Webrwanda Backend

Author: webrwanda

  • Bigoranye Kiyovu Sports yakuye amanota kuri Espoir FC mu mukino wahagaze iminota 16 #rwanda #RwOT

    Mu mukino wahagaze iminota 16 kubera kubura Ambulance ku kibuga, Kiyovu Sports bigoranye yatsinze Espoir FC igitego 1-0.

    Wari umukino w’umunsi wa kabiri Kiyovu Sports yari yakiriye Espoir FC kuri Stade Regional i Nyamirambo.

    Ni umukino yagiye gukina nyuma yo gutsinda na Bugesera FC mu mukino w’umunsi wa mbere.

    Kiyovu Sports wabonaga itari mu mukino neza ariko yagiye igerageza amahirwe atandukanye harimo amashoti ya Nkusi Denis, Coutinho ariko ntibyabahira amakipe ajya kuruhuka ari ubusa ku busa.

    Igice cya kabiri cy’umukino Kiyovu Sports yatangiye isatira cyane ubona yisirisimbya imbere y’izamu rya Espoir FC ariko ubusatirizi bwa yo bugorwa no kubyaza umusaruro imipira yahindurwaga na Serumogo Ali.

    Eric Niyonsaba wa Espoir FC yagerageje ishoti ku munota wa 53 ariko umupira ukubita igiti cy’izamu.

    Bigirimana Abedi yahushije igitego cyabazwe ku munota wa 60 ni nyuma y’umupira mwiza wahinduwe na Serumogo ariko yashyiraho umutwe ugaca hanze gato yaryo.

    Issah Herry wa Espoir FC yahawe ikarita itukura ni nyuma yo guhabwa ikarita y’umuhondo kubera gutinza umukino yanga kujya ku ngombyi ageze hanze y’ikibuga yongera kukigikandagiramo batamuhaye uburenganzira, umusifuzi Patrick amuha indi ikarita y’umuhondo bihita biba umutuku.

    Kuva ku munota wa 82 umukino wahagaze kubera Ambulance itari ku kibuga, ni nyuma y’uko yari yatwaye umukinnyi wa Espoir FC, Ahishakiye Jacques kwa muganga mu gice cya mbere.

    Komiseri w’umukino yafashe umwanzuro wo guhagarika umukino ni nyuma yo kubona yatinze cyane itagaragara ku kibuga.

    Umukino wahagaze iminota igera kuri 16 yose hategerejwe Ambulance, umukino waje gukomeza nyuma y’uko igeze ku kibuga.

    Kiyovu Sports yaje gukambika ku izamu rya Espoir FC ishaka igitego, byaje kuyihira ubwo mu minota y’inyongera Nshimiyimana Ismail yayitsindiraga igitego cya mbere.

    Kiyovu Sports yaje kubona penaliti ku ikosa ryakorewe Abedi, Abedi yaje kuyitera ariko umupira ukubita igiti cy’izamu. Umukino warangiye ari 1-0.

    Umunsi wa 2

    Ku wa Kabiri tariki ya 6 Nzeri 2022

    Musanze FC 3-1 Marines
    Gasogi United 1-1 Etincelles
    Sunrise FC 1-1 Gorilla FC
    Rwamagana City 0-1 Rutsiro FC

    Ku wa Gatatu tariki ya 7 Nzeri 2022

    Kiyovu Sports 1-0 Espoir FC

    Ku wa Kane tariki ya 8 Nzeri 2022

    Bugesera FC vs APR FC (wasubitswe)
    Mukura VS vs AS Kigali (wasubitswe)
    Police FC vs Rayon Sports

    Wari umukino utoroshye

    Byasabye iminota y’inyongera

    Umunyezamu wa Espoir FC yatsinzwe igitego kimwe

    Source : http://isimbi.rw/siporo/article/bigoranye-kiyovu-sports-yakuye-amanota-kuri-espoir-fc-mu-mukino-wahagaze-iminota-16

  • Sudani y’Epfo: Ingabo z’u Rwanda zakanguriye abana isuku zibaha n’ibikoresho by’ishuri #Rwanda #RwOT via @kigalitoday #rwanda #RwOT

    Ingabo z’u Rwanda zo muri 'Rwanbatt-3′ ziri mu butumwa bw’Umuryango w’Abibumbye bwo kubungabunga amahoro muri Sudani y’Epfo (UNMISS), zakoze ibikorwa bihuza (…)

    Source : https://www.kigalitoday.com/amakuru/mu-mahanga/article/sudani-y-epfo-ingabo-z-u-rwanda-zakanguriye-abana-isuku-zibaha-n-ibikoresho-by-ishuri

  • Perezida w’Urukiko rw’Ikirenga muri Mozambique yasuye Ingabo z’u Rwanda #Rwanda #RwOT via @kigalitoday #rwanda #RwOT

    Perezida w’Urukiko rw’Ikirenga rwa Mozambique, n’Umuyobozi Mukuru wa Polisi muri Mozambique (IGP) Bernardino Rafael basuye ingabo z’u Rwanda ziri kubungabunga (…)

    Source : https://www.kigalitoday.com/umutekano/hanze-y-igihugu/Perezida-w-Urukiko-rw-Ikirenga-muri-Mozambique-yasuye-Ingabo-z-u-Rwanda

  • Bitunguranye, Perezida w'u Burundi Evariste Ndayishimiye yirukanye Minisitiri w'Inteba Bunyoni yashinjaga gutegura Coup d'Etat #rwanda #RwOT

    Nyuma y'iminsi baterana amagambo mu ruhame hagati ya Perezida w'u Burundi Evariste Ndayishimiye na Minisitiri w'Intebe we Alain Guillaume Bunyoni washinjwaga gutegura Coup d'Etat, byafashe indi ntera kuko Bunyoni yeretswe umuryango nkuko yari yarategujwe na Ndayishimiye. Bunyoni yasimbujwe na Gervais Ndirakobuca watowe n'inteko ishinga amategeko 113/113

    Mu ruhame Ndayishimiye yavuzeko ntawe ukorera Coup d'Etat General ahubwo ko abo bishyira hejuru bazajya hasi. Byabaye uyu munsi kuko nyuma yuko Perezida Ndayishimiye ashyizeho umukandida witwa Gervais Ndirakobuca ngo asimbure Bunyoni, yemejwe n'amajwi 113/113 by'abagize inteko y'u Burundi (abadepite n'abasenateri)

    Mu Burundi, Bunyoni yari yarigize indakorwaho kugeza naho agaye mu ruhame Perezida Evariste Ndayishimiye. Mu bijyanye na ruswa amasosiyeti hafi ya yose acukura amabuye y'agaciro, Bunyoni afitemo imigabane. Igihe mu Burundi hasyirwagaho Urwandiko rw'Inzira (passport) Bunyoni yashyizeho company y'abahinde aho hafi kimwe cyakabiri cy'amafaranga yagurwaga passport yajyaga mu mufuka wa Bunyoni.

    Yihenura kuri Perezida Ndayishimiye wamugaye imbere y'abaturage ko yigize intakoreka, Bunyoni yamusubijeko umuntu ukuvuga imbere y'abantu ujye ushimira Imana kuko uba umusumba.

    Aya magambo yafashwe nkaho atinyutse umukuru w'igihugu. Ibi kandi byaje bikurikira amagambo yavuzwe n'umugore wa Bunyoni ko Imana yamubwiye ko umugabo we azaba Perezida.

    Agaruka ku myitwarire ya Bunyoni, Perezida Ndayishimiye ntabwo yariye iminwa yagize ati

    'Uri umuntu usoma Bibiliya ntiwakwigira igihangange ndababwiza ukuri kuko Imana ishobora kugukubita umunsi umwe ikagushyira hasi n'umuryango wawe, abantu bagasigara bibaza icyaha wakoze bakakibura.'
    Yakomeje avuga ko uyu munsi hari abantu usanga bishyira hejuru mu bayobozi b'u Burundi nyamara bakirengagiza ko ubuhangange bafite babuhawe n'igihugu.

    Ati 'Hari umuntu usanga aho kwemera kwicisha bugufi, yigira igihangage, ati njyewe ndakomeye, nta n'umwe ukivuga mu gihugu, nta mategeko akivuga ni njye utanga amategeko.'

    Perezida Ndayishimiye yavuze ko ubutabera bukwiriye guhangana n'abantu bafite iyi myitwarire, kuko 'Ntawe ukina n'igihugu' ko 'ugitera akageri cyo kikagutera umugeri'.

    Muri iri jambo Perezida Ndayishimiye yatanze urugero kuri Maconco wabaye umutware n'Umukwe w'Umwami Mwezi Gisabo, ariko bikaza kurangira ashatse guhirika sebukwe.

    Ati 'Muribuka mwezi? Maconco yigometse kuri Mwezi. Maconco aravuga ati ndashaka ya ntebe wicaraho. Mwezi ati 'Naguhaye intara urayitwara, ntacyo ntaguhaye, none ushaka n'igihugu?'

    'Mwezi yohereza ingabo zijya kurwanya Maconco. None Maconco iyo atagira iyi myitwarire hari icyo yari kuba? Yapfuye atabaye Umwami. Yibazaga ngo kuko ari umukwe w'umwami azaba umwami. Kandi umwami ntacyo atari yaramuhaye, yamuhaye umukobwa, amuha intara aratwara, ariko we akomeza avuga ko ashaka intebe y'ubutware.'

    Perezida Ndayishimiye yakomeje avuga ko nta muntu ushobora kumuhirika ku butegetsi.
    Ati 'Ba Maconco nibasubize inkota mu rwubati kuko bazapfa batageze muri uyu mwanya. Umu-Général hari umuntu wamukangisha coup d'Etat? Uwo muntu ni nde ? Azaze ntacyo duhangane. Ku izina ry'Imana nzamunesha.'

    Ndayishimiye yavuze ko uyu muntu ushaka kumuhirika ku butegetsi afite imyitwarire nk'iy'isake yabanaga n'intama mu rugo rumwe ariko ikaza gushaka kuyigambanira ngo bayibage, gusa biza kurangira ba nyiri urugo bafashe umwanzuro wo kubaga isake.

    Ibibazo byo muri CNDD FDD byatangiye muri 2010 aho barwanira imyanya bivuye aho umuntu akomoka kandi buri wese akagira akazu ke. Ni ukubitega amaso!!

    The post Bitunguranye, Perezida w'u Burundi Evariste Ndayishimiye yirukanye Minisitiri w'Inteba Bunyoni yashinjaga gutegura Coup d'Etat appeared first on RUSHYASHYA.

    Source : https://rushyashya.net/bitunguranye-perezida-wu-burundi-evariste-ndayishimiye-yirukanye-minisitiri-winteba-bunyoni-yashinjaga-gutegura-coup-detat/?utm_source=rss&utm_medium=rss&utm_campaign=bitunguranye-perezida-wu-burundi-evariste-ndayishimiye-yirukanye-minisitiri-winteba-bunyoni-yashinjaga-gutegura-coup-detat

  • AMAHANO i Gicumbi : Umugabo aravugwaho gusambanya abakobwa be babiri, umwe yarega bigatanga ubusa #rwanda #RwOT

    Byabereye mu karere ka Gicumbi mu murenge wa Kageyo, Akagari ka Muhondo muri uyu mwaka.

    Uyu mukobwa waganiriye BTN, yavuze ko hashize igihe ababyeyi be batandukanye agasigarana na se umubyara mu mu rugo ari nabyo byamuhaye urwaho rwo kumusambanya.

    Ati 'Mama na papa baje gutandukana twebwe abana bato dusigarana na Papa hanyuma aza kugira ingeso mbi amfata ku ngufu mfite imyaka 13.'

    Ngo si ubwa mbere uwo mugabo akoze ayo mahano kuko yabikoze no ku mwana we mukuru nk’uko uyu mwana abivuga.

    Ati 'Ntabwo ari njye papa yabikoreye gusa kuko na mukuru wacu yarabimukoreye'.

    Uyu mukobwa yakomeje avuga ko nyuma y’aho bibereye yahise agira ipfunwe ryo gukomeza kuba mu rugo akahava. Avuga ko icyatumye atabimenyekanisha harimo ubwoba no kuba mukuru we yarabibwiye ubuyobozi ntibugire icyo bukora.

    Uwo mugabo yabajijwe icyo avuga kubyo umukobwa we amushinja, undi abihakana yivuye inyuma avuga ko bamubeshyera ahubwo ari akagambane yakorewe n’umugore we kuko batandukanye.

    Ati 'Ibyo n’ibintu ni uruvangitirane kuko hari n’ubundi nashwanye na mama we turanatandukana anshinja kuryamana na mukuru w’uwo mwana, rero ibyo bitekerezo byose abikuru kuri nyina.”

    Umuyobozi w’akarere ka Gicumbi Nzabonimpa Emmanuel, yavuze ko bagiye guhura n’umwana bagacukumbura icyo kibazo maze agahabwa ubutabera.

    Ati 'Tugiye guhura na we ducukumbure icyo kibazo nk’ubuyobozi kuko nta mpamvu yo kutarenganurwa.'

    Meya Nzabonimpa yaburiye abantu bishora muri ibyo byaha ko inzego z’ubuyobozi zitazabihanganira kandi ko guhohotera abana ari icyaha kidasaza.

    Source : http://www.ukwezi.rw/1-1/Amakuru-anyuranye/article/AMAHANO-i-Gicumbi-Umugabo-aravugwaho-gusambanya-abakobwa-be-babiri-umwe-yarega-bigatanga-ubusa

  • Musanze: Bakora urugendo rw'isaha bagiye gushaka amazi meza #rwanda #RwOT

    Bamwe mu batuye mu Murenge wa Musanze, baravuga ko babangamiwe no kutagira bimwe mu bikorwaremezo, birimo imihanda n'amazi meza kuko bibazitira mu rugamba rwo kwiteza imbere.

    Mu murenge wa Musanze mu tugali twa Garuka na Kabuzungu, abahatuye bakomeje kubangamirwa no kutagira ibikorwaremezo birimo amazi n'imihanda ari bimwe mu bibazitira mu rugamba rwo kwiteza imbere.

    Abaganiriye n'itangazamakuru rya Flash basabye ubuyobozi ko byakemura iki kibazo kuko kibagiraho ingaruka nyinshi zitandukanye

    Umwe yagize ati 'Iterambere ryo mu kagali ka Nyamaruye mu murenge wa Musanze ni ikibazo kuko nta terambere tugira, bitugiraho ingaruka nyinshi, abana bajya ku ishuri bakererewe ntibanasubire mu masomo neza,  bakava ku ishuri bajya gushaka amazi.'

    Mugenzi baturanye ati'Amazi aha ni ikibazo kuko no kumesa imyenda biratugora, ugasanga ufashe urugendo rw'isaha ujya kuyashaka. Ugiye nko gushora inka ni ikibazo, ntiwazivomerera ukora urugendo rurerure ngo bikunde.'

    Usibye iki kibazo cy'amazi bagaragaza ko no kugeza ibicuruzwa byabo ku masoko bitoroshye bitewe n'imihanda mibi.

    Yagize ati 'Nawe urabibona, gutega na moto biranga ngo essanse yarazamutse n'amapine yabo arangirika, ugasanga ni ikibazo gikomeye.'

    Umuyobozi w'Akarere ka Musanze Ramli Janvier, avuga ko ikibazo cy'ikorwa ry'imihanda cyane cyane ku mirenge ikora kuri parike y'igihugu y'ibirunga kizwi, kandi ko mugihe bitarakemuka abaturage baba bifashisha imiganda rusange kugira ngo imihanda ibe nyabagendwa.

    Icyakora agaragaza ko  uko ubushobozi bugenda buboneka, imihanda igenda ikorwa.

     Ku Kibazo cy'amazi agaragaza ko amazi agenda yegerezwa abaturage ku bufatanye n'abafatanyabikorwa b'akarere, mu kwegereza amazi meza abaturage.

    Umuhoza Honore

    The post Musanze: Bakora urugendo rw'isaha bagiye gushaka amazi meza appeared first on FLASH RADIO&TV.

    Source : https://flash.rw/2022/09/07/musanze-bakora-urugendo-rwisaka-bagiye-gushaka-amazi-meza/?utm_source=rss&utm_medium=rss&utm_campaign=musanze-bakora-urugendo-rwisaka-bagiye-gushaka-amazi-meza

  • Gasabo: Ikibazo cy'amakimbirane mu mirynago itarasezeranye kigiye guhagurukirwa #rwanda #RwOT

    Ubuyobozi bw'Akarere ka Gasabo buravuga ko bugiye guhagurukira ikibazo cy'ababana batarashyingiranwe imbere y'amategeko, bigakurura amakimbirane mu ngo.

    Ikibazo cy'amakimbirane mu miryango ndetse n'ubuharike giherutse kugarukwaho, mu bibazo abaturage bagejeje ku buyobozi bw'Akarere ka Gasabo.

    Aba bagore bo muri aka karere bavuga ko bashakanye n'abagabo babo ariko bakaza kubihinduka bakabata, ndetse bakabashakira abandi bagore.

    Barasaba ubuyobozi bw'aka karere kubarenganura, kuko imitungo baruhanye n'abagabo babo, yaguye mu binganza by'abandi bagore baharitswe, none bo barimo bangarana n'abana babo.

    Umwe yagize ati'Nashakanye n'umugabo 2002 twubaka amazu tubyarana abana babiri, nyuma umugabo avuga ko abana atari abe. Nakorewe ihohoterwa pe ryo mu nzu no hanze, no mu gitanda, umugabo wanjye na bashiki be bafatanya kuntoteza bansohora mu nzu, umugabo tumaze gutana njyana n'abana banjye. Icyo twasaba Leta ni ukuturenganura.'

    Mugenzi we ati 'Ikibazo nkifitanye n'umugabo wanjye, twabyaye abana batatu b'abakobwa aranta ngo nabyaye abakobwa. Inzu twari dufite ebyiri yazizanyemo undi mugore, namusaba ubufasha akabunyima.'

    Ubuyobozi bw'Akarere ka Gasabo, buravuga ko iki kibazo aho kigaragaye begera iyo miryango bakayiganiriza, icyakora umuyobozi Nshingwabikorwa w'aka karere Madamu Umwari Pauline, avuga ko aho binaniranye biyambaza inzira z'amategeko.

    Yagize ati 'Buriya imiryango ibana idasezeranye akenshi irangira ifite amakimbirane, ni yo mpamvu dufite gahunda yo kubashishikariza gusezerana, iyo dusanze imiryango ifitanye amakimbirane turabaganiriza tukabagira inama kugira ngo bagire umuryango muzima.'

    Kugeza ubu ubuyobozi bw'Akarere ka Gasabo, bwemereye abaturage batarasezerana kubera ubushobozi kubakoreshereza ibirori, mu gihe bazaba bamaze kugira ubushake bwo gusezerana imbere y'amategeko.

    Ikibazo cy'imiryango ibana idasezeranye, kigarukwaho nka kimwe mu bikomeje gutera amakimbirane mu miryango, ashobora no kugeza ku bwicanyi.

    Ntambara Garleon

    The post Gasabo: Ikibazo cy'amakimbirane mu mirynago itarasezeranye kigiye guhagurukirwa appeared first on FLASH RADIO&TV.

    Source : https://flash.rw/2022/09/07/gasabo-ikibazo-cyamakimbirane-mu-mirynago-itarasezeranye-kigiye-guhagurukirwa/?utm_source=rss&utm_medium=rss&utm_campaign=gasabo-ikibazo-cyamakimbirane-mu-mirynago-itarasezeranye-kigiye-guhagurukirwa

  • Uganda:Igitaramo gikunzwe cyasabiwe guhagarikwa,kubera iki? #rwanda #RwOT

    Inteko ishingamategeko ya Uganda yasabye ko iserukiramuco ngarukamwaka rya muzika rizwi nka Nyege Nyege riteganyijwe mu minsi micye iri imbere mu mujyi wa Jinja mu burasirazuba bwa Kampala, rihagarikwa.

    Umwe mu bagize Inteko yavuze ko iyi 'konseri' ari 'urubuga rwo kubiba ubusambanyi'.

    Martin Magara, minisitiri w'ubukerarugendo we yarengeye iryo serukiramuco avuga ko ari igikorwa giteza imbere ubukerarugendo.

    Yavuze ko abakerarugendo barenga 8,000 bo mu mahanga bamaze gukatisha 'tickets' zo kwitabira icyo gikorwa.

    Anita Among, umukuru w'Inteko ya Uganda yavuze ko iyi nteko itakwemera guteza imbere ubukerarugendo ku ibikorwa bibi ku bana.

    Minisiteri ishinzwe imyifatire yahaye uburenganzira iryo serukiramuco ishingiye ku kuba nta bana bemererwa kurijyamo kandi ko nta muntu urijyamo yambaye ubusa.

    Nyege Nyege ni kimwe mu bikorwa bya muzika bikurura abantu benshi mu karere no kure yako, izamo abahanzi benshi bo muri Africa n'ababa hanze y'umugabane.

    Kuri iyi nshuro biteganyijwe ko iba ku nshuro ya karindwi, ariko buri gihe ni ibitaramo byakuruye impaka nyinshi.

    Mu 2018, Nyege Nyege yabanje guhagarikwa ishinjwa gushishikariza ubusambanyi mu kivunge ariko nyuma yemererwa gukomeza kubera ubusabe bwa benshi muri rubanda.

    BBC

    Source : https://umuryango.rw/amakuru/mu-mahanga/umutekano/article/uganda-igitaramo-gikunzwe-cyasabiwe-guhagarikwa-kubera-iki

  • Kayonza : Pasiteri yatawe muri yombi ashinjwa kubeshya abaturage akabaka amafaranga #rwanda #RwOT

    Uyu mugabo yatawe muri yombi kuri uyu wa Kabiri tariki ya 7 Nzeri 2022 mu Mudugudu wa Kazeneza mu Kagari ka Gitara mu Murenge wa Kabare ari naho itorero yari abereye umushumba ryakoreraga.

    Amakuru avuga ko mu ntangiriro z’uyu mwaka aribwo uyu mukozi w’Imana yatangiye kubwira abayoboke be ko yenda kubazanira umushinga uzajya ufasha abana babo, ukabarihirira amashuri kugeza basoje kaminuza ndetse ukanabaha ibindi bikoresho byose nkenerwa.

    Ngo yababwiye ko abashaka kuwinjiramo bazajya batanga ibihumbi 100 Frw abasaba kubwira n’abandi baturage babyifuza kumugana bakiyandikisha.

    Abaturage bo mu tugari twa Gitara, Rubimba, Cyarubare, Rubumba, hakaniyongeraho abo mu mirenge ya Mwiri na Murama batanze ayo mafaranga.

    Abaturage baremeye barirya barimara bamwe banagurisha imitungo yabo bashakisha amafaranga barayamuzanira kuburyo ngo yanditse abaturage 250 buri umwe atanga ibihumbi 100 Frw, bivuze ko yakiriye miliyoni 25 Frw.

    Nyuma y’amezi umunani ngo bamubazaga aho umushinga ugeze akinumira bahitamo kumurega mu buyobozi.

    Umunyamabanaga Nshingwabikorwa w’Umurenge wa Kabare, Gatanazi Longin, yavuze ko uwo mupasiteri yamaze gutabwa muri yombi azira kwaka abaturage amafaranga.

    Gitifu Gatanazi yavuze ko ubusanzwe kwaka abantu amafaranga ugiye kubaha ubufasha bitemewe ngo kuko uwo mushinga n’ubundi iyo awuzana wari kujyamo abaturage batishoboye.

    Yavuze ko kuba umuntu atishoboye ukanamwaka ibihumbi 100 Frw bidakwiye.

    Uyu muyobozi yasabye abaturage kwirinda gukora ibintu batagishije inama ubuyobozi, ababwira ko hari abatekamutwe benshi bizeza abantu ibitangaza bakabatwara amafaranga yabo

    Kuri ubu uwafashwe afungiye kuri sitasiyo ya RIB ya Ndego mu gihe dosiye ye itegereje gushyikirizwa ubushinjacyaha.

    Ivomo:Igihe

    Source : http://www.ukwezi.rw/1-1/Amakuru-anyuranye/article/Kayonza-Pasiteri-yatawe-muri-yombi-ashinjwa-kubeshya-abaturage-akabaka-amafaranga

  • Rubavu : Umunye-Congo wari umaze iminsi atagaragara yasanzwe mu nzu yapfuye #rwanda #RwOT

    Uyu mugabo witwa Yankese Christian yaherukaga kugaragara ku wa Gatandatu w’icyumweru gishize ubwo yari avuye gucuranga muri kolari, ubundi arataha araryama, kuva icyo gihe ntiyongeye kugaragara.

    Uyu mugabo ukomoka muri DRC yari amaze iminsi nta muntu uzi amakuru ye aho byanatumye ubuyobozi bw’inzego z’ibanze bujya gushakisha bukamena inzu yabagamo bukinjiramo bugasanga yapfuye.

    Inshuti za nyakwigendera zirimo n’abo bari basanzwe bakorana umurimo w’Imana wo gucuranga mu rusengero rwa Restauration Church, zabwiye RADIOTV10 ko yibanaga akaba yari azwiho kwitonda cyane.

    Uwitwa Kamabu Augustin yavuze ko yari amaze iminsi amubonana ibibazo ku buryo hari n’igihe yamubajije uburwayi yaba afite, ariko akanga kugira icyo amutangariza.

    Ati 'Twaba ducuranga nkajya kubona nkabona arekeye gucuranga, hashira nk’iminota ibiri nkabona arongeye aracuranze. Ashobora kuba yari afite ikibazo cye kihariye atashakaga kumenyesha abantu.'

    Uyu muturage uvuga ko amaze imyaka itatu aziranye na nyakwigendera, yavuze ko ku cyumweru bari bafite ikiraka bagomba kujya gucurangamo ariko akaza kumubura ndetse yanamuhagamara akumva telefone ye ntiriho.

    Ati 'Numvaga ari ikibazo gisanzwe, ndamwihorera, na nimogoroba ndamuhamagara ndamubura, ngeze ejo nimugoroba mbonye ko ibintu bidasanzwe ngera hano nsanga urufunguzo mu rugii, ndigendera.'

    Abari basanzwe baturanye mu gipangu kimwe, bavuga ko nyakwigendera yari umugwaneza ku buryo badakeka ko haba hari uwamugiriye nabi.

    Urwego rw’Igihugu rw’Ubugenzacyaha rwahise rutangira iperereza ku cyaba cyahitanye nyakwigendera mu gihe umurambo we wajyanywe mu buruhukiro bw’Ibitaro bya Gisenyi.

    Source : http://www.ukwezi.rw/1-1/Amakuru-anyuranye/article/Rubavu-Umunye-Congo-wari-umaze-iminsi-atagaragara-yasanzwe-mu-nzu-yapfuye