Author: webrwanda

  • Goma:Imyigaragambyo yo kwamagana MONUSCO irakomeje #rwanda #RwOT

    Kuwa kabiri haramutse ibikorwa byo gusahura inyubako za MONUSCO mu mujyi wa Goma nyuma y'imyigaragambyo yo kuwa mbere nayo yabayemo ubusahuzi no gutwika.

    MONUSCO yamaganye ibitero ku nyubako zayo i Goma ivuga ko amahoro atazabonekera 'mu mvururu'. 

    Imyigaragambyo ikomeye yageze mu ijoro ryo kuwa mbere yabayemo gusahura no gutwika zimwe mu nyubako za MONUSCO i Goma. 

    Mu gitondo kuri uyu wa kabiri abaturage bigabije kimwe mu bigo bya MONUSCO i Goma basahura ibikoresho byacyo, nk'uko ibinyamakuru byaho bibivuga.

    Amakuru avuga ko kuwa mbere hari abasivile barashwe bagakomereka ndetse ko hari n'abapfuye mu gihe abapolisi ba MONUSCO bageragezaga guhagarika abateye inyubako zayo. 

    Iyi myigaragambyo biragaragara ko ikomeye cyane

    Kuwa kabiri, Khady Lo Ndeye umuvugizi wa MONUSCO yabwiye BBC ko batari mu gihe cyiza cyo kugira icyo bavuga kuri ibi.

    Inzego zibishinzwe ntiziremeza ayo makuru, gusa amwe mu mashusho agaragaza umuntu abigaragambya bavuga ko yapfuye arashwe n'aba MONUSCO.  

    Hari ubwoba ko iyi myigaragambyo n'ubusahuzi bishobora gukomera kuri uyu wa kabiri.

    Abigaragambya bavuga ko bashaka ko izi ngabo za ONU ziva mu gihugu cyabo, ariko barimo kurangwa n'ibikorwa byo gusahura.

    Itangazo rya MONUSCO ryo mu ijoro ryo kuwa mbere rivuga ko 'yamagana ishimitse', abo yise 'itsinda ry'abasahuzi bikinze mu myigaragambyo' yari yabujijwe n'umukuru wa Goma.  

    Andi mashusho yashyizwe ku mbuga nkoranyambaga yerekana uwigaragambya abaza umupolisi wa MONUSCO igihe bazasubirira iwabo. 

    N'abasirikare ba leta ya RDC (FARDC) bagaragaye mu bikorwa by'ubusahuzi

    Uyu amusubiza ko ari 'vuba', undi akamubwira ko barambiwe kuko bahora bababwira gutyo.

    Mu itangazo ryayo, MONUSCO yibutsa ko ifatanya na leta kurwanya imitwe yitwaje intwaro, gusubizaho ubutegetsi, no kurinda abasivile. 

    Abigaragambya bo banenga MONUSCO kuba mu myaka irenga 20 imaze mu burasirazuba bwa DR Congo nta musaruro itanga kuko aka gace gakomeje kuba isibaniro. 

    Khassim Diagne, umukuru wa MONUSCO w'inzibacyuho, mu itangazo ryamagana ibyabaye ejo kuwa mbere yagize ati:

    'Mu mvururu no mu rujijo cyangwa gucanamo ntabwo ariho tuzagera ku gahenge n'amahoro.'  

    The post Goma:Imyigaragambyo yo kwamagana MONUSCO irakomeje appeared first on FLASH RADIO&TV.

    Source : https://flash.rw/2022/07/26/gomaimyigaragambyo-yo-kwamagana-monusco-irakomeje/?utm_source=rss&utm_medium=rss&utm_campaign=gomaimyigaragambyo-yo-kwamagana-monusco-irakomeje

  • U Rwanda rwongeye gushyigikira Mushikiwabo gushaka manda ya kabiri muri OIF #rwanda #RwOT

    Umunyamabanga Mukuru w'Umuryango w'Ibihugu bikoresha Igifaransa (Francophonie), Louise Mushikiwabo, yemeje ko ari umukandida muri manda ya kabiri, aho ahatanira kuyobora uyu muryango mu yindi myaka ine iri imbere.

    Mushikiwabo yatorewe iyi mirimo mu nama ya 17 y'abakuru b'ibihugu na Guverinoma bagize Francophonie yabereye i Erevan muri Arménie, mu Ukwakira 2018. Yatangiye imirimo muri Mutarama 2019.

    Aganira na TV 5 Monde, Mushikiwabo yavuze ko yiteguye gukomeza imirimo kandi ubushake bwe yabugejeje no ku bihugu binyamuryago bya Francophonie.

    Yagize ati 'Igihugu cyanjye cyatanze kandidatire yanjye. Ndi umukandida mu gushaka umusimbura wanjye.'

    Inama ya 18 y'abakuru b'ibihugu na za Guverinoma itaha ari na yo iberamo amatora y'Umunyamabanga Mukuru wa OIF, izabera i Djerba muri Tunisie ku wa 19-20 Ugushyingo 2022.

    Ubwo gutanga abakandida byatangiraga, Ubwami bwa Maroc bwatanze Mushikiwabo nk'umukandida rukumbi ukwiriye kuyobora OIF muri manda nshya bunasaba ko ashyigikirwa.

    Bwavuze ko bwifuza gushyigikira Mushikiwabo kugira ngo abashe gushyira mu bikorwa amavugurura yatangiye mu mikorere y'uyu muryango.

    Ikindi kandi ni uko bubona Mushikiwabo nk'umukandida rukumbi kuri uyu mwanya, bugasaba ko yazatorwa mu nama itaha y'Abakuru b'Ibihugu.

    Uyu muryango ugizwe n'ibihugu 88 harimo 54 bibarwa nk'ibinyamuryango mu buryo bwuzuye na 27 by'indorerezi.

    The post U Rwanda rwongeye gushyigikira Mushikiwabo gushaka manda ya kabiri muri OIF appeared first on FLASH RADIO&TV.

    Source : https://flash.rw/2022/07/26/u-rwanda-rwongeye-gushyigikira-mushikiwabo-gushaka-manda-ya-kabiri-muri-oif/?utm_source=rss&utm_medium=rss&utm_campaign=u-rwanda-rwongeye-gushyigikira-mushikiwabo-gushaka-manda-ya-kabiri-muri-oif

  • Ibyabaye ku mukobwa wacitse amaguru ku munsi w’ubukwe bwe birababaje (AMAFOTO) – YEGOB #rwanda #RwOT

    Umukobwa bivugwa ko ari uwo muri Kenya witeguraga ubukwe yakoze impanuka yitegura ubukwe birangira abenzwe n'uwari ugiye kumubera umugabo.

    Ubwo yakoraga impanuka agacika amaguru,icyogihe yari afite umukunzi ndetse biteguraga gukora ubukwe habura amezi 2, uwo musore amaze kubona ibibaye kuri uyu mukobwa yahise amwanga ndetse mugihe kitagera ku mezi 6 uwo musore yari amaze gukora ubukwe n'undi mukobwa.

    Icyo gihe uyu mukobwa ubwo yari kwamuganga yasabye Imana ko byibuze nakira nubwo atabona umugabo wemera ko babana kuko yari amaze kugira ubusembwa, ngo akeneye kubyara umwana, kuri ubu afite umwana w'umuhungu wizihiza isabukuru y'amavuko n'umugabo umukunda cyane naho wa musore wamwanze kuko yakoze impanuka, yamaze gutandukana na wa mugore kuko babuze urubyaro ashakana nuwa kabiri nawe barananiranwa kubera ubusinzi bukabije.

    Uyu mugore arashaka ko mumufasha kwifuriza isabukuru nziza uyu mwana we avugako akunda cyane kurusha ibibaho byose.

    Source : https://yegob.rw/ibyabaye-ku-mukobwa-wacitse-amaguru-ku-munsi-wubukwe-bwe-birababaje-amafoto/

  • Police FC yasinyishije abakinnyi 3 bashya barimo Migi, inongerera amasezerano Rutanga Eric na Patrick Sibomana, abarimo Tuyisenge Jeacques barategerejwe #rwanda #RwOT

    Ku mugoroba wo kuri uyu wa mbere tariki ya 25 Nyakanga ikipe ya Police FC yaraye igiranye amasezerano n'abakinnyi batatu bashya aribo Mugiraneza Jean Babptiste uzwi nka Migi, Rurwangwa Mossi ndetse na Hakizimana Amani.


    Mu bandi bakinnyi biyongereye muri iyi kipe harimo abari bayisanzwemo bongerewe amasezerano aribo myugariro Rutanga Eric ndetse na rutahizamu Sibomana Patrick uzwi nka Papy aba bombi bakaba bahawe amasezerano y'imyaka ibiri iri imbere.


    Amakuru RUSHYASHYA yamenye ni uko nyuma yaho iyi kipe ishobora kutazakomezanya na Twizerimana Martin Fabrice bahisemo kumusimbuza Migi wari umaze iminsi bitangajwe ko atazakomezanya n'ikipe ya Kinondoni Municipal Cancel (KMC) yo muri Tanzania.

    Uyu mukinnyi ugiye gukina mu ikipe ya 6 mu Rwanda yahawe amasezerano y'umwaka umwe atozwa na Mashami Vincent nawe wahawe amasezerano muri iyi kipe mu minsi ishize, Migi agiye gukinira iyi kipe ya Police FC nyuma yo guca muri La Jeunesse, Kiyovu Sport Club, APR FC, Azam FC , Gor Mahia na KMC FC.


    Kuri myugariro Rurangwa Mossi wari uherutse gusoza amasezerano muri AS Kigali we yahawe amasezerano y'imyaka ibiri iri imbere, kuri uyu myugariro wari umaze iminsi muri Kenya yahise agaruka mu Rwanda.


    Undi mukinnyi wahawe amasezerano ni Hakizimana Amani wari umaze iminsi itandatu atangajwe nk'umukinnyi mushya mu ikipe ya Musanze FC byarangiye yerekeje muri Police FC nyuma yaho yerekanye ibyangombwa by'uko ntakipe n'imwe afitiye amasezerano, uyu nawe yahawe amasezerano y'imyaka ibiri.


    Mu bandi bakinnyi ikipe ya Police FC yifuza, harimo umunyezamu Mvuyekure Emery kugeza ubu udafite ikipe kuko nyuma yaho atandukaniye na Tusker FC yo muri Kenya ntahandi yabonye amasezerano, uyu ariyongeraho Tuyisenge Jeacques watandukanye na APR FC.

    The post Police FC yasinyishije abakinnyi 3 bashya barimo Migi, inongerera amasezerano Rutanga Eric na Patrick Sibomana, abarimo Tuyisenge Jeacques barategerejwe appeared first on RUSHYASHYA.

    Source : https://rushyashya.net/police-fc-yasinyishije-abakinnyi-3-bashya-barimo-migi-inongerera-amasezerano-rutanga-eric-na-patrick-sibomana-abarimo-tuyisenge-jeacques-barategerejwe/?utm_source=rss&utm_medium=rss&utm_campaign=police-fc-yasinyishije-abakinnyi-3-bashya-barimo-migi-inongerera-amasezerano-rutanga-eric-na-patrick-sibomana-abarimo-tuyisenge-jeacques-barategerejwe

  • Nyuma yo gutandukana na KMC Migi yabonye ikipe nshya, Police FC na yo yazanye imbaraga ku isoko #rwanda #RwOT

    Nyuma y’iminsi icecetse itavugwa ku isoko ry’abakinnyi mu Rwanda, Police FC yagezeho aho yahise isinyisha 3 ndetse igira na bo yongerera amasezerano.

    Police FC iheruka gushyiraho ubuyobozi bushya ndetse n’umutoza mukuru Mashami Vincent, amakuru avuga ko urugendo rwo kwiyubaka yitegura shampiyona ya 2022-23 yarutangiye isinyisha Mugiraneza Jean Baptiste Migi.

    Uyu mukinnyi ukina mu kibuga hagati uheruka gutandukana na KMC FC yo muri Tanzania akaba yerekeje muri iyi kipe y’abshinzwe umutekano mu gihugu.

    Si uyu gusa kuko nyuma yo gutakaza Usengimana Faustin werekeje muri Iraq, bikaba binavugwa ko izerekura Moussa Omar, Police FC yamaze gusinyisha abakinnyi babiri bo mu mutima w’ubwugarizi ari bo Hakizimana Amani wari watangajwe n’ikipe ya Musanze FC ko yamaze kuyerekezamo ndetse na Rurangwa Mosi wakiniraga AS Kigali, buri umwe yasinye imyaka 2.

    Police FC kandi yanamaze kongerera amasezerano y’imyaka 2, Rutanga Eric ukina ku ruhande rw’ibumoso yugarira na Sibomana Patrick Papy usatira anyuze ku mpande.

    Migi yerekeje muri Police FC

    Rurangwa Mosi yasinye imyaka 2 muri Police FC

    Hakizimana Amani wakiniraga Bugesera FC yari yerekanywe na Musanze FC, gusa yaje kuyutera umugongo asinyira Police FC

    Sibomana Patrick yongereye amasezerano y’imyaka 2 muri Police FC

    Rutanga Eric na we yongereye amasezerano y’imyaka 2 muri Police FC

    Source : http://isimbi.rw/siporo/article/nyuma-yo-gutandukana-na-kmc-migi-yabonye-ikipe-nshya-police-fc-na-yo-yazanye-imbaraga-ku-isoko

  • Rubavu: Umugabo arakekwaho kwica umugore bapfa ibihumbi 12 Frw – #rwanda #RwOT

    Inkuru y'urupfu rw'uyu mugore yamenyekanye ubwo ubwo abaturanyi be babonaga yatinze kubyuka bamukomangira ntakingure, bakwinjira bagasanga yapfuye bagakeka umugabo babanaga.

    Impamvu uyu mugabo akekwa ni uko aba bombi bari bagiranye amakimbirane mu ijoro ryari ryabanjirije umunsi nyakwigendera yitabye Imana, aho bivugwa ko bapfaga amafaranga ibihumbi 12 Frw uyu mugore yari abikiye uyu mugabo.

    Muri ayo makimbirane, ngo uyu mugabo yaje guhiga ko namufata 'aza kumukata ijosi,' byongeye kandi akaba yahise abura nyuma y'uko urupfu rw'uyu mugore rumenyekanye.

    Umunyamabanga Nshingwabikorwa w'Umurenge wa Bugeshi wo mu Karere ka Rubavu, ari nawo byabereyemo, Rwibasira Jean Bosco, yemeje aya makuru, avuga ko ukekwa akirimo gushakishwa.

    Ati 'Abaturage babonye atarakingura bajya kumukomangira basanga yapfuye, natwe twahise tumenyesha izindi nzego ku buryo kuri ubu RIB irimo gukora iperereza kugira ngo ibashe gutanga amakuru y'impamo kuri uru rupfu.'

    Rwibasira akomeza asaba abaturage kurushaho kubana mu bwumvikane nta makimbirane, kuko urugo yagezemo nta terambere riharangwa.

    Umurambo wa Nyakwigendera wajyanywe ku bitaro bya Gisenyi kugira ngo ubanze ukorerwe isuzumwa mbere y'uko ushyingurwa, mu gihe ukekwaho kwica nyakwigendera yatorotse akaba akirimo gushakishwa.

    Abaturage bakomanze ku rugo rw’umugore basanga yapfuye nyuma y’uko umugabo babanaga ahigiye kumwica bapfa ibihumbi 12 Frw


    Source : http://igihe.com/amakuru/u-rwanda/article/rubavu-umugabo-arakekwaho-kwica-umugore-bapfa-ibihumbi-12-frw

  • Table Tennis: Uganda yihariye ibikombe, Mbaba… – #rwanda #RwOT

    Iyi mikino yatangiye kuwa Gatandatu tariki 23 Nyakanga igasozwa ku Cyumweru, yitabiriwe n’abakinnyi basaga 170 baturutse mu bihugu 4 aribyo; u Rwanda, u Burundi, Uganda ndetse na Kenya.

    Aba bakinnyi bari bagabanije mu byiciro bitandukanye, ahari; abagabo n’abagore bakuze, abatarengeje imyaka 18 mu bahungu n’abakobwa, abahoze bakina (Veterans), abafite ubumuga (Para-Table Tennis) ndetse n’abana batarengeje imyaka 12.

    Abanya-Uganda bihariye ibikombe n’imidari ya zahabu, aho bayegukanye mu bindi byiciro byose uretse mu cyiciro cy’abafite ubumuga gusa, aho igikombe cyegukanywe n’umunyarwandakazi mu cyiciro cy’abagore naho mu bagabo hagatsinda Badru wavuye i Burundi.

    Mu cyiciro cy’abahungu batarengeje imyaka 18, igikombe cyegukanywe na Napooki Philippe ahigitse ku mukino wa nyuma Musyoki Boniface bombi bakomoka muri Uganda, mu gihe umwanya wa gatatu wafashwe na Asifiwe Patience.

    Mu bakobwa batarengeje imyaka 18, igikombe cyegukanywe na Shanita wo muri Uganda atsindiye Kelia ku mukino wa nyuma, mu gihe umwanya wa gatatu wegukanywe na Uwikunda Rosine.

    Abana bato bahawe umwanya

    Mu byiciro by’abafite ubumuga, ibikombe byegukanwe na Josiane mu bagore na Badru mu cyiciro cy’abagabo, naho mu cyiciro cy’abahoze bakina (Veterans) ho igikombe cyegukanwa na Ssentongo Ivan wo muri Uganda.

    Mu cyiciro cy’abagore bakuze, Amina wo muri Uganda yegukanye igikombe atsinze ku mukino wa nyuma umunyarwandakazi, Tumukunde Hervine waherukaga kwegukana igikombe cy’imikino yo Kwibuka Jenoside yakorewe abatutsi mu 1994, nayo yakiniwe muri STECOL muri Kamena.

    Tumukunde Hervine waniteguraga ikizamini cya Leta gisoza amashuri yisumbuye, yavuze ko kudatwara ibikombe ku banyarwanda byatewe n’uko batagize imyiteguro ikarishye ugereranije n’abanya-Uganda begukanye ibikombe hafi ya byose.

    Tumukunde Hervine

    Mu cyiciro cy’abagabo, igikombe cyegukanywe n’umugande Mbabazi Samuel worohewe no gutsinda Amaseti 4-1, ku mukino wa nyuma yahuyemo na Masengesho Patrick waherukaga kwegukana igikombe cy’imikino yo Kwibuka Jenoside yakorewe abatutsi mu 1994.

    Aganira n’abanyamakuru, Mbabazi Samuel watunguye benshi mu bitabiriye imikino yagize ati “Nshimishijwe cyane no gutsinda uyu munsi, kuko ntabwo nabiteganyaga ariko byabaye kubera Imana.”

    Yashimiye Ishyirahamwe rya Tennis ikinirwa ku meza mu Rwanda kubera ko irushanwa ryari riteguye, kandi abanyamahanga bahawe umwanya bakakirirwa neza bigatuma bakina nk’abari iwabo.

    Avuga ku mpamvu yahisemo gukina mu cyiciro cy’abakuze kandi afite imyaka 14 gusa, Mbabazi yagize ati “Nashakaga kongera ubunararibonye, nkunda gukina mu byiciro byose ariko cyane cyane mu bakuze kuko niho niga biruseho.”

    Mbabazi Sam yambikwa umudari

    Mu byiciro by’abakuze, uwegukanye igikombe yahembwe 100.000 FRW, uwa kabiri ahembwa 80.000 naho mu byiciro by’abatarengeje imyaka 18, abahoze bakina (Veterans) n’abafite ubumuga, ho uwa mbere yahawe 80.000FRW uwa kabiri ahabwa 60.000FRW mu gihe mu batarengeje imyaka 12, uwa mbere yahembwe 40.000FRW, uwa kabiri agahembwa 30.000FRW.

    Birungi Johnson uyobora Ishyirahamwe rya Table Tennis mu Rwanda, yabwiye itangazamakuru ko iri rushanwa ryagenze neza mu gihe ari ubwa mbere hari hatumiwe abakinnyi bo hanze y’ u Rwanda ndetse bishimira ko uyu mukino ukomeje kuzamura urwego.

    Bwana Birungi yavuze ko RTTF yishimiye ko abanyarwanda babashije kwegukana imidari y’ifeza myinshi, aho ari ikimenyetso cy’uko abanyarwanda bakomeje kuzamura urwego rubabashisha guhangana n’abakinnyi bo hanze.

    Birungi Johnson yakozeho imyitozo

    Iri rushanwa ryakinwaga ku nshuro ya gatatu, ryatwaye asaga Miliyoni 10 z’amafaranga y’ u Rwanda, aho ryateguwe n’ishyirahamwe ry’umukino wa Table Tennis mu Rwanda (RTTF) rigaterwa inkunga na Ambasade y’Abashinwa, nk’uko n’ubundi byakozwe ku nshuro ebyiri zabanje muri 2018 na 2019.

    Mu myaka ibiri iheruka, ya 2020 na 2021, irushanwa rya Chinese Ambassadors Cuo ntabwo ryakinwaga, ahanini bitewe n’uko icyorezo cya COVID-19 cyatumaga imikino imwe n’imwe ya Siporo zitandukanye itabaho.

    Masengesho Patrick watsindiwe kuri Final

    Umutoza, Muyango ashima Imana kubw’intsinzi y’umukinnyi we

    Abatsinze mu bagabo bakuze

    Birungi uyobora RTTF yahawe impano y’ishimwe Ambasaderi w’ u Bushinwa mu Rwanda

    Source : https://inyarwanda.com/inkuru/119340/table-tennis-uganda-yihariye-ibikombe-mbabazi-sam-wimyaka-14-yegukana-chinese-ambassadors–119340.html

  • Umunyeshuri wo mu yisumbuye yasoje amashuri ashagawe nk’umwamikazi(Video) – YEGOB #rwanda #RwOT

    Umunyeshuri wo muri Afurika y'Epfo wiga mu mashuri yisumbuye yasoje amashuri ashagawe cyane nkumwamikazi.

    Uyu mukobwa yaje mu birori byo gusoza amashuri arinzwe bidasanzwe aho yari aherekejwe na convoy yimodoka zihenze, bityo bitera umuvurungano.

    Video yashyizwe kuri TikTok yerekana igihe imodoka za convoy zageze mu birori, maze abanyeshuri bavuza induru kubera uyu mukobwa.Abarinzi be bamufunguriraga imodoka ari nako abafata amashusho barushanwa nk'aho ari umuyobozi ukomeye.Uyu munyeshuri kandi yari aherekejwe nababyeyi be.

     

    Source : https://yegob.rw/umunyeshuri-wo-mu-yisumbuye-yasoje-amashuri-ashagawe-nkumwamikazivideo/