Abaturage bivuriza ku kigo nderabuzima cya Tabagwe ndetse no ku bitaro bya Gatunda bashima Leta yabegereje aya mavuriro kuko mbere hari abivuzaga magendu (…)
Author: webrwanda
-
Kamonyi: Bumva ko hari uruganda rukora ikigage ariko bagishaka bakakibura #rwanda #RwOT
Bamwe mu baturage batuye mu karere ka Kamonyi, bavuga ko bumvise ko hari uruganda rukora ikigage ndetse rumaze iminsi, ariko ntabwo bazi niba ibivugwa koko ari ukuri. Basaba ko niba koko icyo kigage gihari bacyegerezwa, bakakibona, bakakinywa, aho kubyumva bivugwa gusa. Hari n'abakemanga ubwiza n'uburyohe bwacyo mu gihe uruganda rutakibegereza ngo bacyumve.
Mu kiganiro bamwe mu bafite amatsiko yo kubona no kunywa kuri icyo Kigage bahaye umunyamakuru wa intyoza.com, bahuriza ku kuba bumva ko mu karere ka Kamonyi hubatswe uruganda rukora ikigage, ariko kikaba kitarabageraho. Bibaza niba ari ikigage koko?
Munyankindi Dominique, avuga ko binywera izindi nzoga zikunze kunengwa ubuziranenge kuko arizo babona hafi yabo. Yagize ati' Twebwe twakagombye kunywa ikigage, ariko kuberako tutarakibona twinywera izindi nzoga zikunze kunengwa ubuziranenge kuko nizo tubona hafi yacu '.
Rurangwa Epimaque, avuga ko iki kigage cyagiye kivugwa bakacyumva ariko ko batarakibona ngo banasogongere bumve niba kimeze nk'ibyo abaturage biyengera. Yagize ati' Kiravugwa, ariko ntabwo turagisogongera ngo twumve niba kiryoshye nkuko hari abaturage babyiyengera, benga ibitandukanye ndetse bikaryoha mu buryo butandukanye'.
Mukakabera Mediatrice, avuga ko bumvise amakuru yuko hari uruganda rukora ikigage, ariko ko ari ukubyumva mu binyamakuru bivugwa n'abayobozi kuko 'sindakibona pe!'.
Yagize ati' Twumvise bavuga ko hari uruganda rukora ikigage rwubatswe muri aka karere, ariko ntabwo ibyo rukora turabibona ahubwo tubyumva mu binyamakuru bivugwaho n'abayobozi sindabasha kubona ikigage rwakoze'.
Umuyobozi w'Akarere ka Kamonyi, Dr Nahayo Sylvere avuga ko uruganda rwatangiye gukora, ariko rutarabasha guhaza isoko, ko bagomba kubaza abarukuriye kugirango bagaragaze ikibazo bagize ndetse n'ingamba zo guhaza isoko bityo abagikeneye kibagereho.
Yagize ati' Nibyo, uruganda rukora ikigage rwatangiye kugikora ndetse kinagera ku isoko, ariko ntabwo uru ruganda rurabasha guhaza isoko. Tugiye kubikurikirana tunabaze abakuriye uruganda batubwire impamvu batarabasha guhaza isoko, ahagaragara ikibazo gishakirwe ibisubizo bihamye maze abagikeneye bakibone hafi yabo'.
Akomeza avuga ko abaturage bakwiye kwihangana kuko iki kibazo kigiye gukurikiranwa kigahabwa umurongo nyawo kugirango n'abahinzi babone isoko ry'umusaruro wabo mu gihe bawejeje.
Umuyobozi w'uru ruganda rwa SPIC rukora iki kigage, Delphine Uwimana avuga ko ikigage bamaze kukigeza ahantu hatandukanye, ko abaturage bavuga ko kitarabageraho kizabageraho vuba, ko ndetse n'icyemezo cy'ubuziranenge cyabonetse mu mwaka ushize mu kwezi kw'Ukwakira 2021.
Hashize igihe uruganda SPIC ruhuriweho n'uturere tw'Intara y'Amajyepfo n'abashoramari rutangiye gukora ikigage. Abagisomyeho, bavuga ko gitandukanye n'icyo abaturage bikorera mu gihe bejeje amasaka, ko kitaryoshye. Bamwe ndetse bakavuga ko ahubwo ubushera bukorwa n'uru ruganda aribwo wumvamo icyanga cy'ubushera basanzwe bazi, ku babunyoye. Aha ni naho bamwe bahera bibaza niba kutakigeza ku isoko bitaba biterwa n'uko abagikora basanze kitaranozwa neza.
Akimana Jean de Dieu
Source : https://www.intyoza.com/kamonyi-bumva-ko-hari-uruganda-rukora-ikigage-ariko-bagishaka-bakakibura/
-
Hazaca uwambaye! Menya ahazatangirwa ibihembo… – #rwanda #RwOT
Imyiteguro y'ahazabera ibi birori igeze kure. Ndetse James uri mu bakinnyi b'imena muri iyi filime, avuga ko yiteguye kuzitwara neza muri ibi bihembo.
Uyu musore usanzwe ari umunyamakuru w'ikigo cy'Igihugu cy'Itangazamakuru (RBA), avuga ko adafite amajwi menshi mu matora ari kubera kuri Inyarwanda kuko ari no gutora bagenzi be bahatanye muri iyi filime.
Ndayirukiye Fleury ufata amashusho y'iyi filime [Umugabo wa Usanase Bahavu Jeannette], yavuze ko buri kimwe cyamaze gushyirwa ku murongo kugira ngo ibirori byo gutanga ibi bihembo bizagende neza. Ati 'Kubura ni ukanyagwa zigahera.'
Ndayirukiye yavuze ko abantu bakwiye kwitega ibishya muri ibi bihembo. Abiteramo urwenya akavuga ko azasusurutsa benshi binyuze mu kubaririmbira.
Yanavuze ko hazaba n'umwanya wo kwerekana filime zabo batunganya abantu bakunda. Avuga ko hatumiwe abantu benshi b'ibyamamare muri ibi birori.
Kwitabira ibi birori birasaba kuba ufite 'invitation' ikwemerera kwinjira, ariko kandi waranikingije Covid-19 kandi wipimishije.
Ibirori byo gutanga ibi bihembo bizarangwa no gutambuka ku itapi itukura, gutanga ibihembo n'ibindi binyuranye.
Israel Dusabimana [Papa Tracy muri filime] yavuze ko yiteguye itangwa ry'ibi bihembo, kandi 'ni ibintu twasengeye'. Anavuga ko yamaze gutegura umwambaro azambara kuri uwo munsi.
Mu majwi rurageretse! Mu cyiciro cy’abagabo [Best Actor], Aime Valens ni we uyoboye abandi n’amajwi 4,732 agakurikirwa na Israel Dusabimana ufite amajwi 4,330.
Mu cyiciro cy’abasore [Best Actor], Frank Niyonkuru ni we uri imbere n’amajwi 910 agakurikirwa na Cyprien Nteziryayo aho afite amajwi 478.
Mu cyiciro cy’abakobwa [Best Actress] Pertinah Urwibutso [Lidia] ayoboye abandi n’amajwi 3, 920 n’aho Nicole Uwase [Kelly] afite amajwi 3,602.
Esperance Uwamurera [Mama Tracy] ari imbere n’amajwi 2561 mu cyiciro ‘Best Popularity] agakurikirwa na Rehema Uwase [Tracy] ufite amajwi 2, 136.
Mu cyiciro cy’abagore [Best Actress] Justine Musabyeyezu [Tante Dorcas] afite amajwi 3, 460 agakurikirwa na Angelique Uwamaliya [Maman Kami na Keza] ufite amajwi 2, 966.
Kanda hano ubashe gutora umukinnyi ushyigikiye mu bihembo Impanga Series Awards
Mishel Rahmah, umukinnyi wa filime muri 'Impanga' yashishikarije abantu kudacikwa n'ibi bihembo
Umukinnyi wa filime Usanase Bahavu Jeannette yakanguriye abantu kwitabira itangwa ry'ibi bihemboÂ
![]()
Usanase Bahavu Jeannette yasuye inyubako ya Masterpiece [Hahoze hitwa Sar Motors] i Remera Â
![]()
Uhereye ibumoso: Urwibutso Pertinah [Lidia], Byukusenge Adeline [Noella] na Usanase Bahavu Jeannette [Kami]
KANDA HANO UMENYE BYINSHI AZAHABERAIBIRORI BYO GUTANGA IBIHEMBO 'IMPANGA SERIES AWARDS'
-
Uyu mwaka urarangira amashuri 60% afite ibikoresho by’ikoranabuhanga #Rwanda #RwOT via @kigalitoday #rwanda #RwOT
Umunyamabanga wa Leta muri Minisiteri y’Uburezi Ushinzwe Ikoranabuhanga, Imyuga n’Ubumenyi Ngiro, Claudette Irere, avuga ko umushinga wa BRITE wabashije (…)
-
Perezida Kagame yakiriwe n’Umwami wa Jordanie #Rwanda #RwOT via @kigalitoday #rwanda #RwOT
Perezida Paul Kagame kuri uyu wa Gatatu tariki 23 Werurwe 2022, yageze mu Mujyi wa Aqaba aho yakiriwe n’Umwami wa Jordanie, Abdullah II, ni mbere y’inama (…)
-
Miliyari 2,5 Frw zigiye gushorwa mu kuzamura inganda zitunganya ibikomoka ku buhinzi n'ubworozi – #rwanda #RwOT
Binyuze muri aya masezerano yasinywe kuri uyu wa 23 Werurwe 2022, NIRDA izashora miliyoni 2,3 z'Amayero ni ukuvuga akabakaba miliyari 2,5Frw, yatanzwe nk'inkunga y'Ikigo cy'Ababiligi gishinzwe Iterambere, Enabel.
Inganda zizungukira muri ubu bufatanye ni izongerera agaciro ibikomoka ku buhinzi n'ubworozi ndetse n'izikora ibikomoka ku bwubatsi (amabuye n'ibumba)
Abemerewe gusaba kuri iyi nguzanyo ni abafite inganda zitunganya ibikomoka ku buhinzi n'ubworozi, nk'ibikomoka ku nkoko, ingurube n'ibindi.
Inganda zizahabwa ayo mafaranga azifasha kugura imashini zigezweho n'ibindi bikoresho, kongera igishoro ndetse no kwagura ibikorwa byazo.
Muri rusange uruganda ruzajya rugaragaza umushinga warwo mu kigo cy'imari icyo aricyo cyose by'umwihariko Umurenge Sacco, hanyuma urwujuje ibisabwa ruhabwe inguzanyo habeho igabanyirizwa rya 8% ku nyungu y'inguzanyo.
Umuyobozi Mukuru wa BRD, Kampeta Sayinzoga yavuze ko inganda zizabasha kubona inguzanyo ihendutse bityo bakabasha kwiteza imbere.
Ati 'Bizatuma abakora muri ibyo bikorwa babasha kubona inguzanyo itabahenze, murabizi ko inguzanyo yo mu Rwanda iracyahenze.”
Yakomeje agira ati “Rero ku bufatanye bwa Leta y'Ababiligi, aba banyenganda bazabasha kubona ubufasha mu by'ikoranabuhanga cyangwa ubumenyi ariko babafashwe kubona amafaranga yaba ay'igishoro cyangwa kugura ibikoresho.'
Kampeta yashimye Enabel, avuga ko yaje gutera inkunga ibikorwa biri muri gahunda leta yari isanzwe ifite yo guteza imbere inganda nto n'iziciriritse by'umwihariko izitunganya ibikomoka ku buhinzi n'ubworozi.
Umuyobozi Mukuru wa NIRDA, Dr Christian Sekomo Birame, yavuze ko aya mafaranga azafasha inganda gukemura ibibazo by'amikoro n'imashini zitajyanye n'igihe.
Ati 'Dushaka gufasha inganda zacu gutera imbere ariko tukabanza kumenya ibibazo zifite. Ikibazo cya mbere ni ikijyanye n'uko zifite imashini zishaje,zitajyanye n'ikoranabuhanga rigezweho ari nazo zituma umusaruro uba muke.'
Yakomeje agira ati 'Icyo dukora rero ni ukubafasha kubona izo mashini no kureba niba ibyo bakora byujuje ubuziranenge, kuko ikintu cyose ugiye kujyana ku isoko kigomba kuba cyujuje ubuziranenge, tukigurishe mu gihugu imbere ariko tunasagurire amasoko mpuzamahanga.'
Umuyobozi Mukuru wa Enabel mu Rwanda, Dirk Deprez yavuze ko guteza imbere inganda zitunganya n'izongerera agaciro ibikomoka ku buhinzi n'ubworozi bifasha mu iterambere rya benshi ndetse bikanatanga imirimo.
Umuyobozi Mukuru wa NIRDA, Dr Christian Sekomo Birame n’Umuyobozi Mukuru wa BDR, Kampeta Sayinzoga ubwo bashyiraga umukono ku masezerano
Umuyobozi Mukuru wa NIRDA, Dr Christian Sekomo Birame, yavuze ko inganda zigiye gufashwa kubona imashini zigezweho
Umuyobozi Mukuru wa Enabel mu Rwanda, Dirk Deprez yavuze ko bishimiye gutanga umusanzu mu guteza imbere inganda nto n’iziciriritse
-
Nyamirambo: Batuye Umuvunyi uruhuri rw'ibibazo bibugarije byiganjemo iby'ubutaka – #rwanda #RwOT
Kuri uyu wa Kabiri tariki ya 22 Werurwe 2022, nibwo aba baturage bagejeje ku Nirere Madeleine ibyo bibazo bibugarije muri gahunda Urwego rw'Umuvunyi rumazemo amezi agera kuri atatu rukora ubukangurambaga bwo kurwanya akarengane no kumva ibibazo by'abaturage.
Bimwe mu bibazo ab'i Nyamirambo bagaragaje birimo iby'ubuharike binakunze guteza amakimbirane mu miryango, iby'imanza zabayemo akarengane, ibyubutaka n'ibibazo by'abadafite aho kuba.
Ishimwe Julienne w'imyaka 30 utuye, yavuze ko we na bagenzi be 20 baguze ubutaka bw'uwitwa Kaberuka Philemon nta noteli uhari ngo bakorane amasezerano y'ubugure ku buryo nyuma bagiye kubwandikisha basanga atarabusoreraga arimo amadeni asaga miliyoni 35 Frw.
Uyu muturage yaboneyeho gusaba umuvunyi mukuru kubakorera ubuvugizi kugira ngo uwo mugabo baguriye ubutaka abashe gusorera ubwo butaka yagurishije.
Undi yakomeje agira ati 'Mfite ikibazo cy'irage ryanjye mba mu nzu ya data wacu witabye imana ariko nta cyangombwa, ubuyobozi bwarakinyimye bumbwira ko izo nzu zitazungurwa bunyima icyangombwa cy'ubutaka.'
Aganira n'itangazamakuru, Umuvunyi Mukuru yavuze ko umwaka washize muri raporo Urwego rw'Umuvunyi rwakoze rwanashyikirije Inteko Inshinga Amategeko igaragaza ko urwego ayobora rwakemuye ibibazo by'abaturage ku gipimo cya 87%.
Yagize ati 'Ikigaragara ni uko hari ibibazo byinshi birimo iby'ubutaka n'iby'imbibi, aho usanga bafite ibyangombwa ariko ugasanga ubutaka bwagiye bwinjira mu bundi bikaba biba bisaba gukosoza ariko igisabwa n'uko abashinzwe ubutaka bagomba kubikosora kubera ko bitakorwa n'ubuyobozi.'
Yongeyeho ko basanze i Nyamirambo hari n'ibibazo bikomoka ku gushaka abagore benshi n'izungura ku buryo hagaragara abana benshi kandi umutungo ari muke.
Yakomeje avuga ko bihaye intego yo gukemura ibibazo by'abaturage ku gipimo cya 98% anashimangira ko ikibazo cy'ubutaka n'icy'izungura ari byo bikunda kugaruka kenshi.
Abaturage bitabiriye iyi gahunda yo guhura n’Umuvunyi Mukuru ari benshi
Bagaragaje ko bafite ibibazo bitandukanye byiganjemo ibijyanye n’ubutaka
Umuvunyi Mukuru, Nirere Madeleine yakiraga ikibazo cya buri muturage agatanga umurongo w’uko gikwiye gukemurwa -
Abayobozi b'inzego z'ibanze barenganya abaturage ntibazihanganirwa-Umuvunyi #rwanda #RwOT
Urwego rw'umuvunyi ruravuga ko rutazihanganira abayobozi b'inzego z'ibanze barenganya abaturage amakosa akitirirwa Leta, kandi abaturage bazi ko Leta ari umubyeyi igomba kubafasha.
Mu bukangurambaga bwo gukumira no kurwanya akarengane na Ruswa mu turere tugize umujyi wa Kigali, Urwego rw'umuvunyi rurakangurira abaturage kujya batanga amakuru yaho barenganyijwe, kuko ari uburenganzira bwabo bagahabwa ubutabera.
Umuvunyi mukuru wungirije Mukama Abbass, aravuga ko batazihanganira abayobozi b'inzego z'ibanze barenganya abaturage amakosa akitirirwa Leta
Ati 'Ntidushaka umuyobozi uzitwara nabi atume umuturage yumva ko ari Leta iri kubikora, ibyo ntitwabyemera tubahaye gasopo. Ibyo twifuriza abaturage ni iterambere n'imibereho myiza, ni yo mpamvu nta muyobozi ukwiye kujya akorera amakosa umuturage. Umuturage wumva ko Leta imufasha bumve ko ari yo yamurenganyije.'
Ku ruhande rwa bamwe mu baturage baganiriye n'itangazamakuru rya Flash batuye mu Kagari ka Rusheshe mu Murenge wa Masaka, bavuga ko ibibazo bafite ahanini byiganje mu kudahabwa ibyangombwa by'ubutaka, kandi bafite ibisabwa bagasiragizwa n'inzego z'ibanze.
Barasaba ko bajya barenganurwa, kuko abayobozi b'inzego z'ibanze babasiragiza bakoresheje ikimenyane.
Mujawamariya Anonciata utuye mu mudugudu wa Ayabaraya yagize ati 'Nageze mu buyobozi nta gisubizo bigeze bampa, njya ku mujyi wa Kigali ntibagira icyo babikoraho nyuma bansaba numero y'urubanza mburana ubutaka byose ndabikora. Ikibazo n'aho ngiye hose mu buyobozi bw'inzego z'ibanze nta gisubizo bampa.'
Yunzemo agira ati 'Nko ku kagari niriwa mpasiragira mbereka ibimenyetso bigaragaza ko ubutaka ari ubwanjye, ariko ntibigire icyo bitanga. Nanabasabye kuza aho ntuye ngo babaze abaturage ko ubutaka ari ubwange, nta gisubizo nahawe, ni ukuri ndasaba ngo bandenganure.''
Umuyobozi Nshingwabikorwa w'Akarere ka Kicukiro Madame Umutesi Solange, aravuga ko itangwa ry'ibyangombwa by'ubutaka bigenda  biguru ntege bigiye kongerwamo imbaraga.
Yagize ati 'Twakoze uko dushoboye duhabwa n'inkunga n'ikigo cy'igihugu cy'ubutaka kugira ngo tworoshye tunihutishe serivisi z'ibyangombwa by'ubutaka, abaturage bakenera aho bari baduhaye abakozi badufasha. Numva icyo tugiye gukora tugiye gukosora serivisi zitanoze, kuko mu minsi yashize umuturage yasabaga icyangombwa cy'ubutaka akarara agitahanye. Igikenewe ni ukongera  kuvugura imitangire ya serivisi mu bijyaneye n'ibyangombwa by'ubutaka.'
Mu cyegeranyo giheruka gukorwa na Transparancy International, u Rwanda rwaje ku mwanya wa 48 mu bihugu birimo ruswa nkeya ku Isi, rukaba urwa kane muri Afurika ndetse n'urwa mbere muri Afurika y'Iburasirazuba.
AGAHOZO Amiella
The post Abayobozi b'inzego z'ibanze barenganya abaturage ntibazihanganirwa-Umuvunyi appeared first on FLASH RADIO&TV.
-
Masudi yakoze ikosa rikomeye ryatumye yirukanwa-Rayon Sports #rwanda #RwOT
Ikipe ya Rayon Sports yatangaje ko idatewe ubwoba n'ikirego cya Masudi uyisaba akayabo ka miliyoni 58 kubera ko yamwirukanye bidakurikije amategeko kuko yakoze ikosa riremereye mu kazi ryagombaga kumwirukanisha.
Mu kiganiro Umuvugizi wa Rayon Sports,Nkurunziza Jean Paul,yatangaje ko birukanye Masudi kubera ikosa rikomeye cyane yakoze mu kazi ndetse ngo biteguye kuzaburana nawe.
yagize ati“Iyo umuntu atanze ikirego n'ibyifuzo bye ntabwo ariko bihita bifatwaho umwanzuro na Rayon Sports izahabwa umwanya wo kwisobanura.
Ibyo aribyo byose Rayon Sports n'ikipe ikomeye ,twagiye twigira mu masomo menshi y'abatoza n'abandi batandukanye bagiye baturega.Ubu navuga ko tutakora ikosa ryo kwirukana umukozi udafite koko impamvu zifatika zatuma yirukanwa.
Masudi Juma ntabwo yazize umusaruro muke gusa ahubwo yazize kuba yarakoze icyo bita “Faute lourde”,ikosa ritihanganirwa mu kazi.Ntabwo yarikoze rimwe,kabiri cyangwa 3 ariko niba babyishyiriye hanze tuzagenda tubisobanura bitandukanye nka Rayon Sports.
Turiteguye kandi dufite ibimenyetso bifatika ntabwo twagiye kumusezerera tudafite impamvu zumvikana.”
Uyu muvugizi yavuze ko ikirego cya Kayiranga Baptiste cyo kumwishyura miliyoni 20 FRW bakirangije ndetse bamaze kumvikana.
Rayon Sports ntabwo iri mu bihe byiza muri shampiyona kuko ikomeje kutabona amanota ndetse ikaba iri ku mwanya wa 5 n'amanota 35 mu mikino 22.Irushwa n'ikipe ya mbere amanota 15.
Masudi usigaye atoza ikipe ya Dodoma Jiji FC yo muri Tanzania, yasinye imyaka 2 nk'umutoza wa Rayon Sports tariki ya 26 Nyakanga 2021 hanyuma tariki ya 7 Ukuboza 2021 yaje guhabwa ibaruwa imuhagarika mu kazi ke mu gihe cy'ukwezi arimo akorwaho iperereza.Tariki ya 6 Mutarama 2022 yaje guhabwa ibaruwa isesa amasezerano ye burundu.
Maître Safari Ibrahim uhagarariye Masudi mu mategeko,yandikiye FERWAFA kuwa 14 Werurwe 2022, ko baregera ibintu 3 ari byo amafaranga ya recruitment, ibirarane by'imishahara ndetse n'igihembo cy'umwavoka (avocat).
Yasabye FERWAFA kureba niba impamvu zashingiweho haseswa amasezerano zifite ishingiro cyane ko yanirukanywe nta n'integuza nk'uko biteganywa n'amategeko.
Bakaba basaba ko Masudi yahabwa miliyoni 2 z'amafaranga y'u Rwanda nk'integuza, miliyoni 2 nk'umushahara w'ukwezi k'Ukuboza 2021.
Indishyi zo gusesa amasezerano nta mpamvu ziteganywa n'amasezerano. Aha arishyuza amezi 20 yari asigaje ku masezerano ye ahwanye na miliyoni 40 kuko yahembwaga miliyoni 2 ku kwezi.
Indishyi zo gusesa amasezerano nta mpamvu zingana na miliyoni 12, igihembo cy'umwunganira mu mategeko kinga na miliyoni 2, amafaranga yose aregera ni miliyoni 58 z'amafaranga y'u Rwanda.
-
Ibya Ndimbati byafashe indi Ntera , Yagejejwe Imbere y’Urukiko #rwanda #RwOT
Ndimbati yatawe muri yombi tariki 10 Werurwe 2022, nyuma y’amakuru yacicikanye ku mbuga nkoranyambaga no mu binyamakuru binyuranye ko hari umukobwa yasambanyije abanje kumusindisha, akamutera inda bakabyarana impanga z’abana babiri.
Uyu mukinnyi wa Film umaze kugira abakunzi benshi mu Rwanda, yagejejwe imbere y’Urukiko rw’Ibanze rwa Nyarugenge kugira ngo aburane ku ifunga n’ifungurwa by’agateganyo.
Mu mashusho yatambutse ku mbuga nkoranyambaga nka YouTube, umubyeyi witwa Kabahizi Fridaus, yatangaje ko yasambanyijwe na Ndimbati atarageza imyaka y’ubukure 18, ubwo bahuraga amwizeza kuzamufasha kwinjira mu mwuga wo gukina Film ariko akaza kumujyana muri lodge abanje kumunywesha inzoga ubundi bakararana.
Uyu Kabahizi Fridaus wagaragazaga n’abana babiri b’impanga yabyaranye na Ndimbati, yavugaga ko ubwo yararanaga na Ndimbati, byaje kumuviramo gusama akaza no kubyara izi mpanga, akaza no kujya abafasha ariko ko nyuma yaje kubatererana.
Ndimbati na we wari wagize icyo avuga kuri ibi yavugwagaho, yari yatangaje ko asanzwe afasha uyu mugore n’abana yabyabye gusa akavuga ko afite ibimenyetso byinshi ko yaje ari kuri misiyo yo kumuhindanyiriza isura muri rubanda.
Uyu mukinnyi wa Film wavugaga ko iki kibazo kizakemurwa binyuze mu nzira z’amategeko, yavugaga ko atanizeye neza ko aba bana b’uyu mugore ari abe koko.
