Author: webrwanda

  • Niyibizi Ramadhan mu nzira zo kuva muri AS Kigali #Rwanda #RwOT via @kigalitoday #rwanda #RwOT

    Mu gihe isoko ry’igura n’igurisha ry’abakinnyi rikomeje mu Rwanda, imwe mu nkuru zirimo kuvugwa ni iya Niyibizi Ramadhan ukinira AS Kigali, ariko bivugwa ko (…)

    Source : https://www.kigalitoday.com/imikino-11/football/article/niyibizi-ramadhan-mu-nzira-zo-kuva-muri-as-kigali

  • Muhire Henri yagaruwe mu kazi nyuma yibyumwe… – #rwanda #RwOT

    Kuri uyu wa Kabiri tariki ya 5 Nyakanga 2022, nibwo FERWAFA yasohoye itangazo rivuga ko Umunyamabanga mukuru waryo, Muhire Henri yagaruwe mu kazi.

    Ibinyujije ku rukuta rwa Twitter, FERWAFA yagize iti'Uyu munsi tariki ya 05 Nyakanga 2022, FERWAFA yagaruye mu kazi Umunyamabanga mukuru wayo Muhire Henri Brulart nyuma yuko igihe yahagaritswe kirangiye'.

    Ku wa Mbere tariki ya 20 Kamena 2022, FERWAFA yatangaje ko yahagaritse mu nshingano umunyamabanga mukuru Muhire Henri, ushinjwa kutuzuza inshingano ze.

    Mu itangazo FERWAFA yasohoye ryagiraga riti'Uyu munsi tariki ya 20 Kamena 2022, FERWAFA yahagaritse mu nshingano umunyamabanga mukuru Mr Muhire Henry, nyuma yo kutuzuza inshingano ze.

    Mrs.Delphine Uwanyiligira Komiseri ushinzwe amategeko niwe ugiye kuba amusimbuye by'agateganyo mu mirimo yari ashinzwe'.

    Muhire Henri yari yahagaritse igihe kitazwi na FERWAFA, benshi mu bakunzi b'umupira w'amaguru mu Rwanda bakaba bari biteze ikizakurikira iri hagarikwa rye.

    Bivugwa ko uyu munyamabanga azize uburyo yitwaye mu kibazo cya Muhanga FC na Rwamagana City zo mu cyiciro cya kabiri, aho FERWAFA yagaragaje kwivuguruza mu byemezo byafashwe byarangiye Muhanga isezerewe, Rwamagana ikomeza muri ½ ndetse n'isinywa ry'amasezerano y'uruganda rukora imyenda rwo mu Budage na FERWAFA, bahamya ko yakoze ibyo ataherewe uburenganzira ubwo yashyiraga umukono ku masezerano ahagarariye FERWAFA.

    Muhire Henry amaze amezi 4 atorewe kuba umunyamabanga mukuru wa FERWAFA asimbuye Uwayezu Regis weguye ku mirimo yari ashinzwe ku mpamvu ze bwite.

    Muhire Henri yagarutse mu nshingano ze nk’umunyamabanga mukuru wa FERWAFA nyuma yo guhagarikwa ibyumweru bibiri

    Source : https://inyarwanda.com/inkuru/118702/muhire-henri-yagaruwe-mu-kazi-nyuma-yibyumweru-2-ahagaritswe-na-ferwafa-118702.html

  • BREAKING NEWS : M23 yageze mu marembo ya Rutshuru arinzwe na FDLR #rwanda #RwOT

    Uwaduhaye amakuru yatubwiye ko nyuma yaho ingabo za FARDC zamburiwe uduce twa Bikenke, Ntamugenga na Kabindi abasilikare benshi ba FARDC bahise batangira guhunga akarere bamwe berekeza ahitwa Kanyabayonga,mu gihe abandi bakomeje kwirunda ahitwa Burayi ni nko mu birometero 2 winjiye mu mujyi wa Rutshuru.

    Yaduhamirije ko abaturage batangiye guhunga umujyi berekeza ahitwa i Tongo na Kiwanja hasanzwe hari ingabo za MONUSCO.

    Yavuze ko nta cyizere ko abasirikare ba Leta n’imitwe ya Mai Mai Nyatura bashobora kurinda Rutshuru kuko nabo nta cyizere bifitiye kuko ingabo bahanganye nazo zibarusha ibikoresho ndetse n’ubuhanga gusa muri iki gihe nubwo amarembo y’uyu mujyi arinzwe na FDLR.

    Source : http://www.ukwezi.rw/Mu-mahanga/Amakuru-anyuranye/article/BREAKING-NEWS-M23-yageze-mu-marembo-ya-Rutshuru-arinzwe-na-FDLR

  • Canal+ yaguze ZACU Entertainment imaze kwamamara mu gutunganya amashusho #rwanda #RwOT

    CANAL+ Group yishimiye gutangaza igurwa rya ZACU Entertainment, imwe mu nzu zikomeye mu gutunganya no gukwirakwiza amashusho mu Rwanda.

    Iri gurwa ryemerera CANAL+ Group kurushaho gushimangira ibikorwa byayo mu itunganywa ry’amajwi n'amashusho mu Rwanda, ikungukira ku muyoboro wagutse w’amasaha arenga 500 ya filime nshyashya ndetse na filime z’uruhererekane zitunganywa buri mwaka ndetse na porogaramu z’amasaha arenga 700, zose zitunganyijwe mu kinyarwanda.

    CANAL+ Group niyo mpamvu yiyemeje gukurikirana ingamba z'iterambere ryayo mu Rwanda, igihugu imazemo imyaka 10, ndetse inahafite ishami ryafunguwe muri 2020. Uretse ibikorwa by’ubucuruzi, ikigo kirateganya no gufungura ku mugaragaro shene y’imyidagaduro itunganyijwe 100% mu Kinyarwanda, izarushaho guteza imbere abanyempano bo mu Rwanda ndetse n’itunganywa ry’amajwi n’amashusho.

    Hamwe n’ibigo bitunganya amashusho nka PLAN A muri Ivory Coast, ROK STUDIOS muri Nigeria, ndetse na ZACU Entertainment, CANAL+ Group irarushaho gushimangira ubushake bwayo mu gushyigikira itunganywa ry'amajwi n’amashusho ku mugabane wa Africa, kugira ngo hatunganywe porogaramu zifite ireme kugira ngo ibashe guhaza ibyifuzo by’abafatabuguzi bayo.

    ZACU Entertainment yashinzwe muri 2017 na Wilson Misago, umwanditsi unatunganya filime kuri Televiziyo ndetse akaba yarashinze n’urubuga rwa mbere mu Rwanda rucuruza amashusho muri 2019.

    Fabrice Faux, umuyobozi mukuru ushinzwe porogaramu muri CANAL+INTERNATIONAL ati 'Twishimiye guha ikaze ZACU Entertainment ndetse n’itsinda ryayo mu kigo cyacu. U Rwanda rurakungahaye kuko rufite ubushobozi mu gutunganya amajwi n’amashusho mu ndimi zitandukanye. Kimwe nkibyo twiyemeje mu bihugu bivuga igifaransa ku mugabane w’Africa ndetse na vuba aha muri Ethiopia, iri gurwa rirashimangira ubushake bwacu mu guhuza abanyempano bahanga udushya , bikazafasha iterambere ryacu muri Africa ndetse no mu mahanga, ndetse bikadufasha kunyura abafatabuguzi bacu binyuze muri gahunda zifite ireme ryo ku rwego rwo hejuru.”

    'Nishimiye gukomeza urugendo hamwe na CANAL+ Group. Twese dufite intego zo gutunganya no gutanga porogaramu zifite ireme ku bakunda ibyo dukora. U Rwanda rufite abanyempano benshi ndetse n’inkuru zubaka zitaravugwa. Hamwe n’ubufatanye bwa CANAL+ Group ndetse na ZACU Entertainment, iki nicyo gihe cyo kugeza ibyakorewe mu Rwanda ku isi,' Wilson Misago, umuyobozi mukuru wa ZACU Entertainment.

    Source : http://www.ukwezi.rw/Imyidagaduro/article/Canal-yaguze-ZACU-Entertainment-imaze-kwamamara-mu-gutunganya-amashusho

  • Byahinduye Isura : Abanyamulenge bahamagariwe gushyigikira M23 #rwanda #RwOT

    Aba baturage bavuga ko batabaje Leta inshuro nyinshi ariko yananiwe kubarindira umutekano.

    Ni ubutumwa batanze mu gihe uyu mutwe wa M23 ukomeje guhangana n’Ingabo za Repubulika Iharanira Demokarasi ya Congo (FARDC) ndetse ukomeje kuzambura ibice byinshi muri teritwari ya Rutshuru hamwe n’intwaro.

    Uyu mutwe uvuga ko wagiranye amasezerano na Leta ya RDC yatuma uburasirazuba bwayo bubona amahoro ariko aho kuyashyira mu bikorwa yavuniye ibiti mu matwi.

    Ni ibikorwa byatumye M23 yubura ibikorwa byayo. Kubera imbaraga igaragaza nk’igisirikare gikomeye, RDC ishinja u Rwanda kuyitera inkunga, ku buryo byatumye Abanye-Congo bavuga Ikinyarwanda bibasirwa bamwe bakicwa, bagatotezwa, banyagwa ibyabo ndetse amaduka y’abacuruzi arasahurwa.

    Ni ibikorwa bimaze gufata indi ntera mu Burasirazuba bwa Congo ndetse bigenda birushaho kuba bibi kubera abanyapolitiki n’abakora mu nzego z’umutekano bakoresha imvugo z’urwango, zihamagararira abaturage kwibasira abavuga Ikinyarwanda.

    Ni igice kigizwe n’abaturage bafatwa nk’abo mu bwoko bw’Abatutsi ariko b’Abanye-Congo, ku buryo ibibazo bijyanye na bo bidakwiye kwegekwa ku Rwanda.

    Mu itangazo ryashyizweho umukono n’Umunyamabanga Nshingwabikorwa w’iri shyaka, Mbana Olivier, yashimangiye ko Abanye-Congo bavuga Ikinyarwanda bakomeje gutotezwa ndetse bakagerekwaho ibibazo byose by’umutekano muke muri RDC.

    Nyamara ngo hari bamwe mu Banyamulenge byagaragaye ko bamagana M23 n’ibikorwa byayo, bakoresheje imbuga nkoranyambaga.

    Yavuze ko bakwiye kwitandukanya n’ibyo bikorwa, bakifatanya n’abandi Banye-Congo bavuga Ikinyarwanda “bari guhohoterwa mu bice bitandukanye.”

    Ni ihohoterwa ngo rimaze imyaka irenga itandatu rikorerwa Abanyamulenge, utavuze imyaka myinshi bamaze bibasirwa n’imitwe yitwaje intwaro igizwe na Mai-Mai, FDLR na Leta ibaha ubufasha mu buryo butaziguye.

    Muri icyo gihe cyose ngo batakiye Leta ntiyagira icyo ibafasha.

    Yakomeje ati “Turabamemyesha ko amagambo yose mwavuga ashyigikira leta yatumazeho abantu n’ibintu ntacyo amaze, ahubwo murasabwa kuva ku izima tugashyigikira M23 hamwe na Twirwaneho n’abandi ba kavukire z’iwacu, bagamije kumenyekanisha akarengane kadukorerwa mu gihugu cyacu.”

    “Twebwe twamaze kwemeza ko icyatumye M23 na Twirwaneho bahaguruka bagahangana na leta kirasobanutse, tukaba tubashyigikiye kuko leta nk’umubyeyi wa bose, yananiwe inshingano zayo zo kurinda abaturage muri rusange, ahubwo itererana Abatutsi bavuga Ikinyarwanda mu Ntara za Kivu y’Amajyepfo, iy’Amajyaruguru n’icyahoze cyitwa Kisangani na Kalemie, ndetse n’ahandi henshi kugeza ubu bagikomeje kwicwa bazizwa ivangura rishingiye ku bwoko.”

    Mbana yavuze ko gushyigikira M23 na Twirwaneho ari ugushyigikira kwibohora no kwanga akarengane gakorerwa abavuga Ikinyarwanda bo mu bwoko bw’Abatutsi bo muri Congo.

    Uyu mutwe wa Twirwaneho kimwe n’uwitwa Gumino, yashinzwe n’Abanyamulenge bashaka guhangana n’ibitero bakomeje kugabwaho ibitero n’Ingabo za Leta n’imitwe irimo Mai Mai. Ni imitwe ikorera mu misozi ya Minembwe.

    Ni nayo mpamvu amazina yayo agaragaza ko bakeneye kurengera uburenganzira bwabo.

    Mu kiganiro yagiranye na RBA kuri uyu wa Mbere, Perezida Paul Kagame yavuze ko ikibazo cya M23 ari icya Congo, kandi gikwiye gukemurwa mu buryo bwa politiki kurusha uburyo bwa gisirikare.

    Yavuze ko mu kugikemura burundu, hakwiye kurebwa impamvu yatumye uyu mutwe ubaho, akaba ariho haba intangiriro.

    Source : http://www.ukwezi.rw/Mu-mahanga/Amakuru-anyuranye/article/Byahinduye-Isura-Abanyamulenge-bahamagariwe-gushyigikira-M23

  • Mu Buhinde havutse umwana ufite amaguru 4 namaboko 4 (amafoto). – YEGOB #rwanda #RwOT

    Kwisi ni kenshi haba ibintu byinshi bidasanzwe byaba byiza bigafatwa nkigitangaza byaba bibi bigafatwa nkicyago.

    Kuri Ubu mu gihugu cy'Ubuhinde mu gace ka Hardoi Hari umuryango wari wishimiye kwibaruka umwana gusa ikibabaje nuko umwana yaje adasanzwe mbese adasa nkuko abantu basanzwe bavuka.

    Umwana yavukanye amaboko 4 ndetse namaguru 4 avuka kuwa 02/07/2022, Nyuma Yuko Aya makuru azengurutse imbuga nkoranyambaga zo mu gihugu cy'Ubuhinde abantu bakozwe kumutima cyane.

    Source : https://yegob.rw/mu-buhinde-havutse-umwana-ufite-amaguru-4-namaboko-4-amafoto/

  • Yongeye kubona gitari ye yibwe mu myaka 46 ishize #Rwanda #RwOT via @kigalitoday #rwanda #RwOT

    Umuhanzi w’Umunya-Canada uzwi cyane mu njyana ya 'rock’, Randy Bachman, yongeye kubona gitari ye yibwe mu myaka 46 ishize, biturutse ku mufana we wayibonye mu (…)

    Source : https://www.kigalitoday.com/ntibisanzwe/article/yongeye-kubona-gitari-ye-yibwe-mu-myaka-46-ishize

  • Isoko ryabakinnyi rirashyushye! Bugesera FC… – #rwanda #RwOT

    Uyu mukinnyi utarahiriwe cyane muri Gasogi kuko byamugoye kubona umwanya ubanza mu kibuga, yafashe umwanzuro wo kujya gushakira i Bugesera kugira ngo arebe ko yagaruka mu bihe byiza.

    Kuri uyu wa Mbere tariki ya 4 Nyakanga 2022, nibwo Mustapha yashyize umukono ku masezerano y'imyaka ibiri muri Bugesera FC nk'umukinnyi mushya ugiye gufasha iyi kipe itozwa n'Umurundi Etienne Ndayiragije.

    Nsengiyumva uzwiho amacenga menshi n'umuvuduko udasanzwe mu kibuga, yakiniye amakipe hafi ya yose akomeye mu Rwanda ariko ntiyamuhira ngo atere imbere mu mwuga we.

    Uyu rutahizamu yakiniye amakipe atandukanye mu Rwanda arimo Isonga, Rayon Sports, Police FC, APR FC, Kiyovu Sports na Gasogi United, kuri ubu akaba ari umukinnyi mushya wa Bugesera FC mu gihe cy'imyaka ibiri iri imbere.

    Bugesera FC ikomeje kwiyubaka dore ko iheruka gusinyisha Nsengayire Shadad wakiniraga Gicumbi FC na Saleh wavuye muri Kiyovu Sport, yasoje umwaka ushize w'imikino iri ku mwanya wa 8 n'amanota 37 mu mikino 30 yakinnye.

    Uyu mwaka intego ni ukuza mu makipe ari imbere ku rutonde rwa shampiyona kuruta aho yasoreje umwaka ushize.

    Nsengiyumva Mustapha yerekeje muri Bugesera FC ku masezerano y’imyaka ibiri

    Source : https://inyarwanda.com/inkuru/118696/isoko-ryabakinnyi-rirashyushye-bugesera-fc-yibitseho-rutahizamu-wakiniye-apr-fc-na-rayon-s-118696.html

  • U Rwanda rwatangiye neza irushanwa rya Davis Cup rutsinda Uganda mu irushanwa ryo ku rwego rw'Isi rizwi nka Davis Cup #rwanda #RwOT

    Ikipe y'u Rwanda yatsinze Uganda mu mukino wo ku munsi wa mbere w'irushanwa mpuzamahanga ry'umukino wa Tennis rizwi nka 'DAVIS CUP 2022', ririmo kubera kuva uyu munsi tariki 4 kugeza 9 Nyakanga 2022.

    Muri uyu mukino wabereye ku kibuga cya Tennis cya 'Ecology Tennis Club', giherereye muri IPRC Kigali, ikipe y'u Rwanda iri mu itsinda rya mbere (A), yatsinze Uganda imikino 3-0. Mu mukino wabanje,Habiyambere Ernest yatsinze umugande Wakoli Nasawali Ronald 2-0 (6-0 na 6-0).

    Ku mukino wa kabiri, Karenzi Bertin, kapiteni w'ikipe y'u Rwanda nawe yitwaye neza atsinda Geoffrey Ocen amaseti 2-0 (6-0 na 6-0).

    Ku rundi ruhande, mu cyiciro cy'abakina ari babiri kuri babiri (Double), ikipe y'u Rwanda igizwe na Karenzi Bertin na Niyigena Etienne yatsinze iya Uganda yari igizwe na Birungi Edward na Ocen Godfrey amaseti 2-0 (6-2 na 6-0).

    Mu yindi mikino ya baye ku munsi wa mbere w'iri rushanwa, ikipe ya Togo iri mun itsinda B, yatsinze Angola imikino 3-0, RDC itsinda iya Botswana imikino 3-0 naho Sudan itsinda itsinda Tanzania imikino 2-1.

    Nyuma y'uyu munsi wa mbere, ikipe y'u Rwanda ikaba izaba ifite akaruhuko kuko itazagaragara mu kibuga mu mikino yo ku munsi wa kabiri, iteganyijwe kuri uyu wa Kabiri tariki 05 Nyakanga 2022.

    Iri rushanwa ririmo kuba ku nshuro ya mbere mu gihugu cy'u Rwanda, , by'umwihariko no mu Karere,aho ryitabiriwe n'ibihugu 9 igamije gushaka itike yo kujya mu itsinda rya gatatu (C).

    Mu gutangiza iri rushanwa, Karenzi Theoneste, Perezida w'ishyirahamwe ry'umukino wa Tennis mu Rwanda, yahaye ikaze ibihugu byose byitabiriye ndetse abifuriza intsinzi. Yakomeje abizeza ko bazakora ibishoboka byose kugira bazishimire kuba bari mu gihugu cyiza cy'u Rwanda.

    Perezida Karenzi yanashimiye abafatanyabikorwa bagize iruhare kugira ngo iri rushanwa ritegurwe kandi ko afite n'icyizere cy'uko rizagenda neza nk'uko bariteguye.

    Umunyamabanga Uhoraho muri Minisiteri ya Siporo, Bwana Shema Maboko Didier, nawe wari witabiriye, yashimye ibihugu byitabiriye iri rushanwa, aboneraho no kubifuriza kuzagira irushanwa ryiza.

    Avuga ko nka Minisiteri yari ahagarariye, bishimira kubona amarushanwa nk'aya ngaya cyane ko aba ari umwanya mwiza kugira ngo abakinnyi b'abanyarwanda baba babonye ngo bagaragaze impano zabo ndetse bnaheshe ishema igihugu.

    Iyi mikino izakomeza kuri uyu wa Kabiri, tariki 5 Nyakanga 2022, aho izatangira saa yine za mugitondo(10h00), ikipe ya Congo Brazzaville izakina na Togo, RDC izakine na Angola.

    The post U Rwanda rwatangiye neza irushanwa rya Davis Cup rutsinda Uganda mu irushanwa ryo ku rwego rw'Isi rizwi nka Davis Cup appeared first on RUSHYASHYA.

    Source : https://rushyashya.net/u-rwanda-rwatangiye-neza-irushanwa-rya-davis-cup-rutsinda-uganda-mu-irushanwa-ryo-ku-rwego-rwisi-rizwi-nka-davis-cup/?utm_source=rss&utm_medium=rss&utm_campaign=u-rwanda-rwatangiye-neza-irushanwa-rya-davis-cup-rutsinda-uganda-mu-irushanwa-ryo-ku-rwego-rwisi-rizwi-nka-davis-cup