Author: webrwanda

Ikigo cy'Igihugu cy'Ubuzima, RBC, kuri uyu wa Kane , tariki ya 23 Werurwe 2023,cyatangaje ko u Rwanda rwafashe ingamba zigamije gukumira icyorezo cya Marburg ku mipaka aho abinjira mu gihugu bava muri Tanzania aho iki cyorezo cyiri, babanza gupimwa umuriro.

Mu itangazo,RBC, yavuze ko ' Minisiteri y'ubuzima, yasabye abanyarwanda gukaraba kenshi n'amazi n'isabune cyangwa umuti wabugenewe, kwirinda gukora ingendo zitari ngombwa ahari iki cyorezo, umuntu wese ufite ibimenyetso by'iki cyorezo agomba kwihutira kujya kwivuriza ku ivuriro rimwegereye, gutanga amakuru y'ahantu hari umuntu waturutse ahagaragaye iki cyorezo, akagaragaza ibimenyetso bya Marburg.'

RBC ivuga ko uwafashwe n'iki cyorezo agaragaza ibimenyetso birimo umuriro mwinshi, kurwara umutwe, kuribwa imikaya, gucika intege, kuruka cyane kandi kenshi, kuribwa mu nda, no kuva amaraso ahantu hose hari umwenge ku mubiri .Ibi bimenyetso bikagaragara hagati y'iminsi 2 na 21.

Ikigo cy'Igihugu cy'Ubuzima kivuga ko indwara ya Marburg yandurira mu matembabuzi nk'amacandwe, amaraso, ibirutsi n'amarira by'uyirwaye.

Uyirwaye ashobora kandi kwanduzwa no gukora ku nyamaswa zayirwaye cyangwa zapfuye ziyirwaye cyane cyane mu ducurama,inkende, n'iz'indi.

Umuntu ashobora kwandura mu gihe cyo gushyingura, mu gihe umuntu yakoze ku murambo ku wishwe nayo. Icyakora iyi ndwara ntabwo yandurira mu mwuka.

Iki cyorezo guheruka guhitana abantu batanu muri Tanzania ndetse abasaga 190 bashyizwe mu kato

Source : https://umuryango.rw/amakuru/mu-rwanda/ubuzima/article/u-rwanda-rwatangiye-ingamba-zo-gukumira-icyorezo-cya-marburg-cyabonetse

Muri ibi byumba harimo ibyubatswe mu myaka ya kera byatangiye kuvaho inzugi n'amadirishya. Urugero ni ibyo mu kigo cy'amashuri cya GS Gihara giherereye mu Murenge wa Mukura mu Karere ka Rutsiro byubatswe mu 1968.

GS Gihara ni kimwe mu bigo by'amashuri 2392 byo mu Karere ka Rutsiro. Muri iki kigo hari ibyumba 12 bishaje ariko bigikoreshwa kuko ubuyobozi bw'iri shuri nta yandi mahitamo bufite.

Muhawenimana Janvière wiga mu mwaka wa kane w'amashuri abanza kuri GS Gihara yabwiye IGIHE ko iyo imvura iguye bari mu ishuri ibitaka bigwa ku makayi yabo akandura.

Ati “Amashayi aca mu madirishya kubera ko amadirishya arangaye, amakayi agatoka, imbeho ikatwica, tukarwara ibicurane bya hato na hato. Icyifuzo cyacu ni uko mwatuvuganira ubuyobozi bukatwubakira amashuri meza natwe tukigira mu mashuri meza nka bagenzi bacu”.

Bimwe mu byumba bishaje byo kuri iki kigo bikoreshwa nk'amashuri ibindi bigakoreshwa nk'icyumba cyo kuriramo.

Nsabimana Epimaque yabwiye IGIHE ko iyo imvura iguye bari kurya itaka rihanuka rikagwa mu biryo. Ati “Biratubangamiye kuko iyo imvura iguye turi mu cyumba turiramo hari ubwo itaka rihanuka rikagwa mu biryo turi kurya. Turasaba ko batwubakira ibyumba bishya”.

Umuyobozi w'iri shuri Bizimana Seth yabwiye IGIHE ko ibi byumba bishaje babikoresha kubera ko nta yandi mahitamo bafite.

Ati “Ni byo koko dufite ikibazo cy'ibyumba bishaje kandi uretse no kuba bishaje muri umucyo ntabwo winjira neza.'

Umuyobozi wungirije w'Akarere ka Rutsiro ushinzwe imibereho myiza y'abaturage, Marie Chantal Musabyemariya avuga ko muri aka karere babaruye ibyumba 518 bishaje, birimo 171 bigomba gusimbuzwa na 347 bikeneye gusanwa.

Ati “Ibi byumba bizubakwa ku bufatanye bw'Akarere na Minisiteri y'Uburezi kuko ni yo itanga ingengo y'imari y'ibikorwaremezo birimo n'amashuri azubakwa uyu mwaka”.

Ku ishuri rya GS Gihara higa abanyeshuri 915 barimo 149 biga mu mashuri y'incuke, 643 biga mu mashuri abanza na 116 biga mu mashuri yisumbuye.

Mu mwaka ushize wa 2022, u Rwanda rwubatse mu gihugu hose ibyumba ibihumbi 22 mu rwego rwo kugabanya ikibazo cy'ubucucike.

Ibi byumba byakemuye ikibazo cy'abana bigaga mu ishuri ari benshi ariko abayobozi b'ibigo by'amashuri bavuga ko bagikeneye ibindi byumba kuko ahenshi abana biga mu myaka itatu y'amashuri abanza basimburana mu gihe gahunda ya Leta ari uko abana bose bagomba kwiga umunsi wose.

Aya mashuri yubatswe mu 1968

Iyi nzu ni yo abana biga kuri GS Gihara bigiramo

---

Source : http://igihe.com/amakuru/u-rwanda/article/ibyumba-by-amashuri-birenga-500-muri-rutsiro-birashaje

Ibihingwa byinshi byangijwe n'urubura n'ibyo mu Murenge wa Kimonyi biri kuri hegitari zisaga esheshatu, naho inzu nyinshi zangiritse ni izo mu Murenge wa Nyange zisaga 190. Hangiritse kandi ibikorwaremezo birimo imihanda n'amashuri.

Umwe mu bakorera ubuhinzi mu Murenge wa Nyange, Karegeya, yavuze ko uru rubura rwabashyize mu gihombo gikabije, dore ko nk'ibirayi byari biri hafi kwera.

Ati 'urubura rwangirije ibintu byinshi byahungabanyije ubukungu bw'abaturage. Ikintu cyose cyari mu murima cyangiritse.'

Akomeza avuga ko usibye imyaka yangiritse ku rwego rwo hejuru, hari n'ubutaka bwatwawe n'isuri.

Umunyamabanga Nshingwabikorwa w'Umurenge wa Kimonyi, hamwe mu hangiritse imyaka iri ku buso bunini, Gaudance Mukasano, yabwiye IGIHE ko amazi yarengeye igishanga atari ubwa mbere biba kuko ngo azanwa na ruhurura iva mu Murenge wa Busogo.
Atangaza ko kugira ngo iki kibazo gikemuke bishobora gutwara miliyali ebyiri z'amafaranga y'u Rwanda, aya mazi akerekezwa mu mugezi wa Mukungwa.

Ati'Ruhurura iva muri Busogo niyo yuzuza amazi muri kiriya gishanga tugabanamo na Muko kikarengerwa. Ni ibintu bisanzwe iyo ari mu gihe cy'imvura tugira iki kibazo. Twari twarasabye ko badukorera iyo ruhurura n'icyo gishanga. Ni umushinga munini wazaturuka muri Busogo ukagera kuri Mukungwa.'

Mu mibare yatangajwe n'Akarere ka Musanze, hegitari 16,7 zari zihinzeho ibirayi, ibishyimbo n'ibigori ni zo zimaze kubarurwa ko zangiritse naho inzu 228 n'ibikoni 80 ni byo bifite amabati yangijwe n'urubura. Nanone kandi ibisenge by'ibyumba bitandatu by'amashuri byangiritse ndetse n'umuhanda uva kuri INES werekeza mu Murenge wa Kinigi.

---

Source : http://igihe.com/amakuru/u-rwanda/article/musanze-hegitari-zisaga-16-z-imyaka-n-inzu-zisaga-200-byangijwe-n-urubura

Iri serukiramuco rimaze imyaka ine rikaba rigiye kuba ku nshuro ya 5, rizaba iminsi ibiri kuwa Gatanu no kuwa Gatandatu tariki 19 na 20 Gicurasi, 2023.

Mu kiganiro na Nshimiyimana Glesard Paggar, Umuyobozi wa A. T. Events ibarizwa mu Bufaransa ari nayo iri gutegura iri serukiramuco, yadutangarije ko bariteguye kugira ngo bakomeze gusigasira umuco.

Aganira na InyaRwanda, Paggar yagize ati: 'Muri make, Africa Fest twayiteguye kugira dukomeze dusigasire umuco wacu nk'abanyafrika, tumurika ubukorikori, ubugeni n'ubuhanzi bwacu inaha i Burayi'.

Nshimiyimana Glesard Paggar, Umuyobozi wa A. T. Events itegura Africa Fest

Yongeraho ko kubera ubwiza bw'ibiba birimo, n'abazungu baryitabira. Ati: 'Umwihariko dufite ni uko ihuriramo n'abanyafrika batandukanye bafite inkomoko mu bihugu bitandukanye, ariko ukanasangamo n'abazungu bakunda Afrika banakora imideri, ndetse bakanakora n'ubugeni bugaragaza urukundo bakunda Afrika'.

'Africa Fest hazamo abantu b'ingeri zose, abanyafrika birumvikana nibo benshi ariko hazamo n'abazungu baje kumurika ibyo bakora, ariko byose bifite aho bihurira n’Afrika'.

Ni iserukiramuco riba rigizwe n'imyambaro, ubugeni, imbyino, indirimbo n'ibindi bifite aho bihuriye na Afurika. Yabivuzeho agira ati: 'Ibizaba birimo byose ni byinshi, twavuga nk’imyambaro, inkweto z'abamasayi, amaherena akozwe muri za wax, ibikapu, amavuta n'ibinyobwa bikozwe mu bimera, ibishushanyo, imitako nyarwanda n'imitako nyafrika muri rusange. Hakazaba harimo imideri, n'umuziki birumvikana n'ibindi byinshi'.

Iri serukiramuco ryatangiye mu mwaka wa 2018, gusa mu mwaka wa '2020 ntabwo yabaye kubera icyorezo cya Covid-19 cyari cyahagaritse ubuzima'.

Intego y'ibanze y'iri serukiramuco kwari uguhuza abanyafurika. Ati: 'Intego ya mbere twari dufite yari ivuga ko nk'abanyafrika dutuye mu Bufaransa twagira aho duhura tukungurana ibitekerezo ari nako tunagira n'aho dushobora kumurikira ibikorwa byacu, ikindi tukanazamura impano twifitemo zaba mu muziki, ubugeni n'ibindi. Byose turagenda tubigeraho, ariko haracyari byinshi byo gukora. Twifuza ko umwaka umwe Africa Fest izajya ibera inaha muri Europe umwaka ukurikiyeho ikabera muri Afrika.'

 

Paggar ari kumwe n'umufaransa Stomy Bugsy, umuhanzi w'umuraperi akaba n'umukinnyi w'amafilime

Uhereye ibumoso ni Pascal RWEMA umuhuzabikorwa w'iri serukiramuco Africa Fest, ari kumwe na Paggar Glesard Nshimiyimana waritangije
 Paggar hano ari kumwe na Sindanu KASONGO, ushinzwe porogaramu muri BET, televiziyo y'abanyamerika bafite inkomoko ku mugabane wa Afurika

Aha Paggar ari kumwe n'ushinzwe ibikorwa byo kwamamaza Marketing muri NOFI (Noir et Fier). Ni société iharanira ukwishyira ukizana kw’abirabura muri France
Haba hari imitako, imyambaro n'ubugeni bwo muri Afurika

Abazungu bakunda imyambaro n'imitako y'abanyafurika baza kwihera ijisho, abandi nabo bagakora ibifitanye isano na Afurika

Ibiranga Afurika biba bihari ku bwinshi

Igisabo, inkongoro, igicuma, uduseke, imitako ni bimwe mu biranga Umuco nyarwanda bimurikwa muri iri serukiramuco

Amavuta n'ibindi birango by'ubwiza biba byarakozwe n'abanyafurika nabyo biramurikwa 

Ni iserukiramuco ryitabirwa n'abanyafurika baba i Burayi ku bwinshi 

Haba harimo ibintu by'ingeri zose byerekana Umuco nyafurika 

Source : https://inyarwanda.com/inkuru/127380/abanyarwanda-baba-mu-bufaransa-bateguye-iserukiramuco-nyafurika-127380.html

Umunyamideli ufite “umusaya munini ku Isi” yashyize ahagaragara andi mafoto agaragaza uko yongeye kwibagisha akagira amatama bikabije nubwo yari asanzwe yibitseho adasanzwe.

Anastasia Pokreshchuk yerekanye iyi sura ye nshya yifashishije imbugankoranyambaga nyuma yo kuvuga ko yongeye kwibagisha kugira ngo ayongere.

Uyu mukobwa w'imyaka 33 ukomoka i Kyiv, muri Ukraine, yahoze afite isura isanzwe kandi afite imisatsi yirabura afite imyaka 20 mbere yuko akoresha akayabo k'amapawundi 1.500 mu kwihindura

Kandi kubera inshinge zitabarika yatewe,byamusigiye amatama manini cyane

Ariko, mu rwego rwo kugumana agahigo ko kugira amatama manini ku isi, uyu munyamideli yahisemo kujya kwiteza izindi nshinge ziyagira manini ku rundi rwego nkuko yabibweiye abamukurikira kuri Instagram.

Video yerekanaga uyu mugore bamuteye iyo miti ituma imisaya ye iba minini ari kurwana n'ububabare.

Uyu munyamideli yasobanuye uburyo yatangiye gushaka ubwiza binyuze mu kwibagisha yaba mu maso no ku mubiri afite imyaka 26.

Src:New York Post

Source : https://umuryango.rw/imyidagaduro/article/umunya-ukraine-ufatwa-nk-uwambere-ufite-amatama-manini-ku-isi-akomeje-gutangaza

Abantu babiri bakundanye bakiri mu bugimbi bakoze ubukwe, nyuma y'imyaka mirongo itandatu ababyeyi babo bahagaritse gusezerana kwabo.

N'ubwo banyuze mu rugendo rutoroshye mbere yo gushyingirwa, Len Allbrighton w'imyaka 79 na Jeanette Steer w'imyaka 78, bavuga ko ubu bishimye kuruta uko byahoze.

Aba bombi bahuye bwa mbere mu 1963 ubwo Len yari afite imyaka 19 na Jeanette afite imyaka 18.

Aba bombi bahuye bwa mbere bari kwimenyereza igiforomo mu bitaro byitwa St Mary's Hospital ahitwa Newport mu Bwongereza bahita bakundana bakibonana.

Hashize amezi make bakundanye,Len yasabye umukunzi we Jeanette ko yazamubera umugore undi arabyemera.

Uyu Len yahise ajya muri Australia,kugura ubutaka bwo kubakamo inzu bazabanamo igihe bazaba barushinze.

Icyakora imyaka yabo ntiyabemereraga kurushinga kuko imyaka yemewe n'amategeko icyo gihe yari 21, Jeanette yaburaga itatu.

Nyina na se bahagaritse ubukwe bwabo ndetse uyu Len ari mu mahanga yakiriye ibaruwa y'umukunzi we imusaba kwibagirwa iby'ubukwe bwabo.

Uyu Len yahise ashyingiranwa n'umugore wo muri Australia nyuma y'aho, babyarana abana batatu,nyuma baza gutandukana ari nabwo yasubiye iwabo ahitwa Stevenage mu Bwongereza gukora nk'umuforomo w'akarere.

Ku rundi ruhande,Jeanette,yagumye mu Bwongereza nawe aza kuba umuforomokazi hanyuma aza gushyingiranwa n'undi mugabo babyarana abana babiri.

Uyu yaje kujya mu kiruhuko cy'izabukuru akomeza kubana n'umugabo we ariko kera kabaye Len yaje kumwibuka yiyemeza kujya kumushaka aho yari atuye ahitwa Newport.

Uyu ngo yamenye aho atuye abifashijwemo na lisiti y'abagombaga gutora yari imanitse mu gace.

Len yagize ati “Nari mfite amatsiko yo kureba uko ari bwitware nambona.

'Nagendeye ku mahirwe. Ntabwo hari ahantu horoshye kubona ariko narabikoze.

'Nari nizeye ko ameze neza – Nta kindi nari niteze.'

Len yahagaze ku gipanku cy'inzu maze areba mu nzu ye. Jeanette – ntiyahise amumenya kuko hari hashize imyaka myinshi ahubwo yamubajije uwo ari we.

Yavuze:Nari mpfuye nkimenya ko ari we uhagaze ku gipangu cyanjye.

'Nishimiye ko yanshatse. Icyo gihe naramutekerezaga cyane. '

Amaze kuvugana na we, yumvise ikibatsi kimuzamutsemo maze abwira umugabo we ubwo yamubazaga uwo ariwe ko ari umuntu wabazaga icyerekezo.

Nyuma y'imyaka ibiri, umugabo wa Jeanette yapfuye azize kanseri, nuko uyu yiyemeza kujya kureba Len akoresheje aderesi yari yashyize ku ikarita ya Noheri yari yamwoherereje umwaka washize.

Muri 2018, yemeye kwerekeza muri Stevenage kugira ngo babane, hanyuma umwaka ushize Len yongera gupfukama amusaba ko babana.

Ubukwe bwabo bwabaye ku ya 11 Gashyantare 2023 bambikana impeta nshya zisa imbere y'abana babo, abuzukuru n'abuzukuruza babo.

Jeanette yagize ati: 'Ubuzima bw'urukundo ni bwiza cyane.

'Nibyiza kugira umuntu unyubaha. Nkunda gukora ikintu cyose hamwe na Len. '

Umugabo we mushya yagize ati: 'Twongeye gukundana.

'Twasomeye imivugo hamwe kandi twambikana impeta – Nagize amarangamutima nsomye uwanjye.

'Nari narenzwe n'urukundo namukundaga.”

Source : https://umuryango.rw/ubuzima-115/udushya/article/basubukuye-ubukwe-bwasubitswe-n-ababyeyi-babo-mu-myaka-60-ishize

Miss Hanah Karema Tumukunde uherutse kwegukana ikamba rya nyampinga wa Uganda 2023 , yakuyeho impaka zimaze iminsi zivugwa ko ari umunyarwandakazi , avuga ko ari umugandekazi ufite umubyeyi umwe ukomoka mu Rwanda.

Ibi yabitangaje mukiganiro yagiranye n'umunyamakuru MC Kats uri mu bafite izina rikomeye mu myidagaduro yo muri Uganda , aho yamubajije ku bivugwa ko yegukanye iri kamba kandi atari Umugande.

Miss Hanah Karema asubiza MC Kats yagize ati' Njye ndi Umunya-Uganda wavukiye muri Uganda ariko uvuka ku mubyeyi umwe w'umunyarwandakazi n'undi ukomoka muri Ankole ho muri Uganda'.

Uyu mukobwa avuga neza Icyongereza,Ikinyankole ,ikigande ndetse yanahishuye ko azi no kuvuga ikinyarwanda .

Miss Tumukunde wavutse mu 1998 ,akavukira ahitwa Kasasi ho muri Uganda ari naho yakuriye byitezwe ko ari we uzahagararira Uganda mu irushanwa rya Miss World riteganyijwe kubera Dubai.

Source : https://umuryango.rw/imyidagaduro/article/miss-hanah-tumukunde-wegukanye-ikamba-rya-miss-uganda-2023-yakuyeho-urujijo

Uwitwa KANOBANA Nsigaye Cedric yasabye guhindura amazina mu buryo bwemewe n'amategeko akitwa KANOBANA ISHIMWE CEDRIC mu bitabo by'irangamimerere.

Impamvu atanga zituma asaba guhindura amazina akaba ari uko ari amazina afite kuri Passport.

Source : https://umuryango.rw/amatangazo/article/itangazo-kanobana-nsigaye-cedric-yasabye-guhindura-amazina-akitwa-kanobana

Uwitwa KIRENGA SAMSON M.Ian yasabye guhindura amazina mu buryo bwemewe n'amategeko akitwa KIRENGA IAN SAMSON MANZI mu bitabo by'irangamimerere.

Impamvu atanga zituma asaba guhindura amazina akaba ari uko ari amazina afite kuri Passport.

Source : https://umuryango.rw/amatangazo/article/itangazo-kirenga-samson-m-ian-yasabye-guhindura-amazina-akitwa-kirenga-ian

Umunyamerika w'icyamamare mu gukina filimi z'urukozasoni, Stormy Daniels yavuze ko “azabyinira mu muhanda” igihe uwahoze ari Perezida Donald Trump yajyanwa muri gereza kubera amafaranga yamwishyuye mu mwaka wa 2016 abinyujije k'uwahoze ari umunyamategeko we bwite.

Daniels yatanze iri sezerano asubiza umufana w'uyu wahoze ari perezida wanditse kuri twitter ubutumwa amutuka.

Guterana amagambo hagati yabo kwabaye ku munsi umwe Trump yahanuye ko azafungwa n'abacamanza bo mu mujyi wa New York.

Ukoresha Twitter witwa Intergalactic Gurl yanditse ati: “Indaya iteye ishozi yemera amafaranga kugira ngo isebye umuntu w'inzirakarengane!”.

Yakomeje ati: “Amahirwe masa uzajye mu mihanda nyuma yibi!.”

Daniels yahise amusubiza ati: “none … yaranyishyuye arisebya.”

Daniels yongeyeho ati: 'Urumva ko uri mubi kurusha we wabikoze nk'utazi gusoma no kwandika.

Kandi sinzagenda gusa , nzabyinira mu muhanda igihe 'azakatirwa' ngo ajye muri gereza.”

Uwahoze ari avoka wa Trump akaba n'umujyanama we,Michael Cohen yagiye muri gereza nkuru kubera ibyaha byo kwica amabwiriza yo kwiyamamaza arimo kwishyura uyu mugore amadorari 130.000 mbere gato y'amatora ya 2016.

Cohen yavuze ko ayo mafaranga yayishyuye Daniels kugira ngo aceceke ntazavuge ko yaryamanye na Trump muri 2006, nyuma y'amezi umugore we Melania yibarutse umuhungu wabo Barron.

Source : https://umuryango.rw/ubuzima-115/udushya/article/umukinnyi-wa-filimi-z-urukozasoni-wasambanye-na-trump-yiyemeje-kuzabyinira-mu