Author: webrwanda

  • Abagize Shalom Family basuye banashyikiriza i… – #rwanda #RwOT

    Ku ya 15 Gicurasi 2022, ni bwo abagize umuryango wa Shalom Family ndetse n’inshuti zabo, basuye umuryango uvukamo uyu mwana wagize ubumuga nyuma y’igihe gito avutse, aho babashije gushyikiriza imfashanyo abo muri uyu muryango.

    Bwagwaneza Elisa (Keza) wasuwe, ni umwana w’imyaka 12 y’amavuko wo mu murenge wa Gisozi ho mu karere ka Gasabo, wagize ubumuga bukomatanye nyuma y’igihe gito akivuka, biturutse ku kunanirwa gukora kw’ingingo zimwe na zimwe mu gihe yari akivuka.

    Elisa ateruwe n’umubyeyi we

    Uyu mwana ukomoka mu muryango utishoboye, ntabasha kwicara ndetse ntabwo abasha kuvuga, ku buryo bitorohera umubyeyi we (nyina) kumurera wenyine kuko uwari umugabo we yamutanye abana mu bihe byashize. 

    Urubyiruko rwibumbiye mu muryango Shalom Family rwateranije inkunga, rubasha gusura uyu mwana ndetse n’imiryango we mu cyumweru gishize aho banamugeneye igare ry’abafite ubumuga, rizajya rimufasha mu ngendo.

    Igare ryatanzwe

    Uretse abasore, inkumi n’ababyeyi barenga 50 bagize uyu muryango, iki gikorwa cy’urukundo bakoze cyanitabiriwe n’inshuti n’abavandimwe babo, barimo Uwimanzi Vanessa uheruka guhatana mu marushanwa ya Miss Rwanda 2022. Aba basuye uyu muryango, bawugeneye ibyo kurya bitandukanye, ibikoresho by’isuku, Igare ry’abafite ubumuga, amafaranga yo kwishyura inzu mu gihe cy’amezi atandatu n’ibindi.

    Muvunyi Bihozagara ‘Kibamba’ uyobora umuryango Shalom, mu kiganiro na InyaRwanda.com yasabye buri muntu ubifitiye ubushobozi n’ubushake kuzagira icyo afasha abagize umuryango wa Bagwaneza Elisa utorohewe no kurwaza umwana mu gihe uwureberera (nyina w’abana / Yankurije Vestine) adafite akazi.

    Source : https://inyarwanda.com/inkuru/117298/abagize-shalom-family-basuye-banashyikiriza-inkunga-umuryango-wa-bagwaneza-elisa-wavukanye-117298.html

  • Phénéas Munyarugarama washakishwaga n’ubutabera byemejwe ko yapfuye #Rwanda #RwOT via @kigalitoday #rwanda #RwOT

    Ibiro by’umushinjacyaha w’Urwego Mpuzamahanga Rwashyiriweho Gukora Imirimo y’Insigarira y’Inkiko Mpanabyaha (IRMCT) byemeje urupfu rwa Phénéas Munyarugarama, (…)

    Source : https://www.kigalitoday.com/ubutabera/jenoside/article/pheneas-munyarugarama-washakishwaga-n-ubutabera-byemejwe-ko-yapfuye

  • Rubavu: Abanyeshuri bane b’abakobwa bari babuze babonetse #Rwanda #RwOT via @kigalitoday #rwanda #RwOT

    Umunyamabanga Nshingwabikorwa w’Umurenge wa Rubavu, Kikundiro Mabule, yatangarije Kigali Today ko abanyeshuri b’abakobwa bane bari babuze ku ishuri bigaho (…)

    Source : https://www.kigalitoday.com/umutekano/imbere-mu-gihugu/article/rubavu-abanyeshuri-bane-b-abakobwa-bari-babuze-babonetse

  • Phénéas Munyarugarama washakishwaga ku byaha bya Jenoside amaze imyaka 20 apfuye – #rwanda #RwOT

    Munyarugarama wari Lt Colonel mu ngabo z'u Rwanda (FAR), yashakishwaga kubera ibyaha yakoze nk'uwari Umuyobozi w'Ikigo cya Gisirikare cya Gako mu Karere ka Bugesera, muri Perefegitura ya Kigali-Ngali muri 1994.

    IRMCT yatangaje ko nyuma y'iperereza ryimbitse, yamenye neza ko Munyarugarama yapfuye azize urupfu rusanzwe tariki cyangwa hafi y'itariki ya 28 Gashyantare 2002 i Kankwala, mu Burasirazuba bwa Repubulika Iharanira Demokarasi ya Congo (DRC), ari naho yashyinguwe.

    Yashinjwaga ibyaha umunani birimo itsembabwoko, gushishikariza mu buryo butaziguye no gukangurira rubanda gukora Jenoside, n'ibyaha byibasiye inyokomuntu. Munyarugarama ngo yaba ari we nyirabayazana w'ubwicanyi bwibasiye imbaga, ibitero, n'ihohoterwa rishingiye ku gitsina ryakorewe abaturage b'Abatutsi ahantu hatandukanye mu Karere ka Bugesera, harimo n'ibitero byibasiye impunzi z'Abatutsi kuri kiliziya Gatolika ya Ntarama n'iya Nyamata.

    Munyarugarama wari Lt Colonel mu ngabo z'u Rwanda (FAR), yakorewe impapuro z'ibirego bwa mbere n'Urukiko Mpanabyaha Mpuzamahanga Rwashiriweho u Rwanda ICTR muri 2002.

    Muri Kamena 1994, Munyarugarama n'umuryango we bahunze u Rwanda berekeza Zaire, bidatinze yinjira mu ngabo zahoze ari FAR zishyiraga hamwe muri icyo gihugu kugira ngo zikomeze kurwanya Guverinoma y'u Rwanda na nyuma ya Jenoside.

    IRMCT ivuga ko uruhare rwe rugaragara mu kwinjiza no guhugura ingabo zahoze muri FAR, byanashimangiwe no kuba yarabaye 'Komiseri w'ingabo' w'umutwe w'abaharaniraga kubohora u Rwanda (People in Action for the Liberation of Rwanda -PALIR), wabanjirije umutwe wa FDLR, ari wo waje kuba ihuriro ry'abahoze muri FAR n'indi mitwe igizwe n'impunzi z'Abahutu.

    Umushinjacyaha Mukuru wa IRMCT, Serge Brammertz, yavuze ko kumenya amakuru y'urupfu rwa Munyarugarama ari indi ntambwe ikomeye ku butabera.

    Ati 'Iki gisubizo ni indi ntambwe y'ingenzi mu bikorwa byacu byo guharanira ubutabera ku bahohotewe na Jenoside yakorewe Abatutsi mu Rwanda no kurangiza manda yacu. Ku bahohotewe n'abacitse ku icumu rya Munyarugarama mu Karere ka Bugesera, turizera ko iki gisubizo hari iherezo gitanga.'

    Yakomeje agira ati 'Ndashaka kandi gushimira abafatanyabikorwa bacu, harimo inzego zitandukanye z'u Bubiligi n'u Rwanda, ubufasha bwabo bwagize uruhare runini muri iri perereza.'

    Amakuru ku rupfu rwa Munyarugarama, aje akurikira aya Protais Mpiranya wahoze akuriye ingabo zarindaga Umukuru w'Igihugu mu 1994, washakishwaga kubera ibyaha bya Jenoside. Mpiranya byaje kumenyekana ko yapfuye mu 2006 aguye muri Zimbabwe.

    IRMCT yagaragaje ko igikomeje gushakisha abandi bashinjwa uruhare muri Jenoside yakorewe Abatutsi barimo Fulgence Kayishema, Charles Sikubwabo, Charles Ryandikayo na Aloys Ndimbati batarafatwa.

    Amakuru ahari avuga Fulgence Kayishema wahoze ari Umugenzacyaha wa Komine Kivumu muri Perefegitura ya Kibuye, yaba ari muri Afurika y'Epfo.

    Munyarugarama byamenyekanye ko yapfuye mu 2002


    Source : http://igihe.com/amakuru/u-rwanda/article/pheneas-munyarugarama-washakishwaga-ku-byaha-bya-jenoside-amaze-imyaka-20

  • “Uganda ntikiri indiri iboneye ku batoroka Leta y'u Rwanda”: Mugabe Robert #rwanda #RwOT

    Umubano w'u Rwanda na Uganda ukomeje gutera intambwe uzahuka umunsi ku wundi bigendeye ku buryo ibihugu byombi byatangiye ubufatanye mu bijyanye n'umutekano no gukurikirana abanyabyaha.

    Abakurikiranira hafi umubano wa Uganda n'u Rwanda bemeza ko bigoye ko hari ushobora guhemukira uruhande rumwe agahungira ku rundi ubu, nyuma akizera ko yatorotse burundu igihugu cye.

    Abavuga ibi bashingira ku myitwarire imaze iminsi iranga Uganda,ishingiye ku kwereka umuturanyi wayo u Rwanda ko impungenge zo guteza umutekano muke zavuyeho burundu.

    Umunyamakuru Robert Mugabe nawe yunze mu ryaba ,avuga ko abatoroka u Rwanda berekera muri Uganda bibeshya cyane kuko ari nko guhungira ubwayi mu kigunda(umugani w'ikinyarwanda) uvuga guhungira kuwo uhunga.

    Yagize ati 'kuba inzego za gisirikare z'ibihugu byombi zarahuye zikemeranya imikoranire mu by'umutekano ubwabyo n'ikimenyetso ko ntawaca mu rihumye ibihugu byombi agamije ku bihungabanyiriza umutekano. Ikindi kandi aba basirikare batoroka bagafatwa bakazanwa mu Rwanda bishimangira yamikoranire navugaga'

    Mugabe akomeza avuga ko kugeza ubu ,abatekereza ko Uganda yakomeza kuba indiri y'abatoroka u Rwanda bibeshya kuko nababigerageje nka Joel Mutabazi yise (Toburende) yarafashwe azanwa mu Rwanda ,n'abandi nkawe.

    Ni mu gihe Inzego z'umutekano muri Uganda zataye muri yombi Sgt Major Robert Kabera nyuma y'uko urugo rwe rusatswe bikekwa ko atunze imbunda mu buryo bunyuranyije n'amategeko.

    Sergeant Robert yavuye mu Rwanda mu mpera za 2020 ahunze ubutabera, bivugwa ko mu gitondo cyo kuri uyu wa Mbere aribwo yafashwe agafungirwa ahitwa Masanafu muri Kampala.

    Nyuma y'iminsi ine y'ibiganiro, Leta y'u Rwanda na Uganda byashyizeho uburyo bushya bw'imikoranire, mu rwego rwo kurushaho kuzahura umubano hagati y'ibihugu byombi wigeze kumara igihe kinini utameze neza.

    Biganiro byitabiriwe n'itsinda ry'u Rwanda ryari riyobowe n'Umuyobozi ushinzwe Ubutasi bw'Igisirikare mu Ngabo z'u Rwanda (RDF), Brig Gen Vincent Nyakarundi.

    Kurikira ikiganiro cyose

    https://youtu.be/LsbXrmrGOTA

    Source : https://umuryango.rw/amakuru/mu-rwanda/politiki/article/uganda-ntikiri-indiri-iboneye-kubatoroka-leta-y-u-rwanda

  • Ni bo bari kuzitigisa! Ihere ijisho ikimero c… – #rwanda #RwOT

    Aba bakobwa uko ari babiri bahuriye muri filime mbarankuru “Love and Drama” bose bakunda umusore umwe. Mu gusohoka ndetse no kwamamazwa kw'iyi filime byateye abantu amatsiko ndetse kugeza ubwo abenshi birukankiye kuyireba ku rurubuga rwa Zana Talent rwa King James. Bakuruwe cyane n’iy filime birukankira kuyireba ku bwinshi kandi bisaba no kwishyura.

    Mu mafoto n'amashusho y'aba bakobwa ari gusakara, bagaragara bambaye ibintu bisa ndetse rimwe na rimwe mu bitekerezo abantu bari kubakundira uko bari. Hari n'abatangiye kwibaza bashidikanya niba koko ko baba batari impanga.

    Umukundwa Cadette, ni umwe mu bakobwa bitabiriye irushanwa rya Nyampinga w'u Rwanda 2019, kuri ubu yinjiye no muri Cinema aho abifatanya n'ubucuruzi n'ibijyanye n'imideli. Si ibyo gusa ahubwo anifashishwa mu mashusho y'indirimbo z'abahanzi 'Video Vixen'.

    Nkusi Lynda nawe uzwi cyane mu irushanwa rya Miss Rwanda aho yarigiyemo inshuro ebyiri, ku nshuro ya kabiri akaza kwikura mu irushanwa ku bintu bitavuzweho rumwe kuko byavugwaga ko agiye kujya muri Kenya ariko byarangiye atagiyeyo. 

    Ku rubuga rwa Miss Rwanda batangaje ko uyu mukobwa yikuye mu irushanwa biturutse ku mpamvu ze bwite n'umuryango we. Banditse bagira bati 'Twashakaga kumenyesha abantu ko Nkusi Lynda yasezeye muri Miss Rwanda 2022. Mu ibaruwa yahaye ubuyobozi bwa Miss Rwanda Organization yavuze ko yavuye mu irushanwa kubera impamvu ze bwite n'umuryango.'

    Basigaye bagaragara nk’impanga

    Mu bitekerezo bitandukanye barashyigikiwe

    Ikimero cya Nkusi kiri gutigisa imbuga nkoranyambaga

    Iyi ni imwe mu mafoto ya Miss Cadette yavugishije benshi

    Indirimbo ‘Jojo’ imaze iminsi micye isohotse Platini yifashishijemo Miss Cadette

    Confy na Miss Cadette akunda no kwifashisha mu mashusho y’indirimbo ze

    Zaba na Miss Cadette

    Lynda na Umukundwa bose baba bakunda Zaba muri filime “Love and Drama”

    Source : https://inyarwanda.com/inkuru/117284/ni-bo-bari-kuzitigisa-ihere-ijisho-ikimero-cya-miss-cadette-na-nkusi-lynda-wikuye-muri-mis-117284.html

  • Ingabo z’u Rwanda zigiye kujya ziga ururimi rw’Igifaransa #Rwanda #RwOT via @kigalitoday #rwanda #RwOT

    Umunyamabanga mukuru w’Umuryango mpuzamahanga w’ibihugu bikoresha ururimi rw’Igifaransa (OIF), Louise Mushikiwabo, yatangije ku mugaragaro iyigishwa (…)

    Source : https://www.kigalitoday.com/amakuru/amakuru-mu-rwanda/article/ingabo-z-u-rwanda-zigiye-kujya-ziga-ururimi-rw-igifaransa

  • U Rwanda rugiye gushyira imbaraga mu kwagura aho guhunika Gaz #rwanda #RwOT

    Minisitiri w'Intebe, Dr Ngirente Edouard yagaragaje ko Guverinoma y'u Rwanda leta ifite ikibazo cy'ibigega bya gaz, ku buryo n'ubwo harangurwa nyinshi, ntaho yabikwa, bityo ko Leta igiye gushyira imbaraga mu kwagura aho kuyihunika.

    Ibi minisitiri Ngirente yabigarutseho kuri uyu wa Gatatu tariki 18 Gicurasi 2022 mu Kiganiro n'itangazamakuru.

     Mu mpera z'umwaka wa 2021, nibwo hirya no hino mu gihugu abaturage batangiye kwinubira izamuka ry'ibikooka kuri gaz arko bikoera kurushaho mu ntangiriro z'umwaka wa 2022 ubwo Uburusiya bwashozaga intambara kuri Ukraine.

    Mu bihe bitandukanye   inzego zitandukanye zagiyezishakira umuti iki kibazo by'umwihariko mu kuvugurura ibiciro bya gaz yo gutekesha mu Rwanda, bikomeje kuzamuka cyane ku isoko mpuzamahanga, ariko nta gisubizo kirambye byatanze.

    Umukuru wa Guverinoma yagaragaje ko impamvu ya mbere Guverinoma itashyiragaho amabwiriza nkuko ibikora kuri Peteroli, byaterwaga nuko gaz yakoreshwaga n'abantu batarenga 1%.

    Impamvu ya Kabiri ngo ni ububiko bwa Gaz budahagije, kuko ubuhari  bufite ubushobozi bwo kubika gaz yamara nibura iminsi itanu gusa.

    Ati 'Icyagaragaye ni uko twatangiye kuyicuruza cyane ibikorwaremezo bitaratera imbere, bisobanuye ko uyu munsi dufite storage ya gaz (ububikoko bwa gaz) ishobora kumara iminsi 5. Turimo kurwana no kugira ngo twubake aho dushobora kuyibika tuyizanye ari nyinshi… ninacyo cyatumye gushyiraho amabwiriza bidakunda.'

    Minisitiri w'Intebe, Dr Ngirente Edouard yagaragaje ko nihaboneka ububiko buhagije bwa Gaz, byitezwe ko hazashyirwaho umurongo uhamye w'icuruzwa ryayo.

    Ati 'Ubu hari abashoramari turimo gukorana kugira ngo twihutishe kubaka icyo nakwita ibigega byo kubikamo gaz. Iyo burya ibintu bihari nibwo bigura macye, ariko ubu ngubu iza ni nko kuvuga ngo urangura uza ugurisha udafite aho ubika, nirwo rufunguzo rw'ikibazo. '

    U Rwanda rugaragaza ko rushyize imbaraga mu kugabanya icanwa ry'ibiti, n'ikoreshwa ry'amakara, hazamurwa uburyo abaturage bakoresha gaz nk'uko bikubiye muri gahunda y'iterambere rirambye NST1.

    Hirya no hino mu gihugu abakoresha Gaz mu mirimo yo guteka bakomeje kwinubira izamuka ry'ibiciro bya Gaz mu bihe bitandukanye.

    Mu Ukuboza 2021, Guverinoma y'u Rwanda yashyize hanze ibiciro bishya bya gaz yo gutekesha.

    Ni nyuma y'uko ibiciro byayo byari bimaze iminsi bihindagurika ndetse Abanyarwanda badasiba kugaragaza ko bihanitse.

    Icyo gihe icupa rya gaz rya 3Kg ryagombaga kujya rigurishwa 3 780Frw, irya 6Kg rigurishwe 7 560 Frw, irya 12Kg ryo rigurishwe 15 120 Frw, irya 15Kg ryashyizwe kuri 18 900 Frw, irya 20Kg rishyirwa ku 25 200 Frw, mu gihe irya 50Kg ryo rigomba kugurishwa 63 000 Frw.

    Ibi biciro bishya byagenwe hashingiwe ku giciro fatizo cya 1 260 Frw ku kilo.

    Icyakora ibi biciro siko byakurikijwe, kuko abacuruzi bavugaga ko aho kubungura bibahombya.

    The post U Rwanda rugiye gushyira imbaraga mu kwagura aho guhunika Gaz appeared first on FLASH RADIO&TV.

    Source : https://flash.rw/2022/05/18/u-rwanda-rugiye-gushyira-imbaraga-mu-kwagura-aho-guhunika-gaz/?utm_source=rss&utm_medium=rss&utm_campaign=u-rwanda-rugiye-gushyira-imbaraga-mu-kwagura-aho-guhunika-gaz