Author: webrwanda

  • Abayobozi babi, uko yahuye na Perezida Kagame n'inama agira abato: Ikiganiro na Nyiramandwa urengeje imyaka 100 – #rwanda #RwOT

    Yamenyekanye cyane ubwo amafoto ye yajyaga hanze kuva mu 2010 na nyuma yaho aramukanya na Perezida Kagame ubundi agacishamo akamwongorera.

    Uyu mukecuru warokotse Jenoside yakorewe Abatutsi, kuri ubu atuye mu Kagari ka Ngiryi mu Murenge wa Gasaka aho abana n'umukobwa we Mukaruziga Annonciata na we ugeze mu zabukuru kuko afite imyaka 78 y'amavuko hamwe n'abakozi bamufasha imirimo yo mu rugo bakita no ku nka ze.

    Umunyamakuru wa IGIHE yamusuye mu rugo aho atuye baganira byinshi ku mibereho ye nk'umuntu w'inararibonye. Avuga ko atibuka neza itariki ye y'amavuko ariko ko hari ku ngoma y'Umwami Yuhi V Musinga watwaye u Rwanda kuva mu 1896 kugeza mu 1931.

    Yagize ati 'Icyo gihe [mvuka] hariho Musinga wa Rwabugiri. Rudahigwa yimye ndi umukobwa maze gusabwa.'

    Avuga ubwo mu Rwanda hateraga inzara ya Rumanurimbaba (izwi ku izina rya Rumanura) hagati y'imyaka ya 1916 na 1918, nyina yitabye Imana bituma ajya kurerwa na Nyirasenge ari na we wamwise izina rya 'Nyiramandwa'.

    Aseka yagize ati 'Niba icyo gihe Imandwa zabo zitarapfaga simbizi, anyita iryo zina anderana na babyara banjye turakurana, ndahasabirwa. Data yapfuye ncukije uriya [umwana we wa gatatu w'umukobwa babana mu rugo].'

    Nyiramandwa yavukiye mu Karere ka Nyaruguru ashakira umugabo mu Murenge wa Gasaka mu Karere ka Nyamagabe.

    Yakomoje ku butegetsi bubi na Jenoside yakorewe Abatutsi

    Nyiramandwa yavuze ko mu Rwanda habayeho ubutegetsi bubi bwicaga abaturage kuko mu myaka ya 1960 na nyuma yaho umuryango we wibasiwe bamwe mu bawugize baricwa.

    Ati 'Mu 1960 hicwa umugabo wacu n'abana be, abo baragenda ndasigara n'umugabo wanjye n'abana.'

    Nyuma mu 1963 Nyirasenge na we yarishwe yicanwa n'abana be bose.
    Yavuze ko mu 1994 muri Jenoside yakorewe Abatutsi ari bwo umugabo we yishwe, hicwa n'abana be batatu, we n'umukobwa we witwa Mukaruziga Annociata bararokoka.

    Nyiramandwa Rachel n’umukobwa we Mukaruziga Annonciata

    Gusa muri Jenoside Interahamwe zaramukubise zimukira n'amenyo naho umukobwa we Mukaruziga zimukubita ikibando mu mugongo ku buryo kuri ubu yamugaye.

    Nyuma yo kurokoka Jenoside yabayeho mu buzima bugoye kuko yabanje kuba ku mukobwa we [Mukaruziga] washakiye umugabo mu Murenge wa Cyanika bigeze aho aza gutuzwa ku mudugudu mu Murenge wa Gasaka.

    Yagiye ahabwa inkunga kimwe n'abandi barokotse Jenoside ariko agakunda kurwara kubera kubura amata yo kunywa.

    Mu 2010 yahuye na Perezida Kagame

    Nyiramandwa yavuze ko yahuye na Perezida Kagame bwa mbere mu 2010 ubwo yari yujuje imyaka 100 bararamukanya, yongera guhura na we mu 2017 naho ubwa gatatu bahura mu 2019. Icyo gihe Umukuru w'Igihugu yabaga yasuye abaturage mu Karere ka Nyamagabe.

    Yabwiye IGIHE ko ashimira Perezida Kagame wamwubakiye inzu nziza yo kubamo amuha n'inka zimukamirwa, avuga ko ari we akesha imibereho myiza.

    Ati 'Aho dusigariye twebwe abacitse ku icumu, Intore izirusha Intambwe yaradutambukije aduheka mu mugongo n'ubu aracyaduhetse. Aduha amahoro akajya atwibutsa abacu, aduha imfashanyo n'ubu aracyaziduha, imfashanyo ndayibona none reba aho yanyubakiye. Iyo atampa amata simba ndiho, iyo atanyicaza aheza simba ndiho.'

    Yavuze ko iyo abantu baje kumusura mu rugo yumva anezerewe ariko byose biterwa n'uko afite amahoro n'umutekano bituruka ku miyoborere myiza iri mu Rwanda.

    Nubwo ageze mu zabukuru yemeza ko ajya yumva radiyo agakurikira ijambo rya Perezida Kagame n'impanuro atanga.

    Ati 'Iyo atubwira ati 'mube umwe', iyo atubwira ati 'uhinga mukwe ntasigana' aratwereka ko na we nyine avunika akorera u Rwanda kandi nitwe akorera kandi twumva bitunejeje.'

    Mu rwego rwo kwitura ineza yagiriwe, avuga ko na we amaze kugabira inka abantu babiri.

    Asobanura ko yatangiye kubaho neza ku butegetsi bwa Perezida Kagame.

    Ati 'Natangiye kubaho neza aho Kagame agabaniye aje adutabara. Nibwo yaduhaye umuganda wo kubaka u Rwanda. Niho natangiriye kubaho neza; niho twagiriye umutima mwiza turaryama turasinzira, tukabyuka tukicara neza tukota izuba tudafite ubwoba, tukugama imvura tudafite ubwoba ngo baraza kutwica. Niho nagiriye amahoro nibwo amahoro yanjye yaje.'

    Inka yagabiwe na Perezida Kagame ziri iwe mu rugo

    Inka yahawe zigirira akamaro n'abaturanyi

    Nyiramandwa yavuze ko usibye kuba yaratangiye koroza inka abandi, abana b'abaturanyi na bo baza akabaha amata kandi yabagiriye akamaro.

    Ati 'Ubwo amata sinayanyoye njyenyine, amata yareze abana ba rubanda icyo gihe mbona abantu naravugaga ngo sinzongera kubona abantu tuvugana ariko ubu ndababona. Urwaye akaza akabimbwira nkamuha amata kandi n'ubu ngubu ntawe ndacura amata.'

    Inka yagabiwe kandi zimufasha kubona ifumbire ituma umukobwa we ahingisha abakozi bakeza ibiribwa bitandukanye.

    Akunda kunywa amata no kurya umuceri

    Abantu benshi bibaza icyatumye Nyiramandwa arama kugeza ku myaka irenga 100 kandi akaba akibasha kugenda nubwo imbaraga zimaze kuba nkeya akaba atabasha kugera kure [azenguruka imbere mu rugo rwe gusa].

    Yabwiye IGIHE ko kera yaryaga ibiryo bitandukanye birimo umutsima w'amasaka, umutsima w'uburo, imyumbati, ibijumba n'ibishyimbo n'ibindi ariko by'umwihariko agakunda kunywa amata.

    Kuri ubu abasha kurya ibiryo byoroshye bigizwe n'umuceri n'imboga, akanywa n'amata kuko ayakunda cyane.

    Ati 'Ariko nkinywera amata weee, nkinywera amata, nkinywera amata. N'uwo muceri nkawureka nkinywera amata, mba numva nezerewe kuko nayabonye kuko nyafite nyakubahwa yayampaye naho ubundi simba nkiriho.'

    Yagiriye inama abakiri bato

    Nyiramandwa nk'umuntu ugeze mu zabukuru yagiriye inama abakiri bato abasaba gushyira hamwe, kumvira no gukunda igihugu.

    Ati 'Nabagira inama yo gushyira umutima hamwe, nabagira inama yo gushyira ubwenge hamwe, nabagira inama yo kuba insoro imwe, nabagira inama yo kumvikana bakumvira ubategeka, bakumvira umubyeyi wababyaye.'

    Yagiriye inama urubyiruko yo kwirinda ingeso mbi zirimo ubusambanyi, gufata ibiyobyabwenge, ubusinzi, urugomo, ubujura n'izindi.

    Ati 'Gukura amaboko mu mifuka ni byiza, gukora utikoresheje ni byiza, ugakora ukamenya y'uko ushaka kurya.'

    Yavuze no ku makimbirane yo mu ngo akunze kugaragara muri iki gihe asaba umugabo n'umugore bashakanye kujya bumvikana bagashyira hamwe bagamije iterambere ryabo n'abana babo.

    Yagize ati 'Niba ari umugore washatse mukajya inama, niba ari umugabo washatse mukajya inama mukayihuza. Niba ari umwana mubyaye mukamugira inama mukamubwira neza mukamugirira neza. Yabananira burya inkoni ntihana hahana ururimi kandi umutima ukunda niwo mwiza.'

    Ndumva umutima ucyeye

    Nyiramandwa yavuze ko yashimye Perezida Kagame wamuhinduriye ubuzima kandi n'ubu akimushima kubera urukundo yamugaragarije.

    Ati 'Naramushimye we na Madamu we bahorane umugisha bahorane umunezero, bahore banezerewe mu bo babyaye, bahore banezerewe mu baturanyi, bahore banezerewe bakora umurimo.

    'Numva rwose iyo ndi kumva Radiyo Rwanda nanabasumira nkabaramutsa nkumva nakohereza ukuboko muri radiyo ni uko bidakunda, tukaramukanya. Ubundi duherukana anyongera inka, ubu naramukumbuye cyane.'

    Uyu mukecuru yavuze ko yumva akeye kandi azataha neza igihe nikigera.

    Ati 'Ndumva ku mutima hacyeye neza, ndumva nzataha neza kuko yanyicaje heza. Nzapfa nsohoka heza, nzakira nsohoka heza kuko bangiriye neza. Yandwanyeho andwanirira no ku bana banjye basigaye.'

    Abo babana abatoza kugira urukundo

    Umukobwa we Mukaruziga Annonciata ni we umwitaho buri munsi kuko amuba hafi akamenya uko yaramutse n'uko yiriwe.

    Mu rugo rwe hari abakozi bakora imirimo irimo isuku no kwita ku nka ze. Bavuga ko iyo abaganiriza abagira inama yo kwimika urukundo hagati yabo birinda urwango.

    Mukaruziga ati 'Akunda kutubwira urukundo, gukundana tukabana n'abandi ntitugirire abandi nabi.'

    Kugeza ubu bavuga ko nta kibazo afite kandi bagerageza kumuba hafi bamwitaho banamumara irungu.

    Nyiramandwa Rachel ubwo yahuraga na Perezida Kagame mu 2019 mu Karere ka Nyamagabe

    Nyiramandwa Rachel mu 2019 yagabiwe inka na Perezida Kagame

    Mu 2019 ubwo Nyiramandwa Rachel yaganiraga na Perezida Kagame kuri Stade ya Nyamagabe

    Mu 2017 nabwo Nyiramandwa Rachel yahuye na Perezida Kagame amubwira ikimuri ku mutima

    Akunze kugaragaza ibyishimo iyo yahuye na Perezida Kagame

    Inzu ya Nyiramandwa Rachel atuyemo mu Murenge wa Gasaka mu Karere ka Nyamagabe

    [email protected]


    Source : http://igihe.com/amakuru/u-rwanda/article/ndumva-ku-mutima-hakeye-kandi-nzataha-neza-ishimwe-rya-nyiramandwa-wahinduriwe

  • Kim Kardashian yatandukanye na Pete Davidson… – #rwanda #RwOT

    Amakuru ava mu nshuti za hafi z'aba bombi ni uko bahisemo kurecyeraho gukundana nk'uko ikinyamakuru cya E! Kibivuga,  imvano y'uku gutandukana ikaba ahanini ari ukuba buri umwe asigaye aba kure y'undi.

    Nk'uko biheruka gutangazwa mu bitangazamakuru bitandukanye, kugeza ubu Pete arimo kubarizwa muri Australia mu bikorwa byo gutunganya filimi mu gihe Kim Kardashian akomeje ibikorwa bye by'ubushabitsi n'inshingano zo kurera abana be 4 muri Los Angeles.

    Kim kandi aheruka kujya kureba Pete muri Australia, ntabwo biramenyekana niba muri uru rugendo aribwo aba bombi baba bariyemeje gutandukana.

    Mu Ukwakira 2021 nibwo Kim na Pete iby'inkuru y'urukundo rwabo byatangiye kujya hanze, ubwo bagaragaraga bari kumwe mu gace ka Knott's Berry Farm muri Los Angeles.

    Nyuma gato aba bombi batangiye kugenda bagaragara bari kumwe mu duce dutandukanye bishimanye, ndetse bagiye bajyana mu biruhuko hirya no hino.

    Muri Mata kandi aba bombi baheruka kunyurana ku itapi itukura, mu musangiro wa White House Correspondent.

    Ikindi kandi akaba ari uko Kanye na Kim Kardashian muri iyi minsi bameranye neza n'ubwo hagiye havugwa ko ikidashoboka ari ugusubirana kw'aba bombi, nyamara nta rirarenga.Kim Kardashian ni we witereteye Pete Davidson amushakaho ko baryamana nibura rimwe gusa, kuko ngo nyamusore ari umuhanga mu mabanga y’abakuze.

    Mu mezi icyenda bari bamaranye baryanye isi batemberana ahantu hanyuranye, aha bari bajyanye muri Bahamas

    Ubwo baheruka kunyurana ku itapi itukura muri Mata 2022

    Gukundana na Pete kwa Kim Kardashian byatumye atakaza ibiro bitagira ingano, bisa nk'aho asa n'umureshyareshya dore ko batari mu myaka imwe.

    Source : https://inyarwanda.com/inkuru/119734/kim-kardashian-yatandukanye-na-pete-davidson-nyuma-yamezi-9-bari-mu-munyenga-wurukundo-119734.html

  • Kate Bashabe yavuze igihe byamutwaye ngo yubake inzu igeretse abamo muri iyi minsi – YEGOB #rwanda #RwOT

    Umunyamidelikazi ukomeye mu Rwanda, Kate Bashabe yavuze igihe byamutwaye ngo yubake inzu igeretse abamo muri iyi minsi.

    Kate Bashabe ni umwe mu bakobwa ufite inzu ye bwite kandi igezweho dore ko iyi nzu y'uyu munyamidelikazi igeretse rimwe kandi ikaba iteye amabengeza.

    Mu kiganiro Kate Bashabe yagiranye na YAGO Tv Show, yavuze ko iyi nzu yamutwaye igihe kingana n'imyaka ine ari kuyubaka.

    Yakomeje avuga ko iyi nzu yamuruhije gusa ariko nubwo byagenze gutyo kuzuza iyi nzu byari inzozi ze, aho umunsi yerekana iyi nzu yahise abwira mama we ko inzozi yazigezeho.

    Iyi nzu nshya ya Kate Bashabe yubatse ku musozi wa Rebero mu Mujyi wa Kigali aho ndetse uyu munyamideri asigaye atuye.

    Source : https://yegob.rw/kate-bashabe-yavuze-igihe-byamutwaye-ngo-yubake-inzu-igeretse-abamo-muri-iyi-minsi/

  • Umuganura2022: Imbamutima z'abatejwe imbere n'ubuhinzi i Gatsibo – #rwanda #RwOT

    Ni ibyishimo bagaragaje kuri uyu wa Gatanu tariki ya 5 Kanama 2022 ubwo hirya no hino mu gihugu hizihizwaga umunsi w'Umuganura.

    Ku rwego rw'Akarere wizihirijwe mu Murenge wa Rugarama mu Kagari ka Kanyangese ahari abaturage benshi biteje imbere babikesha igihingwa cy'umuceri n'ibindi bitandukanye.

    Benshi mu batuye muri iki gice bahamya ko ubuhinzi ari bwo bakesha ubukungu bafite ubufasha mu kwishyurira abana babo amashuri abandi bakabukoresha nk'intwaro yo kwiteza imbere bikura mu bukene.

    Mukamurenzi yavuze ko mu myaka yashize abandi bizihizaga Umuganura we ari mu bukene bukabije Leta iza kumuha isambu yo guhingamo ateramo insina none ubu ngo urwo rutoki rwatangiye kumuha amafaranga menshi.

    Ati 'Mu kwezi nshobora gukuramo ibihumbi 80 Frw nanakodesheje indi mirima mpinga umuceri ubu mperutse gusarura nkuramo inyungu y'ibihumbi 700 Frw urumva ko ubuzima buri kugenda neza, ndashimira Leta yacu yo itumenya ikanadufasha kwiteza imbere.'

    Ntare Fred w'imyaka 33 ni umwe mu bahinzi batuye mu Kagari ka Kanyangese mu Murenge wa Rugarama mu Karere ka Gatsibo avuga ko mu buhinzi bw'umuceri akora kuri ubu umuganura usanze ahagaze neza kuko asigaye yeza toni eshanu kuri hegitari.

    Ati 'Mu by'ukuri natangiye ubuhinzi ndi muto twahingaga mu buryo budasobanutse ariko kubera ukuntu koperative yacu iyobowe neza turahinga tukeza neza, nsigaye nanorora inkoko nkaneza ibitoki by'ibilo 90 kuzamura.'

    Yavuze ko kuri ubu afite inkoko 100 zishobora kumuha amagi 70 yabaye make ubundi zikanamuha ifumbire akoresha mu rutoke rwe ubundi rukamuha umusaruro mwinshi.

    Yavuze ko nibura nk'umuhinzi ukiri muto kuri ubu yinjiza arenga ibihumbi 100 Frw buri kwezi, intego akaba ari uko umwaka utaha uzasanga nibura yinjiza ibihumbi 200 Frw akura mu bworozi n'ubuhinzi.

    Akimanizanye Appolinarie nawe uhinga umuceri, yavuze ko gahunda nziza za Leta zo kubaha amahugurwa ajyanye n'ubuhinzi zamufashije kwiteza imbere ku buryo kuri uyu munsi w'Umuganura yishimira ko nibura abona inyungu y'ibihumbi 500 Frw.
    Ati 'Natangiye norora ihene ebyiri ubu mfite ihene umunani, nkagira inka ebyiri n'abana banjye bane mbasha kubishyurira amashuri kandi bakiga neza nta kibazo.'

    Nta kibazo cy'inzara kiri i Gatsibo

    Umuyobozi w'Akarere ka Gatsibo, Gasana Richard, yavuze ko kuri uyu munsi w'Umuganura bishimira ko nta kibazo cy'inzara kiri muri aka Karere aho ngo abaturage babonye imvura barahinga bareza barasarura, bamwe baragurisha babona amafaranga abandi barahunika.

    Ati 'Ubu abantu bari kwitegura igihembwe cy'ihinga gitaha cya A ari na cyo tweza cyane. Twatangiye kubona ibimenyetso ko kizanagenda neza cyane.'

    Yasabye abaturage kwisuzuma bareba aho bageze ndetse bakanareba aho bashaka kujya mu iterambere ribaganisha aheza bishakamo ibisubizo bakigira kugira ngo banazigamire abana babo.

    Muri uyu mwaka insanganyamatsiko y'Umuganura igira iti 'Umuganura; Isôoko y'Ubumwe n'Ishingiro ryo Kwigira'.

    Igitoki cy’umwe mu baturage berekanaga iterambere bamaze kugeraho

    Akimanizanye Appolinarie kuri ubu afite akanyamuneza nyuma yo kweza akanahunika

    Ntare Fred yishimiye ko ku myaka 33 ari kweza umuceri mwinshi

    Umuyobozi w’Akarere ka Gatsibo, Gasana Richard yasabye abaturage kongera umusaruro uwo bejeje hagamijwe kwihaza mu biribwa no gusagurira isoko

    Abana bahawe amata n’ibindi biribwa bitandukanye

    Abaturage basangiye bimwe mu byo bejeje


    Source : http://igihe.com/amakuru/u-rwanda/article/umuganura-imbamutima-z-abatejwe-imbere-n-ubuhinzi-i-gatsibo

  • Minisitiri w'Intebe yagabiye abana bagaragaje ubuhanga mu birori byo kwizihiza Umuganura – #rwanda #RwOT

    Abo bana bari bitabiriye ibirori byo kwizihiza Umunsi w'Umuganura wabareye mu Karere ka Rulindo, kuri uyu wa 5 Kanama 2022 ari na ho bavugiye uwo muvugo wagarukaga ku mateka y'Umuganura, uko wakorwaga n'igisobanuro cyawo ku Banyarwanda muri iki gihe.

    Hari aho bagira bati 'Hashimwa abakoze neza kurusha abandi bakabihemberwa, reba nawe inka y'ubumanzi yahabwaga abesheje imihigo mu buryo bw'indashyikirwa. Hasuzumwaga impamvu yaba yaratumye bamwe badatera imbere mu buryo bwifuzwa, hagafatwa ibyemezo bigamije kugera ku musaruro ushimishije bityo bityo.'

    Iri torero Imitavu ryashimiwe n'abitabiriye uyu muhango ku buhanga bagaragaje bikajyana n'ibimenyetso bakoraga bishimangira ibyo bavugaga.

    Minisitiri w'Intebe Dr Edouard Ngirente, yavuze ko ubutumwa batanze bukwiye gufasha benshi mu rugamba rw'iterambere.

    Yagize ati 'Twashimye ko bariya bana bato cyane bavuze ijambo rikomeye mu byo bavuze byinshi byiza, ko umuhango w'umuganura ari intambwe yo kubaka u Rwanda twifuza. Nibyo rwose ukwiye kutubera umunsi wo kwibuka ko dufite u Rwanda twifuza n'intambwe dukwiye gutera zisanga izatewe mbere.'

    Minisitiri Dr Ngirente yavuze ko guverinoma y'u Rwanda yagabiye imiryango itanu inka kuri uyu munsi ndetse hongeweho izindi eshatu zagabiwe aba bana ngo zizajye zibakamirwa.

    Ati 'Guverinoma y'u Rwanda yatanze inka eshanu ku babyeyi batishoboye bari bazikeneye. Hanyuma guverinoma yongeyeho izindi eshatu zo guha bariya bana kugira ngo zibakamirwe ku ishuri bigaho kuko tuzi ko ari abanyeshuri ariko nabo bakeneye kunywa amata bakabaho neza. Kuko batari buzikure hano bazishoreye ngo babishobore tuzaziboherereza ku kigo cy'amashuri.'

    Abenshi muri aba bana biga mu Rwunge rw'Amashuri rwa Mugogo mu Karere ka Kirehe mu Murenge wa Gahara, abandi biga mu Ishuri rya GS Gahara, aho kuri ubu barebererwa n'Akarere ka Kirehe.

    Umutoza w'aba bana akaba n'Umukozi w'Akarere ka Kirehe ushinzwe gukurikirana gukura abana mu muhanda, Dufitumukiza Fiston, yavuze ko iri torero Imitavu rimaze imyaka 11 rishinzwe kandi riri mu mujyo wo gufasha abana kuzamura impano zabo. Ryakira abana bafite hagati y'imyaka itandatu na 14.

    Umuvugo wabo wagarukaga ku mateka y'Umuganura, uko wakorwaga n'igisobanuro cyawo ku Banyarwanda muri iki gihe

    Ibyo aba bana bavugaga byajyanaga n’ibimenyetso

    Aba bana bagaragaje ubuhanga ubwo bahabwaga umwanya mu birori byo kwizihiza Umuganura

    Minisitiri w’Intebe yanejejwe n’ubuhanga aba bana bagaragaje abagabira inka

    Uretse abaturage bagabiwe, Minisitiri w’Intebe yavuze ko abo bana na bo bazashyikirizwa inka ku bigo byabo


    Source : http://igihe.com/amakuru/u-rwanda/article/abana-bagaragaje-ubuhanga-mu-birori-byo-kwizihiza-umuganura-bagabiwe-inka

  • Umusore agiye kurongora murumuna w’uwari kuba umugore we wapfuye – YEGOB #rwanda #RwOT

    Umuryango wagushimye ntacyo utaguha mu gihe babona ko wavamo umugano mwiza wakwita ku mugore ndetse n'inshingano z'urugo neza.

    Umunya Nigeria, Sufiyanu Abubakar Salihu ari hafi kurongora Fatima Ibrahim Kani, murumuna w'umukunzi we Rukaiya Ibrahim Kani umaze iminsi mike apfuye.

    Uyu musore yakundanaga na mukuru wa Fatima hanyuma aza kwitaba Imana, mu buryo bwo guhozanya amarira, bose baje kwemeranya ko bakwiye gushyira agahinda kabo bose bakajya bagasangira amanwa n'ijoro.

    Aba bombi bahise bemeranya kubana ndetse umusore asubira gusaba umukobwa na none baranamwemereye icyo asigaje ni ukujya kuzana umugeni we.

    Source : https://yegob.rw/umusore-agiye-kurongora-murumuna-wuwari-kuba-umugore-we-wapfuye/

  • Arsenal iraye ku mwanya wa mbere nyuma yo gut… – #rwanda #RwOT

    Wari umukino wa mbere wa shampiyona y’u Bwongereza umwaka w’imikino 2022/23. Arsenal yinjiye muri uyu mukino ari yo kipe imaze gukoresha amafaranga menshi mu kugura abakinnyi mu Bwongereza.

    Crystal Palace yari ibaye ikipe ya mbere igiye kwakira umukino muri iyi shampiyona yitezweho byinshi nyuma yaho amakipe akoresheje amafaranga menshi ashaka abakinnyi.

    Arsenal yari yakinnye (4-3-3), yakoresheje: Ramsdale White, Saliba, Gabriel, Saka Partey, Xhaka, Zinchenko, Odegaard, Gabriel Jesus na Martinelli.

    Ku munota wa 20 gusa Martinelli yahise afungura amazamu ku ruhande rwa Arsenal ndetse igice cya mbere kirangira Arsenal iyoboye umukino. 

    Abakinnyi Crystal Palace yabanje mu kibuga: Guaita, Clyne, Andersen, Guehi, Mitchell, Doucoure (Milivojevic 75), Schlupp (Hughes 86), Ayew, Eze (Ebiowei 86), Zaha na Edouard (Mateta 58).

    Mu gice cya kabiri Arsenal yabonye igitego cya kabiri nyuma yaho Saka yazamukanye umupira ashaka kuwuha abakinnyi bari muri penaliti gusa Guehi birangira agonze umupira ahita yitsinda.

    Umukino warangiye Arsenal ifite ibitego 2 ku busa bwa Crystal Palace ndetse ihita yegukana amanota 3 atuma irara ku mwanya wa mbere.

    Arsenal yatangiye umwaka mu byishimo

    Saka ni umwe mu bakinnyi bitwaye neza

    Source : https://inyarwanda.com/inkuru/119733/arsenal-iraye-ku-mwanya-wa-mbere-nyuma-yo-gutsinda-crystal-palace-0-2-amafoto-119733.html

  • AS Kigali yatsinze Gasogi mu mukino wa Gicuti… – #rwanda #RwOT

    Amakipe yombi yakinnye uyu mukino mu rwego rwo kwitegura umwaka mushya w’imikino uzatangira ku wa 19 Kanama 2022. By’umwihariko kuri AS Kigali izahagararira u Rwanda muri CAF Confederation Cup, iri kwitegura umukino wa Super Cup uzayihuza na APR FC ku Cyumweru gitaha.

    Iyi kipe y’umutoza Cassa Mbungo André ni yo yabonye uburyo bwa mbere bukomeye ku mupira watewe na Man Ykre, ukuwemo n’umunyezamu Cuzuzo Gaël, Tuyisenge Jacques ananirwa kuwushyira mu izamu. Gasogi United yasatiriye mu minota yakurikiyeho ishaka igitego ariko igorwa n’ubwugarizi bwa AS Kigali n’umunyezamu Ntwari Fiacre.

    Habura iminota mike ngo igice cya mbere kirangire, AS Kigali yabonye umupira uteretse watewe na Niyonzima Haruna, ku bw’amahirwe macye ye ushyirwa muri koruneri na Cuzuzo.

    Abakinnyi AS Kigali yabanje mu kibuga:

    Ntwali Fiacre, Bishira Latif, Kwitonda Ally, Rugirayabo Hassan, Dusingizimana Gilbert, Laurence Juma, Niyonzima Haruna, Niyonzima Olivier seif, Tuyisenge Jacques, Man Ykre na Moïse Nyarugabo.

    Igice cya Kabiri cyatangiranye impinduka umunani ku ruhande rwa AS Kigali, Bishira Latif wambaye igitambaro, Nyarugabo Moïse na Man Ykre aba ari bo bagaruka.Ku ruhande rwa Gasogi United, umutoza Adel Ahmed yakoze impinduka ebyiri; Niyitegeka Idrissa na Mwiseneza Kevin bajyamo mu kibuga.

    Byasabye gutegereza umunota wa 52, AS Kigali ifungura amazamu ku gitego cyinjijwe na Akayezu Jean Bosco ku mupira wari uvuye iburyo. Ahagana mu minota ya 70, Gasogi United yabonye uburyo bwo kwishyura ku mupira wahinduwe na Nizigiyimana Karim, Niyongira Danny ashyizeho umutwe ujya hanze.

    Akayezu Jean Bosco watsinze igitego

    Ni ko byagenze kandi no ku munota wa nyuma ubwo Nanbur Gabriel Nannim yananirwaga guteresha umutwe umupira wari uvuye iburyo. 

    AS Kigali yaherukaga gutsinda Vision FC igitego 1-0, izasubira mu kibuga ku Cyumweru ikina na Rayon Sports mu wundi mukino wa gicuti.

    Abakinnyi Gasogi United yabanje mu kibuga:

    Cuzuzo Aime Gaël, Nizigiyimana Karim Mackenzie, Kwizera Aimable, Habimana Hussein, Bugingo Hakim,Kaneza Augustin, Mugisha Joseph, Malipangou, Rugangazi  Prosper, Niyongira Dany na Mugisha Nelson.

    Umutoza mushya wa Gasogi United, Adel

    Haruna Niyonzima Kapiteni wa As Kigali 

    Source : https://inyarwanda.com/inkuru/119727/as-kigali-yatsinze-gasogi-mu-mukino-wa-gicuti-amafoto-119727.html

  • Ikipe ya Rayon Sports ihondaguye Musanze Fc yari yateze iza gukina – YEGOB #rwanda #RwOT

    Ikipe ya Rayon Sports itsibuye ikipe ya Musanze Fc yari yaje kuyisura kuri sitade ya Kigali i Nyamirambo ku itara.

    Kuri uyu wa gatanu nibwo ikipe ya Rayon Sports yakinaga na Musanze Fc mu mukino wa gicuti ufite intego yo kwitegura imikino ya shampiyona iteganyijwe mu cyumweru gitaha.

    Ikipe ya Rayon Sports yaje gutsinda uyu mukino aho yatsinze igitego bibiri ku busa bwa Musanze Fc. Ibi bitego byatsinzwe na Musa Esenu Simba na Prince Rudasingwa.

    Ikipe ya Rayon Sports ikaba iri no kwitegura undi mukino wa gicuti uzayihuza na As Kigali ku cyumweru tariki ya 7 Kanama 2022.

    Source : https://yegob.rw/ikipe-ya-rayon-sports-ihondaguye-musanze-fc-yari-yateze-iza-gukina/

  • Umusore agiye gushyingiranwa na murumuna w'umukunzi we wapfuye habura iminsi mike ngo bakore ubukwe #rwanda #RwOT

    Umunya Nigeria, Sufiyanu Abubakar Salihu ari hafi kurongora Fatima Ibrahim Kani, murumuna w'umukunzi we Rukaiya Ibrahim Kani umaze iminsi mike apfuye.

    Nk'uko amakuru abitangaza, Sufiyanu na Rukaiya bagombaga gushyingirwa ku ya 12 Kanama 2022 muri Leta ya Bauchi mu majyaruguru ya Nigeriya ariko apfa ku wa gatatu Nyakanga 27.

    Ku ya 28 Nyakanga, Sufiyanu yifashishije urubuga rwa Twitter kugira ngo atangaze urupfu rwa Rukaiya wari hafi kumubera umugore.

    Hagati aho, Fatima yaririye mukuru we wapfuye mu butumwa yashyize hanze nyuma y'umunsi umwe apfuye, yandika ati: 'Mu by'ukuri, ubuzima n'ubw'igihe gito kandi urupfu ni iherezo utakwirinda byanze bikunze. Nabuze undi mukuru wanjye Ruqayya Ibrahim Kani , ubukwe bwe bwagombaga kuba mu byumweru bibiri ariko ubu yagiye burundu. Nyamuneka musengere mushiki wanjye.”

    Aba bombi mu marira yabo baje kwihuza birangira biyemeje kurushinga ku munsi n'ubundi ubu bukwe bwagombaga kuberaho.

    Musaza w'aba bakobwa 2, Aliyu Ibrahim Kani, yerekeje kuri Facebook ku wa gatatu Kanama atangaza ko ubukwe bugomba kuba nkuko bwari buteganyijwe hagati ya Sufiyanu na mushiki we Fatima uzasimbura nyakwigendera. Yasangiye abantu kandi ubutumire aho Rukaiyat yasimbuwe na Fatima.

    Source : https://umuryango.rw/ubuzima-115/udushya/article/umusore-agiye-gushyingiranwa-na-murumuna-w-umukunzi-we-wapfuye-habura-iminsi