Author: webrwanda

  • Umuganura2022: Guverineri Habitegeko yageneye ubutumwa abagishaka gutungwa n'ibyo batavunikiye – #rwanda #RwOT

    Umunsi mukuru w'umuganura wizihijwe mu gihe abaturage benshi bashishikajwe no gukora bakiteza imbere ariko bakabangamirwa na bake bagifite ubunebwe bashaka kurya ibyo batavunikiye.

    Abo barimo ababyukira ku dusantere banywa inzoga bakina igisoro n'amakarita hakaba ababihuza n'ubujura bw'imyaka n'amatungo magufi bavuga ko ababyuka bicaye aribo biba.

    Hari kandi ibikorwa by'ubutekamutwe babangamiwe bikomeje gufata indi ntera bikorwa binyuze mu guhamagara kuri telefone babwira abaturage ko batomboye cyangwa batsindikiye ibihembo runaka ariko ari amayeri yo kubiba.

    Mu butumwa Guverineri Habitegeko yatangiye mu karere ka Karongi ahabereye ibirori byo kwizihiza Umunsi w'umuganura kuri uyu wa 5 Kanama 2022, yavuze ko yashimiye abaturage ba Karongi ko babashije gukorana umurava, bikaba byatumye babona ibyo baganura, agaya abanebwe bashaka kurya ibyo batavunikiye.

    Yagize ati “Mu Muganura abantu biyibutsaga ko batagomba kunebwa, bagomba gukora cyane, ko ugomba kurya ibyo waruhiye, umuco rero w'abantu babyuka bajya ku masantere, ntiyitabire umurimo uko bikwiye, uriya ni umuco mubi umuntu atashyigikira, ukwiye kurwanywa”.

    Yakomeje avuga ko abantu bafite umuco w'ubunebwe aribo birangira babaye inzererezi, banywa ibiyobyabwenge, bakajya no muri izo ngeso z'ubujura.

    Uyu muyobozi yavuze ko umuganura ari umuco mwiza ukwiye gufasha Abanyarwanda kubaka ubumwe buhamye kuko harimo kuremera abatarabonye umusaruro bitewe n'impamvu zinyuranye zirimo ibiza.

    Muri uyu mwaka Umuganura wizihijwe ku nsanganyamatsiko igira iti “Umuganura isoko y'ubumwe n'ishingiro ryo kwigira”.

    Guverineri Habitegeko yavuze ko iyi nsangamatsiko, ikangurira Abanyarwanda kwicara hamwe mu muryango bakareba ibyo bagezeho n'ibyo batagezeho bagafata ingamba zo guhangana n'ibyabakomye mu nkokora.

    Mu karere ka Karongi kwizihiza Umuganura byahuriranye no kwakira imihigo y'urubyiruko rw'abakorerabushakake rumaze iminsi mu mahugurwa yo kurufasha kunoza aka kazi.

    Umuyobozi wabo mu Karere ka Karongi, François Ntakirutimana yabwiye IGIHE ko bagiye kubarura abantu bari mu buzererezi ngo bagakora urutonde rwabo, ngo nibamara kubigisha binyuze mu bukangurambaga.

    Ati “Ku kibazo cy'ubujura icyo tuzakora ni ugutanga amakuru no kwigisha abaturage kumenya gucunga umutekano w'ibyabo”.

    Umunyamabanga Nshingwabikorwa w'Umurenge wa Rubengera, Nkusi Medard yavuze ko kuri uyu munsi w'Umuganura abaturage bejeje baremeye bagenzi babo bahinze bakarumbya.

    Guverineri Habitegeko na Meya Mukarutesi Vestine baganuje abaturage b’akarere ka Karongi

    Abana bahawe amata banaganuzwa ku mbuto zeze

    Mu birori by’Umuganura imiryango itatu itagiraga inka yagabiwe

    Kwizihiza Umunsi w’Umuganura byaranzwe n’ubusabane hagati y’abayobizi n’abayoborwa


    Source : http://igihe.com/amakuru/u-rwanda/article/umuganura2022-guverineri-habitegeko-yageneye-ubutumwa-abagishaka-gutungwa-n

  • Muhanga: Umusore akekwaho kwica umukecuru baturanye amukubise ifuni – #rwanda #RwOT

    Uwo mukecuru w'imyaka 75 yiciwe mu Mudugudu wa Gisasa mu Kagari ka Mbiriri ahanaga saa yine z'igitondo kuri uyu wa Gatandatu ubwo yari iwabo w'uwo musore.

    Umunyamabanga Nshingwabikorwa w'Umurenge wa Nyarusange, Ruzindana Fiacre, yabwiye IGIHE ko uwo mukecuru yari avuye mu murima guhinga ahura n'umusore banyurana iwabo ari naho yamwiciye.

    Ati “Bigaragara ko uwo musore yanyujije umukecuru iwabo arahamwicira kuko yari avuye mu murima guhinga.”

    Ubwo uwo mukecuru yicwaga ngo ababyeyi b'uwo musore ntabwo bari bahari nta n'undi muntu wari uri mu rugo.

    Ruzindana yavuze ko uwo musore w'imyaka 31 bikekwa ko anywa ibiyobyabwenge. Kuri ubu ngo yamaze gutabwa muri yombi.


    Source : http://igihe.com/amakuru/u-rwanda/article/muhanga-umusore-akekwaho-kwica-umukecuru-baturanye-amukubise-ifuni

  • Abarenga 300 biganjemo urubyiruko bagiye guhurira mu imurikagurisha ry'Intara y'Iburasirazuba – #rwanda #RwOT

    Biteganyijwe ko iri murika rizabera mu Karere ka Rwamagana kuva tariki ya 18 Kanama kugeza tariki ya 29 Kanama 2022.

    Mu bazaryitabira harimo abafite udushya dutandukanye bagera kuri 15 bazaturuka muri buri Karere muri turindwi tugize Intara y'Iburasirazuba kuko bahawe umwanya wo kumurikiramo ibyo bakora.

    Mu bahawe amahirwe yo kumurika harimo urubyiruko rutunganya ubushera ku buryo bushobora kumara amezi atandatu, abakora imibavu mu bimera, abakora imyenda n'inkweto, urubyiruko rukora ibikoresho bikunze kwifashishwa mu buhinzi n'ibindi.

    Umuyobozi wungirije w'Urwego rw'Abikorera mu Ntara y'Iburasirazuba, Nkurunziza Jean de Dieu, yavuze ko bateganya ko abazamurika ibikorwa byabo muri rusange bazaba barenga 300.

    Ati 'Turateganya ko nibura muri buri Karere abafite ibikorwa by'indashyikirwa bashobora kwitabira iri murika.'

    Nkurunziza yavuze ko iri murikagurisha rifite umumaro munini ngo kuko rigaragaza bimwe mu bikorwa bitandukanye bikorerwa mu Burasirazuba abantu bakabimenya.

    Kuba iyi Ntara imaze kuba ari ikigega cy'igihugu mu bijyanye n'ubuhinzi n'ubworozi ngo bizatuma hitabira abantu benshi bakora ibijyanye n'iyo myuga.

    Kayitesi Bernadine ukorera inkweto mu Karere ka Kirehe, yavuze ko yiteguye kubyaza umusaruro iryo murika akamenyekanisha ibikorwa bye.

    Uretse abazitabira iri murikagurisha baturuka mu Ntara y'Iburasirazuba imbere biteganyijwe ko rizanitabirwa hari n'abaturuka mu zindi Ntara no hanze y'igihugu.

    Umuyobozi wa PSF wungirije mu Ntara y’Iburasirazuba, Nkurunziza Jean de Dieu yavuze ko iri murikagurisha ryitezweho kumenyekanisha ibikorerwa muri iyi Ntara


    Source : http://igihe.com/amakuru/u-rwanda/article/abarenga-300-biganjemo-urubyiruko-bagiye-guhurira-mu-imurikagurisha-ry-intara-y

  • Abakobwa gusa: Dore uburyo 5 wakoresha uri gu… – #rwanda #RwOT

    Gusoma umusore mukundana ntabwo bikwiriye kuba bidashishikaje, niyo mpamvu hari uburyo bwinshi wakoresha ugasoma umusore mukundana ubundi ukaba umwimye abandi bakobwa mu buryo bwa burundu.

    Mu gihe urajwe ishinga n'umukunzi wawe, ukaba wifuza ko mumarana igihe kirekire cyangwa mukaba mwarambana ku buryo bweruye hagati yanyu mubana ndetse n'imiryango ibizi, urasabwa kumwitaho, ukamuha ibyo umugomba mu bruyo butandukanye kandi bwihariye mu gihe ubishoboye.

    Mu gihe abantu bari guteretana hari ubwo bisaba umwe gukora iyo bwabaga kugira ngo undi yishime abe yagumana nawe cyangwa ugasanga bose bashishikajwe n'ibyishimo byabo bombi (Ni byo byiza).

    DORE UBURYO UKWIRIYE GUKORESHA MU GIHE USHAKA GUSOMA UMUKUNZI WAWE.

    1.Kunyunyusa iminwa

    Mu gihe cyo kuba wafata umwanya wawe uri gukora ku minwa ye, ushobora gukoresha iyawe ugafata iye uhereye ku yo hasi (Lower Lips).

    2.Kumusoma mufunze iminwa 

    Mu gihe mugeze hagati muri gusomana iminwa yanyu isa nifunze, ushobora gusa n’uwegera inyuma maze nawe akagusanga agusaba ibirenze ndetse no kumwongera igihe.

    3.Mukoresheje ibitsike

    Amaso y'umukunzi wawe afunze ujye ugerageza kumusoma ku bitsike by'amaso ye witonze.

    4.Kumusoma umutunguye

    Egera umukunzi wawe umufate akaboko cyangwa umuhere iruhande maze umusome umutunguye kandi ubikore bya kinyamwuga. Ibi bizatuma akomeza kugusaba kumusoma. Ibi kandi ujye ubikora mu gihe urimo kumusezeraho agiye ku kazi, ku ishuri cyangwa ahandi hantu muba mutari kumwe.

    5.Kumusomera mu mvura

    Uzafate umutaka uwigezeyo gato maze umusomere mu mvura mwembi murimo. Imvura izatuma uyu musore arushaho kugukunda bihebuje.


    Inkomoko: OperaNews

    Source : https://inyarwanda.com/inkuru/119758/abakobwa-gusa-dore-uburyo-5-wakoresha-uri-gusoma-umusore-mukundana-ntazigere-atekereza-aba-119758.html

  • Musanze: abagore bagiye kwicishwa inkoni n'abagabo babo bakomeje kubigira ibanga – YEGOB #rwanda #RwOT

    Ni mu murenge wa rwaza wo mu karere ka Musanze, hari abagore bakubitwa n'abagabo babo ariko bagahitamo kubiceceka kugira ngo abagore bagenzi babo batabaseka, ndetse bakanababwira ko ngo naba nyina bakubitwaga bagaceceka ngo kubera ko ariko ingo zubakwa.

    Aba bagore bakomeje batangaza ko abagabo babo bakunda kubakubita nk'iyo batashye basinze, ariko bagahitamo guceceka kugira ngo bitajya hanze abandi bagore bakabaseka, ndetse imvugo ivuga ko ariko zubakwa ikaba iturufu yo guhisha ihohoterwa bakorerwa, dore ko babikura ku kuba naba nyina barakubitwaga bakababwira uko. Umugore umwe waganiriye na TV1 yagize ati' biterwa n'ingeso z'umugabo, hari igihe ashobora gutaha yasinze, akisabunza, akaba atatuma uyiraramo da'.

    Yakomeje agira ati'inshyi urazirya rwose bwacya mu gitondo ukajya guhinga ukiyumanganya. Nonese buri munsi wahora ku musozi? Ntago wahora ku musozi buri munsi, ntago wahora uhamagara ngo nyabuna muntabare, wenda hari igihe aza afite akamo ukavuga ngo nubona aho wikinga bugacya, ukaba ugize amahirwe ukayiraramo udakubiswe'.

    Aba bagore bahurije ku kuba bakubitwa buri gihe kuburyo kwirirwa ujya gutabaza bitari ngombwa, ndetse banavuga ko hari ubwo watabaza ku muntu wimereye neza maze akaguha urw'amenyo.

    Undi yagize ati' hari ubwo uvuga umuturanyi yimereye neza akakota,wajya kubyumva ukabyumva hanze kandi byarabereye mu mabanga, uhitamo rero kwicecekera maze ukareka kujya uvugwa buri munsi, ukishakira umutekano iwawe'.

    Bakomeje bavuga ko kandi hari nubwo kwirirwa uvuga ubona bitari ngombwa bitewe n'uko ibibaye Atari wowe gusa bibayeho, gusa bakavuga ko ikintu kibitera ari imyumvire y'abagabo bavuga ko badashaka gutegekwa n'abagore, bityo ngo umugabo utakubise umugore akaba ari imbwa.

    Source : https://yegob.rw/musanze-abagore-bagiye-kwicishwa-inkoni-nabagabo-babo-bakomeje-kubigira-ibanga/

  • Yakoze agahigo gashya ko kugira inzara ndende ku isi nyuma yo kuzitereka kubera urupfu rw'umwana we #rwanda #RwOT

    Unyamerikakazi utari uzwi yaciye agahigo ko kuba umuntu wa mbere ufite inzara ndende kurusha abandi bose ku isi n'ubundi yagakuyeho uwitwa Ayanna Williams

    Umunyamerikakazi Diana Armstrong yamaze kwandikwa muri Guinness World Records abikeshejeinzara ze zifite metero 13.

    Yasimbuye Ayanna Williams winjiye muri Guinness World Records muri 2017 abikesheje izareshyaga na metero zisaga 7.

    Kuva mu 1997, Diana Armstrong yirinze guca inzara ze. Iki cyemezo cyafashwe nyuma y'urupfu rw'umukobwa we. Ku bwe, nyakwigendera ni we witaga ku nzara ze, n'ubundi zari ndende.

    Yatangarije Guinness World Records ati “Niwe wenyine witaga ku nzara zanjye. Yazikoraga neza kandi akazitaka.'

    Niyo mpamvu mu rwego rwo kwirinda akababaro no kwiheba, uyu Munyamerika yiyemeje kutazongera guca inzara,nubwo abana be byabanje kubatera isoni.


    Source : https://umuryango.rw/ubuzima-115/udushya/article/yanditse-agahigo-gashya-ko-kugira-inzara-ndende-nyuma-yo-kuzitereka-kubera

  • Kamonyi-Nyamiyaga: Meya Nahayo ati' Kuba Umurenge w'icyaro wigurira imodoka ni ikimenyetso cy'ibishoboka' #rwanda #RwOT

    Ubuyobozi bw'Umurenge wa Nyamiyaga, Abaturage bawo n'Abafatanyabikorwa, kuri uyu wa 05 Kanama 2022 ubwo bizihizaga umunsi mukuru w'Umuganura, batashye ku mugaragaro imodoka biguriye izajya ifasha mu' Isuku n'Umutekano'. Ni umurenge w'icyaro uguze imodoka nyuma ya Runda nk'umurenge w'Umujyi. Dr. Nahayo Sylvere, Umuyobozi w'Akarere ka Kamonyi, avuga ko ibyakozwe ari urugero ku bandi, bikaba kandi ikimenyetso kibereka ko n'ahandi mu mirenge babikora bigashoboka.

    Avuga kuri iki gikorwa cyagezweho n'Ubuyobozi, Abaturage n'Abafatanyabikorwa, Dr. Nahayo Sylvere yagize ati' Uyu muganura w'uyu munsi ubaye Umuganura mwiza cyane ku baturage b'Akarere ka Kamonyi by'umwihariko muri uyu Murenge wa Nyamiyaga, kuko byahuriranye n'igikorwa cyiza gikomeye bagezeho cyo kwigurira imodoka igiye kubafasha mu mutekano ndetse n'Isuku. Tukaba tubona rero mu by'ukuri tuganuye mu buryo bwiza budushimishije cyane'.

    Imodoka yaguzwe, yamaze gutangira akazi nubwo bayitashye ku mugaragaro none.

    Akomeza avuga ko mu rwego rwo kugira ngo iyi modoka yaguzwe n'abaturage izabashe gukora ibijyanye n'ugushaka kwabo, ko ikigenderewe ari uko ifasha mu Isuku ndetse n'Umutekano, ariko kandi n'ibindi bikorwa bitandukanye bigamije gutuma imibereho myiza y'umuturage irushaho gukomeza kuba myiza.

    Avuga ku kuba iki gikorwa gikozwe n'Umurenge w'Icyaro mu mirenge yindi 12 uvanyemo Runda y'Umujyi, yagize ati' Mu by'ukuri iki kibaye ikimenyetso cy'ibishoboka, kuba Umurenge nk'uyu ng'uyu uri mu gice cy'icyaro ubasha kwigurira imodoka abantu bakishyira hamwe. Ibi bigaragaza imyumvire, imitekerereze, bigaragaza icyerekezo. Turibwira ko rero ari umuco twifuza ko ukwiye no gukwira no muyindi mirenge kandi turimo turabiganira kugira ngo n'ahandi hose bibashe kuhagera muri iyi mirenge yose igize Akarere ka Kamonyi'.

    Dr. Nahayo Sylvere/Meya Kamonyi.

    Ashimangira ko mu bijyanye n'ikoreshwa ry'iyi modoka, Umurenge ufite uko ubayeho, ko mu buryo buhari arimo hagomba gushakishwa uko imodoka ikoreshwa byaba mu mavuta ikenera n'ibindi, ko yizeye ko byateguwe neza nta kigomba kuba umutwaro ku baturage.

    Mudahemuka Yohani Damaseni, Umunyamabanga Nshingwabikorwa w'Umurenge wa Nyamiyaga, avuga ko igitekerezo cyo kugura iyi modoka nk'Ubuyobozi, Abaturage n'Abafatanyabikorwa bakigize kuwa 16 Mata 2022 ubwo basuraga ku Mulindi w'Intwari, bakiga ndetse bagasobanurirwa amateka y'urugamba rwo kubohora Igihugu, aho kandi uwo munsi banasuye ahari Igicumbi cy'Amateka y'urugamba rwo guhagarika Jenoside kiri ku Kimihurura mu karere ka Gasabo, ahakorera Inteko ishinga Amategeko y'u Rwanda imitwe yombi.

    Ahamya ko nyuma y'uru rugendo bagize ariho bakuye ishyaka n'Umuhigo wo kugura imodoka y'umutekano n'Isuku. Ahamya kandi ko Umutekano ariwo musingi wo kwesa Imihigo.

    Abagize uruhare muri iki gikorwa cyo kugura iyi modoka, barashimiwe mu byiciro bitandukanye, bahabwa imidari n'ibikombe.

    Gitifu Mudahemuka, avuga ko iki ari igikorwa cy'indashyikirwa babashije kugeraho mu gihe kitarenze amezi abiri hafi n'igice, kikaba igikorwa bahisemo kumurika ku munsi w'Umuganura, bakakimurikira Ubuyobozi bw'Akarere ndetse n'Abaturage aribo bene igikorwa.

    Avuga ku cyo bavomye ku Mulindi w'Intwari, yagize ati' Ku Mulindi twahavomye byinshi. Twahavomye ishyaka ry'u Rwanda, Twahavomye gukunda u Rwanda, Ubwitange, Tuhavoma kutaganya, kuko twabibonye neza ko imyaka ine Inkotanyi zarahabaye, zitegura, zirwana, zidahembwa n'ibindi nk'ibyo. Twahavomye Urukundo rw'Ubwitange rwo gukunda Igihugu. Kubera gushyira hamwe, kubera kwitanga, Gufatanya, kubera iryo shyaka ryo gukunda iwanyu, gukunda aho ukorera byatumye tugera kuri ibi bikorwa'. Akomeza ashimangira ko Umuco w'Inkotanyi arimo bavoma imbaraga.

    Gitifu Mudahemuka, nawe yarashimiwe anambikwa umudari ku bw'iki gikorwa.

    Mu kugura iyi modoka, habanje igitekerezo cyo kuvuga ngo Umuyobozi abe' Nkore neza bandebereho'. Aha niho havuye ko ibyiciro by'Abayobozi kuva kuri Mudugudu kugera kuri Perezida w'Inama Njyanama y'Umurenge n'ibindi byiciro bitorwa, buri wese bakiva mu rugendo yiyemeje kuba ku isonga mbere y'abandi mu gutanga amafaranga yo kugura imodoka, aho muri aba uwatanze menshi ari ibihumbi makunyabiri(20,000Frw) mu gihe uwatanze make ari ibihumbi bibiri( 2,000Frw).

    Uretse aya mafaranga yatanzwe n'ababarizwa muri ibyo byiciro, Abafatanyabikorwa batandukanye bakorera mu Murenge wa Nyamiyaga n'abandi bifite, buri wese yatanze uko yishoboye, Abaturage nabo buri wese uko abashije yikoramo imodoka iraboneka.

    Umuyobozi wa Polisi mu karere ka Kamonyi i Buryo, Meya hagati, Gitifu w'Umurenge wa Nyamiyaga i bumoso.

    Ni imodoka yo mu bwoko bwa Toyota Vigo yakoze. Ku isoko ishobora kugurwa hagati ya Miliyoni 18 na 22 nkuko Gitifu Mudahemuka abivuga, ariko ku bw'ubucuti bw'uwayibahaye, ngo yabahereyemo ayibagurisha kuri Miliyoni cumi n'eshanu zisaguka ho. Ahamya ko uko izakora bizava mu bumwe buri hagati y'Ubuyobozi, Abaturage n'Abafatanyabikorwa, ariko ko ntawe uzaremererwa, ko ahubwo buri wese azafasha mu mbaraga ze uko yishoboye. Gifitu, ahamya kandi ko ari imodoka bifuza kubakiraho icyizere gihindura ubuzima bw'umuturage, imibereho ye ikarushaho kuba myiza, Umutekano n'Isuku bikaba ku isonga, ahabaye ikibazo bagatabara bwangu.

    Benshi mu bagize uruhare mu igurwa ry'iyi modoka bambitswe imidari.
    Nyiri Uruganda 'Akanoze' rufite icyicaro i Nyamiyaga yahawe igikombe cy'ishimwe ku ruhare mu igurwa ry'imodoka no kuba umufatanyabikorwa mwiza.
    RIB nabo barashimiwe bambikwa umudari.

    Munyaneza Theogene

    Source : https://www.intyoza.com/kamonyi-nyamiyaga-meya-nahayo-ati-kuba-umurenge-wicyaro-wigurira-imodoka-ni-ikimenyetso-cyibishoboka/

  • Basketball U18: U Rwanda rwongeye gutsindirwa muri Madagascar #Rwanda #RwOT via @kigalitoday #rwanda #RwOT

    Ikipe y’Igihugu y’ingimbi zitarengeje imyaka 18, itsinzwe n’ingimbi za Guinea amanota 64-44 u Rwanda rwuzuza imikino ibiri nta ntsinzi. Wari umukino wa kabiri (…)

    Source : https://www.kigalitoday.com/imikino-11/football/article/basketball-u18-u-rwanda-rwongeye-gutsindirwa-muri-madagascar

  • Croatia: Impanuka yahitanye 12 abandi 32 barakomereka #Rwanda #RwOT via @kigalitoday #rwanda #RwOT

    Abantu 12 ni bo baguye mu mpanuka y’imodoka ya bisi yataye umuhanda ikagwa muri ruhurura kuri uyu wa Gatandatu tariki 6 Kanama 2022. Abarokotse iyo mpanuka (…)

    Source : https://www.kigalitoday.com/umutekano/hanze-y-igihugu/article/croatia-impanuka-yahitanye-12-abandi-32-barakomereka

  • APR FC yerekanye abakinnyi 6 yaguze muri uyu mwaka w'imikino #rwanda #RwOT

    Kuri uyu wa Gatandatu,Ikipe ya APR FC yeretse abakunzi bayo, abakinnyi bashya yaguze muri uyu mwaka w'imikino.

    Mu muhango wabereye aho ikorera imyitozo I Shyorongi,APR FC yashimangiye ko yaguze abakinnyi 6 bashya biyongera ku ikipe yayifashije kwegukana shampiyona iheruka yari iya 3 yikurikiranya itwaye.

    Abakinnyi 6 APR FC yaguze barimo:

    Clement Niyigena
    Ishimwe Christian
    Fabio Nkundimana
    Ramadhan Niyibizi
    Ishimwe Fiston
    Taibu Mbonyumwami

    APR FC ifite umukino wa gicuti kuri iki cyumweru, itegura Super Cup Tariki ya 14.08.2022

    Mu yandi makuru y'imikino avugwa mu Rwanda,Rayon Sports yatsinze Musanze FC ibitego bibiri ku busa bya Leandre Onana na Rudasingwa Prince mu mukino wa gicuti wabaye kuri uyu wa Gatanu.

    Ku rundi ruhande,AS Kigali yatsinze Gasogi United igitego 1-0 mu wundi mukino wa gicuti wabereye kuri Stade ya Kigali i Nyamirambo kuri uyu wa Gatanu.

    Source : https://umuryango.rw/imyidagaduro/imikino/article/apr-fc-yerekanye-abakinnyi-6-yaguze-muri-uyu-mwaka-w-imikino