Author: webrwanda

Impunzi z'abanyecongo zavuye muri Rutshuru na Masisi ziri mu nkambi ya Nkamira mu burengerazuba bw'u Rwanda zivuga ko zahunze kwicwa n'imitwe yitwaje intwaro izita Abatutsi b'Abanyarwanda cyangwa ko ari aba M23.

Mu nkambi z'agateganyo za Kijote na Nkamira mu burengeruba ubu hari abagera ku 1,200 biganjemo abagore, abana, n'abashaje, abandi barenga ibihumbi bitatu bahunze kuva mu mpera z'umwaka ushize bajyanywe mu nkambi ya Mahama mu karere ka Kirehe mu burasirazuba.

Leta y'u Rwanda ishinja iya DR Congo 'kutagira icyo ikora' ku kibazo cy'izi mpunzi no gufatanya n'imitwe nka FDLR na za Mai-Mai kwibasira Abanyecongo b'Abatutsi bavuga Ikinyarwanda, Kinshasa ihakana ibyo kandi ikavuga ko Kigali “igira impunzi igikoresho cya politike”.

Mwamini Gisele yabwiye BBC ko yaturutse ahitwa Gicanga muri teritwari ya Masisi, ko yahunze Abahunde n'abaMai-Mai Nyatura “nibo batwirukaho”.

Ati: “Twarahigwaga kuko tuvuga Ikinyarwanda, bamwe twitwa ko turi Abatutsi, abantu bakatubwira ngo nimuve hano mu gihugu cyacu mujye iwanyu mu Rwanda.

“Nagiye kuko abaturanyi bacu bamwe babaciye imitwe abandi bakabajyana tukababura, ufite uburyo bwo kuva muri ako karere akagenda.”

Mwamini avuga ko yafashe umwanzuro wo guhungira mu Rwanda 'kuko baravugaga ngo nidutahe, dutekereza ko nitugera mu Rwanda tuzabona amahoro n'umutekano.'

Umugabo w'ikigero cy'imyaka 60 utifuje gutangazwa amazina, yagize ati:

“Nabaga mu nka, ubwo batangira kurya inka, n'abantu bahunga, inka nazitaye ku musozi mbonye bariyemo nyinshi, kandi natwe badutangatanga bashaka kutwica, duhitamo kwiruka.

“Bazaga bavuga ko turi M23 bakadusanga mu mabuga [y'inka] bakatwica ubundi bagakomeza baduhiga ngo M23 itwihishemo aho mu nka, ni icyo ahanini twaziraga.”

Intambara y'umutwe wa M23 n'ingabo za leta n'imitwe imwe n'imwe yitwaje intwaro muri Kivu ya Ruguru imaze igihe kigera ku mwaka yubuye, gusa guhunga byongeye gukomera mu mpera z'uyu mwaka ku banyecongo bavuga Ikinyarwanda.

Imibare yo mu Ukuboza (12) 2022 y'ishami rya ONU ryita ku mpunzi HCR ivuga ko DRC ifite impunzi 72,192 z'Abanyarwanda naho u Rwanda rukagira impunzi 76,004 z'Abanyecongo.

'Iyo umuntu ahunze yemera guteseka'

UNHCR ivuga ko kuva mu cyumweru gishize izi mpunzi zatangiye kwinjira mu Rwanda ku bwinshi ari nacyo cyatumye bafatanyije na Leta y'u Rwanda bashyizeho iyi nkambi y'agateganyo ya Nkamira mu karere ka Rubavu ubu irimo abagera kuri 600, n'iya Kijote mu karere ka Nyabihu irimo abarenga 500.

Abari i Nkamira bavuga bakiriwe neza ariko ko ubuzima bugoye cyane.

Umugore w'ikigero cy'imyaka 40 utifuje gutangazwa ati: “Ikibazo dufite ni icyo kuryama hasi, nta matora tugira, usanga abana nkaba, n'abakecuru bataka umugogngo kubera kuryama hasi.”

Undi mugabo ati: 'Mfite imyaka 73, ubuse urareba imvungure zinkwiriye?

“Singira ingotomero yindi, mu gitondo ni imvungure, nimugoroba ni imvungure zitagira ikindi kintu, urabona norohewe koko? [Ariko] N'ubundi nta buhunzi bwiza iyo umuntu ahunze yemera guteseka.”

Lilly Carlisle umuvugizi wa UNHCR mu Rwanda yabwiye BBC ko icyo bakora ubu ari uguha izi mpunzi nshya ubufasha bw'ibanze mbere yo kuzivana mu nkambi z'agateganyo.

Ati: “Iyo bageze hano i Nkamira tubaha ihema ryo kubamo, dufatanyije n'abaterankunga tukabaha amafunguro gatatu ku munsi, ariko hari iby'ibanze bindi bakeneye.

“Kugeza ubu bararyama hasi kuko ubu nta mafaranga ahagije dufite yo kugura matora, icyo ni kimwe mu bintu turimo gukoraho vuba bishoboka.”

BBC

Source : https://umuryango.rw/amakuru/mu-mahanga/ubuzima/article/ubuzima-bugoye-bwo-mu-nkambi-y-abanyecongo-barimo-guhungira-mu-rwanda

Umutoza wa Police FC, Mashami Vincent avuga ko igikombe cya shampiyona buri wese ashatse yakivugaho ariko na none si buri wese wagitwara kuko kugitwara atari amagambo bisaba kugikorera.

Ni nyuma y’umukino w’umunsi wa 16 wa shampiyona ya 2022-23 Police FC yatsinzemo Gorilla FC ibitego 3-2.

Uyu mutoza abajijwe niba ikipe ye abona iri mu makipe ahataniye igikombe cya shampiyona bitewe n’uko yatangiye imikino yo kwishyura, yavuze ko igikombe atari amagambo bisaba kugikorera.

Ati “Ngira ngo iby’igikombe byo buri wese abivuga uko ashatse bitewe n’aho yicaye, nicaye ahantu nshobora kukivuga ariko na none bisaba ko ubikorera, igikombe si ukugitwara kuko wakivuze mu magambo.”

“Nkeka ko twebwe tuzagerageza gukora akazi katureba ko gushaka amanota umukino ku mukino hanyuma wenda bitewe n’uko shampiyona izaba igenda aho tuzavuga ku gikombe, ariko kukivuga utabasha kuba wagikorera nkeka atari byiza, reka tubanze tugikorere hanyuma tuzakivuga igihe nikigera.”

Mashami Vincent ni umwe mu batoza bake b’abanyarwanda bazi uko kwegukana igikombe cya shampiyona bimera aho yagitwaye muri shampiyona ya 2013-14 ubwo yatozaga APR FC.

Police FC ubu iri ku mwanya wa 6 n’amanota 24 mu gihe Kiyovu Sports ya mbere ifite 31, gusa uru rutonde rushobora guhinduka kuko hari imikino y’umunsi wa 16 itarakinwa.

Mashami Vincent avuga ko igikombe atari amagambo

Source : http://isimbi.rw/siporo/article/bitewe-n-aho-wicaye-wavuga-ku-gikombe-ariko-igikombe-si-amagambo-mashami-vincent

Hakizimana Muhadjiri avuga ko yatandukanye n’ikipe ya AlKholood FC yo muri Saudi Arabia ku bushake ahanini hashingiwe ku birarane bari bamufitiye ariko nta muntu wamwirukanye nk’uko byavuzwe.

Muri Nyakanga 2022 ni bwo uyu mukinnyi yasinyiye AlKholood FC ikina mu cyiciro cya kabiri amasezerano y’imyaka 2, nyuma y’amezi 6 baratandukana yigarukira muri Police FC yo mu Rwanda akinira uyu munsi.

Aganira n’ikinyamakuru ISIMBI, Muhadjiri yavuze ko yagarutse mu Rwanda ku bushake, nta kipe yamwirukanye ndetse ko yari afiteyo n’andi makipe amushaka ariko ahitamo kuza mu Rwanda.

Ati “ndibaza ubushize nabivuzeho, njyewe naragarutse kubera ubushake bwa njye, mu ikipe yanjye yanarakinaga, hari ibyo tutumvikanaga mfata icyemezo cyo kugaruka kuko urebye nari mfite ikipe hariya ishaka ko nyikinira ariko ku giti cyanjye, umutima wanjye numvaga nshaka kugaruka nkakina aya mezi mu rugo nkareba ko namera neza kuko ntabwo mu mutwe nari meze neza.”

Yakomeje avuga ko ikintu yapfuye n’ikipe ye ari ukumara amezi 2 adahembwa nubwo atabigira urwitwazo ariko na none ngo yumvaga ashaka kugaruka agakina mu rugo.

Ati “nta muntu wari kunyirukana kuko nakinaga imikino yose, nta mukino n’umwe ntakinnye, ikintu gihari ni uko twamaze amezi 2 tudahembwa ariko twaje kumvikana kuko njye nashakaga no kuhava kuko njye nari mfite n’andi makipe ariko numva nshaka gukina mu rugo kuko gukina hanze rimwe na rimwe ni stress.”

Hakizimana Muhadjiri yakomeje avuga ko atakwihanganira kumara hanze amezi 2 akina ariko adahembwa kuko nta muvandimwe ahafite.

Ati “Navuga ko ari byo kuko njyewe namaze amezi abiri ntabona umushahara ariko ntabwo ari byo nakwitwaza kuko hari abahasigaye, nanze kwihangana kuko hariya ntabwo ari mu rugo, njyewe ntabwo nakina hanze amezi 2 ntahembwa, mu rugo nakwihangana kuko nanjya no kwa mushiki wanjye nkarya ariko si mu rugo, buri wese afite uko abyumva ariko nta muntu wanyirukanye.”

Uyu mukinnyi yavuze ko yumvaga ashaka kuruhuka mu mutwe cyane ko yari afite ikipe imwifuza.

Ati “Numvaga nshaka kugaruka nkaruhuka mu mutwe, mu by’ukuri buri muntu afite uko yumva ibye ariko nari mfite ikipe nshobora kujyamo ariko nahisemo kuza hano.”

Hakizimana Muhadjiri wemeza ko gukina hanze bisaba kwihangana, yakiniye amakipe atandukanye arimo Kiyovu Sports, Mukura VS, AS Kigali, Etincelles, APR FC na Emirates Club yo muri Leta Zunze Ubumwe z’Abarabu.

Muhadjiri yahise agaruka muri Police FC, yananiwe kwihanganira hanze yamaze amezi 2 adahembwa

Source : http://isimbi.rw/siporo/article/nta-mama-nta-muvandimwe-nari-mfiteyo-muhadjiri-agaruka-kugutandukana-n-ikipe-ye-ibyavuzwe-byo-kwirukanwa

The education system in South Africa is one of the […]

The post Top 10 Universities in South Africa 2023 University Rankings appeared first on UGWIRE.

Source : https://ugwire.com/top-10-universities-south-africa-rankings/

Kuri uyu wa kane, tariki 19 Mutarama 2023, Azarias Ruberwa Manywa yafatiwe ku kibuga cy'indege cya Ndjili i Kinshasa, ubwo yari agiye gufata indege imwerekeza muri Leta Zunze Ubumwe za Amarika, ari naho umuryango we utuye. Yahise ajyanwa guhatwa ibibazo mu biro bishinzwe iperereza, mbere yo gusubizwa mu rugo iwe, ari naho ubu afungishirijwe ijisho.

Azarias Ruberwa yari afite ibyangombwa byose bimwemerera kujya muri Amarika, aho yari agiye gushyingura mwisengeneza w'umugore we.
Leta ya Kongo ntiratangaza icyatumye Bwana Ruberwa abuzwa gusohoka mu gihugu, icyakora ibitangazamakuru bikorana n'ubutegetsi byahise byandika ko ngo Azarias Ruberwa yari ahunze, dore ko ashinjwa gufasha umutwe witwaje intwaro wa TWIRWANEHO, uvuga ko urengera Abanyekongo bo mu bwoko bw'Abanyamulenge bicwa n' imitwe ishyigikiwe n'ubutegetsi.
Nyamara abakurikiranira hafi ibyo muri icyo gihugu barahamya ko Azarias Ruberwa azira gusa kuba ari Umunyamulenge, ndetse no kuba aherutse kwakirwa n'Uhagarariye Ubudage muri Kongo , akamusobanurira akaga Abatutsi bo muri Kongo barimo.

Uwo Ambasaderi yahise atangaza ko yijeje Bwana Ruberwa ko igihugu cye kigiye gushyira igitutu ku butegetsi bwa Tshisekedi, bugahagarika Jenoside ikorerwa Abatutsi, n'imvugo zihembera urwango. Ibi byarakaje cyane Perezida Tshisekedi n'abambari be, bibwira ko Abatutsi bazakomeza kwicwa amahanga arebera.
Si Azarias Ruberwa uri mu mazi abira gusa, kuko na Depite Moise Nyarugabo ari mu bashinjwa gufasha Twirwaneho.

Abasesenguzi batangiye kugira impungenge ko abo bagabo bombi bashobora kwicwa cyangwa bagafungwa, kimwe nabandi Banyekongo bavuga ikinyarwanda bakomeje kwibasirwa.
Umunyamategeko Azarias Ruberwa yabaye Visi-Perezida wa Kongo ubwo Joseph Kabila yategekaga icyo gihugu.

Yanabaye kandi Minisitiri ushinzwe kwegereza abaturage ubuyobozi, ndetse mu matora aheruka akaba yariyamamarije umwanya wa Perezida wa Kongo. Icyakora kuba Azarias Ruberwa Manywa yarabaye mu myanya ikomeye y'ubutegetsi bwa Kongo ntibituma adafatwa nk'umunyamahanga, kimwe n'abandi bavuga ikinyarwanda bahozwa ku nkeke ngo nibatahe iwabo mu Rwanda cyangwa bicwe.

The post Azarias Ruberwa Manywa wigeze kuba Visi-Perezida wa Kongo ari mu mazi abira, azira gusa ko ari Umunyamulenge. appeared first on RUSHYASHYA.

Source : https://rushyashya.net/azarias-ruberwa-manywa-wigeze-kuba-visi-perezida-wa-kongo-ari-mu-mazi-abira-azira-gusa-ko-ari-umunyamulenge/?utm_source=rss&utm_medium=rss&utm_campaign=azarias-ruberwa-manywa-wigeze-kuba-visi-perezida-wa-kongo-ari-mu-mazi-abira-azira-gusa-ko-ari-umunyamulenge

Kyambogo University is one of the top 10 best universities […]

The post Diploma Engineering courses at Kyambogo University 2023 appeared first on UGWIRE.

Source : https://ugwire.com/diploma-engineering-courses-kyambogo-university/

List of the top 10 best performing Extra County Schools […]

The post Best Performing Extra County Schools In Kenya 2023 Top LIST appeared first on UGWIRE.

Source : https://ugwire.com/top-performing-extra-county-schools-kenya-2022/

Top ten Best Paying and Most Marketable Diploma Courses in […]

The post Most Marketable Diploma Courses in Kenya 2023 (Best) appeared first on UGWIRE.

Source : https://ugwire.com/marketable-diploma-courses-kenya/

Uyu mugabo umaze kwamamara mu magambo akakaye ndetse no mukwisanzura gukabije mu gukoresha imbuga nkoranyambaga ze, yongeye kwandika kuri Twitter ye asubira Abanya-Kenya.

Mu magambo atari maremare yanditse ati: 'Abaturage bamwe bo muri Kenya baradutinya kuko bazi neza ko igisirikare cyacu gikomeye kurusha icyabo'.

Muhoozi Kainerugaba yongeyeho ati: 'Igisirikare cyacu cyafata Nairobi mu cyumweru kimwe'.

Arakomeza ati: 'Abaturage bo muri Kenya bagomba kunsaba imbabazi kubera igihe cyose nakubiswe nk'iri umwana muto nzira ko ndi umuhungu wa Museveni mu myaka ya za 1980'.

Muhoozi yasubiye kuvuga aya magambo nyuma y'induru nyinshi zavuyemo no gusaba imbabazi, aho se umubyara yasabye imbabazi abaturage ba Kenya ndetse n'abandi bose bari baragezweho n'amagambo y'umugabo utajya ugira ibinya mu gihe ari kwandika uko yiyumva uwo mwanya.

Nyuma gato yo gutangaza ayo magambo, hashize iminota 17 gusa, Muhoozi yongeye arandika ati:”Abanya-kenya bigira nk'aho ari inshuti magara za papa uyu munsi. Kuki bankubitaga mu myaka 40 ishize, umuhungu we [wa Museveni] ubwo twari mu buhungiro?”.

Aya magambo yakomeje gutangaza benshi bemeza ko hashobora kuba hari ikiyihishe inyuma, dore ko ari kuyandika ubutitsa.

Kenyans need to apologise to me for all the beatings, as a young boy, that I got because I was Museveni’s son in the early 1980s.

— Muhoozi Kainerugaba (@mkainerugaba) January 20, 2023

Source : https://umuryango.rw/amakuru/mu-mahanga/article/gen-muhoozi-yongeye-kwatsa-umuriro-w-amagambo-kubanya-kenya

Nyuma yo kutishimira imisifurire ku mukino wabahuje na Gasogi United, abafana ba Kiyovu Sports bibasiye umusifuzi Mukansanga Salima bamuririmba ko ari indaya ndetse ko ashaje.

Uyu munsi Gasogi United yari yakiriye Kiyovu Sports mu mukino w’umunsi wa 16 wa shampiyona y’icyiciro cya mbere mu Rwanda umwaka w’imikino wa 2022-23.

Uyu mukino wabereye kuri Stade ya Bugesera, umusifuzi mpuzamahanga, Mukansanga Salima ni we wamusifuye aho warangiye nta kipe ibashije kureba mu izamu ry’indi.

Abafana ba Kiyovu Sports batishimiye bimwe mu byemezo uyu musifuzi yagiye afata byatumye bamuririmba n’umukino ukirimo ko ashaje.

Bagize bati “urashaje, urashaje, urashaje.”

Ubwo umukino wari urangiye, Salima arimo agenda agana mu rwambariro, ni ho yahuriye n’uruva gusenya aho batangiye kumuririmba bati “Malaya! Malaya! Malaya!.”

Ubwo baririmbaga ibi, umwe yamanutse ashaka kujya gutangira abasifuzi ngo abasagarire ariko abashinzwe umutekano baritambika baramutangira.

Ibikorwa nk’ibi ntabwo byari bimenyerewe muri shampiyona y’u Rwanda ko abafana bashobora kwibasira umusifuzi aho ibikorwa nk’ibi byaherukaga ku mukino wahuje Etincelles na AS Kigali mu Kuboza 2021 aho amakipe yanganyije na 1-1, umusifuzi yari yongeyeho iminota 10 ari na yo AS Kigali yishyuyemo Etincelles, nyuma y’uyu mukino abafana birunze mu kibuga bashaka gusagarira abasifuzi ariko polisi iritambika.

Salima ni we wasifuye uyu mukino ariko bamwe mu bafana ba Kiyovu Sports ntibishimiye ibyemezo yagiye afata

Ubwo yari asoje umukino we na Moise wari umusifuzi wa 4 berekeza mu rwambariro nibwo abafana ba Kiyovu Sports bamuririmbye bati “Malaya!”

Umwe yamanutse ashaka kujya kumusagarira abashinzwe umutekano baritambika

Source : http://isimbi.rw/siporo/article/malaya-malaya-malaya-abafana-ba-kiyovu-sports-baririmba-mukansanga-salima