Author: webrwanda

  • Ntabwo dushobora kwemerera uwo ari we wese kuduhungabanyiriza umutekano – Minisitiri Gasana – #rwanda #RwOT

    Mu gitondo cyo kuwa Mbere nibwo humvikanye ibisasu byarashwe biturutse muri RDC, bigwa mu Mirenge ya Kinigi na Nyange muri Musanze no mu Murenge wa Gahunga mu Karere ka Burera bikomeretsa abaturage byangiza n'ibyabo.

    Kuri uyu wa Kabiri Minisitiri Gasana yasuye abaturage abizeza ko ibyabaye bitazongera ukundi. Yabasabye kumva batuje no kutagira ikibarangaza ngo kibateshe kwikorera ibyabo.

    Yagize ati “Ntirengagije ko ku munsi w'ejo hari ibisasu byaguye hano mu Kinigi, ibindi bigera mu Murenge wa Nyange, ibyo byari biturutse ku butaka bw'ikindi gihugu, Ngirango icyo nk'u Rwanda cyakozwe ni ukuvugana n'icyo gihugu mukabereka muti ibi bintu ntibisubire kuko aho abanyarwanda tugeze, twe turangariye iterambere, ntawe ukwiye kongera kuturangariza mu mutekano mucye.

    Yakomeje agira ati “Ingamba twashyizeho mu kubungabunga umutekano wacu zirahari, uruhare rwa buri wese ahangaha rurahari, araruzi, ntabwo dushobora kwemerera uwo ari we wese ko yaduhungabanyiriza umutekano cyangwa ko yakongera gutuma abaturage bacu bakuka umutima”.

    Minisitiri Gasana yihanganishije kandi ab'ibisasu byaturutse muri RDC byagizeho ingaruka, abarema agatima ababwira ko ubuyobozi buzababa hafi mu mugambi wo kubarinda ko basubira inyuma mu iterambere.

    Ati “Abo byagizeho ingaruka hari umwana w'umukobwa ngira ngo byagizeho ingaruka kurusha abandi, hari inzu z'abaturage byangije, nk'ubuyobozi hari ukubafata mu mugongo, kubafasha kugira ngo hatagira usubira inyuma aho yari ageze mu iterambere, ariko muri rusange turababwira ko ibi bitari busubire kandi ngira ngo ku rundi ruhande na bo barabibonye ibi ntabwo biri busubire”.

    “Ibi ntihagire uwo birangaza nk'aho ari ikibazo kindi, nta kibazo kindi gihari turebe ibikorwa byacu by'iterambere. Abandi batekereza ko bashobora guhungabanya umutekano w'igihugu izo ni inzozi rwose”.

    Abaturage bavuze ko ari ubutumwa bwiza bahawe kandi bubahumuriza bakumva batekanye bityo bagakora ibikorwa byabo bashishikaye.

    Kugeza ubu Ingabo z'u Rwanda (RDF), zasabye ibisobanuro ku ntandaro y'ibi bisasu byaturutse muri Congo bikagwa mu Rwanda.

    Umuvugizi w'Ingabo z'u Rwanda, Col Ronald Rwivanga, yavuze ko umutekano umeze neza aho ibisasu byatewe, ndetse ko abayobozi b'u Rwanda na Congo bari gukorana kugira ngo hamenyekane icyateye ibisasu guterwa mu Rwanda.

    Yagize ati 'Ibintu ni ibisanzwe mu duce [ibisasu byatewemo] kandi umutekano urizewe. Abakomeretse bari kuvurwa mu gihe abayobozi bari kugenzura ibyangiritse. RDF yasabye iperereza ryihuse [rikozwe na] EJVM, kandi abayobozi b'u Rwanda bari gukorana na bagenzi babo bo muri RDC kuri iki kibazo.'

    Expanded Joint Verification Mechanism (EJVM) ni Urwego rwashyizweho mu 2012 rugizwe n'ibihugu bihuriye muri ICGLR, rushinzwe gukora iperereza ku bikorwa bya gisirikare. Rufite icyicaro i Goma muri Repubulika Iharanira Demokarasi ya Congo. Uru Rwego rugizwe n'inzobere z'abasirikare zituruka mu bihugu bigize uwo Muryango.

    Bijeje ubuyobozi ko bazakomeza kwicungira umutekano nk’uko bisanzwe

    Abaturage bahamije ko batakutse umutima ahubwo bagiye gukomeza gukora ibikorwa bibateza imbere

    Abaturage bitabiriye inama ya Minisitiri Gasana bavuze ko banyuzwe n’amagambo yo kubahumuriza yabagejejeho

    Minisitiri Gasana (ibumoso) yijeje abaturage ko ubuyobozi buzakomeza kubaba hafi


    Source : http://igihe.com/amakuru/u-rwanda/article/ntabwo-dushobora-kwemerera-uwo-ari-we-wese-kuduhungabanyiriza-umutekano

  • U Rwanda rwinjiye muri gahunda ya Pfizer izageza imiti n'inkingo mu bihugu 45 – #rwanda #RwOT

    Ni gahunda yatangarijwe i Davos mu Busuwisi, aharimo kubera inama mpuzamahanga yiga ku bukungu, World Economic Forum.

    Ku ikubitiro, izatangirana n'ibihugu bitanu bya Afurika birimo u Rwanda, Malawi, Ghana, Sénégal na Uganda.

    Gutangiza iyi gahunda nshya byitabiriwe n'Umuyobozi Mukuru wa Pfizer, Dr. Albert Bourla; Perezida wa Pfizer Biopharmaceuticals Group, Angela Hwang; Perezida Paul Kagame, Perezida Lazarus Chakwera wa Malawi na Bill Gates uyobora Bill & Melinda Gates Foundation.

    Perezida Kagame yashimiye Pfizer na Dr. Burla kuri iyi gahunda, ashimangira ko “kubona imiti n'inkingo biteye imbere mu buryo bwihuse kandi buhendutse, ni wo musingi wo kugeza serivisi z'ubuzima kuri bose.”

    Yavuze ko ari intambwe nshya itewe, ndetse yizeye ko iziganwa n'ibindi bigo.

    Yakomeje ati “U Rwanda rwishimiye kugira uruhare muri Accord hamwe n'ibihugu by'abafatanyabikorwa, kandi twiteguye kongera iyi miti n'inkingo bigamije gutabara ubuzima mu byo twifashisha mu buvuzi bwacu.”

    Dr Bourla yavuze ko siyansi imaze kugaragaza ko ishobora gufasha mu guhangana n'ibyorezo ibikomeye.

    Nyamara ngo icyorezo cya COVID-19 cyagaragaje ko hari icyuho mu buryo ibihugu bitadukanye bibasha kugera ku nkingo n'imiti bikeneye, ngo bibashe gutabara ubuzima bw'abaturage.

    Hashingiwe ku masomo bize mu myaka ibiri ishize, ngo igihe kigeze ngo batange umusanzu mu kuziba icyo cyuho.

    Yagize ati “Binyuze muri iyi gahunda, Pfizer izatanga imiti n'inkingo biboneka muri Amerika no mu Muryango w'Ubumwe bw'u Burayi, mu buryo butagamije inyungu, ku baturage miliyari 1,2 baba mu bihugu 45 bikennye.”

    Aho harimo ibihugu 27 bikennye (low-income countries) n'ibindi 8 bifite ubukungu bwisumbuyeho gato (lower-middle-income countries), byinjiye muri icyo cyiciro mu myaka 10 ishize.

    Yakomeje ati “Uku kwiyemeza gukubiyemo n'imiti n'inkingo bya Pfizer bizaboneka mu gihe kiri imbere, uko bizagenda bivumburwa ndetse bigatangazwa.”

    Ku ikubitiro, Pfizer yiyemeje gutanga imiti 23 n'inkingo ifite ubu, bivura indwara zitandukanye zirimo na kanseri.

    Uko izagenda ishyira ku isoko imiti n'inkingo, byitezwe ko nabyo bizongerwa muri iyi gahunda yo kubigeza ku bihugu bitandukanye mu buryo butagamije inyungu.

    Dr Bourla yavuze ko kugira ngo iyi gahunda izatange umusaruro, Pfizer yiyemeje gufatanya na Guverinoma z'ibihugu bitandukanye mu gukemura imbogamizi zaba zibangamiye ikwirakwizwa ry'imiti n'inkingo zirimo ibikorwa remezo, ububiko n'ibindi.

    Yakomeje ati “Guverinoma z'u Rwanda, Malawi, Ghana, Sénégal na Uganda zamaze kwemera gukorana natwe mu gutanga ubusesenguzi bukenewe no kureba amahirwe ahari yabyazwa umusaruro, kugira ngo iyi miti n'inkingo bibashe kugera ku babikeneye.”

    Harimo nk'ubunararibonye mu kunganira ubuvuzi, kwigisha abakora mu buvuzi, amahugurwa mu bijyanye no gukwirakwiza imiti n'inkingo, no guteza imbere ibindi bikorwa remezo nkenerwa.

    Biteganywa ko amasomo azava mu gukorana n'ibi bihugu bitanu bya mbere, azifashishwa mu kugeza iyi gahunda no mu bindi bihugu.

    Pfizer kandi yatangaje ko izakorana n'ibi bihugu mu kureba uburyo ngezuramikorere no kugura iyi miti n'inkingo, bwafasha mu kugabanya igihe kirekire bifata ngo bigere muri ibi bihugu.

    Dr. Bourla yanatangaje ko bazakomeza gufatanya na Bill & Melinda Gates Foundation, kugira ngo hakorwe inkingo n'imiti by'ibyorezo byugarije abaturage mu bihugu bikennye.

    Zirimo iza Group B Streptococcus (GBS), indwara iza imbere mu gutuma abana bapfa mbere cyangwa mu gihe cyo kuvuka cyane cyane mu bihugu bikennye, n'urukingo rwa Respiratory Syncytial Virus (RSV).

    Ni ibikorwa bizaramira ubuzima bw'abantu bicwa n'izo ndwara zitandura n'izitandura, basaga miliyoni imwe muri ibyo bihugu, ndetse n'izindi zabaye karande zibangamiye ubuzima bwa benshi.

    Bill Gates yashimye iyi gahunda nshya, avuga ko buri wese akwiye kugera ku miti n'inkingo bigamije kurokora ubuzima.

    Yagize ati “The Accord for a Healthier World izafasha miliyoni nyinshi z'abaturage mu bihugu bikennye kubona ibikenewe ngo babashe kubaho ubuzima buzira umuze. Pfizer itanze urugero ibindi bigo bikwiye gukurikiza.”

    Perezida Chakwera we yavuze ko icyiza iyi gahunda izanye ari uko izafasha ibihugu nka Malawi – hadahutajwe agaciro kabyo n'abaturage babyo – mu gusaranganya umuzigo w'ikiguzi n'inshingano byo gukora no gukwirakwiza imiti n'inkingo bikenewe.

    Yakomeje ati “Uku ni ko ibibazo byose byugarije isi bishobora gukemurwa.”

    Uru ruganda rwa Pfizer rukora imiti n'inkingo bitandukanye, birimo urukingo rwa COVID-19 rukorwa ku bufatanye n'uruganda BioNTech rwo mu Budage.

    Iyi gahunda nshya yatangirijwe i Davos mu Busuwisi, ahateraniye World Economic Forum

    Umuyobozi mukuru wa Pfizer, Dr. Albert Bourla; Bill Gates uyobora Bill & Melinda Gates Foundation; Perezida Paul Kagame; Perezida Lazarus Chakwera wa Malawi na Perezida wa Pfizer Biopharmaceuticals Group, Angela Hwang, nyuma y’itangizwa ry’iyi gahunda

    Perezida Kagame yavuze ko kubona imiti n'inkingo biteye imbere mu buryo bwihuse kandi buhendutse, ari wo musingi wo kugeza serivisi z'ubuzima kuri bose


    Source : http://igihe.com/amakuru/u-rwanda/article/u-rwanda-rwinjiye-muri-gahunda-ya-pfizer-izageza-imiti-n-inkingo-mu-bihugu-45

  • ShaddyBoo arashaka kwishyura ngo yitirirwe stade yo mu Rwanda – YEGOB #rwanda #RwOT

    Umunyarwandakazi Mbabazi Shadia wamamaye cyane ku mbuga nkoranyambaga ku izina rya Shaddyboo  yavuze ko yifuriza ko yifuza kwitirirwa stade regional ya Nyamirambo igahindurirwa izina ikitwa ShaddyBoo Stadium.

    Ibi Shaddyboo yabivuze abinyujije ku rukuta rwe rwa instagram aho yanditse amagambo agira ati 'Buriya Stade ya Nyamirambo , Uwayita ShaddyBoo Stadium bamuca angahe ?'.

    Nyuma yuko Shaddyboo yifuje ko stade ya Nyamirambo yahindurirwa izina ikitwa Shaddyboo Stadium akanabaza ayo bamuca kugirango izina rye rishyirwe kuri stade Nyamirambo, abamukurikira bamubwiye ibi bikurikira:

    Buriya Stade ya Nyamirambo ,
    Uwayita ShaddyBoo Stadium bamuca angahe ?😃

    — Mbabazi Chadia (Shaddyboo) (@shaddyboo__92) May 25, 2022

    Source : https://yegob.rw/shaddyboo-arashaka-kwishyura-ngo-yitirirwe-stade-yo-mu-rwanda/

  • Yiyemeje gucecekesha abibaza nimba ari umukobwa, ahitamo gukora ibidasanzwe mu irushanwa. – YEGOB #rwanda #RwOT

    Ubwo abashinzwe irushanwa bangaga ko atangira amarushanwa yo kwiruka mu marushanwa ya Olympic, yahisemo kubereka imyanya ye yibanga ndetse yiyemeza kubikora nta Soni.

    Umukobwa ukomoka muri Afurika Y'epfo Caster Semenya, yahisemo guca impaka  ubwo bamwangiraga kwiruka mu bakobwa bagenzi be kuko bakekaga ko atari umukobwa.

    Caster Semenya w'imyaka 31, yaciye agahigo ko kwegukana imidari ya zahabu ku mikino Olympic inshuro ebyiri, ubwa mbere ni muri 2012 I London ndetse na 2016 I Rio muri Burazire.

    Uyu munyafurika Y'epfo  kandi yegukanye imidari igiye itandukanye mu mikino ihuza abavuye mu bihugu bivuga ururimi rw'icyongereza, Commonwealth games.

    Muri 2009 Caster Semenya amaze kwegukana umudari w'isi I Berlin mu budage, habayeho urubanza rwo gushaka kumwambura umudari we, gusa nyuma y'uko hakozwe ibizamini ndetse hagasuzumwa imyanya ye yibanga hemejweko koko ari umukobwa birangira umudari we awugamanye.

    Source : https://yegob.rw/yiyemeje-gucecekesha-abibaza-nimba-ari-umukobwa-ahitamo-gukora-ibidasanzwe-mu-irushanwa/

  • Isabukuru nziza! Rayon Sports yujuje imyaka 5… – #rwanda #RwOT

    Rayon Sports ni imwe mu makipe akuze mu mupira w’amaguru mu Rwanda ndetse biyemerera kuba ikipe ifite abafana benshi. Mu 1964 ni bwo Rayon Sports yashinzwe ariko ibona ubuzima gatozi mu 1968 ubwo yabaga mu Majyepfo y’u Rwanda mu Karere ka Nyanza kuri ubu. Hashize imyaka 20, Rayon Sports yaje kwimukira mu mujyi wa Kigali ihubakira izina rukomeye, gusa mu 2012 iza gusubira i Nyanza inahatwarira igikombe cya shampiyona, mu 2014 irongera igaruka mu mujyi wa Kigali.

    Iyi kipe mu myaka 54 imaze ifite uduhigo dutandukanye harimo nko kuba ikipe ya mbere yakuye igikombe cya CECAFA hanze mu 1999 ndetse ikaba imwe mu makipe yagaragaje ihangana ku bikombe by’imbere mu gihugu n’ikipe y’APR FC.

    Mu bikombe Rayon Sports ifite harimo ibikombe 9 bya shampiyona yegukanye mu: 1975, 1981, 1997, 1998, 2002, 2004, 2013, 2017, 2019. Ibikombe by’Amahoro nabyo ni 9 yatwaye mu: 1976, 1979, 1982, 1989, 1993, 1995, 1998, 2005 na 2016. Rayon Sports ifite CECAFA imwe yegukanye mu 1998 ndetse n’igikombe cyiruta ibindi yatwaye mu 2017.

    Rayon Sports nk’imwe mu makipe akuze, ifite abafana benshi, gusa ibijyanye n’ubuyobozi ibikorwa n’imitungo y’ikipe biracyari hasi, kuko ntirabasha kugira Sitade yayo ndetse uyu mwaka iwumaze ikoresha imodoka itari iyayo.


    Rayon Sports imaze iminsi idahagaze neza


    Isabukuru nziza kuri Rayon Sports

    Source : https://inyarwanda.com/inkuru/117493/isabukuru-nziza-rayon-sports-yujuje-imyaka-54-itagira-sitade-117493.html

  • Alice na Diana batumiye Serge, Tracy, Brian B… – #rwanda #RwOT

    Iki gitaramo cyateguwe na Diana Kamugisha afatanyije na Alice Tonny uzwi cyane nka Big Tonny. Ni kimwe mu bitaramo by’ivugabutumwa bazakora bazenguruka igihugu muri uyu mwaka wa 2022. Ku ikubitiro bataramiye i Kayonza tariki 15/05/2022, ubu ahatahiwe ni i Kigali. Igitaramo cy’i Kigali ni cyo cyagombaga kubanziririza iyi gahunda yabo yo kuzenguruka igihugu, gusa habayemo impamvu zabatunguye bituma bafata indi tariki bacyimurira tariki 05/06/2022 mu gihe cyagombaga kuba tariki 29/05/2022.

    Diana Kamugisha aherutse kubwira InyaRwanda.com ko intego y’ibi bitaramo bye na Alice Tonny ari ukwamamaza icyubahiro cy’Imana no kuyishimira ku bw’uburinzi bwayo mu gihe cya Covid-19. Ati “Intego yacyo ni ukwamamaza icyubahiro cy’Imana no kuyishima ko yaturinze ikanadukiza Covid-19, nubwo itaragenda burundu ariko turayishima aho igejeje ikora”. Muri ibi bitaramo byose kwinjira bizaba ari ubuntu. Ati “Ntabwo tuzishyuza, kwinjira ni ubuntu ugasohokana umunezero mwinshi”.

    Muri iki gitaramo kizabera i Kigali, Diana Kamugisha na Alice Tonny bazaba bari kumwe n’abaramyi batandukanye barimo; Serge Iyamuremye, Brian Blessed, Mpundu Bruno, Tracy Agasaro umugore wa Rene Patrick, Bernice n’abandi. Kwinjira muri iki gitaramo bizaba ari ubuntu ku bantu bose. Iki gitaramo ndetse n’ibindi bazakorera hirya no hino mu gihugu, byubakiye ku cyanditswe cyo muri Bibiliya, Zaburi 66:02 havuga ngo “Muririmbe icyubahiro cy’izina ryayo, mwogeze ishimwe ryayo.”

    Diana Kamugisha yahuje imbaraga na Alice Tonny bategura ibitaramo bizenguruka igihugu

    Alice Tonny na Diana Kamugisha barataramia i Kigali kuwa 05/06/2022

    Serge, Brian Blessed na Tracy bari mu bazaririmba mu gitaramo cya Alice & Diana

    Source : https://inyarwanda.com/inkuru/117506/alice-na-diana-batumiye-serge-tracy-brian-blessed-na-mpundu-mu-gitaramo-make-his-praise-gl-117506.html

  • Paris: Umutangabuhamya yavuze ko Perefe Bucyibaruta yavaga kuri Bariyeri ubwicanyi bugakomera #rwanda #RwOT

    Mu rukiko rwa rubanda i Paris mu Gihugu cy'u Bufaransa, kuri uyu wa 25 Gicurasi 2022, humviswe umutangabuhamya w'imyaka 68 y'amavuko wabimburiye abandi mu rukiko. Yabwiye abacamanza ko mu gihe cya Jenoside yakorewe Abatutsi, Perefe Bucyibaruta yakundaga kugenda kuri za Bariyeri, ko kandi uko yahavaga ubwicanyi bwakorerwaga Abatutsi bwarushaga ho gukomera.

    Imbere y'inteko iburanisha, mu rukiko rwa rubanda i Paris mu Gihugu cy'u Bufaransa, ni we mutangabuhamya wabimburiye abandi kuri uyu munsi. Yavuze ko nawe ubwe yari mu bahigwaga(Abatutsi), ariko akaba yari afite umugore w'Umuhutukazi.

    Yahungiye mu ishuri ry'imyuga rya Murambi(ETO). Yabwiye urukiko ko Tariki 21 Mata 1994 nijoro babateye aho bari bahungiye bakabarasa cyane, ko hari interahamwe zitwaje intwaro gakondo z'ubwoko bwose ndetse n'Abajandarume benshi, atahamya ko bari bavuye gusa ku Gikongoro, ko bishoboka ko hari n'abari baturutse ahandi.

    Avuga ko aba bicanyi bishe Abatutsi ijoro ryose kugeza mu gitondo. Yibuka ko hari n'utwana tw'utunyeshuri twagerageje gusohoka baradukurikirana n'imbwa bajya kuduhiga mu mashyamba natwo baratwica. Hishwe abantu benshi, avuga ko agereranyije haguye nk'ibihumbi 40, ko abo yibuka babashije kurokoka nawe arimo bari 6.

    Abajijwe niba yari azi Perefe Bucyibaruta, yasubije ati' Yego mbere ya Jenoside twahuriraga mu nama,  hari nk'iyo nibuka yabereye ahitwa ku Itaba ikaba yari inama yavugaga Ku mutekano. Icyo gihe hari inkubiri y'amashyaka, Bucyibaruta akavuga ko abantu bagomba kwirindira umutekano'.

    Ari imbere y'inteko iburanisha kandi, yabwiye urukiko ati' Icyo mpamya ni uko Perefe na Burugumesitiri na Komanda bakomezaga bazenguruka kuri za bariyeri, kandi ubwicanyi bugakomeza'. Abajijwe uko imodoka ya Perefe yari imeze, yavuze ko yari ivatiri ya Peugeot 305 yenda kuba umweru.

    Ubwo yabazwaga inshuro yaba yarabonye Perefe kuri Bariyeri, n'aho yamubonye, yasubije ati' Aho i Murambi si nageze i ruhande rw imodoka, ariko twashoboraga kubona imodoka ya Perefe na Burugumesitiri na jeep ya Komanda zica kuri za bariyeri, ni nazo zahacaga zonyine'.

    Abajijwe n'umunyamategeko, umwe mu bunganira abaregera indishyi muri uru rubanza, ko yavuze ko Perefe yagendagendaga kuri za bariyeri, arikumwe na Burugumesitiri na komanda, icyo yagendaga akora cyangwa avuga, yasubije ati' Sinari mpahagaze, ariko uko yahavaga ubwicanyi bwarakomeraga, bivuze ko wenda yabasabaga gushyiramo imbaraga. Iyo abasaba guhagarika, bwari guhagarara'.

    Mugabarigira Stanley, Umuyobozi w'Urwibutso rwa Murambi, ubwo yaganiraga n'Abanyamakuru b'Umuryango w'Abanyamakuru baharanira Amahoro-PaxPress bakora ku nkuru z'Ubutabera, ubwo basuraga uru Rwibutso rwa Murambi, yababwiye ko Bucyibaruta Laurent wari Perefe wa Perefegitura ya Gikongoro ari umwe mu bari ku isonga ry'itegurwa ndetse n'iyoborwa rya Jenoside. Avuga ko Perefe Bucyibaruta yari nk'Umuyobozi wa byose.

    Bucyibaruta Laurent, mu rukiko rwa rubanda i Paris mu Gihugu cy'u Bufaransa,  akurikiranyweho ibyaha bya Jenoside, Ubufatanyacyaha muri Jenoside hamwe n'ubufatanyacyaha mu byaha byibasiye inyoko mumtu. Ni urubanza rwatangiye Tariki ya 09 Gicurasi 2022, bikaba biteganijwe ko ruzapfundikirwa kuwa 12 Nyakanga 2022. Ni nawe kandi mu tegetsi mu bahoze bakomeye mu gihe cya Jenoside ugejejwe imbere y'Ubutabera bw'Ubufaransa.

    Munyaneza Theogene

    Source : https://www.intyoza.com/paris-umutangabuhamya-yavuze-ko-perefe-bucyibaruta-yavaga-kuri-bariyeri-ubwicanyi-bugakomera/

  • Inkuru nziza ku muryango wa Miss Elsa Iradukunda (video) – YEGOB #rwanda #RwOT

    Nyuma y'uko umubyeyi wa Miss Elsa iradukunda yagaragaje agahinda kenshi kubera ko umwana we yarafunze . kuri uyu munsi Miss Elsa yongeye gusubira mu muryango we gusa akazajya yitaba urukiko.

    Urukiko rw'Ibanze rwa Kicukiro rwategetse ko Miss Elsa Iradukunda arekurwa agakurikiranwa adafunzwe.

    Akurikiranyweho ibyaha birimo guhimba, guhindura inyandiko cyangwa gukoresha inyandiko mpimbano.

    Source : https://yegob.rw/inkuru-nziza-ku-muryango-wa-miss-elsa-iradukunda-video/

  • Mbappé nyuma yo guca agahigo ko guhembwa menshi aho yaririye aya mbere byari akataraboneka. – YEGOB #rwanda #RwOT

    Kylian Mbappé nyuma y'uko aciye agahigo ko kuba umukinnyi ukina umupira w'amaguru uhembwa menshi ku isi, we n'inshuti ye magara batangiye kurya ayabo ntagihunga.

    Kylian Mbappé amasezerano mashya yasinye muri Paris Saint-Germain azamara amezi atatu, akaba azajya ahembwa ibihumbi 650 by'amayero buri cyumweru, mu manyarwanda akaba arenga Miliyoni 650 buri cyumweru.

    Hamwe n'amafaranga angana atya hibazwa aho ayarira, gusa we n'inshuti ye bamaranye agihe kitari kinini bakinana Achraf Hakimi batangiye kuyarira mu gace ka Cannes mu bufaransa.

    Abanyamakuru bakaba bamubonye muri resitora yitwa La Mome Plage aho agisohoka byabaye ngombwa ko hitabazwa abashinzwe umutekano kugirango abashe kuba yahivana.

    Abaturage bakaba bari benshi bivanze n'abanyamakuru, byatumye biteza akavuyo kubera urukundo abafana ba PSG bashakaga kumwereka.

    Source : https://yegob.rw/mbappe-nyuma-yo-guca-agahigo-ko-guhembwa-menshi-aho-yaririye-aya-mbere-byari-akataraboneka/