Author: webrwanda

  • #CHOGM:Polisi yatangiye gutangaza imihanda izajya ikoreshwa n'abagenzi basanzwe mu mujyi wa Kigali #rwanda #RwOT

    Polisi y'u Rwanda kuri uyu wa Gatatu, tariki ya 15 Kamena, yatangiye gutangaza amabwiriza ya buri munsi azayobora abakoresha imihanda yo mu mujyi wa Kigali bitewe n'uko imwe n'imwe izaba irimo gukoreshwa n'abashyitsi bazitabira inama y'abakuru b'ibihugu na za Guverinoma zo mu bihugu bikoresha ururimi rw'Icyongereza (CHOGM).

    Guhera ku wa 16 Kamena 2022, imwe mu mihanda ya Kigali izaharirwa abashyitsi nkuko byatangajwe n'Umuvugizi wa Polisi y'u Rwanda, CP John Bosco Kabera.

    Yagize ati “Kugira ngo turusheho kunoza imigendekere myiza y'urujya n'uruza rw'ibinyabiziga mu mujyi wa Kigali mu gihe cya CHOGM, abakoresha imihanda barasabwa kuzubahiriza amabwiriza ajyanye n'imikoreshereze y'imihanda azajya atangazwa umunsi umwe mbere yo gushyirwa mu bikorwa kugira ngo babashe gutegura neza ingendo zabo.”

    Yakomeje agira ati “Tuboneyeho gusaba abakoresha umuhanda kwihanganira izi mpinduka kandi bagakomeza kubahiriza amategeko n'amabwiriza agenga imikoreshereze y'umuhanda. Abapolisi bazaba bari ku mihanda mu rwego rwo kubayobora aho bagomba kunyura.”

    Imwe mu mihanda izaba igenewe abashyitsi n'iyishamikiyeho izakoreshwa mu buryo bwa rusange

    Kuri Uyu wa Kane, tariki 16 Kamena, Umuhanda wo mu cyerekezo cya Marriott Hotel – Muhima – Kinamba -Urwibutso rwa Jenoside rwa Kigali, uzakoreshwa n'abashyitsi.

    Imihanda izaba ikoreshwa mu buryo rusange kuva ku Gisozi ni ULK- Beritwari – Gaposho- Gakinjiro – Kinamba – Kacyiru cyangwa kuri Utexrwa.

    Abazaba bahagurukiye mu mujyi rwagati bashobora gukoresha umuhanda wa Onatracom – Gereza – Muhima – Nyabugogo – Poid Lourd – Kanogo- Rwandex.

    Abashaka ibisobanuro birambuye bashobora guhamagara ku murongo utishyurwa 9003 cyangwa 0788311155.

    CP Kabera yakomeje agira ati “Abaturarwanda barakangurirwa gukurikira ingengabihe ku mikoreshereze y'imihanda ya buri munsi ku rubuga rwa Polisi (Website) cyangwa kuri Twitter ndetse no kuri radiyo na televiziyo zitandukanye.”

    “Birasanzwe mu muco wacu nk'abanyarwanda ko twakira neza abashyitsi batugana. Dukwiye rero kubigaragaza by'umwihariko mu gihe cya CHOGM nk'uko byagiye bigenda no ku zindi nama mpuzamahanga u Rwanda rwagiye rwakira.”

    Inama ya CHOGM yitezweho kuzitabirwa n'abaturutse mu bihugu 54 biri mu muryango wa Commonwealth. Hirya no hino mu gihugu, imyiteguro yayo irakomeje.

    Source : https://umuryango.rw/amakuru/mu-rwanda/umutekano/article/chogm-polisi-yatangiye-gutangaza-imihanda-izajya-ikoreshwa-n-abagenzi

  • Ingabo za EAC zigiye koherezwa kugarura amahoro kuri RDC #rwanda #RwOT

    Perezida wa Kenya, Uhuru Kenyatta unayoboye Umuryango wa Afurika y'Iburasirazuba (EAC) yemeje ko ingabo z'uyu muryango zigiye koherezwa kugarura amahoro muri RDC, zikazafatanya na Monusco.

    Perezida Kenyatta yatangaje ko ibice bya Ituri no mu Ntara ya Kivu y'Amajyaruguru mu bice bya Bunagana iheruka gufatwa na M23 kimwe no mu Ntara ya Kivu y'Amajyepfo, bitemewe gutungwamo intwaro uretse inzego zibifitiye uburenganzira, ku buryo undi wese uzifite agomba kuzamburwa.

    Biteganyijwe ko abayobozi b'ingabo z'akarere bazahurira i Nairobi ku Cyumweru tariki 19 Kamena 2022, mu myiteguro ya nyuma yo kohereza izi ngabo.

    Ubutegetsi bw'intara ya Kivu ya ruguru ya DR Congo bukomeje kuvuga ko ingabo z'u Rwanda zateye ku butaka bwa DR Congo zigafata umujyi wa Bunagana.

    Umutwe wa M23 uvuga ko ariwo wafashe Bunagana kuwa mbere nyuma yo kunesha ingabo za leta mu mirwano yo ku cyumweru, maze kuwa mbere mu gitondo zimwe zigahungira muri Uganda.

    Itangazo ry'ibiro bya guverineri wa Kivu ya ruguru rivuga ko 'nyuma yo kubona gutakaza gukomeye ku rugamba kw'abo bafasha, ingabo z'u Rwanda zahisemo kurenga ku mipaka n'ubusugire bw'ubutaka bwacu zifata umujyi wa Bunagana'.

    Leta ya Kivu ya ruguru ivuga ko ibyo ari 'intambara kuri DRC n'igisirikare cya DR Congo' kandi ikemeza ko 'ibikenewe byose byateguwe' ngo bongere gusubiza ibintu mu maboko yabo.

    Leta y'u Rwanda yagiye ihakana gufasha M23, uyu mutwe nawo wahakanye ko ufashwa n'ingabo z'u Rwanda mu mirwano.

    Source : https://umuryango.rw/amakuru/mu-mahanga/umutekano/article/ingabo-za-eac-zigiye-koherezwa-kugarura-amahoro-kuri-rdc

  • Crapton Kibonge n'umugore we bibarutse ubuheta(AMAFOTO) #rwanda #RwOT

    Uyu munyarwenya abinyujije ku rukuta rwe rwa Instagram ahanyuzwa ubutumwa bumara amasaha 24 yasangije abakunzi be ifoto y'umwana yibarutse mu buryo bw'amashusho ari kumwe n'umwana we w'imfura.

    Crapton yibarutse umwana we wa Kabiri nyuma y'iminsi atangaje ko afite amatsiko yo kubona umwana w'umuhungu bazaba basa bitegura kwibaruka.

    Abinyujije ku rukuta rwe rwa Instagram yagize ati”Mfite amatsiko yo kureba umuhungu dusa”.

    Source : https://umuryango.rw/imyidagaduro/article/crapton-kibonge-n-umugore-we-bari-mu-byishimo-bikomeye-nyuma-yo-kwibaruka

  • HEC yiseguye ku banyeshuri 416 biga muri RP batazahabwa inguzanyo #Rwanda #RwOT via @kigalitoday #rwanda #RwOT

    Umuyobozi Mukuru w’Inama y’Igihugu ishinzwe Amashuri Makuru na Kaminuza (HEC), Dr Rose Mukankomeje, yiseguye ku banyeshuri 416 bari bamaze amezi arenga atatu (…)

    Source : https://www.kigalitoday.com/uburezi/amashuri/article/hec-yiseguye-ku-banyeshuri-416-biga-muri-rp-batazahabwa-inguzanyo

  • Ngororero: Umubare 190 mu bukangurambaga bwo kurinda inda zitateguwe mu bangavu #rwanda #RwOT

    Umuyobozi w'Akarere ka Ngororero, Nkusi Christophe aremeza ko urubyiruko ni rubasha kumva ibikubiye mu bukangurambaga bwitiriwe umubare 190, bizatuma abarushuka bakarutera inda z'imburagihe batazagera ku migambi mibisha yabo kuko ruzaba rwarigishijwe neza, rwaramenye inzira zikoreshwa n'abarushuka.

    Meya Nkusi, ibi yagarutseho ubwo Urwego rw'igihugu rw'Ubugenzacyaha-RIB rwatangizaga ubukangurambaga mu mashuri yisumbuye ku rwego rw'Intara y'Uburengerazuba, aho bari mu karere ka Ngororero. Ni ubukangurambaga bugamije  kwirinda ibyaha byugarije urubyiruko bwatangirijwe mu ishuri rya College de l'Immacule Conception de Muramba ku wa 11 Kamena 2022.

    Meya ati' Mu karere kacu twashyizeho gahunda yo kurandura ihohoterwa rikorerwa abangavu biciye muri Gahunda y'i 190 twahaye igisobanuro cy'uko; Abangavu badakwiye kwishora mu mibonano mpuzabitsina y'umunsi umwe (1), agatwita amezi icyenda (9) maze ubuzima bwe bukaba zeru (0)'.

    Akomeza avuga ko ibi byakozwe mu rwego rwo kugira ngo bumvishe aba bangavu ko badakwiye kumva ababashora mu mibonano mpuzabitsina ari bato, kuko bibangiriza ubuzima. Agira kandi ati' Turabona bagenda barushaho kumva impamvu y'iyi gahunda kandi na nyuma ntawuzabasha kubashuka kuko bazaba barigishijwe neza'.

    Yongeyeho kandi ko imwe mu mpamvu bakwiye kugendera kure ababashuka bagamije  kubasambanya ari uko babangiriza ubuzima kandi rimwe na rimwe bakaba bashobora kugwa mu byaha bashaka kwikiza inda batewe. Yabibukije ko amategeko abarengera mu gihe bahuye n'ihohoterwa, baba barikorerwa n'ababarera cyangwa bakarikorerwa n'inshuti z'umuryango.

    Umunyamabanga Mukuru wungirije w'Urwego rw'Igihugu rw'Ubugenzacyaha, Kalihangabo Isabelle avuga ko nta mwana n'umwe ukwiye kwangirizwa ubuzima kubera intege nke afite, ahubwo ko buri wese akwiye kumurinda ihohoterwa iryo ariryo ryose yakorerwa n'uwarimukorera.

    Yagize ati' Ibi dukora ni ugushakira ineza abana bacu, Abana b'Igihugu kuko nta mwana ukwiye kwangirizwa ubuzima kubera intege nkeya. Twebwe abakuru dufate iyambere yo kubarinda ihohoterwa ryose bahura naryo ndetse no gucungira hafi abahohotera abana n'urubyiruko bagafatwa bakaryoza ibyo bakoze'.

    Yongeyeho kandi ko buri mubyeyi murezi adakwiye kwitwaza akamaro amariye umwana kugirango amukoreshe ibyo ashaka kuko ibyo amukoresha bishobora kuba mu bigize icyaha. Yabasabye kwitwararika no kudahungabanya umwana.

    Ihirwe Nezerwa Stella, avuga ko buri wese aramutse yumvise neza igisobanuro cy'imibare yifashishwa n'akarere ka Ngororero mu bukangurambaga bwo kwamagana abangiza abangavu, abaziterwa bagabanuka.

    Yagize ati' Buri wese agomba kumva neza icyo iyi mibare ivuze ku buzima bwacu twebwe abangavu kuko ni twebwe dukorerwa ihohoterwa cyane bityo tukamagana abangiza, abatwangiza bakadutera inda kubera ibishuko batugushamo'.

    Rukundo Jean Pierre, avuga ko urubyiruko rudakwiye kwirara, ko ahubwo rukwiye kumva ibyo rusabwa n'ababyeyi ndetse rugafunguka amaso kuko abarushuka bagamije inyungu zabo ntaho baca, ahubwo bajya bafatwa bagafungwa bataragera ku mugambi wabo.

    Yagize ati' Urubyiruko rw'ubu ubona rwirara cyane, ariko ntabwo ariko bikwiye. Rukwiye kumva neza icyo ababyeyi barushakaho ndetse rukabanza kureba ibyo rukora n'abo rugendana nabo, ariko na none rukirinda abarushuka bagamije kuruyobya kubera inyungu zabo, rugatanga amakuru kugirango abashaka kurushuka bafatwe hakiri kare bataragera ku mugambi wabo'.

    Muri aka karere ka Ngororero, habarurwa abakobwa batewe inda batarageza ku myaka y'ubukure basaga 136 muri 2020-2021, mu gihe muri  2021-2022 bagabanutse bagera kuri 62 kandi ubukangurambaga burakomeje kuko aba bazwi ni abamenyekana. Hari abatabivuga bakabikomeraho kugirango batabazwa abazibateye.

    Akimana Jean de Dieu

    Source : https://www.intyoza.com/ngororero-umubare-190-mu-bukangurambaga-bwo-kurinda-inda-zitateguwe-mu-bangavu/

  • Perezida Kagame yagiriye uruzinduko muri Leta Zunze Ubumwe z’Abarabu (UAE) #Rwanda #RwOT via @kigalitoday #rwanda #RwOT

    Perezida w’u Rwanda Paul Kagame, kuri uyu wa Gatatu tariki 15 Kamena 2022 yakiriwe na Minisitiri w’Ububanyi n’Amahanga wa Leta Zunze Ubumwe z’Abarabu, UAE, (…)

    Source : https://www.kigalitoday.com/politiki/amakuru/article/perezida-kagame-yagiriye-uruzinduko-muri-leta-zunze-ubumwe-z-abarabu-uae

  • Southgate yarahiriye kwihimura nyuma yo guseba bikomeye. – YEGOB #rwanda #RwOT

    Gareth Southgate yaseseranije abongereza ko agomba gukora ibitangaza nk'ibyo umunyabigwi Sir Bobby Robson yakoze nyuma yuko abafana bamuhaye induru muri 1928.

    Southgate yashimangiyeko guseba bitagomba guca intege abakinnyi kuko ntabwo ari ibidasanzwe kuko ubwongereza bwigeze kongera gutsindwa ibitego 4 na Hungary.

    Agahigo kabi kigeze kubaho ni igihe ubwongereza bwatsindwaga ibitego birenze bine ku busa, usibye no muri iyi mikino ifatwa nk'imyitozo y'ibihugu yitiriwe UEFA Nations League.

    Mu mikino ine yose ubwongereza bwakinnye muri Nations League bakaba baratsindwe ibiri yose ya Hungary ndetse ikaba yarabonye igitego kimwe cyonyine cyatsinzwe na Harry Kane kuri Penalite.

    Mu mukino yaraye atsinzwe, Southgate akaba yari yagerageje guhindura abakinnyi babanzamo kugirango ashake insinzi ye ya mbere muri iri rushanwa.

    Source : https://yegob.rw/southgate-yarahiriye-kwihimura-nyuma-yo-guseba-bikomeye/

  • Biravugwa ko Harmonize agiye kwambika impeta Kajala baherutse gusubirana #rwanda #RwOT

    Aya makuru yatangiye kuvugwa nyuma y'uko Harmonize uri kubarizwa ku mugabane wa Asia, yagaragaye mu iduka ricururizwamo impeta z'imilinga ya diyama mu gihugu cya Turkey, ahitamo inziza kurusha izindi, bikekwa ko ariyo azambika umukunzi we.

    Ibi bivuzwe nyuma y'igihe kitari gito Harmonize yari amaze asaba imbabazi uyu Kajala Frida bari baratandukanye yifuza ko basubirara.

    Amakuru yavugaga ko aba batandukanye kubera ko Harmonize yashatse kureshya umwana wa Kajala akaba n'umukunzi wa Rayvanny.

    Source : https://umuryango.rw/imyidagaduro/article/birakekwa-ko-harmonize-yaba-agiye-kwambika-impeta-kajala-baherutse-gusubirana

  • Rwema Denis umujyanama wa Shaddyboo wanakoran… – #rwanda #RwOT

    Mu mafoto n'amashusho Rwema yasangije abakunzi be ku rubuga rwa WhatsApp, yerekanye ko anejejwe cyane no kwambika impeta umukunzi we w'akadasohoka bamaranye igihe mu munyenga w'urukundo.

    Mu muhango wabereye mu karere ka Gasabo, Kacyiru ahitwa Kingdom niho Rwema Denis yasabiye umukunzi we Uwase Faith ko yamubera umugore bakazabana ubuziraherezo.

    Rwema yakundaga kugaragara ari kumwe n'umukunzi we mu birori no mu bitaramo bitandukanye, gusa nta hantu na hamwe yari yagatangaje ko ari umukunzi we cyangwa ngo abivuge mu itangazamakuru.

    Rwema Denis yamenyekanye hano mu Rwanda nk'ufasha abahanzi. Izina rye ryatumbagiye ubwo yafashaga Urban Boys igihe yari ikiri muri Super Level. Nyuma yo gutandukana n'iri tsinda yagiye akora imirimo inyuranye irimo no kuba umujyanama wa Charly na Nina, nyuma yerekeza muri The Mane.

    Rwema Denis ubwo yatandukanaga na Urban Boys byabaye inkuru ndende mu itangazamakuru dore ko yashinjaga abagize iri tsinda ubwambuzi n'ubuhemu.

    Rwema Denis mbere yo kwambika impeta umukunzi we

    Nyuma yo gutandukana n'aba basore yiyunze kuri Muyoboke Alex bafatanya gufasha itsinda rya Charly na Nina. Ntabwo byafashe igihe cyane ko ubwo iri tsinda ryatandukanaga na Muyoboke Alexis, ryasigaye rikorana na Rwema Denis mu buryo butigeze butangazwa cyane.

    Charly na Nina ntibigeze batangaza ko Rwema ari we wasimbuye Muyoboke Alex n’ubwo abakurikiranira hafi umuziki bataburaga guhamya ko ari we usigaye ari umujyanama w'aba bahanzikazi akaba n'ukurikirana inyungu zabo.

    Rwema yari anyuzwe no kubona umukunzi we imbere ye

    Nyuma yo gutandukana na Charly na Nina Rwema yerekeje  muri The Mane aho yagizwe umujyanama 'Manager' w'iyi nzu yabarizwamo Safi Madiba, Queen Cha, Marina na Jay Polly. Icyo gihe Bad Rama Umuyobozi wa The Mane yemereye inyaRwanda.com bwa mbere ko Rwema yinjiye muri The Mane, icyakora ibijyanye n'amasezerano basinyanye yirinda kubigarukaho.

    Rwema Denis yahaye indabo umukunzi we

    Rwema yashinze ivi asaba umukunzi we ko yamubera umugore

    Indabo zahawe umukunzi wa Rwema, Uwase Faith

    Rwema yambika impeta Uwase

    Umujyanama Muyoboke Alex ni umwe mu bari bitabiriye ibyo birori

    Inshuti n’imiryango ya Rwema yari ihari

    Source : https://inyarwanda.com/inkuru/118151/rwema-denis-wabaye-umujyanama-wa-urban-boyz-nathe-mane-akaba-numujyanama-wa-shaddyboo-yamb-118151.html