Author: webrwanda

  • Uko byari bimeze mu birori by'isabukuru y'amavuko ya Lick Lick (Amafoto) – YEGOB #rwanda #RwOT

    Kuri uyu wa 05 Nyakanga nibwo Mbabazi Isaac wamamaye cyane ku izina rya Lick Lick (Licky) yizihije isabukuru ye y'amavuko. Umukunzi wa Licky, inshuti ze za hafi zirimo Famille Meddy n'abandi babana muri Leta Zunze ubumwe za Amerika bifatanyije na we mu birori by'isabukuru ye y'amavuko bishimana nawe kuri uyu munsi.

    Dore uko byari bimeze mu mafoto:

    Source : https://yegob.rw/uko-byari-bimeze-mu-birori-byisabukuru-yamavuko-ya-lick-lick-amafoto/

  • Miss Meghan Nimwiza yerekanye imodoka y'umuzinga asigaye agendamo – YEGOB #rwanda #RwOT

    Miss Nimwiza Meghan wegukanye ikamba rya Miss Rwanda 2019 yerekanye imodoka y'umuzinga asigaye agendamo. Meghan yerekanye imodoka ye abinyujije kuri story ya instagram ye aho yashyize ifoto yayo. Iyo foto ni iyi ikurikira:

    Source : https://yegob.rw/miss-meghan-nimwiza-yerekanye-imodoka-yumuzinga-asigaye-agendamo/

  • Ronaldo ibye bikomeje kuba agatereranzamba Beyern yatangaje umwanzuro wayo – YEGOB #rwanda #RwOT

    Kugeza na n'ubu umukinnyi Ronaldo ntaraza ku myitozo ya Manchester United imaze iminsi itatu yose itangiye ndetse akaba yaratangajeko agomba kuva muri iyi kipe kenshi gashoboka.

    Ushinzwe kumushakira amasoko, George Mendez, akomeje kugenda aganira b'amakipe agiye atandukanye harimo Chelsea ndetse n'indi kipe ikomeje kuvungwa cyane ariyo FC Barcelona.

    Umuyobozi wa FC Bayern Munich, Oliver Kahn, yatangajeko ubushobozi bwa Cristiano Ronaldo budashidikanywaho gusa ko mu mikinire y'iyi kipe mu by'ukuri batamukeneye.

    Oliver Kahn yagize ati:' mu cyubahiro cyose ngomba Cristiano Ronaldo, kuza muri Bayern kwe ntabwo byahura n'ubwoko bw'imikinire yacu'.

    Ku makuru dukesha Fabrizio Romano, ni uko ibiganiro bikomeje hagati ya George Mendez ndetse na Oliver Kahn gusa ngo igisubizo cyiracyari cya kindi, 'Oya'.

    Cristiano Ronaldo yatangajeko ashaka kujya mu ikipe uzabasha gukina imikino ya Champions league, ikindi ni uko gukina muri Europa league Manchester United yaboneye itike, atabishaka na gato.

    Ikindi kandi ni uko atishimiye umwanzuro wafashwe na Manchester United wo gukata abakinnyi 25% ku mishahara yabo bitewe n'igihombo iyi kipe yahuye na cyo cyo kuba itazajya mu mikino ya UEFA champions league.

    Source : https://yegob.rw/ronaldo-ibye-bikomeje-kuba-agatereranzamba-beyern-yatangaje-umwanzuro-wayo/

  • Dj Dizzo usigaje iminsi mike ngo yitabe Imana yasobanuye ibyamuvuzweho byose – YEGOB #rwanda #RwOT

    Mutambuka Derrick uzwi nka Dj Dizzo yasobanuye ibyavuzwe ko yafungiwe guhohotera abagore ubwo yari mu Bwongereza.

    Mu ibaruwa ifunguye yasohoye kuri uyu wa 6 Nyakanga 2022 dufiteye kopi, yavuze ko ibyavuzwe ku mbuga nkoranyambaga no binyamakuru byahindanyije izina rye, umuryango we n'abandi bamushyigikiye 'mu rugendo rukomeye'.

    Yemeye ko inkiko zo mu Bwongereza zamukatiye imyaka 9 nyuma y'uko ahamijwe ibyaha byo guhohotera abagore. Avuga ko yafunzwe imyaka ine, ararekurwa kubera ko yagaragaje imyitwarire myiza muri Gereza.

    Mutambuka Derrick yasohoye iyi baruwa nyuma y'inkuru zagiye zimuvugwaho ku mbuga nkoranyambaga zigiye zitandukanye ndetse no ku kiganiro cyatambutse kuri Twitter ibi bizwi nka Space.

    Muri icyo kiganiro cyahawe umutwe uvuga ko bakeneye gusubizwa amafaranga bamuhaye, bavuga ko batakagombye gufasha uyu musore kubera ngo ari inkozi y'ibibi ndetse banavugaga ko batakagombye guashyigikira umuntu nk'uyu.

    Nyuma y'ibyo byose byagiye bimuvugwaho Dj Dizzo yavuze yafunzwe ndetse anashimangira ko afite cancer ibintu abantu bahakanaga, aho bavugaga ko ari ibinyoma.

    Source : https://yegob.rw/dj-dizzo-usigaje-iminsi-mike-ngo-yitabe-imana-yasobanuye-ibyamuvuzweho-byose/

  • U Rwanda na RDC bemeye gushyiraho inzira yo guhosha amakimbirane yasembuwe na M23 #rwanda #RwOT

    Inama yahuje u Rwanda na Repubulika Iharanira Demokarasi ya Kongo (DRC) yabereye i Luanda, muri Angola, iyobowe na Perezida João Lourenço, yemeranyije ku gishushanyo ngenderwaho kizakoreshwa mu gutuma amakimbirane ari hagati y'aba baturanyi bombi agabanuka nyuma y'imirwano ikomeje kubera mu burasirazuba bwa DRC ikozwe na M23.

    Inama yahuje aba baperezida 3 I Luanda ku kibazo cy'umutekano mu burasirazuba bwa DRC yashojwe n'igishushanyo mbonera cyumvikanyweho cyo gushaka uko hahagarikwa burundu imirwano,harimo gukemura ikibazo cya FDLR.Ku kibazo cya M23, hemejwe ko kizakemurirwa imbere mu gihugu (DRC) hagendewe ku myanzuro ya Nairobi.

    Kuri uyu wa gatatu,tariki ya 06 Nyakanga 2022, Perezida Paul Kagame na mugenzi we wa Kongo,Felix Tshisekedi, bahuriye mu murwa mukuru wa Angola kugira ngo baganire ku bibazo byatumye umubano w'ibihugu bituranyi uzamo agatotsi bitewe n'ibirego bishinjanya.

    Kinshasa ishinja Kigali gushyigikira inyeshyamba za M23 mu mezi ashize zakajije umurego mu kurwanya ingabo za leta ya Kongo FARDC. U Rwanda rwahakanye ko rushyigikira izi nyeshyamba zigometse guhera mu 2012 ahubwo rushinja DRC gushyigikira imitwe yitwara gisirikare irimo FDLR igamije guhungabanya umutekano w'u Rwanda no kwishora mu bikorwa by'ubushotoranyi bwambukiranya imipaka.

    Nk'uko amakuru abanza yatanzwe na Luanda abivuga, Perezida Lourenço yasabye abayobozi bombi kurenga iki kibazo maze bagatangira buhoro buhoro kugarura ikizere cy'umubano hagati y'ibihugu byombi.

    Mu bindi, 'igishushanyo cya Luanda' kizagira imbaraga biturutse kuri komisiyo ihoraho ihuriweho n'u Rwanda na DRC (JPC),nkuko byemeranijweho.

    Iyi Komisiyo yari imaze imyaka itari mike idaterana, izareba ibibazo byose bigomba gushyirwa ku meza maze iteranire i Luanda ku ya 12 Nyakanga kugira ngo babiganireho, hagamijwe guhuza umubano hagati ya Kinshasa na Kigali.

    Biravugwa ko abayobozi batatu, mu rwego rwo gushushanya inzira, bumvikanye ku guhagarika imirwano n'ubushyamirane ubwo aribwo bwose ako kanya.

    Umwe mu bahoze muri Guverinoma ya Congo yatangaje ko Lourenço ari umuntu ufitiwe icyizere gihagije kandi wubahwa na bagenzi be b'u Rwanda na RDC ku buryo hizewe umusaruro uzava mu buhuza bwe.

    RDC itsimbaraye ku ngingo y'uko u Rwanda rukwiriye kureka gufasha M23 mu gihe rwo ruvuga ko nta bufasha na buke ruha uyu mutwe. Byageze n'aho Perezida Tshisekedi atangaje ko nibikomeza gutya, igihugu cye cyiteguye gushoza intambara ku Rwanda.

    Perezida Kagame aherutse kuvuga ko RDC ariyo ikwiriye gukemura ikibazo ifitanye na M23 kuko ari abaturage bayo ndetse ayigereranya n'umwana warezwe bajeyi witeza ibibazo akabishinja abandi.

    RDC ikomeje gushinja u Rwanda gutera inkunga umutwe wa M23 narwo rukabihakana rugaragaza ko ibibazo umuturanyi warwo afite ari iby'imbere mu gihugu.


    Abayobozi bose bagiranye ikiganiro n'Itangazamakuru

    Source : https://umuryango.rw/amakuru/mu-mahanga/politiki/article/u-rwanda-na-rdc-bemeye-gushyiraho-inzira-yo-guhosha-amakimbirane-batejwe-na-m23

  • Umukobwa w'ikizungerezi wari wagiye kurwanira Ukraine nka Mudahusha yishwe n'igisasu cy'Abarusiya #rwanda #RwOT

    Umunyamideli w'umunya Brazil wari winjiye mu gisirikare cya Ukraine nka mudahusha [sniper] yapfuye nyuma y'ibyumweru bitatu azize misile y'Uburusiya yatewe aho yari yateretse imbunda ye

    Thalita do Valle w'imyaka 39, yari mu butumwa bw'ubutabazi ku isi kandi mbere y'aho yarwanyije ISIS muri Iraki.

    Yishwe mu cyumweru gishize nyuma y'uko misile yatewe aho yarasiraga i Kharkiv – umujyi uherereye mu majyaruguru y'iburasirazuba bwa Ukraine wateweho ibisasu bikomeye kuva intambara yatangira muri Gashyantare.

    Iki gitero cya misile kandi cyahitanye Douglas Burigo wahoze ari umusirikare w'ingabo za Brazil w'imyaka 40, wari wagarutse mu birindiro gushaka Thalito.

    Abandi barwanyi bavuze ko Thalita ari we muntu wenyine wasigaye inyuma nyuma ya misile ya mbere.

    Thalita, wigeze kwiga amategeko nyuma yo gukora nk'umunyamideli akaba n'umukinnyi wa filime, yari yavuze ibyamubayeho mu ntambara kuri YouTube.

    Amashusho yerekanye uburyo yahawe imyitozo yo kurasa adahusha [sniper] ubwo yinjiraga muri Peshmergas – ingabo zo mu karere ka Kurdistan muri Iraki.

    Musaza wa Thalita,Theo Rodrigo Viera yavuze ko mushiki we yari intwari yo kurokora ubuzima no kugira uruhare mu butumwa bw'ubutabazi.

    Yavuze ko yari amaze ibyumweru bitatu gusa muri Ukraine, aho yakoraga akazi ko gutabara ndetse no kurasa.

    Yari ashinzwe kandi gucungira bagenzi be igihe ingabo z'Uburusiya zisatiriye.

    Thalita yapfuye yari amaze iminsi arokotse igisasu mu murwa mukuru wa Ukraine,Kyiv.

    Yabwiye umuryango we ko adashobora gukomeza kuvugana nawo cyane kuri terefone kuko yakururwa n'Abarusiya.

    Thalita yaherukaga kuvugana n'umuryango we ku wambere ushize nyuma yo kwimukira mu mujyi wa Kharkiv.


    Source : https://umuryango.rw/amakuru/mu-mahanga/umutekano/article/umukobwa-w-ikizungerezi-wari-wagiye-kurwanira-ukraine-nka-mudahusha-yishwe-n

  • Bariga uko ibibazo by’ingutu bikibangamiye iterambere ry’umugore byarangira #Rwanda #RwOT via @kigalitoday #rwanda #RwOT

    Ihuriro ry’Inteko zishinga Amategeko ry’Abari n’abategarugori mu bihugu bikoresha ururimi rw’Igifaransa (Francophonie), barimo kwigira hamwe uko harandurwa (…)

    Source : https://www.kigalitoday.com/amakuru/amakuru-mu-rwanda/article/bariga-uko-ibibazo-by-ingutu-bikibangamiye-iterambere-ry-umugore-byarangira

  • Ibyo yankoreye sinabyibagirwa – Rutahizamu wakiniye APR FC n’Amavubi, yashimiye bikomeye Gen James Kabarebe #rwanda #RwOT

    Rutahizamu wakiniye ikipe y’igihugu Amavubi ndetse n’andi makipe atandukanye mu Rwanda arimo APR FC na Kiyovu Sports, Serugaba Eric yashimiye perezida w’icyubahiro wa APR FC, Gen James Kabarebe bitewe n’uburyo yamufashije yaba igihe yakiniraga iyi kipe ndetse na nyuma yo kuyivamo.

    Biragoye ko waganira n’umukinnyi w’umupira w’amaguru ngo musoze ikiganiro adashimiye, Umujyanama wihariye wa Perezida Kagame mu by’umutekano akaba na perezida w’icyubahiro wa APR FC, Gen James Kabarebe bitewe n’uburyo ugize amahirwe yo guhura na we amufashamo, Serugaba Eric ni umwe muri abo.

    Serugaba Eric avuga ko yatangiriye umupira we mu karere ka Rubavu aho yagiye mu biruhuko gusura mushiki we, yahereye muri Marines ariko imusaba kubanza gukina mu bato bayo ari bwo yahise agerageza amahirwe muri Etincelles, umutoza Bekeni aramufata maze 2006-07 akinira iyi kipe mu cyiciro cya mbere ndetse asoza afite ibitego 18 arushwa na Bogota igitego 1.

    Aha ni na bwo yahise ahamagarwa mu ikipe yabaterengeje imyaka 20 yagiye mu Budage, mu kugaruka ntabwo yasubiye muri Etincelles FC ahubwo yahise ahitira mu biro bya APR FC asinyira iyi kipe amasezerano y’imyaka 2 kuri miliyoni 1 n’umushahara w’ibihumbi 250 nk’uko yabibwiye ikinyamakuru ISIMBI, yasinyishijwe na Gen James Kabarebe.

    Ati 'Ndashimira perezida w’icyubahiro wa APR FC, James Kabarebe, mu by’ukuri ni umubyeyi wabonaga gutya wagira ikibazo ukamuhamagara akakugira inama kandi twamubonaga kenshi.'

    'Mva muri Etincelles ni we wavuganaga na Etincelles, kuko we yarambwiye ngo wowe urasinya ibindi ubindekere. Ni we wanyihamagariye nta wundi muntu wampamagaye. Nyuma namenye ko bahaye Etincelles miliyoni 7, kandi njyayo nta kintu njye bari bampaye ariko kuko ari umuntu ufasha amakipe menshi, nta kibazo cyarimo.'

    Serugaba Eric wari warasoje amashuri yisumbuye yashatse gukomeza Kaminuza maze atangira muri ULK, yaje kuhiga umwaka umwe gusa kubera akazi biranga, na bwo yahize kuri buruse ya MINADEF abifashijwemo na Gen James Kabarebe.

    Ati 'Ntangira kwiga muri ULK, yanyandikiye urwandiko njyana muri MINADEF, buriya muri MINADEF haba ishami rishinzwe kwishyurira abakozi bayo amashuri, icyo gihe naragiye ndabimusaba, naragiye turicara ndabimuganiriza, arabyumva anyandikira urwandiko rwo kujyana muri MINADEF ishami rishinzwe kwishyurira abakozi ba bo amashuri, ndabimushimira ko nta giceri kigeze kiva mu mufuka wanjye cyo kwishyura muri ULK.'

    Avuga ko ikintu gikomeye atazibagirwa ari ukuntu mu bukwe bwe bwabaye 2012 yamuhaye inka kandi yari yaravuye muri APR FC atakiyikinira.

    Ati 'nk’umubyeyi ikindi kintu mushimira ni uko yampaye inka mu bukwe bwanjye kandi nari naravuye muri APR FC, icyo kintu sinabona icyo namwitura, yatangiye umusingi w’ubuzima bwanjye bwo kuva mu bugaragu nshinga urugo rwanjye.'

    Yakiniye Etincelles 2006-07, yahise yerekeza muri APR FC maze asinya imyaka 2, ni imyaka avuga ko itagenze neza nk’uko yabishakaga kuko ari bwo hari hatangiye gahunda yo gukinisha abanyarwanda gusa, umwaka wa mbere yabonye umwanya muke wo gukina ariko bitewe n’umusaruro batanze, APR FC yahise isubira kuri gahunda y’abanyamahanga maze bituma umwanya wo gukina burundu ubura bitewe n’abakinnyi bandi bari bazanye kandi babatanzeho menshi.

    2009 asoje amasezerano ye yahise yerekeza muri Kiyovu Sports ayikinira imyaka 3 anayibera kapiteni, ni imyaka avuga ko itari yoroshye bitewe n’ubuzima bari babayemo kuko Kiyovu Sports nta mikoro yari ifite ahagije, rimwe na rimwe bakivumbura.

    Abifashijwemo n’umutoza Casa Mbungo Andre, 2012 yahise amutwara muri AS Kigali asinya umwaka umwe ariko akina amezi 6 gusa kuko ibyangombwa bye byo kujya muri Amerika (Visa) byari bimaze gusohoka, ni nyuma y’uko yari yarakoze ubukwe na Murekatete muri 2012 kandi asanzwe afite ubwenegihugu bwo muri Amerika, byahise byihuta ko na we abona ibyangombwa bimwerera kujya guturayo.

    Ubu niho baba, umuryango wa bo waragutse aho ubu mu myaka 9 bamazeyo ubu bafite abana batatu.

    Serugaba Eric ubu asigaye atuye muri Leta Zunze Ubumwe za Amerika

    Yashimiye bikomeye perezida w’icyubahiro wa APR FC, Gen James Kabarebe

    Source : http://isimbi.rw/siporo/article/ibyo-yankoreye-sinabyibagirwa-rutahizamu-wakiniye-apr-fc-n-amavubi-yashimiye-bikomeye-gen-james-kabarebe-8025

  • Rayon Sports yamaze kugura undi mukinnyi ukiri muto ukina mu kibuga hagati – YEGOB #rwanda #RwOT

    Ikipe ya Rayon Sports yamaze kugura umukinnyi wo hagati ukina asatira mu kipe ya Musanze Fc, Ndikumana Fábio.

    Amakuru atugeraho ni uko Rayon Sports yaguze amasezerano y'uyu mukinnyi mu ikipe ya Musanze Fc yo mu Ntara y'Amajyaruguru.

    Rayon Sports yishyuye amafaranga agera kuri miliyoni 10 z'amanyarwanda aho yari iri kwishyura amasezerano ye muri Musanze Fc.

    Ndikumana Fábio akaba araza gusinya amasezerano y'imyaka 2 mu ikipe ya Rayon Sports.

    Uyu musore w'imyaka 20 y'amavuko, aguzwe ku busabe bw'umutoza Haringingo Francis wakunze imikinire ye

    Source : https://yegob.rw/rayon-sports-yamaze-kugura-undi-mukinnyi-ukiri-muto-ukina-mu-kibuga-hagati/