Author: webrwanda

  • Diamond Platnumz yaciye ibintu kubera inkweto ihenze cyane yambaye muri Cote d'Ivoire [AMAFOTO] #rwanda #RwOT

    Umuhanzi Diamond Platnumz yinjiye mu gihugu cya Côte d'Ivoire yambaye urukweto rwo mu bwoko bwa Off White Odsy ruhagaze arenga ibihumbi 850 frw ($850) yahawe n'umuhanzikazi Zuchu bivugwa ko bari mu rukundo.

    Umuhanzi Diamond Platnumz yaraye akoreye igitaramo gikomeye muri Cote d'Ivoire nyuma y'igihe acyamamaza gusa iyi nkweto yari yambaye yaciye ibintu kubera ukuntu ihenze.

    Bimaze iminsi bivugwa ko Diamond na Zuchu bombi bakomoka mu gihugu cya Tanzania bakundana byimbitse ndetse bagaragaye mu minsi isihize bari gusomana bica amarenga y'urukundo bari bamaze iminsi bavugwamo.

    Mu minsi ishize aba bombi bakoranye indirimbo bise Mtasubiri yahise ihagarikwa na Leta kubera ubutumwa baririmbye bwibasira amadini n'iyobokamana.


    Source : https://umuryango.rw/imyidagaduro/umuziki/article/diamond-platnumz-yaciye-ibintu-kubera-inkweto-ihenze-cyane-yambaye-muri-cote-d

  • Perezida Ndayishimiye yashimangiye ko nta rwango hagati y’Abanyarwanda n’Abarundi #rwanda #RwOT

    Perezida Ndayishimiye yavuze ko u Burundi bumaze kugirana ibiganiro byinshi n’ubuyobozi bw’u Rwanda, kugira ngo umubano w’ibihugu byombi wasubiye inyuma mu myaka irindwi ishize wongere usugire usagambe, nk’uko byatangajwe na The East African.

    Ati 'Twagize ibiganiro byinshi n’u Rwanda. Ni abaturanyi bacu kandi bazahora iteka ari abaturanyi bacu.'

    Ati 'Icyo tuzi ni uko Abarundi n’Abanyarwanda nta rwango bagirana… Mbona Abanyarwanda benshi mu mpera z’icyumweru i Bujumbura ndetse bamwe bagashakana n’Abarundi'.

    Umubano hagati y’Ibihugu byombi umaze imyaka irindwi utifashe neza, aho u Burundi bwafunze imipaka ibuhuza n’u Rwanda ndetse buhagarika kohereza bimwe mu bicuruzwa birimo imboga n’imbuto guhera mu 2016.

    Umubano w’u Rwanda n’u Burundi wakomwe mu nkokora n’ibirego iki gihugu cyashinjaga u Rwanda kuba rwarahaye icumbi abashatse guhirika ubutegetsi bwa Perezida Pierre Nkurunziza muri 2015. Ndetse Perezida Ndayishimiye na we yakunze kuvuga ko bifuza ko abo bantu Leta y’u Rwanda yabohereza bakabazwa ibyo bakoze.

    U Rwanda narwo rwagiye rushinja u Burundi ko bucumbikiye imitwe y’abahungabanya umutekano warwo, by’umwihariko mu Karere ka Nyaruguru cyane cyane mu nkengero z’ishyamba rya Nyungwe, mu myaka yashize hakunze kugabwa ibitero n’abantu bitwaje intwaro, Ingabo z’u Rwanda zabasubiza inyuma bagahita bahungira mu Burundi.

    Urugero ni urw’igitero cyagabwe muri Kamena 2018 mu Mudugudu wa Rwegere mu Murenge wa Nyabimata kigahitana abaturage b’u Rwanda batatu, ndetse n’Umunyamabanga Nshingwabikorwa w’uwo Murenge, Nsengiyumva Vincent, akomeretswa n’amasasu arashwe ku ijosi. Ntibagarukiye aho kuko banatwitse imodoka ye, ndetse n’icumbi yabagamo hamwe na moto y’umuturage.

    Icyakora, kuva Perezida Ndayishimiye yagera ku butegetsi mu 2020, umubano w’ibihugu byombi wakomeje kugenda utera imbere ku buryo bugaragara.

    Intumwa zo ku rwego rwo hejuru ziturutse mu bihugu byombi, zirimo abayobozi bashinzwe iperereza, ba Guverineri n’abandi bayobozi bakuru ba Guverinoma, bahuye inshuro nyinshi mu rwego rwo kuzahura umubano.

    Perezida Ndayishimiye Ati 'Iyo habaye amakimbirane kandi ibihugu byombi byohereza intumwa tukaganira, ni ibintu byiza cyane kandi nizera ko tuzakomeza kubikora.'

    Muri Nyakanga umwaka ushize, Minisitiri w’Intebe w’u Rwanda Edouard, yitabiriye ibirori byo kwizihiza isabukuru y’imyaka 59 ishize u Burundi bubonye ubwigenge. Byari ubwa mbere umuyobozi ukomeye w’u Rwanda agirira uruzinduko mu Burundi kuva mu 2015.

    Mu ntangiriro z’uyu mwaka kandi, Perezida Kagame yakiriye intumwa z’u Burundi zari ziyobowe na Minisitiri w’u Burundi ushinzwe ibikorwa by’Umuryango wa Afurika y’Iburasirazuba, Urubyiruko, Umuco na Siporo, wari uzanye ubutumwa bwa Perezida w’u Burundi, Evariste Ndayishimiye, ndetse bagirana biganiro byibanze ku guteza imbere umubano w’ibihugu byombi.

    Perezida wa Repubulika y’u Rwanda, Paul Kagame, ubwo muri Gashyantare 2022 yakiraga indahiro z’abayobozi bari baherutse gushyirwa mu myanya y’ubuyobozi, yaboneyeho no kugaragaza uko umubano w’u Rwanda n’abaturanyi uhagaze.

    By’umwihariko ku bijyanye n’umubano w’u Rwanda n’u Burundi, umukuru w’Igihugu yavuze ko abayobozi b’ibihugu byombi bamaze iminsi bahura bakagirana ibiganiro, ndetse hakaba harabayeho n’ingendo z’abagiye mu Burundi baturutse mu Rwanda, kimwe n’uko hari intumwa zitandukanye zaturutse mu Burundi zikaza mu Rwanda.

    Umwaka ushize, u Burundi bwavuze ko hari intambwe imaze guterwa hagati y’Ibihugu byombi mu rwego rwo kwimakaza amahoro n’umutekano mu karere. Icyo gihe Leta y’u Burundi yashyikirije u Rwanda abarwanyi 11 b’umutwe w’iterabwoba wa FLN, nyuma y’uko Ingabo z’u Rwanda zatangaje ko zashyikirije u Burundi abarwanyi 19, bari bagabye igitero mu Burundi bahungira mu Rwanda.

    Source : http://www.ukwezi.rw/Mu-mahanga/Amakuru-anyuranye/article/Perezida-Ndayishimiye-yashimangiye-ko-nta-rwango-hagati-y-Abanyarwanda-n-Abarundi

  • Abarundi n’Abanyarwanda nta rwango bagirana – Perezida Ndayishimiye #Rwanda #RwOT via @kigalitoday #rwanda #RwOT

    Mu kiganiro cyagarutse ku buzima bw’igihugu ndetse no ku mubano w’u Burundi n’amahanga harimo n’u Rwanda, Perezida Evariste Ndayishimiye yavuze ko hari gukorwa (…)

    Source : https://www.kigalitoday.com/amakuru/mu-mahanga/article/abarundi-n-abanyarwanda-nta-rwango-bagirana-perezida-ndayishimiye

  • Umukino uhenze: APR FC yatangaje ibiciro ku mukino izakiramo Rayon Sports #Rwanda #RwOT via @kigalitoday #rwanda #RwOT

    Ikipe ya APR FC yashyize hanze ibiciro by’umukino wa 1/2 wo kwishyura mu Gikombe cy’Amahoro, uzabera kuri stade ya Kigali tariki 19 Gicurasi 2022, aho itike (…)

    Source : https://www.kigalitoday.com/imikino-11/football/article/umukino-uhenze-apr-fc-yatangaje-ibiciro-ku-mukino-izakiramo-rayon-sports

  • Ishuri rikuru ry'u Rwanda ry'imyuga n'ubumenyingiro ryahawe abayobozi bashya – #rwanda #RwOT

    Inama y'Abaminisitiri yateranye ku wa Gatanu tariki ya 13 Gicurasi 2022 ikabera muri Village Urugwiro iyobowe na Perezida wa Repubulika y'u Rwanda Paul Kagame, yafatiwemo ibyemezo bitandukanye birimo ibirebana n'ingamba zo guhangana na Covid-19.

    Mu myanzuro yafatiwe muri iyo nama harimo no gushyira abayobozi batandukanye mu myanya bigendanye n'ahari icyuho cyari gikenewe kuzibwa.

    Mu ishuri rikuru ry'u Rwanda ry'imyuga n'ubumenyingiro, Umuyobozi Mukuru yagizwe Dr Sylvie Mucyo wari usanzwe ayobora iri shuri by'agateganyo.

    Dr Slyvie Mucyo asanzwe ari Umuyobozi Mukuru wa Rwanda Polytechnic ndetse n'Umuyobozi wungirije ushinzwe amahugurwa, iterambere n'ubushakashatsi.

    Dr Mucyo afite uburambe n'inararibonye mu burezi bw'u Rwanda bishingiye ku bushakashatsi kuko yakoze muri Kaminuza y'u Rwanda nk'Umuyobozi wungirije ushinzwe abanyeshuri muri gahunda yari ihuriweho na Suède.

    Yakoze nk'umushakashatsi akaba n'umwarimu mu birebana n'ibidukikije muri iyi Kaminuza Koleje y'ubuhinzi, ubworozi n'ubuvuzi bw'amatungo.

    Afite impamyabumenyi y'ikirenga mu birebana na siyansi y'ibidukikije/no gucunga neza imyanda yakuye muri Kaminuza ya Abertay iherereye i Dundee muri Ecosse.

    Afite kandi impamyabumenyi y'icyiciro cya gatatu 'Masters' muri Environmental Biotechnology yabonye muri 2009 mu gihe amashuri y'icyiciro cya kabiri cya Kaminuza yayize mu yahoze ari Kaminuza Nkuru y'u Rwanda mu Binyamabuzima 'Biology'.

    Abinyujije ku rukuta rwe rwa Twitter, Dr Slyvie Mucyo, yagaragaje ibyishimo yagize nyuma yo kugirirwa icyizere n'umukuru w'igihugu akamuhereza kuyobora iri shuri, yizeza ko azakorana umurava.

    Yagize ati 'Mfashe uyu mwanya ngo mbashimire byimazeyo Nyakubahwa Paul Kagame ku bw'icyizere mwangiriye cyo kuba Umuyobozi Mukuru wa Rwanda polytechnic. Mbijeje gukorana umurava no guharanira ko ubumenyingiro bukomeza gutera imbere bukagera ku ntego igihugu cyacu kibutezeho.'

    Dr Richard Musabe yagizwe umuyobozi Mukuru wungirije ushinzwe amahugurwa, iterambere n'ubushakashatsi muri RP umwanya wari ufitwe na Dr Sylvie Mucyo wagizwe umuyobozi mukuru.

    Mu bandi bahawe imyanya y'ubuyobozi muri iki kigo harimo, Dr Odette Umugiraneza wagizwe Registrar wa RP, Eric Daton Ngirinshuti wagizwe Umuyobozi w'agashami ushinzwe ikoranabuhanga Digital content and Connectivity.

    Hari kandi Dr Parfait Yongabo wagizwe umuyobozi w'agashami gashinzwe iterambere ry'ikigo, ubushakashatsi n'ubujyanama. Umujyanama mu birebana na Tekiniki n'ireme ry'uburezi ritangwa ndetse no guteza imbere porogaramu ni Joseph Silvano Mfinanga.

    Kugeza ubu mu Rwanda ishuri rikuru ry'imyuga n'ubumenyingiro rigizwe n'amashuri makuru umunani aherereye mu bice bitandukanye by'igihugu harimo IPRC Kitabi, IPRC Gishari, IPRC Ngoma, IPRC Kigali, IPRC Tumba, IPRC Huye, IPRC Karongi na IPRC Musanze.

    Dr Slyvie Mucyo yagizwe umuyobozi mukuru wa’Ishuri rikuru ry’u Rwanda ry’Imyuga n’ubumenyingiro


    Source : http://igihe.com/amakuru/u-rwanda/article/ishuri-rikuru-ry-u-rwanda-ry-imyuga-n-ubumenyingiro-ryahawe-abayobozi-bashya

  • Rurageretse hagati ya Lewandowski na Bayern Munich yanze kumurekura #rwanda #RwOT

    Rutahizamu Robert Lewandowski yabwiye Bayern ko atazongera amasezerano kuko ashaka kwerekeza mu ikipe ya FC Barcelona.

    Uyu munya Polonye arashaka kwimukira muri iyi kipe y'igihangange ya Espagne ndetse yamaze gusezerana muri Bayern nubwo iyi kipe ye idashaka kumurekura.

    Amasezerano ya Lewandowski asigaje umwaka umwe ngo arangire muri kamena 2023 – ndetse iyi kipe yo mu Budage ishobora kumuhomba ku buntu nitamugurisha muri iyi mpeshyi.

    Uyu rutahizamu w'imyaka 33 yagize ati: 'Nshobora kwemeza ko navuganye na Hasan [Salihamidzic] nkamumenyesha ko icyemezo cyafashwe kandi ko ntazongera amasezerano muri Bayern.

    Impande zombi zigomba gutekereza ku bihe biri imbere.Byaba ari byiza tubonye igisubizo cyiza ku mpande zombi.

    'Nabwiye Salihamidzic ko niba hari unkeneye uje, tugomba kubitekerezaho nk'ikipe. Impande zombi zigomba gutekereza ahazaza. Ibyo ni byo nshobora kuvuga. '

    Umuyobozi wa siporo, Salihamidzic, yari yatangaje mbere ko Bayern yegukanye igikombe cya cumi cya Bundesliga cyikurikiranya muri uyu mwaka w'imikino, ishobora kugumana Lewandowski mu Budage mu mwaka we wa nyuma.

    Ati: “Naganiriye na Lewa. Muri icyo kiganiro yambwiye ko adashaka kwakira icyifuzo cyacu cyo kongera amasezerano kandi ko yifuza kuva muri iyi kipe.

    “Yavuze ko ashaka kwerekeza ahandi. Ariko imyumvire yacu ntabwo yahindutse.

    “Ikigaragara ni uko afite amasezerano kugeza ku ya 30 Kamena 2023.”

    Lewandowski ni we mukinnyi wa kabiri mu mateka watsinze ibitego byinshi ikipe ya Bayern kuko amaze kuyitsindira ibitego 344 mu mikino 375, kuva yayinjiramo avuye muri mukeba wayo Borussia Dortmund muri 2014.

    Yatsindiye ibikombe umunani bya Bundesliga, Champions League, ibikombe bitatu by'Ubudage ndetse n'igikombe cy'isi cy'ama Club.

    Nk'uko ikinyamakuru The Times kibitangaza ngo Barca yemeye guha amasezerano y'imyaka itatu Lewandowski kandi yizeye ko bashobora kumugura amafaranga ari hagati ya miliyoni 25 na miliyoni 35 z'amapawundi.

    Source : https://umuryango.rw/imyidagaduro/imikino/article/rurageretse-hagati-ya-lewandowski-na-bayern-munich-yanze-kumurekura

  • APR FC yabishyize ku rundi rwego! Ku mukino wa Rayon Sports itike ya make ni ibihumbi 10 #rwanda #RwOT

    Bwa mbere mu mateka y’u Rwanda umukino w’umupira w’amaguru itike ya make yabaye ibihumbi 10, ni mu mukino wa 1/4 cy’igikombe cy’Amahoro 2022, APR FC izakiramo Rayon Sports.

    Uyu mukino uteganyijwe ku wa Kane w’icyumweru gitaha tariki ya 19 Gicurasi 2022. Umukino ubanza ukaba wararangiye ari 0-0.

    APR FC ikaba yamaze gushyira hanze ibiciro byo kwinjira kuri uyu mukino aho yatumbagije cyane aho itike ya make ari ibihumbi 10.

    Muri rusange mu myanya y’icyubahiro ya VVIP ni ibihumbi 50 by’amafaranga y’u Rwanda, muri VIP ni ibihumbi 30, ahatwikiriye ibihumbi 20 ni mu gihe ahasigaye hose ari ibihumbi 10.

    Ibi biciro bikaba byazamuwe cyane ugereranyije n’umukino ubanza aho byari ibihumbi 5, 10, 20 na 50.

    Ibiciro by’imikino mu Rwanda bikaba bikomeje kugenda bizamuka umunsi ku munsi, ni mu gihe abafana bari bamenyereye ko itike ya make ari ibihumbi 2 none imaze kwikuba gatanu.

    Peace Cup 2022: APR F.C yatangaje ibiciro by’umukino uzayihuza na Rayon Sports https://t.co/cirF9Y0KQa@AzamRwanda pic.twitter.com/GMBXZNHCf4

    — APR FC OFFICIAL (@aprfcofficial3) May 15, 2022

    Umukino wa APR FC na Rayon Sports itike ya make ni ibihumbi 5

    Source : http://isimbi.rw/siporo/article/apr-fc-yabishyize-ku-rundi-rwego-ku-mukino-wa-rayon-sports-itike-ya-make-ni-ibihumbi-10

  • Nyagatare: Babiri bafatanywe amabaro y’imyenda ya caguwa ya magendu #Rwanda #RwOT via @kigalitoday #rwanda #RwOT

    Polisi y’u Rwanda mu Karere ka Nyagatare, ku wa Gatanu tariki ya 13 Gicurasi 2022, yafashe amabaro umunani y’imyenda ya caguwa, yari yinjijwe mu gihugu mu (…)

    Source : https://www.kigalitoday.com/amakuru/amakuru-mu-rwanda/article/nyagatare-babiri-bafatanywe-amabaro-y-imyenda-ya-caguwa-ya-magendu

  • Umukwe n’umugeni bishyize mu muriro ku munsi w’ubukwe bwabo(VIDEO) – YEGOB #rwanda #RwOT

    Umugabo n'umugore bari bagiye gushyingiranwa basohotse mu buryo butangaje mu bukwe bwabo, bakora ibirori bitangaje birimo no kwitwika nkana.Muri iyi minsi abageni basigaye bakora igisa nko kurushanwa bashaka kwerekana ibitangaza bitigeze bibaho ndetse bitazibagirana.Ni byo bano bakoze maze bifotoza barimo gushya.

    Nk'uko bigaragara mu mashusho yo ku mbuga nkoranyambaga, umusore n'umugeni we basabye ko babatwika maze bagafatwa amashusho bari mu muriro.Ni ko byagenze kuko bahise babanagaho umuriro maze imyambaro yabo itangira gushya ari nako babafotora.Hanyuma, bagendana hamwe bafatanye agatoki ku kandi mu gihe abashyitsi bari mu bukwe babirebaga kandi babishimye. Umwanya wafashwe numufotozi wubukwe ari na we wasangije aya mashusho ku rubuga rwe rwa Instagram.

    Source : https://yegob.rw/umukwe-numugeni-bishyize-mu-muriro-ku-munsi-wubukwe-bwabovideo/