Author: webrwanda

  • Intabaza ku bafite virusi itera Sida bagihezwa kuri serivisi z'imari – #rwanda #RwOT

    Mu bushakashatsi bwakozwe n'Urugaga Nyarwanda rw'Abafite Virusi itera Sida, RRP+, bugaragaza ko hari intambwe imaze guterwa mu rugamba rwo kurwanya Virusi itera Sida kuko u Rwanda ruri ku mwanya mwiza ariko bugaragaza ko hari ibikwiye kongerwamo imbaraga.

    Muri ubu bushakashatsi bwamurikiwe abagize komite y'imibereho myiza y'abaturage mu nteko ishinga amategeko, umutwe w'abadepite mu Rwanda, kuri uyu wa gatanu tariki ya 22 Nyakanga 2022 hagaragajwe ko kugeza ubu ihezwa ku bafite virusi itera Sida kuko biri ku rwego rwo hasi cyane rwa 13%.

    Ubusanzwe ibipimo mpuzamahanga bigaragaza ko iyo igihugu gifite imibare iri hasi ya 15% kiba gihagaze neza mu kurwanya Virusi itera Sida, akato cyangwa ibindi byerekeranye na yo.

    Ubu bushakashatsi bwakozwe n'Umuryango wa RRP+ mu gihe cy'amezi atandatu hagati ya 2019 na 2020 hagamijwe kureba intambwe u Rwanda rumaze gutera mu kurwanya ihezwa n'akato mu bantu bafite virusi itera Sida.

    Ni ubushakashatsi bwakozwe ku bantu bagera kuri 938, ku bigo nderabuzima 20 bitandukanye, aho ababajijwe biganjemo abafite virusi itera SIDA, abakora akazi k'uburaya nk'abafite ibyago byinshi byo kwandura n'andi matsinda. Bwakorewe mu turere 19 dutandukanye.

    Ubwo yamurikaga ubushakashatsi Ndahimana Jean d'Amour yagaragaje ko nyuma y'imyaka 11 yari ishize kuko ubushakashatsi buheruka bwari ubwo mu 2009, hakozwe byinshi bigamije kurwanya ihezwa n'akato ku bafite virusi itera Sida.

    Yagaragaje ko ubu bushashatsi ariko bugaragaza ko nubwo ikigero cy'ihezwa kiri hasi, hari aho usanga rikiri. Mu miryango abahabwa akato bari 1.29% bavuye kuri 4.1% mu gihe abagifite virusi itera SIDA bahitamo kwishyira mu kato ari 7.0% bavuye ku 8.1% mu 2009.

    Abadepite bagize komisiyo y'imibereho myiza y'abaturage bashimye byimazeyo ubushakashatsi bugaragaza ibyagezweho ariko banatanga ibitekerezo ku bushakashatsi ndetse n'aho kongera imbaraga.

    Depite Kanyange Phoibe yavuze ko ubu bushakashatsi bwongeye kubibutsa ko virusi itera Sida igihari bityo ko nk'abahagarariye inyungu za rubanda bazafatanya mu rugamba rwo kurwanya ubwandu bushya no gutanga inama z'uburyo abafite virusi itera Sida, bakwiye kwitwara mu kugabanya ubukana bwayo.

    Umuyobozi wa Komisiyo y'imibereho myiza y'Abaturage mu Nteko ishinga amategeko y'u Rwanda, Uwamariya Odette yavuze ko kuba RRP+ yarakoze ubu bushakashatsi bigiye gufasha mu gukurikirana bimwe mu bibazo byagaragajwe mu rwego rwo gushakira hamwe igisubizo no kwirinda ihezwa iryo ari ryo ryose rikororerwa abaturarwanda.

    Kubona serivisi z'imari byagaragajwe nk'ahakiri icyuho

    Nubwo urugendo rwo kurwanya akato ari ikintu kigikomeza kandi u Rwanda rukaba ruhagaze neza muri byo, ubushakashatsi bugaragaza ko hari ibyuho mu bintu bitandukanye aho hakiri abagihezwa mu bikorwa bitandukanye birimo guhabwa inshingano mu nzego zitandukanye.

    Mu hakiri imbogamizi kuri ubu zagaragajwe n'abakoze ubushakashatsi kandi zinateye impungenge, ni uburyo kubona inguzanyo by'umwihariko nk'imara igihe kirekire usanga abantu basabwe kuzuza inyandiko z'ubwishingiza ariko nyamara kuri zo bagasabwa kugaragaza niba bataranduye Virusi itera SIDA, ibintu bifatwa nk'ibikigamije guheza abafite Virusi itera SIDA muri serivisi z'imari.

    Impuguke mu buzima Dr Mporanyi Theobald yabwiye itangazamakuru ko kuba amabanki agisaba abantu kugaragaza niba koko bataranduye virusi itera SIDA mu rwego rwo guhabwa inguzanyo z'igihe kirekire bitagikwiye kuko bifatwa nko kubaheza.

    Ati 'Bamwe bahuraga nabyo bagiye nko gusaba inguzanyo, banki ikamwemerera ariko bagera mu bigo by'ubwishingizi ugasanga bababwira ko bagomba kuzana uko bahagaze ariko bibanda kuri SIDA. Ibyo byabaye bimwe mu mbogamizi kuko mu mategeko mpuzamahanga no mu itegeko nshinga ryacu rivuga ko abantu bose bareshya imbere y'amategeko.'

    'Haracyibazwa rero impamvu abantu basabwa icyemezo cy'uko batarwaye SIDA kandi nk'abantu b'inzobere mu buzima iyo turebye impfu dufite izikomoka kuri SIDA uzigereranyije usanga ari nkeya kurusha izindi kandi icyo twabonye ari imbogamizi.'

    Umuyobozi w'Urugaga rw'abafite Virusi itera SIDA mu Rwanda, Muneza Sylvie, yagaragaje ko izindi mbogamizi zigihari zishingiye ku bana bakiri ku ishuri, aho usanga bigorana ko umwana yafata imiti igabanya ubukana bwa virusi itera SIDA kuko bishobora kuba icyasha kuri we n'intandaro yo guhezwa.

    Ati 'Twasanze ari ikibazo gikomeye kuri bariya bana biga bari mu kigo, hari ibigo bimwe na bimwe bidaha agaciro uriya mwana usanzwe afata imiti kuko nk'iyo habayeho isaka wa mwana ashobora guhisha bya binini, umwana bikamubera imbogamizi zo kwisobanura kubera aba ari imbere y'abana bagenzi be'.

    Yakomeje agira ati 'Ibi bituma hari n'abahabwa imiti ntibayijyane kubera kwanga ko basakirwa mu ruhame, turifuza ko Leta yadufasha nk'uko yakoze ubukangurambaga ku buryo ibigo by'amashuri byafasha ba bana gufata imiti ya SIDA kugira ngo ubuzima bwabo bukomeze'.

    Intabaza ku rubyiruko n'abagabo bari kwandura ku bwinshi

    Mu gihe hari kurwanwa urugamba rwo guhangana no kugabanya Virusi itera SIDA n'ubwandu bayo mu gihugu nk'intego yo kugeza nibura mu 2030 ubwandu bushya buri kuri 0% mu Rwanda, impungenge ziracyari zose ku rubyiruko rw'abana b'abakobwa n'abagabo.

    Kugeza ubu mu Rwanda habarurwa abanduye Virusi itera SIDA bagera kuri ku bihumbi 220 bangana na 3% mu gihe muri Afurika yose habarurwa abagera kuri miliyoni 23, 8.

    Muri iyi mibare ariko ubushakashatsi bwagaragaje ko urubyiruko ruri hagati y'imyaka 25 na 34 ari bo biganje mu kugira ubwandu bushya ndetse bakaba ari nabo bakibasirwa cyane no guhabwa akato ku kigero cya 48%.

    Depite Manirarora Annoncée yagaragaje ko kimwe mu bibazo bikomeye ari uko usanga abana b'abakobwa basigaye batinya gutwara inda kuruta uko bakandura virusi itera SIDA.

    Impamvu urubyiruko rugarukwaho ni ukudafata imiti igabanya ubukana bwa virusi itera SIDA kimwe n'abagabo.

    Muneza Slyvie yavuze ko hakenewe kwagura ubukangurambaga mu rubyiruko no mu bagabo hagamijwe gukomeza kubegera cyane ko hanashyizweho inzego ziruhagarariye mu turere twose tw'igihugu.

    Abadepite bagaragaje ko hagiye gukorwa ubukangurambaga bugamije kurwanya ukwiyongera ku bwandu bushya by'umwihariko mu bagabo n'urubyiruko no gushishikariza abari muri ibi byiciro gufata imiti mu gihe bagize amahirwe make yo kwandura.

    Intego y'u Rwanda n'Isi ni ukugera ku ntego ya 95 inshuro eshatu, bivuze ko mu Banyarwanda, nibura 95% by'abantu banduye bazabasha kwipimisha ubwandu bwa virusi itera SIDA, 95% by'abipimishije bagasanga baranduye bafate imiti igabanya ubukana bwa virusi itera SIDA, naho 95% by'abayifata bakagira ubudahangarwa bw'umubiri ku rwego rwo hejuru.


    Source : http://igihe.com/amakuru/u-rwanda/article/intabaza-ku-bafite-virusi-itera-sida-bagihezwa-kuri-serivisi-z-imari

  • Impuruza ku bikorwa bya muntu bikomeje kwangiza ibidukikije – #rwanda #RwOT

    Ni ubutumwa bwatangiwe muri Kaminuza Yigenga ya Kigali, ULK, kuri uyu wa 22 Nyakanga 2022, ubwo hatangizwaga ubu bukangurambaga burangajwe imbere n'Umushinga 'Climate Clock' urengera ibidukikije.

    Imihindagurikire y'ibihe ni ingaruka z'iyangirika ry'ibidukikije ryugariye Isi muri rusange, kuko ibikorwa bya muntu ku Isi bigenda byiyongera, inganda n'ibindi bikomeza kwaguka, bituma hari ibyuka byoherezwa mu kirere bikangiza akayunguruzo k'izuba.

    Ni ibintu bituma ubushyuhe mu Isi bwiyongera kuko ubushakashatsi bwagaragaje ko mu myaka 20 ishize ubushyuhe bumaze kwikuba inshuro 80.

    Umuvugizi wa Climate Clock akaba na Ambasaderi w'Ubukerarugendo, Umuco n'ubugeni muri Ghana, Matthew Mensah yavuze ko icyi aricyo gihe cyo gufata ingamba zo guhangana n'iyangirika ry'ibidukikije bigishoka.

    Yakomeje avuga ko impamvu ubu bukangurambaga bwabereye muri iyi kaminuza ari uko urubyiruko ari rwo rukwiye kugira uruhare mu kurinda ibidukikije.

    Matthew avuga ko urubyiruko by'umwihariko ururi mu mashuri ari rwo rushobora kugira uruhare mu guhashya iyangiza ry'ibidukikije binyuze mu kuba barinda ibidukikije.

    Ati 'Twese atari ukuvuga ngo ni urubyiruko gusa, hari byinshi dushobora gukora, niba umaze gushyira umuriro muri telefone yawe ucomore 'Chargeur', niba usohotse ukaba wasiga uzimije amatara, kandi ukirinda kwangiza ibidukikije, ujugunya imyanda ahatarabugenewe n'ibindi.'

    Yakomeje agira ati 'Akenshi iyo ndi muri Ghana cyangwa ibindi bihugu bya Afurika ubona umuntu utwaye imodoka agafungura idirishya akajugunya imyanda cyangwa plastic hanze, ntabwo byumvikana, abantu ntabwo bitaye ku ngaruka ziterwa n'iyangirika ry' ibidukikije atari no ku bihugu byabo ahubwo n'ikiremwa muntu.'

    Kuva mu 2008, Leta y'u Rwanda yashyizeho ingamba zigamije kurengera ibidukikije ubwo hacibwaga burundu ikoreshwa ry'amasashi.

    Nyuma yo guca amashashi, mu 2020 rwatangiye n'urugamba rugamije guca amacupa ya plastique akoreshwa rimwe. Aho kugira ngo icupa ry'amazi rikoreshwe nyuma rihite rijugunywa, ubu gahunda ni uko hakwifashishwa ubundi bwoko bw'iryakoreshwa inshuro nyinshi.

    Inganda zicuruza amazi, nka Inyange zatangiye gukora amacupa y'ibirahure agomba gusimbura aya-plastique. Skol nayo yakoze umushinga wo gucuruza ibicuruzwa byayo mu macupa y'ibirahure.

    Umuyobozi Mukuru wa ULK, Dr Rusibana Claude yavuze ko uko abatuye Isi biyongera, uko inganda zubakwa ari nyinshi niko n'ibibazo by'imuhindagurikire y'ikirere byiyongera.

    Ati 'Isi yugarijwe cyane n'ibibazo akenshi biterwa n'imihindagurikire y'ikirere,Isi ni umubumbe munini utuwe n'abantu benshi, uko abantu bayituramo ari benshi, uko inganda zubakwa ari nyinshi, uko iterambere rikenerwa niko ibibazo bigenda biba biturutse kuri abo bayituye.'

    Yakomeje agira ati 'Uyu munsi rero iyi mpuruza yabayeho ni ukugira ngo buri wese yumveko ari we muti w'ibibazo biterwa n'imihindagurikire y'ikirere n'ibihe. Ikindi ni uko iyi mihindagurikire y'ikirere ishyira ubuzima bwacu mu kaga kubera cyane cyane izuba, imvura nyinshi ikabije, ibyo byose bibangamira ubuzima bwacu tubayemo.'

    Ngabo Serge wiga mu mwaka wa mbere muri ULK, yavuze ko ingamba bafashe ari ukubera ijwi abandi batagize amahirwe yo kumva inama bagiriwe.

    Yagize ati 'Umusanzu wanjye ni ukuba ijwi riranguruye ry'abatagize amahirwe yo kumenya iby' ubu bukangurambaga.'

    Ubu bukangurambaga bwa 'Climate Emergency Day' bufite intego yo gushyira mu bikorwa amasezerano ya Paris, yerekeye imihindagurikire y'ibihe.

    Yemeranyijweho mu Ukuboza 2015, agena uburyo bwo gushyira mu bikorwa ingamba zitandukanye kugira ngo igipimo mpuzandengo cy'ubushyuhe bw'Isi kigume munsi ya dogere celcius 2, intego ikaba ari uko kigera hasi ya dogere 1,5.

    Abayobozi mu nzego zitandukanye bitabiriye ubu bukangurambaga

    Abanyeshuri ba ULK bahamagariwe kujya mu ngamba zo kurwanya ihumanywa ry’ikirere

    Matthew na Dr Rusibana bafashe ifoto n’abitabiriye

    Ngabo Serge wiga muri ULK avuga ko bagiye gutanga umusanzu wabo nk’urubyiruko

    Nyuma yo kwiyemeza kujya mu ngamba,bafashe ifoto y’urwibutso

    Umuvugizi wa Climate Clock akaba na Ambasaderi w’Ubukerarugendo, Umuco n’ubugeni muri Ghana, Matthew Mensah n’Umuyobozi Mukuru wa ULK, Dr Rusibana Claude

    Umuvugizi wa Climate Clock akaba na Ambasaderi w’Ubukerarugendo, Umuco n’ubugeni muri Ghana, Matthew Mensah ubwo yaganiraga n’itangazamakuru

    Umuyobozi Mukuru wa ULK, Dr Rusibana Claude, yavuze ko ibikorwa bya muntu bikomeje kwangiza ibidukikije bityo hakwiye ingamba zihamye

    Amafoto: Akayezu Jean de Dieu


    Source : http://igihe.com/amakuru/u-rwanda/article/impuruza-ku-bikorwa-bya-muntu-bikomeje-kwangiza-ibidukikije

  • Umukinnyi uri mu bakomeye mu Rwanda yasoje kwiga kaminuza – YEGOB #rwanda #RwOT

    Irambona Eric wamenyekanye muri Rayon sport ari naho yagiriye ibihe byiza mu mupira w'amaguru dore ko yakuriye muri Rayon sport.

    Irambona Eric uri gukinira Kiyovu sport nubwo adakunze kubanza mu kibuga nkuko we abyifuza yamaze kongeraho  ishuri kuri ruhago.

    Irambona Eric asoje ya kaminuza mu university ya unilak ndetse akaba yashimiye umuryango we wamubaye hafi mu bihe byishuri ndetse na ruhago.

    Source : https://yegob.rw/umukinnyi-uri-mu-bakomeye-mu-rwanda-yasoje-kwiga-kaminuza/

  • Musore ,nukorera sheri wawe ibi bintu ntazifuza kuguca inyuma bibaho – YEGOB #rwanda #RwOT

    Hari utuntu duto duto umusore ashobora gukorera umukunzi we ndetse akamwibagiza abandi bose bamwifuza.Muri iyi nkuru tugiye kurebera bimwe mu byo wakorera umukunzi wawe w'umukobwa maze ukamutwara umutuma kuburyo atakwirirwa yongera kwifuza abandi.

    Mukore mu musatsi: Abakobwa aho bava bakagera bose bakunda umusore ubakora mu musatsi. Mu gihe mwicaranye muganire wamukora mu musatsi gacye, gusa ukirinda kuwangiza. Mu gihe kandi umukoze mu musatsi mubwire ko uwukunda kandi ko umubereye. Ibi bizamutera akamwenyu.

    Mubwire ko ari mwiza: Numubwira ko ari mwiza bizatuma abona ko ugira igihe cyo kumwitegereza, n'uko bimutere akanyamuneza amwenyure kandi abigumane ku mutima ko umubonaho uburanga buhebuje.

    Musome mu ruhanga: Abasore benshi baziko gusomana ari gusoma ku munywa cyangwa ku itama gusa,nyamara akabizu ko mu gahanga gafite ubusobanuro bukomeye bw'urukundo kuko ariko kagaragaza ko ukunda umukobwa ndetse umusoma mu gahanga ugamije kumwereka ko ikikugenza atari imibonano mpuzabitsina.Ibi nubikora bizashimisha umukobwa mukundana.

    Jya umubwira ko umukunda buri munsi: Kuba umukobwa mukundana abizi ko umukunda ntibihagije, ahubwo jya uhozaho ubimubwira kuko biramushimisha. Ntukabimubwire rimwe na rimwe ahubwo jya ubimubwira kenshi kuko bimushimisha nubwo atapfa kukubwira ko abikunda gusa bimunyura umutima.

    Niba afite agahinda, gerageza umubwire ko afite agaciro mu buzima bwawe kandi ko ibya mubabaje bitagomba kumuheza mu bwigunge:Iga kubana mu byiza n'ibibi n'umukobwa ukunda. Mu gihe yagize ahaginda mube hafi umuhumurize umwereke ko bishira kandi ukore ibishoboka umugarurire akanyamuneza.

    Jya umushimira niba agukoreye agakorwa gato, kuko icyo kintu gito kiba gisobanura ibintu byinshi: Umukobwa mukundana nagukorera igikorwa icyo aricyo cyose yaba gito cyangwa kinini ujye wibika umushimire ubikuye ku mutima.Ibi nubikora bizamushimisha kandi binatume arushaho kugukunda.

    Muririmbire akaririmbo n'iyo waba nta jwi ryiza ufite: Kuririmbira umukunzi ntibisaba ko uba uzi guhogoza cyangwa ufite ijwi ryiza,ahubwo uko ijwi ryawe rimeze kose gerageza umuririmbire niyo wamara umunota umwe gusa cyangwa amasegonda uririmba. Bishimisha cyane umukobwa bikanamwereka ko uzi kumutetesha.

    Mwandikire utubaruwa: Muri iki gihe telefoni nizo zasimbuye amabaruwa abakundana bandikiranaga kera. Wowe mutungure umwandikire akabaruwo kariho amagambo y'urukundo ukamuhe. Ibi uretse ko bizamutungura cyane bizanamwereka ko wowe utandukanye n'abandi basore ndetse ko ukizirikana inzira z'urukundo za kera zitagikoreshwa na benshi.

    Mufate ukuboko: Niba uri kugendana n'umukobwa cyangwa se mwicaranye, ujye ugerageza umufate akaboko kuko bizatuma yumva ko muri kumwe yemwe azumva ko ntacyabatanya bityo bimugarurire ibyishimo.

    Source : https://yegob.rw/musore-nukorera-sheri-wawe-ibi-bintu-ntazifuza-kuguca-inyuma-bibaho/

  • Umuhanzi Platini ashyize hanze ifoto iteye ubwuzu ari kumwe n’umwana we – YEGOB #rwanda #RwOT

    Umuhanzi Nemeye Platini wamamaye nka Platini P yashyize hanze ifoto nziza ari kumwe n'umwana we w'imfura aho bombi bari bajyanishije.

    Ni ifoto uyu muhanzi yashyize kuri Instagram imugaragaza yambaye imyambaro imeze kimwe n'iyumwana we .Ibi bikaba byanogeye amaso y'abamukurikira kuri uru rubuga rwa Instagram.

    Source : https://yegob.rw/umuhanzi-platini-ashyize-hanze-ifoto-iteye-ubwuzu-ari-kumwe-numwana-we/

  • Amakuru atari meza ku muhanzi Papa Cyangwe – YEGOB #rwanda #RwOT

    Umuhanzi Papa Cyangwe akomeje kotswa igitutu nyuma yo gushyira hanze amashusho y'indirimbo ye nshya ariko bikavugwa ko yagaragayemo umukobwa utaruzuza imyaka y'ubukure.

    Kuri uyu wa Kane tariki ya 21 Nyakanga 2022 nibwo Abijuru King Lewis wamamaye nka 'Papa Cyangwe' yashyize hanze indirimbo yise 'It's ok', kuri ubu iyi ndirimbo ishobora kumubyarira amazi nk'ibisusa azira umwe mubakobwa uyigaragaramo.

    Iyi ndirimbo Papa Cyangwe yayikoranye na Afrique ndetse na Fireman, nyuma y'amasaha make ayisohoye yasabwe kuyisiba n'umubyeyi w'umwe mu bakobwa bayigaragaramo.

    Igaragaramo abakobwa babiri aribo Honorine na Gaga, nyuma y'amasaha 24 iyi ndirimbo isohotse ababyeyi b'uwitwa Gaga basabye Papa Cyangwe kumukuramo kuko ataruzuza imyaka y'ubukure.

    BTN dukesha aya makuru yatangaje ko ababyeyi b'uyu mwana babwiye Papa Cyangwe ko yasiba umwana wabo mu mashusho y'indirimbo y'iyi ndirimbo bitaba ibyo bakitabaza izindi nzego.

    Uyu muhanzi we avuga ko atashyize uyu mukobwa mu ndirimbo ye ku gahato ahubwo niwe wabimusabye ndetse ngo babanje kuganira amwemerera ko afite imyaka y'ubukure, hari n'izindi ndirimbo uyu mukobwa yamweretse yari yaragaragayemo mbere.

    Papa Cyangwe yagize ati 'Ni umukobwa wansabye ko nazamufasha nkamushyira mu mashusho y'indirimbo kuko abikunda ariko kandi asanzwe amurika imideli, ni inshuti na mubyara wanjye ari nayo mpamvu byanyoroheye guhita mwemerera.'

    Papa Cyangwe avuga ko bakomeje kumuhamagara bamumenyesha ko bagiye kwiyambaza RIB ndetse banatangiye kumurega kuri Youtube ngo indirimbo ye ibe yasibwa.

    Source : https://yegob.rw/amakuru-atari-meza-ku-muhanzi-papa-cyangwe/

  • Uwari utunzwe no gusabiriza ku muhanda yahindutse umumiliyoneri(Video) – YEGOB #rwanda #RwOT

    Umukecuru wari utunzwe no gusabiriza ku muhanda yahindutse umuherwe mu gihe gito ubwo yafotorwa arimo kubyinana n'umusore maze abantu bakamugirira amarangamutima .

    Mu mashusho yo kumbuga nkoranyambaga agaragaza uyu mukecuru wo mu gihugu cya Nigeria yasazwe n'ibyishimo nyuma yo guhindurirwa ubuzima .Amakuru avuga ko uyu mukecuru yari atunzwe no gutegereza umuhisi numugenzi akamuha icyo kurya.Gusa umunsi umwe yabonye umusore aramusaba gusa uyu musore amaze kumuha amafaranga bifotoranyije babyina.Aya mashusho yabo ubwo yageraga kuri interineti abantu bahise bayishimira ndetse batangira kumuteranyiriza inkunga yaje kugera mu mafaranga arenga miliyoni 1 tuyashyize mu manyarwanda yo kugirango abashe kwikura mu bukene.Mu byishimo byinshi uyu mukecuru yagaragaye yishimiye igikorwa cyurukundo yagiriwe.

    Source : https://yegob.rw/uwari-utunzwe-no-gusabiriza-ku-muhanda-yahindutse-umumiliyonerivideo/

  • TOP 20 y'abakobwa bitabiriye irushanwa rya Miss Rwanda mu myaka itandukanye bamaze kwigarurira abafana benshi kuri instagram – YEGOB #rwanda #RwOT

    Urubuga rwa instagram ni rumwe mu mbuga nkoranyambaga kuri ubu zikoreshwa n'abantu batandukanye biganjemo cyane cyane urubyiruko. Abakoresha urubuga rwa instagram bakunze kuryoherwa no gusangiza ababakurikira amafoto yo mu bihe bitandukanye baba bagize ndetse by'umwihariko abakobwa bakerekana amafoto agaragaza ubwiza bwabo.

    Twifuje kubakorera urutonde rw'abakobwa 20 bitabiriye amarushanwa ya Miss Rwanda mu myaka itandukanye bakoresha instagram bagira amafoto akurura abakoresha instagram kurusha abandi. Urutonde twabakoreye ni uru rukurikira:

    20. Mutesi Aisha

    19. Uwase Hirwa Honorine

    18. Uwase Vanessa Raïssa

    17. Lynda Nkusi

    16. Keza Joannah

    15. Keza Maolithia

    14. Christa Iradukunda

    13. Meghan Nimwiza

    12. Saro Amanda

    11. Gaju Anita

    10. Iradukunda Elsa

    9. Iradukunda Liliane

    8. Sabine Mutabazi

    7. Jordan Mushambokazi

    6. Pamella Uwicyeza

    5. Nshuti Divine Muheto

    4. Uwase Muyango

    3. Kayumba Darina

    2. Nishimwe Naomie

    1. Mutesi Jolly

    Source : https://yegob.rw/top-20-yabakobwa-bitabiriye-irushanwa-rya-miss-rwanda-mu-myaka-itandukanye-bamaze-kwigarurira-abafana-benshi-kuri-instagram/

  • Abarangije muri Kaminuza yu Rwanda mu mushin… – #rwanda #RwOT

    Aba barwiyemezamirimo bakiga muri kaminuza bari bafite inzozi zagutse aho bajyaga bageragezagukora divayi mu ikawa, ibinyomoro, amapapayi n’indimu.

    Umushinga wabo uherutse gutsindira Miliyoni eshatu n'igice z’amafaranga y’u Rwanda mu bihembo bya Youth Connekt byatanzwe muri Mata uyu mwaka.

    Muri Kamena, berekanye ibicuruzwa byabo mu nama ya CHOGM yabereye i Kigali. Aba ba rwiyemezamirimo benga divayi, bakorera mu murenge wa Jenda, mu Karere ka Nyabihu habasha kuboneka ibikoresho by'ibanze bifashisha mu kwenga.

    Nsanzumuhire Pierre Claver aganira na 'Doing Business' yagize ati: 'Twari mu ishuri rimwe muri kaminuza. Muri 2018, twakundaga kwitabira amahugurwa atandukanye agamije kuzamura kwihangira imirimo mu rubyiruko kugirango bategure ejo hazaza habo kandi babategure ku isoko ry’umurimo. Ni bwo twatangiye gutekereza ku buryo dushobora gukoresha ubumenyi twungutse'.

    Arakomeza ati: 'Umunsi umwe, twitabiriye kandi amahugurwa yo gutunganya ibiribwa, byadufashije gutekereza no guhitamo umushinga wo gutunganya ibiribwa. Twakoze ubushakashatsi n'igerageza mu kwenga divayi mu ikawa, amapapayi, indimu n'ibinyomoro dukoresheje laboratwari za kaminuza'.

    Bafite gahunda yo kwagura umushinga wabo ugafasha Igihugu kwihaza

    Umushinga wabo wabanje kwegukana ibihumbi 100 by'amafaranga y'u Rwanda ku rwego rwa kaminuza nyuma uza gutsindira ibindi bihumbi 200 Rwf mu mishinga y'urubyiruko.

    Ibyo byari nk'intangiriro kuko muri 2021 umushinga wabo waje muri itatu ya mbere myiza yanahawe ibihembo. Icyo gihe bari batsinze ku rwego rw’akarere n'urw'intara mbere yo kugera ku rwego rw'Igihugu.

    Nsanzumuhire agira ati: “Ku rwego rw’Igihugu twaje mu batsinze icumi ba mbere mu mishinga irenga 200 yarushanwaga kandi twabonye igihembo cy’amafaranga miliyoni eshatu n'igice'. Akomeza ayo ko mafaranga bayakoresheje neza kuko baguze imashini zitunganya divayi kandi ko hari amahirwe menshi kuko u Rwanda ahanini rushingira kuri divayi itumizwa mu mahanga.

    Kuri ubu mu Rwanda divayi yenzwe mu ikawa, amapapayi, indimu n'ibinyomoro ni uru rubyiruko rwonyine ruyenga. Uyu munsi bafite divayi ingana na litiro 500 zirimo litiro 300 z'itinganyije byuzuye ishobora guhita inyobwa. Muri 2023 bateganya ko bazaba bafite ubushobozi bwo kwenga no kugurisha amacupa 2.780 ya divayi buri mwaka.

    Src: The New Times

    Source : https://inyarwanda.com/inkuru/119270/abarangije-muri-kaminuza-yu-rwanda-mu-mushinga-wo-kwenga-divayi-mu-ikawa-119270.html

  • Natareka ibimogi azisanga ku gasi Amalon y… – #rwanda #RwOT

    Amalon mu rugendo rwe rw'umuziki yaratumbagiye cyane ndetse aba ikimenyabose ku buryo abantu benshi batari bagishidikanya ku mpano ye ahubwo bari batangiye kumuhanga amaso barekereje indirimbo nshya asohora.

    Mu gutumbagira gutyo Amalon yaje kuvugwaho amakuru atari meza ko yaba akoresha ikiyobyabwenge cy'urumogi inshuro nyinshi, gusa nta bimenyetso byerekanaga ko abikoresha koko.

    Uyu muhanzi wakomeje gukora cyane yaje gutandukana n'inzu ifasha abahanzi ya 1K Entertainment, benshi bibwira ko urugendo rwe rurangiye ndetse ko agiye kuzima, nyamara byagendaga bivugwa n'abakunzi be ko haba hari abihishe inyuma y'izina rye.

    Mu ndirimbo ye nshya “Champion”, Amalon yavuze kuri byinshi bikekwa ko yaririmbye ubuzima bwe. Ubutumwa burimo busobanura byinshi ku buryo Amalon ari Champion ndetse ashoboye. Mu kuyiririmba agaruka ku gace kavuga ko bavuze ko ‘natareka ibimogi azisanga ku gasi’.


    Amalon ni umwe mu bahanzi b’abahanga

    Mu gushaka kumenya icyo Amalon avuga kuri iyi ndirimbo ndetse n'izindi yasohoye, twamubuze ku murongo wa Terefone ye igendanwa ndetse n'ubutumwa bugufi twamwandikiye ntabwo yabusubije.

    Indirimbo “Champion” ya Amalon imaze umunsi umwe igeze hanze. Imaze kurebwa n'abantu barenga ibihumbi 33, ikaba ari indirimbo ikozwe neza mu buryo bwiza. Yerekana uyu muhanzi ari ahantu hamwe kandi hafite icyo hasobanuye.


    Amalon yasohoye EP yise H.K.P

    Usibye indirimbo “Champion” Amalon yasohoye, hari EP y’indirimbo yise H.K.P, harimo indirimbo zirimo Kwaka, Fuego ndetse na All Night Long.

                KANDA HANO UREBE INDIRIMBO CHAMPION YA AMALON

    KANDA HANO UREBE INDIRIMBO ZIGIZE EP H.K.P YA AMALON

    Source : https://inyarwanda.com/inkuru/119260/natareka-ibimogi-azisanga-ku-gasi-amalon-yashyize-hanze-ep-iriho-indirimbo-zirimo-ubutumwa-119260.html