Author: webrwanda

  • Minisitiri Dr. Bizimana yeretse urubyiruko aho rukwiye kwigira amateka ya Jenoside yakorewe Abatutsi – #rwanda #RwOT

    Yabigarutseho kuri uyu wa Gatanu, tariki 20 Gicurasi 2022, mu butumwa yagejeje ku bantu biganjemo urubyiruko n'abayobozi mu nzego zitandukanye bitabiriye Ihuriro ry'Urubyiruko ryiswe 'Igihango cy'Urungano' ribaye ku nshuro ya cyenda.

    Ni ihuriro ryateguwe ku ntego yo kwibuka Jenoside yakorewe Abatutsi nk'urubyiruko, kwibukiranya ingaruka za Jenoside no kwishakamo imbaraga zo gukomeza kubaka amateka mashya ari nako habungabungwa amateka ya Jenoside yakorewe Abatutsi, hanyomozwa abagerageza kuyihakana no kuyipfobya.

    Nyuma y'ibiganiro byatanzwe bigaruka ku mateka yaranze Jenoside, urubyiruko rwanatanze ibitekerezo by'ibyo ruzi n'amatsiko ruyafiteho.

    Minisitiri Dr. Bizimana yabwiye uru rubyiruko ko hari ahantu hatandukanye hashyizwe amateka yaranze Jenoside, cyane mu ikoranabuhanga bashobora kuyashaka bakayigiraho.

    Ati 'Ibitabo birahari hari n'ibiri kuri murandasi ahubwo ibibazo dufite ntabwo bisomwa cyane, dusomye ibihari hari ubumenyi byabungura. Icyo nabonyemo gikomeye ni uko twarushaho kubimenyekanisha ahubwo mukabasha kumenya aho kubikura.'

    'Tuzagerageza kuvugurura uburyo bwo kubamenyesha uko mwabishaka ku rubuga rwa Minisiteri biriho, ikindi turiho dukora ni ugufata impapuro zihari tukazibika mu buryo bw'ikoranabuhanga ku buryo zidashobora kwangirika.'

    Yakomeje avuga ko ubu hari gukorwa gahunda yo gushyira inyandiko zafashwe muri Gacaca mu buryo bw'ikoranabuhanga ku buryo bizafasha gukomeza kubungabunga aya mateka.

    Ati 'Mpereye nko kuza gacaca zibitse ukuri kwinshi kw'amateka ya Jenoside, izo zirimo zirabikwa mu ikoranabuhanga umushinga ugomba kurangirana na 2024, zizaba zishobora kuba zagerwaho n'ababyemerewe.'

    Urubyiruko rukunda kugaragaza ko rutabona aho kwigira amateka byimbitse cyane nko mu mashuri, Dr.Bizimana yavuze ko hari gutegurwa uko aya mateka yashyirwa mu mashuri ariko ko bakwiye no kujya kwigira mu nzibutso mu gihe ibindi bitaranozwa.

    Ati 'Ku birebana no kwigisha amateka urubyiruko murabishaka cyane MINEDUC iriho irabikoraho ku buryo bishyirwa mu masomo y'amateka mukabasha gushira iyo nyota.'

    Yakomeje ati 'Inzibutso zifite amateka kandi zibitse abacu, bo ntidukwiye kujya tubibuka muri iyi minsi gusa, dukwiye kujya tubazirikana umunsi ku munsi, umunota ku munota.'

    'Gusura inzibutso zegereye amashuri mwigamo mukamenya amateka y'aho hantu byashoboka mugasura n'iziri kure, hari abakozi baba bahari bakabasobanurira icy'ingenzi ubu ni ukubishyira muri gahunda bikaba umuco.'

    Minisitiri Dr. Bizimana kandi yibukije urubyiruko ko ari rwo mizero y'ejo hazaza y'igihugu bakwiye kurangwa n'ubupfura kandi bakita ku barokotse Jenoside yakorewe Abatutsi mu 1994.

    Ihuriro 'Igihango cy'Urungano' ryateguwe Umuryango Imbuto Foundation ku bufatanye na Minisiteri y'Urubyiruko n' Umuco, Inama y'Igihugu y'Urubyiruko, ryahurije hamwe urubyiruko rwo hirya no hino mu gihugu no hanze yacyo.

    Minisitiri w'Ubumwe bw'Abanyarwanda n'Inshingano Mboneragihugu, Dr. Bizimana Jean Damascène, yeretse urubyiruko aho rukwiye gukura amakuru y'ukuri kuri Jenoside yakorewe Abatutsi mu 1994

    Iki gikorwa cyitabiriwe n’urubyiruko rusaga 400 rwaturutse hirya no hino mu Mujyi wa Kigali

    Urubyiruko rutandukanye rwibutse bagenzi barwo bishwe muri Jenoside yakorewe Abatutsi mu 1994


    Source : http://igihe.com/amakuru/u-rwanda/article/minisitiri-dr-bizimana-yeretse-urubyiruko-aho-rukwiye-kwigira-amateka-ya

  • Perezida Kagame yayoboye inama nkuru y'umutekano – #rwanda #RwOT

    Ibiro by'Umukuru w'Igihugu ku mugoroba wo kuri uyu wa Gatanu nibwo byatangaje ko Perezida Kagame ayoboye iyi nama.

    Perezida Kagame yayoboye inama nkuru y’umutekano

    Ni inama yitabiriwe n’abayobozi mu ngabo z’u Rwanda, Polisi n’izindi nzego z’umutekano


    Source : http://igihe.com/amakuru/u-rwanda/article/perezida-kagame-yayoboye-inama-nkuru-y-umutekano

  • Minisitiri wa Siporo yijeje umuyobozi wa BAL n’uwa FIBA Africa ko u Rwanda rutazabatenguha #rwanda #RwOT

    Minisitiri wa Siporo, Munyangaju Aurore Mimosa Mimosa yijeje abayobozi ba BAL na FIBA Africa ko u Rwanda rutazabatenguha, ko irushanwa rigiye kubera mu Rwanda rizagenda neza kandi ko u Rwanda rukomeza kuba umufatanyabikorwa wa BAL.

    Guhera ku munsi w’ejo tariki ya 21 Gicurasi 2022 kugeza tariki ya 28 Gicurasi mu Rwanda hazaba habera shampiyona ya Afurika mu mukino wa Basketball (BAL).

    Kuri uyu wa Gatanu tariki ya 20 Gicurasi 2022, Amadou Gallo Fall umuyobozi wa BAL n’Umuyobozi w’Impuzamashyirahamwe y’Umukino wa Basketball muri Afurika, Anibal Manave bari kumwe na Minisitiri wa Siporo, Munyangaju Aurore Mimosa baganiriye n’itangazamakuru kuri iri rushanwa rizatangira ku munsi w’ejo.

    Umuyobozi wa BAL, Amadou Gallo Fall, yijeje abakunzi ba Basketball ko bazabona imikino mwiza kuko ngo umaze gutera imbere ariko hakenewe kuwuzamura kurushaho.

    Yagize ati 'Uyu mwaka w’amakipe umunani dufite yavuye mu irushanwa ryabereye i Dakar muri Sénégal no mu Misiri. Amakipe yazamutse arakomeye, tuzareba umukino ubereye ijisho.'

    Aurore Mimosa Minisitiri wa Siporo yijeje ko iri rushanwa rizagenda neza kuko u Rwanda ari igihugu kimenyereye kwakira neza abaje bakigana.

    Ati “Nka Guverinoma y’u Rwanda tuzakomeza kuba umufatanyabikorwa ukomeye wa BAL mu guteza imbere umukino wa Basketball ya Afurika. Iri rushanwa twizeye ko rizagenda neza.'

    Anibal Manave, umuyobozi wa FIBA Africa yavuze ko iri rushanwa rizabera muri Kigali Arena ari igipimo cyiza cyo kureba urwego Basketball ya Afurika igezeho.

    Guhera ku munsi w’ejo amakipe 8 azatangira guhatanira iki gikombe yishakamo izacyegukana tariki ya 28 Gicurasi 2022, ni imikino izahera muri 1/4.

    Ejo hateganyijwe imikino 2 uwo AS Sale yo muri Maroc izahuramo na Petro de Luanda yo muri Angola ndetse n’uwo REG BBC ihagarariye u Rwanda izakinamo na FAP yo muri Cameroun.

    Imikino izakomeza ku Cyumweru US Monastir izakina Town City ni mu gihe Zamalek yo mu Misiri izakina na SLAC yo muri Guinea.

    Ni ku nshuro ya kairi u Rwanda rugiye kwakira BAL, umwaka ushize rwarayakiriye aho Patriots BBC ari yo yari iruhagarariye yasoreje ku mwanya wa 4, ni nyuma yo gusezererwa na US Monastir muri ½ igatsindwa na Petro de Luanda mu guhatanira umwanya wa 3.

    Munyangaju Aurore Mimosa yavuze ko u Rwanda ruzakomeza kuba umufatanyabikorwa wa BAL

    Amadou Gallo Fall, perezida wa Basketball Africa League (BAL)

    Amadou Gallo Fall, perezida wa Basketball Africa League (BAL)(Ubanza ibumoso), Aurore Mimosa Munyangaju, Minisitiri wa Siporo mu Rwanda (hagati) na Anibal Manave, perezida wa FIBA Africa (iburyo) nyuma y’ikiganiro n’itangazamakuru bagaruka ku irushanwa rya BAL rizatangira ejo

    Source : http://isimbi.rw/siporo/article/minisitiri-wa-siporo-yijeje-umuyobozi-wa-bal-n-uwa-fiba-africa-ko-u-rwanda-rutazabatenguha

  • Urubyiruko rwasabwe gukomera ku bumwe, ubutwari, ubwitange no gukunda Igihugu #Rwanda #RwOT via @kigalitoday #rwanda #RwOT

    Urubyiruko rugizwe n’abasore n’inkumi bahagarariye abandi bo mu Ntara y’Amajyaruguru hiyongereyeho Akarere ka Nyabihu, basabwe gukomera ku ndangagaciro (…)

    Source : https://www.kigalitoday.com/kwibuka/article/urubyiruko-rwasabwe-gukomera-ku-bumwe-ubutwari-ubwitange-no-gukunda-igihugu

  • BAL 2022: Ntabwo dushaka kuzibukwa nk’abakiri… – #rwanda #RwOT

    Kuri uyu wa Gatanu tariki ya 20 Gicurasi 2022, my cyumba cy’uruganiriro cya Kigali Arena habereye ikiganito n”itangazamakuru cyahuje umutoza mukuru na kapiteni wa REG BBC basobanura uko ikipe yiteguye irushanwa nyuma yo kugaragaza imbaraga nyinshi mu mikino y’ibanze yabereye muri Senegal mu mezi macye ashize.

    Umutoza mukuru wa REG BBC yavuze ko abakinnyi bameze neza kandi biteguye kwitwara neza muri iri rushanwa bifuza kwegukana mu rwego rwo guha ibyishimo abanyarwanda.

    Kapiteni w’ikipe ya REG BBC, Kaje Elie yavuze ko intego ari ukwegukana igikombe aho kuzibukwa nk’abakiriye irushanwa.

    Yagize ati'Ntabwo twanyunzwe n'ibyishimo twahaye abanyarwanda umwaka ushize. Igihugu cyacu cyaduhaye umukoro nyuma yo kongera kwakira irushanwa. Ntabwo dushaka kuzibukwa nkabakiriye irushanwa dushaka kuzibukwa nkabatwaye irushanwa”.

    Guhera kuri uyu wa Gatandatu tariki ya 21 Gicurasi 2022, muri Kigali Arena harakomereza imikino ya nyuma y'irushanwa rya Basketball Africa League (BAL) ku makipe 8 yabikoreye agomba guhatanira igikombe cy'uyu mwaka.

    Kugeza magingo aya REG BBC ihagarariye u Rwanda iri mu makipe ahabwa amahirwe yo kwegukana iri rushanwa bigendanye n'uburyo yitwaye mu mikino y'ijonjora ryibanze yabereye i Dakar muri Senegal, aho REG yayoboye amakipe yo mu gace ka Sahara Conference.

    Iri rushanwa rigiye gukinwa ku nshuro ya kabiri mu mateka yaryo rishobora kuzagaragaramo impinduka zirimo no kwigaragaza kw'amakipe atandukanye atari amenyerewe cyane muri Afurika nkuko byagaragaye mu mikino yabereye muri Senegal mu mezi macye ashize.

    Byitezwe ko REG BBC izaba iri imbere y'abafana ndetse izaba iri mu rugo ishobora kuzatungurana ikegukana iri rushanwa.

    Imikino ya nyuma ya BAL 2022 izaba hagati ya tariki ya 21-28 Gicurasi 2022, ikazabera muri Kigali Arena.

    Amakipe ane ya mbere yavuye muri Nile Conference ni Zamalek (Misiri), Petro de Luanda (Angola), Cape Town's Tigers (Afurika y'Epfo) na FAP (Forces Armées et Police Basketball) yo muri Cameron.

    Andi makipe ane yaboneye itike muri Sahara Conference ni REG BBC (Rwanda), US Monastir (Tunisie), Seydou Lygacy Club (Guinée) na AS Salé (Maroc).

    Irushanwa rya BAL riheruka ryatwawe na Zamalek yo Misiri itsinze US Monastir Tunisia ku mukino wa nyuma.

    Uko amakipe azatangira yesurana muri Kigali Arena:

    Ku wa Gatandatu tariki ya 21 Gicurasi 2022:

    AS Sale (Maroc) vs Petro de Luanda (Angola) — Saa 14h30

    F.A.P (Cameroun) vs REG BBC (Rwanda) saa 16h00

    Kaje Elie n’umutoza we muri REG BBC bagiranye ikiganiro n’itangazamakuru

    Umutoza wa REG yijeje abanyarwanda akamwemwe mu irushanwa ry’uyu mwaka

    Kaje Elie yavuze ko intego bafite ari ukwegukana igikombe muri iri rushanwa

    Minisitiri wa Siporo Munyangaju na Perezida wa BAL Amadou Gallo bari mu bitabitiye iki kiganiro

    Imikino ya nyuma ya BAL 2022 iratangira kuri uyu wa Gatandatu muri Kigali Arena

    Source : https://inyarwanda.com/inkuru/117354/bal-2022-ntabwo-dushaka-kuzibukwa-nkabakiriye-irushanwa-dushaka-kuzibukwa-nkabaritwaye-kap-117354.html

  • #COVID19: Abantu 11 banduye babonetse ku wa Gatanu mu bipimo 6,910 #Rwanda #RwOT via @kigalitoday #rwanda #RwOT

    Minisiteri y’Ubuzima (MINISANTE) yatangaje ko ku wa Gatanu tariki 20 Gicurasi 2022 mu Rwanda habonetse abanduye Covid-19 bashya 11, bakaba babonetse mu (…)

    Source : https://www.kigalitoday.com/ubuzima/indwara/article/covid19-abantu-11-banduye-babonetse-ku-wa-gatanu-mu-bipimo-6-910

  • Perezida Kagame yakiriye mu biro bye Louise Mushikiwabo – #rwanda #RwOT

    Mushikiwabo amaze iminsi mu Rwanda, mu ruzinduko rugamije guteza imbere ubufatanye bw'u Rwanda n'Umuryango ayoboye w'Ibihugu Bikoresha Ururimi rw'Igifaransa (OIF).

    Today, President Kagame received @LMushikiwabo, the Secretary General of @OIFrancophonie and her delegation who are on an official visit to Rwanda. pic.twitter.com/Kv90aeurGq

    — Presidency | Rwanda (@UrugwiroVillage) May 20, 2022

    Mushikiwabo uri mu ruzinduko rwa mbere rwe mu Rwanda, akihagera yakiriwe kandi agirana ibiganiro na Minisitiri w'Ububanyi n'Amahanga, Dr Vincent Biruta. Ibiganiro byibanze ku bufatanye hagati ya OIF n'u Rwanda mu mishinga itandukanye irimo iyo guteza imbere Ururimi rw'Igifaransa.

    Yahuye kandi n'abambasaderi bo mu bihugu bigize Francophonie babihagararaiye mu Rwanda, baganira ku migabo n'imigambi Francophonie ishyize imbere.

    Mushikiwabo yitabiriye ifungurwa ry'inama yabaye ku wa Gatatu, tariki 18 Gicurasi 2022, yigaga ku bibazo bibangamiye umutekano muri Afurika, yateguwe n'Ishuri rikuru rya Gisirikare (RDFCSC) ku bufatanye na Kaminuza y'u Rwanda (UR).

    Biteganyijwe ko ku mugoroba wo kuri uyu wa Gatanu, Mushikiwabo asangira akaganira n'abahanzi Nyarwanda mu gushimangira uruhare rw'Igifaransa mu guteza imbere umuco mu Rwanda.

    Kuri uyu wa Gatandatu biteganyijwe ko Mushikiwabo azitabira Umuganda udasanzwe wiswe “Umuganda Francophone”, igamije kwigira ku Rwanda akamaro k'Umuganda mu iterambere no guhuza abaturage.

    Perezida Kagame yakira Mushikiwabo muri Village Urugwiro

    Mushikiwabo yakiriwe ari kumwe n’itsinda ryamuherekeje mu ruzinduko rwe mu Rwanda


    Source : http://igihe.com/amakuru/u-rwanda/article/perezida-kagame-yakiriye-mu-biro-louise-mushikiwabo

  • Ibyabaye ku munyeshuri wibye inkoko ya mama we kugirango yishyure amafaranga y’ishuri biratangaje – YEGOB #rwanda #RwOT

    Mu gihugu cya Nigeria haravugwa amakuru atangaje y'umwana w'imyaka 15 wagerageje kwiba inkoko y'umubyeyi kugira ngo yishyure amafaranga y'ishuri ,kuri ubu uyu mwana yafashijwe kubona minerivali n'ibikoresho by'ishuri.

    Umunyeshuri uzwi ku izina rya Lawrence Murimi yari yibye inkoko ya mama we aziko izamwishyurira amafaranga y'ishuri kuko ku ishuri bari bamwirukanye.

    Nyuma y'icyemezo cy'umuyobozi w'ishuri ryisumbuye rya Kangaru cyo kutemera uwo muhungu ku ya 19 Gicurasi, abayobozi baje guterana maze bamushakira inkunga maze uyu mwana agaruka mu ishuri.Umuyobozi w'ishuri Koech nawe yamwakiriye neza n'amafoto yagaragaye kuri interneti amwerekana afasha uyu muhungu kwambara inkweto nshya bamuguriye.

    Mama wa Lawrence wari wuzuye umunezero yashoboraga kubona umwana we amwenyura mu gihe abandi bakozi nabo bifatanije n'umuyobozi guha ikaze Lawrence.

    Source : https://yegob.rw/ibyabaye-ku-munyeshuri-wibye-inkoko-ya-mama-we-kugirango-yishyure-amafaranga-yishuri-biratangaje/

  • Ikoranabuhanga ry’umutoza wa Amavubi ryarutse… – #rwanda #RwOT

    Kuri iki gicamunsi cyo kuwa 5 tariki 20 Gicurasi 2022 ni bwo umutoza wa Amavubi Carlos Alos Ferrer yahamagaye abakinnyi 28 azakoresha mu gushaka itike y’igikombe cya Afurika kizabera muri Cote D’Ivoire. Ni abakinnyi bari bategerezanyijwe amatsiko, kuko kuva mu myaka 4 ishize Amavubi yari agiye guhamagarwa n’undi mutoza yari Mashami Vincent.

    Uru rutonde rukijya hanze abanyarwanda barwakiriye mu buryo butandukanye abenshi bashima ko atahamagaye abakinnyi benshi, abandi bavuga ko hari abakinnyi batari bakwiye kuzamo abandi bakavuga ko hari abakinnyi batajemo bari bakwiye kugaragara.

    Abakina 28 bahamagawe

    Perezida w’ishyirahamwe ry’umupira w’amaguru mu Rwanda Nizeyimana Olivier yatangaje ko umutoza Carlos Alos Ferrer afite uburyo arebamo abakinnyi (software) agahitamo abo ahamagara. Nizeyimana Olivier akomeza avuga ko uyu mutoza wa Amavubi azi abakinnyi benshi bakomoka hano ndetse ko ataranaza mu Rwanda hari abakinnyi yajyaga aboherereza amakuru.

    Umutoza w’ikipe y’igihugu Amavubi yatangaje ko ajya guhamagara yagendeye ku ngingo eshatu ari zo; Umukinnyi umeze neza, umukinnyi ukina, ndetse indi ngingo ikaba umukinnyi witeguye kuza gukinira Amavubi.

    Ubusesenguzi

    Mu kiganiro n’itangazamamakuru habayeho kuvuguruzanya no kudahuza amakuru. Duhereye ku magambo y’umutoza Carlos yavuze ko yagendeye ku ngingo yo kuba abakinnyi bakina si byo.

    Nirisarike Salomon wahamagawe muri ba Myugariro amaze amezi 5 adakandagira mu kibuga kuko aheruka mu kibuga tariki 10 Ukuboza umwaka ushize. Usengimana Faustin ni umwe mu bakinnyi ba Police FC bafite iminota myinshi mu kibuga kandi ukina ku mwanya umwe na Salomon. Iyo software utoza akoresha ndetse no kuba yaragendeye ku bakinnyi bakina ntabwo byari gutuma Usengimana Faustin asigara Salomon agahamagarwa.

    Ishimwe Fiston na Byiringiro Lague: 

    Umutoza wa Amavubi yavuze ko yahamagaye abakinnyi agendeye ku bameze neza. Ishimwe Fiston ni we munyarwanda uhagaze neza muri shampiyona y’u Rwanda kuko afite ibitego 9 muri shampiyona ndetse n’imipira 11 ivamo ibitego, akagira igitego kimwe n’umupira uvamo igitego mu mikino y’igikombe cy’Amahoro. Byiringiro Lague afite ibitego 4 muri uyu mwaka w’imikino ndetse usibye imikino ibiri iheruka ntabwo yaheruka gukandagira mu kibuga.

    Carlos Alos Ferrer yavuze ko afite uburyo yahamagaye abakinnyi ba Amavubi mu buryo bugezweho

    Mugunga Yves na Nshuti:

    Nshuti Innocent yasizwe hanze na ‘Software’ ndetse n’umutoza ariko hahamagarwa Mugunga Yves utanafite imibare no kumera neza mu kibuga kumurusha.

    Amavubi yongeye guhamagara abakinnyi batarimo n’umwe wo mu ntara, gusa Perezida wa FERWAFA yatangaje ko hari abandi bakinnyi.

    Source : https://inyarwanda.com/inkuru/117350/ikoranabuhanga-ryumutoza-wa-amavubi-ryarutse-usengimana-faustin-ukina-rihitamo-nirisarike–117350.html

  • Canal+ yatangije POROMOSIYO ya SHUWADIRU irushaho kudabagiza abafatabuguzi #rwanda #RwOT

    Nk’uko byatangajwe n’umuyobozi mukuru wa Canal+ Rwanda, Sophie Tchatchoua, ubu umufatabuguzi mushya wa Canal+ ashobora kugura dekoderi n’ibikoresho byayo ku mafaranga y’u Rwanda 5000 gusa hanyuma no kubitunganya (installation) bigakorwa ku mafaranga 5000 gusa. Ni muri poromosiyo yitwa SHUWADIRU.

    Si ibyo gusa kandi kuko Canal+ yifuje kudabagiza n’abasanzwe ari abakiliya bayo bazatangira kubona amasheni atandukanye mashya kuri Canal+. By’umwihariko muri uku kwezi kwa Gatanu, abafatabuguzi ba Canal+ bazakoryoherwa na shampiyona ya Basket Nyafurika izabera i Kigali (BAL) banakurikire imikino ikomeye irimo umukino wa nyuma wa UEFA Champions League, ndetse n’isozwa rya shampiyona z’i Burayi. Abakunzi b’amalifime, ibyegeranyo n’amakuru nabo bazakomeza kuryoherwa.

    Nta munyarwanda ukwiye gucikwa no gukoresha Canal+ ngo yirebere amashusho meza ya HD kuko uretse ibikoresho bihendutse, n’ifatabuguzi rya macye riha abakiliya amahirwe yo kureba amashene menshi abafasha gususuruka.

    Iri fatabuguzi ryitwa IKAZE ni ifatabuguzi ririho amasheni arenga 150 arimo shene icyenda zo mu Rwanda, abakunzi ba siporo bakareba shene ya Canal+Sport 1, hakabaho kandi Novelas TV, Trace Africa, BBC World News, Cartoon Network ndetse n’izindi.

    Umuyobozi wa Canal+ Rwanda, avuga ko amashene menshi bafite n’amashusho meza baha Abanyarwanda, hari abataramenya ko bihendutse cyane kuburyo hari abakibeshya ko ubwiza bwa Canal+ butuma iba iy’abakire gusa, nyamara byaramanutse cyane.

    Ubu umufatabuguzi mushya wifuza kureba amashusho meza ya Canal+, ku mafaranga y’u Rwanda 5.000 gusa ahabwa dekoderi hamwe na antene (Dish) n’ibindi byose bijyana, ubundi akabasha kwibonera amashusho meza ya HD.

    Source : http://www.ukwezi.rw/Inkuru-zamamaza/article/Canal-yatangije-POROMOSIYO-ya-SHUWADIRU-irushaho-kudabagiza-abafatabuguzi