Author: webrwanda

  • Amabanga wakoresha akagufasha kuba inshuti ma… – #rwanda #RwOT

    Impamvu habaho gutandukana ndetse no gushwana mu miryango imwe n'imwe, ni uko kubana kwabo kuba kutagifite umurunga ugukomeza. Iyo rero ushaka ko urukundo rwawe n'uwo mwashakanye ruramba ndetse mugakomeza kuba inshuti z'akadasohoka, hari ibyo uba ugomba gukurikiza kugira ngo umwiryane utabameneramo.

    Urubuga Elcrema rutanga amabanga ku bintu umugore cyangwa umugabo yakora, bigakomeza kuba umurunga w'urukundo rwabo bakiberaho mu munyenga warwo:

    1. Gukunda kuba hamwe

    Ubucuti bukunda kandi buramba iyo abakundana bari kumwe, bagahorana kandi n'ibyo bagerageje gukora bakabifatanya cyangwa bakabikorera hamwe. Iyo bahuriza hamwe bakajya inama kandi bagafatanya, bararambana.

    2. Kugirana ibihe byo gukina cyangwa kwishimana

    Inshuti zirangwa no gukina, kwishimana, guteteshanya n'ibindi byerekana ko abantu bishimye. N'iyo baba bari mu rugo cyangwa hanze y'urugo abantu iyo bakundana ibyo bihe barabigira.

    Jya ugerageza kwishimana n'umugore wawe cyangwa umugabo wawe kugira ngo ubucuti bwanyu burambe.

    3. Kuganira buri kintu cyose

    Ikindi kintu kiranga inshuti za nyazo ni uburyo buri wese avugana n'undi,uburyo amubwiramo n'uburyo amubikira amabanga.

    Iyo uganiriza mugenzi wawe ikintu cyose bituma arushaho kukwiyumvamo akumva urushijeho kuba inkoramutima ye.

    Iyo umugabo wawe cyangwa umugore wawe ari we muntu muvugana mukabwirana akantu kose, icyo gihe ntashobora kuguca inyuma cyangwa kukureka kandi bituma musazana urukundo rukiryoshye.

    4.Kudatinya uwo mwashakanye

    Usanga abashakanye benshi batinyana, umwe ukabona atisanzuye ku wundi, ibyo rero ni byo bituma urukundo rubura, ugasanga ibibahuza ni bike.

    Gutebya, gusetsa no kwisanzuranaho ukumva ko urimo kubwira inshuti yawe magara bituma murushako kuba umwe.

    5. Gukorera mugenzi wawe icyo yari ashinzwe

    Uzumva abantu bavuga ngo 'ubucuti buragora', biba bivuze ko inshuti yawe igufasha no mu bintu bisa nk'aho bidashoboka.

    Iyo rero umuntu ari inshuti yawe arakugoboka no mu bisa nk'aho bigoye ,ibyo rero bituma urushaho kumukunda kuko aba ari umuntu ukubera aho utari.

    6. Kubabarina no kwiyunga

    Abantu bashakanye iyo bababarirana bibafasha kuba inshuti z'ibihe byose kandi zitabika inzika.

    Iyo uziko umuntu akunda kukubabarira wirinda amakosa kandi n'iyo ugize ibyago ukayakora nabwo wihutira kumusaba imbabazi kuko uba uziko ari umuntu wawe utakwanga kukubabarira.

    Izina nama nubwo atari kamara iyo uzikurikije urushaho kugira urugo rwishimye ndetse n'ubucuti bwanyu bukaramba.

    Source : https://inyarwanda.com/inkuru/119252/amabanga-wakoresha-akagufasha-kuba-inshuti-magara-nuwo-mwashakanye-119252.html

  • Impuguke zirashakisha ikirimo gutera ubwiyongere bw’abarwara umuvuduko w’amaraso #Rwanda #RwOT via @kigalitoday #rwanda #RwOT

    Imibare itangwa n’inzego z’ubuzima mu Rwanda, igaragaza ko abantu bafite hagati y’imyaka 18 na 65, abagera kuri 15.9% bafite indwara y’umuvuduko w’amaraso uri (…)

    Source : https://www.kigalitoday.com/ubuzima/indwara/article/impuguke-zirashakisha-ikirimo-gutera-ubwiyongere-bw-abarwara-umuvuduko-w-amaraso

  • Barashima ibyagezweho n’isoko rihuriweho n’ibihugu bya EAC n’ubwo hari ibitaranoga #Rwanda #RwOT via @kigalitoday #rwanda #RwOT

    Abakuru b’ibihugu bigize Umuryango w’Ibihugu bya Afurika y’Iburasirazuba (EAC), n’abahagarariye Abakuru b’ibihugu by’uwo muryango batabashije kuboneka, bahuriye (…)

    Source : https://www.kigalitoday.com/amakuru/mu-mahanga/article/barashima-ibyagezweho-n-isoko-rihuriweho-n-ibihugu-bya-eac-n-ubwo-hari-ibitaranoga

  • Akanyamuneza ni kose mu baturage nyuma y'ivugururwa rya Stade Mpuzamahanga ya Huye #rwanda #RwOT

    Abatuye mu karere ka Huye, kuri ubu bafite ibyishimo ndetse n'akanyamuneza k'ubw'inyungu batangiye kubona mu mushinga mugari wo kuvugurura sitade ya Huye, ikaba mpuzamahanga, ariko kandi basabwe kurushaho kubungabunga ibikorwaremezo.

    Bamwe mu baturage bo mu Karere ka Huye, bavuga ko batewe ishema no kubona muri aka Karere kari Stade iri ku rwego mpuzamahanga, kuri ubu bamwe bakaba  baratangiye kwirahira inyungu bamaze gukura mu mushinga wa Stade ya Huye, mu gihe mbere bari bazi ko inyungu zayo zizabona abafite aho bahuriye na Ruhago.

    Uwitwa Nyandwi Valentin yagize ati ''Nyuma yo kubona akazi mu iyubakwa ry'iyi Sitade byangiriye akamaro. Nabonye ibitunga umuryango mbona n'uburyo bwo kwishyura ubwisungane mu kwivuza 'Mituelle de santé' n'abana bariga.'

    Musabyemariya Sophia nawe yagize ati ''Bimwe mu bikorwa bizajya bikorerwa muri iyi sitade ndetse  no kuyisura, urabona ko bizatwinjiriza amafaranga, tubone ubutunzi mu karere ka Huye.''

    Umuyoboz w'akarere ka Huye wungirije ushinzwe iterambere ry'ubukungu  Kamana André yavuze ko nk'akarere kugira sitade mpuzamahanga ari ubutunzi bukomeye kandi bitezeho umusaruro ukomeye.

    Yagize ati 'Kuba iyi sitade iri ku  rwego mpuzamahanga, ni ibyishimo ku batuye mu Karere ka Huye kuko iyo sitade nk'iyi yujuje ibisabwa, hari benshi bahungukira mu ngeri zitandukanye; haba mu rwego rw'ama-hoteli no mu rwego rw'abacuruza.'

    Umuyobozi wungirije muri Komisiyo ya Sena y'ubukungu n'imari, Nyinawamwiza Laetitia yasabye abatuye muri aka Karere bose kubungabunga ibyagezweho kugira ngo birusheho kubagirira akamaro ndetse barusheho kubibyaza umusaruro.

    Yagize ati 'Kuyivugurura hari byinshi byagiyeho kandi biragaragara. Ni sitade yo ku rwego rwo hejuru[…]Abaturage n'abayobozi b'akarere bazitirirwa iki gikorwa, ni ukugifata neza, bakamenya uko ahazajya havuka ikibazo hazajya hakosorwa.''

    Ubuyobozi bw'akarere ka Huye buvuga ko imirimo yo kuvugura Stade Mpuzamahanga ya Huye, igeze kuri 95%, bikaba biteganijwe ko tariki ya 15 Kanama 2022, imirirmo yo kuyivugurura izaba irangiye aho izaba imaze gutwara amafaranga agera kuri miliyari 10 z'amanyarwanda.

    Yanditswe na Christophe Uwizeyimana

     

    The post Akanyamuneza ni kose mu baturage nyuma y'ivugururwa rya Stade Mpuzamahanga ya Huye appeared first on IRIBA NEWS.

    Source : https://iribanews.rw/2022/07/22/akanyamuneza-ni-kose-mu-baturage-nyuma-yivugururwa-rya-stade-mpuzamahanga-ya-huye/

  • Lacazette yahemukiwe bikomeye n'uruyuki rwamurumiye mu ishyamba #rwanda #RwOT

    Amakuru yatangajwe na ESPN avuga ko Lacazette yatewe n'uruyuki ruramuruma bishobora gutuma atagaragara mu mukino wa Lyon na Feyenoord.

    Uyu wahoze ari rutahizamu wa Arsenal, Alexandre Lacazette,ashobora kubura muri uyu mukino wa gicuti uhuza ikipe ye ya Lyon na Feyenoord kubera kwibasirwa n'urwo ruyuki.

    Iyi kipe ya Ligue 1 izahura na Feyenoord ku cyumweru mu mukino wo gukomeza imyiteguro yo kwitegura umwaka w'imikino.

    Ikinyamakuru L'Equipe cyumvise ko Lacazette w'imyaka 31, ashidikanywaho kuri uwo mukino kubera kurumwa n'uruyuki yahuriye narwo mu ishyamba ryo mu buholandi.

    Lacazette ntabwo ari we mukinnyi wa Lyon wenyine byabayeho,kuko na Moussa Dembele na we ngo yarumwe.

    Dembele yagarutse mu myitozo ku wa kane bikaba biteganijwe ko azaboneka muri uyu mukino.

    Hategerejwe kureba niba Lacazette azashobora gukora imyitozo kuko yabuze mu yakozwe kandi hasigaye iminsi itatu ngo umukino ube.

    Ku wa gatandatu, Lyon, izakinisha ikipe ya kabiri mu mukino uzayihura na Willem II ku wa gatandatu mbere y'uko yesurana na Feyenoord nyuma y'amasaha 24.

    Uyu uzaba ariwo mukino ubanziriza uwa nyuma wo kwitegura kuko uwa nyuma Lyon izahura na Inter Milan ku ya 30 Nyakanga.

    Ku wa gatanu, tariki ya 5 Kanama,Lyon izatangira Ligue 1 ikina n'ikipe ya Ajaccio yazamutse vuba.

    Source : https://umuryango.rw/imyidagaduro/imikino/article/lacazette-yahemukiwe-bikomeye-n-uruyuki-rwamurumiye-mu-ishyamba

  • EAC mu maboko y’Umuyobozi mushya, DR-Congo yahawe umukoro #rwanda #RwOT

    Mu nama ya 22 y’Abakuru b’Ibihugu bigize Umuryango wa Afurika y’Iburasirazuba, Perezida Evariste Ndayishimiye w’u Burundi yahererekanyije ububasha na Uhuru Kenyatta ku buyobozi bw’uyu Muryango.

    Mu ijambo rye, yavuze ko kugira ngo ubucuruzi n’ubuhahirane bitere imbere mu Bihugu bigize uyu muryango ndetse n’imibereho y’ababituye irusheho kuba myiza, bisaba ko muri aka karere hagomba kuba hari umutekano ushikamye.

    Ati 'Biradusaba ko dukomeza gutsimbataza amahoro n’umutekano mu karere, tukongera ingufu inshingano z’ubuyobozi ndetse n’imiyoborere myiza mu Muryango wa Afurika y’Iburasirazuba.’

    Yakomeje avuga ko ku birebana n’amahoro n’umutekano, hakirimo imbogamizi kubera ibibazo by’umutekano mucye bikigaragara mu kimwe mu Bihugu binyamuryango.

    Ati 'Turifuza kwibutsa umunyamuryango wacu mushya, Repubulika Iharanira Demokarasi ya Congo gushyiraho uburyo buganisha ku mutekano n’iterambere burimo no gushyira mu bikorwa imyanzuro yafatiwe mu nama z’abakuru b’Ibihugu i Nairobi.'

    Perezida Ndayishimiye yavuze ko mu rwego rwo kuzamura imibereho y’abatuye muri Afurika y’Iburasirazuba, azarushaho gukorana na bagenzi be mu kuzamura umusaruro by’umwihariko mu gutuma abagore, urubyiruko ndetse n’abafite ubumuga n’abaseshakanguhe kubasha kubona inkunga zo gutangiza imishinga yabafasha kugira imibereho myiza.

    Naho ku bijyanye no kuzamura urwego rw’ubuhahirane n’urujya n’uruza rw’abantu n’ibicuruzwa, yavuze ko azarushaho gukorana na bagenzi be mu gushyiraho ibikorwa remezo bihuza Ibihugu nk’imihanda, inzira za Gari ya Moshi, no gukoresha ibibuga by’indege ndetse no kubahiriza ibikubiye mu masezerano y’isoko rusange rya EAC.

    Source : http://www.ukwezi.rw/Mu-mahanga/Amakuru-anyuranye/article/EAC-mu-maboko-y-Umuyobozi-mushya-DR-Congo-yahawe-umukoro

  • Umunyarwenya Yaka mwana yahaye Assia impano y'akenda k'imbere ku isabukuru ye y'amavuko – YEGOB #rwanda #RwOT

    Yaka mwana wamenyekanye kubera imvugo ziwe zakunzwe n'abenshi bityo bimuviramo kubona akazi ko gukina filime nyarwanda.

    Nkuko byateguwe n'abakinnyi ba filime gatarina batunguye Assia ari nawe muyobozi wayo ndetse akaba ashyiramo n'amafaranga.

    Yaka mwana yaje gufata icyemezo cyo guha nyirabuja impano y'amakariso mu rwego rwo kwifatanya nawe ku munsi we w'amavuko.

    Assia yashimiye bagenzi be bazirikanye umunsi we ndetse atangazwa cyane n'impano yahawe na Yaka mwana udasiba kurangwa n'udushya.

    Source : https://yegob.rw/umunyarwenya-yaka-mwana-yahaye-assia-impano-yakenda-kimbere-ku-isabukuru-ye-yamavuko/

  • “Inshuti yange magara” Umuraperikazi Young Grace yongeye gushimangira urwo akunda umwana we (Amafoto) – YEGOB #rwanda #RwOT

    Umuraperikazi Young Grace yongeye gushimangira urwo akunda umwana we w'imfura w'umukobwa 'Diamante'.

    Abinyujije ku rukuta rwe rwa Instagram uyu Umuraperikazi yashyizeho amafoto ari kumwe n'umwana we w'umukobwa maze arenzaho akajambo 'Besty'.

    Young Grace ni umwe mu baraperikazi babimazemo imyaka itari mike dore ko yatangiye kumenyekana muri za 2010.

    Amafoto ari kumwe n'umwana we. 

    Source : https://yegob.rw/inshuti-yange-magara-umuraperikazi-young-grace-yongeye-gushimangira-urwo-akunda-umwana-we-amafoto/

  • Usengimana Faustin yabonye ikipe yo hanze y’u Rwanda #rwanda #RwOT

    Myugariro wakiniraga Police FC, Usengimana Faustin wakiniraga ikipe ya Police FC, yamaze kubona ikipe yo mu cyiciro cya mbere muri Iraq ya Al — Qasim SC agomba gukinira mu gihe cy’imyaka 2.

    Uyu musore ukina mu mutima w’ubwurigarizi wari usoje amasezerano ye y’imyaka 2 muri Police FC, yahisemo kujya guhahira mu Barabu nubwo mu Rwanda hari andi makipe yamwifuzaga arimo na Police FC yashakaga kumwongerera amasezerano.

    Al Qasim SC ikaba yemeje ko yamaze gusinyisha uyu mukinnyi wakiniye amakipe atandukanye mu Rwanda no hanze yarwo.

    Mu Rwanda yakiniye Rayon Sports, APR FC na Police FC ni mu gihe hanze yarwo yakiniye amakipe arimo Khaitan SC yo muri Kuwait ndetse na Buildcon yo muri Zambia.

    Usengimana Faustin yamaze gusinyira Al Qasim SC

    Usengimana Faustin yakiniye amakipe atandukanye mu Rwanda no hanze yarwo

    Source : http://isimbi.rw/siporo/article/usengimana-faustin-yabonye-ikipe-yo-hanze-y-u-rwanda