Author: webrwanda

Byatangajwe n'Umuyobozi w'Umujyi wa Kigali, Pundence Rubingisa kuri uyu wa Mbere tariki 17 Mata 2023, mu kiganiro ubuyobozi bw’Umujyi wa Kigali bwagiranye n’Abanyamakuru ku ngingo zitandukanye zireba Umujyi wa Kigali harimo imitangire ya serivisi, ubukungu, imiturire n’ibindi.

Iki kiganiro yagihuriyemo n'Umuyobozi wa polisi mu Mujyi wa Kigali ACP Desire Gumira, Umuyobozi w’Umujyi wa Kigali wungirije Ushinzwe Imiturire n’Ibikorwaremezo, Dr Mpabwanamaguru Merard n'abandi bayobozi mu nzego zinyuranye.

Bwana Rubingisa yasobanuye ko hari amasezerano yo gufatanya n’amakipe yo mu Mujyi wa Kigali mu buryo bwo kubatera inkunga yunganira ‘indi yabo cyangwa bavana n’ahandi'.

Uyu muyobozi avuga ko mu busanzwe batera inkunga AS Kigali y’abagabo n’iy’abagore, Kiyovu Sports ndetse na Gasogi United FC. Yizeza ko bazakomeza gutera inkunga aya makipe ‘uko amikoro adushoboje’.

Rubingisa avuga ko gutera inkunga aya makipe harimo inyungu zijyanye n'uburyo Umujyi wa Kigali usanzwe ukora ibikorwa byawo.

Yavuze ko binyuze muri aya makipe, hakorwa ibikorwa bifasha Umujyi wa Kigali mu gukumira ‘abana bava mu ishuri babakundikisha Siporo, babigisha kugana ishuri no kugaruka muri siporo' n'ibikorwa by’ubukangurambaga butandukanye ariko cyane cyane gutegura abana bakiri bato’.

Uyu muyobozi yavuze ko mu ngengo y’imari y’uyu mwaka, bahisemo andi makipe abiri batera inkunga (2) yiyongera kuyo bari basanzwe bakorana. Kuri ubu batera inkunga Espoir FC ikina Basketball ndetse na KVC ikina Volleyball.

Rubingisa yavuze ko hakwiye no gutekerezwa uburyo abakora umwuga w’itangazamakuru, nabo bakwihuriza hamwe. Ati 'Ati “Twabakangurira ahubwo ko n’amakipe y’abibumbiye mu bakora umwuga w’itangazamakuru twazareba uburyo dufatanya nabo bakagira umusanzu baza bakora mu guteza imbere siporo ariko tubicishije mu itangazamakuru.”

Rubingisa Pudence yavuze ko Umujyi wa Kigali urajwe ishinga no guteza imbere siporo, kandi ko uzakomeza gushyigikira amakipe 

Umujyi wa Kigali waganiriye n'itangazamakuru ku ngingo zitandukanye zirimo imitangire ya serivisi, Ubukungu, Imiturire n’ibindi

Iki gitaramo kizaba ku munsi w'umuganura, ku wa 4 Kanama 2023 muri Kigali Conference and Exhibition Village ahazwi nka Camp Kigali.

Iri torero rivuga ko muri rusange iki gitaramo kigamije 'gukumbuza abakunzi b'amateka y’igihugu cyacu, abakunzi b’injyana gakondo n’umuco nyarwanda ndetse n’abakunzi b’itorero Inganzo ngari muri rusanze ko bazataramana bigatinda.'

Igitaramo cyo muri uyu mwaka bazatarama bitsa cyane ku mukino-shusho bise: Ruganzu II Ndori 'Abundura u Rwanda”

Ruganzu II Ndori yabaye umwami w’u Rwanda kuva mu mwaka wa 1510 kugeza mu mwaka wa 1543:

Yabaye umwami w’intwari kuko ni we mwami wabunduye u Rwanda nyuma y’imyaka 11 yamaze abundiye i Karagwe, u Rwanda, abanyarwanda n’umuco wabo byarazimangatanijwe.  

Amaze kwima ingoma, yaguye inkiko z’u Rwanda agarura kandi indangagaciro, azahura umuco, imihango n’imigenzo nyarwanda harimo n’umunsi w’Umuganura aho abanyarwanda bose bishimiraga umusaruro w’ibyo bejeje.

Kubundura ubusanzwe ni igikorwa cyo kongera kubeshaho, gusana cyangwa kugarura ubuzima n’igihe habaye amajye, intambara cyangwa guhunga kw’abenegihugu, bityo inzira yo kugarura ubuzima no kongera kubaka igihugu ni byo Ruganzu II Ndoli yakoreye u Rwanda mu gihe cye.

Inganzo Ngaari bavuga ko uyu mukino bateguye bawitezeho gukundisha benshi amateka y’u Rwanda ndetse 'n’umuco wacu wuje indangagaciro zitandukanye kuva mu gihe cy’abami kugeza uyu munsi.'

Ni umukino uzarata kandi ugakeza ubutwari bw’abana b’u Rwanda batazuyaje kubohora igihugu ubutegetsi bubi ndetse no guhagarika Jenoside yakorewe Abatutsi mu 1994.

Iki gitaramo kizaba ku munsi w’Umuganura, umwe mu minsi mikuru u Rwanda rwizihiza aho abanyarwanda bishimiraga umwero w’ibihingwa bitandukanye, bagasangira mu rwego rw’ubumwe n’ubusabane kandi bagahiga kongera umusaruro.

Muri uyu mukino bazaba bishimira ibyiza igihugu cyigezeho nyuma y’amahano yagwiriye u Rwanda ubu rukaba rukataje mu iterambere, imibereho myiza, ubumwe n’ubwiyunge ndetse n’imiyoborere myiza.

Inganzo Ngari ni rimwe mu matorero gakondo akomeye mu gihugu cy’u Rwanda, rikaba ryaratangiye ubuhanzi ku muco mu mwaka wa 2006.  

Rigizwe n’abanyamuryango barenga 100 bari mu ngeri zitandukanye abahungu n’abakobwa. Ni itorero ryagiye rimurika kandi rigaragaza ubwiza bw’umuco w'u Rwanda mu mbyino n’indirimbo haba mu Rwanda ndetse no mu mahanga.

Ryitabiriye amaserukiramuco mpuzamahanga atandukanye nka: African Dance 2019 brooklyn academy of music muri Leta Zunze Ubumwe za Amerika, Spain XIII Festival Mundial de Dances Folkroriques ryo mu 2009;

Africa Day ryo muri Turukiya, Singapore 50 Chingy parade, Treasure of Rwanda Afro Fest 2015 ryabereye mu Mujyi wa Mosco, GCWALA Ngamatsiko muri Afurika y'Epfo, n'andi.

Inganzo Ngari zaserutse kandi zifashishwa mu nama mpuzamahanga n’ibindi bikorwa bigari byagiye bibera mu Rwanda nka Fespad ya 2010, Hobe Rwanda ya 2014, EAC Miltary Games ya 2016, Inama ya CHOGM, imikino yahuje Polisi z'Ibihugu 'EAPCCO' n'ibindi.

Inganzo Ngari zateguye kandi ibitaramo binini mu bihe bitandukanye byitabiriwe ku rwego ruri hejuru ndetse binezeza abatagira ingano nka: Inganzo Ngari Twaje cyabaye mu 2009; Umuco (akagozi ka bugingo kabuza u Rwanda gucika) cyo mu 2010;

Bwiza bwa Mashira cyo mu 2011; Inzira ya bene u Rwanda 2013; Ruganzu I Bwimba cyo mu 2015 cyabereye muri Serena Hotel; Urwamazimpaka cyo muri 2018 cyabereye muri Camp Kigali, n’ibindi.

Inganzo Ngari batangaje igitaramo 'Ruganzu II Ndoli 'Abundura u Rwanda' bazakora ku wa 4 Kanama 2023 

Inganzo Ngari ni rimwe mu matorero gakondo akomeye mu gihugu cy’u Rwanda 

Mu bihe bitandukanye, Inganzo Ngari bateguye ibitaramo binini byitabiriwe ku rwego ruri hejuru 

Umuyobozi w'Itorero Inganzo Ngari, Nahimana Serge avuga ko bateguye iki gitaramo mu rwego rwo gukundisha benshi amateka y'u Rwanda

Bamwe mu Abaterambabazi bagize Itorero Inganzo Ngari

Nyampinga w’u Rwanda 20216, Mutesi Jolly yahishuye ko mu mpera z’umwaka ushize yari atekewe umutwe na sosiyete yamubwiye kujya muri Afurika y’Epfo kuyobora ikiganiro kuri Netflix.

Miss Mutesi Jolly umwe mu bavuga rikijyana mu Rwanda, mu Kuboza 2022 yakiriye ubutumire buvuye muri kompanyi yitwa 'ARUM HOLDINGS’ abwirwa ko yatoranyijwe kuba umwe mu bashobora kuvamo abazajya bayobora ikiganiro cya 'Hot Property Check’ kizajya kinyura kuri Netflix.

Mu butumwa Jolly yasangije abamukurikira, yavuze ko yababajije impamvu ari we batoranyije bamubwira ko bashakaga umuntu wo muri Afurika y’Iburasirazuba w’umuhanga ufite igihagararo kandi shobora guhuza n’Abanyamerika 2 Klylie Jenner na Drake bari bagiye gukorana ndetse ko ku bushakashatsi bakoze basanze ari we ukwiye ayo mahirwe.

Yavuze ko yahise yumva yishimye kuko yumvaga agiye kujya ku rubuga azereka Isi yose ubushobozi bwe cyane ko yari guhabwa amasezerano y’imyaka 3 ishobora kongerwa ahembwa hagati ya miliyoni eshatu n’enye z’amadorali ku mwanya.

Ati 'nk’umushabitsi, byari binshishikaje. Intekerezo zanjye zarambwiye ngo ubonye urubuga runini rwo kwiragaragarizaho unagaragaze ubushobozi bwawe. Mumenye ko nagombaga guhembwa hagati ya miliyoni 3 na miliyoni 4 z’amadorali ku mwaka ku masezerano y’imyaka 3 ishobora kongerwa. Nk’umushabitsi wizerera muri Bibiliya Ntagatifu, natangiye gusubiramo amagambo yo muri Matayo 7:7 (Musabe muzahabwa, mushakashake muzaronka mukomange muzakingurirwa).'

'Kuri njiye Imana yari yamaze kubimpa. Nabwiwe ko tuzakoresha urubuga rwa Netflix mu kumenyekanisha u Rwanda binyuze muri Visit Rwanda rimwe na rimwe ibiganiro byacu tukabikorera mu Rwanda mu mahoteli ahenze.'

Nk’umuntu utewe ishema no kuba umunyarwanda, Jolly avuga ko nubwo yabonaga ari ukuri ibyiyumviro bye byamubwiye kubisesengura neza yitonze, yasabye iyi kompanyi ibiyaranga biyivugaho neza ndetse n’ubutumire bwemewe (official invitation) ndetse na hoteli agomba kujyamo.

Jolly yahise abijyana mu buyobozi kugisha inama no kuba bamufasha kumenya ukuri kwa byo niba byaba byizewe nyuma agirwa inama yo kutajyayo kuko ibyagaragaye kuri ba nyirayo bidasobanutse.

Ati 'nagiriwe inama yo kutagenda kubera ko ibyabonetse byose kuri kompanyi na ba nyirayo byari ubutubuzi.'

Mu cyumweru gishize mu itangazamakuru yasomye abanyabyaha bashakishwa cyane muri Afurika y’Epfo asanga ni abantu bavuganaga.

Ati 'mu cyumweru gishize nasomye ku banyabyaha bashakishwa cyane muri Afurika y’Epfo nsanga ni baba bantu navuganaga nabo.'

Miss Mutesi Jolly akaba yasabye abantu cyane cyane abakiri bato by’umwihariko ibyamamare kugira amakenga ku muntu amuhaye amahirwe yo kuba yamukiza vuba kuko akenshi nta mpuhwe aba amufitiye, bamenye ko ibishashagirana byose atari zahabu.

Thread1/7 : To the few that know me very well know that i am an introvert but very big at networking bcz i believe that your network is your networth. So last year, I received an invitation to go to S.A as a possible candidate to host a Netflix show alongside Kylie J & Drake 😂 pic.twitter.com/V2YbciictU

— Jolly Mutesi. #TeamPK (@JollyMutesi) April 17, 2023