Source : https://www.kigalitoday.com/imikino-11/football/article/rayon-sports-yabonye-umuterankunga-mushya
Niyibikora Safi uzwi ku izina nka Safi Madiba yavuze ku ndirimbo ifatwa nk'urwibutso kuri we yashyize kuri Album ye 'Back to Life', itazibagirana mu mitwe y'abakunzi ba Dj Miller witabye Imana agashengura imitima ya benshi bamukundaga.
Tariki 5 Mata ni imwe mu minsi itazibagirana mu mateka y'Umuziki w'u Rwanda. Mu masaha y'igicamunsi ku zuba ry'i saa sita z'amanywa muri Mata 2020, nibwo mu matwi ya benshi hatashye inkuru mbi, ko Karuranga Virgile wamenyekanye nka DJ Miller yitabye Imana.
Ni inkuru yatunguye benshi ndetse ica igikuba mu bakunzi b'umuziki, abari bazi uyu mugabo ndetse n'abatari bamuzi bamwumvaga nk'inkingi ya mwamba mu kuvanga imiziki.
DJ Miller yitabye Imana aguye mu bitaro byitiriwe Umwami Faisal, nyuma yo kugaragaza ibimenyetso by'indwara ya 'Stroke'.
DJ Miller ni umwe mu batangije igitekerezo cy'uko aba DJs bajya bakorana indirimbo n'abahanzi, mu rwego rwo kurushaho gukundisha Abanyarwanda umuziki w'abahanzi babo.
Ubuyobozi bwa East African Promoters (EAP) butegura igitaramo cya East African Party bwemeje ko nta muhanzi w’umunyamahanga uzongera gutumirwamo hagiye guhabwa agaciro abahanzi Nyarwanda.
EAP itangaje ibi nyuma y’imyaka 14 itegura igitaramo cya East African Party cyatumirwamo umuhanzi ukomeye w’umunyamahanga, umunyarwanda ukorera umuziki hanze ya rwo bagahuzwa n’abagezweho imbere mu bihugu.
Mushyoma Joseph uyobora EAP, yavuze ko bafashe uyu mwanzuro mu rwego rwo guha agaciro abahanzi nyarwanda.
Ati “Twifuza kuyikora mu yindi sura ku buryo mu myaka iri imbere, ntabwo ikigambiriwe ari abantu benshi ahubwo ni uguha agaciro umuziki wacu, turavuga kuri iyi nshuro, twari dufite urutonde rwinshi, abo hanze, aba hano, turavuga tuti iki gitaramo kimaze igihe, reka tugihe undi murongo dushyiremo abahanzi bakoze.”
“Ikigambiriwe ni uguha agaciro umuziki wacu aho ugeze, bishobora kuba urugendo rurerure ariko bisaba kureba ukavuga uti nakora iki, nkagikora gute?'
Yavuze ko bamaze gukora urutonde rw’abahanzi bazitabira East African Party ya 2023 aho bashobora gutangazwa uyu munsi cyangwa ejo ku wa Gatanu.
Batoranyijwe bitewe n’uburyo bakoze cyane kandi bakuzwe mu mwaka wa 2022.
Iki gitaramo cyaherukaga kuba 2021, uyu mwaka ntabwo byabaye kubera ingaruka z’icyorezo cya Coronavirus. Icyo gihe cyanyuze kuri televiziyo Rwanda aho cyaririmbwemo n’abahanzi, Intore Masamba, Makanyaga Abdoul, Cecile Kayirebwa ndetse na Cyusa Ibrahim.
Minisitiri w'Ibidukikije mu Rwanda, Dr Mujawamariya Jeanne d'Arc aributsa abanyarwanda ko mu gihe twegereza iminsi mikuru isoza umwaka bakwiye kugura ibyo bakeneye aho kugura ibyo badakeneye kuko uko bagura byinshi bishobora kubapfana ndetse bimwe muri ibyo bikagira uruhare mu kwangiza ibidukikije.
Dr Mujawamariya, ibi yabigarutseho ubwo yatangizaga inama mpuzamahanga yagarukaga ku bukungu bwisubira butangiza ibidukikije(World Circular Economy Forum 2022), yabereye i Kigali mu ntangiriro z'uku kwezi k'Ukuboza 2022.
Yagize ati' Twese dukwiye kugira uruhare mu kubungabunga ibidukikije kuko dufite inshingano zo kubibungabunga ndetse tukirinda kubyangiza. Ntidukwiye kugura ibyo tudakeneye ngo nuko bishobora guhenda. Tugure ibyo dukeneye aho kugura n'ibyo tudakeneye bizatuborana cyangwa bikarangiza igihe tukabijugunya bikaba intandaro yo kwangiza ibidukikije bigatera ibibazo ku rusobe rw'ibinyabuzima'.
Akomeza avuga ko buri munyarwanda akwiye kumva icyo isuku ivuze ku buzima, haba abato, abakuru ndetse n'abashaje. Avuga kandi ko buri wese akwiye kumva ko adakwiye kuba intandaro yo kwangiza ibidukikije kandi abato bakabigiramo uruhare bakabikurana.
Buregeya Paulin, Impuguke mu bidukikije akaba n'umuyobozi wa Kompanyi ya COPED( Company for Protection of Environment and Development) ikusanya imyanda ikagerageza no kuyitunganya, avuga ko abanyarwanda mu minsi mikuru bakunda guhaha ibyo bakoresha byaba ibyo kurya n'ibyo kunywa, ariko ko nyuma y'aho bavanga imyanda ku buryo hari ishobora no kwanduza, hakaba n'abandi bakoresha amavuta ava mu nganda bajya kubimena bikavangwa bikaba byatera akaga gakomeye ku buzima bw'abantu ako kanya ndetse na nyuma.
Murwanashyaka Dismas, umucuruzi ukorera mu mujyi wa Muhanga yabwiye umunyamakuru wa intyoza.com ko mu gihe cy'iminsi mikuru ababagurira benshi bagura n'ibyo baherukaga kugura mu mwaka wahise. Yemeza ko hari abagura ibyo bakeneye bakoresha bikarangira ariko hakaba n'abandi bagura byinshi bavuga ko bizaba bihenze mu minsi mikuru batitaye ku ngaruka z'indi byateza.
Ati' Mu minsi mikuru tubona icyashara kinshi kuko buri wese ahahira iminsi mikuru, ariko usanga bagura n'ibyo baheruka kugura mu mwaka washize n'aho abandi bakagura byinshi harimo n'ibyo bazakoresha bavuga ko mu minsi mikuru bizahenda bakabigura ku bwinshi ku buryo binabapfana ubusa'.
Uwera Marie Josee, umwe mu baguzi batangiye kwitegura iminsi mikuru, yemeza ko hari bagenzi be batangiye kwitegura guhahira imiryango yabo. Avuga ko iyo uhashye byinshi hari n'ibigupfira ubusa kandi bakagombye guhaha ingano y'ibizahaza imiryango yabo, bakirinda gusesagura kuko iyo bipfuye batabiriye babijugunya ugasanga harimo ibyangiza ibidukikije mu gihe byakoreshejwe nabi bikanangiza umwuka duhumeka.
Mu gihe cy'iminsi mikuru, usanga buri muyobozi w'umuryango agana ku isoko guhaha ibyo bazifashisha ndetse bakagura byinshi kugirango bitazabura kubera ko ababikeneye ari benshi. Bamwe banagura byinshi bikabapfana batabikoresheje bakabijugunya bikajya kwanduza ibidukikije, aho akenshi usanga harimo na bimwe mu bikoze mu binyabutabire. Buri wese aragirwa inama yo kwitwararika, akirinda kuba nyirabayazana w'iyangizwa ry'ibidukikije kuko bigira ingaruka ku buzima bwa muntu.
Akimana Jean de Dieu
Rayon Sports yasinye amasezerano y’umwaka umwe n’umufatanyabikorwa mushya, RNIT Iterambere Fund izafasha abafana kwizigamira mu buryo bworoshye.
Umuhango wabereye ku cyicaro cya Rayon Sports ku gicamunsi cyo kuri uyu wa Gatatu tariki ya 14 Ukuboza 2022.
Umuyobozi wa Rayon Sports , Uwayezu Jean Fidele yavuze ko bafite intego yo kubaka Rayon ikomeye kandi ihamye mu byiciro byose yaba mu ikipe y’abagabo abagore, abana n’ibindi ariko na none basanga batabyifasha ari yo mpamvu bakomeje abafatanyabikorwa.
Nk’ikipe ikoresha urubyiruko bahisemo kwegere iki kigega gifite inshingano yo kwigisha abanyarwanda impamvu kwizigamira ari ingenzi no gufasha kwizigama mu buryo bworoshye kugira ngo bagifashe ariko na none n’abakinnyi ba yo bagire icyo bunguka.
Ati “Mu nshingano z’ikigega harimo n’urubyiruko, biciye mu mikino dukina, biciye mu bikorwa byacu by’umupira w’amaguru dushobora kubafasha, turicara nk’abayobozi dusinya amasezerano, biraza kudufasha kuko baje biyongera ku bandi, bizadufasha cyane.”
Umuyobozi w’ikigega RNIT Iterambere Fund yavuze ko Rayon Sports yabegereye ibereka uburyo yabafasha kugera ku ntego zacu, ndetse ko hari igihe itike umufana yaguze izajya ihita ijya mu kigega ikamubera ubwizigame.
Ati “Rayon Sports yaratwegereye itwereka ko muri gahunda dufite yo kwegera urubyiruko hari uburyo yadufasha binyuze mu mikino, basanga natwe igo gahunda twari tuyifite.”
“Hari imikino ya gicuti izajya itegura maze amafaranga ya tike uguze ahite akubera ubwizigame, aze mu kigega atangire kuyabyaza inyungu uburyo bizakorwamo byarateguwe.”
Rayon Sports ikaba yarishyuwe amafaranga ariko bakaba birinze kuvuga umubare wa yo bahawe, bakazajya bamamaza iki kigega ku mbuga nkoranyambaga, ku bibuga cyane cyane mu mikino ya gicuti ndetse no kubaha abakinnyi bo kubafasha mu bukangurambaga bwa bo.
Ikigega cy’Ishoramari 'RNIT Iterambere Fund’, cyafunguwe mu Rwanda 2016 cyashyiriweho abaturage bose b’u Rwanda, abaciriritse n’abafite ubushobozi bwo hejuru kugira ngo babashe gushora imari no kwizigamira by’igihe kirekire.
tariki ya 17 Ukuboza 2022 rukambikana hagati y’amakipe abiri y’amakeba hano mu Rwanda, APR FC na Rayon Sports, imyaka igiye kuzura 4 Rayon Sports itabasha gutsinda iyi kipe y’Ingabo z’Igihugu, perezida w’iyi kipe, Uwayezu Jean Fidele yavuze ko urugamba ari nk’urundi bagomba gutuma amarira ashoka ku matama y’abakunzi ba APR FC.
Ati “Ni byiza ko ibi bibaye mbere yo ku wa Gatandatu. Baravuga ngo umupira ntabwo ari intambara. Ndizeza abari hano, intambara ni nk’iyindi, dufite abakinnyi beza, dufite ikipe nziza, hasigaye imikino ibiri ngo igice kibanza kirangire, ndabasaba kudushyigikira.”
“Imyaka ishize ari itatu tudatsinda APR tuzahatana. Ku wa Gatandatu ni ugupfa cyangwa gukira, ni ‘finale’ . Gutsinda tubifite mu nshingano kuva ku bakinnyi, ku batoza, abayobozi, namwe abafana muri hano. Twambarire urugamba. Tugomba gutsinda.”
Ni mu mukino w’umunsi wa 14 wa shampiyona y’icyiciro cya mbere mu Rwanda umwaka w’imikino wa 2022-2023.
Ni umukino uzaba kuri uyu wa Gatandatu tariki ya 17 Ukuboza 2022 saa 15:00′ kuri Stade Regional i Nyamirambo. Ni umukino amakipe yombi agiye gukina APR FC iri ku mwanya wa 4 n’amanota 24. Rayon Sports iri ku mwanya wa 1 n’amanota 28.
Rayon Sports igiye kwakira uyu mukino ifite ibibazo by’imvune bimwe na bimwe aho kapiteni wa yo Rwatubyaye Abdul adahari, Hakizimana Adolphe na we ntiyakinnye umukino uheruka kubera imvune, Raphael Osalue uheruka kubagwa ni mu gihe na Ndizeye Samuel bivugwa ko afite amakarita 3 atazakina uyu mukino. APR FC abakinnyi ba yo bose barahari.
Rayon Sports iheruka gutsinda APR FC tariki ya 20 Mata 2019 aho yayitsinze 1-0, ni mu gihe umukino uheruka guhuza aya makipe wabaye wabaye tariki ya 19 Gicurasi 2022 hari mu gikombe cy’Amahoro, APR FC yawutsinze 2-1.
APR FC na Rayon Sports zigiye gukina uyu mukino APR FC ifite umutoza w’umwungiriza Ben Moussa, ni nyuma y’uko itandukanye Adil ni mu gihe Rayon Sports ifite Haringingo Francis urimo utoza umwaka we wa mbere muri iyi kipe, aba batoza bombi ni ubwa mbere bagiye gukina uyu mukino.
bamaze guhura inshuro 96
Kuva mu 1995, APR FC na Rayon Sports zimaze guhura inshuro 93 harimo imikino ya shampiyona, igikombe cy’Amahoro n’andi marushanwa. Ni amakipe utapfa kumva yakinnye umukino wa gishuti.
Muri izi nshuro zose APR FC ni yo yatsinze imikino myinshi kuko yatsinze 42, Rayon Sports igatsinda 29 banganya inshuro 25.
Muri izi nshuro kandi ikipe ya APR FC niyo yatsinze ibitego byinshi mu izamu rya Rayon Sports kuko mu bitego 256 bimaze kuboneka muri uyu mukino APR FC yinjije 134 n’aho Rayon Sports yinjiza 122.
Si kenshi uzasanga aya makipe imwe yatsinze indi imikino ibiri yikurikiranya gusa APR FC ni yo yabigezeho bwa mbere muri shampiyona umwaka w’imikino 2005/2006 tariki ya 23 Ukwakira 2006 ubwo yayitsindaga 3-0 ikaza kuyisubira tariki ya 1 Gashyantare 2007 iyitsinda 4-1 mu mukino wo kwizihiza isabukuru y’imyaka 30 ishyirahamwe ry’umupira w’amaguru mu Rwanda 'FERWAFA’ ryari rimaze ryemewe na FIFA.
Rayon Sports yatsinze APR FC imikino 2 yikurikiranya mu mwaka w’imikino wa 2015/2016 ubwo yayitsindaga ibitego 4-0 hari tariki ya 3 Gicurasi 2016 muri shampiyona (byari inshuro ya kabiri iyitsinze 4-0 no muri 2013 byabayeho) iyisubira ku mukino wa nyuma w’igikombe cy’Amahoro tariki ya 4 Nyakanga 2016 iyitsinda 1-0.
Rayon Sports niyo ifite agahigo ko gutsinda uyu mukino ibitego byinshi aho imaze kuyitsinda inshuro 2 ibitego 5-2.
Bwa mbere byari tariki ya 3 Ugushyingo 1996 mu mukino wari wateguye n’icyahoze ari kaminuza y’u Rwanda 'NUR’ mu rwego rwo gukusanya amafaranga yo gusana ibyangiritse kubera inkongi y’umuriro muri iyi kaminuza.
Indi nshuro APR FC yatsinzwe na Rayon Sports 5-2 ni tariki ya 26 Ukwakira 1997 mu mukino wo gushyikiriza Rayon Sports igikombe cya shampiyona yari yegukanye.
Muri 2017 ni wo mwaka aya makipe yahuye inshuro nyinshi kuko yahuye inshuro 5. APR FC yatsinzemo 2, tariki ya 21 Mutarama 2017 muri shampiyona 1-0, yongera tariki ya 1 Gashyantare 2017 mu mukino w’ikombe cy’Intwari.
Rayon Sports na yo yatsinzemo 2, tariki ya 16 Nzeri 2017 iyitsinda 1-0 mu irushanwa ry’Agaciro cyatsinzwe na Rutanga Eric na tariki 23 Nzeri 2017 mu mukino w’igikombe kiruta ibindi mu gihugu 'Super Cup’ batsinzemo 2-0. Aya makipe akaba yaranganyije umukino wa shampiyona wabaye tariki 25 Gicurasi 2017 igitego 1-1.
Ibi byahise bikuraho agahigo ko muri 2014 ubwo bahuragamo inshuro 4 APR FC itsindamo inshuro 2, Rayon Sports 1 bakanganya imwe.
Abakinnyi bakiniye amakipe yombi n’abigaragaje muri uyu mukino
Jimmy Gatete ni we rutahizamu watsinze ibitego byinshi muri uyu mukino dore ko yakiniye amakipe yombi. Yatsinze ibitego 8 aho buri kipe yayitsindiye 4.
Masudi Djuma wahoze ari umutoza wa Rayon Sports na Issa Bigirimana wakiniye APR FC ubu akaba ari muri Espoir FC, ni bo batsindiye APR FC ibitego byinshi aho buri umwe yayitsindiye 5, Sina Jerome wakiniraga Rayon Sports yatsinze ibitego 6 muri uyu mukino.
Mitima Isaac na Rwatubyaye Abdul ni abakinnyi ba Rayon Sports ariko bahoze muri APR FC.
Manishimwe Djabel, Bizimana Yannick, Niyigenda Clement na Mugisha Gilbert ni abakinnyi ba APR FC bahoze bakinira Rayon Sports.
Davis Kasirye umugande wakiniye Rayon Sports mu mwaka w’imikino wa 2015/2016 ni we wabashije gutsinda ibitego 3 mu mukino umwe 'hat-trick’, ibi yabikoze tariki ya 3 Gicurasi 2016 mu mukino wa shampiyona ubwo Rayon Sports yanyagiraga APR FC 4-0.
Umutoza washoboye gutoza imikino myinshi hagati y’aba bakeba ni Raoul Shungu watozaga Rayon Sports, wabashije gutoza imikino 16 yahuzaga aya makipe abasha gutsindamo 7, atsindwa 4, anganya 5.
Nk’uko bigaragara mu mashusho yashyizwe hanze uyu Uwamungu ari kumwe n’abandi bantu bavugako ari abarwanyi ba FDLR bafashwe mpiri na M23 aho avuga ko yinjiye muri FDLR avuye i Masisi aho yageze avuye mu makambi 1996.
Uwamungu ushimangira ko yakoraga mu bunyamabanga bwa Gen Omega, avuga ko mu bayobozi bayoboye FDLR, harimo Gen Mugisha, Gen.Manzi, Lt Gen. Byiringiro, Gen Calme, Gen Gakwerere, Gen Nyembo,Gen Matovu, Gen.Manzi, Gen Serge na Gen Poette.
Uwamungu ukomoka mu cyahoze ari Komini Muturag, Col Ruhinda FDLR iherutse kwihakana ayoboye Batayo y’abarwanyi bayo ikorera i Rutare kugera muri Rugari aho agera i Kibumba, Muja na Rusayu.
Avuga ko iyo bari mu ntambara bakorana n’Ingabo za Congo ndetse bagaha imyitozo umutwe wa Nyatura kandi ko haba imbunda bakoresha 'imyambaro Bambara ndetse n’ibikoresho byose bakenera ku rugamba babihabwa n’Ingabo za Leta ya Congo.
Umuvugizi wa FDLR Cure Ngoma aherutse kubwira BBC Gahuzamiryango ko Col Ruhinda uvugwa na EU atamuzi, ko rero nta cyo aka kanya yavuga kuri ibyo bihano.
Cure Ngoma yagize Ati : 'Ayo mazina ko numva ari mashyashya, biransaba kubanza kugenzura'.
Col.Ruhinda yiyongeye ku rutonde rw’abandi barwanyi ba FDLR bafatiwe ibihano n’imiryango mpuzamahanga barimo Gen.Maj Ntawunguka Pacificque Omega, Lt.Gen Iyamuremye Gaston uzwi ku mazina ya Byiringiro Victor na Gen.Bgd Lucien Nzabamwita uzwi ku mazina ya Karume.
Aba baturage bageze mu zabukuru basanzwe banahabwa inkunga y’ingoboka, babwiye RADIOTV10 ko bari bizejwe Inka ndetse na bo batangira kubyinira ku rukoma bumva ko bagiye kujya banywa amata.
Niyonagira Therese yagize ati 'Kagame yari yaduhaye Inka noneho baragenda bigurira Ingurube, bazikuye i Zaza, ingurube barazirya.'
Uyu muturage avuga ko bari banubatse ibiraro bakoresheje amafaranga yabo, bityo ko aba bayobozi bakwiye kubasubiza amafaranga yabo.
Ati 'Nimuduhe ibyacu turye nimwanga tuzajye kubarega.' Umunyamakuru ahita amubaza aho bazabarega, abanza kwirahira Perezida ati 'Ndakambura Kagame, ntabwo se umuntu yamusanga akabarega.'
Mugenzi we na we uri muri aba bari bemerewe Inka bakaza guhabwa ingurube, avuga ko na zo zaje ariko ntizimare kabiri mu biraro kuko zimwe bazigurishije, izindi bakazirya.
Bavuga ko bataburana iki kiraro bubakishije ahubwo ko baburana amatungo bemerewe na Perezida wa Repubulika, bakaza kuyabura mu maherere.
Ati 'Ubundi ni muri Leta ntituburana ubutaka turaburana igikorwa Paul [Perezida Kagame] yaduhaye yafashije abatishoboye bakongera bakakitwambura, barakitwambura se kuki kandi akiri ku isonga kandi aduhetse mu mugongo.'
Ubuyobozi bw’inzego z’ibanze yaba ubw’Umurenge wa Kazo ndetse n’ubw’Akarere ka Ngoma, ntibugaragaza irengero ry’aya matungo n’uburyo baba barorojwe ayo batemerewe.
Ku kibazo cy’amafaranga y’imisanzu yatanzwe n’aba baturage yo kubakisha ikiraro, Umunyamabanga Nshingwabikorwa w’Umurenge wa Kazo, Singirankabo Jean Claude yavuze ko aba baturage bageze mu zabukuru bifuzaga ko ibi biraro bisenywa ubundi ibikoresho bibyubatse bikagurishwa bagahabwa amafaranga.
Ati 'Twabiganiriyeho n’Akarere, gasaba ko ibyo biraro bitagurishwa bakazafata umwanzuro, niba bazafata bariya bacyecuru bo muri IDP [umudugudu w’ikitegererezo] na bo bagashyiramo andi matungo.'
Uyu muyobozi avuga ko aba baturage bazahabwa igisubuzo niba bazasubizwa amafaranga y’imigabane yabo cyangwa iki kiraro cyakongera kororerwamo.