Author: webrwanda

  • Umugabo n'abahungu be batatu batawe muri yombi bakekwaho kwica mwene wabo – #rwanda #RwOT

    Ibi byabereye karere ka Rutsiro, umurenge wa Kigeyo, akagari ka Nkora ho mu mudugudu wa Gasereganya.

    Amakuru y'urupfu rwa Munyentwari Anastase uri mu kigero cy'imyaka 40, yamenyekanye muri iki gitondo ubwo basangaga umurambo we ku muhanda, maze umugabo n'abahungu be batatu bakekwaho kugira uruhare muri uru rupfu bahita batabwa muri yombi.

    Umunyamabanga Nshingwabikorwa w'Umusigire w'Umurenge wa Kigeyo, Nikuze Aimée yemeje aya makuru, avuga ko bafunzwe mu gihe iperereza rigikomeje ngo hamenyekane icyaba cyishe nyakwigendera.

    Ati “Amakuru twayamenye muri iki gitondo atanzwe n'umuturage wabonye umurambo ku muhanda, abakekwa barimo mo Se wabo n'abahungu batatu bari basanzwe bafitanye n'uwapfuye amakimbirane nibo bahise batabwa muri yombi. Bashyikirijwe RIB kugira ngo babazwe mu gihe iperereza rigikomeje.”

    Yakomeje avuga ko uyu musaza ufunzwe akaba se wabo wa nyakwigendera, yigeze gukorerwa urugomo agaterwa amabuye, akanakubitwa maze bakarega uyu nyakwigendera muri RIB ibura ibimenyetso iramurekura arataha.

    Kiri ubu abakozi b'urwego rw'Ubugenzacyaha RIB bageze ahabereye iri icyaha barimo gufata ibimenyetso.

    Ikarita igaragaza imirenge y’akarere ka Rutsiro ari naho uwa Kigeyo ubarizwa


    Source : http://igihe.com/amakuru/u-rwanda/article/umugabo-n-abahungu-be-batatu-batawe-muri-yombi-bakekwaho-kwica-mwene-wabo

  • Perezida Kagame yifurije ishya n'ihirwe Ruto #rwanda #RwOT

    Perezida Paul Kagame yifurije ishya n'ihirwe William Ruto watorewe kuyobora Kenya muri manda y'imyaka itanu iri imbere, anashimira abanya-Kenya ku matora bakoze mu mahoro.

    Tariki 9 Kanama 2022, nibwo abanya-Kenya baramukiye mu gikorwa cy'amatora ya Perezida usimbura Uhuru Kenyatta wari umaze

    Mu butumwa Perezida Kagame yanyujije ku rubuga rwa Twitter yerekanye inyungu zikomeye ziri mu mubano mwiza w'u Rwanda na Kenya.

    Ati 'Ku ruhande rwa Guverinoa y'u Rwanda n'abanyarwanda muri rusange, nshimiye abavandimwe b'abanya-Kenya ku matora bakoze mu mahoro tariki 9 Kanama 2022. Ndanashimira kandi William Ruto perezida watowe.'

    Umukuru w'igihugu yongeyeho ko Guverinoma y'u Rwanda ishimangira cyane umubano mwiza n'ubufatanye hagati ya Kenya n'u Rwanda.

    The post Perezida Kagame yifurije ishya n'ihirwe Ruto appeared first on FLASH RADIO&TV.

    Source : https://flash.rw/2022/08/16/perezida-kagame-yifurije-ishya-nihirwe-ruto/?utm_source=rss&utm_medium=rss&utm_campaign=perezida-kagame-yifurije-ishya-nihirwe-ruto

  • Umurambo wa Munyentwari wasanzwe ku muhanda,Se wabo n’abahungu be 3 batabwa muri yombi #rwanda #RwOT

    Ibi byabereye karere ka Rutsiro, umurenge wa Kigeyo, akagari ka Nkora ho mu mudugudu wa Gasereganya.

    Amakuru y’urupfu rwa Munyentwari Anastase uri mu kigero cy’imyaka 40, yamenyekanye muri iki gitondo ubwo basangaga umurambo we ku muhanda, maze umugabo n’abahungu be batatu bakekwaho kugira uruhare muri uru rupfu bahita batabwa muri yombi.

    Umunyamabanga Nshingwabikorwa w’Umusigire w’Umurenge wa Kigeyo, Nikuze Aimée yemeje aya makuru, avuga ko bafunzwe mu gihe iperereza rigikomeje ngo hamenyekane icyaba cyishe nyakwigendera.

    Ati “Amakuru twayamenye muri iki gitondo atanzwe n’umuturage wabonye umurambo ku muhanda, abakekwa barimo mo Se wabo n’abahungu batatu bari basanzwe bafitanye n’uwapfuye amakimbirane nibo bahise batabwa muri yombi. Bashyikirijwe RIB kugira ngo babazwe mu gihe iperereza rigikomeje.”

    Yakomeje avuga ko uyu musaza ufunzwe akaba se wabo wa nyakwigendera, yigeze gukorerwa urugomo agaterwa amabuye, akanakubitwa maze bakarega uyu nyakwigendera muri RIB ibura ibimenyetso iramurekura arataha.

    Kiri ubu abakozi b’urwego rw’Ubugenzacyaha RIB bageze ahabereye iri icyaha barimo gufata ibimenyetso.

    Ivomo:Igihe

    Source : http://www.ukwezi.rw/1-1/Amakuru-anyuranye/Umurambo-wa-Munyentwari-wasanzwe-ku-muhanda-Se-wabo-n-abahungu-be-3-batabwa-muri-yombi

  • U Rwanda rwavuze ku ntsinzi ya William Ruto watorewe kuyobora Kenya #rwanda #RwOT

    Bikubiye mu itangazo rya Minisiteri y’Ububanyi n’Amahanga n’Ubutwererane, ryasohotse ku gicamunsi cyo kuri uyu wa Kabiri tariki 16 Kanama 2022.

    Iri tangazo ritangira rigira riti 'Guverinoma y’u Rwanda n’Abanyarwanda bishimiye gushimira Guverinoma ya Kenya n’Abanyakenya ku bw’amatora rusange yagenze neza yabaye tariki 09 Kanama 2022.'

    Rikomeza rigira riti 'Guverinoma y’u Rwanda yifuje gushimira Nyakubahwa William Samoei Ruto ku bwo gutorerwa kuba Perezida mushya wa Repubulika ya Kenya.'

    Guverinoma y’u Rwanda ikomeza ivuga ko yishimiye imikoranire myiza isanzwe hagati y’u Rwanda na Kenya ndetse ko yishimiye gukomeza gutsimbataza ubucuti n’imikoranire isanzweho.

    Iri tangazo rya Guverinoma y’u Rwanda risohotse nyuma y’amasaha macye Komisiyo y’Igihugu y’Amatora muri Kenya itangaje by’agateganyo ibyavuye mu matora y’Umukuru w’igihugu bigaragaza ko William Ruto yayegukanye ku majwi 50,47 % atsinze Raila Odinga bari bahanganye.

    Abakuru b’Ibihugu binyuranye ndetse n’abandi bakomeye, bakomeje kwifuriza ishya n’ihirwe Perezida mushya William Ruto.

    Perezida Evariste Ndayishimiye w’u Burundi unayoboye Umuryango wa Afurika y’Iburasirazuba, ni umwe mu bashimiye Ruto aho yanaboneyeho gusaba impande zitanyuzwe n’ibyavuye mu matora, kwiyambaza inzira ziteganywa n’amategeko.

    Perezida wa Tanzania, Madamu Samia Suluhu Hassan na we yifurije ishya n’Ihirwe ndetse amwizeza ko Ibihugu byombi bizakomeza kurushaho gukorana nk’ibivandimwe.

    Source : http://www.ukwezi.rw/1-1/Amakuru-anyuranye/article/U-Rwanda-rwavuze-ku-ntsinzi-ya-William-Ruto-watorewe-kuyobora-Kenya

  • Gicumbi: Abasengera mu mazi ya Rusumo baraburirwa #Rwanda #RwOT via @kigalitoday #rwanda #RwOT

    Ubuyobozi bw’Akarere ka Gicumbi burasaba abantu baturuka hirya no hino mu gihugu, bajya gusengera mu mazi yo ku Rusumo, mu Murenge wa Mutete muri ako (…)

    Source : https://www.kigalitoday.com/amakuru/amakuru-mu-rwanda/article/gicumbi-abasengera-mu-mazi-ya-rusumo-baraburirwa

  • Rayon Sports irashaka umunyezamu hasi hejuru #rwanda #RwOT

    Umutoa wa Rayon Sports, Haringingo Francis Mbaya yavuze ko abanyezamu bafite ubu bibasaba kuba bobonye undi mbere y’uko shampiyona itangira.

    Ku munsi w’ejo Rayon Sports yerekanye abakinnyi izakoresha mu mwaka w’imikino wa 2022-23 aho bakinnye umukino wa gicuti na Vipers SC yo muri Uganda ikabatsinda 1-0.

    Umuntu wese wari muri Stade yatashye avuga ko Rayon Sports ifite ikibazo mu izamu, ni nyuma y’uko Hategekimana Bonheur wafashe uyu mukino yagaragaje guhuzagurika cyane.

    Abandi banyezamu ba Rayon Sports ni Hakizimana Adolphe ufite ikibazo cy’imvine ndetse na Twagirayezu Amani baheruka kugura muri Bugesera FC na we watinze gutangira imyitozo.

    Haringingo Fracis yemeje ko hari umunyezamu bari mu biganiro ugomba kuza mu maguru mashya ndetse ngo bibaye byiza bazatangira shampiyona yaraje.

    Ati 'Hari umunyezamu dushaka ushobora kuza vuba, azaza afatanye n’abandi kuko Adolphe afite imvune na Amani yatangiye imyitozo atinze, rero dukeneye umuzamu byihutirwa.'

    Isoko ryo kugura abakinnyi mu Rwanda rizafungwa ku munsi w’ejo ku wa Gatatu tariki ya 17 Kanama ari nabwo uyu munyezamu ugomba kuba ari umunyamahanga azaba yamaze gusinyira Rayon Sports.

    Nta gihindutse azaba ari umurundi Nahimana Jonathan, gusa byagorana ko yahita akina umukino w’umunsi wa mbere wa shampiyona aho Rayon Sports izakina na Espoir FC saa 18h kuri Stade Regional i Nyamirambo ku wa Gatanu tariki ya 19 Kanama 2022.

    Haringingo Francis avuga ko Rayon Sports ikeneye umunyezamu mu maguru mashya

    Source : http://isimbi.rw/siporo/article/rayon-sports-irashaka-umunyezamu-hasi-hejuru

  • Rutsiro:Umwalimu arahigwa bukware ashinjwa gusambanya umwana w’umuturanyi #rwanda #RwOT

    Igikorwa cyo gushakisha uyu mwarimu, cyatangiye ubwo umwana ukekwaho gusambanywa, yavugaga ko yakorewe ibya mfura mbi n’uwo murezi ariko ko yabivuze yatinze kuko ukekwaho kumusambanya yamuteye ubwoba amubwira ko naramuka abivuze azamumerera nabi.

    Uyu mwarimu usanzwe wigisha ku Ishuri Ribanza rya Gahondo mu Murenge wa Kivumu, afite imyaka 30 mu gihe umwana w’umukobwa akekwaho gusambanya we afite imyaka 13 y’amavuko akaba yiga mu mwaka wa gatanu w’amashuri abanza.

    Patrick Muhizi Munyamahoro uyobora uyu Murenge wa Kivumu yataganje ko uyu mwana yabihishuye mu gitondo cyo kuri uyu wa Mbere tariki 15 Kanama.

    Yagize ati 'Yabanje kurwana nabyo, nyuma yuko mwarimu amushyizeho iterabwoba ko nabivuga azamwica.'

    Avuga ko uyu mwana yabanje kubibwira umubyeyi we [Mama we] na we agahita abimenyesha inzego.

    Ati 'Icyo twihutiye gukora ni ukujyana umwana kwa muganga, naho inzego turimo kumushakisha [umwarimu ukekwa].'

    Uyu muyobozi avuga ko igikorwa cyo gusambanya uriya mwana gikekwa kuri uriya mwarimu yagikoze'Ku wa Gatandatu ahengereye umugore we adahari, asambanya umwana w’imyaka 13 w’umuturanyi.'

    Avuga ko uyu mwana w’umukobwa akekwaho gusambanywa tariki 13 Kanama 2022, ubwo iwabo bari bamutumye mu rugo rw’uwo mwarimu ukekwaho kumusambanya.

    Uyu mwarimu uri gushakishwa, asanzwe afite umugore n’abana batatu, bikaba bivugwa ko kiriya gikorwa akekwaho gukora cyabaye abandi bo muri uru rugo rwe badahari.

    Source : http://www.ukwezi.rw/1-1/Amakuru-anyuranye/article/Rutsiro-Umwalimu-arahigwa-bukware-ashinjwa-gusambanya-umwana-w-umuturanyi

  • Amafoto – Rayon Sports Day yaranzwe no kwerekana abakinnyi 27 na nimero bazambara, Vipers yari umutumirwa itsinda mu mukino wa gishuti 1-0 #rwanda #RwOT

    Ku gicamunsi gishyira umugoroba wo kuri uyu wa mbere tariki ya 15 Kanama 2022 nibwo habaye umunsi witiriwe ikipe ya Rayon Sports uzwi nka 'Rayon Day', ni umunsi w'ibirori wabereye kuri Sitade ya Kigali i Nyamirambo.

    Ni ibirori byabereyemo ibikorwa bitandukanye byo kwereka abakunzi ba Gikundiro bamwe mu bakinnyi bashya ndetse n'abatoza babo, hanabaye kandi umukino wa gishuti wahuje ikipe ya Vipers SC yo muri Uganda yanabonye itsinzi yo kuri uyu munsi y'igitego kimwe ku busa.

    Ikipe ya Rayon Sports yari yateguye uyu munsi, yatangiye yerekana abakinnyi na nimero bazambara muri uyu mwaka w'imikino wa 2022-2023, ni igikorwa cyabere mu kibuga cya Sitade ya Kigali kiyoborwa na Perezida wa Rayon Jean Fidele Uwayezu.

    Abakinnyi berekanywe ni Hakizimana Adolphe (22), Rwatubyaye Abdul (4), Hirwa Jean de Dieu (2), Ngendahimana Eric (5), Hategekimana Bonheur (1), Nishimwe Blaise (6), Manishimwe Eric (8), Kanamugire Roger (11) na Muvandimwe JVM (12).

    Mucyo Didier Junior (14), Mugisha Master (15), Ganijuru Elie Ishimwe (16), Ndekwé Bavakure Félix (17), Nkurunziza Félicien (26), Musa Esenu (20), Tuyisenge Arsène (19), Onana Essomba Willy (10), Mitima Isaac (23) na Mbirizi Eric (66).

    Rudasingwa Prince (27), Iraguha Hadji (29), Ndizeye Samuel (25), Twagirayezu Aman (28), Paul Were (9), Iradukunda Pascal (24), Raphael Osaluwe (7) na Traoré Boubacar utarabona nimero.


    Rayon Sports Day 2022 yasojwe n'umukino mpuzamahanga wa gicuti wayihuje na Vipers SC yo muri Uganda, ni umukino warangiye ikipe ya Vipers isanzwe itozwa na Robertihno wahoze muri Gikundiro, uyu warangiye ari 1-0.


    Iki gitego kimwe cyabonetse muri uyu mukino cyatsinze na Bobosi Byaruhanga, ni igitego kimwe cyabonetse ku munota wa 4 w'umukino.


    Mu bindi byaranze uyu munsi harimo abahanzi batandukanye baririmbye muri ibi birori, harimo Afrique uzwi mu ndirimbo Agatunda, Eric Senderi ndetse na Ish Kevin.

    The post Amafoto — Rayon Sports Day yaranzwe no kwerekana abakinnyi 27 na nimero bazambara, Vipers yari umutumirwa itsinda mu mukino wa gishuti 1-0 appeared first on RUSHYASHYA.

    Source : https://rushyashya.net/amafoto-rayon-sports-day-yaranzwe-no-kwerekana-abakinnyi-27-na-nimero-bazambara-vipers-yari-umutumirwa-itsinda-mu-mukino-wa-gishuti-1-0/?utm_source=rss&utm_medium=rss&utm_campaign=amafoto-rayon-sports-day-yaranzwe-no-kwerekana-abakinnyi-27-na-nimero-bazambara-vipers-yari-umutumirwa-itsinda-mu-mukino-wa-gishuti-1-0

  • Vipers SC yatumye Rayon Sports isoza nabi “Umunsi w'Igikundiro 2022” #rwanda #RwOT

    Imyaka 2 yikurikiranya Rayon Sports idatsinda k' Umunsi w'Igikundiro kuko nyuma y'umwaka ushize yatsinzwe na Kiyovu Sports ndetse kuri uyu wa Mbere yatsinzwe na Vipers igitego 1-0.

    Uyu mukino wakinwe kuri uyu wa Mbere, tariki ya 15 Kanama 2022, ni wo wasoje ibirori byiswe 'Rayon Sports Day' cyangwa 'Umunsi w'Igikundiro'.

    Hakiri kare ku munota wa kane gusa w'umukino ni bwo Ikipe ya Vipers SC yafunguye amazamu ku gitego cyatsinzwe na Rutahizamu wayo Bobosi Byaruhanga ndetse Rayon Sports irwana no kucyishyura birangira ntabyo igezeho.

    Ikipe ya Vipers yihariye umukino mu gice cya mbere ariko ntiyabasha kwinjiza ikindi gitego nubwo yahushije byinshi.

    Mu gice cya kabiri, Rayon Sports yakangutse iha akazi gakomeye Vipers ariko ba rutahizamu bayo ntibabasha kubyaza umusaruro amahirwe yabonetse.

    Ku munota wa 75, uyu musore yateye ishoti rikomeye rigana mu izamu rya Vipers SC, umupira ujya hanze mbere y'uko na Mbirizi Eric ahusha uburyo bukomeye ku mupira yari ateresheje umutwe ukajya hanze y'izamu.

    Abakinnyi ba Rayon Sports yaba abashya n'abo yaguze beretse abakunzi bayo umukino mwiza ndetse bataha bafite icyizere ko ikipe yabo izitwara neza.

    Vipers SC yatwaye shampiyona ya Uganda umwaka ushize,iheruka gutsinda Young Africans ibitego 2-0 ku munsi mukuru wayo uzwi nka 'Yanga Day'.Iri kwitegura imikino ya CAF Champions League mu gihe Rayon Sports iri kwitegura shampiyona.

    Imikino ya shampiyona Rayon Sports yitegura gukina:

    20 Kanama: Rayon Sports v Rutsiro
    8 Nzeri: Police v Rayon
    1 Ukwakira: Marines v Rayon

    Source : https://umuryango.rw/imyidagaduro/imikino/article/vipers-sc-yatumye-rayon-sports-isoza-nabi-umunsi-w-igikundiro-2022

  • Volleyball U21: U Rwanda rutangiye rutsindwa na Misiri #Rwanda #RwOT via @kigalitoday #rwanda #RwOT

    Ku wa Mbere tariki 15 Kanama 2022, mu gihugu cya Tuniziya mu mujyi wa Sousse, ku nkengero z’inyanja ya Méditerranée, hatangiye irushanwa ry’imgimbi (…)

    Source : https://www.kigalitoday.com/imikino-11/volleyball/article/volleyball-u21-u-rwanda-rutangiye-rutsindwa-na-misiri