Author: webrwanda

Ibi yabigarutseho mu iburanisha ryo kuri uyu wa Gatanu, Prince Kid uregwa ibyaha byo gukoresha imibonano mpuzabitsina ku gahato no guhoza ku nkeke bifitanye isano n'imibonano mpuzabitsina, yavuze ko yizeye ubutabera buboneye, cyane ko n'Umucamanza mu Rukiko Rwisumbuye yatanze ubutabera akamugira umwere.

Yavuze ko umutangabuhamya uvugwa nka VKF yikoreye inyandiko kwa noteri yemeza ko atahohotewe, ndetse no mu rukiko hari abatanze ubuhamya koko ko atahohotewe.

Yagaragaje ko yagiranaga amasezerano y'imikoranire n'abitabiraga amarushanwa ya Miss Rwanda, bityo ko ntaho yari guhurira nabo ngo abakoresheho ububasha nk'uwateguraga irushanwa.

Yemeye ko amajwi yacicikanye ku mbuga nkoranyambaga asaba icyiswe “happiness” ari aye, ariko avuga ko atazi uwayafashe, ndetse ko hari ibyakuwemo, kuko icyo kiganiro kitari icyerekeye imibonano mpuzabitsina.

Yagaragaje ko aba bakobwa bitabiriye iri rushanwa bahura n'imbogamizi zitandukanye, nk'abaritegura bakabibafashamo.

Yatanze urugero rwa Miss Muheto Divine wigeze kubwirwa n'umwe mu bagize akanama nkemurampaka ngo “wa mukobwa we uri mwiza”, ko yagiriwe inama zimufasha kumenya uko yitwara ku gitutu byamuteye.

Kuri VMF, Prince Kid yagaragaje ko uhereye mu rubanza rw'ifungwa n'ifungurwa ry'agateganyo, inkiko zagiye zifata icyemezo ko nta mpamvu zatuma akurikiranwaho kumuhoza ku nkeke, cyane ko ikimenyetso cyatanzwe ari inyandikomvugo gusa.

Yagaragaje ko izo nyandikomvugo zivuguruzanya kandi ugasanga arizo ubushinjacyaha bushingiraho. Yashimangiye ko ibikorwa byose ubushinjacyaha buvuga ko bigize ibyaha, bitigeze bibaho.

Ati “Mbihakaniye imbere y'urukiko, ibyo bikorwa ntibyabayeho.”
Prince Kid yagaragaje ko ubutumwa bwanditswe bumubaza niba yaryamana n'umuntu bakorana bikavamo, butari mu kiganiro yagiranagaho n'uwo mukobwa wamureze.
Yagaragaje ko byari akagambane, kuko ubwo butumwa bwasanzwe gusa muri telefoni y'uwatanze ubuhamya ku bushinjacyaha, TGF.

Ati “Ni icyo bakoreshaga kugira ngo bantere icyasha. Ikigaragara cyo sibo bayafashe. None se mu bunararibonye bw'Ubugenzacyaha bwacu, ayo majwi yagiye hanze ate ko nari ntaranaburana?”
Me Nyembo Emelyne na we yunze mu ry'uwo yunganira ati “twe twizeye ubutabera”, asaba urukiko kuzita ku bimenyetso byafashwe mu buryo bwemewe.
Yagaragaje ko umukobwa washinje Prince Kid yamufatiranye n'ubukene muri Covid-19, atari byo, kuko muri icyo gihe Leta yatangaga ubufasha ku bantu b'amikoro make.

Me Kayijuka yagaragaje ko abatangabuhamya barimo VNF, TTF, bahurije ku gisubizo kimwe ubwo babazwaga icyakorwa ngo irushanwa rigende neza, bagahuriza ku gisubiza ko ryakamburwa usanzwe aritegura, rigahabwa abagore.
Zimwe mu ngingo z'ubujurire.

Ubushinjacyaha bwatanze ingingo esheshatu z'ubujurire zigaragaza ko umucamanza wo ku rwego rwa mbere yitiranyije ibintu bigize icyaha, cyo gukoresha undi imibonano mpuzabitsina ku gahato.

Yanavuze ko hari ibimenyetso byirengagijwe, nk'uko imvugo z'abatangabuhamya batandukanye barimo abahawe nimero za TBF, TGK, TFK, na VDF, zaragaje ko Prince Kid yagiraga imyitwarire iganisha ku guhohotera abakobwa, irimo kuba yarabajyanaga iwe.

VDF kandi yagaraje ko hari aho Prince Kid yageze agahagarika imishahara ya bamwe mu bitabiriye iri rushanwa mu gisa no kubatera ubwoba, bitewe n'ububasha yari abafiteho.

Ku cyaha cyo gukoresha undi imibonano mpuzabitsina n'icyaha cy'ishimishamubiri rishingiye ku gitsina, Ubushinjacyaha bwagaragaje ko hari amajwi yafashwe umucamanza akayanenga ku kuba nta raporo iyaherekeza, kandi nta gishobora kugaragaza ko akomoka ku wo yitirirwa, bityo ubushinjacyaha bukabona ko ari intege nke z'urukiko.

Hari kandi ubutumwa bwagiye buhererekanwa hagati ya VBF na Ishimwe Dieudonné, n'ibindi bitandukanye. Ubushinjacyaha bwanenze uburyo urubanza mu rukiko rwa mbere rwaciwe, bugaragaza ko habayeho kubogamira ku uregwa.

Me Nyembo yagagaragaje ko nubwo ubushinjacyaha buvuga ko hari ibimenyetso byateshejwe agaciro, byaturutse ku kuba nta shingiro bifite.
Ubushinjacyaha kandi buvuga ko hagiye habaho gushingira ku bimenyetso bidahuje kamere n'icyaha.

Bwagaragaje ko Urukiko rwagize ihame ibyo Ishmwe Dieudonné avuga ko atemera icyaha, bukabifata nko kuba rwarasinziriye aho gukora inshingano zarwo.

Umushinjacyaha yagaragaje ko Urukiko Rwisumbuye rwa Nyarugenge rwagombaga gushingira ku bimenyetso bigize kamere y'icyaha, aho gushingira ku mvugo z'abatangabuhamya zavuguruzanyaga.

Nyuma y'impaka z'urudaca iburanisha ryimuriwe ku wa 28 Mata 2023 kubera umwanya muto ababuranaga bagize, ndetse no kuba hari ibindi bimenyetso byabonetse bikeneye gusesengurwa. Urubanza ruzasubukurwa saa tatu za mu gitondo.

Tariki ya 12 Ukuboza 2022 nibwo Urukiko Rwisumbuye rwa Nyarugenge rwagize umwere Ishimwe Dieudonné, ahita anafungurwa nyuma y'amezi atandatu muri Gereza ya Nyarugenge.

Source : https://umuryango.rw/imyidagaduro/article/bwambere-prince-kid-yahamije-ko-amajwi-yasakajwe-aganiriza-miss-muheto-ari-aye

Umushoferi wa Taxi itwara abagenzi ya Uber ufite umutima mwiza, yahaye impyiko umuntu atazi, yari atwaye amukuye mu bitaro yarabuze uwamutabarira ubuzima.

Tim Letts w'imyaka 33 yakoreraga kompanyi imwe ifite imodoka zitwara abagenzi yo mu ntara ya Cape May, muri Leta ya New Jersey muri Amerika muri 2021, ubwo yasabwaga kujya gutwara Bill Sumiel mu kigo gitanga dialysis ifasha impyiko mu bitaro bya Christiana.

Bwana Sumiel, ufite imyaka 73, yari amaze imyaka itatu ashaka cyane uwamuha impyiko nshya isimbura ize zarwaye,bitewe no kurwara diyabete mu myaka icumi ishize.

Mu nzira ajya iwe mu rugo i Salem, yabwiye uyu mugabo wahoze mu ngabo, Bwana Letts ikibazo cye – ariko ntiyatekerezaga ko uyu mushoferi wa Uber yamuha impyiko baramutse bahuje ibipimo.

Bwana Sumiel yabwiye ABC6 News ati: “Twamaze kimwe cya kabiri cy'urugendo nerekeza mu rugo twabaye inshuti nyuma yo kuvuga inzira yose, Tim arambwira ati” Ndatekereza ko Imana igomba kuba ariyo yagushyize mu modoka yanjye.

Yarambwiye ati : 'Nufata izina ryanjye na nimero yanjye, nzaguha impyiko.” Naratitiye cyane ku buryo ntashoboraga no kwandika izina rye na nimero ye. '

Kugira ngo umuntu ahe mugenzi we impyiko,habanza gufatwa ibipimo kugira ngo barebe ko bahuje ubwoko bw'amaraso n'ibindi bitandukanye.Ibipimo bya muganga nibyo bibyemeza.

Uyu mugabo yakomeje agira ati “Twishimye ko twahuje, kandi kubagwa mu bitaro bya Christiana byagenze neza.”

Ubu aba bombi babaye inshuti ubuzima bwabo bwose aho Bwana Sumiel avuga ko urugendo rwe muri iyi modoka ya Uber mu myaka ibiri ishize rwabaye igitangaza ndetse rwamuhaye ubuzima mu buryo bw'igitangaza.

Source : https://umuryango.rw/ubuzima-115/udushya/article/umugabo-wari-ugiye-gupfa-kubera-kubura-impyiko-yatabawe-by-igitangaza-n

Hano twabakusanyirije amwe mu mafoto y'ibyamamarekazi nyarwanda bitandukanye yabiciye bigacika kuri instagram muri iyi minsi y'icyumweru turangije,aho uri busange higanjemo amafoto ya bakobwa bazwi nk'aba Miss.

1.Miss Mutesi Jolly



2.Miss Elsa Iradukunda

3.Shaddyboo


4.Sacha_katee

Source : https://umuryango.rw/imyidagaduro/article/ihere-ijisho-amafoto-y-ibyamamarekazi-nyarwanda-yabiciye-bigacika-kuri-70350

Uyu mugoroba wabereye i Remera ahazwi nka Molato Bar. Iri joro abakunzi ba Mützig bari bashyizwe igorora, bakaba bataramiwe n’abavanzi b’umuziki (DJ) barimo Selecta Danny na DJ Khizzbeats. Aba ba DJ bose bakaba baritwaye neza umwaka ushize mu irushanwa ryateguwe na Bralirwa.

Selecta Danny wacuranze bwa nyuma, ni we wegukanye irushanwa rya ‘Mutzig AMABEATS DJ Competition’ ryateguwe na Bralirwa mu 2022. DJ Khizzbeats watangiye asusurutsa abitabiriye uyu mugoroba, yagaragaje ubuhanga mu kuvanga umuziki, akaba ari nawe wabaye uwa kabiri mu irushanwa rya ‘Mutzig AMABEATS DJ Competition’.

Uyu mugoroba wari ugamije kongera guhuza abakunzi ba Mützig bagasabana ndetse bagafata icyo kunywa kuri promosiyo.

Danny yabaye uwa mbere mu irushanwa rya Mutzig Amabeats Dj Competition yegukana Miliyoni 18 Frw

Dj Khizzbeats ni we wabaye uwa kabiri akurikiye Danny ahabwa Miliyoni 12 Frw

MC Tino niwe wari uyoboye uyu mugoroba

Source : https://inyarwanda.com/inkuru/127650/muetzig-yahuje-abakunzi-bayo-mu-mugoroba-wiswe-gold-night-amafoto-127650.html

Bienvenue yabwiye InyaRwanda ko yasezeranye imbere y'amategeko n'umukunzi we kuwa Kane tariki 30 Werurwe 2023, mu muhango wabereye ku Murenge wa Rwezamenyo i Nyamirambo muri Kigali.

Yavuze ko hari byinshi yakundiye uyu mukobwa byatumye yiyemeza kubana nawe birimo kuba yitonda, yihangana kandi akita kuri buri kimwe.

Ati 'Ibyo namukundiye byo ni byinshi. Kuko ni umukobwa mwiza, witonda, ufite umutima mwiza, uzi kwihangana, witanga muri byose kandi w’umuhanga mu nzego zose zitandukanye.'

Uyu mugabo yavuze ko ikiruta byose ari uko yakunze uyu mukobwa nawe akamukunda atazuyaje. Ati 'Ikiruta ibindi ni uko namukunze nawe akanyereka urukundo rurimo n’ubwitange bukomeye kurusha abandi bantu bose.

Ibyo rero byanteye imbaraga zo gukomeza kumukunda no kubona ko ari we wumva neza iby’ubuzima mbayemo, ndetse no gufata icyemezo ko ariwe wazambera mama w’abana banjye n’urukundo rw’ubuzima bwanjye.'

Redemptus ni umuhanga mu kuvuga ururimi rw’Ikinyarwanda kuko ubu amaze kugera ku rwego rwo hejuru mu kuyobora ibirori birimo ubukwe bw’uje umuco nyarwanda, inama n’ibindi ari umushyushyabirori cyangwa umushyushyarugamba.

Nubwo atakiri mu itangazamakuru yamenyekaniyemo cyane kuri Televiziyo Rwanda, ubu ni Umukozi wa Sosiyete y’u Rwanda, ishinzwe ingufu 'Rwanda Energy Group – REG' mu ishami rijyanye no guhuza ibikorwa by’icyo kigo n’abakigana mu gihugu hose mu ishami ryitwa 'External Link Departement'.

Redemptus afite Impamyabumenyi y'icyiciro cya Kabiri cya Kaminuza mu Itangazamakuru n'Itumanaho yakuye muri Kaminuza y'u Rwanda mu 2012.

Mu 2016 na 2018, yegukanye igihembo cy’Umunyamakuru urusha abandi gusoma amakuru kuri Televiziyo (Best TV News Anchor/Reporter Award) bitangwa na Rwanda ‘Development Journalism Awards 2016’.

Afite Impamyabushobozi 'Certificate' zinyuranye zirimo iyo yahawe n'Ishyirahamwe mpuzamahanga ry’abanyamakuru batangaza inkuru kuri Siyansi cyangwa se ubumenyi n’ikoranabuhanga (World Federation of Science Journalists).

Hari kandi 'Certificate' mu bijyanye n'indimi, imicungire y'itangazamakuru yahawe na Pan-African Management Institute (South Africa), amahoro n'umuco n'izindi zinyuranye. 

Kuri uyu wa Kane, Bienvenue Redemptus yazamuye ikiganza ahamya kubana akaramata n’umukunzi we byemewe n’amategeko

Bienvenue avuga ko hari byinshi yakundiye Igihozo byatumye yiyemeza kubana nawe

Bienvenue yavuze ko imyaka itatu ishize ari mu rugendo rw'urukundo n'uyu mukobwa

Redemptus yumvikanisha ko umukunzi we ari umuhanga mu nguni zose z'ubuzima

Bienvenue Redemptus yaramenyekanye cyane binyuze kuri Televiziyo y'u Rwanda  

Redemptus avuga ko igihe cyari kigeze kugira ngo bahuze inshuti n’imiryango

Ku munsi w’abo udasanzwe mu buzima, nyuma yo kwiyereka ababyeyi

Bemeranyije kubana nk’umugabo…. Bombi bazakora ubukwe mu mpera za Gicurasi 2023 

“Ishya n’ihirwe mu rugo rwanyu”, byiganje mu butumwa Redemptus yakiraga kuri telephone

Igihozo yatangiye urugendo rushya n’umukunzi we nyuma y’imyaka 3 bakundana 

Bienvenue Redemptus yatangiye gukorera ikigo cy'igihugu cy'itangazamakuru guhera mu 2012 ubwo cyari kikitwa ORINFOR

AMAFOTO: Wide Studio

Source : https://inyarwanda.com/inkuru/127652/namukundiye-byinshi-bienvenue-redemptus-yasezeranye-mu-mategeko-numukunzi-we-amafoto-127652.html

Ishimwe Dieudonné wamamaye nka Prince Kid yatangiye kuburana mu bujurire aho yahakanye ibyaha byose aregwa ahubwo avuga ko ari akagambane yakorewe.

Nyuma yo kugenda urusubikwa, uyu munsi nibwo Urukiko Rukuru rwatangiye kuburanisha uru rubanza aho n’Ubushinjacyaha bwemeye ko rubera mu ruhame bitandukanye n’ibihe byabanje ngo hato abantu batazagira ngo Prince Kid araregwa ibihimbano, mu bitabiriye uru rubanza barimo na Miss Iradukunda Elsa, Nyampinga w’u Rwanda 2017 akaba n’umugore wa Prince Kid.

Prince Kid aregwa ibyaha byo gukoresha imibonano mpuzabitsina ku gahato no guhoza ku nkeke bifitanye isano n’imibonano mpuzabitsina yakoreye abakobwa bitabiriye Miss Rwanda mu bihe bitandukanye, yahakanye ibyaha aregwa kandi yizeye ubutabera buboneye.

Nyuma y’uko tariki 12 Ukuboza 2022, Urukiko Rwisumbuye rwa Nyarugenge rugize umwere Prince Kid agahita anafungurwa, Ubushinjacyaha bwahise bujurira aho bwatanze ingingo zigaragaza ko umucamanza wo ku rwego rwa mbere yitiranyije ibintu bigize icyaha cyo gukoresha undi imibonano mpuzabitsina ku gahato.

Yanavuze ko hari ibimenyetso byirengagijwe, nk’uko imvugo z’abatangabuhamya batandukanye barimo abahawe nimero za TBF, TGK, TFK, na VDF, zaragaje ko Prince Kid yagiraga imyitwarire iganisha ku guhohotera abakobwa, irimo kuba yarabajyanaga iwe.

VDF we yanavuze ko hari igihe cyageze ahagarika imishahara ya bo kubera ububasha abafiteho.

Ubushinjacyaha bwagaragaje ko ku cyaha cyo gukoresha undi imibonano mpuzabitsina n’icyaha cy’ishimishamubiri rishingiye ku gitsina, hari amajwi yafashwe umucamanza akayanenga ku kuba nta raporo iyaherekeza ndetse nta gishobora kugaragaza ko akomoka ku wo yitirirwa aho ubushinjacyaha bukabona ko ari intege nke z’urukiko.

Hari kandi ubutumwa bwagiye buhererekanwa hagati ya VBF na Ishimwe Dieudonné, n’ibindi bitandukanye. Ubushinjacyaha bwanenze uburyo urubanza mu rukiko rwa mbere rwaciwe, bugaragaza ko habayeho kubogamira ku uregwa.

Mu kwiregura, Prince Kid yavuze ko umutangabuhamya uvugwa nka VKF (code yahawe kugira ngo umwirondoro we utamenyekana) yikoreye inyandiko kwa noteri yemeza ko atahohotewe, ndetse no mu rukiko hari abatanze ubuhamya ko atabahohoteye.

Yagaragaje ko yagiranaga amasezerano y’imikoranire n’abitabiraga amarushanwa ya Miss Rwanda, bityo ko ntaho yari guhurira nabo ngo abakoresheho ububasha nk’uwateguraga irushanwa.

Ku majwi yacicikanye ku mbuga nkoranyambaga asaba icyiswe “happiness” avugana na Miss Muheto Divine yavuze ko ari aye, gusa ngo ntazi uwayafashe, ndetse ko hari ibyakuwemo, kuko icyo kiganiro kitari cyerekeye imibonano mpuzabitsina.

Ku mutangabuhamya VMF, Prince Kid yagaragaje ko uhereye mu rubanza rw’ifungwa n’ifungurwa ry’agateganyo, inkiko zagiye zifata icyemezo ko nta mpamvu zatuma akurikiranwaho kumuhoza ku nkeke, cyane ko ikimenyetso cyatanzwe ari inyandikomvugo gusa.

Izi nyandiko zashingiweho n’Ubushinjacyaha, Kid yavuze ko ibikorwa bikubiyemo ntabyabayeho.

Ati “Mbihakaniye imbere y’urukiko, ibyo bikorwa ntibyabayeho.”

Prince Kid yavuze ko ibyabaye byose ari akagambane yakorewe kugira ngo asigwe icyasha yamburwe ububasha bwo gutegura Miss Rwanda.

Me Nyembo Emelyne wunganira Prince Kid yavuze ko bo bizeye ubutabera bw’u Rwanda ko buzakora akazi ka bwo kandi neza ndetse ko ibyo Ubushinjacyaha bushingiraho buvuga ko byirengagijwe mu rukiko rwisumbuye ari uko Urukiko rwasanze nta shingiro bifite.

Urukiko Rukuru rukaba rwasubitse uru rubanza nyuma y’uko habonetse ibimenyetso bishya bizabanza gusesengurwa. Urubanza ruzakomeza tariki ya 28 Mata 2023.

Prince Kid yateye utwatsi ibyo aregwa

Umugore we Iradukunda Elsa yari yaje kumushyigikira mu rubanza

Source : http://isimbi.rw/imyidagaduro/article/aherekejwe-n-umugore-we-prince-kid-yateye-utwatsi-ibirego-by-ubushinjacyaha

Ubwo Ingabo za Uganda zinjiraga muri Repubulika ya Demokarasi ya Congo mu butumwa bwo gushaka amahoro, zahawe ikaze n'ubuyobozi bw'umutwe wa M23.

Izi ngabo zinjiye muri Repubulika ya Demokarasi ya Congo muri iki cyumweru, aho zigiye mu butumwa bw'Umuryango wa Afurika y'Iburasirazuba mu itsinda rizwi nka EACRF.

Izi ngabo zinjiriye ku mupaka uhuza Uganda na RDC, uherereye i Bunagana mu gace kamaze igihe kinini kagenzurwa na M23.

Ubuyobozi bw'uyu mutwe bwagiye guha ikaze izi ngabo, aho abarwanyi bawo bari bayobowe n'Umuvugizi wa M23, Maj Willy Ngoma.

Amafoto yagiye hanze, agaragaza abarwanyi ba M23 bajya kwakira izi ngabo ndetse banamaze kuzakira, bahagararanye baseka.

Perezida Yoweri Museveni wa Uganda yasohoye itangazo rivuga ko ingabo za Uganda zigiye muri Rutshuru zitagiye 'kurwana na M23 ahubwo kuba ingabo zitabogamye mu gihe abanyecongo barimo gukemura ibibazo byabo bya politike'.

Perezida Museveni yasohoye iri tangazo agamije gusobanura impamvu ingabo z'igihugu cye zohereje izindi ngabo muri Congo nyuma y'izihamaze hafi imyaka ibiri zagiye kurwanya umutwe wa ADF.

Mu itangazo, Museveni yagize ati: 'Hagati aho, ibiganiro by'amahoro hagati ya M23 na leta ya Congo birimo kuba kandi bikwiye gukomeza kugira ngo ikibazo gikemurwe mu nzira ya politike'.

Kuri uyu wa 30 Werurwe 2023, nicyo gihe ntarengwa M23 yari yahawe cngo ibe yavuye mu birindiro byayo byose yafashe ariko ntabyakozwe ahubwo intambara irakomeje.

Source : https://umuryango.rw/amakuru/mu-mahanga/umutekano/article/m23-yagiye-kwakira-ingabo-za-uganda-zije-kuyisimbura-mu-bice-yari-yarafashe

Miss Elsa Iradukunda wekukanye ikamba rya nyambinga w'u Rwanda 2017 , yaherekeje umukunzi we Ishimwe Dieudonné uzwi nka Prince Kid mu rukiko , ahagiye kuburanishirizwa urubanza ku bujurire bw'Ubushinjacyaha nyuma y'uko Urukiko Rwisumbuye rwa Nyarugenge rumugize umwere.

Mu rukiko, Prince Kid yagaragaje ko yizeye ubutabera buboneye mu Rukiko Rukuru cyane ko n'Umucamanza mu Rukiko Rwisumbuye yari yatanze ubutabera.

Yavuze ko umutangabuhamya wiswe VKF yikoreye inyandiko kwa noteri yemeza ko atahohotewe, ndetse no mu rukiko yatanze ubuhamya koko ko atahohotewe.

Tariki ya 12 Ukuboza 2022 nibwo Urukiko Rwisumbuye rwa Nyarugenge rwamugize umwere ku byaha yari akurikiranweho byo gukoresha undi imibonano mpuzabitsina ku gahato, gusaba cyangwa gukora ishimishamubiri rishingiye ku gitsina no guhoza undi ku nkeke bifitanye isano n'imibonano mpuzabitsina.

Icyo gihe rwategese ko ahita afungurwa, nyuma y'amezi atandatu ari muri Gereza ya Nyarugenge.

Mu iburanisha ryo kuri uyu wa Gatanu mu Rukiko Rukuru, Ishimwe Dieudonné yunganiwe n'abanyamategeko batatu barimo Nyembo Emelyne wamwunganiye kuva yatangira gukurikiranwa.

Ubushinjacyaha bwatanze impamvu esheshatu z'ubujurire kuri uru rubanza, zirimo ibimenyetso bitahawe agaciro n'imvugo z'uwahohotewe nk'ikimenyetso cy'ingenzi.

Umushinjacyaha Ninahazwa Roselyne yagaragaje ko umucamanza mu rwego rwa mbere atasobanukiwe neza n'imiterere y'icyaha, byanatumye yirengagiza ibimenyetso bihuje kamere bijyanye n'icyaha, aho gushingira ku bimenyetso bishidikanywaho.

Yavuze ko umutangabuhamya yagaragaje ko yahohotewe na Ishimwe Dieudonné amufatiranyije n'ubukene mu gihe cya Covid-19.

Umushinjacyaha yasobanuye ko banzuye ko urubanza rubera mu ruhame mu rwego rwo kugaragaza ko ibirego Prince Kid akurikanyweho atari ibihimbano, na cyane ko urubanza rwe ruvugwa cyane mu itangazamakuru.

Yagaragaje ko ibyaha bijyanye n'ihohoterwa rishingiye ku mibonano mpuzabitsina bikunze kugorana kubonerwa ibimenyetso, kandi ko atari umwihariko w'u Rwanda, ahubwo bwatanze ingero z'ibihugu nk'u Bufaransa, u Bubiligi na Canada.

Ubushinjacyaha kandi bwagaragaje ko bwifashishije inyandiko z'abahanga zigaragaza ko hadakwiye kugarukira ku kuba uwahohotewe yaremeye ko imibonano mpuzabitsina ibaho, ahubwo ko hagomba kugaragazwa koko niba uko kwemera kwari kuzuye.

Miss Elsa uri mu myiteguro y'ubukwe yasezeranye mu murenge na Prince Kid, mu muhango wabereye mu Murenge wa Rusororo mu karere ka Gasabo ku wa 2 Werurwe 2023.

Urukundo rw'aba bombi rwavuzwe cyane mu ifungwa rya Prince Kid, ubwo Miss Iradukunda Elsa yagaragazaga inyandiko zafashwe nk'impimbano zishinjura Prince Kid ku byaha yari akurikiranyweho ndetse na we akaza kubifungirwa igihe gito akaza kurekurwa nyuma.

Source : https://umuryango.rw/imyidagaduro/article/miss-elsa-yaherekeje-umukunzi-we-mu-rukiko-amafoto

Ikigega RNIT Iterambere Fund kivuga ko ugereranyije n'umwaka wa 2021, ubwizigame mu kigega bwiyongereyeho miliyari 10 Frw, ndetse urwunguko rw'abizigamiye ruva kuri 11.22% rugera kuri 11.42%.

Imibare yatangarijwe mu nama rusange y'abashoramari kuri uyu wa Gatanu tariki 31 Werurwe 2023, yerekana ko abasabye gusubizwa ubwizigame bwabo mu 2022 ari 2591, bavuye ku 2025 mu 2021 na 1560 mu 2020.

Ni mu gihe abagera ku 31.473 bizigamira banyuze mu bimina naho 12.372 bakizigamira ku giti cyabo.

Mu mezi umunani abizigamira biyongereyeho abasaga ibihumbi bitanu.

Ikinyaakuru igihe cyandika ko umuyobozi Mukuru w'iki kigega, Jonathan S. Gatera, yavuze ko umwaka ushize habonetse umubare munini w'abasabye gusubizwa ubwizigame bwabo, aho amafaranga yasubijwe beneyo agera kuri miliyari 4Frw.

Ati 'Hari umushoramari umwe wakuyemo miliyari 2.6 Frw ku mpamvu zumvikana ariko yatubwiye ko azagaruka azanye menshi kurushaho, kuko inyungu nta handi yayikura atari mu kigega.'

Inyungu yabonetse mu 2022 igera kuri miliyari 2.3 Frw ivuye kuri miliyari hafi 1.9 Frw yabonetse mu 2021.

Iyi nyungu ikomeje kuzamuka kuko mu 2016 yari miliyoni 146 Frw, mu 2020 iba miliyari 1.4 Frw.

Gatera yakomeje avuga ko mu rwego rwo kurushaho kunoza imitangire ya serivisi, hari gukorwa ivugururwa ry'ikoranabuhanga ubu rigeze ku musozo.

Umuyobozi w'inama y'abahagarariye abizigamiye mu kigega RNIT Iterambere Fund, Dr Nzabonikuza Joseph, yashimye ko urwunguko rw'ikigega rwiyongereye ugereranyije n'umwaka wa 2021, ariko ngo byari kurushaho iyo umubare w'abasabye gusubizwa ubwizigame bwabo utiyongera, ndetse n'amafaranga basubijwe ngo yiyongere.

Ati 'Nk'abahagarariye abizigamiye, biradushimisha iyo uwizigamiye ashoboye kwitabaza ikigega kikamugoboka aho kugira ngo afate imyenda.'

Yasobanuye ko kuba abasubijwe amafaranga bariyongereye n'ayo basubijwe akiyongera, ari igisubizo ndetse n'impamvu isobanutse y'uko ikigega RNIT Iterambere Fund cyari gikenewe.

Ati 'Ni ishoramari ridufasha kubona inyungu tudashobora kubona ahandi. Kubona inyungu ya 11.42% nta musoro, nta handi wabibona. Ni ahantu wakwizigamira ukaharaga umwana wawe, ukahatangamo ingwate, hakakugoboka igihe cyose.'

RNIT Iterambere Fund ni ikigega cya leta cyatangiye mu 2016.

Umuntu wese wifuza kwizigamira by'igihe kirekire yakigana ahereye ku mafaranga y'u Rwanda 2,000 Frw, akaba yabikora igihe cyose ayaboneye, nyuma y'umwaka akaba ashobora kujya kuyabikuza hiyongereyeho inyungu.

Muri 2017 ubwo icyo kigega cyari kimaze umwaka gishinzwe, ayo cyungukiraga uwabikije yari 9.77%, muri 2018 aba 10.72%, muri 2019 inyungu iba 10.71%, hanyuma muri 2020 inyungu irazamuka ingana na 11.02%, mu 2021 yari 11.22% naho mu 2022 igera kuri 11.42%.

Icyakora iyo umuntu wabikije mu kigega Iterambere Fund ataramara imyaka itatu abikijemo, ayo agiye kubikuza yose bamuca 1% ryayo. Ni ikigega umuntu wese yinjiramo akagisohokamo uko ashatse, yaba abikuza yose cyangwa akuraho make.

Ni ikigega kidahomba kandi cyizewe, kuko amafaranga yose abanyamigabane babitsamo ari yo agurwa impapuro mpeshwamwenda za Leta, agashorwa mu kubaka ibikorwaremezo bitandukanye.

Ubwizigame fatizo bwavuye kuri miliyari 14 Frw bugera kuri miliyari 22Frw.

Inyungu ku mari yashowe yazamutseho 25% agera kuri miliyari 2.6Frw, umutungo w'imari mu mpapuro mpeshamwenda wazamutseho 17% uva kuri miliyari 17.7Frw ugera kuri miliyari 21.5Frw.

Kugeza ubu ikigega RNIT Iterambere Fund, kirimo umutungo wa Miliyari zirenga 28.4Frw zivuye kuri miliyari 18Frw mu 2021, umutungo w'ikigega ukaba warazamutseho 26%.

The post <strong>Ubwizigame bw'ikigega RNIT byiyongereho miliyari 10 Frw</strong> appeared first on FLASH RADIO&TV.

Source : https://flash.rw/2023/03/31/ubwizigame-bwikigega-rnit-byiyongereho-miliyari-10-frw/?utm_source=rss&utm_medium=rss&utm_campaign=ubwizigame-bwikigega-rnit-byiyongereho-miliyari-10-frw

Antoine Mutsinzi yagizwe Umuyobozi Nshingwabikorwa w'Akarere ka Kicukiro asimbuye Umutesi Solange kuri uyu wa Gatanu tariki 31 Werurwe 2023 nk'uko itangazo ryaturutse mu biro bya Minisitiri w'Intebe ribivuga.

Iri tangazo kandi rigaragaza ko Ann Monique Huss, yagizwe Umuyobozi Nshingwabikorwa wungirije w'aka Karere.

Akarere ka Kicukiro gahinduriwe abayobozi nyuma y'iminsi micye Perezida Kagame, anenze Umutesi Solange wayoboraga aka Karere hamwe n'Umuyobozi w'Umujyi wa Kigali Pudence Rubingisa, kudakosora umwanda yabonye wari utwikirije inzu mu karere ka Kicukiro.

Ati 'Uribuka ubwo nazaga muri Kicukiro ndi kumwe na Minisitiri w'intebe n'abandi ba Minisitiri tukabona inzu ahantu ku muhanda iraho imaze igihe kinini, bambitse ibintu bisa n'ibyo abantu b'abasazi bambara, nkagusaba ko mwareba nyirayo akayuzuza ndetse byaba ngombwa agakuraho ibyo bintu byari biyitwikiriye by'umwanda, ariko kugeza n'ubu bikaba bitarakorwa'.

Umutesi Solange yabuze ibisobanuro avuga ko barangaye kuko basanze icyemezo cyo kubaka cye cyari cyararangiye, acyongerera igihe ariko ntiyasubukura kubaka.

Umuyobozi w'Umujyi wa Kigali, Pudence Rubingisa, yavuze ko basuye uyu mugabo Perezida Kagame abasubijeyo, yemera ko bagize intege nke mu gukurikirana.

The post Umutesi wayoboraga Akarere ka Kicukiro yirukanwe appeared first on FLASH RADIO&TV.

Source : https://flash.rw/2023/03/31/umutesi-wayoboraga-akarere-ka-kicukiro-yirukanwe/?utm_source=rss&utm_medium=rss&utm_campaign=umutesi-wayoboraga-akarere-ka-kicukiro-yirukanwe