Author: webrwanda

Kuri uyu wa Gatandatu tariki 5 nibwo mu Rwanda hashojwe imikino y’abakozi mu byiciro bitandukanye, mu bagabo n’abagore. Usibye imwe mu mikino ya nyuma yari yarabaye nka Volleyball, kuri uyu wa Gatandatu hakinwe imikino ya nyuma muri Basketball ndetse no mu mupira w’amaguru.

Umukino wari utegerejwe na benshi wabereye kuri sitade ya Kigali i Nyamirambo uhuza ikigo cy’igihugu gishinzwe ubuzima RBC ari nabo baterankunga bakuru b’iri rushanwa, bacakirana na Rwandair FC imenyereye aya marushanwa.
Uyu mukino igice cya mbere cyarangiye amakipe yombi anganya ubusa ku busa, gusa RBC FC ikaba yari yabonye uburyo bwinshi bw’igitego ariko ikinanirwa.

Abakinnyi RBC FC yabanje mu kibuga

Mu gice cya kabiri amakipe yagarutse mu kibuga agomba gushaka igitego, bakanga bakajya muri penariti ako kanya. Ubwo Umusifuzi yatangizaga igice cya kabiri, ni nako imvura yahise yiroha mu kibuga abakinnyi batangira kugorwa n’ubunyereri.

Ku munota wa 54 Rwandair FC yabonye igitego ku mupira mwiza wari utanzwe na Bonane Jean d'Amour, maze Habiyaremye Jean Claude  acunga umunyezamu wa RBC wari uhagaze nabi umupira awutereka mu rushundura. Umukino wahise utangira gushyuha, umutoza wungirije wa RBC Ndoli Jean Claude atangira gukora impinduka. 

Abakinnyi Rwandair FC yabanje mu kibuga

Nyuma y’iminota 10 gusa ku munota wa 64 RBC yaje kubona igitego cyo kwishyura, cyatsinzwe na Byamungu Abbas Cédric. Umukino wenda kurangira, ku munota wa 84 Dr Nyakarundi Jean Pierre yaje gutsindira RBC igitego cya Kabiri cyahise kibahesha igikombe cya shampiyona, Rwandair FC iba itsindiwe ku mukino wa nyuma inshuro ya kabiri yikurikiranya.

Indi mikino yabaye

Muri Basketball mu bigo bifite abakozi 100 kuzamura, Rwandair BBC yegukanye igikombe itsinze WASAC BBC ku mukino wa nyuma ku manota 70-47.

Muri Basketball y'ibigo byigenga, STECOL yari nshya muri iyi shampiyona, yegukanye igikombe itsinze Bank y'Abaturage (BPR) ku manota 71-61.

STECOL ikinira i Masoro, yegukanye igikombe muri Basketball ku nshuro ya mbere yari yitabiriye iyi mikino 

Mu mupira w'amaguru mu Cyiciro cy'ibigo bifite abakozi bari munsi y'100, RISA FC yegukanye igikombe itsinze RMB FC ibitego 4-0 mu mukino wabereye kuri Stade Mumena.

Muri Basketball mu Cyiciro cy'ibigo bifite abakozi 100 kuzamura, hari umukino wa IPRC-Kigali na Primature utarakinwa kuko ikigo cya IPRC cyari cyafunzwe kubere iperereza kiri gukorwaho, ariko uyu mukino uzakinwa mu minsi ya vuba. 

BK yegukanye igikombe mu mupira w’amaguru mu bigo byigenga itsinze SKOL FC

Muri Volleyball y'ibigo bifite abakozi bari munsi y'100, Primature yegukanye igikombe itsinze Minisports ku mukino wa nyuma.

Mu cyiciro cy'abagore muri Basketball, REG yegukanye igikombe itsinze RSSB, mu gihe muri Volleyball cyegukanywe na RRA yatsindiye ku mukino wa nyuma MOD.

“Ku bwanjye navuga ko ariyo shampiyona yagenze neza mu mateka y’iyi mikino.” Mpamo Thierry Tigos, umuyobozi w’imikino y’abakozi aganira n’itangazamakuru. 

RBC FC yari yamanukanye abafana b’abahashyi biganjemo aba Rayon 

“Ni imikino yamaze igihe kirere kuko yatangiye muri Werurwe uyu mwaka. N’ubwo yamaze igihe kirekire ariko twagize amahirwe tubona abaterankunga, ni ibintu bitari bisanzwe. Nk’ubu murebye nk’uyu mukino wa nyuma abafana bari bahari ihangana amakipe yari afite, muri rusange navuga ko uyu mwaka w’imikino ari uwo kwishimira.”

Iyi mikino y’abakozi yatangiye gukinwa bwa mbere mu 1999, gusa ikaba yarahuzaga abakozi bo muri Kigali gusa. Mu 2014 iyi mikino yaje kuvugururwa itangira kujya yitabirwa n’abakozi bo mu gihugu cyose.

Amakipe yatwaye ibikombe azahagararira u Rwanda mu mikino Nyafurika ihuza abakozi ku rwego mpuzamahanga izabera muri Gambia umwaka utaha. 

Abafana batandukanye bari bahabaye 

RBC FC bishimira igikombe begukanye 

Source : https://inyarwanda.com/inkuru/122596/rbc-fc-yegukanye-igikombe-cyimikino-yabakozi-itsinze-rwandair-fc-122596.html

Source : https://www.kigalitoday.com/amakuru/amakuru-mu-rwanda/article/ingo-miliyoni-ebyiri-mu-rwanda-zimaze-kugezwaho-amashanyarazi

Umuvugizi w'Ingabo za Repubulika ya Demokarasi ya Congo (FARDC), Jenerali Sylvain Ekenge mu kiganiro n'itangazamakuru cyabaye kuri uyu wa Gatandatu Tariki 05 Ugushyingo 2022, yatangaje ko batananiwe kuvana Abarwanyi ba M23 mu birindiro by'aho yafashe, ko icyo bakoze ari ugusubira inyuma by'amayeri y'urugamba bagamije kwirinda impfu zitari ngombwa. Ahamya ko nta Santimetero n'imwe y'ubutaka bwa Congo izasigara iriho inkweto z'abo yita 'Umwanzi'.

Muri iki kiganiro n'itangazamakuru, ubwo Jenerali Ekenge yabazwaga n'umunyamakuru impamvu igisirikare cy'iki gihugu kimaze iminsi 150 kitarashobora kwisubiza umujyi wa Bunagana, yasubije ko; FARDC itari kurwanira ahari abaturage kandi inshingano zayo za mbere ari ukubarinda.

Yagize kandi ati' Twasubiye inyuma by'amayeri y'urugamba mu kwirinda impfu zitari ngombwa'. Yakomeje avuga ko mu mwaka wa 2012 ubwo umutwe w'abarwanyi wa M23 wari wafashe Goma, ariko nyuma y'umwaka urenga mu kwezi kwa cumin a kumwekwa 2013, abo barwanyi ngo birukanywe muri uwo mujyi. Aho niho yagize ati ' Nta Santimetero ( Cm) n'imwe izasigara iriho inkweto z'Umwanzi'.

Abasaga 2000 I Goma honyine bamaze kwiyandikisha kujya mu gisirikare cya FARDC

Muri iki kiganiro n'Abanyamakuru, Jenerali Ekenge nkuko BBC dukesha iyi nkuru ibitangaza, yavuze ko urubyiruko rw'Abanye-Congo rubarirwa mu bihumbi rumaze gusaba kujya mu Ngabo, kuva ku wa Kane ubwo Perezida w'Iki Gihugu yaruhamagariraga' Kwinjira mu Gisirikare ku bwinshi' kuko' Intambara abaturanyi badusojeho isaba ibitambo bya buri umwe muri twe'.

Mu kiganiro n'abanyamakuru cyo kuri uyu wa gatandatu, umuvugizi w'ingabo za Repubuilika ya Demokarasi ya Congo (FARDC), Jenerali Sylvain Ekenge, yavuze ko ibikorwa byo kwinjiza urubyiruko mu gisirikare ubu birimo kubera mu murwa mukuru Kinshasa n'i Goma mu burasirazuba bw'igihugu. Yagize ati: 'Abarenga 2000 bamaze kwiyandikisha i Goma, i Goma honyine'.

Jenerali Ekenge yavuze ko ahatari ibiro bikuru bya Gisirikare hari 'ibigo by'ijonjora', cyangwa'cellules de sélection', ko aho bitari na ho hazoherezwa amatsinda y'abasirikare yo gukora ijonjora. Yavuze ko abajya mu gisirikare ari urubyiruko rw'abasore n'inkumi rufite kuva ku myaka 18 kugeza kuri 25 rw’'imyitwarire myiza n'ubuzima bwiza ku mubiri no mu bitekerezo [mu mutwe]', ndetse rukaba rwarize nibura imyaka ibiri irenze ku mashuri abanza.

intyoza

Source : https://www.intyoza.com/2022/11/06/drc-twasubiye-inyuma-byamayeri-yurugamba-mu-kwirinda-impfu-zitari-ngombwa-gen-ekenge/

Rutahizamu Lionel Messi yagize ubwoba bw'imvune yagize habura ibyumweru bibiri gusa ngo igikombe cy'isi gitangire.

Paris Saint-Germain yemeje ko uyu munya Argentine atarakina umukino w'uyu munsi na Lorient kubera imvune yagize ku kagombambari.

Ikipe ariko ishimangira ko ari ikibazo gito.

Kandi byitezwe ko azagaruka mu myitozo yuzuye mu cyumweru gitaha.

PSG izakira Auxerre mu mpera zicyumweru gitaha, umukino wabo wa nyuma bagafata ikiruhuko cy'igikombe cy'isi.

Kapiteni wa Argentine, Messi yifuza cyane guhesha igihugu cye igikombe cy'isi ku ya 18 Ukuboza – kandi yizera ko ashobora gukirira ku gihe kuko umukino wabo wa mbere bazawukina na Saudi Arabia ku ya 22 Ugushyingo.

Agentine iri mu itsinda rimwe rya C kandi na Mexico na Poland.

Source : https://umuryango.rw/imyidagaduro/imikino/article/rutahizamu-lionel-messi-yagize-ubwoba

Source : https://www.kigalitoday.com/ibidukikije/ibungabunga/article/barishimira-amashyiga-arondereza-ibicanwa-abafasha-kuzigama

Source : https://www.kigalitoday.com/amakuru/mu-mahanga/article/sudani-y-epfo-2-3-by-abaturage-bashobora-kwibasirwa-n-inzara-mu-2023-un

Hamida wari umukunzi wa Rwatubyaye Abdul yitabye Imana azize kanseri.

Mu gitondo cyo kuri iki Cyumweru tariki ya 6 Ugushyingo 2022 nibwo inkuru y’incamugongo yamenyekanye ko Hamida yamaze kwitaba Imana azize iyi ndwara ya Leukaemia.

Ni inkuru yamenyekanye itangajwe n’umuvandimwe wa Hamida wari umaze iminsi amurwaje, ni ubutumwa yanyujije kuri WhatsApp Status ya Hamida.

Ati “Mwaramutse, ndagira ngo mbamenyeshe ko umuvandimwe wanjye yitabye Imana. Mukomeze mu musengere.'

Uyu munyarwandakazi wari usanzwe uba muri Indonesia, yari amaze igihe arwaye aho yari asigaye agendera mu kagare.

Mu mpera z’ukwezi gushize k’Ukwakira nyuma y’uko Rwatubyaye Abdul ahishuriye ISIMBI ko batakiri kumwe, Hamida bitewe n’abantu bamubazaga niba ari byo, yemeye gutobora aravuga ndetse ahishura ko arimo kunyura mu bihe bikomeye by’uburwayi.

Uyu mubyeyi w’abana babiri yavuze ko kubera uburwayi yagize ubu asigaye agendera mu kagare, ni mu butumwa yanyujije ku rukuta rwe rwa Instagram ahajya ubutumwa bumara amasaha 24.

Ati “abantu bakomeza kumbaza iby’urukundo rwanjye, ubuzima bwanjye bwari mu kirere cyangwa icyo twita amarembo y’ijuru, natakaje amaraso, amaguru yanjye ntabasha kugenda ubu ndi mu kagare njya kwa muganaga nanavayo, ndimo ndwana na Leukemia (ubwoko bwa kanseri y’amaraso) ya Infenction y’ibihaha.'

“Ntabwo byari byaroshye, uwo ari we wese yakurambirwa kubera ibishashagirana ariko mu Kinyarwanda baravuga ngo 'ugusize ahazamuka mukomeze’ ariko ndashima Imana ndimo ndabona ubufasha bw’umuvandimwe wanjye (sister) kandi ngiye kurwana na byo byose.'

Urukundo rwe na Rwatubyaye Abdul rwamenyekanye cyane muri 2020 ubwo buri umwe yatangiraga kugaragaza amarangamutima afitiye mugenzi we.

Muri Kamena 2021 ubwo yari yatanze umwanya ku bantu ngo bamubaze ibibazo bifuza kuri Instagram, Hamida nyuma yo kwemeza ko Rwatubyaye ari umugabo we cyane ko yari asigaye anitwa Mrs Rwatubyaye kuri Instagram, umwe mu bakunzi be yamubajije niba yaba yarakoze ubukwe maze amubwira ko imbere y’Imana byabaye ariko imbere y’amategeko ari mu minsi mike.

Icyo gihe yagize ati 'Imbere y’Imana twarasezeranye, imbere y’amategeko icyo twita umurenge ni mu minsi mike.”

Mu kiganiro Rwatubyaye Abdul, kapiteni wa Rayon Sports aheruka kugirana n’ikinyamakuru ISIMBI yavuze nta bukwe bwabaye icyabaye ari ukubutegura ariko ubu bukaba baratandukanye butabaye.

Ubutumwa bubika Hamida

Hamida wari umukunzi wa Rwatubyaye Abdul yitabye Imana azize kanseri

Source : http://isimbi.rw/imyidagaduro/article/uwari-umukunzi-wa-rwatubyaye-abdul-yitabye-imana

Imikino ya shampiyona y'u Rwanda y'ikiciro cya mbere mu bagabo yakomeje kuri uyu wa gatandatu, ikipe ya Marines Fc y'i Rubavu yari yakiriye Police FC umukino urangira amakipe yombi anganyije ibitego bibiri kuri bibiri.

Muri uyu mukino wabereye mu karere ka Rubavu, ikipe ya Police FC yari yasuye niyo yatangiye neza itsinda igitego cyabonetse ku munota wa 4 gitsinzwe na Twizerimana Onesme, cyaje kwishyurwa na Gikamba Ismael wa Marines FC ubwo hari ku munota wa 32 w'umukino.

Ubwo aya makipe yari avuye ku ruhuka, mu gice cya Kabiri Police FC niyo yongeye kwinjira neza mu mukino ibifashijwemo na Ntirushwa Aime yabonye igitego ku munota wa 58, cyaje nacyo kwishyurwa na Gitego Arthur ku munota wa 90, umukino urangira amakipe yombi anganyije 2-2.

Mu wundi mukino wabaye, Musanze yatsindiwe mu rugo na Mukura VS 3-2, ni bitego byatsinzwe na Namanda Wafula watsinze ibitego 2 ku ruhande rwa Musanze naho kuri Mukura yatsindiwe na Tatou, Kubwimana Cedric na Murenzi Patrick.

Usibye iyi mikino yaraye ibaye, Rayon Sports yaraye itsinze ikipe ya Sunrise FC igitego kimwe ku busa cyatsinzwe na Ndekwe Félix Bavakure, ikomeza kwicara ku mwanya wa mbere n'amanota 18.

Mu yindi mikino y'umunsi wa 8 iteganyijwe kuri iki cyumweru, Espoir FC irahura na Gasogi United, Rutsiro FC ikine na Kiyovu SC, As Kigali na Bugesera FC, APR FC na Gorilla FC naho Rwamagana City yakire Etincelles FC.

I Sarajevo mu gihugu cya Bosnia Herzegovina hari gukinirwa Shampiyona y'Isi mu mukino wa Sitting Volleyball, kuri uyu wa gatandatu u Rwanda mu bagabo batsinzwe umukino wa kabiri wo mu itsinda rya 4 n'ikipe y'igihugu y'U Buholandi amaseti 3-2 (25-20,20-25,22-25, 25-23,11-15)

Ikipe y'igihugu y'abagore nyuma yo kwitwara neza ku munsi wa gatanu batsinda Poland, kuri uyu wa gatandatu batsinze umukino wa kabiri wo mu itsinda rya mbere batsinze Bosnie and Herzegovine amaseti 3-0 (25-10,2: 25-9,25-9)

Kuri iki cyumweru imikino irakomeza u Rwanda mu bagabo rukina n'ikipe y'igihugu ya Misiri mu gihe abagore bo bazongera gukina ku wa mbere bahure n'ikipe y'igihugu ya Ukraine.

The post Police FC yaguye miswi na Marines FC, muri shampiyona y'isi, u Rwanda muri Sitting Volleyball y'abagore batsinze umukino wa kabiri appeared first on RUSHYASHYA.

Source : https://rushyashya.net/police-fc-yaguye-miswi-na-marines-fc-muri-shampiyona-yisi-u-rwanda-muri-sitting-volleyball-yabagore-batsinze-umukino-wa-kabiri/?utm_source=rss&utm_medium=rss&utm_campaign=police-fc-yaguye-miswi-na-marines-fc-muri-shampiyona-yisi-u-rwanda-muri-sitting-volleyball-yabagore-batsinze-umukino-wa-kabiri

Impunzi zicumbikiwe mu nkambi ya Dzaleka muri Malawi zigaragambije ndetse zifatira imodoka y'Ishami ry'Umuryango w'Abibumbye rishinzwe ibiribwa (PAM) nyuma y'uko zibwiwe ko zitari ku rutonde rw'abagomba guhabwa ibiribwa.

Muri Gashyantare 2022 nibwo PAM yafashe umwanzuro wo gukura impunzi 600 ku rutonde rw'isanzwe ihabwa ibiribwa buri kwezi kuko ngo zari zimaze kugera aho zishoboye kandi uyu muryango ukaba utagifite ubushobozi buhagije bwo kuzitunga zose.

Mu ntangiriro z'iki cyumweru nibwo izi mpunzi zatangiye kwigaragambya zivuga ko zishwe n'inzara. Ni imyigaragambyo iri gukorerwa muri iyi nkambi ya Dzaleka.

Muri iyi myigaragambyo byarangiye izi mpunzi zifatiriye n'imodoka ya PAM kugeza n'ubu zikaba zitarayirekura.

Nyuma y'iyi myigaragambyo PAM yatangaje ko igiye kongera kuzenguruka muri iyi nkambi icumbikiye impunzi zirenga ibihumbi 52 kugira ngo irebe neza abakwiriye ubufasha bw'ibiribwa.

Source : https://umuryango.rw/amakuru/mu-mahanga/ubukungu/article/imodoka-ya-pam-yafatiriwe-n-impunzi-muri-malawi-icyabibateye-kiratangaje

Source : https://www.kigalitoday.com/imyidagaduro/muzika/article/byari-bishyushye-mu-kabyiniro-ka-bk-arena