Webrwanda Backend

Author: webrwanda

  • Lionel Messi yateye umugongo Barcelona na PSG ahitamo indi kipe #rwanda #RwOT

    Amakuru aravuga ko Lionel Messi yirengagije telefoni ya FC Barcelona ishaka ko yongera kuyerekezamo ahubwo ahitamo kugirana ibiganiro n'ikipe ya Inter Miami yo muri Amerika.

    Uyu munya Argentine w'icyamamare ngo arashaka kwerekeza muri shampiyona ya MLS mugihe amasezerano afitanye na Paris Saint-Germain azaba arangiye mu mpeshyi.

    FC Barcelona yifuza kugarura Messi kugira ngo yongere kubafasha gushinga imizi cyane ko nyuma yo kuyivamo batararenga amatsinda ya Champions League.

    Nk'uko ikinyamakuru cyo muri Espagne,Sport kibitangaza, ngo Messi yanze kwitaba telefoni y'umwungiriza wa perezida w'ikipe, Joan Laporta,ushinzwe kuganira n'abakinnyi.

    Messi w'imyaka 35, asa nkaho yamaze kumenyera i Paris,kuko amaze gutsinda ibitego 12 anatanga imipira 13 yavuyemo ibitego mu mikino 17 amaze gukina muri uyu mwaka w'imikino.

    Nubwo PSG nayo yifuza kumugumana igihe kirekire,amakuru menshi avuga ko ahazaza ha Messi ari ukwerekeza ahandi.

    Source : https://umuryango.rw/imyidagaduro/imikino/article/lionel-messi-yateye-umugongo-barcelona-na-psg-ahitamo-indi-kipe

  • #Handball: Bakiriwe bidasanzwe ubwo bagezaga igikombe #IHFTrophy mu Rwanda (AMAFOTO) #Rwanda #RwOT via @kigalitoday #rwanda #RwOT

    Abakinnyi y’ikipe y’igihugu ya Handball bavuye mu irushanwa rya Zone V ryaberaga i Nairobi muri Kenya, bazengurukijwe umujyi wa Kigali mu modoka ifunguye (…)

    Source : https://www.kigalitoday.com/imikino-11/handball/article/handball-bakiriwe-bidasanzwe-ubwo-bagezaga-igikombe-ihftrophy-mu-rwanda-amafoto

  • Abanyarwanda bashobora guhura n’amapfa hagendewe ku bipimo bya Meteo Rwanda #rwanda #RwOT

    Ikigo cy’Igihugu gishizwe ubumenyi bw’ikirere, Meteo Rwanda, kuri uyu wa Kabiri cyatangaje ko mu Ukwakira, imvura izaba nke uko uva mu burengerazuba bw’igihugu ugana mu burasirazuba.

    Ni mu gihe uburasirazuba bw’igihugu bwakomeje kugira ikibazo cy’imvura nke ku buryo buhura n’amapfa, abaturage bamwe bagahabwa inkunga y’ibiribwa.

    Imvura nyinshi mu gihugu izaba iri hagati ya milimetero 200 na 250, ikaba iteganyijwe mu bice by’Uturere twa Rusizi, Nyamasheke no mu majyaruguru y’uturere twa Rubavu, Nyabihu, Musanze na Burera.

    Imvura iri hagati ya milimetero 150 na 200 iteganyijwe mu bice by’Uturere twa Nyamagabe na Nyaruguru, n’ibice bisigaye by’Intara y’Iburengerazuba n’Amajyaruguru, ukuyemo amajyepfo y’uturere twa Rulindo na Gicumbi.

    Naho imvura nke ugereranyije n’izagwa ahandi mu gihugu izaba iri hagati ya milimetero 50 na 100.

    Iteganyijwe mu bice byinshi by’uturere twa Bugesera, Kayonza na Kirehe n’ibice bimwe by’Umujyi wa Kigali muri Kicukiro na Nyarugenge, Akarere ka Gatsibo n’igice cy’Amayaga.

    Muri rusange, imvura iteganyijwe mu kigero cy’imvura isanzwe igwa mu Ugushyingo, yitezwe mu bice byinshi by’Intara y’Iburengerazuba, Amajyepfo y’Amajyaruguru.

    Meteo Rwanda yakomeje iti “Naho ibice byinshi by’Intara y’Iburasirazuba n’igice gito cy’Intara y’Amajyepfo (Amayaga) hateganyijwe imvura nke ugereranyije n’imvura isanzwe ihagwa m’Ugushyingo.”

    Icyakora, ngo hateganyijwe ukwiyongera kw’imvura mu bice by’amajyepfo y’igihugu, ugereranyije n’ibihe by’izuba byaranze ibindi bice mu Ukwakira.

    Meteo Rwanda yakomeje iti “Ariko hari ibice by’amajyepfo y’Intara y’Iburasirazuba biteganyijwe ko imvura izakomeza kuba nke nko mu kwezi k’Ukwakira. Ibice bibiri bibanza by’uku kwezi hagati ya tariki ya 1 na tariki 20, biteganyijwemo imvura izaba iri ku kigero cy’imvura isanzwe ibigwamo, mu gihe igice cya gatatu giteganyijwemo ko imvura izaba iri munsi y’ikigero cy’imvura isanzwe ibonekamo.”

    Iki kigo kandi cyatangaje ko ubushyuhe buteganyijwe mu Ugushyingo 2022, buzaba buri hagati ya dogere selisiyusi 20 na 30.

    Umujyi wa Kigali, Amayaga, mu kibaya cya Bugarama, mu karere ka Bugesera no mu burengerazuba bw’Uturere twa Ngoma na Rwamagana n’ibice bimwe by’Akarere ka Kirehe, hateganyijwe igipimo cy’ubushyuhe kiruta icy’ahandi mu gihugu. Kizaba kiri hagati ya dogere celcius 28 na 30.

    Ni mu gihe ibice bimwe by’Uturere twa Ngororero, Rutsiro, Rubavu, Nyabihu, Musanze, Burera na Gicumbi, ariho hateganyijwe igipimo cy’ubushyuhe kiri hasi. Kizaba kiri hagati ya dogere celcius 20 na 22.

    Ni ibibazo byongera impugenge ko umusaruro w’ubuhizi muri iki gihe ushobora kurumba, mu gihe ibiciro ku masoko bisanzwe biri hejuru kubera impamvu zirimo ingaruka z’icyorezo cya COVID-19 n’intambara y’u Burusiya na Ukraine.

    Si mu Rwanda gusa, kuko muri Kanama byatangajwe ko ubutaka bw’ibihugu bigize Ubumwe bw’u Burayi (EU) n’u Bwongereza, bungana na 63%, bwugarijwe n’amapfa.

    Source : http://www.ukwezi.rw/1-1/Amakuru-anyuranye/article/Abanyarwanda-bashobora-guhura-n-amapfa-hagendewe-ku-bipimo-bya-Meteo-Rwanda

  • Iby’u Rwanda na Congo bikomeje gufata indi intera,Ambasaderi mushya yabujijwe gutanga impapuro #rwanda #RwOT

    Itangazo ry’iyi minisiteri ryo ku wa mbere rivuga ko Minisitiri Christophe Lutundula yamusabye kudatanga ayo mabura “kugeza ahawe andi makuru” kuri iyi ngingo.

    Iri tangazo rinavuga ko Minisitiri w’ububanyi n’amahanga Lutundula yahamagaje ushinzwe by’agateganyo ibikorwa by’ambasade ya Congo (chargé d’affaires) i Kigali ngo “bagirane ibiganiro”.

    Chargé d’affaires aba ari nk’uwungirije ambasaderi.

    Ibi bibaye nyuma yaho leta ya Congo yirukaniye Ambasaderi Vincent Karega wari uhagarariye u Rwanda muri icyo gihugu – icyemezo u Rwanda rwavuze ko “kibabaje”.

    Ku wa mbere, Ambasaderi Karega yatangaje kuri Twitter “ifoto y’urwibutso” ari kumwe n’abakozi b’ambasade y’u Rwanda, mbere yuko ava i Kinshasa.

    Kuri iyo foto yanditse ati : “Turi kumwe. Mwarakoze kuri byose”.

    Mu mpamvu inama nkuru y’umutekano ya Congo yatanze ku wa gatandatu mu gusaba leta y’icyo gihugu kwirukana Karega, harimo ko “u Rwanda rukomeje gushotora RDC no gufasha umutwe w’iterabwoba wa M23 rukoresha muri ibi” – ikirego leta y’u Rwanda na M23 bahakana.

    Ku wa gatandatu, M23 yafashe umujyi wa Rutshuru n’umujyi wa Kiwanja, uri ku ntera ya kilometero 70 uvuye mu murwa mukuru Goma w’intara ya Kivu ya ruguru.

    Kuva ku itariki ya 13 y’ukwezi kwa gatandatu uyu mwaka, M23 inagenzura umujyi wa Bunagana uri ku mupaka wa DR Congo na Uganda.

    Umunyamabanga mukuru w’umuryango w’abibumbye (ONU/UN) António Guterres, ku wa mbere yasabye ko M23 n’indi mitwe yitwaje intwaro bahagarika imirwano aka kanya bakanashyira intwaro hasi.

    Mu itangazo ryasohowe n’umuvugizi we, Guterres yanasabye ko ubusugire bwa DR Congo bwubahirizwa.

    Source : http://www.ukwezi.rw/1-1/Amakuru-anyuranye/article/Iby-u-Rwanda-na-Congo-bikomeje-gufata-indi-intera-Ambasaderi-mushya-yabujijwe-gutanga-impapuro

  • Umuhanzi Davido mu gahinda gakomeye #rwanda #RwOT

    Umuhanzi w’icyamamare ukomoka muri Nigeria, Davido n’umugore we Chioma bari mu gahinda gakomeye nyuma y’uko umuhungu wa bo Ifeanyi Adekele yitabye Imana.

    Ibinyamakuru bitandukanye muri Nigeria byabyutse byandika ko uyu mwana waherukaga kwizihiza isabukuru y’imyaka 3 mu cyumweru gishize yitabye Imana mu ijoro ryo ku wa Mbere aguye muri Piscine iwabo mu rugo Logos muri Banana.

    Ifeanyi akaba yahise yihutanwa kwa muganga mu gace ka Lekki ariko ashiramo umwuka bataragerayo.

    Ntabwo Davido cyangwa umugore we baragira icyo batangaza gusa bamwe mu byamamare bagiye bagaragaza ko bashenguwe n’uru rupfu barimo Paul Okoye wo mu itsinda P-Square, Umunyarwenya Ay, Iyabo Ojo n’abandi.

    Davido n’umugore we bari mu gahinda gakomeye

    Source : http://isimbi.rw/imyidagaduro/article/umuhanzi-davido-mu-gahinda-gakomeye

  • Elon Musk yirukanye abayobozi 9 mu bagize inama nkuru y'Ubuyobozi ya Twitter #rwanda #RwOT

    Elon Musk yasheshe (yakuyeho) abagize inama nkuru y'ubuyobozi ya kompanyi ya Twitter, ashimangira kugenzura uru rubuga nkoranyambaga. Abayobozi icyenda yakuyeho barimo uwahoze akuriye inama nkuru y'ubuyobozi ya Twitter, Bret Taylor, hamwe n'uwahoze ari umuyobozi mukuru wa Twitter, Parag Agrawal.

    Uyu muherwe wa mbere utunze za miliyari z'amadolari y'Amerika ku Isi, azaba umuyobozi mukuru wa Twitter nyuma yo kugura iyi kompanyi mu cyumweru gishize. Uko kuyigura kuri miliyari 44 z'amadolari kwashoje ugusiragira kwari kumaze amezi kujyanye n'amasezerano y'ubugure.

    Elon, yahise yihutira kwigaragaza muri iyi kompanyi, ikoreshwa n'abarimo abanyapolitiki n'abanyamakuru bo mu bice bitandukanye byo ku isi. Amavugurura arimo guteganya gukora, arimo nko guhindura uburyo Twitter iha abayikoresha akamenyetso k'ubururu ko kuri konti zabo kerekana ko zagenzuwe (verification), ndetse no kugabanya abakozi.

    Ikinyamakuru The Washington Post cyatangaje ko icyiciro cya mbere cyo kugabanya abakozi kirimo kwigwaho, kikaba gishobora kugabanya abakozi b'iyi kompanyi ho 25%. Twitter ntiyasubije ubusabe bwa BBC dukesha iyi nkuru bwo kugira icyo ivuga kuri ibyo byatangajwe n'icyo kinyamakuru.

    Abayobozi bakuru ba Twitter basanzwe baramaze gukurwaho, mu gihe Musk arimo kuzana muri iyi kompanyi inshuti ze zikomeye. Hagati aho, umushoramari mu by'ikoranabuhanga Jason Calacanis, yavuze ko 'abaye akiri muri Twitter ho gato …'.

    Kuri Twitter, yanditse asaba abantu ibitekerezo ku ngingo zitandukanye zirimo nko kwamamaza, hamwe no ku bijyanye na videwo. Calacanis yanabajije ingano y'abantu bashobora kwemera gutanga amafaranga kugira ngo bahabwe akamenyetso k'ubururu kagaragaza ko konti zabo zagenzuwe.

    Ni mu gihe hari amakuru ko Twitter ishobora kurihisha abantu bagafite amadolari 20 y'Amerika buri kwezi kugira ngo bakagumane, ni ukuvuga angana na 21,000Frw. Nyuma yaho kuri uyu wa kabiri, ubwo yasubizaga umuntu ukoresha Twitter wasabye gukura kuri uru rubuga konti z'abantu zimaze umwaka urenga zidakoreshwa, Musk yasubije ati 'rwose'.

    Musk, uyobora kompanyi Tesla ikora imodoka zikoreshwa n'amashanyarazi, yahinduye umwirondoro we kuri Twitter awugira 'Chief Twit', cyangwa 'Umukuru wa Twitter', ugenekereje mu Kinyarwanda. Ubu ni we muyobozi wenyine wa Twitter, nkuko bigaragazwa n'inyandiko yatanze ku wa mbere mu kanama k'Amerika k'iby'imari n'imigabane.

    intyoza

    Source : https://www.intyoza.com/2022/11/01/elon-musk-yirukanye-abayobozi-9-mu-bagize-inama-nkuru-yubuyobozi-ya-twitter/

  • Umugore wicajwe hagati y’abantu babyibushye mu ndege yahawe impozamarira #Rwanda #RwOT via @kigalitoday #rwanda #RwOT

    Dr Sydney Watson wo muri Leta Zunze Ubumwe za Amerika yanditse kuri Twitter akaga yahuye nako ubwo yicazwaga hagati y’abantu babiri bafite umubyibuho urenze (…)

    Source : https://www.kigalitoday.com/ntibisanzwe/article/umugore-wicajwe-hagati-y-abantu-babyibushye-mu-ndege-yahawe-impozamarira

  • Izuba n’izamuka ry’ibiciro byagabanyije abakoreraga mu isoko rya Nyanza #Rwanda #RwOT via @kigalitoday #rwanda #RwOT

    Abacururizaga hasi mu gasoko k’ikigoroba ka Nyanza mu Murenge wa Ngera, bishimiye isoko bubakiwe, ku buryo ubwo ryafungurwaga abashakaga kurikoreramo (…)

    Source : https://www.kigalitoday.com/ubukungu/ubucuruzi/article/izuba-n-izamuka-ry-ibiciro-byagabanyije-abakoreraga-mu-isoko-rya-nyanza

  • Ambasaderi Vincent Karega wirukanwe na Congo yasezeye abo bakoranaga #rwanda #RwOT

    Uwo mwanzuro Ambasaderi Karega yawumenyeshejwe na Minisitiri w’Ububanyi n’Amahanga wa RDC, Christophe Lutundula, ko afite amasaha 48 yo kuba atakiri ku butaka bw’iki gihugu.

    Bivuze ko Karega yagombaga kuva ku butaka bwa RDC bitarenze kuri uyu wa Gatatu tariki ya 2 Ugushyingo 2022. We ntiyahisemo gutegereza icyo gihe ahubwo yafashe umwanzuro wo guhita ava ku butaka bwa RDC cyane ko hashize igihe kinini iki gihugu cyaramwijunditse.

    Amakuru avuga ko mu masaha ya nyuma ya Saa Sita kuri uyu wa Mbere, tariki 31 Ukwakira 2022, Ambasaderi Karega yahagurutse i Kinshasa agana muri Congo Brazzaville aho agomba kuva ataha i Kigali.

    Kuva kwa Karega muri RDC ntibivuze ko Ambasade y’u Rwanda muri iki gihugu ifunze, ahubwo irakomeza gukora nk’ibisanzwe kuko abandi badipolomate bo bagumye mu kazi kabo nk’ibisanzwe.

    Inama Nkuru ya Gisirikare muri Repubulika Iharanira Demokarasi ya Congo (Conseil Supérieur de la Défense) yakoranyijwe na Perezida Tshisekedi, ku wa Gatandatu tariki 29 Ukwakira 2022 i Kinshasa ni yo yafashe umwanzuro wo kwirukana Ambasaderi Karega.

    Umwanzuro wa mbere wayo uvuga ko iyi nama yasabye Guverinoma “kwirukana mu masaha 48, uhereye igihe azamenyesherezwa iki cyemezo, Vincent Karega, Ambasaderi w’u Rwanda muri Repubulika Iharanira Demokarasi ya Congo.”

    Ni icyemezo basabye kubera ko u Rwanda ngo rwakomeje gushyigikira umutwe wa M23, ndetse ko ngo ubuyobozi bw’u Rwanda bwirengagije imirongo migari yemeranyijweho mu gukemura ibibazo by’umutekabo muke mu Burasirazuba bwa RDC.

    Umuvugizi wungirije wa Guverinoma y’u Rwanda, Alain Mukuralinda, yabwiye IGIHE ko uburyo RDC yirukanyemo Ambasaderi Karega bunyuranyije n’uko bisanzwe bikorwa muri dipolomasi.

    Ati ' Ntabwo bikorwa utabanje guhamagara Ambasaderi ngo muganire unamubwire icyemezo mugiye gufata. Cyangwa se niba mwagifashe, umuhamagare ubanze ukimubwire na we ntaze kubibona kuri televiziyo.'

    Mukuralinda yavuze ko Ambasaderi w’u Rwanda yamenye umwanzuro yafatiwe abikuye kuri televiziyo nk’uko n’abandi bose babibonye. Ati 'Inama yarabaye icyemezo kirafatwa, Umuvugizi wa Guverinoma aragisoma bijya ku mbuga nkoranyambaga no kuri televiziyo n’ahandi hose.'

    Yakomeje avuga ko kandi uburyo umwanzuro uvuga, ko Inama y’Umutekano yasabye Guverinoma kwirukana Karega, bidafututse, kuko abagize Guverinoma bari no muri iyo nama.

    Ati 'Ushinzwe dipolomasi mukuru mu gihugu ni Perezida wa Repubulika na Minisitiri w’Ububanyi n’Amahanga […] abo bose bari bari mu nama yafashe imyanzuro, wasobanura ute ko biri buze kujya mu nama ya Guverinoma n’ubundi igizwe nanone n’abo bantu?'

    Guverinoma ya RDC yaherukaga guhamagaza Karega muri Gicurasi uyu mwaka kugira ngo atange ibisobanuro ku birego iki gihugu gishinja u Rwanda ko rutera inkunga Umutwe wa M23.

    Ku rundi ruhande, u Rwanda rwatangaje ko rwababajwe n’umwanzuro wafashwe na Guverinoma ya RDC wo kwirukana Ambasaderi Vincent Karega, itangaza ko inzego z’umutekano zikomeje kuba maso kubera ibibazo by’umutekano muke bikomeje ku butaka bwa Congo.

    Itangazo u Rwanda rwashyize hanze, rivuga ko 'rwababajwe n’umwanzuro wa Guverinoma ya RDC wo kwirukana Ambasaderi w’u Rwanda Vincent Karega.'

    Guverinoma y’u Rwanda ivuga ko 'Inzego z’umutekano ku mupaka wacu na RDC zikomeje kuryamira amajanja mu gihe tukigenzura ibibazo biri kubera muri Congo.'

    U Rwanda kandi rwagaragaje ko ruhangayikishijwe n’ubufatanye buri hagati y’ingabo za Congo (FARDC) n’umutwe wa FDLR ugamije guhungabanya umutekano w’u Rwanda.

    Muri iri tangazo, u Rwanda ruvuga ko rufite impungenge z’uburyo FARDC na FDLR bakomeje kwegera umupaka warwo bitwaje intwaro ziremereye.

    U Rwanda rwongeye guhamagarira umuryango mpuzamahanga gukurikiranira hafi imvugo z’urwango n’ihohoterwa rikorerwa abavuga Ikinyarwanda muri Congo, bikagirwamo uruhare n’ubuyobozi bwa Congo.

    Bati 'Uku kwinjiza FDLR muri FARDC n’imikoranire bafitanye, bijyanye n’ubu bwiyongere bw’imvugo z’urwango n’ubugizi bwa nabi bwibasiye Abanyarwanda muri Congo n’abandi bavuga Ikinyarwanda batuye muri Congo.'

    Ku bijyanye n’ibirego Congo ishinja u Rwanda byo gushyigikira M23, u Rwanda rwavuze ko ari urwitwazo rwa Guverinoma ya Congo mu guhunga ibibazo biri mu miyoborere ndetse no kunanirwa kurinda umutekano.

    Guverinoma y’u Rwanda yatangaje ko rushyigikiye uburyo bwo kugarura amahoro muri Congo buciye mu nzira zatangijwe z’ibiganiro haba ibya Luanda muri Angola ndetse n’ibya Nairobi.

    Source : https://imirasire.com/?Ambasaderi-Vincent-Karega-wirukanwe-na-Congo-yasezeye-abo-bakoranaga

  • Perezida Kagame yakiriye intumwa y’umuhuza wa Congo n’u Rwanda #rwanda #RwOT

    Nk’uko byatangajwe n’ibiro by’Umukuru w’Igihugu Village Urugwiro, ku gicamunsi cyo kuri uyu wa Mbere nibwo iyi ntumwa izanye ubutumwa bwa Perezida João Lourenço, akaba anayoboye Umuryango w’Ibihugu byo mu Karere k’Ibiyaga bigari (ICGLR).

    Ubutumwa banyujije kuri Twitter bugira buti 'Kuri iki gicamunsi muri Village Urugwiro, Perezida Kagame yakiriye Minisitiri w’Ububanye n’Amahanga wa Angola, Hon. Antonio Tete uri mu Rwanda, azanye ubutumwa bwa Perezida João Lourenço.'

    Minisitiri w’Ububanyi n’Amahanga wa Angola, Hon. Antonio Tete ari mu Rwanda nyuma yo kuva muri Repubulika Iharanira Demokarasi ya Congo, aho naho yari yashyiriye Perezida Antoine Felix Tshisekedi ubutumwa yahawe na Perezida João Lourenço mu rwego rwo gushaka igisubizo ku bibazo by’umutekano muke uri mu Burasirazuba bwa Congo.

    Hon. Antonio Tete ashyikirije aba bakuru b’ibihugu ubu butumwa bwa Perezida João Lourenço, mu gihe mu Burasirazuba bwa Congo hakomeje imirwano ihuza M23 n’ingabo za leta FARDC, ndetse ibihugu byombi umubano wabyo ukaba urimo agatotsi kubera ibi bibazo by’umutekano muke.

    Perezida wa Angola, João Lourenço niwe muhuza w’u Rwanda na Congo kubera umwuka mubi uri hagati y’ibihugu byombi, muri Nyakanga uyu mwaka yahurije hamwe abakuru b’ibihugu byombi mu biganiro bigamije gushaka igisubizo ku gihu kiri mu mubano w’u Rwanda na DR Congo.

    Perezida Kagame yakiriye Minisitiri Tete, nyuma y’aho Umuryango w’Ubumwe bwa Afurika mu itangazo washyize ahagaragara, binyuze kuri Perezida wa AU akaba na Perezida wa Sénégal, Macky Sall, hamwe na Perezida wa Komisiyo ya AU, Moussa Faki Mahamat, bagaragaje ko bahangayikishijwe n’ibibazo by’umutekano mu burasirazuba bwa Repubulika Iharahira Demokarasi ya Congo (RDC).

    Aba bayobozi kandi basabye ko haba ibiganiro ku ntambara yubuye hagati y’umutwe wa M23 n’Ingabo za RDC (FARDC), yatumye icyo gihugu kirushaho kwikoma u Rwanda, kikirukana Ambasaderi warwo.

    Ni mu gihe kandi kuri uyu wa Mbere Perezida Kagame yatangaje ko yagiranye ibiganiro n’Umunyamabanga Mukuru wa UN, António Guterres, cyibanze ku bibazo by’umutekano muke bikomeje kurushaho kwiyongera mu Burasirazubz bwa RDC, ndetse banemeranya ko uburyo bwo guhosha no kubikemura ari ugukurikiza inzira y’amahoro yagenwe n’ibiganiro byabereye i Nairobi hamwe n’ibya Luanda.

    Ibaruwa yahawe Ambasaderi Karega, bivugwa ko ari nayo yahawe Alice Kimpembe Bamba wari 'Chargé d’Affaires’ wa RDC mu Rwanda, amenyeshwa ko agomba kuba asubiye i Kinshasa.

    Source : https://imirasire.com/?Perezida-Kagame-yakiriye-intumwa-y-umuhuza-wa-Congo-n-u-Rwanda