Author: webrwanda

  • Hatangijwe umwiherero wa ADEPR-Ambassadors To… – #rwanda #RwOT

    Ibi birori byitabiriwe n’abanyacyubahiro batandukanye barimo; Jonathan Ortlip uyobora Ambassadors Football ku isi, Rev Ndayisega Isaie umushumba mukuru w’itorero ADEPR mu Rwanda, Nizeyimana Olivier uyobora ishyirahamwe ry’umupira w’amaguru mu Rwanda n’abandi.

    Hari hateraniye kandi abakinnyi n’abatoza bavuye mu ntara zitandukanye bagiye kumara iminsi itatu mu mwiherero, uzasozwa n’imikino ya nyuma izabera kuri Stade ya Kigali i Nyamirambo ku mugoroba wo ku ya 28 Nyakanya 2022.

    ADEPR rimwe mu matorero afite abakirisitu benshi mu Rwanda, rikomeje guteza imbere umupira w’amaguru mu bato binyuze muri iri rushanwa bategura ku bufatanye na Ambasadors Football International, abahize abandi bagashyirwa muri ‘Academy’ bakanishyurirwa amashuri.

    Irushanwa rya ‘Ambassadors' Football Provincial Tournament’ rikinwa mu ntara zose z’igihugu n’abana batarengeje imyaka 13 mu bahungu n’abakobwa, buri ntara igararirwa n’amakipe yitwaye neza akajya mu mwiherero n’imikino ya nyuma ari nayo gahunda yatangijwe.

    Mu mwiherero w’iminsi itatu, usoza irushanwa abahungu n’abakobwa bigishwa ijambo ry’Imana, bagasenga ndetse bagakina umupira amakipe akuranwamo kugeza habonetse itwara igikombe.

    Abakinnyi bitwara neza kurusha abandi bashyirwa hamwe muri ‘Academy’ iri mu kigo cya Ecole Secondaire Sumba mu karere ka Nyamagabe, ari nacyo cyatsindiye kuzahagararira u Rwanda mu marushanwa ya CAF ahuza abanyeshuri bo mu bihugu by’Africa mu cyiciro cy’abatarengeje imyaka 15.

    Pasiteri Seneza Jean Paul uyobora ibikorwa by’iri rushanwa ku rwego rw’igihugu, yasobanuye ko rigamije kubwiriza ubutumwa bwiza abana binyuze mu mupira w’amaguru ndetse no guteza imbere abafite impano.

    Pasiteri Seneza Jean Paul

    Yasobanuye ko kuva ibikorwa bya ADEPR na Ambassadors byatangira mu Rwanda mu myaka itanu ishize, byagize uruhare mu ivugabutumwa no mu guteza imbere uburere nk’aho abana barenga 100 basubijwe mu ishuri, byiyongera ku guteza imbere abakinnyi n’abatoza ba ruhago bahabwa amahugurwa mu bihe bitandukanye.

    Rev. Ndayisega Isaie, umushumba mukuru w’itorero ADEPR mu Rwanda yasobanuye ko abana bitabira aya marushanwa batozwa gukina umupira, byiyongera ku ndangagaciro za Gikirisitu ndetse n’ijambo ry’Imana.

    Yagize ati ”Izi ngando ziza gusoza urugendo rw’umwaka abakinnyi baba bamaze bahugurwa gukina umupira w’amaguru ku buryo baba abahanga bakanatozwa indangagaciro za gikiristu; Uburere, kwiga neza, gutsinda.. bagatozwa n’ijambo ry’Imana. Nyuma y’izi ngando, ibikorwa bikomereza mu matorero no mu bigo by’amashuri.”

    Iri rushanwa riri kuba ku nshuro ya gatatu, ritanga amahirwe angana ku bana bose haba abakobwa n’abahungu cyangwa abasanzwe basengera muri ADEPR, kimwe n’abadasengera muri iri torero.

    Rev. Ndayizeye Isaie (Iburyo) akina na Jon Ortlip uyobora Ambassadors Football

    Abakinnyi bigishwa ijambo ry’Imana



    Basoma ibitabo



    Abanyezamu batozwa gufata umupira




    Umwe mu batoza 150 bahuguwe

    Abayobozi beretse abana ko nabo bawukinnyeho

    Nizeyimana Olivier uyobora FERWAFA agerageza gucenga Jon Ortlip




    Abayobozi, abatoza n’abakinnyi bahuje ibyishimo

    AMAFOTO: SANGWA Julien

    Source : https://inyarwanda.com/inkuru/119333/hatangijwe-umwiherero-wa-adepr-ambassadors-tournament-mu-birori-byitabiriwe-nabarimo-perez-119333.html

  • Yamaze imyaka 3 asaba gukina muri Papa Sava,… – #rwanda #RwOT

    Amazina yiswe n'ababyeyi ni Dusenge Clenia, gusa benshi bamuzi nka Madederi nk'izina akoresha muri filime y'uruhererekane ya Papa Sava ndetse na Ikirezi nk'izina akoresha muri filime y'uruhererekane ya Indoto ica kuri Televiziyo Rwanda.

    Uyu mukobwa wihebeye umwuga wa Cinema, atuye ku Kicukiro- Gatenga mu Mujyi wa Kigali. Ni umwana wa 3 mu muryango w'Abana 6; abahungu 4 n'abakobwa 2. Yavukiye i Kigali mu Karere ka Gasabo, Umurenge Rusororo. Mu mashuri yisumbuye yize Indimi n'Ubuvanganzo, Kaminuza ari kwiga ibijyanye n'ubukerarugendo (TTM: Travel and Tourism Management).

    'Umwuga wa Cinema nawutangiye mu 2019 mu kwezi kwa 7, ni bwo navuga ko ari bwo nawutangiye kuko mbere nabikoraga ntabiha umwanya kubera akazi nari mfite'. Dusenge Clenia aganira na inyaRwanda.com ku rugendo rwe muri Cinema.

    Yakomeje avuga impamvu nyamukuru yatumye yinjira muri uyu mwuga, ati 'Icyatumye nywinjiramo [umwuga] ni uko nawukundaga kuva nkiri umwana, numvaga mbikunze ariko ntafite inzira nanyuramo ngo mbikore kuko nta muntu twari tuziranye'.

    Clenia ari mu bahiriwe n’uruganda rwa Cinema

    Yahishuye ko yamaze imyaka 3 asaba Niyitegeka Gratien (Papa Sava/Seburikoko) kumushyira muri filime ye ya Papa Sava cyangwa se akamushyira muri Seburikoko, undi akamubwira ko azamubwira nihabonekamo umwanya. Birashoboka ko yabyibagirwaga cyangwa agashidikanya ku mpano ye cyangwa wenda hakaba hari indi mpamvu utapfa kumenya kuko ubanza bitashoboka ko hashira imyaka itatu nta mwanya (Role) mushya uraboneka muri filime!!!.

    Dusenge yahishuriye inyaRwanda.com urugendo yanyuzemo ngo agere aho ageze ubu muri Cinema, ati 'Nyuma ngirirwa umugisha wo kumenyana n'umuntu wakinaga muri Seburikoko witwa Billy wakinaga yitwa Munyaneza yari inshuti yanjye, ampuza na Gratien [Seburikoko], Gratien tumara imyaka 3 tuvugana musaba gukina muri Papa Sava cyangwa Seburikoko ambwira ko nabona harimo umwanya azambwira. Ntegereza imyaka itatu'.

    Kera kabaye Dusenge [Madederi] yaje gukabya inzozi ze atangira gukina muri Papa Sava bigizweho uruhare na nyiri iyi filime Niyitegeka Gratien. Papa Sava iri muri filime zikunzwe cyane mu Rwanda, Madederi yayubatsemo amateka akomeye ndetse magingo aya ni umwe mu bakinnyi b'imena b'iyi filime. Akina muri iyi filime ari umukobwa wihagazeho cyane kandi ugira amahane menshi.

    Madederi yavuze ko byamutwaye imyaka 3 kugira ngo Niyitegeka Gratien amushyire muri Papa Sava

    Kugeza ubu uyu munyarwandakazi amaze gukina muri filme zirenga 5 'ariko izo namenyekanyemo muri zo ni Papa Sava, Indoto, Inzozi na Ejo si kera'. Yavuze ko muri izi zose, akunda cyane Filime yitwa Papa Sava akinamo yitwa Madederi. Ati 'Iyo nkunda cyane ni Papa Sava kuko yanyandikiye izina, muri macye navuga ko yampinduriye ubuzima igatuma ngera ku nzozi zanjye mu ruhando rwa Cinema'.

    Avuga ko abariyemo na filime Ngufi (Short films) amaze gukinamo, zose hamwe zirarenga eshanu (5). Ati 'Zirenga 5 harimo na Short films, hari iyo nakinnyemo y'umugabo witwa Kivu Ruhorahoza ufite izina rikomeye muri Cinema ku rwego rw'isi, izo mu ma festivals, iza Mutiganda wa Nkunda, iya Joel Karekezi afatanije n'uwitwa John Kwezi yitwa 'Umugani'. Short film zo ni nyinshi'.

    Nubwo ari umukinnyi wa filime, nawe ni umufana wazo w’akadasohoka, akaba akunda cyane Filime y'Abanya Philippines yitwa 'Wild Flower'. Ati 'Nakunzemo umukinnyi witwa IVy Aguas na Emilia nakunze ukuntu bakinaga kandi bagakinana ubuhanga'. Gukina muri filime z'abandi byamufunguriye amarembo, bikuza impano ye, bituma nawe agambirira gukora filime ye bwite, gusa ntiyavuze igihe azayisohorera. Ati 'Ndabiteganya gukora filime'.

    Gukina ari umukobwa wo mu cyaro kandi yaravukiye i Kigali akanahakurira!

    Abakinnyi b'abahanga muri sinema baba bifitemo ubushobozi bwo gukina 'Role' zitandukanye yaba izihuye n'ubuzima barimo cyangwa izihabanye nabwo nk'uko bimeze kuri Dusenge Clenia. Muri Filime Indoto, akinamo yitwa Ikirezi umukobwa wahoze akundana n'umusore witwa Muhire umukinnyi w'imena w'iyi filime, ariko bakaza gutandukana. 

    Gutandukana kwabo byagizwemo uruhare n’umugabo ukina ari umukire witwa Gasana wari umukoresha wa Muhire. Uyu Gasana yaje gukunda cyane Ikirezi waje gusura umukozi we Muhire, ahita amubenguka ndetse atangira kumutereta mu ibanga. Muhire yaje kubivumbura ahita akeka ko bashobora kuba banaryamana, afata umwanzuro wo gutandukana na Ikirezi. Ni nyuma y’uko urukundo rwabo rwatangiriye mu cyaro mbere y’uko Muhire ajya kuba i Kigali.

    Avuga ku bijyanye no gukina ari umukobwa wo mu cyaro, kandi ari kavukire wa Kigali, Dusenge Clenia yagize ati 'Yego nkina ndi EX wa Muhire. Gukina ndi umukobwa wo mu cyaro ntabwo byangoye kuko mvuze ko byangoye ubwo n'izindi 'Role' zose nkina zaba zingora kuko zose n'ubundi ntabwo ziba zisa n'uko wowe umeze mu buzima busanzwe. Iyo wamaze gusoma 'Script' ukayumva, uhita umenya uko uri bubikine wiyambitse isura y'uwo mu character bashaka'.

    Yakundanye bikomeye na Muhire,…ni urukundo rwo muri Filime

    Hari igihe abantu bakinana muri Filime ari 'Couple' bikarangira binjiye mu rukundo rwa nyarwo, gusa Ikirezi yavuze ko bitashobora kuri we na Muhire kuko ngo batanganya imyaka. Hano yumvikanisha ko Muhire ari umwana. Si ibyo gusa, ahubwo ngo no mu byiyumviro byabo, ntabwo byashoboka.

    Uyu mukobwa ariko ntiyerura niba yaba ari mu rukundo kuko abica ku ruhando akavuga ko 'ntawamenya', ati '(Hhhhah, ntawumenya icyo iminsi ihaka sinabihakana kandi sinanabyemeza. Gusa kugeza ubu Muhire ntabwo twakundana kuko Muhire ndamuruta. Ikindi ni uko uburyo tubanyemo, tubana nk'abavandimwe kandi mu byiyumviro byacu twumva tutakundana'.

    Byaketswe ko Dusenge yaba akundana na Israel Mbonyi!

    Mu minsi ishize ubwo Israel Mbonyi yari yagize isabukuru y'amavuko, Dusenge Clenia yafashe ifoto bari kumwe, ayishyira ku rukuta rwe rwa Instagram amwifuriza isabukuru y'amavuko anasaba abakunzi be kumubwira indirimbo ze bakunda. Bamwe baketse ko bashobora kuba bakundana. Yabajijwe n’umunyamakuru niba yaba akundana na Israel Mbonyi, adutangariza ukuri kose n'uko bahuye kugira ngo bifotoze.

    Yagize ati: 'Twahuriye mu bukwe bw'umuvandimwe we, aransuhuza ambwira ko akurikirana ibikorwa byacu muri Papa Sava, bihuza n'uko nanjye ndi umufana we cyane. Mukunda nk'umuhanzi mfana kandi ugira ibihangano binyubaka'.

    Madederi aratangaje mu muziki! Ngo akunda indirimbo uyu munsi, ariko ejo akaba yayivuyeho yigiriye ku yindi. Ati 'Njyewe nkunda indirimbo bitewe n'uburyo yandyoheye. Uyu munsi nshobora kuba nkunda indirimbo ya Bruce Melodie, ejo nkakunda iya Kenny Sol, ejo nkakunda iya Nel Ngabo cyangwa Butera. Abahanzi nkunda bo ni benshi, guhitamo 3 gusa byangora'.

    Uko Madederi yinjiye mu bushabitsi n'inama aha urubyiruko ku bijyanye no kwihangira umurimo

    Uretse kuba Cinema imutunze, yanamufunguye ubwonko atangira gutekereza imishinga migari yamufasha we ubwe ndetse na sosiyete nyarwanda. Ubu yatangije kompanyi y'ubwubatsi itanga serivisi zitandukanye nk'uko agiye kubisobanura akanatubwira ayo yakomoye igitekerezo cy'ubu bucuruzi, umuntu yavuga ko ari intambwe nziza ku mwana w'umukobwa.

    Ati 'Yego ninjiye muri Business. Business ni iyanjye ku giti cyane ntawe mpagarariye nta n'uwo dufatanije. Igitekerezo cyaje ubwo nakoraga muri kompanyi y'ubwubatsi yitwa Art Sec, iyo kompanyi natangiye kuyikoramo mu 2013- nyivamo mu 2016'.

    'Mu bikorwa nari mpagarariye ni byo birimo ibyatumye mbikunda mbishyiraho n'umutima wo kugira ngo menye bikorwa bite, bigenda bite? Ndabikunda, [nkahora] nifuza kubikora, niyo mpamvu uyu munsi nafunguye kompanyi kugira ngo izo serivisi nzitange. Ushobora kwibaza uti 'ese ko atari byo wize uzabikora ute utarabyize'?'.

    Dusenge Clenia uri kuminuza mu bukerarugendo, ariko akaba yihangiye akazi mu bijyanye n’ubwubatsi, yahamije ko ubucuruzi yinjiyemo buzamworohera cyane kuko afite umuvandimwe wabiminujemo. Aragira ati: 'Nabikozemo imyaka myinshi kandi mbikurikirana cyane. Mfite musaza wanjye ni byo yize mu mashuri yisumbuye na kaminuza, tuzakorana, ni Engineer asanzwe abikora'

    Arakomeza ati 'Umuntu ashobora gushinga Resitora atazi guteka ariko afite abatetsi beza kandi b'abahanga, Resitora yawe ikaba iya mbere mu ziteka neza muri uwo Mujyi. Serivisi dutanga, tubumba Pave tukanazubaka, Block cement, Bordile, Vase, tukubaka na Kaburimbo'.

    Yabigezeho ate nk'umukobwa ukiri muto?


    Mu gusubiza iki kibazo yagize ati 'Uko nabigezeho nk'urubyiruko: Narabikunze maze kubikunda ngira igitekerezo nkisangiza abandi babikora cyangwa se bafite ubumenyi burenze haba kuri business ndetse no ku bwubatsi muri rusange. Niga umushinga n'uburyo bwo kuwushyira mu bikorwa, ubu uyu munsi umushinga nawutangiye'.

    Avuga ku nyungu uyu mushinga ufite ku muryango mugari, yagize ati: 'Ni umushinga umfitiye akamaro ariko kandi n'abantu bose muri rusange kuko izo serivisi zikenerwa n'abantu. Ikindi ni umushinga uzatanga akazi ku bantu batari bake bikabafasha gukemura ibibazo bimwe na bimwe'.

    Madederi yagiriye inama urubyiruko n’abandi banyuranye bagira ubwoba bwo guhanga akazi, abasaba kwirinda kwitinya, ati 'Inama naha abandi ni uko bareka kwitinya, niba ufite ikintu kirwanira muri wowe ukazirwanirira ntucike intege mpaka ubigezeho, kandi ukagerageza kwegera abantu bakaguha ibitekerezo'.

    Uyu mukobwa avuga ko kuva avutse kugeza uyu munsi 'Nta kintu nicuza kuko mu bintu naba narakoze icyo gihe byamviriyemo amasomo yamfashije kugeza uyu munsi. Kuko icyo nakwita ikosa njye cyamviriyemo isomo kandi rimfasha kudasubira inyuma ndetse no gukora cyane. Ntacyo nicuza'.

    Mu gusoza ikiganiro twagiranye, Madederi cyangwa Ikirezi uko wamwita kose, yadutangarije inzozi afite muri Sinema. Ati: 'Nifuza kugera ku rwego rwo kwifuzwa ahakomeye muri Career yanjye kandi nkaba na Producer ushobora gukora Product ikenewe ku ruhando mpuzamahanga. Ikindi, ibikorwa byanjye bikaba ibikorwa byo guhindura no kubaka sosiyete muri rusange ndetse bikagirira n'igihugu cyanjye akamaro'.

    Clenia afite inzozi zo kuzakora Filime iri ku rwego mpuzamahanga

    Mu 2019 ni bwo yinjiye mu gukina Filime

    Ari kuminuza mu bijyanye n’ubukerarugendo

    Abakurikira ‘Papa Sava’ bazi Madederi nk’umukobwa ugira amahane menshi

    Ku myaka ye ikiri micye yamaze kuba rwiyemezamirimo mu bijyanye n’ubwubatsi

    Ari mu bateye urwenya kuri Ngenzi ati “Ngenzi, umusore wubatse ibitaro mbere y’uko avuka!,..”

    Ngo byamugora kuvuga umuhanzi umwe akunda cyane

    Ni umufana ukomeye w’ikipe ya Liverpool yo mu Bwongereza

    Dusenge yinjiye muri ba rwiyemezamirimo bakiri bato

    Ari mu bakinnyi ba Sinema bambara bakaberwa cyane

    Ikirezi na Muhire bakanyujijeho muri Filime Indoto nk’abakundana

    Ikirezi hamwe n’umukire Gasana bakinana muri Indoto ari nawe watumye atandukana na Muhire

    Dusenge Clenia hamwe na Bamenya kizigenza muri Sinema

    Dusenge hamwe na Manager w’abahanzi banyuranye Bwana Alex Muyoboke

    Source : https://inyarwanda.com/inkuru/119334/yamaze-imyaka-3-asaba-gukina-muri-papa-sava-ibye-na-mbonyi-nurukundo-rwe-na-muhire-wamutey-119334.html

  • Umukinnyi wa firime David Warner wamenyekanye… – #rwanda #RwOT

    Warner yitabye Imana ku cyumweru aguye kuri Denville Hall, inzu yita kubyamamare, azize indwara ya kanseri. Umuryango w’abakinnyi ba firime niwo wemeje aya makuru, mu itangazo batanze rigira riti:

    “Azakumburwa cyane natwe nk’umuryango we n’inshuti ze, kandi azibukwa nk’umuntu w’umutima mwiza, ugira ubuntu n’impuhwe, umufatanyabikorwa, umubyeyi, umufasha, n’umunyamurage w’umurimo udasanzwe yakoze ku buzima bwa benshi mu myaka yashize. Dufite umutima umenetse”.

    David Warner yitabye Imana

    Warner yavukiye i Manchester mu Bwongereza muri Nyakanga 1941, yiga mu ishuri rikomeye ryigisha ibyo gukina ikinamico mu Bwongereza ryitwa Royal Academy of Dramatic Art, maze atangira kwamamara kubera uruhare rukomeye yagize akinana na Vanessa Redgrave muri firime yo mu Bwongereza ya Morgan.  

    Firime yamenyekanyemo harimo nka The Omen yakinnye ari umunyamakuru wiruka inyuma ya satani, mu buryo butazibagirana acibwa umutwe n’ikirahure. Yakinnye nanone muri Tron (1982), Time Bandits (1981), The French Lieutenant’s wife (1983) n’ibiganiro byo kuri tereviziyo birimo Penny Dreadful, Ripper Street Doctor Who na Twin Peaks.

    Muzo aherukamo yari Disney’s 2018 yitwa Mary Poppins Returns, ndetse yagaragaye mu bikorwa byinshi bya Star Trek. Warner asize umugore we Lisa Bowerman, umuhungu we Luke, umukazana we Sarah, n’umugore we wa mbere Harriet.

    Source: The guardian

    Source : https://inyarwanda.com/inkuru/119330/umukinnyi-wa-firime-david-warner-wamenyekanye-muri-titanic-na-the-omen-yitabye-imana-ku-my-119330.html

  • Sinibona mu buzima utarimo – Kagame Vanessa a… – #rwanda #RwOT

    Mu ijoro ryo kuwa 23 rishyira kuwa 24 Nyakanga, nibwo Biramahire wakiniraga AS Kigali yafashe rutemikirere yerekeza mu gihugu cya Oman ku mugabane w’Aziya, aho agiye gukomereza umwuga wo guconga ruhago.

    Kagame Vanessa umaze igihe akundana na Biramahire, yashyize amafoto ku rubuga rwa Twitter bari kumwe n’umwana wabo w’imfura, yifuriza umukunzi we urugendo ruhire.

    Vanessa yagize ati “Urugendo ruhire rukundo rwanjye, sinibona mu buzima utarimo.” Mu gusubiza, Biramahire yagize ati “Urakoze rukundo rwanjye.”

    Ubutumwa bwa Vanessa

    Mu gitondo cyo kuri uyu wa mbere, Biramahire na we yashyize kuri Instagram amafoto amugaragaza ku kibuga cy’indege aherekejwe n’umukunzi we ndetse n’imfura yabo.

    Mu magambo yaherekeje ifoto, Abeddy yanditse agira ati “Urukundo nyarwo rurizana kandi rugakura mu bihe byose. Muri byose mu buzima bwanjye, nzabakumbura.”

    Ubutumwa bwa Abeddy

    Hagati mu mwaka wa 2021, nibwo inkuru y’urukundo rwa Biramahire Abeddy yatangiye kumenyekana ahanini kubera amafoto yashyirwaga ku mbuga nkoranyambaga, nyuma y’igihe cyari gishize Abeddy atandukanye n’umunyamakurukazi, Umutoni Josiane.

    Mu mpera za 2021, Biramahire na Kagame Vanessa bibarutse umwana w’imfura bamwita Biramahire Ayman Janis, ari na we ugaragara hamwe nabo muri aya mafoto.

    Abeddy ateruye Ayman

    Biramahire usatira aca ku mpande yabonye ikipe nshya hanze y’ u Rwanda, nyuma y’imyaka ibiri yari ishize avuye muri Zambia, aho yakiniye Buildcon FC mu mwaka w’imikino wa 2019-2020.

    Uretse AS Kigali na Buildcon FC, Biramahire w’imyaka 23 y’amavuko yanyuze mu makipe ya Bugesera FC, Police FC, Mukura VS&L na CS Sfaxien yo muri Tunisia. Ikipe agiye gukomerezamo muri Oman ntarayitangaza.

    Biramahire Abeddy

    Source : https://inyarwanda.com/inkuru/119323/sinibona-mu-buzima-utarimo-kagame-vanessa-asubizanya-imitoma-na-biramahire-abeddy-wabonye–119323.html

  • Ku mafaranga ibihumbi bitanu gusa ushobora ku… – #rwanda #RwOT

    Impano y'iminsi 15 ubu niyo yiganje muri CANAL+ aho ushobora kureba amashene yose, uhereye ku bakiriya bagura ifatabuguzi ry'ibihumbi 5,000FRW. Ni poromosiyo CANAL+ yashyizeho mu gihe ikomeje ibirori byo kwizihiza isabukuru yayo y'imyaka 30 ikorera ku mugabane w'Africa, ikaba imyaka 12 ikorera ku butaka bw'u Rwanda.

    Mu rwego rwo gufasha abakiriya bayo kunogerwa n'ibyiza bitambuka ku mashene aboneka kuri Dekoderi ya CANAL+, ubu ku ifatabuguzi ryose umukiriya aguze ahita abona iminsi 15 yo kureba amashene yose ya CANAL+. By'umwihariko Canal+ yashyizeho iyi poromosiyo kugira ngo ifashe abakunzi b'umupira muri rusange, cyane cyane abagura ifatabuguzi rya 'Ikaze' kugira amahirwe yo kureba imikino igiye gutangira, ku giciro cyo hasi.

    Iyi poromosiyo yatangiye tariki ya mbere Nyakanga ikaba izarangira tariki 31 Nyakanya 2022. Umukiriya wa CANAL+ wifuza kugura ifatabuguzi, ashobora gukoresha MTN Mobile Money aho akanda *182*3*1*4#, Airtel Money *500*4*3*2*4#, Ecobank Mobile App, cyangwa akanyura ku mucuruzi wemewe cyangwa iduka rya CANAL+ rimwegereye.

    Source : https://inyarwanda.com/inkuru/119336/ku-mafaranga-ibihumbi-bitanu-gusa-ushobora-kureba-imipira-ikomeye-kuri-canal-119336.html

  • Umugabo yateye bashiki be 3 inda avuga ko yifuzaga ko bashyingiranwa – YEGOB #rwanda #RwOT

    Tuba mu isi iteye urujijo ndetse tuba mu isi imaze gushira isoni cyane cyane muri iki gihe tugezemo aho basigaye bavuga ko kiliziya yakuye kirazira.

    Umugabo ukomoka mu gihugu cya Kenya byamenyekanye ko yateye inda bashiki be batatu ahereye ku mfura akurikizaho uwa kabiri aherutsa uwa gatatu bose abatera inda mu gihe kiri hagati y'ukwezi kwa mbere n'ukwa gatatu.

    Uyu mugabo yabajijwe impamvu yateye inda bashiki be bose uko ari batatu avuga ko yifuzaga kuzabarongora akabagira abagore be bose. Bashiki b'uyu mugabo batewe inda bose babanye neza nta makimbirane hagati yabo ndetse bose barakundana.

    Source : https://yegob.rw/umugabo-yateye-bashiki-be-3-inda-avuga-ko-yifuzaga-ko-bashyingiranwa/

  • Umunyarwandakazi akomeje gutwika imbuga nkoranyambaga kubera imiririmbire ye itangaje – YEGOB #rwanda #RwOT

    Umunyarwandakazi Nyiransengiyumva Valentine akomeje kuvugisha benshi ku mbuga nkoranyambaga binyuze mu buryo aririmbamo n'imvugo ze ziba ziganjemo cyane gutebya.

    Mu minsi mike ishize nibwo uyu mukobwa uvuka mu Murenge wa Kirimbi mu Karere ka Nyamasheke yatangiye kugaragara mu biganiro bitandukanye, cyane cyane kuri YouTube.Uyu mukobwa akomeje kurwaza benshi imbavu nyuma y'indirimbo akomeje kugenda agaragara araririmba.Zirimo iyo aba aririmba ati 'uhu huh uh hu huh uhuh… Dore imbogo, dore Imvubu, dore Impala…'

    Byatumye abantu benshi bagenda bakata uduce tw'indirimbo ze, bakadusakaza ku mbuga nkoranyambaga.

    Me when i see my ex and her friends: pic.twitter.com/4DPrqX15w7

    — Sheikh Yo Booty (@_Lxndo_) July 24, 2022

    Amashusho yageze hanze 😂😂😂😂😂 pic.twitter.com/NnMpMZWrJI

    — MOTARI W’I KABUGA⛔ (@Motari__) July 24, 2022

    Source : https://yegob.rw/umunyarwandakazi-akomeje-gutwika-imbuga-nkoranyambaga-kubera-imiririmbire-ye-itangaje/

  • Gira Iwawe: Uburyo bwafasha abafite amikoro aciriritse gutunga inzu #Rwanda #RwOT via @kigalitoday #rwanda #RwOT

    Gira Iwawe, ni ubukangurambaga bwatangijwe buje gushyigikira ubwakozwe mbere, bukaba bugamije guhamagarira abantu bafite amikoro make n’abafite aciriritse (…)

    Source : https://www.kigalitoday.com/amakuru/amakuru-mu-rwanda/article/gira-iwawe-uburyo-bwafasha-abafite-amikoro-aciriritse-gutunga-inzu

  • RDC: Leta yasezeranyije guhana abigaragambya bangije bakanasahura ibiro bya MONUSCO #rwanda #RwOT

    Abantu benshi babonetse mu myigaragambyo mu mujyi wa Goma bamagana ingabo za ONU ziri muri DR Congo abandi banaboneka bangiza kandi basahura ibiro byayo.

    Iyi myigaragambyo yavuzweho mu mpera z'icyumweru bituma ku cyumweru umukuru w'umujyi wa Goma asohora itangazo ribuza kwigaragambya none kuwa mbere, batabyemerewe.

    Abigaragambya barasaba ingabo za MONUSCO kuva mu gihugu cyabo bazishinja kunanirwa kubungabunga amahoro, ibiri mu nshingano zihafite.

    Eliezer Makambo, umwe mu batuye umujyi wa Goma, yabwiye BBC ko amasoko na za 'boutiques' muri uyu mujyi byafunze birinda ko abigaragambya baza gusahura.

    Patrick Muyaya, umuvugizi wa leta ya DR Congo, yatangaje ko leta irimo gukurikirana bya hafi ibiri kubera i Goma, ko 'yamagana ikomeje ibitero byose ku bakozi n'inyubako za ONU'.

    Mu butumwa yanditse kuri Twitter yavuze ko ababikoze 'bazakurikiranwa bahanwe bikomeye.'

    Amashusho menshi ku mbuga nkoranyambaga arerekana imihanda imwe yafunzwe n'abigaragambya bakoresheje amabuye ava ku birunga azwi nk'amakoro.

    Andi arerekana abantu barimo gusahura ibikoresho bimwe mu biro bya MONUSCO i Goma mu gace ka Katindo.

    Mu butumwa bwanditse, Makambo yabwiye BBC ko abashinzwe umutekano barashe amasasu kugira ngo batatanye abigaragambya n'abarimo gusahura.

    Ntiharamenyakane neza abateguye iyi myigaragambyo, hakekwa urubyiruko rw'ishyaka UDPS riri ku butegetsi ishami ry'i Goma.

    Abigaragambya kandi uyu munsi babikoreye no ku biro bya MONUSCO biri ahitwa Nyamilima muri teritwari ya Rutshuru, nk'uko bamwe babigaragaje ku mbuga nkoranyambaga.

    MONUSCO ni wo mutwe w'ingabo wa UN munini kugeza ubu ku isi, umaze imyaka irenga 20 mu burasirazuba bwa DR Congo.

    Ufite mu nshingano kubungabunga amahoro, gufasha ingabo za leta kurwanya imitwe yitwaje intwaro, no kurinda abaturage bari mu kaga ko kwibasirwa n'inyeshyamba.

    Mu ntara za Ituri na Kivu zombi mu burasirazuba bwa DR Congo habarurwa imitwe y'inyeshyamba irenga 100 yigabiza ibya rubanda, ikica, igasahura, cyangwa igasoresha abaturage.

    Umutwe uri kugarukwaho cyane muri iki gihe ni M23 uvuga ko uharanira ko abanyecongo bavuga Ikinyarwanda bagira uburenganzira muri icyo gihugu.

    M23 yafashe umujyi wa Bunagana uri ku mupaka wa Uganda na DR Congo n'ibindi bice bya teritwari twa Rutshuru ihana imbibi n'iya Nyiragongo irimo umujyi wa Goma.

    BBC

    Source : https://umuryango.rw/amakuru/mu-mahanga/umutekano/article/rdc-leta-yasezeranyije-guhana-abigaragambya-bangije-bakanasahura-ibiro-bya

  • Ntasanzwe: Umusifuzi Karekezi Dylan w’imyaka 11 y’amavuko #Rwanda #RwOT via @kigalitoday #rwanda #RwOT

    Karekezi Dylan watangiye gusifura afite imyaka umunani y’amavuko ni umwe mu basifuzi basifuye imikino y’amashuri yasorejwe mu Karere ka Rubavu mu mpera (…)

    Source : https://www.kigalitoday.com/imikino-11/football/article/ntasanzwe-umusifuzi-karekezi-dylan-w-imyaka-11-y-amavuko