Author: webrwanda

Kuri uyu wa Gatandatu tariki 03 Nzeri 2022, ikipe y’Igihugu y’u Rwanda, Amavubi yatsindiwe na Ethiopia kuri sitade mpuzamahanga ya Huye igitego 1 – 0 ibura (…)

Rachel wabaye Miss Universe Kenya, yamaze kwibikaho indi modoka muri parikingi ye yahawe. Ni impano y’imodoka ya BMW Platinum Edition Porsche Cayenner ihagaze miliyoni 86.4Frw.

Mu butumwa bwe yagize ati: 'Umugabo wanjye yankoreye ikintu uyu munsi antunguza impano y'imodoka ya 2023 Platinum Edition Porsche Cayenne.'

Akomeza ashima umugabo we agira ati: 'Murakoze Preston mugabo mwiza umukobwa wese yakwifuza kugira, ndagukunda cyane.'

Ababonye ubu butumwa bamurase amashimwe banamwifuriza gukomeza guhirwa.

Rachel asigaye atuye muri Leta Zunze Ubumwe za Amerika.

Yamamaye cyane ubwo yahagarariraga Kenya mu marushanwa y'ubwiza ya Miss Universe, icyo gihe yari afite imyaka 18.

 Kuva ku myaka itandatu, yakoreraga televiziyo zitandukanye. Kuri ubu ni umwe muri ba rwiyemezamirimo bakomeye kandi bubatse izina mu mideli bakomoka muri Kenya.

Yavuzweho kwibagisha amabere n’amataye ngo agire imiterere ikurura abagaboYishimiye impano y’imodoka y’agatangaza yahaweIri mu bwoko bw’imodoka zigezweho za BMW PorscheNi ibyishimo bikomye kuri Rachel Mbuki

Igitego kimwe rukumbi cya Ethiopia cyafashije Ethiopia kubona itike ya CHAN 2023 isezereye Amavubi yakiniraga muri stade nshya.

Uyu munsi nibwo Amavubi yakiriye Ethiopia mu mukino wo kwishyura w’ijonjora rya nyuma ryo gushaka itike ya CHAN 2023, ni nyuma y’uko umukino ubanza amakipe yombi yari yanganyirije muri Tanzania 0-0.

Ni umukino Amavubi yakiriye kuri Stade Huye, akaba ari na wo mukino wa mbere yari agiye gukiniraho nyuma y’uko ivuguruwe ikemererwa na CAF kwakira imikino mpuzamahanga.

Ni umukino u Rwanda rwagiye gukina rubizi neza ko rusabwa gutsinda uko byagenda kose kugira ngo rwizere kuba rwabona itike ya CHAN.

Igice cya mbere cy’umukino cyaranzwe no gukora amakosa menshi arimo no guhuzagurika cyane cyane mu kibuga hagati ku ruhande rw’u Rwanda aho wabonaga Seif utarakinnye umukino ubanza na Blaise Nishimwe wagiyemo asimbura batarimo guhuza neza na Mugisha Bonheur na we wasaga n’utari mu mukino.

Aya makossa yatumye mu gice cya mbere abasore b’u Rwanda babiri babona amakarita y’umuhondo yahawe Mugisha Bonheur na Serumogo Ally wayihawe ku munota wa 20 ku ikosa yakoreye umukinnyi wa Ethiopia inyuma gato y’urubuga rw’amahina.

Iri kosa niryo ryaje kuvamo igitego cya Ethiopia kuri kufura yatewe neza na Dawa Hutessa Dukele.

Amavubi yagerageje gushaka uko yishyura iki gitego ariko n’ubundi akomeza kurushwa na Ethiopia, nta mahirwe yigeze abona uretse nk’ishoti ryo ku munota wa 45 Haruna Niyonzima yatereye inyuma y’urubuga rw’amahina ariko umupira ukanyura hejuru y’izamu gato. Amakipe yagiye kuruhuka ari 1-0.

Umutoza Carlos Alos Ferrer yatangiye igice cya kabiri akora impinduka akuramo Mugisha Bonheur hinjiramo Muhozi Fred.

Amavubi yatangiye gusatira cyane, ashyira igitutu kuri Ethiopia ndetse agenda arema amahirwe nubwo kuyabyaza umusaruro byabanje kugorana.

Ku munota wa 60 Amavubi yakoze impinduka 2 havamo Niyonzima Olivier Seif na Tuyisenge Arsene hinjiramo Iradukunda Jean Bertrand na Nshuti Dominique Savio.

Amavubi yakomeje gushaka igitego ariko biragorana kugeza ku munota wa 72 ubwo Fiacre yarokoraga Amavubi akuye umupira ku kirenge rutahizamu wa Ethiopia.

Carlos yakoze impinduka za nyuma ku munota 74 Nishimwe Blaise na Serumogo Ali bahaye umwanya Nsabimama Eric Zidane na Nkubana Marc.

Abasore b’ikipe y’igihugu bageregeje uburyo bushoboka bwose ariko uko iminota yashiraga ni nako amahirwe y’u Rwanda muri CHAN 2023 yagendaga ayoyoka. Umukino waje kurangira ari 1-0 maze u Rwanda rusezererwa rutabonye iyi tike.

Kuwa Gatanu tariki ya 2 Nzeri 2022 hakozwe igikorwa cy'ubukangurambaga ku banyarwanda baba mu Rwanda, mu kubahamagarira kugira uruhare mu buzima bw'abababaye. 

Ni igikorwa aba bakobwa bari bakunze gukora aho baba muri Canada, ariko bifuje no kugikorera mu Rwanda kugira ngo ufite umutima wo gufasha abe yabigiramo uruhare mu guhindura icyerekezo cy'ubuzima bw'abana badafite amikoro.

Muri Rwanda Day yabereye i Toronto mu 2013, Josephine Murphy Bukuru na Joselyne Alexandre Butoyi, bagaragarije Perezida Kagame bamubwira ko bakeneye aho bagurira ibikorwa by'Umuryango 'Shelter Them Batarure' wita ku bikorwa bizamura imibereho myiza y'abaturage.

Icyo gihe Umukuru w’Igihugu yabemereye ubutaka. Mu 2015 aba bakobwa baje guhabwa ubutaka bungana na hegitare 2.5 buri mu Karere ka Bugesera mu Murenge wa Nyarugenge, Akagari ka Kabuye. Igice kimwe cyubatswemo Ikigo Mbonezamikurire, ikindi kigenerwa amacumbi y'abatishoboye mu gihe hari n'igikorerwamo ubuhinzi.

Ubwo butaka bahawe na Perezida Kagame, babwubatseho ishuri rifasha abana baturuka mu miryango itishoboye uhereye mu ishuri mbonezamikurire ECD ariko bifuza no kubaka ishuri ribanza rizakomeza gufasha abo bana nkuko Josephine Murphy Bukuru yabigarutseho.

Bukuru na Butoyi basabonura ibijyanye no kubaho kw'abana

Ati 'Turifuza kubaka ishuri ribanza kugira ngo abana bacu bakomeze kubona uburere bwiza kandi n'uburezi bufite ireme. Ubu dufite ishuri ry'incuke twifuza ko bazajya bakomereza no mu ishuri ribanza ryacu.'

Ubusanzwe umwana ufashwa na Shelter Them, yishyurirwa ishuri n'umuryango we ugafashwa mu buryo butandukanye mu rwego rwo kuzamura no guhindura imibereho yabo.

Kuri ubu, uyu muryango watangijwe n’aba bakobwa ufite abana basaga 200 barimo 89 biga mu ishuri rya ECD ryubatswe n'uyu muryango, 56 biga mu mashuri abanza, 27 biga mu mashuri yisumbuye ndetse n'abana barindwi biga muri Kaminuza.

Umuhanzikazi Daniella ni umwe mu bitabiriye banagira umusanzu batanga wo gufasha abana

Umuyobozi Mukuru wa Shelter Them Batarure, Joselyne Alexandre Butoyi, bivuye mu byo bagiye bageraho bitari gushoboka, yagaragaje ko akenshi abakiri mu bibazo birengagizwa. Yavuze ko icyo bashyize imbere ari ugufasha abana kugira icyerekezo cy'ubuzima.

Ati 'Byari ibintu byo kutibagirwa abantu b'iwacu. Turi abanyarwanda kandi turiyizi. Turi abantu b’agaciro. Intumbero ya Shelter Them ni ugufasha umwana akazavamo umuntu w'umugabo. Dufashe umwana kubona amahitamo ye y'ubuzima.'

Abitabiriye iki gikorwa bagaragaje ko gufasha abana bikwiye gukorwa n'umuryango kugira ngo bimwe mu bibazo byugarije abavuka mu miryango itishoboye bishakirwe umuti.

Bagaragaje ubushake bwo gufasha aho umwe yashoboraga gutanga ubufasha bwo kurihira umwana ishuri, abandi bakiyemeza amafaranga mu bushobozi bwa bo.

Iradukunda Marcel ni umwe mu bana basoje kwiga Kaminuza abikesha Shelter Them, yagaragaje ko uyu muryango wamuhinduye uwo ari we uyu munsi.

Ati 'Navukiye mu muryango ukennye, byari bigoranye kubona ibyo nkenera byose kugira ngo nige. Ahazaza hanjye ntabwo hagaragaraga. Naje guhura na Shelter Them, bamfasha kwiga ndetse bakomeza gufasha n'umuryango wanjye. Ubu ibyo narotaga ntibikiri inzozi kuko byabaye impamo.'

Umwana ufashwa na Shelter Them wiga mu ishuri ry'incuke, yishyurirwa ibihumbi 30 Frw buri kwezi kandi n'umuryango we ugafashwa.

Ibi birori byasusurukijwe n'abahanzi b'indirimbo ziramya zikanahimbaza Imana barimo, Aime Uwimana, James na Daniella ndetse na Baraka na Janielle.

Umubyeyi wabo yanyuzwe cyane

Abana barishimye

Abantu benshi banyuzwe n'uburyo uyu muryango wita ku bana

Christelle Kabagire ni we wari umusangiza w'amagambo

Marcel yavuze ubuhamya bwe n'ukuntu uyu muryango wamenye ubuzima bwe kugeza n'ubu

Umunyamakuru w’imikino ukunzwe na benshi, Uwimana Clarisse wa B&B FM yasabwe ndetse anakobwa na Festus Bertrand aho yahaye nyirabwukwe umwambaro wa Rayon Sports.

Ni umuhango wabaye mu gitondo cyo kuri uyu wa Gatandatu tariki ya 3 Nzeri 2022 ubera Rebero mu busitani bwo mu Ijuru (Garden Heaven).

Imbere y’inshuti n’abavandimwe bari babukereye baje kubashyigikira maze ababyeyi ba Clarisse bemera inkwano batanga umukobwa wa bo.

Clarisse kandi yasohowe mu nzu n’umuhanzi Intore Masamba ni mu gihe mu bamwambariye harimo umuhanzikazi Butera Knowless.

Umunyamakuru wa televizyo Rwanda, Evelyne Umurerwa ni we wari Maraine wa Clarisse Uwimana.

Mu bandi bitabiriye uyu muhango barimo Bayingana Aimable wabaye perezida wa FERWACY, Uwihanganye Fuade ukorana na Clarisse kuri B&B FM, Mahoro Nasri wa Flash FM wari wambariye Festus n’abandi.

Nyuma y’umuhango wo gusaba no gukwa bakaba bagiye gusezerana imbere y’amategeko muri Kiliziya ya Sainte Famille nyuma y’iyo mihango abatumiwe bakaza kwakirirwa muri Heaven Garden Rebero.

Bakoze ubukwe nyuma y’uko ku wa Kane tariki ya 17 Kanama 2022 Clarisse Uwimana na Festus Bertrand basezeranye imbere y’amategeko mu murenge wa Kimironko.

Byose byabaye nyuma y’uko ku mugoroba wo ku Cyumweru tariki ya 19 Kamena 2022 ni bwo Turan Festus Bertrand yasabye Uwimana Clarisse ko yazamubera umugore maze igihe basigaje ku Isi bakazakimarana bari kumwe.

Clarisse usanzwe ukorera B&B FM by’umwihariko mu kiganiro B-Wire kiba kigaruka ku makuru y’ibyamamare aho akunda guhuza abakinnyi n’abahanzi bafana, na we yahise amwemerera nk’uko yanabivuze abinyujije ku rukuta rwe rwa Instagram aho yagize ati “navuze nti yego”.

Uwimana Clarisse na Turan Festus Bertrand usanzwe ukora kwa muganga bahisemo kubana nyuma y’imyaka 2 bakundana.

Uwimana Clarisse, ni umunyamakuru wa siporo ukunzwe mu Rwanda kandi unabimazemo igihe, yakoreye ibitangazamakuru bitandukanye birimo City Radio, Contact FM, Flash FM, Vision FM ndetse na B&B FM akorera uyu munsi.

AMAFOTO: SHEMA Aine Julien / ISIMBI.RW

Tariki ya 31 Kanama buri mwaka ku isi hose bizihiza umunsi mpuzamahanga wo kunywa mu rugero mu rwego rwo gushishikariza abantu kutanywa inzoga nyinshi. (…)

Bamwe mu Banye-Congo bo mu Mujyi wa Bunagana bahunze imirwano ya FARDC na M23, berecyeje mu Gihugu cya Uganda gihana imbibi n’uyu mujyi wo muri DRCongo.

Bahise bahinira hafi bahita baca ingando mu gace ka Kisoro gaherereye hafi y’umupaka uhuza ibi Bihugu byombi batanabisabye ubuyobozi muri Uganda.

Minisiteri y’Impunzi muri Uganda, ivuga ko ibyakozwe n’izi mpunzi z’Abanye-Congo, binyuranyije n’amategeko, kuko batigeze baka ubuhungiro ndetse bagakambika hafi y’Igihgu cyabo bari bahunze.

Iyi Minisiteri yasabye inzego z’umutekano muri aka gace kwirukana izi mpunzi zigasubira aho zaturutse cyangwa zikajyanwa mu nkambi z’impunzi zemewe.

Hari n’amakuru avuga ko abasirikare ba Uganda bagiye muri iyi nkambi, bakayitwika mu gitondo cyo kuri uyu wa Gatanu tariki 02 Nzeri 2022.

Izi mpunzi ziri gusabwa gusubira mu mujyi wa Bunagana, mu gihe zifite ubwoba bwo kujya mu gace kari kugenzurwa n’umutwe wa Bunagana kuko inzego za Leta zabateye ubwoba ko abemeye kuba muri aka gace, bazafatwa nk’abashyigikiye uyu mutwe.

Gusa uyu mutwe wa M23 wo ugiye kuzuza amezi atatu ugenzura uyu mujyi wa Bunaga uhana imbibi na Uganda, wasabye Abanye-Congo, bahunze gutahuka bakaza kuko muri uyu mujyi ibintu ari amahoro.

Bamwe mu bari bahunze, baranahungutse ku bushake, basubizwa mu ngo zabo aho ubu batekanye.

Umutwe wa M23 wafashe umujyi wa Bunagana tariki 12 Kamena 2022, kuva icyo gihe urawugenzura ndetse wakomeje kubwira Leta ya Kinshasa n’amahanga ko udafite kurekura uyu mujyi.

Umutoza wa Rayon Sports, Haringingo Francis avuga ko atagize umwanya uhagije wo gukorana n’abakinnyi bashya b’abanyamahanga kuko baje shampiyona igiye gutangira ariko akaba abona barimo kugenda bamera neza umunsi ku munsi nk’uko abyifuza.

Rayon Sports yitegura umwaka w’imikino wa 2022-23 yongeyemo abakinnyi batandukanye yaba abanyamahanga ndetse n’abanyarwanda, gusa abakinnyi benshi b’abanyamahanga baje ku munota wa nyuma.

Mu bakinnyi b’abanyamahanga baje harimo umunya-Nigeria wari usanzwe ukinira Bugesera FC, Rafael Osalue, umurundi Mbirizi Eric, umunyatanzaniya w’umunyezamu Ramadhan Kabwili, umunya-Kenya Paul Were ndetse n’abakinnyi 2 bakomoka muri Mali, Boubacar Traore ndetse na Moussa Camara wanyuze muri iyi kipe 2016-17 we akaba yaraje nyuma y’abandi bose.

Aba bakinnyi bose ubona batarahuza neza na bagenzi ba bo basanze mu Rwanda uretse Mbirizi Eric na Rafael Osalue bagaragaza kuba bari hejuru y’abandi.

Umutoza Haringingo Francis avuga ko yagize ikibazo cy’uko atabonye umwanya uhagije wo kwitegurana n’aba bakinnyi ariko na none bakaba barimo bagenda bitwara neza bajya ku rwego abifuzaho.

Ati 'twagize ikibazo navuga ko shampiyona yatangiye mbere ntabwo twiteguye neza, n’aba bakinnyi bagiye baza turi mu mikino ugasanga ntabwo bari hejuru ariko muri rusange barimo kugenda babizamo neza kuko urebye uko Paul Were yaje n’uko ameze ubu hari ikintu kiyongereye, ukareba Rafael, ukareba Mbirizi ukareba uburyo bose barimo kugenda bitwara, muri rusange barimo kugenda baza natwe turimo kugeragaza kubashyira mu buryo bwiza kugira ngo bashobore kuduha umusaruro ukwiye.'

Agaruka ku mpamvu abakunzi ba Rayon Sports batarimo kubona Moussa Camara, yavuze ko atari guhita amukinisha atarareba urwego rw’imyitozo afite, gusa ngo mu mikino iri imbere bazamubona.

Ati 'Kuri Moussa Camara na we nyine ndimo ndareba nta myitozo myinshi yakoze kumushyira mu mikino ntazi uko ahagaze neza nibaza ko ari yo mpamvu mutabona ariko arimo arakora imyitozo nibaza ko mu mikino iri imbere mushobora kumubona.'

Haringingo Francis kandi yavuze ko ubu bamaze kuva ku isoko abakinnyi afite bahagije kandi yizeye ko bazamuha umusaruro yifuza, n’aho ibindi ngo ni ugutegereza isoko rikongera gufungurwa ariko muri rusange abakinnyi yifuzaga yarababonye.

Cyari igitaramo gitegerejwe n’abiganjemo Abarundi bari muri Zion Beach aho iki gitaramo cyabereye, dore ko bamwe bari bakomeje gusaba ko arekurwa maze akaza (…)