Author: webrwanda

  • Umwana wa Rihanna na A$AP Rocky yavutse ahita aca agahigo mu bandi babyawe n'abahanzi #rwanda #RwOT

    Ku wa kane, Rihanna n'umukunzi we A $ AP Rocky bakiriye umwana wabo wa mbere mu cyumweru gishize.

    Uyu mwana w'umuhungu hataramenyekana izina yiswe,yahise ashyirwa ku mwanya wa mbere mu bana bafite ababyeyi b'abahanzi batunze akayabo kuko baramutse bamuraze ayo batunze yose yaba afite konti ibyibushye y'arenga miliyari y'amapawundi.

    Rihanna w'imyaka 34 atunze akayabo ka miliyari 1,2 z'amadolari mu gihe A$AP w'imyaka 33 atunze miliyoni 7.5 z'amadolari.

    Uyu mwaka wavuzwemo inkuru zo kubyara kw'ibyamamare byo muri Hollywood, aho Kylie Jenner w'imyaka 24, (utunze £ 749m) yibarutse umwana we wa kabiri – witwa Wolf -yabyaranye n'umukunzi we Travis Scott w'imyaka 31, (utunze£ 41.5m) hmu mezi amezi atatu ashize. Bafitanye kandi Stormi w'imyaka ine.

    Nk'uko Buzz Bingo ibitangaza ngo Kim Kardashian (utunze miliyari £ 1.3) n'uwahoze ari umugabo we Kanye West (utunze £ 1.3) bari ku mwanya wa kabiri na miliyari 2.6 z'amapound hagati yabo zigomba gusangizwa North w'imyaka 8, Saint, 6, Chicago,4 na Psalm, 3.

    Beyoncé (utunze £ 378m) na Jay-Z (utunze£ 984m) baza ku mwanya wa gatatu, kuko bombi batunze miliyari 1,3 hagati yabo,yagabanwa abana babo batatu – Blue Ivy, 10, n'impanga z'imyaka ine Sir na Rumi – buri wese yatwara £ 433m buri umwe.

    Inkuru ya TMZ ivuga ko Rihanna yibarutse umwana we ku ya 13 Gicurasi.

    Source : https://umuryango.rw/imyidagaduro/umuziki/article/umwana-wa-rihanna-na-a-ap-rocky-yavutse-ahita-aca-agahigo-ku-isi

  • DJ w’Umunyarwanda yabwiwe ko asigaje iminsi 90 yo kubaho asaba ikintu rikomeye #rwanda #RwOT

    Ibi uyu musore w’imyaka 23 yabitangaje nyuma yo kubwirwa n’abaganga bamukurikirana ko indwara ya Kanseri y’Ingoto amaze imyaka 3 arwaye izamuhitana mu gihe kitageze ku minsi 90.

    Abinyujije ku mbuga nkoranyambaga ze, Dj Dizzo yavuze ko nyuma yo kubwirwa ko asigaje iminsi itagera kuri 90 ngo ave ku isi, yifuje gutaha akaba yanavanga umuziki nka rimwe asezera abakunzi be batazongera ku mubona.

    Yagize ati'Urukukndo maze igihe ngaragarizwa rwanyongereye imbaraga no gukomera ku bwonko n’intekerezo. Nsigaranye icyifuzo kimwe cyonyine mbere y’uko mfa, icyo cyifuzo ni ugupfira mu gihugu navukiyemo, Ndashaka kumara iminsi yanjye ya nyuma mu Rwanda'

    Agitangaza ibi, abantu batandukanye bagiye bakusanya inkunga yo kumufasha kugaruka mu Rwanda nk’icyifuzo cye cya nyuma aho kugeza ubu agera kuri miliyoni 3 z’amafaranga y’u Rwanda amaze gushyirwa mu kigega cyo kumufasha kuzuza icyifuzo cye cya nyuma.

    Ushobora nawe kumufasha kuzuza inzozi ze zo kumara iminsi asigaje ku Isi mu gihugu cye cy’amavuko.

    https://www.gofundme.com/f/help-dj-dizzo-on-his-final-journey-to-rwanda?utm_campaign=p_cp+share-sheet&utm_medium=chat&utm_source=whatsApp

    Source : http://www.ukwezi.rw/Imyidagaduro/article/DJ-w-Umunyarwanda-yabwiwe-ko-asigaje-iminsi-90-yo-kubaho-asaba-ikintu-rikomeye

  • Ni iki cyihishe inyuma y’uruzinduko rwa Depite Rosa Lund uzitabira CHOGM mu rugo rwa Ingabire Victoire #rwanda #RwOT

    Nk’uko bigaragara ku rubuga rwa Twitter rwa Victoire Ingabire uyu mu Depite yamusuye iwe mu rugo ruherere i Remera mu mujyi wa Kigali.

    Ntiharamenyekana icyo Depite Rose Lund yaganiriye na Victoire Ingabire ariko nyuma yo gusurwa, Madame Victoire Ingabire abinyujije ku rubuga rwe rwa Twitter yashimiye uno mu depite kuba yaje ku musura iwe mu rugo.

    Depite Rose Lund ni umwe mu bazitabira inama ya CHOGM .Amakuru agera kuri Rwandatribune avuga ko bishoboka ko hari n’abandi banyapolitikike biganjemo abadepite bo ku mugabane w’i Burayi bazitabira CHOGM bazasura Victoire Ingabire iwe mu rugo.

    Ku rundi ruhande hari amakuru avuga ko uyu mudepite asanzwe ari inshuti ya Victoire Ingabire bari basanzwe baziranye ubwo yari agikorera politiki ku mugabane w’uburayi mbere y’uko aza mu Rwanda mu 2010.

    Thank you to @RosaLundEl a Member of the Danish Parliament and her team for visiting me at my house here in Kigali, today. We discussed about the social, economic and political situation in #Rwanda. pic.twitter.com/vPL00IEcGo

    — Victoire Ingabire (@VictoireUmuhoza) May 20, 2022

    Source : http://www.ukwezi.rw/1-1/Amakuru-anyuranye/article/Ni-iki-cyihishe-inyuma-y-uruzinduko-rwa-Depite-Rosa-Lund-uzitabira-CHOGM-mu-rugo-rwa-Ingabire-Victoire

  • Mbappe yaba yamaze gutera umugongo ikipe ya Real Madrid #rwanda #RwOT

    Umunyamakuru ukomeye wo muri Espagne,Guillem Balague yatangaje ko Perezida wa Real Madrid,Florentino Perez yabwiye abakinnyi ko Kylian Mbappe yahisemo gukinira ikipe ya PSG mu mwaka utaha.

    Uyu Balague yatangaje ko Florentino Perez yabwiye abakinnyi ba Real Madrid nyuma y'umukino wa Real Betis ko Mbappe yahisemo kuguma i Paris nubwo uyu rutahizamu azatangaza ukuri kose kuri iki cyumweru.

    Yaba PSG na Real Madrid zombi zari zifite ubushake bwo kwishyura Mbappe Miliyoni 150 z'amayero nk'amafaranga yo gusinya gusa uyu musore w'imyaka 23 yahisemo kwemera ubusabe bwa PSG yari imaze igihe imwirukaho cyane.

    PSG y'abanya Qatar,ifite amafaranga menshi ndetse yakoresheje abanyapolitiki nka Emmanuel Macron na Nicolas Salkozy kugira ngo bumvishe uyu musore ko agomba kuyigumamo.

    Mu mpeshyi ishize,Real Madrid yatanze miliyoni 200 z'amayero kuri Mbappe ariko PSG irayanga none birangiye ingufu yashyize mu kumurambagiza zibyaye umusaruro.

    Amakuru adasanzwe avuga ko Paris Saint-Germain yahaye Kylian Mbappe kuba nyiri umushinga wabo wa siporo bivuze ko yagira uruhare mu bakinnyi n'abatoza binjira.

    Iyi kipe y'Abafaransa irifuza hasi hejuru kugumana Mbappe kugeza nubwo ngo bamuhaye umushahara wa miliyoni 4 z'amapawundi buri kwezi.

    Ku wa gatanu, nyina wa Mbappe, Fayza Lamari, yatangaje ko uyu musore w'imyaka 23 y'amavuko yashoje ibiganiro n'amakipe yombi yatanze ibintu 'bisa'.

    PSG yarangije yasinyishije burundu Mbappe kuri miliyoni 166 z'ama pound muri 2018 nyuma yuko yari yatijwe muri iyi kipe na Monaco.

    Uyu mukinnyi wa kabiri uhenze cyane mu mateka ya ruhago, inyuma ya mugenzi we Neymar,yatsinze ibitego 25 anatanga imipira yavuyemo ibitego 17 byafashije PSG gutwara shampiyona ya 10.

    Mauricio Pochettino yasezerewe mu gikombe cya Champions League muri 1/16 na Real Madrid.

    Karim Benzema yatsinze ibitego bitatu mu minota 29 ya nyuma i Bernabeu,ababaza PSG ibitego yari ifite ibitego 2-0 mbere y'aho, byose byatsinzwe na Mbappe.

    Source : https://umuryango.rw/imyidagaduro/imikino/article/mbappe-yaba-yamaze-gutera-umugongo-ikipe-ya-real-madrid

  • Yongeye gushyira mu majwi Ingabo za FPR : Iherezo ry’urubanza rw’Umunyamakuru w’Umufaransa ushinjwa Guhakana no Gupfobya Jenoside yakorewe Abatutsi #rwanda #RwOT

    Mu itangazo yashyize kuri Twitter, Natacha Polony, umwanditsi mukuru w’ikinyamakuru Marianne, yagize ati :”Birashimishije ko dufite uburenganzira bwo kuvuga ku byaha byakozwe n’ingabo za FPR mbere, mu gihe na nyuma ya jenoside yakorewe abatutsi mu Rwanda tudashinjwa guhakana cyangwa gupfobya iyi jenoside”.

    U Rwanda ruhakana ko hari abantu bishwe n’izari ingabo za FPR zibigambiriye.

    Mu 2021, Perezida w’u Rwanda Paul Kagame yasubiwemo n’ikinyamakuru The Independent cyo mu Bwongereza agira ati : “OK, hari abahutu benshi bapfuye. Ariko ntibapfuye nk’ingaruka yo guhigwa kubera icyo bari cyo”.

    Polony, w’imyaka 47, yari akurikiranywe ku birego by’amashyirahamwe atandukanye yo mu Bufaransa amushinja guhakana jenoside yo mu Rwanda yo mu 1994, nkuko bitangazwa n’ikinyamakuru Le Figaro hamwe n’ibiro ntaramakuru AFP byo mu Bufaransa.

    Ni bwo bwa mbere byari bibayeho ku munyamakuru mu Bufaransa.

    Kuva mu mwaka wa 2017, itegeko ku bwisanzure bw’itangazamakuru mu Bufaransa rihana guhakana no gupfobya jenoside iyo ari yo yose yemewe n’iki gihugu.

    Polony yongeyeho ati : “Iki cyemezo ni intangarugero nanone kuko kigaragaza uburyo bwo mu bucamanza bukoreshwa n’amashyirahamwe amwe y’impirimbanyi akurikirana umuntu wese ukoze iperereza cyangwa uvuze ku bikorwa bikwiye kwamaganwa byakozwe n’ingabo za Paul Kagame”.

    Polony avuga ko ayo mashyirahamwe “ahindura igikoresho itegeko ku mpamvu z’ingengabitekerezo, ubundi ry’ingenzi cyane, rigamije kurwanya ihakana rya jenoside”.

    Uwo mwanzuro wo ku wa gatanu, wasomwe n’urugereko rwa 17 rw’urukiko rwo mu murwa mukuru Paris. Polony avuga ko “ugaragaza ko abantu bashobora kuvuga mu bwisanzure no ku bintu byiciwemo abantu nka jenoside”.

    Ati : “Umwanya usigiwe umushakashatsi, umunyamateka, abanyamakuru ngo bajore amateka ya vuba aha nta kurenganya. Buri gihe impaka zigomba kubaho”.

    Source : http://www.ukwezi.rw/Mu-mahanga/Amakuru-anyuranye/article/Yongeye-gushyira-mu-majwi-FPR-Iherezo-ry-urubanza-rw-Umunyamakuru-w-Umufaransa-ushinjwa-Guhakana-no-Gupfobya-Jenoside-yakorewe-Abatutsi

  • Nyagatare : Yafashwe yarahimbye uruhushya rwo gutwara ibinyabiziga rw’agateganyo #rwanda #RwOT

    Asobanura uko yafashwe Umuvugizi wa Polisi mu Ntara y’Iburasirazuba Superintendent of Police (SP) Hamdun Twizeyimana yavuze ko uyu Muganga yafashwe ubwo yari aje gukora ikizamini yitwaje uruhushya rw’uruhimbano

    Yagize ati :' Muganga yaje ahari kubera ikizamini cyo gutwara ibinyabiziga ari ku rutonde rw’abagomba gukora ikizamini cyo gutwara ibinyabiziga byo mu bwoko bwa moto icyiciro cya 'A’. Ubwo yaragezweho gukora abapolisi bamwatse uruhushya rw’agateganyo ngo basuzume niba yujuje ibyangombwa bimwemerera gukora ikizamini, basuzumye neza basanga uruhushya afite ari uruhimbano, niko gufatwa arafungwa.'

    Akimara gufatwa yavuze ko mu mwaka wa 2015 yakoze ikizamini cy’uruhushya rwo gutwara ibinyabiziga rw’agateganyo ariko ntiyarwandikisha ngo aruhabwe, nyuma yaje kubona ko rwataye agaciro kandi akeneye gukorera urwa burundu niko kwigira inama yo gushaka ubimufashamo yegera umwarimu wigisha abanyeshuri bashaka kubona impushya zo gutwara ibinyabiziga witwa Hategekimana waje kumusaba ibihumbi 30 Frw ngo amufashe kumushakira uruhushya rw’agateganyo agendeye kuri rumwe yakoreye mu mwaka wa 2015.

    SP Twizeyimana yongeyeho ko abapolisi koko basuzumye basanga yarakoreye uruhushya rwo gutwara ibinyabiziga rw’agateganyo mu mwaka wa 2015 ariko ntiyarwandikisha.

    Yasoje agira inama abantu bose bashaka kubona impushya zo gutwara ibinyabiziga guca mu nzira zemewe bakazikorera.

    Yagize ati : ' Amategeko n’amabwiriza agenga itangwa ry’impushya zo gutwara ibinyabiziga arasobanutse kandi kubona izo mpushya ni uburenganzira bwa buri munyarwanda wese wujuje ibisabwa, iyo wishoye mu guhimba ibyangombwa cyangwa gutanga amafaranga ya ruswa uba ukoze icyaha gihanwa n’amategeko harimo n’igifungo cy’igihe kirekire.'

    Muganga yashyikirijwe urwego rw’igihugu rw’ubugenzacyaha rukorera kuri sitasiyo ya Polisi ya Nyagatare, ngo hakurikizwe amategeko mu gihe ibikorwa byo gushakisha uriya mwarimu wamufashije guhimba ibyangombwa bigikomeje.

    Ingingo ya 276 yo mu gitabo cy’amategeko agena ibyaha n’ibihano muri rusange ivuga ko , Umuntu wese uhimba cyangwa uhindura mu buryo ubwo ari bwo bwose inyandiko cyangwa ikindi kintu cyanditseho igitekerezo, ashyiraho umukono cyangwa igikumwe bitari byo, yonona inyandiko cyangwa imikono, asimbuza abantu abandi, ahimba amasezerano, imiterere y’ingingo zayo, igitegetswe gukorwa cyangwa icyarangije kwemeranywa, aba akoze icyaha

    Umuntu wese, ku bw’uburiganya, wandika, wandikisha ibintu bidahuye n’ukuri cyangwa ukora imenyekanisha ritari ryo afatwa nk’uwakoze icyaha cyo gukora ibihimbano. Iyo abihamijwe n’urukiko, ahanishwa igifungo kitari munsi y’imyaka itanu (5) ariko kitarenze imyaka irindwi (7) n’ihazabu y’amafaranga y’u Rwanda atari munsi ya miliyoni eshatu (3.000.000 FRW) ariko atarenga miliyoni eshanu (5.000.000 FRW) cyangwa kimwe gusa muri ibyo bihano.

    Source : http://www.ukwezi.rw/1-1/Amakuru-anyuranye/article/Nyagatare-Yafashwe-yarahimbye-uruhushya-rwo-gutwara-ibinyabiziga-rw-agateganyo

  • Niyonzima Olivier Seif yarababariwe ariko hari ibyo atujuje – Perezida wa FERWAFA #rwanda #RwOT

    Perezida wa FERWAFA, Nizeyimana Olivier avuga ko Niyonzima Olivier Seif wari wahanwe kubera imyitwarire mibi yababariwe ndetse ko mu minsi ya vuba azagaruka mu ikipe y’igihugu, gusa ngo ari ibyo ataruzuza ari yo mpamvu atahamagawe.

    Uyu mukinnyi ukina mu kibuga hagati mu ikipe ya AS Kigali yari yahagaritswe igihe kitazwi tariki ya 16 Ugushyingo 2021, kubera imyitwarire mibi yagaragaje ubwo u Rwanda rwatsindwaga na Kenya 2-1 muri Kenya mu gushaka itike y’igikombe cy’Isi cya 2022, ngo yatorotse mu mwiherero aho abandi bari bari maze ntiyanagaruka byatumye atagarukana n’abandi kuko bahagurutse ataraza.

    Icyo gihe binyuze mu itangazo ryanyujijwe kuri Twitter, FERWAFA yagize iti “FERWAFA iramenyesha abanyarwanda bose ko Niyonzima Olivier ahagaritswe igihe kitazwi “undetermined” mu Ikipe y’Igihugu kubera imyitwarire idahwitse. Tuboneyeho kumenyesha abo bireba bose ko FERWAFA itazihanganira uwo ari we wese uzagaragaza imyitwarire mibi mu Mavubi.”

    Na we akaba yarahise yandika asaba imbabazi ariko akaba atarahose asubizwa.

    Aganira n’itangazamakuru ku munsi w’ejo, perezida wa FERWAFA, Nizeyimana Olivier yavuze ko uyu mukinnyi yasabye imbabazi ndetse akababarirwa ariko hari ibyo atujuje ari yo mpamvu atahamagawe.

    Ati “Seifu yasabye imbabazi kandi yarazihawe. Kuba atari mu rutonde ni uko hari ibyo atujuje kandi ntabwo twinjira mu nshingano ze. Ntabwo ari muri siporo tutagira imbabazi. Rwose byararangiye yarababariwe nta kindi kibazo kirimo.'

    Niyonzima Olivier Seif ntabwo yagaragaye ku rutonde rw’abakinnyi umutoza Carlos Ferrer yahamagaye azifashisha mu mikino y’umunsi wa mbere yo gushaka itike y’igikombe cy’Afurika cya 2023 aho azakina na Mozambique na Senegal.

    Seif yahawe imbabazi ariko ngo hari ibyo ataruzuza

    Source : http://isimbi.rw/siporo/article/niyonzima-olivier-seif-yarababariwe-ariko-hari-ibyo-atujuje-perezida-wa-ferwafa

  • Gahunda y’umunsi wa 28 wa shampiyona #rwanda #RwOT

    Shampiyona y’icyiciro cya mbere mu mupira w’amaguru mu Rwanda irakomeza guhera uyu munsi akinwa imikino y’umunsi wa 28, APR FC na Kiyovu Sports zihanganiyue igikombe imikino yazo iri ku wa Mbere.

    Ni umunsi ugiye gukinwa mbere y’uko shampiyona ihagarara maze abakinnyi bahamagawe mu Mavubi bakitabira ubutumire, ikazasubukura nyuma y’umukino wa Senegal uzakinwa tariki ya 7 Kamena.

    Muri rusange uyu munsi hari imikino ibiri harimo uwo AS Kigali ikina na Bugesera FC, ni mu gihe ku munsi w’ejo Rayon Sports izakina na Etincelles.

    Ku wa Mbere tariki ya 23 Gicurasi, APR FC izasura Gorilla FC mu gihe Kiyovu Sports izaba yakiriye ikipe ya Etoile del’Est.

    Kugeza ubu urutonde ruyobowe na APR FC na Kiyovu Sports zifite amanota 60, Rayon Sports ifite 44 AS Kigali ikagira 42 ni mu gihe Mukura VS ifite 41.

    Gicumbi FC isa n’iyamaze kumanuka ni yo ya nyuma n’amanota 18, imbere yayo hari Etoile del’Est na Rutsiro zifite 26, Gorilla FC 29, Bugesera FC na Gasogi United zifite 30.

    Gahunda yose y’umunsi wa 28

    Ku wa Gatandatu tariki ya 21 Gicurasi 2022

    AS Kigali vs Bugesera FC
    Espoir FC vs Marines

    Ku Cyumweru tariki ya 22 Gicurasi 2022

    Gasogi United vs Musanze
    Rayon Sports vs Etincelles
    Rutsiro FC vs Police FC

    Ku wa Mbere tariki ya 23 Gicurasi 2022

    Mukura VS vs Gicumbi
    Kiyovu Sports vs Etoile del’Est
    Gorilla FC vs APR FC

    Source : http://isimbi.rw/siporo/article/gahunda-y-umunsi-wa-28-wa-shampiyona

  • Amafoto: Abakobwa 10 bakundirwa kwambara neza – YEGOB #rwanda #RwOT

    Uko umuntu yambaye niko agaragara neza, kuri ubu hari abambara neza ndetse bikanakurura abandi kubarebereho niyo mpamvu twakusanyije amafoto yose hamwe kugira ngo ubone uko abandi bambara bakanaberwa.

    Muri abo harimo Shadyboo, Allia cool,Kate bashabe, Muyango,Yolo Queen ndetse n'abandi batandukanye.

    Miss Muyango umugore wa Kimenyi Yves.
    Muyango kuri ubu ni Mama Miguel.

    Yolo

     

     

    Source : https://yegob.rw/amafoto-abakobwa-10-bakundirwa-kwambara-neza/