Author: webrwanda

I Washington DC, ku mu goroba wa tariki 13 Ukuboza 2022, Perezida Paul Kagame yagiranye ibiganiro na mugenzi we wa Mozambique, Filipe Nyusi, byibanze ku (…)

Ikigo Novartis cy’Abasuwisi gikora imiti, cyatanze ibihembo ku mishinga ine muri 40 yo mu bihugu bya Afurika yahatanye, aho uwa mbere ari uw’Abanyarwanda, (…)

Ni amashusho ari kugarukwaho cyane y’umusirikare wa FARDC wambaye n’impuzankano ya gisirikare, aho aba akubita abaturage b’abanyekongo bo mu bwoko bw’Abatutsi.

Muri aya mashusho, uyu musirikare afata umwe muri aba baturage akamusaba kubyimbisha itama rye kugira ngo amukubite, akabikora, undi akamukubita urushyi ruremereye, rukirangurura.

Bagenzi b’uyu muturage na bo baba bicaye hasi bifashe ku itama, bagaragaza agahinda kenshi k’iri hohoterwa baba bari gukorerwa mu Gihugu cyabo, bazizwa uko bavutse.

Ni igikorwa cyamaganywe n’abantu batandukanye, barimo n’Abanyarwanda, aho uwitwa Francine Havugimana yagize ati 'Ubugome ndengakamere, azira ubwoko atahisemo cyangwa ngo yihe.'

Noel Kambanda na we yagize ati 'Ni gute Abanyekongo bavuga Ikinyarwanda bahanwa bene aka kageni bazira ururimi rwabo.'

Young Congolese Kinyarwanda Speaker being punished punished for his language pic.twitter.com/DiSYjghTZM

— Noel Kambanda (@NoelKambanda) December 12, 2022

Umusesenguzi mu bya Politiki akaba n’umushakashatsi ku bya Jenoside, Tom Ndahiro na we yagize ati 'Ibi birenze kuba bibi. Ni Jenoside.'

Aya mashusho ashyizwe hanze nyuma y’ayandi aherutse gucicikana ku mbuga nkoranyambaga, agaragaza ibikorwa by’ihohoterwa rikorerwa Abanyekongo bavuga Ikinyarwanda b’Abatutsi.

Hari amashusho amwe yagaragazaga abo mu nzego z’umutekano za DRC zafashe umwe muri aba banyekongo, zamwambuye ubusa buriburi zamwicaje kuri moto, ziri kumukubita.

Nanone kandi hagaragaye andi mashusho y’uwari gukubitwa inkoni nini ndetse banamutwitse, byavuzwe ko ari umutwe wa FDLR wari uri kubikora.

Ni ibiganiro bishobora kuba mu gihe Abakuru b’Ibihugu byombi bamaze kugera i Washington ahari kubera inama ihuza Umugabane wa Afurika na Leta Zunze Ubumwe za Amerika.

Iyi nama iri kuba kuva tariki 13-15 Ukuboza 2022, biteganyijwe ko izaganirirwamo uburyo Amerika na Afurika byarushaho gufatanya.

Ni inama igiye guterana mu gihe ikibazo cy’umutekano muke cyongeye gukaza umurego mu Burasirazuba bwa Congo, ibintu iki gihugu kivuga ko bifitwemo uruhare n’umutwe wa M23, kivuga ko ufashwa n’u Rwanda.

Mbere y’uko iyi nama itangira Umuvugizi wa Minisiteri y’Ububanyi n’Amahanga ya Amerika, Ned Price yavuze iyi ngingo y’umutekano muri RDC ari imwe mu zizagarukwaho muri iyi nama.

Ati “Hari amahirwe menshi iyi nama y’abayobozi ba Afurika na Amerika izazana mu minsi mike iri imbere. Amwe muri iyo ni ajyanye no kuganira ku kibazo cy’amahoro n’umutekano ku mugabane, birumvikana cyane ko icyo ari kimwe mu biganiro bizibandwaho mu minsi mike iri imbere.”

Yakomeje avuga ko hari gahunda yo guhuza Perezida Kagame na Tshisekedi kugira ngo haganirwe ku kibazo cy’umutekano muke kuko gihangayikishije Amerika.

Ati “Nk’uko mubizi, iki kibazo cyafashe indi ntera bituma Minisitiri w’Ububanyi n’Amahanga, Antony Blinken agiha umwihariko, yagiye mu Rwanda no muri RDC muri Kanama mu gihe ibibazo byari bimeze nabi mu rwego rwo kuganira n’abayobozi b’ibihugu byombi, kugira ngo ahoshe amakimbirane ndetse abashishikarize kuyobora inzira zizahagarika ibi bikorwa.”

Mu gihe ibi biganiro byaba bibaye, byaba bikurikiye uruzinduko Antony Blinken yagiriye mu Rwanda no muri RDC muri Kanama 2022, mu rwego rwo gushakira umuti ikibazo cy’umutekano muke uri muri RDC n’umwuka mubi uri hagati y’ibi bihugu by’ibituranyi.

Nubwo RDC ikomeje gushinja u Rwanda gushyigikira M23, rwo rubihakana ruvuga ko umuti w’ibibazo biri muri iki gihugu uzava mu bayobozi bacyo.

Ku wa 30 Ugushyingo mu 2022, ubwo Perezida Kagame yakiraga indahiro z’abayobozi bashya muri Guverinoma yongeye gushimangira ko u Rwanda rudashobora gushyigikira M23.

Ati “Hari imitwe irenga ijana mu Burasirazuba bwa Congo, yitwaje intwaro ntazi ibyo irwanira. Iyo yose ntabwo yaba iriho kubera u Rwanda. Ntibishoboka. Niba ari ukubera u Rwanda, wenda yaba ikorana. Icyo kibazo gikwiriye gukemuka mu buryo bwa nyabwo, ni icy’abanye-congo ntabwo ari icy’u Rwanda, ariko twafasha kuko dushaka igihugu cy’igituranyi gitekanye.”

Perezida Kagame yavuze ko muri ibi bibazo, iteka u Rwanda arirwo rushinjwa ko ari nyirabayazana aho kuba ibindi bihugu nka Amerika, u Bwongereza, n’u Bufaransa cyangwa abandi.

Ati “Oya ni u Rwanda buri gihe. Kandi ngo ni M23 kubera u Rwanda. Urumva ko bikomeza kugaruka ku Rwanda. Ntabwo ari FDLR, abantu bakoze Jenoside hano, ntabwo ari Guverinoma ya Congo, ku mpamvu nyinshi […] mu igereranya, u Rwanda na Congo, hari ikinyuranyo kinini. Hari ibyo Congo yaha ibyo bihugu kurusha u Rwanda.”

Kugeza ubu M23 yamaze kwemera kuva mu bice yari imaze gufata, ndetse igaragaza ubushake bwo kuganira na Guverinoma ya RDC ku cyagarura amahoro arambye.

Nk’uko bikubiye mu itangazo ryashyizwe hanze na M23 kuri uyu wa Kabiri tariki 13 Ukuboza 2022, Umuvugizi wayo ku rwego rwa politiki, Lawrence Kanyuka, yavuze ko uretse intumwa z’ingabo za FARDC banakiriye iz’ingabo z’umuryango wa Afurika y’iburasirazuba (EAC),iza MONUSCO, iz’urwego rushinzwe umutekano wo ku mipaka mu karere k’ibiyaga bigari (EJVM) n’iz’urwego ruhuriweho rushinzwe iperereza ruyobowe n’umusirikare wa Angola.

Muri iri tangazo M23 ishimangira ko bakiriye izi ntumwa muri gurupoma ya Kibumba, teritwari ya Rutshuru kandi ngo bagiranye ibiganiro byabaye mu mahoro.
Ntihatangajwe ibyavugiwe hagati y’izi nzego, gusa uyu mutwe uvuga ko utegereje kongera guhurira na zo mu yindi nama.

M23 ikomeje gutabariza Abatuti barimo kwicwa, ntihwema gusaba guhura na Uhuru Kenyatta usanzwe ari umuhuza w’Abanyekongo, Perezida wa Angola ndetse n’ingabo za EAC, mu gihe witeguye 'guhagarika imirwano no gusubira inyuma.

M23 yemeye gusubira inyuma mu gihe yari imaze kwigarurira Teritwari ya Rutshuru, Nyiragongo n’igice cya Masisi, iyi ntambara ikaba yaratumye abaturage barenga ibihumbi 100 bava mu byabo.

Uyu munsi umukino wa mbere wa 1/2 mu gikombe cy’isi cy’uyu mwaka wakinwe ikipe y’igihugu ya Argentine iheruka ku mukino wa nyuma mu 2014, mu gihe Croatia yo yaherukagayo mu 2018.

Mu 2014 Argentine yageze muri 1/2 itsinze u Buhorandi kuri penariti muri 1/4, naho Croatia yo yari yatsinze Brazil ya Neymar nayo kuri penariti.

Mu mukino wa 1/2 w’igikombe cy’isi wy’uyu mwaka wahuje Argentine na Croatia, warangiye ari ibitego bitatu bya Argentine ku busa bwa Croatia.

Ni imikino mukurikirana binyuze kuri Televiziyo y'u Rwanda shene ya RTV CH 101 & CH 725 (Dish) kuri Decoderi ya StarTimes.

Abakinnyi 11 ba Argentina babanje mu kibuga: Martínez; Molina, Romero, Otamendi, Tagliafico; De Paul, Paredes, Enzo Fernández, Mac Allister; Messi na Julián Álvarez.

Uyu mukino watangiye gukinwa saa tatu z’ijoro ubera kuri Lusail Stadium, amakipe yombi yatangiye akina umukino uryoheye ijisho kuko nibura mu minota 5 ya mbere buri kipe yari imaze kugera imbere y’izamu ry’indi.

Abakinnyi ba Croatia 11 babanje mu kibuga:Livakovic; Juranovic, Lovren, Gvardiol, Sosa; Modric, Brozovic, Kovacic; Pasalic, Kramaric na Perisic.

Ikipe y’igihugu ya Argentine yakomeje gukina yirinda kwinjizwa igitego bigatuma abakinnyi bayo bose bakinira inyuma ariko Croatia igumya kurangwa no kwiharira umupira cyane.

Croatia yara kandi no kugerageza kugera imbere y’izamu ibifashijwemo na Modric ndetse na Kovacic bakina mu kibuga hagati.

Ku munota wa 12 Croatia yari ifite 65% mu kwiharira umupira naho Argentine ifite 35%.

Messi ari kumwe na Kapiteni wa Croatia, Modric

Ikipe y’igihugu ya Argentine yageze aho ihindura imikinire itangira kwataka cyane. Ku munota wa 25 Enzo Fernández yarekuye umuzinga w’ishoti ariko Livakovic ufatira Croatia arikuramo. 

Ku munota wa 33 Argentine yabonye penariti ku ikosa ryari rikozwe n’umunyezamu arikoreye Julián Álvarez. 

Ku munota wa 34 Lionel Messi yayiteye neza muri metero 90 z’izamu maze Livakovic wari asanzwe akuramo penariti ayoberwa uko byagenze, Argentine ihita ibona igitego cya 1.

Messi amaze gutera penariti nziza ndetse anuzuza ibitego 5 muri iki gikombe cy’isi harimo 3 bya penariti

Nyuma y’uko Argentine itsinze igitego cya 1, yabaye nk’iriye amavubi maze ku munota wa 39 Julian Alvarez atsinda igitego cya 2 ku mupira yari ahawe na Messi mu kibuga hagati ku burangare bwa Sosa ukina yugarira ku ruhande rwa Croatia. Igice cya mbere cyarangiye Argentine iyoboye n’ibitego 2-0 bwa Croatia.

Julian Alvarez wakoreweho penariti akanatsinda igitego cya 2, yateruye Lionel Messi

Igice cya kabiri cyatangiye Croatia igerageza uburyo bw’igitego kuko ku munota wa 46 bahise babona kufura nziza ariko Modric ayitera mu biganza Emiliano Martinez ufatira Argentine.

Ikipe y’igihugu ya Argentine yakomeje gukina nk’itaratsinda. Ku munota wa 56 Lionel Messi yashoboraga gutsinda igitego cya 3 ariko ku bw’amahirwe macye awutera mu biganza by’umuzamu.

Ku munota wa 69 Lionel Messi yakoze ibisa nko kwandagaza Gvardiol ukinira Croatia amucenga maze atanga umupira kwa Julian Alvarez atsinda igitego cya 3. 

Ku munota wa 85 Croatia yagombaga kuba yabonye igitego cy’impozamarira ku mupira wari uvuye muri koroneri ariko Perisic ananirwa kuwushyira ku mutwe ngo atsinde igitego. 

Umukino warangiye Argentine iyoboye n’ibitego 3-0 ihita ikomeza ku mukino wa nyuma w’igikombe cy’isi aho izahura n’izava hagati ya Morocco n’u Bufaransa zikina kuri uyu wa Gatatu.

StarTimes kandi mu mwaka utaha wa 2023, izabereka 'imikino ya CHAN 2023, CAF Champions League, na CAF Confederations Cup na Shampiyona y'Abadage Bundesliga kuri shene za Sports za StarTimes, no kuri Application ya StarTimes ON.

Umupira Messi yahaye Alvarez agatsinda igitego cya 3