
Author: webrwanda
-
Ntacyo umutima unshinja – Gatera Musa Espoir FC ikekaho ruswa #Rwanda #RwOT via @kigalitoday #rwanda #RwOT
Nyuma yuko ikipe ya Espoir FC itandukanye n’uwari umutoza wayo Gatera Musa, ariko ikavuga ko ishobora kumukurikirana kubera kuba ngo yaragiye yakira (…) -
Iryinyo rya Lumumba waharaniye ubwigenge ryageze muri DR Congo #rwanda #RwOT
Ni cyo gice cyonyine cy’umubiri cyari gisigaye cy’uyu wabaye Minisitiri w’intebe wa mbere wa Congo, wishwe mu mwaka wa 1961 n’inyeshyamba zifatanyije n’abacanshuro b’Ababiligi, umubiri we ugashangurwa muri aside (acide).
Mbere, iri ryinyo rizajya mu mujyi yavukiyemo, wiswe Lumumbaville mu kumuha icyubahiro, nuko rijye i Kisangani, aho yatangiriye kuba impirimbanyi ya politiki, nyuma rijye i Lubumbashi, aho yiciwe.
Isanduku irimo iryo ryinyo nyuma yaho izashyirwa mu buruhukiro mu murwa mukuru Kinshasa, mbere yuko ku wa kane w’icyumweru gitaha Congo yizihiza imyaka 62 ishize ibonye ubwigenge.
-
Ingabo z’u Burundi zivuganye abarwanyi 10 ba FLN irwanya u Rwanda #rwanda #RwOT
Ibi byabereye mu ishyamba rya Kibira rifatanye n’irya Nyungwe ryo mu Rwanda muri komini Mabayi aha ni muntara ya Cibitoki, mu majyaruguru y’Iburengerazuba bw’u Burundi.
Abantu icumi barapfuye abandi benshi barakomereka mu mirwano hagati y’abasirikare n’inyeshyamba bavuga Kinyarwanda, mu gasozi ka Kibira, muri komini ya Mabayi mu ntara ya Cibitoke (mu majyaruguru y’uburengerazuba bw’u Burundi).
Imirwano ikaze yabaye mu minsi itatu ishize ku misozi ya Rutorero na Gafumbeti mu gace ka Butahana ko muri komini ya Mabayi mu ntara ya Cibitoke mu majyaruguru y’uburengerazuba bw’igihugu. Iyi mirwano yahitanye abantu icumi abandi umunani bo kuruhande rw’inyeshyamba barakomereka.
Nkuko byemezwa n’ingabo z’u Burundi kuri iki cyumweru nimugoroba, inyeshyamba za FLN zagaruriwe muri metero nkeya uvuye ku mupaka w’u Rwanda n’u Burundi.
Iyi mirambo rero biragaragara ko ari inyeshyamba za FLN, zishwe n’ingabo z’u Rwanda zirinda umupaka.
Bagaragaza kandi ko izi nyeshyamba za FLN zimaze igihe kinini zarashinze ibirindiro ku muozi wa Kibira ku ruhande rw’u Burundi muri Komini ya Mabayi na Bukinanyana iherereye mu Ntara ya Cibitoke aho baba bashaka kwinjira mu Rwanda.
Icyakora ntibashobora kwinjira mu Rwanda kuko buri gihe bahagarikwa n’abasirikare bacunga umutekano bo mu Rwanda. Igitangaje ni uko izo nyeshyamba zigaba ibitero kandi zikica mu Burundi.
Umusirikare mukuru mu ngabo z’u Burundi yatangarije abaturage ko biyemeje kurwanya izi nyeshyamba mbere y’uko zongera guhungabanya umutekano w’abaturage.
Amakuru aturuka muri Cibitoke, avuga ko izi nyehyamba zinjira mu Burundi mu ishyamba rya Kibira ziturutse muri Repuburika Iharanira Demukarai ya Congo ubundi zikazajya ziba abaturage ibyabo.
Umuyobozi wa Mabayi arasaba abaturage kongera ubushishozi no kwamagana ibikorwa byose biteye inkeke bikorwa n’inyeshyamba.
-
Ibyaranze umunsi wa kabiri w'uruzinduko rwa Prince Charles (Amafoto) – #rwanda #RwOT
Ni ubwa mbere umuntu wo mu Muryango w'Ibwami mu Bwongereza yasuye u Rwanda. Ni uruzinduko rwabaye Igikomangoma Charles gihagarariye Umwamikazi Elizabeth wa II mu Nama ya CHOGM iri kubera mu Rwanda.
Igikomangoma Charles ni we uzaragwa ingoma mu gihe Umwamikazi Elizabeth II azaba atanze. Yageze mu Rwanda ku mugoroba wo ku wa Kabiri, tariki 21 Kamena 2022.
Ku munsi we wa mbere w'akazi, nyuma y'ibiganiro yagiranye na Perezida Kagame, yasuye Urwibutso rwa Jenoside rwa Kigali ruri ku Gisozi, ashyiraho indabo ndetse yunamira inzikarengane zirenga ibihumbi 250 zirushyinguyemo.
Igikomangoma Charles yari yambaye imyenda isa na kaki mu gihe Camilla w'imyaka 74 we yari yambaye ikanzu irimo amabara n'amaherena yakozwe n'uruganda rwo mu Bufaransa rwa Van Cleef & Arpels n'ibikomo bya Alhambra byose bifite agaciro kabarirwa ibihumbi bine by'ama-pound.
Nyuma yo gusobanurirwa amateka yagejeje u Rwanda kuri Jenoside yakorewe Abatutsi n'uko yahagaritswe, Igikomangoma Charles yavuze ko ibyabaye biteye agahinda.
Umugore we yavuze ko ibyabaye, bigaragaza ibyo ikiremwamuntu gishobora gukora.
Ku rwibutso, yahahuriye n'abapfakazi ba Jenoside, bamutekerereje ubuzima banyuzemo. Barimo nka Uzamukunda Walida wamusangije ubuhamya bw'uburyo Interahamwe zamufashe ku ngufu.
Bamushimiye ku bw'urugendo rwe, bamugaragariza ko barenze amateka mabi uyu munsi biyubatse kandi bafite intego z'ejo hazaza. Bamushyikirije impano y'igiseke, nko kumushimira.
Freddy Mutanguha wasobanuriye Igikomangoma Charles n'umugore we amateka ya Jenoside, yababwiye ko na we yayirokotse ariko ko aramutse abaze abantu bo mu muryango we bishwe, bagera kuri 80.
Avuye ku Rwibutso rwa Kigali ku Gisozi, yagiye ku rwa Nyamata mu Bugesera ahiciwe Abatutsi bari bahungiye mu rusengero. Urugezemo ubasha kubona n'amaso, imyambaro bari bambaye, indangamuntu za bamwe, ibikomo n'ibindi.
Ubutumwa Igikomangoma Charles yasize muri uru rwibutso bugira buti 'Tuzahora twibuka inzirakarengane zazize Jenoside yakorewe Abatutsi muri Mata 1994.''
I Nyamata mu gihe cya Jenoside hahungiye Abatutsi 10.000, hari urusengero bari bizeye gukiriramo.
Uru rusengero rwahindutse rumwe mu nzibutso esheshatu ziri mu Rwanda, ruruhukiyemo imibiri y'inzirakarengane irenga 45.000.
Igikomangoma Charles wari uherekejwe n'abayobozi mu nzego zitandukanye barimo Minisitiri w'Ubutegetsi bw'Igihugu, Gatabazi Jean Marie Vianney; uw'Ubumwe bw'Abanyarwanda n'Inshingano Mboneragihugu, Dr Bizimana Jean Damascéne na Meya wa Bugesera, Mutabazi Richard, yasuye 'Umudugudu w'ubumwe n'ubwiyunge' utuyemo abakoze Jenoside n'abo biciye none ubu babanye neza mu mahoro.
Yashimye imbaraga zo kubabarira zaranze abatuye muri uyu mudugudu uri mu Mudugudu wa Rwimikoni, Akagari ka Mbyo mu Murenge wa Mayange nubwo banyuze mu bihe bikomeye kandi bishaririye.
Urugendo rwe mu Bugesera, Igikomangoma Charles yarusoje asura umushinga wo gutera ibiti bivangwa n'imyaka hagamijwe guteza imbere imibereho myiza y'abaturage uzwi nka 'Agroforestry for Livelihoods'.
Uyu mushinga ufasha mu kurwanya imyuka ihumanya ikirere ushyirwa mu bikorwa n'Umuryango Albertine Rift Conservation Society (ARCOS Network) uharanira kubungabunga ibidukikije no guteza imbere imibereho myiza y'abaturage mu bihugu bihurira ku muhora wa Albert (Albertine Rift) ku bufatanye na Leta y'u Rwanda binyuze muri Minisiteri y'Ibidukikije n'ibigo biyishamikiyeho harimo icy'Amashyamba (RFA) n'icyo kurengera Ibidukikije (REMA), Uturere twa Rulindo na Bugesera n'abandi bafatanyabikorwa batandukanye, ku nkunga y'abashoramari bo mu Bufaransa bitwa Livelihoods Funds.
Perezida Kagame yakiriye Igikomangoma Charles
Igikomangoma Charles aganira na Perezida Kagame kuri uyu wa Gatatu
Perezida Kagame na Madamu Jeannette Kagame bakiriye Igikomangoma cya Wales mu Bwami bw'u Bwongereza, Charles n'umugore we
Madamu Jeannette Kagame na Camilla Parker BowlesYasuye Urwibutso rwa Jenoside rwa Kigali
Prince Charles n'Umugore we, Camilla Parker Bowles basobanuriwe amateka ya Jenoside yakorewe Abatutsi
Prince Charles n'Umugore we, Camilla Parker Bowles bunamiye abazize Jenoside yakorewe AbatutsiIgikomangoma Charles yanunamiye inzirakarengane za Jenoside i Nyamata
Yakozweho n'ubuhamya bw'inzira y'ubumwe n'ubwiyunge yasangijwe n'abo muri Mbyo
Urugendo rwe mu Bugesera yarusoje asura imishinga yo kurengera ibidukikije
-
Coventry University yafunguye ibikorwa mu Rwanda – #rwanda #RwOT
Gufungura ibiro muri Afurika byiswe Coventry University – Africa Hub, byahuriranye n'Inama yiga ku bucuruzi nk'imwe mu ziherekeje iy'Abakuru b'Ibihugu na za Guverinoma bigize Umuryango w'Ibihugu bikoresha Icyongereza (CHOGM), Commonwealth Business Forum.
Umuyobozi wa Coventry University – Africa Hub, Prof Silas Lwakabamba, yavuze ko gufungura ku mugaragaro ari intambwe ikomeye bateye.
Yagize ati “Ni intambwe ishimangira urugendo rwatangiye muri Mata 2020, ubwo Coventry University yatangizaga Africa Hub i Kigali mu Rwanda, kugira ngo habe igicumbi cy'ibikorwa byayo muri Afurika yo Munsi y'Ubutayu bwa Sahara, no kubaka ubufatanye n'izindi nzego.”
Umwe mu bitabiriye iki gikorwa, John Bosco Kalisa, uyobora East African Business Council, yagarutse ku bushakashatsi bwakozwe n'Ikigo PwC mu 2019.
Nibura 79% byagaragaje ko hari icyuho mu bumenyi mu bakozi, aho ubushobozi bavana muri za kaminuza budahagije, urebye ubukenewe ku isoko ry'umurimo.
Yabajije niba hari umusanzu Coventry University izatanga muri uru rugendo.
Umuyobozi wa Coventry Unoversity, Prof John Latham, yavuze ko urebye mu mirimo itandukanye, ubumenyi bukenewe bitoroshye ko hose bugerwaho mu bantu bakiva mu mashuri, kubera ko usanga imyigishirize idahuye n'ibyo ibigo bitanga akazi bikeneye.
Yakomeje ati “Kimwe mu bintu by'ingenzi cyane kuri Coventry University ni uko tuje gukorera mu karere, aho ari ingenzi kuvugana n'abakora mu nganda zitandukanye, urugero nko mu Rwanda, tukavugana na RwandAir ku bikenewe mu kuzamura ubumenyi.”
Yavuze ko bamaze igihe bakorana na Emirates Aviation University muri Dubai, bagatanga impamyabumenyi za Coventry University binyuze muri gahunda z'amasomo zishyirwaho, zijyanye n'ibikenewe ku isoko.
Yakomeje ati “Urwego rw'indege ni rumwe mu zo dukoramo cyane, kandi niba dushobora kubikora muri Dubai, dushobora no kubikora hano mu Rwanda, dushobora kubikora n'ahandi henshi. Icy'ingenzi ni ukumva ibikenewe kugira ngo ubashe gukora ibishakwa n'inzego zo hanze aha.”
Yavuze ko bifuza gukorana n'inzego za Leta n'iz'abikorera, bakazagenda bashyiraho gahunda z'amasomo zijyanye n'ibikenewe ku isoko, mu buryo bw'umwuga.
Prof Lwakabamba yavuze ko batazaba bafite icyicaro bakoreramo mu kwigisha cyangwa gukora ubushakashatsi nk'amashuri asanzwe ya kaminuza, ahubwo bazaba ari nk'abahuza ba za guverinoma, inganda, kaminuza n'ibigo by'ubushakashatsi.
Muri icyo gihe ngo umunyeshuri azaba ashobora kujya kujya kwigira muri Coventry University mu Bwongereza cyangwa akigira aho ari.
Yakomeje ati “Nk'urugero turifuza gukorana na Kaminuza y'u Rwanda, aho duteganya gutangiza porogaramu z'amasomo zitandukanye cyane cyane nko mu buvuzi na Engineering, aho umunyeshuri narangiza amasomo azaba ashobora kubona impamyabumenyi ebyiri, iya Kaminuza y'u Rwanda n'iya Coventry. Iyo ni gahunda dufite.”
“Icya kabiri ni ikijyanye n'ubushakashatsi, aho Coventry University imaze gutera intambwe. Icyo dukora ni ugushaka abafatanyabikorwa bagakora ku mishinga itandukanye mu bushakashatsi ishobora kuzana impinduka haba mu buvuzi, ibidukikije, ubuhinzi, ubumenyi n'ikoranabuhanga, tukahuza n'abahanga bo muri Coventry University. Icya gatatu ni ikijyanye no gufasha inganda.”
Ubwo bufatanye n'inganda ngo bufasha mu kuzamura no guhindura imikorere yazo hagendewe ku cyo zikeneye.
Prof Lwakabamba yakomeje ati “Icya kane, ni ugufasha abanyeshuri bacu, bakarushaho guhitamo inzira bifuza. Urebye muri Coventry University, abanyeshuri baho bose, kubera ko bagerageza kubahuza n'inganda, kugeza ku mwaka umwe dusanga nibura abanyeshuri 97% by'abanyeshuri bacu bahita babona akazi mu nganda.”
“Ni ijanisha rinini, kandi riterwa n'uburyo twigisha n'uburyo tunabahuza n'inganda. Ni ibyo rero tugiye gukora muri ibi bihugu byinshi tuzaba dukoreramo.”
Coventry University yatangiranye ubufatanye n'izindi nzego
Kuri uyu wa Gatatu, Coventry University – Africa Hub, yasinyanye amasezerano y'ubufatanye n'inzego zirimo Urwego rw'Iterambere (RDB), Minisiteri y'Ubuzima, Sosiyete y'Igihugu ishinzwe Ingufu (REG), Ikigo gishinzwe Ubwikorezi bw'Indege mu Rwanda (Aviation Travel and Logistics Holding ( ATL) Ltd na Kaminuza y'u Rwanda.
Ni amasezerano agena ubufatanye bw'izi nzego mu kuzamura ubumenyi mu nzego zitandukanye.
Minisitiri w'Ubuzima, Dr Daniel Ngamije, yabwiye IGIHE ko aya masezerano yasinywe hagati ya Coventry University, Kaminuza y'u Rwanda na Minisante afite intego yo guteza imbere uburezi bw'abakora mu nzego z'ubuzima, ni ukuvuga abaganga, abaforomo n'ababyaza.
Yagize ati “Ni ukugira ngo tubabone ku mibare ikwiriye, tuzibe icyuho dufite mu bijyanye n'umubare w'abakozi dukeneye mu nzego z'ubuzima, ariko tunababone bujuje ibisabwa twakwifashisha hano mu gihugu, ariko ku buryo twabifashisha no mu bihugu byo hanze.”
“Kuko tuzigisha abantu bakora mu nzego z'ubuzima, dushobora no gusagurira isoko ryo hanze ari uko tumaze kuzuza natwe abo dukeneye hano mu gihugu.”
Minisitiri Dr Ngamije yavuze ko aya masezerano azashyirwa mu bikorwa binyuze mu kunoza porogaramu Kaminuza y'u Rwanda yifashisha mu kwigisha abakora mu nzego z'ubuzima, mu byiciro bitandukanye.
Mu masezerano na RDB, hakubiyemo ibijyanye no gufatanya mu guteza imbere ubukungu nko kuzamura impano mu bijyany n'ibikorerwa mu nganda, ubuzima, ubwikorezi bugezwho, ingufu zisubira, gukurikirana abarangije amasomo n'ibindi.
Mu masezerano na Aviation Travel & Logistics Ltd (ATL), hakubiyemo ibijyanye no guteza imbere ubwikorezi bw'indege mu Rwanda, mu gihe ayasinyanywe na REG ajyanye no guhanahana ubumenyi.
Prof Lwakabamba avuga ko bifuza gutanga umusanzu mu myigire mu Rwanda na Afurika
Umuyobozi wa Coventry University, Prof John Latham, yavuze ko bifuza gukemura ikibazo cy’ireme ry’uburezi muri Afurika
Aba bayobozi bunguranye ibitekerezo ku musanzu Coventry University – Africa Hub itegerejweho
REG yari ihagarariwe n’Umuyobozi ushinzwe Ubutegetsi, Vincent Bayingana
Coventry University yanasinye amasezerano na Commonwealth Enterprise & Investment Council (CWEIC) ihagarariwe n’Umuyobozi wayo, Rosie Glazebrook
Prof Latham hamwe na Clare Akamanzi uyobora RDB
Minisitiri w’Ubuzima, Dr Ngamije ahererekanya amasezerano y’ubufatanye na Prof John Latham uyobora Coventry University
Umuyobozi wa ATL, Jules Ndenga, ahererekanya amasezerano na Prof LathamSource : http://igihe.com/amakuru/u-rwanda/article/coventry-university-yafunguye-ibikorwa-mu-rwanda
-
Gisagara: Ufite ubumuga bwo kutabona wahoze muri FDLR yanyuzwe no kubakirwa inzu y'amasaziro – #rwanda #RwOT
Uyu mugabo ufite ubumuga bwo kutabona nk'ingaruka z'intambara yanyuzemo akiri muri RDC, kuri ubu yatashye mu Rwanda.
Mu 2018 ni bwo yageze mu Rwanda nyuma yo kurambirwa ubuzima bushaririye yacagamo. Yagejejwe i Mutobo aho yamaze amezi atandatu ahugurwa kuri gahunda zitandukanye z'ubuzima bw'igihugu mbere yo kwerekeza mu muryango, aho akomoka.
Inkuru ya Ndagijimana n'uko yagize ubumuga bwo kutabona kandi yaravutse ari muzima isobanura neza zimwe mu ngorane abakiri mu mitwe irwanira mu mashyamba ya RDC bahura na zo bitewe n'ubuzima babamo.
Mu kiganiro cyihariye na IGIHE yagarutse ku buzima yanyuzemo bwamugejeje ku kugira ubumuga bwamuviriyemo guhuma amaso biturutse ku ntambara zinyuranye yarwaniye muri RDC ahitwa Kabaro mu myaka isaga 20 yayabayemo.
Yagize ati 'Nageze i Kabaro, birangira mpakomerekeye bikomeye aho twahanganaga n'ingabo za Leta. Nta gihe nahamaze kuko nakomeretse bigafata amaso ahita uhuma burundu, n'ubuzima bwanjye bwose numva ko burangiye.'
Ndagijimana agikomereka yakomeje kwibera mu mashyamba aho yari mu buzima butoroshye, mbere yo kwanzura gutaha.
Ati 'Nageze mu Rwanda nakirwa neza, i Mutobo baramfashije haba mu kubona amafunguro, imyambaro, imirire, ibikoresho by'ibanze, yewe ndetse n'impumeko nziza yaho na yo ni ingenzi. Byabaye ngombwa ko dusubizwa mu bavandimwe, kandi icyo gihe bampaye impamba y'amafaranga ibihumbi 60 Frw yamfashije gutangira ubuzima.'
Nyuma yo kugera mu muryango nk'umuntu ufite ubumuga bwo kutabona ubuzima ntibwamworohereye.
Yahawe ubufasha na Komisiyo ishinzwe gusezerera no gusubiza mu Buzima busanzwe abahoze ari Abasirikare (RDRC) ku bufatanye n'Ishami ry'Umuryango w'Abibumbye ryita ku Iterambere (UNDP) ku nkunga yatanzwe n'u Buyapani yari igamije kubashyigikira mu guhangana n'ingaruka za COVID 19.
Ndagijimana yahisemo gukora imirimo y'ubuhinzi kugira ngo abashe kuva mu bukene ndetse anagura umurima ngo atangire ubuzima bushya.
Hashize igihe gito yifuje gushinga umuryango. Byatumye ashaka umugore ndetse ubu bibarutse umwana.
Yagize ati 'Nahisemo kuzanira umugore mu nzu y'ababyeyi ntegereje icyizere nahabwaga na Komisiyo (RDRC) cyo kuzanyubakira iyanjye. Baraje babaha ikibanza baranyubakira.'
Hubatswe inzu ijyanye n'icyerekezo kuko ifite agaciro ka miliyoni 20 Frw kandi aho iri mu Karere ka Gisagara iri mu zihagazeho.
Urugo ni ishuri
Nyuma yo gushaka, Ndagijimana yatekereje kwerekeza imbaraga ze mu buhinzi ku buryo byamushoboza kwiteza imbere no kubona ibitunga umuryango.
RDRC yongeye kumuha amafaranga yo kumutera ingabo mu bitugu, yigira inama yo kuyaguramo umurima.
Kuri ubu aho atuye ni umugabo ushobora kugira ijambo mu bandi kuko arangwa no gufata icyemezo kandi urugo rwe icyo rukeneye rukibona.
Muri Werurwe 2020 ni bwo icyorezo cya Covid-19 cyageze mu Rwanda, ibi byatumye ubukungu bw'igihugu buhungabana n'ibikorwa byinshi biradindira.
Ndagijimana yavuze ko inkunga yahawe yongeye kumurinda gusabiriza mu bihe Covid-19 yavuzaga ubuhuha ndetse igihugu kigashyiraho n'ingamba zikakaye mu kwirinda ikwirakwira ryayo zirimo na Guma mu rugo.
Ati 'Kubona ayo mafaranga byaramfashije kuko nabaga nibereye mu bikorwa byanjye, byandinze kwiheba kuko burya iyo ureba imirimo ukora bituma utiheba. Byampaga gutuza kandi kuko nabonaga ibyo nkeneye bikandinda kuba narenga ku mabwiriza yo kwirinda.'
Yahawe kandi amafaranga agamije kumushyigikira no kumurinda kwandavura akomeza kugura imirima n'amatungo magufi arimo inkoko kugira ngo umugore n'umwana babone amagi yo kurya bitabagoye.
Uretse Ndagijimana hari n'abandi batatu bafite ubumuga bagiriye mu mashyamba ya RDC bahawe inzu zo guturamo.
Uyu muryango ubanye mu byishimo
Ndagijimana Barthazal yamaze kwibaruka, kuri ubu we n’umugore we bafite umwana umwe
Nubwo afite ubumuga bwo kutabona ariko abasha gufatanya n’umugore we guhinga
Ndagijimana Barthazal n’umugore we bayobotse iy’ubuhinzi
Ndagijimana Barthazal avuga ko yishimiye ubuzima nyuma yo kuva mu mashyamba ya RDC aho yabarizwaga muri FDLR -
Minisitiri w'Intebe wa Canada yasesekaye i Kigali – #rwanda #RwOT
Minisitiri w'Intebe wa Canada, Justin Trudeau, yasesekaye ku Kibuga Mpuzamahanga cy'Indege cya Kigali i Kanombe ahagana saa Kumi n'Ebyiri n'Igice z'umugoroba.
Akihagera yakiriwe n'Umujyanama wa Perezida mu by'Ubukungu, Francis Gatare, mu cyubahiro gikwiye umuyobozi nk'uwo ku rwego rwe.
AMAFOTO: Minisitiri w'Intebe wa Canada, Justin Trudeau, yageze mu Rwanda.
Yitabiriye Inama ya #CHOGM2022.
📸 RBA pic.twitter.com/H1Qp8ooVL4
â” IGIHE (@IGIHE) June 22, 2022
Minisitiri w'Intebe wa Canada, Justin Trudeau n'itsinda ry'abamuherekeje bahagurutse muri Canada mu rukerera rwo kuri uyu munsi.
Inama ya CHOGM bitabiriye iri kubera mu Mujyi wa Kigali kuva ku wa 20 Kamena, izasozwa ku wa 26 Kamena 2022.
Mu butumwa yanyujije ku rukuta rwa Twitter ye, Minisitiri w'Intebe wa Canada, Justin Trudeau yavuze ko mu gihe azamara mu Rwanda azaganira n'abayobozi mu gushaka ibisubizo by'ibibazo ibihugu byinshi bifite birimo ingaruka zatewe n'intambara y'u Burusiya muri Ukraine, imihindagurikire y'ibihe n'ubuzima burushaho guhenda.
Justin Trudeau, agiye gusura u Rwanda mu gihe mu minsi ishize yagiranye ikiganiro na Perezida Paul Kagame, cyibanze ku mubano w'ibihugu byombi n'ingingo zireba isi muri rusange, bifitemo inyungu.
Abayobozi bombi banaganiriye ku ngaruka Afurika yagizweho n'intambara u Burusiya bwagabye kuri Ukraine yatumye ibiciro bitumbagira by'umwihariko kuri uyu mugabane.
Inama ya CHOGM yitabiriwe n'abantu barenga 5000, baturuka mu bihugu 54 bigize uyu muryango wa Commonwealth uhuriza hamwe abaturage miliyari 2,6.
Canada ni kimwe mu bihugu byatangiranye na Commonwealth ubwo yashingwaga mu 1926, mu gihe u Rwanda rwinjiye muri uyu muryango mu 2009.
Uyu Muyobozi ari mu banyacyubahiro bitabiriye Inama ya CHOGM
Minisitiri w'Intebe wa Canada, Justin Trudeau, yageze mu Mujyi wa Kigali
Akigera i Kanombe, Minisitiri w'Intebe wa Canada, Justin Trudeau, yakiriwe n'Umujyanama wa Perezida mu by'Ubukungu, Francis GatareAmafoto: RBA
Source : http://igihe.com/amakuru/u-rwanda/article/minisitiri-w-intebe-wa-canada-yasesekaye-i-kigali
-
Numenya ibi ntuzongera kurara wambaye ikariso. – YEGOB #rwanda #RwOT
Benshi muri twe iyo hakonje turara twambaye imyenda yo kurarana naho iyo hashyushye twiyambarira ikariso gusa tukaryama. Gusa abahanga bemeza ko kurara wambaye ikariso atari byiza haba ku bagabo cyangwa abagore.
Ni ibihe bibi byo kurarana ikariso?
Haba ku bagabo no ku bagore ibibi byo kurarana ikariso birahari kandi bishobora kwirindwa.
Ku bagore
Abagore bakunze kwambara nubusanzwe imyenda ibegereye bityo n'ikariso bambara zikunze kuba zibegereye ndetse bamwe banambara udukabutura tubafashe cyane. Iyo ubize icyuya, mikorobe zinyuranye cyane cyane za bagiteri zihita zibona uko zororoka bityo waryama wambaye ikariso imyanya yawe y'ibanga ntibone uko ihumeka neza ndetse na za mikorobe zikabona uko zororoka bikaba byakuviramo indwara zinyuranye zaba iziterwa na mikorobe (infections) cyangwa se uburyaryate no kwishimagura haba ku gitsina cyangwa ahahegereye nko mu ntantu.
Bikarushaho kuba bibi ku babira ibyuya nijoro cyane cyane abageze mu myaka yo gucura cyangwa ababa ahantu hashyushye kuko iyo ubize ibyuya na nijoro byongera bya byago byo kurwara indwara ziterwa na mikorobe.
Twibutse ko ku ruhu rwacu haba mikorobe nyinshi, iyo rero zibonye akantu gatuma zororoka zibikora zitajuyaje kandi ingaruka zshobora kuza zikomeye cyane.
Ibi kandi bikomeza kwiyongera no ku bagore badakunda kogosha insya kuko na zo ziba indiri ya mikorobe iyo hajemo akuya.
Ku bagabo
Ku bagabo naho nko ku bagore kurarana ikariso byongera uburyaryate mu mayasha, no ku dusabo tw'intanga ndetse bishobora kongera ibyago byo kurwara indwara ziterwa n'imiyege zirangwa no kuvuvuka mu mayasha no munsi y'udusabo tw'intanga.
Ikindi kibi cyane ni uko bigira ingaruka ku myororokere aho bishobora gutera kutabyara.
Kuko intanga ngabo hari ubushyuhe zitihanganira, kuba wiriwe wambaye ikariso ukanayirarana bituma amabya nk'uruganda rukora intanga akomeza kuba mu bushyuhe ibi bikagira ingaruka mbi ku ntanga aho zishobora gukorwa nabi, gupfa cyangwa kuba nkeya bityo amahirwe yo kubyara akagenda agabanyuka.
Ubushakashatsi bwakozwe mu 2015 n'itsinda ry'abashakashatsi bo muri Stanford University bwerekanye ko abagabo bararana amakariso bagira DNA mu masohoro yabo zishwanyaguritse cyane kuruta abatayararana ibi bikaba bigira ingaruka mu kubyara kuko intanga idafite DNA ikoze neza ntishobora gutanga umwana.
Source : https://yegob.rw/numenya-ibi-ntuzongera-kurara-wambaye-ikariso/
-
Madamu Jeannette Kagame yagiranye ibiganiro n'Umugore w'Igikomangoma Charles – #rwanda #RwOT
Igikomangoma Charles n'Umugore we Camilla Parker Bowles bageze i Kigali mu ijoro ryo ku wa Kabiri, tariki ya 21 Kamena 2022. Mu gitondo cy'uyu munsi, bakiriwe na Perezida Kagame na Madamu Jeannette Kagame nyuma basura Urwibutso rwa Jenoside rwa Kigali ruherereye ku Gisozi, banunamira inzirakarengane ziharuhukiye.
By'umwihariko Prince Charles yasuye Umudugudu w'Ubwiyunge kuri Mbyo mu Karere ka Bugesera akurikirana uko abagize uruhare muri Jenoside n'abo bahemukiye babashije kwiyunga no gukomezanya urugendo rwo kwiyubaka.
Mu butumwa yanyujije kuri Twitter, Madamu Jeannette Kagame, yavuze ko yishimiye kwakira Camilla Parker Bowles bagiranye ibiganiro.
Yagize ati 'Nanejejwe no kwakira Igikomangomakazi cya Cornwall muri Village Urugwiro muri iki gitondo. Twagiranye ikiganiro cyibanze ku bikorwa bya Imbuto Foundation birimo guteza imbere no gushyigikira ireme ry'uburezi n'ubuzima kuri bose hamwe no kubaka ubushobozi bw'abagore n'urubyiruko.'
Imbuto Foundation yashinzwe na Madamu Jeannette Kagame mu 2001. Uyu muryango watangiye witwa PACFA 'Protection and Care of Families against HIV/AIDS', gahunda yari igamije kwita ku miryango by'umwihariko ku bana, urubyiruko n'abagore banduye Virusi itera SIDA, harimo n'abagore bayandujwe muri Jenoside yakorewe Abatutsi mu 1994.
Mu 2007 yahinduye izina yitwa Imbuto Foundation. Mu myaka isaga 20 umaze ushinzwe, uyu muryango watanze umusanzu mu bikorwa bitandukanye byuzuzanya n'umurongo mugari washyizweho na Guverinoma y'u Rwanda wo kubaka umuryango ushoboye kandi utekanye, haba mu bijyanye n'ubuzima, uburezi no kubaka ubushobozi bw'abagore n'urubyiruko.
Madamu Jeannette Kagame yagiranye ibiganiro n'Umugore w’Igikomangoma, Camilla Parker Bowles
Ibiganiro byibanze ku bikorwa bya Imbuto Foundation, umuryango washinzwe na Madamu Jeannette Kagame
Madamu Jeannette Kagame yakiriye muri Village Urugwiro Camilla Parker Bowles, bagirana ibiganiro byihariye -
Sadio Mane yashyize hanze icyatumye ava muri Liverpool. – YEGOB #rwanda #RwOT
Umukinnyi Sadio Mané yagaragaje ko acyumva ko ikipe nka Bayern Munich imushaka yahishe ashiduka akava hasi ako kanya ahita afata umwanzuro ko ariyo kipe agomba kujyamo byanga byakunda.
Uyu munyaSenegal Sadio Mané kuva muri Liverpool kwe bikaba byaraciye igukuba muri iyi mpeshyi nyuma y'uko bigaragaye ko ashaka kujya muri Bundesliga mu ikipe ya Bayern Munich.
Sadio Mané akaba yarageze muri iyi kipe ya Liverpool, avuye mu ikipe ya Southampton mu mwaka wa 2016 ku gaciro ka Miliyoni 37 z'amapawundi, gusa ubungubu akaba agiye kujya muri Bayern Munich aho azajya ahembwa amafaranga ibihumbi 250 by'amapawundi.


Sadio Mane ubwo yakirwaga, yagiranye ikiganiro na Bayern Munich atangazako acyumva ko ikipe nk'iyi ikomeye ku isi imushaka bitatumye atuza atarayigeramo kuko muri Liverpool byagaragaraga ko ntamahirwe yo gukina yaba afite nyuma y'uko iyi kipe iguze rutahizamu Darwin Nunez.
Sadio Mané yerekeje muri iyi kipe kuri Miliyoni 35 z'amapawundi ndetse zizagenda ziyongeraho andi uko azajya agenda yitwara neza.
Source : https://yegob.rw/sadio-mane-yashyize-hanze-icyatumye-ava-muri-liverpool/