Author: webrwanda

  • Leta ikomeje gufata ingamba zituma abanyarwanda bataremererwa n'ibiciro ku isoko- Minisitiri Ngirente #rwanda #RwOT

    Minisitiri w'Intebe, Dr Ngirente Edouard yavuze ko mu gihe ibiciro bkomeje kuzamuka umunsi ku munsi, leta nayo iticaye ahubwo ko ikomeje gufata ingamba zituma abanyarwanda batamererwa nabyo.

    Ibi umukuru wa Guverinoma yabitangaje kuri uyu wa Gatatu tariki 18 Gicurasi 2022, ubwo yatangizaga ku mugaragaro icyiciro cya kabiri cy'Ikigega Nzahurabukungu 'Economic Recovery Fund Phase 2'.

    Ni ikigega kirimo miliyoni 250$ agamije gufasha ubucuruzi bwazahajwe n'icyorezo cya Covid-19.

    Minisitiri w'Intebe, Dr Ngirente Edouard yagaragaje ko izamuka ry'ibiciro ku isoko ryo mu mahanga riri gutuma ibiciro ku masoko yo mu Rwanda bitumbagira.

    Minisitiri Ngirente yatanze ihumure ku banyarwanda avuga ko guverinoma izakomeza gushyiraho ingamba zose zishoboka, kugira ngo ibiciro bidakomeza kwiyongera bikabije, cyane cyane ku bicuruzwa by'ingenzi.

    Ati 'Izamuka ry'ibiciro ntabwo twarihagarika nka guverinoma ariko tugerageza kugabanya uwo muzigo ku bahahira ku masoko yacu.'

    Umukuru wa Guverinoma yashimangiye ko hari gukorwa ibishoboka ngo ibiciro ntibizamuke cyane, hakorwa igenzura ku bacuruzi bamura ibiciro uko bishakiye.

    Minisitiri Ngirente yavuze ko Leta yashyize Nkunganire mu biciro bitandukanye,

    Yifashishije urugero rwa  lisansi aho ibiciro biheruka byiyongereyeho 113 Frw kuri litiro mu gihe hari kwiyongeraho 218 Frw iyo hatabaho Nkunganire.

    Mazutu ho igiciro cyiyongereyeho 167 Frw mu gihe yari kuba 282 Frw iyo hatabaho Nkunganire.

    Leta yigomwe amafaranga 115 Frw kuri litiro kuri mazutu kugira ngo abakora ubwikorezi n'ingendo badahura n'ibibazo.

    Umukuru wa Guverinoma yagaragaje ko icyiciro cya kabiri cy'Ikigega Nzahurabukungu cyatangiranye miliyari 250 Frw, kizakomeza gufasha u Rwanda kuzahura ibikorwa by'ubucurizi n'ishoramari byahungabanyijwe na Covid-19.

    Umwihariko kuri iyi nshuro, ngo ni ugufasha abafite imishinga y'ishoramari rishya cyane abashaka kwagura ishoramari badasanganywe.

    Minisitiri w'Intebe Dr Edouard Ngirente yatangaje ko ubukungu bw'u Rwanda muri uyu mwaka bwitezweho kuzamuka kuri 6%, aho kuba 7.4% nk'uko byari byitezwe.

    Ni imanuka ry'igipimo ryatewe n'ibibazo mpuzamahanga by'ubukungu, birimo ibiciro bihanitse by'ubwikorezi bishigiye ku izamuka ry'igiciro cy'ibikomoka kuri peteroli, harimo n'intambara imaze iminsi ibera muri Ukraine.

    Guverinoma y'u Rwanda kandi yiyemeje kongera ubuso buhingwa hirya no hino mu gihugu kugirango umusaruro w'ibikomoka ku buhinzi wiyongere.

    The post Leta ikomeje gufata ingamba zituma abanyarwanda bataremererwa n'ibiciro ku isoko- Minisitiri Ngirente appeared first on FLASH RADIO&TV.

    Source : https://flash.rw/2022/05/18/leta-ikomeje-gufata-ingamba-zituma-abanyarwanda-bataremererwa-nibiciro-ku-isoko-minisitiri-ngirente/?utm_source=rss&utm_medium=rss&utm_campaign=leta-ikomeje-gufata-ingamba-zituma-abanyarwanda-bataremererwa-nibiciro-ku-isoko-minisitiri-ngirente

  • Amalon yakuye Pinky wo muri Uganda mu ndirimb… – #rwanda #RwOT

    Iriho indirimbo 'Wanchekecha' y'iminota 3 n'amasegonda 21' ndetse na 'Royalty' y'iminota 3 n'amasegonda 26' yayitiriye.

    Amalon yabwiye INYARWANDA ko yari amaze igihe akorana kuri izi ndirimbo hamwe n'izindi agomba gushyira ahagaragara muri iyi mpeshyi ya 2022.

    Avuga ko ari indirimbo zimwumvikanisha mu buryo butandukanye n'ubwo abantu bari bamuziho, ari na yo mpamvu yahisemo kubanza gushyira hanze 'audio' gusa.

    Mu ntangiriro za Gashyantare 2022, umunyamafaranga Jeff Kiwa akaba n'umukunzi w'umuziki yari mu Rwanda ari kumwe n'umuhanzikazi Pinky.

    Jeff Kiwa yavuzwe cyane ubwo yafashaga mu muziki umuhanzikazi Sheebah Karungi baje gutandukana agejeje ku rwego rushimishije.

    Nyuma y'uko batandukanye, Jeff yahise atangira gufasha Pinky. Ubwo bari mu Rwanda, uyu muhanzikazi yakoranye indirimbo na Amalon.

    Hari amashusho yasohotse Jeff ari kumwe na Pinky bumva iyi ndirimbo uyu muhanzikazi yari yakoranye na Amalon.

    Amalon yabwiye INYARWANDA ko iyi ndirimbo ari 'Wanchekecha' iri kuri iyi EP ye yasohoye, ariko ko amajwi y'uyu mukobwa yakuwemo kuko atabashije kubonekera igihe ngo bayirangize neza nk'uko bari bavuganye.

    Uyu muhanzi yavuze ko yafashe icyemezo cyo gusohora iyi ndirimbo ari wenyine, kubera ko yari amaze igihe adasohora indirimbo kandi akabona ari gutinda.

    Ati 'Byabaye ngombwa ko dusa n'aho dukorana 'sample' nashakaga kureba ko nakwaguka mu muziki. Yararirimbye [Mu ndirimbo] ariko nyuma tuza kuganira […] biba ngombwa ko ndeka gukomeza kumugekereza, kuko umwaka wari ugeze [Adasohora indirimbo].'

    Uyu muhanzi yari amaze umwaka udasohora indirimbo, kuko yaherukaga iyo yise 'Tequila' yasohoye ku wa 20 Mata 2021.

    Akomeza ati 'Kuri gahunda yabo menya [Jeff na Pinky] barashakaga ko tubyigiza imbere tukabishyira mu y'andi mezi ariko njyewe igihe cyanjye cyari cyageze, biba ngombwa ko nsohora indirimbo atumvikanamo. Yari afite 'verse' muri iyi ndirimbo 'Wanchekecha'.'

    Amalon yavuze ko nta kibazo afitanye na Pinky ahubwo byabaye 'ngombwa ko nsohora indirimbo zanjye'. Akavuga ko ari gutekereza gusubiramo iyi ndirimbo 'Wanchekecha' aho noneho Pinky ashobora kuyumvikanamo.

    Ati 'Nta wundi mushinga twari dufitanye kwari ukuririmba muri iyi ndirimbo. Ariko ndatekereza gusubiramo iyi ndirimbo, umushinga nibwo ugitangira. Mu kuyisubiramo, nshobora kumwifashisha. Kuko ndashaka no gusubiramo 'Royality'.

    Uyu muhanzi yavuze ko nta mubare w'indirimbo ziteganyijwe kujya kuri EP ari nayo mpamvu iye iriho indirimbo ebyiri gusa, kandi zihariye.

    Ati 'Urabona igihe ahantu kigeze numvaga nasohora 'video' imwe numva icyihutirwa atari uko abantu babona njyewe ku maso, ndavuga nti reka mbanze mbasubize muri 'melody' nziza babanze bumve neza 'sound' zirimo kuko ni nshya.'

    Akomeza ati 'Urumva ndi kuzana ikintu gishya. Ni indirimbo ebyiri ariko zikubiyemo ubuhanga bwinshi. Ndashaka ko babanza kuzumva. Indirimbo nka 'Wanchekecha' irabyinitse, tugiye mu gihe cy'impeshyi aho abantu bazaba babyina, mu birori n'ahandi. Ndashaka gushyiramo imbaraga ku buryo impeshyi izagera abantu baraziyumvisemo [Indirimbo]. Ni ukugaruka neza mu kibuga cy'umuziki.'

    Nanyanzi Rahmah [Pinky] wakuwe muri iyi ndirimbo abarizwa muri sosiyete ifasha abahanzi mu bya muzika ya Jeff Kiwa yise 'Team No Sleep' cyangwa TNS. Uyu mukobwa azwi mu ndirimbo 'Superstar', 'Selector', 'Kukwagala' n'izindi.

    Uyu mukobwa w'imyaka 17 y'amavuko, ni umunyeshuri muri Kampala International University (K.I.U). Yasoje ayisumbuye muri London College Nansana.

    Pinky aherutse gutangaza ko kuri iyi myaka yari agiye kurongorwa n'umugabo w'imyaka 45 y'amavuko kugira ngo abashe kubona 'Green Card' ajye kuba muri Leta Zunze Ubumwe za Amerika.

    Uyu mukobwa yavuze ko Nyina ari we wamusabaga kubana n'uyu mugabo, mu gihe Se atabyiyumvishaga.

    Pinky yavuze ko uyu mugabo w'imyaka 45 yabanje kumubwira ko ashaka kumufasha mu muziki, kandi akamujyana muri Amerika kwiga ibijyanye n'amategeko.

    Uyu mugabo yabwiye Pinky ko kugira ngo bishoboke, ari uko yemera bakabana nk'umugabo n'umugore, undi arabyanga.


    Pinky yari yagaragaje ko yanogewe no gukorana indirimbo na Amalon n'ubwo igitero (Verse) cye cyakuwemo 

    Amalon yatangaje ko yafashe icyemezo cyo gukura Pinky mu ndirimbo 'Wanchekecha' kubera ko yari arimo kumutinza 

    Ubwo yinjiraga muri Team No Sleep (TNS), Pinky yavuze ko atagenzwa no gusimbura Sheebah Karungi ahubwo arajwe ishinga no gutangira urugendo rwe rw'umuziki

    KADA HANO WUMVE INDIRIMBO 'WANCHEKECHA' YA  AMALON

    “>

    KANDA HANO WUMVE INDIRIMBO 'LOYALTY' YA  AMALON

    “>

    Source : https://inyarwanda.com/inkuru/117282/amalon-yakuye-pinky-wo-muri-uganda-mu-ndirimbo-iri-kuri-ep-ye-yasohoye-117282.html

  • Intasi z'Amerika zayobewe inkomoko y'ibigendajuru byabonetse mu kirere #rwanda #RwOT

    Bwa mbere mu myaka irenga 50 ishize kuwa kabiri Inteko ishingamategeko ya Amerika yumvise abategetsi bashinzwe ubutasi bwa gisirikare ku bigendajuru bidasobanutse byabonetse mu kirere bizwi nka 'Unidentified Flying Objects' (UFO).

    Kumvwa kwabo kumvikanyemo ibisubizo bicye kuri ibi bigendajuru.

    Bavuze ko amaherezo byinshi muri ibyo bigendajuru bizasobanuka ariko ko hari ibindi byo byananiranye neza kubisobanura.

    Ibyabonetse byafashwe amashusho n'igisirikare birimo 11 'byahushije' indege za Amerika.

    Ibigendajuru bidasobanutse byabonetse bigenda mu kirere ariko utabasha kumenya imbaraga zituma bibasha kuguruka.

    Ni iki cyabaye mu kumva bariya basirikare?

    Bumviswe na komite yo kurwanya iterabwoba, no guhangana n'ubutasi y'Inteko ya Amerika.

    Ronald Moultrie, umwe mu bashinzwe ubutasi muri Pentagon, yavuze ko 'mu busesenguzi bukomeye' bakoze, nyinshi muri UFO zashoboye kumenyekana — ariko ko atari zose.

    Yagize ati: 'Ikintu cyose tubonye gishobora kurebwa neza, kikigwa, kigasobanurwa, kandi byaba ngombwa kigakumirwa'.

    Gusa hari umubare w'ibintu bimwe byabonetse bidafitiwe ibisobanuro.

    Kimwe ni ibyabaye mu 2004 ubwo abatwara indege z'intambara bari ku bwato butwara indege mu nyanja ya Pasifika bahuye n'ikigendajuru cyasaga n'ikimanutse kiva muri kilometero ibihumbi mu kirere mbere yo guhagarara mu kirere aho.

    Ibindi byeretswe rubanda bwa mbere kuwa kabiri, ni ikintu kiboneka kuri 'camera' kiguruka kigaca iruhande rw'indege kabuhariwe y'intambara ya Amerika. Iki kugeza ubu ntikirasobanurwa.

    Scott Bray, wungirije umukuru w'ubutasi bw'ingabo zo mu nyanja, wari kumwe na Moultrie, yagize ati: 'Hari umubare muto w'ibintu bifite ibimenyetso tudashobora gusobanura dushingiye ku makuru dufite.

    'Ibyo birumvikana ko ari byo bituraje ishinga.'

    Bray asa n'uhakana ibivugwa ko UFOs zaba ari iz'ibisabantu biba mu isanzure, avuga ko nta kinyabuzima cyangwa igice kitazwi kiraboneka kibivuyeho, ndetse ko nta kugerageza kuvugisha cyangwa gutumanaho n'ibyo bigendajuru kurabaho.

    Ati: 'Nta kintu turabona cyatubwira ko ibi bintu bikomoka ahandi hatari ku isi.'

    Ifoto y'ikigendajuru kidasobanutse, irebeshejwe amataratara abona mu mwijima, yeretswe abagize inteko ya Amerika

    Gusa kuba bimwe muri byo bitanafitiwe ibisobanuro biracyibazwaho byinshi.

    Ikibazo ku mutekano wa Amerika?

    Abagize inteko ishingamategeko bari muri uku kumva bavuze ko ibi bigendajuru bidasobanutse biteye impungenge umutekano wa Amerika.

    Rick Crawford, wa leta ya Arkansas, yavuze ko kunanirwa kumenya ibi bintu biteye inkeke 'bingana no gutsindwa k'ubutasi tugomba kwirinda'.

    Yongeraho ati: 'Ntabwo ari ugushakisha ibigendajuru by'ibyo binyabuzima (aliens)'.

    Kuri biriya bigendajuru uburyo bigurukamo bitarabasha gusobanurwa, Bray yavuze ko Amerika 'itazi' ikoranabuhanga iryo ari ryo ryose ryaba rimeze nk'iryo.

    Nyuma y'uko kumvwa mu ruhame, komite y'inteko yafunze imiryango yayo kugira ngo habe ikindi kiganiro cy'amakuru y'ibanga kuri ibi.

    Amatsiko y'abantu ku bintu bitazwi neza biguruka mu kirere, aba-aliens, n'ibijyanye nabyo, amaze imyaka myinshi.

    Kumva mu ruhame ibyo ubutasi bwagezeho kuri ibi kwaherukaga mu 1966, ubwo umudepite w'umurepubulikani — waje kuba perezida — Gerard Ford yakoranyaga igikorwa cyo kuganira ku kubona za UFO nyuma y'iyabonetse muri Michigan bikemezwa n'abantu barenga 40, barimo abarenga 10 b'abapolisi.

    Ingabo zirwaranira mu kirere za Amerika zavuze ko icyo babonye ari 'imyuka yo mu gishanga', bituma Ford avuga ko ibyo bavuze birimo 'gusuzugura'.

    Mu 1969, iperereza kuri UFOs ry'ingabo zirwanira mu kirere, ryiswe Project Blue Book, ryarafunzwe nyuma yo kwanzura ko nta kintu kiguruka cyemejwe cyangwa kibonwa nk'icyago ku mutekano wa Amerika.

    Twihuse vuba tukagera mu 2017, ibinyamakuru muri Amerika byavuze ko Pentagon iri mu iperereza ry'ibanga ku buhamya bw'abapilote ba gisirikare bavuze ko babonye ibintu bidasanzwe biguruka mu kirere.

    Izo nkuru zarimo amashusho ya za UFO, n'amakuru y'uburyo ziguruka mu buryo butitezwe, harimo nko kuba zibasha guhagarara mu kirere kirimo umuyaga ukomeye no kongera kuzamuka vuba vuba.

    Abapilote bavuze ko babibona 'hafi buri munsi' hanze y'ibigo bya gisirikare, kandi umwe mu baburira we yavuze uko UFOs zabangamiye ibigo by'intwaro kirimbuzi bya Amerika, bikanakura bimwe ku mirongo y'itumanaho mu gihe runaka.

    Mu 2020, itegeko kuri Covid ryasinywe na Perezida Donald Trump ryarimo ingingo isaba inzego z'ubutasi bwa Amerika gutanga raporo y'ibanga ku bigendajuru bidasobanutse bitarenze iminsi 180.

    Muri Kamena (6) 2021, umukuru w'ibiro bishinzwe ubutasi bya Amerika yasohoye raporo ivuga ko nta bisobanuro bafite ku bigendajuru birenga 10 bidasobanutse bijyanye n'ibigera ku 144 byavuzwe kuva mu 2004.

    Kimwe gusa ni cyo basobanuye ko ari igipurizo cyayobye, mu gihe ibindi babyise 'ibitafatwaho umwanzuro'.

    Iyi raporo igira iti: 'Byinshi mu bigendajuru bidasobanutse byavuzwe birashoboka ko koko ari ibintu bifatika', ivuga ko 80 muri byo byabonwe n'ibikoresho bigezweho bya gisirikare na za radari.

    Scott Bray yereka abagize imwe muri komite z'inteko video y'ikigendajuru kidasobanutse

    Iriya raporo ntiyasobanuye ibyo bintu ibyo ari byo, cyangwa uko bikora. Yanzuye ko hakorwa iperereza ryagutse kurushaho no gukusanya amakuru kuruseho, kubera kunengwa no kugawa kw'abakozi bagiye bavuga uko babonye ibyo bintu.

    Mu Ukuboza (12) gushize, Perezida Joe Biden yasinye itegeko risaba birushijeho igisirikare gukora iperereza kuri ibi bintu.

    Iryo tegeko risaba igisirakare gushyiraho ibiro bihoraho bishinzwe ubushakashatsi kuri UFO — ubu byitwa 'Airborne Object Identification and Management Synchronization Group'.

    @BBC

    The post Intasi z'Amerika zayobewe inkomoko y'ibigendajuru byabonetse mu kirere appeared first on IRIBA NEWS.

    Source : https://iribanews.rw/2022/05/18/intasi-zamerika-zayobewe-inkomoko-yibigendajuru-byabonetse-mu-kirere/

  • Abantu benshi ntibazi kuvuga izina ryanjye uko riri – Kayirebwa Cécile #Rwanda #RwOT via @kigalitoday #rwanda #RwOT

    Umuhanzi Kayirebwa Cécile uba mu Bubiligi, avuga ko abantu benshi batazi kuvuga izina rye uko riri, we akabyita gushyoma kuko barivuga barigoreka, ukaba nta (…)

    Source : https://www.kigalitoday.com/imyidagaduro/muzika/article/abantu-benshi-ntibazi-kuvuga-izina-ryanjye-uko-riri-kayirebwa-cecile

  • Abo mu Karere ka Ngoma bungutse indi kaminuza – #rwanda #RwOT

    Ibi bije nyuma y'aho hasohokeye amatangazo asaba abanyeshuri kwiyandikisha muri kaminuza Gatulika y'u Rwanda mu ishami ryayo rya Ngoma.

    Iyi kaminuza izakorera iruhande rw'ahahoze kaminuza ya Kibungo.

    Umuyobozi wa kaminuza Gatulika y'u Rwanda, Dr Ntaganda Laurent, yabwiye IGIHE ko bagejejweho icyifuzo na Diyoseze ya Kibungo cyo kuhafungura ishami rya ryigisha amasomo ya 'Post graduate' bahitamo kurihatangiza.

    Ati ' Twasabwe na Diyoseze ya Kibungo kujyanayo ishami kuko bashakaga ngo abapadiri babo bakomeze kwiga ( Post graduate) kuko kujya i Kigali ari kure, Musenyeri waho rero yadusabye ko twatangizayo ishami tubisabye muri HEC batubwira ko tutasabira abapadiri gusa ahubwo ngo twashyiramo n'abandi banyeshuri bisanzwe bituma duhitamo kwakira abanyeshuri bose.'

    Dr Ntaganda yavuze ko ku ikubitiro bazakira abashaka kwiga icyiciro cya 'post graduate' gusa avuga ko batazakorera mu mashuri yahoze akorerwamo na UNIK, yavuze ko nibikomeza kugenda neza bazakomeza kwakira abanyeshuri benshi no mu yandi mashami mu gihe HEC yabibemerera.

    Ati 'Ntabwo aritwe tubyiha abantu barasaba yabona (HEC) ko bikenewe ikaba yabibemerera, aka kanya sinabikwemerera ariko HEC nibitwemerera twabikora gusa ubu turayishimira ko yatwemereye gufungurayo ishami.'

    Tariki ya 28 Nyakanga 2020 nibwo Kaminuza ya Kibungo (UNIK) yahoze yitwa UNATEK yafunzwe burundu na Minisiteri y'Uburezi hashingiwe ku bibazo byayigaragaragamo birimo n'imyigishirize idahwitse.

    Ibi byatumye bamwe mu baturage bari batuye hafi yaho bavuga ko basigaye mu gihombo kuko hari abari bafite inzu hafi aho zabuze abazikodesha, abari bafite ubucuruzi nabo barahomba kuko abenshi bagurirwaga n'abanyeshuri.

    Kaminuza Gaturika y'u Rwanda isanzwe ifite icyicaro gikuru mu Karere ka Gisagara ndetse n'ishami mu Karere ka Huye. Yatangiye gukora mu 2011/2012 ikaba imaze gutanga impamyabumenyi inshuro zirindwi.

    Kaminuza Gatulika y'u Rwanda yafunguye ishami i Ngoma


    Source : http://igihe.com/amakuru/u-rwanda/article/abo-mu-karere-ka-ngoma-bungutse-indi-kaminuza

  • Clarisse Karasira yongeye kwibutsa iminsi ibura ngo yibaruke imfura ye #rwanda #RwOT

    Kuwa 8 Gicurasi 2022, nibwo Clarisse Karasira yakorewe ibirori byo kwitegura imfura ye y'umuhungu bizwi nka (Baby Shower)

    Kuva icyo gihe uyu muhanzikazi ntahwema kugaragaza imbamutima ze umunsi k'uwundi nk'umuntu ugiye kwitwa umubyeyi.

    Icyo gihe Clarisse Karasira yavuze ko ari umugisha ukomeye kuba yitegura kwakira Igikomangoma umwuzukuru w'Imana ndetse n'Igihugu, aboneraho no gushimira umugabo we amwifuriza kurama kugirango akomeze abone ibyiza Imana yabateguriye.

    Kuri iyi nshuro uyu muhanzikazi yifashishije urukuta rwe rwa Instagram yongeye kwibutsa ko hasigaye iminsi mike ngo yakire Umwuzukuru w'Imana n'Igihugu ndetse ko indirimbo yamuhimbiye yo habura amasaha make ngo igere hanze.

    Mu butumwa yagize ati” Turabarira iminsi ku ntoki ngo tukwakire Gikomangoma,umwuzukuru w'Imana n'igihugu. Turabarira amasaha ku ntoki ngo indirimbo ihebuje wahimbiwe isakare muri rubanda.

    Source : https://umuryango.rw/imyidagaduro/article/clarisse-karasira-yongeye-kwibutsa-iminsi-ibura-kugirngo-yibaruke-imfura-ye

  • #COVID19: Abantu icyenda banduye babonetse mu bipimo 5,866 #Rwanda #RwOT via @kigalitoday #rwanda #RwOT

    Minisiteri y’Ubuzima (MINISANTE) iratangaza ko ku wa Kabiri tariki 17 Gicurasi 2022 mu Rwanda habonetse abantu icyenda banduye Covid-19, bakaba babonetse mu (…)

    Source : https://www.kigalitoday.com/ubuzima/indwara/article/covid19-abantu-icyenda-banduye-babonetse-mu-bipimo-5-866

  • Uganda yatangaje igihe ingabo zayo zizavira muri Congo-Kinshasa #rwanda #RwOT

    Ingabo za Uganda zizava ku butaka bwa DR Congo mu byumweru bibiri nk'uko bivugwa n'umugaba w'ingabo zirwanira ku butaka za Uganda.

    Lt Gen Muhoozi Kainerugaba yatangaje kuri Twitter ko amasezerano y'amezi atandatu yo gufatanya kw'ingabo z'ibihugu byombi yiswe 'Operation Shujaa' azarangira mu byumweru bibiri.

    Yanditse ati: 'Uretse mpawe andi mabwiriza avuye ku mugaba w'ikirenga b'ingabo, [naho ubundi] nzakura ingabo zacu muri DRC mu byumweru bibiri'.

    Kuva mu mpera z'Ugushyingo(11) 2021, abasirikare barenga 1,500 ba Uganda boherejwe mu ntara ya Ituri gufatanya n'ingabo za DR Congo kurandura umutwe w'iterabwoba wa ADF.

    Nubwo ibikorwa bya gisirikare by'izi ngabo byashegeshe uwo mutwe muri ako gace, wakomeje gukora ibitero bya hato na hato ku baturage, kugeza mu minsi ya vuba aha.

    Nyuma gato atangaje biriya, Muhoozi yongeye yandika ko Operation Shujaa yakomeza andi mezi atandatu 'igihe ba Perezida Museveni na Tshisekedi bakwemeza kongera igihe'.

    Gen Muhoozi azwiho gukoresha Twitter mu buryo butavugwaho rumwe, cyane cyane muri iki gihe bamwe bavuga ko yatangiye kwinjira muri politiki agamije gusimbura se [Yoweri Museveni] mu matora ya 2024.

    Hagati muri 'Operation Shujaa' Muhoozi yagiye atangaza kuri Twitter ko ADF — umutwe uvuga ko urwanya ubutegetsi bwa Museveni — ingabo z'ibihugu byombi zirimo kuwutsinda uruhenu.

    Herekanywe amafoto bivugwa ko ari aya bamwe mu bakuriye abarwanyi b'uyu mutwe bishwe, hamwe n'abafatiwe mu mirwano ya gisirikare.

    Abasesenguzi bo muri kariya gace ariko bavuga ko kurandura uwo mutwe washinze imizi mu bice bya Ituri bigoye kuko bamwe mu bawugize barimo n'abaturage basanzwe ba DR Congo.

    @BBC

    The post Uganda yatangaje igihe ingabo zayo zizavira muri Congo-Kinshasa appeared first on IRIBA NEWS.

    Source : https://iribanews.rw/2022/05/18/uganda-yatangaje-igihe-ingabo-zayo-zizavira-muri-congo-kinshasa/

  • Rwarutabura yakoze impanuka arara mu bitaro, abafana ba APR FC baramusura #rwanda #RwOT

    Umufaana ukomeye cyane w’ikipe ya Rayon Sports, Rwarutabura yaraye ikoze impanuka ya moto yatumye arara mu bitaro, bamwe mu bafana ba APR FC bakaba ari bamwe mu bamusuye mu ba mbere ndetse bamuha ubufasha.

    Uyu mufana ukomeye yakoze impanuka ku munsi w’ejo hashize ku wa Kabiri ubwo yari agiye mu Nzove ku myitozo y’iyi kipe yitegura umukino wo kwishyura wa 1/2 cy’igikombe cy’Amahoro bazakinamo na APR FC ku munsi w’ejo ku wa Kane tariki ya 19 Gicurasi 2022.

    Ubwo yari ageze mu muhanda w’igitaka werekeza ku kibuga cyo mu Nzove, moto yari ariho yagonganye n’indi maze aba ari we ukomereka ahita yihutanwa kwa muganga aho yajyanywe ku bitaro bya Nyarugenge akaba ari ho arwariye.

    “Impanuka yayikoze ejo, yaraye mu bitaro abaganga bamwitaho. Uyu munsi nibwo bamunyuza mu cyuma, ubu urabona yoroherwa nta kibazo. Yari ageze muri wa muhanda w’igitaka wo mu Nzove moto yari ariho igongana n’indi aba ari we ukomereka.” Nkundamatch umurwaje aganira n’ikinyamakuru ISIMBI

    Rwarutabura kandi akaba yaraye asuwe na bamwe mu bakunzi ba APR FC harimo inshuti ye Rujugiro ndetse bamuha n’ibahasha irimo amafaranga ashobora kwifashisha.

    Yakoze impanuka arara mu bitaro

    Bamwe mu bakunzi ba APR FC bamusuye

    Source : http://isimbi.rw/siporo/article/rwarutabura-yakoze-impanuka-arara-mu-bitaro-abafana-ba-apr-fc-baramusura