Author: webrwanda

  • Inkuru nziza ku bafana bose b’ikipe ya Rayon Sports FC – YEGOB #rwanda #RwOT

    Umuvugizi w'ikipe ya Rayon Sports FC, Nkurunziza Jean Paul, yavuze ko mu mwaka utaha wa 2023 ikipe ya Rayon Sports FC izazana ikipe ya Rayon Sports women football Club. Ibi Jean Paul yabitangarije mu kiganiro Sports Plateau gica kuri Radio 95.3 B&B FM Umwezi aho yari yatumiwe nk'umutumirwa muri iki kiganiro.

    Ikipe ya RAYON SPORTS izazana ikipe ya Rayon Sports women football Club umwaka utaha wa 2023

    Source : https://yegob.rw/inkuru-nziza-ku-bafana-bose-bikipe-ya-rayon-sports-fc/

  • Ibyo wamenya kuri wa mwana wo mu biryogo wahobeye Perezida Kagame [AMAFOTO] #rwanda #RwOT

    Ku munsi w'ejo ku cy'umweru ku ya 1 Gicurasi nibwo ku mbuga nkoranyambaga hasakaye amashusho n'amafoto y'umwana muto wabonye Perezida Paul Kagame akirukanka ajya kumuhobera undi na we amwakirana ubwuzu bwinshi.

    Uyu mwana yitwa Mugisha Ally akaba umuhungu wa Mukakamali Kurusumu batuye mu Karere ka Nyarugenge, mu Murenge wa Nyarugenge mu Kagari ka Biryogo, umudugudu wa Biryogo.

    Umubyeyi w'uyu mwana aganira na ISIMBI TV yavuze ko uyu umwana we akunda Perezida Kagame , yahoraga yifuza guhura na we ndetse akaba akunda no kuvuga ko papa we ari Perezida ngo nakura azaba nka we cyangwa abe umusirikare.

    Ku munsi w'ejo Perezida Kagame akaba yaratembereye mu Mujyi wa Kigali muri Siporo rusange (Car Free Day) ndetse agera no muri Biryogo, nibwo uyu mwana yabonaga abashinzwe umutekano akabaza nyina icyabaye undi amubwira ko Perezida Kagame agiye kuhanyura, yamusabye ko bajya kumureba ariko ntibamubona.

    Nyuma bagarutse aho batuye nibwo yaje kunyura imbere y'iwabo maze umwana akimukubita amaso yiruka amusanganira ngo amuhobere, undi na we amwakirana ubwuzu aramusuhuza.

    Uyu mubyeyi w'imyaka 31 avuga ko umwana we ari impfubyi se yitabye Imana, na nyina na we akaba ari impfubyi kuko se yitabye Imana muri Jenoside yakorewe Abatutsi.

    Ifoto ya Mugisha Ally ahobera Perezida Kagame ikomeje gukora ku mitima y'abenshi

    Source : https://umuryango.rw/imyidagaduro/article/ibyo-wamenya-kuri-wa-mwana-wo-mu-biryogo-wahobeye-perezida-kagame-amafoto

  • Abifuza kubeshwaho na ruhago bagendere kure SIDA – Jimmy Mulisa #Rwanda #RwOT via @kigalitoday #rwanda #RwOT

    Uwahoze ari umukinnyi akaba n’umutoza w’umupira w’amaguru (ruhago) mu Rwanda, Jimmy Mulisa, yabwiye urubyiruko rukunda uwo mwuga ko uzabageza kure nibirinda (…)

    Source : https://www.kigalitoday.com/imikino-11/football/article/abifuza-kubeshwaho-na-ruhago-bagendere-kure-sida-jimmy-mulisa

  • Abarayons bakusanyije Miliyoni 43 muri Miliyoni 185 bifuza kubakisha ikipe #Rwanda #RwOT via @kigalitoday #rwanda #RwOT

    Abakunzi b’ikipe ya Rayon Sports bateraniye mu nama idasanzwe kuri iki Cyumweru, aho bayivuyemo biyemeje kubaka ikipe ya Rayon Sports ikomeye mu mwaka utaha (…)

    Source : https://www.kigalitoday.com/imikino-11/football/article/abarayons-bakusanyije-miliyoni-43-muri-miliyoni-185-bifuza-kubakisha-ikipe

  • Wa mumotari wabyinishaga icyuki ku Gisimenti arabivuze ibyabaye byose| Burya baratahanye (video) – YEGOB #rwanda #RwOT

    Hashize igihe ku mbuga nkoranyambaga hacicikana aka videwo k'umumotari wagaragaye arimo kubyinisha umukobwa w'inkumi ahazwi nko ku Gisimenti. Ni videwo yacicikanye ku mbuga nkoranyambaga zitandukanye.

    Uyu mumotari witwa Dusengimana Jacques uzwi cyane ku izina rya Cacana mu kiganiro yagiriye kuri imwe muri Televiziyo zikorera kuri YouTube yavuze uko byagenze kugirango ahure n'uriya mukobwa w'inkumi ndetse baze no kubyinana nkuko byagenze.

    Cacana yavuze ko yagiye ku Gisimenti agiye kuryoshya nk'abandi bantu bose ndetse no kwisomera agacupa gusa agezeyo yaje kubona uriya mukobwa w'inkumi arimo kubyina wenyine nuko atangira nawe kubyina amusanga ngo yaraziko uriya mukobwa atari buze kwemera ko babyinana gusa yarabyemeye barabyinana ndetse umukobwa anamwigisha kubyina dore ko atari umuhanga mu kubyina gusa umukobwa yaramwigishaga.

    Ntabwo byaje kurangirira aho kuko Cacana n'uriya mukobwa w'inkumi baje gutahana kuko umukobwa yashakaga ko Cacana amenya iwe kugirango babe inshuti buri wese azi aho mugenzi we aba. Baratahanye gusa ageze muri salon aho uriya mukobwa aba yanga kuhatinda ahita ataha.

    Source : https://yegob.rw/wa-mumotari-wabyinishaga-icyuki-ku-gisimenti-arabivuze-ibyabaye-byose-burya-baratahanye-video/

  • RDC : Abarimu bo mu mashuri abanza ya Leta babyukiye mu myigaragambyo #rwanda #RwOT

    Abarumu bigisha mu bigo by'amashuri abanza ya Leta muri Repuburika ya Demokarasi ya Congo bazindukiye ku biro by'urugaga rwabo (SYNEEPP) kuhakorera imyigaragambyo idahagarara.

    Bavuga ko mu cyumweru gishize Leta yatangaje ko ibongereye umushahara kandi bigahita bitangira mu ntangiriro z'uku kwezi ariko bikaba bitarakozwe.

    Urugaga rwa SYNEEPP bahuriyemo nk'abarimu b'amashuri abanza rwahamije aya makuru , ruvuga ko aba barium biyemeje kureka akazi ahubwo bagakora imyigaragambyo kugera Leta yemeye kubaha umushahara yabemereye kandi mu maguru mashya.

    Umunyamabanga wa SYNEEP, Ignace Mbala Keto, yavugiye imbere y'itangazamakuru ryo muri Congo ibyo bemeranije mu ihuriro.

    Yagize ati'nyuma yo kwitegereza neza twasanze umushahara mwarimu yemerewe nta cyahindutse yewe habe n'atanu yiyongereyeho, kandi nta n'ikizere Leta iduha ko bizahinduka'

    Akomeza avuga ko biyemeje guhagarika akazi mu buryo bwose mu bigo byose by'amashuri abanza ya Leta guhere uyu munsi tariki 2Gicurasi 2022.

    Uru rugaga rw'abarimu bo mu mashuri abanza rukoze imyigaragambyo habura ibyumweru bike ngo umwaka w'amashuri wa 2021-2022 ugere ku musozo.

    Source : https://umuryango.rw/amakuru/mu-mahanga/ubukungu/article/rdc-abarimu-bo-mu-mashuri-abanza-ya-leta-babyukiye-mu-myigaragambyo

  • Miliyoni 43 mu 185 zakusanyijwe, rutahizamu ukomeye, bamwe mu batumiwe ntibaje – Ibyaranze inama ya Rayon Sports #rwanda #RwOT

    Inama nyunguranabitekerezo ya Rayon Sports yabaye ku munsi w’ejo hashize ku Cyumweru tariki ya 1 Gicurasi, yasize iyi kipe ikusanyije miliyoni 43 mu 185 zizifashishwa ku isoko ry’abakinnyi umwaka utaha w’imikino.

    Ni inama yabereye mu Rugando kuri apartment imwe yegeranye na hoteli iri hafi y’umurenge wa Kimihurura.

    Iyi nama intego nyamukuru yayo kwari ukungurana ibitekerezo cyane cyane ku hazaza ha Rayon Sports, ndetse hanashakwa ubushobozi bwazafasha iyi kipe mu mwaka utaha w’imikino no kureba uko barangiza uyu mwaka nta bibazo bijemo.

    Yari yatumiwemo abayobozi b’amatsinda y’abafana (fan clubs), abavuga rikijyana muri iyi kipe, aba biganjemo abagiye bayobora iyi kipe mu bihe bitandukanye.

    Gusa siko bose baje kuyibonekamo kuko nka Muvunyi Paul, Muhirwa Freddy, Gacinya Chance Denis … ntabwo bahabonetse ni mu gihe ariko abarimo nka Kayiranga Vedaste na Munyakazi Sadate bakurikiranye iyi nama mu buryo bw’ikoranabuhanga.

    Iyi nama yavugiwemo byinshi ariko bimwe muri ibyo ni uko perezida wa Rayon Sports, Uwayezu Jean Fidele yeretse abanyamuryango uburyo ikipe ihagaze n’uko bifuza umwaka utaha yaba imeze.

    Yabwiye abari bayitabiriye ko bamaze kumvikana na rutahizamu ukomeye wemeye gukinira iyi kipe mu mwaka utaha w’imikino ndetse akaba anakurikirana imikino ya Rayon Sports.

    Yavuze kandi ko bateganya kuzakoresha miliyoni 185 ku isoko ry’igura ry’abakinnyi, aha harimo kugura abakinnyi bashya ndetse no kongerera amasezerano abo bazakomezanya.

    Abitabiriye iyi nanama bakaba bakusanyije ubushobozi haboneka miliyoni 43 harimo miliyoni 39 n’ibihumbi 950 yatanzwe n’abari imbere mu gihugu n’ibihumbi 3600 by’amadorali byatanzwe n’abakunzi ba Rayon Sports baba hanze y’u Rwanda.

    Perezida wa Rayon Sports kandi yababwiye ko Akarere ka Nyanza kemeye kuba umuterankunga wabo aho kazajya gatanga miliyoni 100 ku mwaka, ni mu gihe kandi yavuze ko hari n’abandi baterankunga bagera muri 2 bari mu biganiro ndetse bigeze hejuru ya 80% ariko akaba yirinze kubatangaza.

    Perezida wa Rayon Sports yagaragarije abanyamuryango ishusho y’iyi kipe n’uko yifuza ko yazaba ibemeze umwaka utaha

    Source : http://isimbi.rw/siporo/article/miliyoni-43-mu-185-zakusanyijwe-rutahizamu-ukomeye-bamwe-mu-batumiwe-ntibaje-ibyaranze-inama-ya-rayon-sports

  • Imfungwa n'umurinzi wa gereza bari gushakishwa uruhindu #rwanda #RwOT

    Polisi y'Amerika irimo gushakisha imfungwa yatorotse gereza iregwa ibyaha by'ubwicanyi, hamwe n'umucungagereza waburanye na yo.

    Imfungwa Casey White n'umucungagereza Vicki White, baheruka kubonwa ku wa gatanu mu gitondo ku biro bya polisi by'akarere ka Lauderdale muri leta ya Alabama.

    Madamu White yavuze ko yari ajyanye iyo mfungwa gukorerwa igenzurwa ry'ubuzima bwo mu mutwe, ariko nyuma abategetsi batahuye ko icyo gikorwa kitari cyashyizwe kuri gahunda.

    Abategetsi barimo gukora iperereza ku kumenya niba Madamu White yarafashije iyo mfungwa gutoroka, cyangwa niba iyo mfungwa yaramushimuse.

    Nubwo bahuje izina, aba bombi nta sano bafitanye. Abategetsi bavuga ko Casey White akwiye gufatwa nk'umuntu 'witwaje intwaro kandi uteje akaga gakomeye' — ku ruhande rumwe bitewe n'uko ubu ashobora kuba afite imbunda y'uwo mupolisi.

    Mu kiganiro n'abanyamakuru ku wa gatanu, umupolisi mukuru w'akarere ka Lauderdale, Rick Singleton, yavuze ko Madamu White yavuye kuri gereza hamwe n'iyo mfungwa ahagana saa tatu n'iminota 30 za mu gitondo (9h30) ku isaha yaho.

    Alabama authorities searching for an inmate and the corrections officer who  removed him from jail - CNN

    Yabwiye bagenzi be bakorana ko agiye kumugeza ku rukiko ngo akorerwe isuzumwa ry'ubuzima bwo mu mutwe.

    Umupolisi mukuru Singleton yongeyeho ko uwo mupolisi yavuze ko nyuma yaho yari kujya kwa muganga kuko (umupolisi) yumvaga atameze neza.

    Nyuma gato ya saa tanu z'amanywa (11h) ku isaha yaho, hari umuntu wabonye imodoka y'uwo mupolisi iparitse ahaparikwa imodoka ho ku iduka rinini.

    Ahagana saa cyenda n'iminota 30 z'amanywa (15h30), abategetsi batahuye ko iyo mfungwa itagaruwe muri gereza, kandi nta n'umwe washoboraga kuvugana n'uwo mupolisi.

    Urwego rw'Amerika rugenzura iyubahirizwa ry'amategeko — ruzwi nka US Marshals Service — rwashyizeho igihembo kigera ku madolari 10,000 (miliyoni 10 z'amafaranga y'u Rwanda) ku muntu watanga amakuru yatuma Casey White yongera gufatwa, ndetse n'ajyanye n'ahantu Vicki White aherereye.

    Mu itangazo, Marty Keely wo muri US Marshal Service yagize ati: 'Byemezwa ko Casey White ateje inkeke ikomeye ku mupolisi no kuri rubanda'.

    Umupolisi mukuru Singleton yavuze ko Madamu White amaze imyaka hafi 25 akora muri uru rwego rwa polisi. Ni umuyobozi wungirije wa gereza, kandi zimwe mu nshingano ze harimo gutegura ibyo kujyana imfungwa ku rukiko.

    Yasobanuye ko icyemezo cye cyo kujyana imfungwa ku rukiko we wenyine cyarenze ku mategeko, kuko umuntu nk'uwo uregwa icyaha gikomeye gutyo ubusanzwe aherekezwa n'abapolisi babiri.

    Yagize ati: 'Nshobora kubabwira ko buri mukozi wese muri ibi biro yaguye mu kantu ko yaburiwe irengero no kubera ko ibi byabaye'.

    Umupolisi mukuru Singleton yavuze ko Madamu White inshuro nyinshi yagiye atorwa nk'umukozi wahize abandi mu kazi mu mwaka kandi ko yari 'umukozi w'intangarugero'.

    Yavuze ko ashaka gihamya ifatika mbere yo gushinja Madamu White gukora ikintu kibi icyo ari cyo cyose.

    Yagize ati: 'Yamufashije mu gutoroka? Birumvikana ko ibyo bishoboka. Rero turimo kwiga kuri ibyo nk'ikintu kimwe mu bigize iperereza. Yashimuswe bari mu nzira bajya ku rukiko? …afatwa atari ku bushake bwe? Birumvikana ko icyo ari ikindi kintu turimo kurebaho'.

    Uwo mupolisi mukuru yagize ati: 'Uko nzi iyi mfungwa, ndatekereza ko [umupolisi] ari mu byago uko ibintu byaba bimeze kose'.

    Ikirego cy'ubwicanyi

    White, w'imyaka 38, yaregwaga ibyaha bibiri by'ubwicanyi bishobora guhanishwa igihano cy'urupfu byo mu kwezi kwa cyenda mu 2020, mu gutera icyuma Connie Ridgeway wari ufite imyaka 58, nkuko bivugwa n'urwego US Marshals Service.

    Uru rwego rw'Amerika rugenzura iyubahirizwa ry'amategeko rwavuze ko yari asanzwe arimo gukora igifungo kijyanye n'urukurikirane rw'ibyaha byo mu 2015, birimo kwinjira mu nzu mu buryo bunyuranyije n'amategeko agakora ubujura, kwiba imodoka, no kwiruka atoroka polisi imuhagaritse.

    Abategetsi bongeyeho ko yemeye ko yakoze ubwicanyi. Ubwo yaburirwaga irengero, yarafungiye muri gereza y'akarere ka Lauderdale ategereje kuzaburanishwa.

    @BBC

    The post Imfungwa n'umurinzi wa gereza bari gushakishwa uruhindu appeared first on IRIBA NEWS.

    Source : https://iribanews.rw/2022/05/02/imfungwa-numurinzi-wa-gereza-bari-gushakishwa-uruhindu/