Author: webrwanda

Ni ibikorwa biri kugirwamo uruhare n'Itsinda ry'Abahanga mu buhinzi n'Imitegurire y'Ibiribwa n'Ibinyobwa bari guhugurwa n'Umuryango African Food Fellowship.

Uyu muryango uhuriza hamwe bamwe mu bafite aho bahuriye n'uruhererekane nyongeragaciro ku biribwa, ukabaha amahugurwa y'amezi icumi hagamijwe kubongerera ubumenyi no kubahuza n'abo bakora bimwe mu guhangana n'ikibazo cy'ibura ry'ibiribwa.

Hashize iminsi ku masoko atandukanye ibiribwa bimwe ibiciro byabyo bimanuwe na Minisiteri y'Ubucuruzi n'Inganda, Minicom, uretse ibi hari n'aho usanga abahinzi barahinze ibintu runaka bakabura isoko kuburyo usanga bitana ba mwana n'abakabibaranguriye.

Ku wa Gatanu, abari guhugurwa na African Food Fellowship basuye umuryango ufasha abahinzi wa One Acre Found-Tubura, Ishami rya Kayonza ngo barebere hamwe uko ufasha abahinzi ibihumbi 750 hirya no hino mu gihugu, ubaha amahugurwa, ibikoresho by'ubuhinzi ndetse ukanabashakira amasoko.

Nyuma yo gusobanukirwa ibyo bakora biyemeje gushyira hamwe bakegera umuturage hagamijwe kumuzamurira ubumenyi ku buhinzi akora no kumufasha kongera umusaruro kugira ngo abashe guhaza isoko ry'ibiribwa.

Senge Moussa ukora muri One Acre Found Tubura yavuze ko muri African Food Fellowship amaze kuhakura ubumenyi ku buryo ngo kuri ubu yagize ubumenyi mu kubungabunga ubutaka no guhangana n'ikibazo cy'ubutaka busharira ari nabyo agiye gufasha abaturage.

Ati 'Nk'ubu ubutaka bwo mu Rwanda burenga 55% burasharira aho bituma tuteza neza, usanga aho wari nko kweza toni eshanu z'ibigori hari abezaho toni ebyiri kubera ubwo busharire. Rero muri iri huriro batwigishije uko duhuza n'abandi bafatanyabikorwa mu gushaka ibisubizo twese tugashyira hamwe ku buryo nidukomeza gushyira hamwe bizafasha mu gukemura cya kibazo cy'ubusharire.'

Senge yavuze ko abahinzi bo mu Rwanda cyane cyane abafite ubutaka busharira bamwitegaho kubashyira ubumenyi bwabafasha kumenya icyatumye ubwo butaka bwabo busharira n'uko babirwanya bakoresheje ishwagara, kurwanya isuri, gutera ibiti bivangwa n'imyaka n'ibindi byinshi agenda akura kuri bagenzi be bagiye bahura n'icyo kibazo mbere n'uko bakirwanyije.

Benimana Uwera Gilberte ukora mu Kigo Mpuzamahanga gikora Ubushakashatsi kuri Politiki y'ibiribwa ( IFPRI) we yiyemeje kujya akora ubushakashatsi akabumenyesha abaturage bo hasi ndetse akanabafasha gushaka ibisubizo.

Ati 'Mbere nakoraga ubushakashatsi bikarangira ibivuyemo mbihaye abayobozi ariko ubu namenye uko nasubira kuri wa muturage nkamufasha cyangwa nkifashisha ba bantu nzi bafite imishinga igera ku baturage neza, nkabereka ibyavuyemo ku buryo haboneka ibisubizo byateza imbere umwuga w'ubuhinzi n'umuturage akabyungukiramo.'

Mizero Jean Felix ukora muri NAK Rwanda itunganya umusaruro w'ubuhinzi n'ubworozi, ikanagira uruganda ruto rutunganya ibinyampeke muri Nyamagabe, yavuze ko nyuma yo guhura na bagenzi be bakamwereka uburyo bita ku bahinzi bakorana ngo byatumye na bo bahindura umuvuno batangira kubafasha mu kumenya uko basarura neza ndetse bakanabitaho.

Ati 'Mu gihe cyashize uruganda rwacu wasangaga dukora duharanira inyungu tutitaye ku bahinzi. Ubu rero icyo maze kunguka ni uko wa musaruro tubona uva muri ba bahinzi bato, ubu rero amasomo nabonye hano yatumye dutangiza uburyo bwo kwita kuri ba bahinzi baduha umusaruro kugira ngo bahinge bafite isoko ku buryo ahinga cyane kugira ngo arihaze. Ubu umuhinzi abikora nk'umwuga.'

Umuyobozi wa African Food Fellowship Rwanda, Ishimwe Anysie, yavuze ko kuri ubu bamaze guhugura abakora mu buhinzi 55 kugira ngo barusheho kugira ubumenyi mu kongerera agaciro ibyo bakora mu buhinzi no kubahuza n'abandi bantu kugira ngo bashakire hamwe uko bakemura ibibazo by'ibiribwa.

Yavuze ko bifuza ko mu minsi iri imbere u Rwanda rwazagira bamwe mu bakora mu buhinzi bumva neza imbaraga umuhinzi akoresha mu guhinga na bo bakamuha agaciro, bakanamufasha kuzamura umusaruro we ku buryo ngo abantu barushaho guhinga kinyamwuga.

Abahinzi bagiye kujya bahabwa amahugurwa ku buryo bahingira isoko

Bari kurebera hamwe uko bafasha abahinzi

Senge Moussa yavuze ko ubumenyi yabonye nyuma yo guhura na bagenzi be bugiye kumufasha guhangana n'ikibazo cy'abafite ubutaka busharira

Benimana Giberte yavuze ko ubushakashatsi agiye kujya akora azajya abugeza ku bahinzi

Mizero Jean Felix yavuze ko bagiye gufasha kubona umusaruro mwinshi

Kuri iki Cyumweru saa Cyenda kuri sitade y’akarere ka Rusizi, ikipe ya Espoir yatsinzwe na Rayon Sports. Uyu ni umukino wagiye kuba abakinnyi ba Rayon Sports babizi ko bagomba kubona amanota 3, nyuma y'uko Kiyovu Sport na APR FC bahanganiye igikombe zitakaje ku munsi w'ejo zose zinganya.

Ikipe ya Rayon Sports yatangiye umukino ibona igitego. Ku munota wa 4 gusa Musa Esenu yahaye umupira Tuyisenge Arsene, maze awuzamukana yirukanka ku ruhande rw’ibumoso arekura ishoti riremereye umupira uhita ujya mu nshundura.

Nyuma y'uko Espoir itsinzwe igitego ntabwo yigeze ihungabana cyane yakomeje gukina yihagararaho, ndetse inanyuzamo ikagera imbere y’izamu. Abasore ba Rayon Sports barimo Musa Esenu na Onana nabo bagiye babona uburyo bwinshi imbere y’izamu, ariko ntibabubyaze umusaruro. Igice cya mbere kigiye kurangira Onana yatsinze igitego, ariko umusifuzi asifura ko yarariye.

Igice cya kabiri cyatangiye Rayon Sport ibona penariti, ni ku mupira Felicien yari azamukanye yiruka awushyira kwa Ojera nawe yinjira mu rubuga rw’amahina, maze ba myugariro ba Espoir bamuteraka hasi umusifuzi ahita asifura, Leandre Esombe Willy Onana yahise ayitera neza igitego cya 2 kiba kirabonetse.

Espoir yaje kubona igitego cy’impozamarira ku munota wa 90, gitsinzwe n’umugande Yusufu  Saka. Umukino warangiye Rayon Sports ibonye amanota 3 itsinze ibitego 2-2, ihita ihirika APR FC ifata umwanya wa 2 n’amanota 55, irarushwa na Kiyovu Sport ya mbere amanota 2 gusa.

Gen Nyagah yagejeje ubwegure bwe ku Munyabanga Mukuru wa EAC, Peter Mathuki, kuri uyu 27 Mata.

Uyu muyobozi w'ingabo yeguye mu gihe ubutegetsi bwa RDC bumaze iminsi bushyira mu majwi izi ngabo ko zananiwe kurasa M23, mu gihe zo zivuga ko zahawe amabwiriza yo gufasha ngo uyu mutwe uhagarike imirwano, ubashe gushyikirana na Guverinoma.

Mu gihe ibyo byari bikigeragezwa, M23 igenda iva mu duce yari yarigaruriye, Perezida Felix Tshisekedi aheruka kuvuga ko badashobora kuganira na M23, ndetse ko “niba ari Abanye-Congo nk'uko babivuga”, bagomba gushyira intwaro hasi bakajyanwa mu kigo bateguriwe, bagasubizwa mu buzima busanzwe nta mananiza.

Ni urugendo Tshisekedi yavugaga ko nirurangira, nta mpamvu EACRF yaguma muri RDC. Ku rundi ruhande, M23 yaje kuvuga niba ko nta biganiro, nta byo gushyira intwaro hasi.

Mu ibaruwa y'ubwegure bwe, Gen Nyagah yandikiye Umunyamabanga Mukuru wa EAC ati “nishimiye kukumenyesha ko neguye mu butumwa kubera impungenge zikomeye z'umutekano wanjye ubangamiwe, na gahunda zateguwe zigamije kuburizamo ubushake bwose bwa EACRF.”

Gen Nyagah avuga ko habayeho kuvogera umutekano we, ku buryo aho yari atuye mu ntangiro za Mutarama 2023 hoherejwe abacanshuro bakahashyira ibikoresho byumviriza, bahagurutsa za drones ndetse bakahagenzura ubwabo, ku buryo byatumye ahimuka.

Kuva izi ngabo zagera muri RDC, ibiro by'ubuyobozi bwazo biri mu mujyi wa Goma.

Gen Nyagah yavuze ko bitarangirye aho, kuko hakomeje umugambi wacuzwe neza wo kumuharabika n'ingabo ze, ko badashaka kurwanya M23.

Ibyo ngo bigahuzwa n'uko Guverinoma ya RDC yakomeje gusaba ko ubuyobozi bw'izi ngabo bwajya busimburanwaho buri mezi atatu, ibintu ngo bitateganyijwe mu masezerano ashyiraho uyu mutwe.

Hiyongeraho ko mu minsi ishize hafunzwe konti ya Facebook ya EACRF, ibintu izi ngabo zivuga ko bigamije kuzica intege.

Ku rundi ruhande, Guverinoma ya RDC ngo yananiwe kwishyura ibikorwa birimo ibikenerwa n'Ibiro by'Ubuyobozi bw'ingabo, aho abakozi barara, amashanyarazi n'imishahara y'abakozi b'abasivili, mu gihe biteganywa mu masezerano.

Gen Nyagah ati “Nshingiye kuri ibi no ku rindi sesengura, nasanze umutekano wanjye nk'Umugaba w'Ingabo utizewe muri aka gace. Byongeye, iyi mikorere yatumye ubutumwa bwanjye budashoboka, nkaba ngomba kuva aho bukorerwa.”

Yeguye mu gihe mu cyumweru gishize, Abaminisitiri b'Ingabo ba EAC bagombaga guhurira mu nama i Goma ku wa Gatatu tariki 19 Mata 2023, yagombaga guha umurongo ubu butumwa. Yaje gusubikwa ku munota wa nyuma.

U Rwanda nk'umunyamuryango wa EAC, mu gihe rushinjwa gufasha M23 ariko rukabyamaganira kure, ntirwigeze rutumirwa muri iyo nama yari yatumijwe na Minisitiri mushya w'ingabo za Congo, Jean Pierre Bemba.

Muri iyi minsi, Ingabo za EAC zikomeje kugorwa n'ingabo za Congo (FARDC) zashatse guhangana na M23 zinyuze ku mbibi z'aho ingabo za EAC zigenzura. Ni ibintu na M23 yamaganye, ivuga ko bitandukanye n'inzira z'amahoro za Luanda na Nairobi.

Kugeza ubu, Ingabo za EAC ziri mu Burasirazuba bwa Congo zavuye muri Kenya, u Burundi, Uganda na Sudani y'Epfo.

Ingabo z'u Burundi zoherejwe mu bice bya Sake, Kilorirwe, Kitchanga, iza Kenya zihabwa gukorera muri Kibumba, Rumangabo, Tongo, Bwiza na Kishishe.

Ni mu gihe Ingabo za Sudani y'Epfo zigomba kujya mu duce twa Rumagabo zigakorana n'iza Kenya, Ingabo za Uganda zikajya muri Bunagana, Kiwanja/Rutshuru na Mabenga.

Maj Gen Jeff Nyagah wayoboraga Ingabo z'Umuryango wa Afurika y'Iburasirazuba (EACRF) yeguye

Kenya ni yo iyoboye Ingabo za EAC zoherejwe muri RDC

Gen Nyagah yavuze ko umutekano we utameze neza, kubera igitutu cyo gushinjwa korohera M23

Ingabo za Kenya muri RDC zirimo gukorana n’iza Sudani y’Epfo

Mu butumwa Davido yashyize hanze yagize ati: 'Uyu munsi ndashaka kugira ngo nizihize uku kuboko kwanjye ku iburyo! Umunsi mwiza w'amavuko mukundwa Chioma. Imana iguhe umugisha. Urukundo rwawe ruzira umupaka. Ndabikwizeza uru rukundo ni urw'iteka ryose.'

Aba bombi, nyuma gato y'uko umwana wabo yitabye Imana, bahise basezerana kubana, ibintu byagombaga kubaho kugira ngo umwana wabo ashyingurwe mu cyubahiro cy'umuryango wo kwa se, ibintu by'ingenzi mu muco wa Nigeria.

Uretse kandi kuba byarakozwe mu buryo bwihuse, aba bombi barakundana bikomeye yaba mbere y'ibyago byo gupfusha, na nyuma yabyo. Mu busanzwe Davido yabyaye abana batatu, barimo na David Ifeanyi Adeleke Jr witabye Imana mu Ukwakira 2022.

Chioma yujuje imyaka 28, yavukiye mu Burasirazuba bwa Nigeria ari naho yakuriye yigira n'amashuri ye abanza n'ayisumbuye, aza gusoreza muri Kaminuza ya Babcock mu ishami ry'Ubukungu.

Iyi Kaminuza ni nayo yahuje Davido na Chioma mu mwaka wa 2013, Davido kandi yaje kumukorera indirimbo kuwa 30 Mata 2018 ari nayo yabaye imbarutso yo kwemera ko bari mu rukundo.

Uyu mugore kandi ari mu bakurikirwa ku mbuga nkoranyambaga nk'umunyamideli, kandi ufite n'ibiganiro bikundwa na benshi byo guteka akora.

Chioma yujuje imyaka 28 ahundagazwaho imitoma n’umugabo weUmuhungu wabo Adeleke Jr witabye Imana aguye muri pisine bigashengura benshiDavido yashimangiriye Chioma ko urukundo rwabo ari urw’iteka ryoseIkinyacumi kirashize batangiye ubucuti bwabo butatinze kuvamo urukundo rugarukwaho na benshi

 

Kimwe mu bigenderwaho hakaba harimo amajwi y'abakunzi be buri muntu aba yagiye agira mu cyiciro ahatanyemo, ibintu bikorwa hifashishijwe ikoranabuhanga.

Ibyiciro bitandukanye bikaba byari bigiye bihatanyemo abantu bagera kuri batanu bose bagiye batorwa, ariko hari abatowe kurusha abandi kuva amatora yatangira binyuze kuri events.noneho.com.

InyaRwanda tukaba twifuje kubereka, mu gihe habura gato hakamenyekana abegukanye ibihembo, abari bagiye batorwa cyane, aho mu byiciro byose uwatowe n'amajwi menshi ari DJ Briane wagize 3547.

Umuhanzi mwiza w'umwaka [Male Artist of the Year]

Bruce Melodie ni we watowe cyane n'amajwi 435 muri iki cyiciro ahatanyemo n'abarimo Chris Eazy, Juno Kizigenza, Christophe na Kenny Sol.

Umukinnyi wa filimi mwiza w'umwaka [Actor of the Year]

Papa Sava ni we watowe cyane n'amajwi 2,205 muri iki cyiciro ahatanye n'abarimo Nyaxo, Clapton Kibonge, Bamenya na Rusine Patrick.

Amashusho y'indirimbo meza y'umwaka [Video of the Year]

'Funga Macho' ya Bruce Melodie ni yo yatowe cyane n'amajwi 221, ihatanye muri iki cyiciro na 'Why' ya The Ben yakoranye na Diamond Platnumz, 'Joli' ya Kenny Sol, 'Jaja' ya Juno Kizigenza na Kivumbi King n'Izina ya Bruce Melodie.

Umuhanzi mushya mwiza w'umwaka [New Artist of the Year]

Rumaga ni we watowe cyane n'amajwi 592, iki cyiciro ahatanye n'abarimo Afrique, Bwiza, Mistaek na Yampano.

Umukinnyi mwiza w'Umwaka [Most Valuable Player of the Year]

Bigirimana Abed ni we watowe cyane n'amajwi 63 iki cyiciro ahatanye n'abarimo Shaban Hussein Tchabalala, Axel Mpoyo, Mugisha Moise na Maringa Kathbart.

Umuntu wabaye icyitegererezo w'umwaka [Influencer of the Year]

Alliah Cool ni we watowe cyane n'amajwi 1479, ahatanye muri iki cyiciro n'abarimo Scovia Mama Rwagasabo, Mukansanga Salima na Mutesi Jolly.

Umuhangamideli w'umwaka [Fashion Designer of the Year]

Joyce ni we watowe cyane n'amajwi ahantanye muri iki cyiciro n'abarimo Chris Designer, Urutozi Gakondo, Moshions na Kezem Rwanda.

Umuhanzi mwiza w'indirimbo zo kuramya no guhimbaza Imana [Gospel Artist of the Year]

Chryso Ndasingwa ni we watowe cyane n'amajwi 2659 ahatanye muri iki cyiciro n'abarimo Israel Mbonyi, James&Daniella, Bosco Nshuti na Vestine&Dorcas.

Umuhanzikazi mwiza w'umwaka [Female Artist of the Year]

Marina ni we watowe cyane n'amajwi 426 ahatanye muri iki cyiciro n'abarimo Bwiza, Alyn Sano, Butera Knowless na Ariel Wayz

Umuvanzi mwiza w'umuziki w'umwaka [DJ of the Year]

DJ Briane ni we watowe cyane n'amajwi 3547 ahatanye muri iki cyiciro na Nep DJs, DJ Pyfo, DJ Toxic na DJ Marnaud.

Umuyobozi mwiza w'amashusho w'umwaka [Video Director of the Year]

Gad ni we watowe cyane n'amajwi 807 ahatanye muri iki cyiciro n'abarimo Fayzo, Eazy Cut, Isimbi Nailla na Meddy Saleh.

Umubyinnyi mwiza w'umwaka [Dancer of the Year]

Jojo Breezy ni we watowe cyane n'amajwi 503, ahatanye muri iki cyiciro n'abarimo Rashid, Jordan Kallas, Uwase Bianca na Saddie.

Umukinnyikazi wa filimi mwiza w'umwaka [Actress of the Year]

Nyambo ni we watowe cyane n'amajwi 1059 ahatanye n'abarimo Aisha Inkindi, Bahavu Usanase Jannet, Rufonsina na Nadia.

Ku mugoroba w'uyu wa 30 Mata 2023 kuri Hoteli ikomeje kuba igicumbi cy'ibirori n'imyidagaduro kandi iri no muziza imbere mu gutanga serivisi nziza mu birebana n'amahoteli, Park Inn, iherereye mu Kiyovu rwagati mu mujyi wa Kigali haraza kumenyekana abegukanye ibihembo bya The Choice 2022.

Src:www.events.noneho.com