Author: webrwanda

Mu myaka nk'itanu ishize wasangaga abahanzi bo muri Amerika cyangwa n'abandi bakomeye ku isi,  bisanzura cyane ku bahanzi nka Wizkid na Davido kurusha abandi kabone niyo baba ari ibyamamare mu bihugu byabo muri Afurika cyangwa se muri Nigeria iwabo wa Afrobeats bayoboye;  bakabarenza ingohe.

Uyu mwaka wabaye uw'impinduka urebye 'Collabo' zakozwe hagati y'abahanzi batandukanye kamwe bamwe bagakorana n'abakizamuka byagaragaje ko 'Afrobeats' mu minsi iri imbere izaba intumbero y'umuziki.

Biragoye ko ubu wajya mu kabyiniro ako ariko kose kacuranzwemo n'Umu-Dj ugezweho ugasanga Atari gucuranga indirimbo ziganjemo izo muri Afurika[ari uwo mu Rwanda  we birumvikana ko atakwibagirwa iz'iwabo cyane n'abahanzi bacu basigaye bakora ibintu binogeye amatwi kandi biri ku rwego mpuzamahanga].

No mu magambo ye umuraperi Kanye West[Ye] aheruka kuvuga ko indirimbo yitwa 'Essence' yahuriyemo Tems na Wizkid ariyo ndirimbo y'ibihe byose kuri wese, ibintu byatunguranye.

Icyo gihe yagize ati ''Indirimbo nziza  kugeza ubu[icyo gihe hari muri Nzeri umwaka ushize] mu mateka ni Essence ya Wizikid na Tems.''

Umuziki wa Afurika wavuye kure!

Mu myaka yatambutse  hatangwagaga  ibihembo bya BET, umuhanzi wahize abandi muri Afurika yahabwaga igihembo mu gikari munsi y'urubyiniro[backstage]  ndetse bigakorwa mbere y'amasaha menshi ngo ibirori nyabyo bitangire ikintu benshi bikomye ubudasiba.

Abahanzi bo muri Afurika bakunze kugaragara babirwanya cyane ko mu 2015 Eddie Kenzo byamugendekeye gutya bigakurura impaka nyinshi gusa icyo gihe uyu muhanzi yumvikanye avuga ko byatewe n'uko igihembo yahawe abari bagiteye inkunga batari bishyuriye kugitangira ku rubyiniro gusa ntabwo byari byo.

Muri uwo mwaka nabwo Wizkid wo muri Nigeria yanze kwitabira ibi bihembo avuga ko 'bisuzuguza umuhanzi wa Afurika kurusha uko bimuteza imbere', mugenzi we Fuse ODG, umunya-Ghana ukorera umuziki mu Bwongereza na we yabyamaganiye kure ndetse yanga kubyitabira icyo gihe.

Ku nshuro ya mbere mu 2018 nibwo aka gasuzuguro kacitse.

Eddie Kenzo ni umwe mu bahanzi bavugishije benshi ubwo yahabwaga igihembo mbere y’uko itangwa ry’ibihembo ritangira 

Umuziki wa Afurika wabanje kujya usuzugurwa mu myaka yashize 

Beyoncé yabonye imbaraga z'umuziki wa Afurika, ahitamo kwifashisha abahanzi baho 10 kuri album ye; ibintu byari bibayeho bwa mbere

Mu 2019 ubwo yashyiraga hanze album ye 'The Lion King: The Gift', umuhanzikazi Beyoncé Giselle Knowles-Carter uri mu bakomeye mu muziki wa Leta Zunze Ubumwe za Amerika yifashishije abahanzi bo muri Afurika 10; ibintu byari bibayeho bwa mbere ku bahanzi bo kuri uyu mugabane.

Izina rya album ryakomowe kuri film yitwa Lion King yanakinnyemo, yakozwe n'ikigo gitunganya film muri Amerika cya Disney. Uyu muhanzikazi  yayigereranyije 'n'ibaruwa y'urukundo kuri Afurika' kubera abahanzi batandukanye kuri uyu mugabane bayiriho.

Iriho Wizkid, Burna Boy, Tekno, Yemi Alade, Mr Eazi na Tiwa Savage bo muri Nigeria; Shatta Wale wo muri Ghana, Salatiel wo muri Cameroon, Busiswa na Moonchild Sanelly bo muri Afurika y'Epfo n'abatunganya indirimbo batandukanye bo muri Afurika bayikozeho.

N'ubwo abahanzi nka Wizkid na Burna Boy bo bari baramaze kwigarurira isoko ryo mu bihugu bikomeye nk'u Bwongereza na Leta Zunze Ubumwe za Amerika, gukorana na Beyoncé kuri iyi album nabyo hari ikintu gikomeye byari bivuze kuri bo.

Mu gusobanura impamvu yahisemo gukoresha kuri iyi album abanyafurika benshi, Beyoncé yavuze ko byari uburyo bwo kugaragaza ubwiza bw'umuziki wo muri Afurika.

 Yabwiye ABC News ati 'Nashakaga ko twifashisha impano nziza kurusha izindi muri Afurika, kandi ntidukoreshe ijwi cyangwa uburyo njye numvamo ibintu. Nashakaga ko ukomeza kuba umwimerere, wa muziki mwiza wa Afurika.'

Iyi album iriho indimi zitandukanye zirimo n'izo muri Afurika nk'Iki-Zulu, Igiswahili, Xhosa na Yoruba; iriho n'injyana nka Afrobeats, Pop, R&B, hip-hop na Gqom yo muri Afurika y'Epfo.

Iyi album ya Beyoncé yitwa 'The Lion King: Gift' iriho indirimbo 14.

Beyonce ni umwe mu barabutswe ko umuziki wa Afurika wihariye

'Amapiano' yabaye imbarutso yo kwibuka ko Afurika igira umuziki mwiza?

Uretse Afrobeats isanzwe izwi nk'umuziki wa gakondo ya Afurika ubu injyana ya 'Amapiano' nayo iri guca ibintu muri iki gihe ku isi yose. Iyi njyana ifite inkomoko muri Afurika y'Epfo guhera mu 2012. Ifite imicurangire imwe yakomowe ku njyana ya Bacardi.

Iyi njyana yamenyekanye cyane muri Katlehong mu Burasirazuba bwa Johannesburg muri Afurika y'Epfo. Umwihariko wayo ni ingoma zidunda, amafirimbi aba yumvikanamo n'ibindi biryohera amatwi.

Mu 2020 nibwo 'Amapiano' yagize umuriri ukomeye bigeze, hanyuma mu 2021 iza kugera cyane mu Rwanda abahanzi batandukanye barariyoboka.

Amapiano n'ubwo ari injyana imaze imyaka 10, yatangiye kugira umuriri ku isi yose mu 2020 kuzamura. Byatumye abahanzi batandukanye ku isi yose bifuza kuyifashisha bakora ibihangano bitandukanye.

Si abahanzi bo muri Afurika y'Epfo gusa ahubwo yabaye ikimenyabose muri bose. Iyi njyana yanahuruje ibinyamakuru bitandukanye bikomeye ku isi nka CNN bitangira kuyihanga amaso no kuyisobanura abantu.

Iki kinyamakuru cyigeze gutangaza ko mu kiganiro cyagiranye n'umuyobozi ushinzwe ibikorwa muri Tik Tok muri Afurika y'Epfo, Yuvir Pillay, ari rwo iyi njyana yamamariyeho  yayibwiye ko yatangiye kwigarurira Tik Tok mu 2019 gusa byagera mu gihe bya Guma mu rugo mu 2020 na 2021 bikaba ibindi.

Icyo mu mashakiro atandukanye y'uru rubuga niyo yazaga imbere , hashtag ya #Amapiano yarebweho  inshuro zirenga miliyali 1,6; ku buryo izina ryayo ryahise ryamamara ku isi yose.

‘Amapiano’ yatumye umuziki wa Afurika wongera kuvugwa mu myaka mike ishize guhera mu 2020 kugeza uyu munsi.
 “>

'Collabo' nyinshi z'abahanzi b'abanyafurika barimo abakizamuka  n'abamaze kubaka izina ku isi …

Uyu mwaka abahanzi bo hanze ya Afurika bayobotse uyu mugabane bakorana indirimbo n'abahanzi barimo n'abakizamuka bataragira amazina akomeye.

Aha twavuga nk'Umunya-Nigeria Oyinkansola Sarah Aderibigbe umaze kwamamara nka  Ayra Starr, uri mu bahanzi bari kuzamuka neza mu muziki uheruka gukorana n'umuhanzi w'Umunyamerika Kelly Rowland wamamaye mu myaka yo hambere; ibintu byagaragaje ko hari indi ntera umuziki wa Nigeria na Afurika na Nigeria by'umwihariko uri gutera imbere.

Aba basubiranyemo indirimbo ya Ayra Starr yise 'Bloody Samaritan'.

Hari kandi n'umuririmbyi Rema uheruka kongera gusubiranamo indirimbo ye yise 'Cal Down' na Selena Gomez. Bayisubiyemo nyuma yo kunyurwa n'uburyohe bw'iyi ndirimbo. Iyi yanashyizwe kuri shene ya Youtube ya Selena Gomeza ifite abarenga miliyoni 32 bakoze 'subscribe'.

Hari kandi Fireboy DML  uheruka gukorana na  Chris Brown n'umunya-Jamaica wamamaye nka Shenseea, indirimbo bise  'Diana'. Urebye izina Chris Brown gukorana na Fireboy ni ikintu gikomeye cyane ko aribwo kuzamuka.

Omah nawe yakoranye na Justin Bieber iyo bise 'Attention'.

Muri Gicurasi umwaka ushize umuraperi w'Umunyamerika Future yahisemo kwifashisha umunya-Nigeria Tems mu ndirimbo yise 'WAIT FOR U' yanamuhurijemo na mugenzi we  Drake ukomoka muri Canada.

Hari kandi na Oxlade na  Camila Cabello  baheruka gusubiranamo indirimbo ya Oxlade yise 'KU LO SA'. Oxlade ntabwo ari izina rikomeye cyane mu muziki wa Afurika ndetse n'iwabo ntabwo yari yarakabaye ikirangirire byabaye amaze gukora iyi ndirimbo.

Muri Gicurasi umwaka ushize nabwo Monalisa yamamaye ya  Lojay ft Sarz  yasubiwemo bafatanyije na  Chris Brown.

Izindi ndirimbo zakozwe n'iz'abahanzi n'ubundi bisanzura ku bahanzi bakomeye zirimo iya Chris Brown ft Wizkid na Burna Boy na Ed Sheeran.

   

 

 

 

Mu kiganiro yagiranye na inyaRwanda.com, Davis D yavuze ko yasohoye utu dukingirizo mu rwego rwo gufasha urubyiruko cyane ko ari rwo rwugarijwe, kwirinda inda zitateganyijwe no kwirinda SIDA muri rusange

Yagize ati: ''Nk'umuhanzi kandi w'urubyiruko nifuje gutanga umusanzu wanjye ku rubyiruko benshi badukurikirana, icyo nagiraga ngo mbashishikarize ni ukwirinda SIDA cyane ko ari cyo kibazo cyugarije urubyiruko cyane. Ndetse no kwirinda izindi ndwara zibonekera mu mibonano mpuzabitsina n'inda zitateganyije.

Uruhare rwanjye rero kuri utu dukingirizo twa “D Protection” ni ugushishikariza urubyiruko kwirinda mbashishikariza kwikingira. Rero kugira ngo babyumve neza nabakoreye agakingirizo kanjye. Rero benshi bakunda Davis D n'ibihangano byanjye bagakoresha ndetse banishimira ko bari gukoresha agakingirizo k'umuhanzi wabo bakunda.''

Davis D yavuze o ubu utu dukingirizo tutarajya ku isoko, gusa bari gushaka uko badukwirakwiza mu gihugu. Yavuze kandi ko vuba abantu bari bumenye ibiciro byatwo n'aho badusanga n'ubwo yaciye amarenga ko igiciro ari igisanzwe.

Utu dukingirizo dusohotse nyuma y'uko uyu muhanzi agaragaye mu cyumba n'inkumi yavugishije abatari bake ubwo yari yicaye ndetse anaryamye mu bihe bitandukanye, impande ye hagaragara agakingirizo kakoreshejwe.

Davis D yinjiye mu bucuruzi bw’udukingirizo mu gihe umwaka ushize usize amateka akomeye kuri we mu muziki nyarwanda dore ko yabashije guhagararira u Rwanda ibwotamasimbi, aho yakoze ibitaramo ahantu henshi hatandukanye.

Davis D yakoreye ibitaramo mu Burayi, avuyeyo anyarukira muri Congo, avuayo ajya mu gihugu cya Uganda, nyuma yerekeza mu Burundi, asoreza mu Rwanda mu gitaramo cya East African Party aho yishimiwe bidasanzwe.

Udukingirizo twa Davis D

Mu minsi iza turatangira kuboneka ku isoko

KANDA HANO UREBE TRUTH OR DARE REMIX DAVIS D AHERUTSE GUKORANA NA BIG FIZZO

Uyu mwarimu yatawe muri yombi ku wa 4 Mutarama 2023, asanzwe aho yari atuye mu Karere ka Nyaruguru mu Murenge wa Nyabimata mu Kagari ka Nyabimata ho mu Mudugudu wa Rwerere.

Kugeza ubu uyu mwarimu afungiye kuri Sitasiyo ya RIB ya Muganza mu gihe iperereza rikomeje kugira ngo hakorwe dosiye izashyikirizwa ubushinjacyaha.

Umuvugizi w’Urwego rw’Igihugu rw’Ubugenzacyaha, Murangira B. Thierry yavuze ko iki cyaha uyu mwarimo yagikoze mu bihe bitandukanye, aboneraho kwihanangiriza abakijandika mu byaha nk’ibi.

Ati ” RIB iributsa Abaturarwanda ko itazihanganira uwo ari we wese ukora icyaha nk’iki cyo gusambanya umwana, ikanakangurira abantu gukomeza kwirinda guhohotera abana kuko ari icyaha gihanwa n’amategeko. Inakangurira kandi abantu bose kujya batangira amakuru ku gihe mu gihe hari ahagaragaye ibikorwa nk’ibi bihohotera abana.'

Icyaha cyo gusambanya umwana gihanwa n’ingingo ya 4 y’itegeko riteganya ibyaha n’ibihano muri rusange.

Iri tegeko rivuga ko iyo gusambanya umwana byakorewe ku mwana uri munsi y’imyaka 14 ugihamijwe ahanishwa igifungo cya burundu kidashobora kugabanywa kubera impamvu nyoroshyacyaha.

Mu itangazo ryashyizwe ahagaragara n’ibiro bya Minisitiri w’Intebe kuri uyu wa 6 Mutarama 2023, rishyizweho umukono na Minisitiri w’Intebe Dr. Edourd Ngirente niryo ryemeje ishyirwa muri Sena rya Dr Kalinda.

Bagize bati 'None kuwa 6 Mutarama 2023, Nyakubahwa Perezida wa Repubulika yagize Dr Francois Xavior Kalinda umusenateri muri Sena y’u Rwanda.'

Dr Francois Xavier Kalinda agizwe Senateri nyuma y’uko Dr. Iyamuremye Augustin yeguye kubera uburwayi mu Ukuboza umwaka ushize wa 2023, ndetse akava no ku mwanya wo kuba Perezida wa Sena y’u Rwanda.

Ku wa 8 Ukuboza 2022, ubwo Dr. Iyamuremye yagezaga ubwegure bwe kuri Sena yavuze ko uburwayi afite butamwemerera gukomeza inshingano yahawe, avuga ko atakemera kuyoborera Sena y’u Rwanda mu gitanda, cyangwa ngo ananirwe kurira amasikariye ajya mu cyumba cy’inteko ishinga amategeko umutwe wa Sena.

Dr Francois Xavier Kalinda yaboneye izuba mu Murenge wa Kitabi mu Karere ka Nyamagabe, afite impamyabushobozi y’ikirenga mu by’amategeko y ;ubucuruzi yavanye muri Kaminuza ya Ottawa muri Canada.

Dr Kalinda yabaye umudepite mu Nteko Ishinga Amategeko y’Umuryango w’Afurika asimbuye Depite Celestin Kabahizi weguye, hari mu mwaka w’ 2015. Kuri ubu yari umwe mu bagize urwego rwa Kaminuza rushinzwe imyigire n’imyigishirize, dore ko yanabaye umwarimu muri Kaminuza y’u Rwanda igihe kitari gito mu ishami ry’amategeko.

Ni itangazo iki gihugu cyasohoye kuri uyu wa Gatatu tariki 4 Mutarama 2023, nyuma y’iminsi mike hasohowe raporo y’impuguke za Loni ku mutekano muri RDC.

Iyo raporo yagaragaje ibintu bitandukanye bikomeje gutuma umutekano mu Burasirazuba bwa RDC ukomeza kuba muke birimo imikoranire hagati ya FARDC n’imitwe yitwaje intwaro nka FDLR, imvugo z’urwango zibasiye Abanye-Congo bavuga Ikinyarwanda muri icyo gihugu n’ibindi.

Raporo y’impuguke za Loni, yagaragaje ko FARDC ikorana n’imitwe yitwaje intwaro irimo FDLR, umutwe ugizwe n’abasize bakoze Jenoside yakorewe Abatutsi mu Rwanda.

Mu bihe bitandukanye, raporo yagaragaje ko inyeshyamba za FDLR zagiye zirwana ku ruhande rwa FARDC mu ntambara iri kurwana na M23.

FDLR kandi ifatanyije na FARDC, bateye ibisasu mu Rwanda mu bihe bitandukanye mu 2022, bikomeretsa abaturage, byangiza byinshi. Amerika yamaganye ubu bufatanye isaba imitwe yitwaje intwaro yose kuzishyira hasi.

Itangazo rigira riti 'Twamaganye ubufatanye bw’ingabo za FARDC n’imitwe yitwaje intwaro irimo FDLR nk’uko bigaragazwa na raporo. Twamaganye kandi twivuye inyuma ibitero by’imitwe yitwaje intwaro bigabwa ku ngabo za Loni (Monusco) ndetse n’ibikorwa by’iyicarubozo, gufata ku ngufu n’ibitero byibasira abasivili bikorwa n’imitwe yitwaje intwaro byatumye benshi bahunga'.

Iki gihugu kandi cyatunze urutoki u Rwanda kivuga ko rufasha umutwe wa M23 nk’uko raporo ibigaragara, kirusaba guhagarika ubufasha bwose ruha M23 no gukura ingabo zarwo mu Burasirazuba bwa RDC.

Leta y’u Rwanda imaze igihe ihakana gushyigikira uwo mutwe, ikavuga ko ibyo M23 irwanira ari ibibazo by’Abanye-Congo ubwabo kandi byavuye ku kutubahiriza amasezerano uwo mutwe wari waragiranye na Guverinoma.

Hashize igihe Abanye-Congo bavuga Ikinyarwanda bibasirwa cyane muri RDC, aho batotezwa, bagakorerwa ibikorwa by’iyicarubozo ndetse bakanicwa.

Leta Zunze Ubumwe za Amerika zagaragaje impungenge zitewe n’ubwiyongere bw’amagambo y’urwango no kwibasira abandi baturage b’Abanye-Congo bavuga Ikinyarwanda, zisaba abayobozi ba Congo gukomeza kwamagana izo mvugo no guhana abazivuga n’abahohotera abaturage.

Itangazo rya Leta Zunze Ubumwe za Amerika rivuga ko zishyigikiye imirongo yashyizweho n’abakuru b’ibihugu bya EAC na Angola, mu kuvugutira umuti ibibazo by’umutekano muri RDC, by’umwihariko mu nama ya Luanda yabaye kuwa 23 Ugushyingo 2022.

Bigendanye n’ibyemejwe n’abakuru b’ibihugu bya EAC na Angola, Leta zunze Ubumwe za Amerika zasabye abayobozi mu karere k’ibiyaga bigari n’imitwe yitwaje intwaro gushyira mu bikorwa imyanzuro myinshi yafashwe yo kurangiza intambara by’umwihariko iya Luanda yo kuwa 23 Ugushyingo 2022.

Leta Zunze Ubumwe za Amerika kandi zibukije umutwe wa M23 kurekura uduce twose wafashe nk’uko biteganywa n’inama ya Luanda, zinasaba indi mitwe yose guhagarika imirwano igashyira intwaro hasi ikajya mu biganiro biyihuza na Guverinoma ya RDC.

Kuwa 23 Ugushyingo 2022 nibwo i Luanda muri Angola habereye inama y’Abakuru b’Ibihugu yigaga ku bibazo by’umutekano muke mu Burasirazuba bwa RDC, yafashe imyanzuro ko inyeshyamba za M23 zigomba gushyira intwaro hasi mu maguru mashya.

Abitabiriye iyi nama bategetse ko ibitero byose bihagarikwa by’umwihariko ibyo M23 igaba ku ngabo za RDC na MONUSCO uhereye ku wa 25 Ugushyingo 2022 saa kumi n’ebyiri.

Iyi nama kandi yemeje ko abasirikare bo mu mutwe w’ingabo uhuriweho na EAC bakomeza koherezwa muri RDC naho inyeshyamba za M23 zikava mu duce zafashe zigasubra mu birindiro byazo bya mbere mu gace ka Sabyinyo ku ruhande rwa RDC maze hagashyirwaho agace zitagomba kurenga bigizwemo uruhare n’ingabo za EAC, iza MONUSCO n’iza leta.

Inkunga mu bya politiki n’ibya gisirikare yahabwaga M23 ngo igomba guhagarara ndetse indi mitwe yitwaje intwaro yaba iy’imbere mu gihugu no hanze yacyo yakoreraga mu Burasirazuba bwa Repubulika Iharanira Demokarasi ya Congo na yo igahagarika ibikorwa.

Imitwe y’iterabwoba nka FDLR-FOCA, inyeshyamba za Red-Tabara, ADF n’indi yose ikorera ku butaka bwa RDC yasabwe gushyira intwaro hasi igatangira gusubira iwabo nk’uko byafashweho umwanzuro mu biganiro bya Nairobi.

Nyuma y’inama ya Luanda, habaye ibiganiro by’abanye-Congo, mu cyumba cya hotel Safari Park Hotel i Nairobi, aho imitwe yitwaje intwaro 53 yaganiraga na Guverinoma ya RDC ku muti w’amahoro arambye mu Burasirazuba bw’iki gihugu.

Ibi biganiro byari bihurije hamwe imitwe yitwaje intwaro ikorera mu ntara za Kivu y’Amajyaruguru, Kivu y’Amajyepfo, Ituri, Maniema na Tanganyika. M23 ntabwo yatumiwe nubwo ari yo igaragara cyane nk’ihangayikishije Leta ya Congo.

Ibiganiro bya Nairobi byavuyemo imyanzuro irimo guhagarika imirwano kw’imitwe yitwaje intwaro, gushyiraho itsinda rihuriweho na RDC, EAC n’imitwe yitwaje intwaro kugira ngo hakurikiranwe uburyo abarwanyi b’iyi mitwe bafunzwe nta byaha bashinjwa bashobora kurekurwa ndetse iyi mitwe ikarekura abana bari mu gisirikare bakakivamo.

Umutwe wa M23 uherutse gushimangira ko witeguye gusubira inyuma ukava mu duce wafashe, aho ku ikubitiro wavuye muri Kibumba ndetse ko witeguye no gushyikiriza Ingabo z’Umuryango wa Afurika y’Iburasirazuba (EACRF) Ikigo cya Gisirikare cya Rumangabo, kuri uyu wa 5 Mutarama 2023.

Kuwa gatatu nijoro abashinzwe imibereho myiza barimo gukora igenzura basanze uyu muryango w’abantu umunani bose bapfuye mu rugo rwabo rwo mu cyaro ahitwa Enoch City.

Polisi ivuga ko abapfuye harimo umugore w’uyu mugabo, abana be batanu hamwe na nyirabukwe.

Rob Doston ukuriye uyu mujyi muto w’abaturage bagera ku 8,000 yavuze ko bose batunguwe.

Mu kiganiro n’abanyamakuru kuwa kane, abategetsi b’uyu mujyi bavuze ko Michael Haight wacuruzaga ibijyanye n’ubwishingizi yarashe umugore we Tausha w’imyaka 40, nyirabukwe Gail Earl w’imyaka 78, n’abana be batanu mbere y’uko nawe yiyica.

Abo bana ntibatangajwe amazina yabo, gusa ni abakobwa batatu b’imyaka 17, 12, na 7, n’abahungu babiri b’imyaka 7 na 4.

Rob Dotson yavuze ko imirambo yabo yabonywe na polisi kuwa gatatu ahagana saa kumi z’umugoroba ku isaha yaho, nyuma y’uko hari uwavuze ko umugore waho (Tausha) ataje muri gahunda yari afite, bigatuma abashinzwe imibereho bajya kugenzura.

Dotson avuga ko buri wese mu bishwe agaragaza igikomere cy’isasu.

Abategetsi bavuze kandi ko tariki 21 Ukuboza (12) umugore yari yasabye gatanya n’uyu mugabo.

Tina Brown, inshuti y’uyu muryango, yabwiye KSTU-TV ati : 'Tausha yari umugwaneza kurusha abandi bantu, kandi nta narimwe yavugaga ikintu kibi ku uwariwe wese.

'Yashoboraga gutanga icyo asigaranye ku muntu ugikeneye kandi yakoreraga abantu atizigama.'

Abakuriye uyu mujyi, barimo mayor wawo Jeffrey Chestnut, bagize amarangamutima ubwo babwira itangazamakuru ibyabaye.

Chestnut yagize ati : 'Ntabwo ari kenshi ibintu nk’ibi biba hafi y’iwacu' yongeraho ko uyu muryango wari abaturanyi be.

Ati : 'Umwana wabo muto yakiniraga mu mbuga yanjye n’abahungu banjye.'

Enoch City ni umujyi muto w’ubuhinzi mu majyepfo ashyira uburengarazuba bwa leta ya Utah, muri 394 km uvuye ku murwa mukuru wayo, Salt Lake City.

Abo bana batanu bapfuye bigaga ku mashuri ane muri ako gace, urwego rukuriye ayo mashuri rwatanze itangazo ry’akababaro.

Spencer Cox, Guverineri wa leta ya Utah, yatangaje kuri Twitter ubutumwa bwihanganisha abagizweho ingaruka 'n’uru rugomo rudafite ishingiro'.

Perezida Joe Biden n’umugore we Jill Biden nabo batanze ubutumwa bwo kwihanganisha, aho ibyabaye babyise 'ishyano'.

BBC