nyamara uyu nyakwigendera ntiyanywaga inzoga, bikaba byatumye ahitamo kwiyahura.

Umunyamabanga Nshingwabikorwa w'Umurenge wa Musanze,Twagirimana Eduard, yavuze ko bafatanyije n'inzego z'ibanze na Polisi ndetse na RIB, basanze uyu Mutwarasibo yiyahuye.

Yagize ati 'Nibyo koko twahageze batubwira ko bamusanze mu mugozi, dukorana n'inzego z'ibanze na Polisi, gusa Urwego rw'Igihugu rw'Ubugenzacyaha, RIB, rwafashe icyemezo cyo gusuzuma umurambo.”

Mu Karere ka Musanze uwari Mutwarasibo yiyahuye kubera umugore we w'umusinzi