
Author: webrwanda
-
#COVID19: Abantu 12 banduye babonetse mu bipimo 7,651 #Rwanda #RwOT via @kigalitoday #rwanda #RwOT
Minisiteri y’Ubuzima (MINISANTE) yatangaje ko ku wa Gatandatu tariki 14 Gicurasi 2022 mu Rwanda habonetse abantu barindwi banduye Covid-19, bakaba babonetse (…) -
Abimukira ba mbere bari mu Bwongereza bamenyeshejwe gahunda yo kwimurirwa mu Rwanda – #rwanda #RwOT
Umuyobozi muri Ambasade y'u Bwongereza mu Rwanda, yabwiye IGIHE ko abamenyeshejwe, bafite iminsi yo kugira icyo bavuga kuri uwo mwanzuro.
Ati 'Icyiciro cya mbere cy'abimukira cyamenyeshejwe gahunda yo kwimurirwa mu Rwanda. Bitewe n'impamvu zabo zitandukanye, bafite iminsi 14 yo gutanga impamvu bumva zatuma batoherezwa mu Rwanda.'
Itangazamakuru ryo mu Bwongereza ryavuze ko Minisitiri w'Intebe w'iki gihugu, Boris Johnson, yatangaje ko abamenyeshejwe ari abimukira 50. Gusa Ambasade y'iki gihugu mu Rwanda, yirinze kwemeza uwo mubare.
Amasezerano y'u Rwanda n'u Bwongereza yerekeranye n'abimukira yasinywe ku wa 14 Mata 2022.
Asinywa, Minisitiri w'Intebe, Boris Johnson, yavuze ko 'uwo ari we wese winjiye mu Bwongereza mu buryo bunyuranyije n'amategeko kimwe n'abinjiye muri ubwo buryo kuva tariki ya Mbere Mutarama, ubu bagiye kwimurirwa mu Rwanda. Bizatuma banyura mu nzira zemewe kandi bice intege ubucuruzi bwakorerwaga abimukira.'
Yavuze ko nibagera mu Rwanda 'bazahabwa amahirwe yo kubaka ubuzima bushya' bafashijwe n'inkunga izatangwa n'u Bwongereza.
U Bwongereza busobanura ko buzatanga inkunga yo kwifashisha mu bikorwa by'iterambere bigirira akamaro izo mpunzi n'abaturwanda muri rusange.
Ku ikubitiro, bwahaye u Rwanda miliyoni 120£ azagirira akamaro izo mpunzi n'Abanyarwanda binyuze mu bikorwa by'uburezi mu mashuri yisumbuye, ay'imyunga ndetse n'andi mahugurwa mu masomo y'ubumenyingiro. Ibyo byiyongeraho ko bazafashwa kwiga kugera mu mashuri makuru na kaminuza.
U Rwanda rwagennye ko mbere yo kubakira, hazajya habanza kurebwa niba nta byaha bitandukanye bakoze, kandi ntiruzakira abaturutse mu bihugu by'ibituranyi nk'u Burundi, Uganda, DRC na Tanzania.
Ntabwo impunzi zo muri Ukraine ziri muri izo zizakirwa muri iyi gahunda ahubwo abarebwa cyane ni abinjira mu Bwongereza banyuze nko mu bwato, bacurujwe n'abandi nkabo.
Nibagera mu gihugu bazaruhukira muri hotel nyuma bajye mu macumbi asanzwe aturwamo n'abantu mu buryo busanzwe.
Ni gahunda izamara imyaka itanu. Mu ntangiriro abo bimukira bazahabwa ibyangombwa n'ubumenyi, hanyuma bagire amahirwe yo guhatana ku isoko ry'umurimo.
Bazafashwa kuvurwa, banitabweho no mu bundi buryo butandukanye. Ntabwo igihe bazagerera mu Rwanda kiratangazwa ariko impande zombi zisobanura ko ari ' mu byumweru biri imbere'.
Kugeza ubu, umubare w'abimukira binjira mu Bwongereza mu buryo bunyuranyije n'amategeko ukomeje kwiyongera umunsi ku wundi.
Hagati ya tariki 2 na 8 Gicurasi, bibarwa ko nibura u Bwongereza bwakiriye 792 binjiye mu gihugu bakoresheje ubwato buto.
U Bwongereza bubangamiwe n’umubare munini w’abimukira binjira mu gihugu -
Gatsibo: Umusore witeguraga kurongora yapfuye bitunguranye – #rwanda #RwOT
Uyu musore witwa Ndayishimiye Gilbert yari asanzwe atuye mu Mudugudu wa Nyarusange mu Kagari ka Busetsa, Umurenge wa Kageyo akaba yakoraga akazi ko gutwara abagenzi kuri moto i Mugera mu Karere ka Gatsibo.
Yapfuye ku wa Gatanu tariki 13 Gicurasi ku mugoroba aguye mu Bitaro bya Ngarama.
Mu kwezi gushize yari yasabye anakwa umukobwa witwa Mariane Niyodusenga, imihango yo gusezerana imbere y'Imana ikaba yari iteganyijwe kuwa Gatandatu tariki ya 21 Gicurasi 2022, ahitwa Nyarubuye.
Muvunyi Anastase, mukuru wa nyakwigendera, yabwiye IGIHE ko uyu musore yafashwe ku wa Kane saa Munani z'amanywa ubwo yari mu kazi asanzwe akora.
Ati 'Twamujyanye ku Kigo Nderabuzima cya Ngarama, bahita batwohereza ku bitaro bya Ngarama bamucisha mu cyuma batubwira ko dutegereza imodoka imujyana ku bitaro bya Kanombe. Imodoka rero yahageze tukiyinjiramo ahita yitaba Imana.'
Uwari ugiye kuba sebukwe w'uyu musore witwa, Rusagara Laurent, yabwiye IGIHE ko bakeka ko uyu musore yahumanyijwe ngo kuko yari amaze iminsi ari muzima nta kibazo na kimwe afite.
Yongeyeho ko kuri ubu umukobwa we byamunaniye kubyakira ariko ngo bakomeje kumuba hafi muri ibi bihe bitoroshye.
Amakuru abo mu muryango w'uyu musore bahaye IGIHE ni uko ku bitaro bya Ngarama basuzumye umurambo mbere y'uko bawubaha ngo bajye kuwushyingura ibizavamo bakazabimenyeshwa.
Source : http://igihe.com/amakuru/u-rwanda/article/gatsibo-umusore-witeguraga-kurongora-yapfuye-bitunguranye
-
Jenoside yakorewe Abatutsi yagaragajwe nk'isomo ku bakirutisha idini ubumuntu – #rwanda #RwOT
Byatangajwe kuri uyu wa Gatanu ubwo bamwe mu rubyiruko rw'abayisilamu ruturutse hirya no hino muri Afurika, basuraga urwibutso rwa Jenoside yakorewe Abatutsi rwa Kigali.
Uru rubyiruko rwaturutse mu bihugu 31 bya Afurika, rwitabiriye amarushanwa ngarukamwaka yo gusoma Korowani, mu rwego rwo kubafasha kurushaho gusobanukirwa ukuri nyako kw'ibikubiye muri icyo gitabo gitagatifu.
Abdarhman Kole Muhammad uturuka muri Kenya, yavuze ko amateka ya Jenoside yakorewe Abatutsi akwiriye kwigishwa hirya no hino ku Isi kugira ngo abantu bamenye neza ingaruka z'urwango n'ivangura iryo ari ryo ryose.
Ati 'Hano nahakuye isomo kandi ni ngombwa ko ku Isi yose barimenya. Ibi byabaye aha, buri wese abashije kubimenya yabaho neza.'
Yakomeje agira ati 'Abana babonye ibintu bikomeye kuri uru rwibutso tumaze gusura. Birakwiriye ko ibihugu byose byigisha muri ubu buryo u Rwanda rubikoramo, abantu babe abavandimwe, ntihabeho ivangura ry'amoko, amadini n'ibindi byose.'
Umwe mu bakemurampaka b'iri rushanwa waturutse muri Ghana, yavuze ko ku rwibutso ahavanye isomo ry'uko urwango nta mwanya rukwiriye ku Isi.
Ati 'Ndababaye rwose bitewe n'ibyo nabonye hano kuko turi ibiremwamuntu, turareshya waba umwirabura cyangwa umuzungu, ntabwo dukwiriye kwangana.'
Umuyobozi Mukuru ushinzwe ibwirizabutumwa n'Imigenzo y'Idini mu muryango w'Abayisilamu mu Rwanda, Sheikh Maniriho Ismail, yavuze ko impamvu abo bana bajyanywe gusura urwibutso, bigamije kububakamo ubumuntu.
Ati 'Tuba tubigisha uburyo ibi bintu bitazongera ku Isi yose kubera ko ni igikorwa cyakorewe inyokomuntu ndetse tukabyigisha amahanga yose kuko ni ikintu kibabaje cyane.'
Yongeyeho ati 'Ubutumwa dutanga ni uko hatagomba kuboneka urwango cyangwa kwitwaza idini ugamije ibikorwa by'ubugizi bwa nabi. Bakwiriye kumva ubutumwa buri muri Korowani kuko Islam ari idini y'amahoro yigisha urukundo n'imibanire myiza n'abandi.'
Aya marushanwa yo gusoma Korowani ari kubera mu karere ka Gicumbi, kuri iyi nshuro yitabiriwe n'abana 51.
Basobanuriwe amateka mabi ya Jenoside yakorewe Abatutsi mu 1994
Biyemeje kwamagana icyatandukanya abantu aho cyaba gishingiye hose
-
Banki ya Kigali yagabiye inka ba Musenyeri Nzakamwita na Musengamana #Rwanda #RwOT via @kigalitoday #rwanda #RwOT
Mu muhango wo kwimika ku mugaragaro Musenyeri Papias Musengamana nk’Umushumba mushay wa Diyoseze ya Byumba, Banki ya Kigali (BK) yamugabiye inka ndetse (…)
-
Bose bati ‘Sohoka’!!! Abanyamakuru baniganye… – #rwanda #RwOT
Kuri uyu wa Gatandatu tariki 14 Gicurasi 2022 ni bwo hakinwaga umunsi wa 27 wa shampiyona, umunsi wariho umukino ukakaye ndetse usobanuye byinshi ku rutonde rwa shampiyona, aho APR FC yari yakiriye ikipe ya Kiyovu Sports barushanwa amanota atatu gusa.
Kiyovu Sports yashakaga kunganya na APR FC amanota, yaje kubigeraho itsinze APR FC ibitego 2-1, APR FC iba itsinzwe umukino wa 3 muri iyi shampiyona. Nyuma y’umukino habaye ikiganiro n’itangazamakuru maze umutoza Adil wa APR Fc wari wanze kuvuga ku mukino yaherukaga gukina, aba ari we utangira aganira n’itangazamakuru.
Umutoza Adil agihabwa ijambo, yahise abaza Umunyamakuru Musangwamfura Christian wahoze akorera Radio 10 niba ari umunyamakuru undi na we amusubiza ko ari we. Ntabwo byarangiriye aho kuko Adil yahise yongera kumubaza ngo namwereke ikarita y’akazi undi aranga avuga ko atariwe akwiye kwereka ikarita.
Adil muri iyi minsi ntabanye neza n’itangazamakuruKuva ubwo abanyamakuru bandi bavuze ko ibyo Adil ari gukora ari nk’agasuzuguro bamubwira ko nta kiganiro cye bagikeneye ashatse yakwigendera. Adil yabanje gutindaho, abanyamakuru batangira kuririmba mu majwi arenga basaba ko Adil asohoka. Amajwi yumvikanaga yari mu rurimi rw’igifaransa tugenekereje mu kinyarwanda twavuga ko ari “Adil sohoka, Adil sohoka”.
Usibye kuba Adil yari atangiye kwibasira umunyamakuru amwaka ibyangombwa, uyu mutoza yari amaze iminsi atagaragara mu biganiro n’itangazamakuru dore ko yihitiramo umukino ari butangeho ikiganiro. Ubwo Adil yaherukaga gutanga ikiganiro n’abanyamakuru hari abanyamakuru bagera kuri batatu yari yifatiye ku gahanga anenga ubunyamwuga bwabo ndetse anapfobya ibyo bakora kuko ngo bafite ubushobozi bucye.
Ese koko ikiragano cya Adil cyaba kirimo kurangira? -
Amaso y’uwapfuye yasubijwe ubuzima arongera arareba – YEGOB #rwanda #RwOT
Abahanga ndetse bakaba n'abashakashatsi bo muri Leta Zunze ubumwe z'Amerika bemeje ko amaso y'umuntu ashobora gukora nyuma y'uko nyirayo apfuye.
Dr. Fatima Abbas wo mu Ivuriro ry'amaso rya Moran muri Kaminuza ya Utah, akaba n'uwayoboye ubu bushakashatsi, yavuze ko babashije gukangura utunyangingo tw'ijisho dutuma umuntu abasha kureba neza no gutandukanya amabara.
Ati 'Mu masaha atanu, nyuma y'urupfu rw'abemeye gutanga ingingo, utunyangingo tw'amaso yabo twabashije kugaragaza ko tubona urumuri rukeye, amabara y'amatara ndetse n'ibishashi by'urumuri.'
Mu 2019, muri Kaminuza ya Yale babashije kugarura mu buzima ubwonko bw'ingurube 32 zari zimaze amasaha ane zishwe ziciwe imitwe, bongera no gutuma habaho gutembera kw'amaraso hifashishijwe uruvangitirane rw'binyabutabire.
Dr. Frans Vinberg, umufasha w'abarimu muri Kaminuza ya Utah, mu ishami ry'ubumenyi ku bijyanye no kureba yagize ati 'Twabashije gutuma utunyangingo duhanahana amakuru nk'uko tubigenza mu jisho ry'umuntu muzima, byari byaragiye bigeragezwa mu buryo butandukanye ariko ntabwo byari byarabashije kugera ku rwego twagezeho.'
Source : https://yegob.rw/amaso-yuwapfuye-yasubijwe-ubuzima-arongera-arareba/
-
Nyuma y’imyaka 5 Kiyovu Sport yatsinze APR FC… – #rwanda #RwOT
Uyu mukino wari usobanuye byinshi ku gikombe cya shampiyona cy’uyu mwaka kuko aya ati amakipe yinjiye mu kibuga arushanwa amanota atatu gusa.
![]()
Umukino watangiye APR FC igaragaza ko ahagaze nyuma ndetse ishaka gutsinda uyu mukino uko byagenda kose.
Nyuma y’iminota itanu byahinduye isura Kiyovu Sport itangira gukina umupira mwiza wihuta urimo gusatira.
Myugariro Nsabimana Aimable wari washyushye my mutwe yakomeje gukorogana na Emmanuel Okwi kugeza ubwo umusifuzi abahaye Gasopo.
Ku munota wa 14 Emmanuel Okwi yazamukanye umupira yinjira mu rubuga rw’amahina Nsabimana Aimable aramutega umusifuzi yemeza ko ari penaliti.
![]()
Penaliti yatewe neza na Abedi Bigirimana atsinda igitego cya mbere cya Kiyovu Sport.
Kiyovu Sport yakomeje kurusha APR FC mu kibuga hagati ndetse inayirusha kurema uburyo butandukanye bw’ibitego.
Ku munota wa 29 Emmanuel Okwi yatsindiye Kiyovu igitego cya kabiri kuri coup franc nziza yateye inyura ku mugongo wa Ombolenga Fitina ujya mu izamu.
![]()
Kiyovu Sports yakomeje gusatira izamu rya APR FC cyane ndetse ku munota wa 38 Emmanuel Okwi yahushije igitego cyari kuba icya gatatu ku mupira yateye n’umutwe ugarurwa n’umutambiko w’izamu.
Iminota 45 y’igice cya mbere yarangiye Kiyovu Sport iyoboye n’igitego 1-0.
APR FC yatangiranye impinduka mu gice cya kabiri aho Bizimana Yannick na Mugisha Gilbert basohotse mu kibuga hinjira Mugunga Yves na Nshuti Innocent mu rwego rwo gukomeza ubusatirizi.
APR FC yahinduye imikinire mu gice cya kabiri irasatira cyane ndetse inahusha uburyo butandukanye bw’ibitego butandukanye binyuranye n’uburyo yakinnye igice cya mbere.
Ku munota wa 58 ku mupira wari uturutse muri kuruneri, Ombolenga Fitina yatsindiye APR FC igitego, yishyura kimwe muri bibiri yari yatsinzwe.
![]()
APR FC yakomeje gukina neza isatira izamu rya Kiyovu ku buryo bukomeye ariko ihusha uburyo butandukanye bwo kwishyura.
Umutoza Adil wa APR FC yakoze impinduka ashyira mu kibuga abakinnyi baking basatira barimo Lague, Anicet na Keddy kugira ngo bakomeza bashake ibitego.
![]()
Haringingo yakuye my kibuga Muhozi Fred ashyiramo Mugenzi Bienvenue mu rwego rwo kongerera imbaraga ubusatirizi.
APR FC yakomeje gusatira ihusha uburyo bw’ibitego iminota 90 irangira ntacyo igezeho.
Hongeweho iminota 4 kugira ngo umukino urangira Kiyovu yihagararaho ihushamo uburyo bw’igitego umukino uhita urangira.
Kiyovu Sport yaherukaga gukura amanota atatu kuri APR FC mu 2017, bivuze ko imyaka yari yihiritse ari 5.
Gutsinda uyu mukino bivuze ko amakipe yombi ubu anganya amanota 60, ariko APR FC ikaba ari iya mbere kubera irusha Kiyovu igitego kimwe izigamye, APR FC izigamye bitego 24, mu gihe Kiyovu izigamye 23.
Imikino itatu ya shampiyona buri kipe isigaranye niyo izagaragaza uzegukana igikombe cy’uyu mwaka.
![]()
APR FC XI: Ishimwe Pierre, Nsabimana Aimable, Buregeya Prince, Ombolenga Fitina, Niyomugabo Claude, Rwabuhihi Placide, Mugisha Bonheur, Ruboneka Bosco, Mugisha Gilbert, Manishimwe Djabel, Bizimana Yannick
![]()
Kiyovu Sport: Kimenyi Yves, Serumogo Ali, Ndayishimiye Thierry, Iracyadukunda Eric, Mugenzi Cedric, Nshimirimana Ismail, Benedata Janvier, Muzamiru Mutyaba, Emmanuel Okwi, Bigirimana Abedi, Muhozi Fred
![]()
Lague yagerageje gukina neza mu minota yagiriye mu kibuga
Kiyovu Sport yitwaye neza muri uyu mukino![]()
Nyuma y’imyaka 5 Kiyovu Sport yatsinze APR FCÂ
Ibyishimo byari byose ku bafana ba Kiyovu I Nyamirambo -
Liverpool yongeye gutwara igikombe Chelsea kuri penaliti [AMAFOTO] #rwanda #RwOT
Kuri uyu wa gatandatu, ikipe ya Liverpool yatsinze Chelsea kuri penaliti ku mukino wa nyuma wa FA Cup i Wembley,kiba igikombe cya kabiri iyitwaye muri ubwo buryo nyuma ya Carabao Cup iheruka.
Nyuma y'uko umukino urangiye mu minota 120 ari ubusa ku busa aya makipe yombi yagerageje gusatirana yaje kwitabaza penaliti zahiriye Liverpool kuko yinjije 6 kuri 5 za Chelsea
Kostas Tsimikas niwe winjije iya nyuma y'intsinzi nyuma y'aho Mason Mount ateye iyakuwemo na Alisson Becker.
Mbere y'aho,kapiteni wa Chelsea, Cesar Azpilicueta yari yateye penaliti ya 2 igarurwa n'umutambiko gusa Edouard Mendy akuramo penaliti ya 5 yagombaga guhesha igikombe Liverpool yatewe na mugenzi we Sadio Mane bakinana muri Senegal.
Penaliti zimaze kuba 5-5, Mount yahushije iya gatandatu hanyuma Kostas Tsimikas atera penaliti nziza batwara igikombe.
Gutwara iki gikombe kwa Liverpool bivuze ko ifite amahirwe yo kuba yatwara 4 uyu mwaka cyane ko iri ku mukino wa nyuma wa UEFA Champions League ndetse ikaba igihanganye na Manchester City ku gikombe cya shampiyona.
Nubwo Liverpool yatwaye igikombe, Mo Salah na Virgil Van Dijk bombi bakuwe mu kibuga kubera imvune ndetse bishobora kubagora gukina uyu mukino wa nyuma wa Champions League badakize vuba.
Mu gihe Manchester City yatsinda West Ham ejo muri shampiyona, Liverpool izakenera igitangaza kugira ngo itware Premier League.
Nubwo Liverpool yabuze ibitego mu minota 120,yabonye amahirwe akomeye aho yateye imipira yagaruwe n'igiti cy'izamu inshuro ebyiri mu gice cya kabiri cy'iminota isanzwe,kuri Luis Diaz na Andy Robertson.
Liverpool yakinnye neza cyane mu kibuga kurusha Chelsea yabaye ikipe ya mbere mu mateka y'igikombe cya FA itsinzwe imikino itatu ya nyuma yikurikiranya.
Ni ubwa mbere Liverpool itwaye igikombe cya FA Cup mu myaka 16 ishize kandi n'ikimenyetso cy'imikinire idasanzwe y'umutoza Klopp w'umuhanga cyane.
Ku rundi ruhande,mu gice cya Mbere Chelsea yabonye amahirwe akomeye yo gutsinda ariko Marcos Alonso agasigarana n'umunyezamu ntayabyaze umusaruro.
Hari uburyo kandi Lukaku wari wabanje mu kibuga yabonye bwinshi ntiyabukoresha cyo kimwe na Christian Pulisic.







-
InyaRwanda Music Top 10: Indirimbo “Jolie” ya… – #rwanda #RwOT
“Jolie” yaje ku isong ku rutonde rwacu, ni indirimbo imaze kuzamura izina ry'uyu muhanzi nyuma y’izayibanjirije zakunzwe umunsi ku munsi, bigatanga ishusho n'icyizere uyu muhanzi afite mu banyarwanda. Ku mwanya wa kabiri, hari indirimbo “Rwady” ya Bwiza umwe mu bahanzikazi bari gukorana umuhate n'umurava cyane cyane mu ndirimbo ze.
Izi ndirimbo zombi zagaragaje ishusho y'umuziki nyarwanda nyuma yo gutorwa cyane n'abakunzi b'umuziki nyarwanda. Zikurikiwe n'indirimbo “Nyola” ya Bruce Melodie na Eddy Kenzo, “Shawe” ya Marina na “Hejuru” ya Jowest umwe mu bahanzi bagezweho mu Rwanda.
Uru ni urutonde rw'indirimbo zashizwe ku mbuga nkoranyambaga zose za InyaRwanda. Zari 15, haza gutoranywamo 10 zatowe cyane ari zo izi tubagejejeho. Umwihariko ku rutonde rw’uyu munsi ni uko higanjemo abahanzi bashya bari gukora ibikorwa bigakundwa cyane n'abakunzi b'umuziki. Abo bahanzi harimo, Jowest, The Nature, Yampano, Bwiza n'abandi.
![]()
Indirimbo Jolie ya Kenny Sol ni yo ikunzwe cyane
![]()
Kenny Sol ni umwe mu bahanzi bamaze kwerekana ko bashoboye
![]()
Bwiza afite Indirimbo ikunzwe cyane yitwa Ready
Adil muri iyi minsi ntabanye neza n’itangazamakuru
Ese koko ikiragano cya Adil cyaba kirimo kurangira?








Kiyovu Sport yitwaye neza muri uyu mukino
Nyuma y’imyaka 5 Kiyovu Sport yatsinze APR FCÂ
Ibyishimo byari byose ku bafana ba Kiyovu I NyamiramboÂ


