Author: webrwanda

  • Undi mukobwa w’ikizungerezi yitabye Imana azize uburwayi – YEGOB #rwanda #RwOT

    Umukobwa witwa UWINGABIRE Chantal yitabye Imana azize kanseri yo mu maraso nyuma y'igihe kitari gito arwaye.

    Chantal yaraye yitabye Imana mu bitaro bya Nyamata aho yari amaze iminsi arwariye kanseri yo mu maraso.

    Uyu mukobwa yari amaze gihe kinini asaba ubufasha bwo kujya kwivuza iyi kanseri mu gihugu cy'ubugande, gusa ariko yitabye Imana atari yabona ubufasha buhagije.

    IWINGABIRE Chantal yitabye Imana akiri muto kubera ko yapfuye afite imyaka 26 y'amavuko, aho yazize kanseri yo mu maraso yari amaranye igihe kinini.

    Source : https://yegob.rw/undi-mukobwa-wikizungerezi-yitabye-imana-azize-uburwayi/

  • Yannick Mukunzi mu byishimo bikomeye n’umuryango we #rwanda #RwOT

    Umukinnyi mpuzamahanga w’umunyarwanda ukinira ikipe ya Sandvikens IF muri Sweden, Yannick Mukunzi ari mu byishimo bikomeye nyuma y’uko we n’umugore we bibarutse ubuheta.

    Mu mpera z’icyumweru gishize, nibwo umugore wa Yannick Mukunzi, Iribagiza Joy yahishuye ko yibarutse, ni ku ifoto yashyize ku rukuta rwe rwa Instagram atwite maze iherekezwa n’amagambo agira ati “Imana irabikoze na none. Urakoze Mana ku bw’imigisha ya we yose, ikuzo ribe iryawe ubu n’iteka ryose.”

    Yannick Mukunzi yifashishije urukuta rwe rwa Instagram, yaboneyeho na we atakagiza umugore we, amwibutsa ko amukunda.

    Ati “Uyu munsi ndashaka kugushimira ko wambereye umugore. Ubwiza bwawe bushongesha umutima wanjye. Ndagukunda cyane.”

    Iribagiza Joy na we yahise amusubiza ko ahora ashimira Imana yo yabahuje ndetse igaharura n’inzira zabo.

    Ati “Uri byose byanjye, warakoze kuba uwo uri we no kumbera umwunganizi muri iyi si. Mu by’ukuri nshimira Imana kuba yaratunganyije inzira zacu. Nshima Imana ku bwawe buri munsi. Ndagukunda cyane. “

    Yannick Mukunzi na Iribagiza Joy basigaye batuye muri Sweden aho Yannick akina, yimuye umuryango we muri Mata 2021. Bari basanzwe bafitanye umwana w’umuhungu Mukunzi Ethan wavutse muri 2016.

    Bari basanzwe bafitanye umwana w’umuhungu none umuryango wagutse

    Source : http://isimbi.rw/imyidagaduro/article/yannick-mukunzi-mu-byishimo-bikomeye-n-umuryango-we

  • Dore abakinnyi Rayon Sports izongeramo ndetse n’amafaranga bazatwara – YEGOB #rwanda #RwOT

    Kuri iki Cyumweru tariki ya 1 Gicurasi 2022 kuri Grazia Apartment Hotel, habereye inama nyunguranabitekerezo y'Umuryango wa Rayon Sports.

    Muri iyi nama yari yitabiriwe n'abahagarariye fan clubs, bamwe mu bayoboye Rayon Sports n'ababaye hafi yayo mu bihe bitandukanye, haganiriwemo ingingo zitandukanye by'umwihariko ku bijyanye no kurushaho kubaka ikipe yabo; bongeramo amaraso mashya.

    Ubuyobozi bwa Rayon Sports bwagaragarije abitabiriye inama, umubare w'abakinnyi iyi kipe yifuza kongeramo, abo yifuza kongerera amasezerano ndetse n'amafaranga bizatwara.

    Dore imbonerahamwe igaragaza abakinnyi Rayon Sports yifuza kongeramo ndetse n'amafaranga bizatwara:

    Kugura abakinnyi bashya no kongerera amasezerano abahasanzwe, bizatwara agera kuri miliyoni 185

    Muri iyi nama kandi abayitabiriye bahise bakusanyiriza hamwe miliyoni 39 z'amanyarwanda ndetse n'ibihumbi 3 by'amadorali.

    Nubwo ariko yari inama yatumiwemo abayoboye Rayon Sports bose, hari bamwe mubayiyoboye batayigaragayemo nka Paul Muvunyi, Gacinya Chance Denys, Munyakazi Sadate, Paul Ruhamyambuga n'abandi.

    Source : https://yegob.rw/dore-abakinnyi-rayon-sports-izongeramo-ndetse-namafaranga-bazatwara/

  • Ikipe ya Rayon Sports yabonye akayabo k’amafaranga ihita isezera ku bukene – YEGOB #rwanda #RwOT

    Mu nama nyungurana bitekerezo yahuje abayobozi ba Rayon Sports ndetse n'ababana n'iyi kipe hakusanyijwe akayabo k'amafaranga azifashishwa n'iyi kipe.

    Kuri iki cyumweru tariki ya 1 Gicurasi 2022, nibwo habaye inama nyunguranabitekerezo aho yari yobowe na Perezida wa Rayon Sports UWAYEZU Jean Fidele.

    Intego y'iyi nama yari ukungurana ibitekerezo, harebwa icyakorwa ngo iyi kipe y'abafana benshi hano mu Rwanda igaruke mu bihe byiza yahozemo.

    Muri iyi nama kandi hakusanyijwe amafaranga agera kuri miliyoni 43 z'amanyarwanda, aya mafaranga azafasha iyi kipe kuzagura abakinnyi bashya.

    Ikipe ya Rayon Sports yiteguye gushora amafaranga menshi ku isoko ryo muri iyi mpashyi igiye kuza, aho bagomba kugura abakinnyi b'inkorokoro.

    Source : https://yegob.rw/ikipe-ya-rayon-sports-yabonye-akayabo-kamafaranga-ihita-isezera-ku-bukene/

  • Rutahizamu wa Apr Fc n’umugore we bari kwitegura kwibaruka umwana wabo wa mbere (Amafoto) – YEGOB #rwanda #RwOT

    Umukinnyi wa APR FC ukina asatira BYIRINGIRO Lague n'umugore we UWASE Kelia bari kwitegura kwibaruka umwana wabo wa mbere.

    Ibi babitangaje babinyujije kuri Instagram ya BYIRINGIRO Lague, aho yashyizeho amashusho we n'umugore we bari kubyina berekana ku nda.

    Muri ayo mashusho baba bari kubyina imwe mu ndirimbo zigezweho hano mu Rwanda, aho bayibyina bari muri saloon y'inzu y'abo.

    Nubwo bacaye amarenga ko bagiye kwibaruka ntago batangaje igihe bazibarukira ndetse ntaga bahishuye igitsina cy'umwana bagiye kwibaruka.

    BYIRINGIRO Lague na UWASE Kelia bashakanye mu mpera z'umwaka ushize tariki ya 8 Ukuboza 2021 nyuma y'igihe kitari gito bari bamaze bakundana.

    Source : https://yegob.rw/rutahizamu-wa-apr-fc-numugore-we-bari-kwitegura-kwibaruka-umwana-wabo-wa-mbere-amafoto/

  • Umuzamu wa Etoile de l'est akomeje kuvugisha abatari bake – YEGOB #rwanda #RwOT

    Kuri uyu munsi nibwo habaye umukino APR fc yatsinzemo Etoile d'est ibitego bitatu kuri kimwe (3-1).

    Ni umukino umuzamu wa Etoile de l'est yahaye abakinnyi ba APR fc imipira ibiri yavuyemo ibitego ibintu bikomeje kutavugwaho rumwe n'abakunzi ba ruhago nyarwanda.

    Benshi mu bakunzi ba shampiyona y'u Rwanda bakomeje kwemeza ko umuzamu wa Etoile de l'est yakoze amakosa akomeye biganisha ikipe ye mu mazi abira dore ko ishobora kumanuka .

    Source : https://yegob.rw/umuzamu-wa-etoile-de-lest-akomeje-kuvugisha-abatari-bake/

  • Abavoka basabwe guhashya abagipfobya Jenoside yakorewe Abatutsi – #rwanda #RwOT

    Ni ubutumwa yatanze mu gikorwa cyo kwibuka ku nshuro ya 28 Jenoside yakorewe Abatutsi by'umwihariko abari abavoka bishwe muri icyo gihe.

    Dr. Nteziryayo yagaragaje ko Politiki yari iriho y'ivangura mu byerekeye urwego rw'ubutabera aho Abanyarwanda b'Abatutsi bahezwaga mu nzego zitandukanye z'ubutabera na bake bari barimo bashyirwagaho igitutu gikomeye.

    Yavuze ko abanyamategeko kuri ubu bafite akazi gakomeye ko guharanira ko urwego rw'Ubutabera rukomeza kuba nta makemwa mu Rwanda no ku ruhando mpuzamahanga.

    Yagize ati 'Abanyamategeko turi hano dufite inshingano ikomeye, uko inzego zitandukanye zihurira ku runana rw'ubutabera cyane cyane urugaga rw'abavoka nk'urwego rwibutse abari abavoka. Dufasha igihugu cyacu kubaka umuco w'igihugu kigendera ku mategeko kandi kiyubahiriza kuri buri wese nta vangura iryo ari ryo ryose.'

    Yagaragaje ko nyuma ya Jenoside yakorewe Abatutsi hari hakwiye kwishimira intambwe ikomeye yatewe mu kwiyubaka kugira ngo abakekwaho icyaha cya Jenoside yakorewe Abatutsi bakurikiranwe no gukomeza guhangana n'abahakana n'abapfobya Jenoside.

    Yavuze ko Urwego rw'Ubucamanza rufatanyije n'izindi nzego zitandukanye ruzakomeza gutanga umusanzu no guharanira kubaka iguhugu kizira akarengane kandi hubahirizwa uburenganzira bwa buri wese.

    Yagaragaje ko nubwo abantu batinya Urugaga rw'Abavoka bifite ishingiro kuko bagaragaza ukuri ari naho yahereye abasaba kugukoresha mu kubaka inzego zihamye z'ubutabera.

    Ati 'Mpora nizera ko uko kuri muzajya muguharanira kugira ngo igihugu cyacu gikomeze guhamya ibirindiro mu kubaka ubutabera bukibereye.'

    Yasabye ko mu gihe cyo kwibuka Jenoside yakorewe Abatutsi, by'umwihariko abakoraga mu nzego z'ubutabera bakwiye kumva ko bari abantu b'intangarugero kandi na bo bagaharanira kugera ikirenge mu cyabo.

    Umwe mu batangabuhamya yavuze ko abari Abavoka mbere ya Jenoside bahuye n'ibibazo bikomeye birimo no kwirukanwa mu mashuri bakiri bato kuko bari Abatutsi.

    Yagaragaje ko mbere y'uko Jenoside iba hari ubwo bamwe bafatwaga bitwa ibyitso by'inkotanyi bakabakubita ku buryo babamugaza cyangwa bakabafunga.

    Yavuze ko ivangura ryatangiriye no ku bantu batangiye kugura imodoka kuko no kuri nomero iyiranga bayitangaga bakurikije agace uyiguze abarizwamo.

    Umuyobozi w'Urugaga rw'Abavoka mu Rwanda, Me Nkundabarashi Moïse, yavuze ko igihe cyo kwibuka ari icyo kongera gutekereza ko ibijyanye no gushyiraho inzego zibereye z'ubutabera atari ko byahoze.

    Yagaragaje ko hageragejwe kenshi gushyiraho urugaga ariko ubuyobozi bwariho bukavuga ko byakwemerwa gusa ribaye Ishami rya MRND kandi ari ibintu bitabaho aho ariho hose ku Isi kuko nta rugaga rw'abanyamwuga rushobora kuba ishami ry' ishyaka rya politiki.

    Yavuze ko kumenya ayo mateka byabafashije kwirinda ko ibyabaye byazongera kuba ari na wo murage ukomeye bakwiye gusigira abazabakomokaho.

    Me Nkundabarashi yasabye abavoka bagenzi be gukorana neza mu rwego rwo guhesha ishema umwuga wabo no guharanira guteza imbere ubutabera bw'u Rwanda.

    Kugeza ubu Urugaga rw'Abavoka mu Rwanda rumaze imyaka 25, rubarizwamo abavoka 1515 bagizwe n'abavoka bakuru 1233 n'abandi barimo abari kwimenyereza uwo mwuga.

    Perezida w’Urukiko rw’Ikirenga, Dr Faustin Ntawukuriryayo, yasabye abavoka guharanira ko ubutabera bugera kuri bose

    Hacanwe urumuri rw’icyizere, Abavoka basabwa guharanira ko habaho ubutabera kuri bose

    Abavoka basabwe gukomeza guharanira ukuri mu kazi kabo ka buri munsi

    Umuyobozi w'Urugaga rw'Abavoka mu Rwanda, Me Nkundabarashi Moïse, yasabye bagenzi be guharanira guhesha ishema umwuga wabo

    Bashyize Indabo ku mva rusange nk’ikimenyetso cyo kubaha icyubahiro

    Abari abavoka bishwe muri Jenoside yakorewe Abatutsi bunamiwe, banahabwa icyubahiro


    Source : http://igihe.com/amakuru/u-rwanda/article/abavoka-basabwe-guhashya-abagipfobya-jenoside-yakorewe-abatutsi

  • Huye: Ku Munsi w'Umurimo, Abanyonzi basabye gukurirwaho ibizitira imikorere yabo – #rwanda #RwOT

    Babivuze kuri iki Cyumweru, tariki ya 1 Gicurasi 2022, ubwo bizihizaga Umunsi Mpuzamahanga w'Umurimo.

    Mu byo aba banyonzi bishimira bagezeho harimo kuba barabashije kwigurira ishyamba n'umurima by'asaga miliyoni 9 Frw.

    Habyarimana Théophile yavuze ko yatangiye umwuga wo gutwara abantu n'ibintu ku igare mu 1996 kandi amaze kugera kuri byinshi birimo inzu yubatse, ashaka umugore ndetse akaba yoroye n'amatungo.

    Yishimira ko mbere koperative yabo yari iyobowe nabi ariko nyuma yaho batoye komite nshya, hari byinshi imaze kubagezaho muri rusange.

    Yagize ati 'Mbere twamaze imyaka irenga 10 tuyobowe na komite itagira ibikorwa itugezaho ariko mu mwaka umwe tumaranye n'iyi komite nshya tumaze kwigurira ishyamba n'umurima kandi turabyishimiye dukomeje iterambere. Kuri uyu munsi w'umurimo ndishimye kandi twese twishimiye kuza kureba ibikorwa by'iterambere bya koperative yacu.'

    Uwizerwa Mafubo Liberatha na we yavuze ko imiyoborere myiza basigaye bafite muri koperative yabo yabafashije gukora neza kandi bishimira ibyo bamaze kugeraho mu gihe gito.

    Ati 'Ubu mbasha kubona mituweli, isabune n'ibyo kurya mbikesha igare kandi nkaba nshimira ubuyobozi bwadufashije gushyiraho komite ituyoboye neza kuko murabona ko mu mwaka umwe ibyo imaze kutugezaho kandi twaramaze imyaka irenga 10 nta bikorwa bifatika tugeraho kubera imiyoborere yari mibi.'

    Abanyonzi baganiriye na IGIHE bose bahuriza ku byiza byo kuba muri koperative, bagasaba bagenzi babo na bo kugira umuco wo gukorera hamwe ariko bakita ku kwitorera abayobozi beza bazaharanira iterambere rusange nta munyamuryango basize inyuma.

    Habyarimana Emmanuel ati 'Abantu bataba muri koperative ndabakangurira kuyizamo kuko hari benshi babonye turi gukora neza baraza dukorera hamwe.'

    Umuyobozi wa Koperative Intumwa za Huye, Umurerwa Emerance, yavuze ko bagihabwa inshingano z'ubuyobozi bashyize ingufu mu gukemura ibibazo birimo amadeni no guha abanyonzi nimero, bakurikizaho kubatoza kuzigama kugira ngo bagere ku iterambere.

    Ati 'Twasanze umunyamuryango atagira umugabane shingiro none ubu mu mwaka umwe tumaze, imibare itwereka ko buri munyamuryango mu bantu 600 afite uw'ibihumbi 17 Frw. Ikindi ni uko twicara tukajya inama y'ibikorwa tugomba gukora biduteza imbere.'

    Mu mitungo bamaze kugura harimo ishyamba ry'asaga miliyoni 2 Frw ndetse n'isambu y'asaga miliyoni 7 Frw.

    Bagaragaje imbogamizi bagifite

    Zimwe mu mbogamizi bagifite bifuza gukurirwaho ni ukutagira ahantu hahagije baparika amagare.

    Indi mbogamizi bafite ni uko abenshi muri bo bagizweho ingaruka n'icyorezo cya Covid-19 kibateza ubukene, mu gihe batakoraga bagurisha amagare yabo ku buryo kuri ubu ayo bakoresha bisaba kuyakodesha.

    Umurerwa ati 'Dufite aho guparika amagare hakeya ku buryo tubashije kubona henshi twakwinjiza umusaruro bikarushaho kuba byiza. Ikindi ni uko dukeneye abaterankunga badufasha kubona amagare.'

    Umuyobozi w'Akarere ka Huye wungirije ushinzwe Iterambere ry'Ubukungu, Kamana André, ashingiye ku iterambere koperative Intumwa za Huye iri kugenda igeraho kubera imiyoborere myiza, yasabye n'abandi kugira umuco wo gukorera hamwe.

    Ati 'Kuba bakorera hamwe ni byo bizatuma no kwizigama bishoboka bagere ku iterambere bifuza kandi bateze imbere n'igihugu cyacu.'

    Yabijeje ko imbogamizi bahura na zo bazakomeza gufashwa kuzikuraho nk'uko byagenze mu kubafasha gushyiraho ubuyobozi bwa koperative bwiza.

    Umunsi Mpuzamaganga w'Umurimo muri uyu mwaka ufite insanganyamatsiko igira iti “Ahazaza h'Umurimo, Intego dusangiye.”

    Ibyo bagezeho bavuga ko babikesha gukorera hamwe mu bwubahane

    Bishimiye ishyamba biguriye bavuga ko bamaze kumenya ibyiza byo kwizigama

    Bishimira ko komite y’ubuyobozi bitoreye ibafasha kugera kuri byinshi byiza

    Bavuga ko umwuga bakora wo gutwara abantu n’ibintu ubafasha byinshi mu mibereho

    Basabwe gutanga serivisi nziza no kurangwa n’ikinyabupfura

    Basabwe gukomeza gukorana umurava bagamije iterambere

    Bakora akazi ko gutwara abantu n’ibintu mu Karere ka Huye

    Abanyonzi b’i Huye bizihije Umunsi w'Umurimo bishimira ibyo bamaze kugeraho

    Abanyonzi bo mu Karere ka Huye bibumbiye muri Koperative Intumwa za Huye

    Umuyobozi wa Koperative Intumwa za Huye, Umurerwa Emerance, yavuze bajya inama y’ibyo bagomba gukora bibateza imbere

    [email protected]


    Source : http://igihe.com/amakuru/u-rwanda/article/huye-ku-munsi-w-umurimo-abanyonzi-basabye-gukurirwaho-ibizitira-imikorere-yabo

  • #COVID19: Abantu bane ni bo banduye ku Cyumweru #Rwanda #RwOT via @kigalitoday #rwanda #RwOT

    Minisiteri y’Ubuzima (MINISANTE) iratangaza ko ku Cyumweru tariki 01 Gicurasi 2022 mu Rwanda habonetse abantu bane banduye Covid-19, bakaba babonetse mu (…)

    Source : https://www.kigalitoday.com/ubuzima/indwara/article/covid19-abantu-bane-ni-bo-banduye-ku-cyumweru