Umuhanzikazi Bwiza Emerance ukomeje kwigarurira imitima y'abakunda umuziki nyarwanda, yabangamiwe n'ikanzu yari yambaye kubera ubunini bwayo.
Byabaye ngombwa ko haza umuntu uyumutwaza kubera ko iyi kanzu yageraga hasi kuri sima yari yamubangamiye cyane.
Reba videwo aho hasi:
'Imana imwakire mu bayo' Rusizi hatoraguwe umurambo w'umupolisi ku muhanda
Kuri uyu wa Gatanu tariki ya 12 Gicurasi, 2023 mu kagari ka Karenge mu murenge wa Rwimbogo mu Karere ka Rusizi mu muhanda hatoraguwe umurambo w'Umupolisi.
Ni ku muhanda uva mu mujyi wa Rusizi ujya mu murenge wa Bugarama, niho hatoraguwe umurambo w'umupolisi.
Nyakwigendera ni PC Sibomana Simeon birakekwako yishwe n'abantu bataramenyekana.
Umuvugizi wa Polisi mu Ntara y'Iburengerazuba, CIP Mucyo Rukundo yemereye UMUSEKE dukesha aya makuru, avuga ko nyakwigendera atari mu kazi, ngo yari muri gahunda ze, iperereza ku cyamwishe rirakomeje.
Yagize ati 'Niyo, yitwa PC Sibomana Simeon umurambo we wabonetse mu gitondo kare mu murenge wa Rwimbogo. Ntabwo yari ari mu kazi iperereza ryatangiye ku cyaba cyateye urupfu rwe'.
Source : https://yegob.rw/imana-imwakire-mu-bayo-rusizi-hatoraguwe-umurambo-wumupolisi-ku-muhanda/
Bagiye kubakora ku nda! Abajura bihimbiye umwuga wo kwiba buri kantu kose gatamba, bagiye gukurwa ku mugati.
Ubuyobozi bw'Akarere ka Nyagatare buravuga ko bwafatiye ingamba abajura bajujubya abaturage babiba ibyabo.
Izo ngamba harimo gushakisha abo bajura mu dusantere twose bakunze kugaragaramo no kubaha ibihano bikakaye.
Umuyobozi w'Akarere ka Nyagatare Gasana Stephen yabwiye ikinyamakuru, MUHAZIYACU ko abajura bahari muri aka Karere nk'ahandi hose mu gihugu ariko ko hari ingamba zo kubahashya bashyizeho ku buryo ngo yakwizeza baturage kugira umutekano.
Yagize ati: 'Twabafatiye ingamba zo kubahiga dufatanyije n'inzego z'umutekano n'ubuyobozi bwo hasi mu mudugudu, ku buryo bagomba kubarurwa kugira ngo bamenyekane, hakurikireho igikorwa cyo kubahiga bafatwe bajyanwe ahantu batazongera kubangamira umutekano w'abaturage'.
Mu Karere ka Nyarugenge, ahazwi nka Nyabugogo habaye impanuka ubwo inzu ya Etaje abantu bari buriye bareba uko Perezida Kagame atambuka, icyuma cyacitse 'bamwe barahubuka'.
Ntabwo haramebyekana umubare w'aba bakomeretse cyangwa bagize ikindi ibazo muri iyi mpanuka.
Abakorera muri Gare ya Nyabugogo babwiye UMUSEKE dukesha iyi nkuru ko abantu bari buriye hejuru ku nzu icyuma cyacitse baragwa.
Ati 'Ubu tuvugana ambulance zirimo gutwara abantu kwa muganga.'
Ni gahunda iri gukorwa nyuma yuko muri Werurwe 2023, Minisiteri y'Ubuzima isabye ishuri ry'ubuvuzi bw'amaso rya Rwanda International Institute of Ophthalmology (RIIO) n'umuryango Direct Aid, gushyira mu bikorwa umushinga wo gusuzuma amaso abanyeshuri mu mashuri 15 yo mu karere ka Gasabo.
Bizatuma abanyeshuri bamenya uko bahagaze, abarwaye bahabwe ubuvuzi bwose bakeneye burimo imiti, amadarubindi ndetse n'abakeneye kubagwa babikorerwe kugira ngo ikibazo cy'amaso kitazagira ingaruka ku myigire yabo.
Kuri uyu wa Gatanu tariki 12 Gicurasi 2023, ni umunsi wa karindwi w'iki gikorwa, aho cyakomereje mu ishuri Mother Mary International School Complex.
Col. Prof. John Nkurikiye uri mu batangije ishuri ryigisha ubuvuzi bw'amaso mu Rwanda (RIIO), yasobanuye ko no mu 2019 bakoze igikorwa nk'iki kandi ibyo babona mu bana basuzuma byerekana ko abafite indwara n'ibibazo by'amaso atari benshi.
Ati 'Icya mbere ni uko abana benshi ari bazima nta kibazo cy'amaso bafite n'abagifite ntabwo ari benshi kandi icyo twabonye ni uko ibibazo byose bafite dushobora kubibonera igisubizo'.
Muri ibyo bisubizo harimo ko abakeneye imiti bayihabwa, abakeneye amadarubindi bayashyirwa ku ishuri, abakeneye ibirenzeho nko kubagwa bizakorerwa ku ivuriro rya RIIO riri Kibagabaga.
Col. Prof. John Nkurikiye yahishuye ko hari gahunda ya Minisiteri y'Ubuzima izatangira vuba yuko buri mwaka hasuzumwa umwana wese wo mu gihugu utangiye umwaka wa mbere w'amashuri abanza n'utangiye uwa mbere w'amashuri yisumbuye.
Ati 'Bizatuma tudafata umwanya munini mu kubikora ariko umwana wese akazabona amahirwe yo gusuzumwa nibura kabiri mbere yuko arangiza amashuri yisumbuye'.
Umuryango Direct Aid wateye inkunga iki gikorwa ingana na miliyoni 50Frw. Umuyobozi w'uyu muryango mu Rwanda, Magdi Khattab, yavuze ko bari kubona umusaruro mwiza muri iki gikrowa.
Ati 'Twemera ko uburezi n'ubuzima bigendana, dufite abanyeshuri batabasha gukurikira ibyo mwarimu ababwira kuko bafite ibibazo runaka, bityo bikagira ingaruka ku burezi bwabo bwose'.
Kumenya hakiri kare ko umwana afite indwara z'amaso, bituma bakurikiranwa bakavurwa vuba. Minisiteri y'Ubuzima ivuga ko hazigwa uko iyi gahunda yagera hose mu gihugu ku buryo umwana ushobora kuba afite ikibazo cy'indwara y'amaso, atabona cyangwa atanabizi ko arwaye abonwa kare agakurikiranwa akavurwa.
Ndayambaje Jean Bosco ukora mu ishami ry'igenamigambi muri Minisante ukurikiranira hafi ibikorwa by'ubuvuzi bw'amaso, yavuze ko iki gikorwa ari ingenzi kubera ko abana bashobora kurwara indwara z'amaso ariko iyo bitamenyekanye hakiri kare bishobora kubangamira imyigire yabo akenshi ugasanga umwana ntagize umusaruro mu ishuri.
Abanyeshuri biga muri Mother Mary International School Complex basuzumwe indwara z'amaso, bahamya ko iyi gahunda izatuma abarwaye bavurwa ntibagire ikirogoya amasomo yabo.
Gwiza Taisha yagize ati 'Basanze ntarwaye. Ndumva ari byiza kuko hari abanyeshuri usanga barwaye badashoboye kujya kwa muganga kwivuza. Ndashimira abazanye iyi gahunda yo kureba abanyeshuri barwaye. Abantu bazabasha kumenya ko barwaye bakabona uburyo bwo gukira'
Mugenzi we Ganza Rugaba yagize ati 'Biradufasha kureba neza â¦Tuba tubikeneye kugira ngo twige neza binadufashe gukurikirana amasomo neza'.
Meya w'Umujyi wa Kigali Pudence Rubingisa, yashimiye abazanye iyi gahunda kuko ababyeyi babyungukiramo aho bohereza abana ku ishuri bakanasuzumwa indwara.
Yakomeje avuga ko bateganya no gukorana n'izindi nzego z'ubuvuzi kugira ngo abana basuzumwe izindi ndwara nk'izo mu matwi, mu mihogo, amenyo ibibonetse bivurwe hakiri kare.
Kugeza ubu abana 5.289 bamaze gusuzumwa muri iyi gahunda, intego akaba ari uko abana 10.000 bazasuzumwa muri uku kwezi kwa Gicurasi 2023.
Ni ibyatangajwe n'ubuyobozi bw'iyi minisiteri kuri uyu wa Gatanu, tariki 12 Gicurasi 2023, ubwo bari mu biganiro n'Abadepite bagize Komisiyo y'Ingengo y'Imari n'Umutungo by'Igihugu, ku mikoreshereze y'ingengo y'imari.
Minisitiri w'Uburezi, Dr Uwamariya Valentine, yagaragaje ko mu mwaka w'ingengo y'imari wa 2023/24 harimo icyuho cy'amafaranga ashingiye ku mishahara y'abarimu.
Ku rundi ruhande ariko, abadepite bagaragaje ko hakwiriye kubaho kwita ku mibereho n'imishahara y'abarimu cyane ko mwarimu atajya kwigisha kandi atahembwe cyangwa ngo ahemberwe ku gihe.
Umunyamabanga Uhoraho muri Mineduc, Karakye Charles, yasobanuye ko icyuho bafite atari icy'abarimu basanzwe bari mu myanya ahubwo ari icy'abashya bateganya gushyira mu myanya.
Yavuze ko mu mwaka utaha bateganya gushaka abarimu bashya bagera ku bihumbi umunani, bazashyirwa mu mashuri abanza, ayisumbuye ndetse n'ay'imyuga n'ubumenyingiro.
Ati 'Icyuho kigaragara ku byo twavuze by'imishahara y'abarimu ntabwo ari abahembwa uyu munsi tugaragara ko itazaboneka ahubwo ni imishahara ishobora kutazaboneka kuko dushobora kongeramo abarimu bashya mu mwaka w'amashuri utaha.'
Mineduc igaragaza ko muri uyu mwaka w'ingengo y'imari wa 2023/24 amafaranga azoherezwa mu turere n'Umujyi wa Kigali kugira ngo afashe mu mishahara y'abarimu n'ibindi ari miliyari 484,5 Frw.
Ku bijyanye n'imishahara y'abarimu hari hakenewe miliyari 390,7 Frw ariko ayo iyi minisiteri yabashije guhabwa ni miliyari 364 Frw. Ni ukuvuga ko hari icyuho cya miliyari 26 Frw.
Source : http://igihe.com/amakuru/u-rwanda/article/u-rwanda-rukeneye-abarimu-bashya-8000
Abaturage benshi bari bahagaze mu igorofa ya kabiri aho bari bitegeye umuhanda bategereje ko Perezida Kagame wari uvuye mu ruzinduko yagiriye mu Karere ka Rubavu ahanyura. Mu gihe yari amaze kuhanyura abaturage bose bashakaga kumureba, babyiganye begamira ibyuma bibuza abantu guhanuka ku igorofa [garde-fou] bicika, bitura hasi.
Kugeza ubu ntiharamenyekana umubare w'abakomerekeye muri iyi mpanuka yabaye ahagana saa Kumi n'Ebyiri n'iminota 15.
Bamwe mu baguye hasi bahise bajyanwa kwa muganga kugira ngo bitabweho mu gihe abandi bagiye gushaka imiti muri farumasi nyuma yo kumva batababaye cyane
Uwase Pacifique uri mu bahanutse mu igorofa yabwiye IGIHE ko yari agiye mu kazi yakumva ko Perezida agiye kunyura Nyabugogo agahita ajya kumureba.
Yagize ati 'Nari nje mu kazi ngeze hano numva ngo Perezida agiye kuhanyura, ni bwo nazengurutse ndazamuka njya mu igorofa rya mbere, imodoka zimaze kuza natunguwe no kwisanga hasi. Urebye nta kibazo nagize cyane kuko bagiye kuntwara kwa muganga ariko kuko nta mituweli nari mfite umuntu yanjyanye ajya kungurira imiti.'
'Twari benshi twese twisanze hasi. Nagiye kubona mbona bari gushyira abantu ku ruhande, njyewe umuntu ntazi ni we waje kumbaza aho numva mbabara, nababaraga mu mbavu. Sinageze hasi neza ahubwo naguye hejuru y'abandi bantu.'
Gakuru Théogène na we watunguwe no kuba abantu bamugwiriye yasobanuye uko byagenze nubwo atigeze abona Perezida kuko yabyumvanye abandi.
Yagize ati 'Navuye mu isoko nanjye nza hano, nkihagera numvise abantu barangwiriye, mpindukiye numva ikindi kinkubise mu musaya. Nahagurutse njya kwicara ku ruhande ariko uko iminota yagiye yicuma, natangiye kubabara umutwe.'
'Nasubiye inyuma nsanga ni kuriya byagenze ariko ngeze mu rugo natangiye gukomererwa mpitamo kugaruka ngo njye kwa muganga. Hano nta bavandimwe mpafite, bose baba i Bugande. Nagiye kumva numva abantu baravuze bati 'Dore Perezida'. Njyewe nta bwo namubonye. inamenye ibyo ari byo.'
Kuva icyo gihe ahabereye impanuka hazengurukijwe inzitiro zibuza abaturage kuhagera mu gihe hagikusanywa ibimenyetso by'icyateye impanuka no kubanza kuhasana.
Kuri uyu munsi ni bwo Perezida Kagame yasuye Akarere ka Rubavu by'umwihariko uduce twibasiwe n'ibiza turimo Mahoko, Pfunda na Nyundo, aganira n'abaturage bacumbikiwe kuri site ya Nyemeramihigo, arabahumuriza, abizeza ko Leta izakomeza kubaba hafi.
Umukuru w'Igihugu yarebye uburyo Umugezi wa Sebeya wateje ingorane zikomeye kuko wuzuye, amazi agakwira mu bice byo hafi aho, bigatuma inzu za bamwe zirengerwa, bikageza aho bamwe babura ubuzima bwabo.
Perezida Kagame yasuye kandi Ishuri rya Centre Scolaire de Nyundo rikunda kwibasirwa n'ibiza, asuhuza abanyeshuri bari kwiga, ababaza amakuru yabo.
Kuri uyu wa Gatanu tariki 12 Gicurasi 2023 ,Perezida Paul Kagame yasuye Akarere ka Rubavu by'umwihariko uduce twibasiwe n'ibiza turimo Mahoko, Pfunda na Nyundo, aganira n'abaturage bacumbikiwe kuri site ya Nyemeramihigo, arabahumuriza, abizeza ko leta izakomeza kubaba hafi.
Yabigarutseho mu kiganiro yagiranye n'abarenga ibihumbi bibiri batujwe muri site y'Inyemeramihigo, nyuma y'uko yari amaze gusura ibikorwa bitandukanye muri ako karere byangijwe n'ibiza, birimo n'uruganda rw'icyayi rwa Pfunda rwangiritse bikomeye.
Akigera kuri site y'Inyemeramihigo, Umukuru w'Igihugu yakiranywe urugwiro n'abahatujwe, bahise bamugaragariza bimwe mu bibazo bafite birimo umugezi wa Sebeya ubateza umwuzure.
Marie Chantal Nirere wo mu Murenge wa Rugerero ni umwe mu bibasiwe n'ibiza, aho yari yaheze mu mazi akaza gukurwamo n'abasirikari bacunga umutekano wo mu mazi. Avuga ko ibintu bye byose byagiye harimo n'amazu ye abiri yasenyutse.
Yagize ati 'Ndashimira ubuyobozi bwatubaye hafi, baduhaye amacumbi yo kubamo, tubona iby'ibanze, ibiryo birahari, twabonye ibyo kuryamaho, abana bariga nta kibazo dufite mubyeyi mwiza.'
Yakomeje agira ati 'Icyifuzo cya mbere ndagira ngo mudufashe Sebeya ni yo nyirabayazana yo kuba turyamye muri iki kibaya, munatubungabunge mubyeyi mwiza mu mpande zombi, ibiza yateje itazongera kubiteza.”
Mu gusubiza ku kibazo cya Sebeya, Perezida Kagame yavuze ko birimo gukorwa kuko ababishinzwe barimo kubikurikirana, ariko ko n'abaturage bubatse hafi ya Sebeya barimo gushakirwa aho gutuzwa kubera ko bitemewe gutura ahantu hashobora gushyira ubuzima bwabo mu kaga.
Mu ijambo rye kandi, Umukuru w'Igihugu yijeje abagizweho ingaruka n'ibiza aho bishoboka bazasubira mu byabo mu bihe bya vuba.
Yagize ati “Icyanzanye hano kwari kubasura, kandi ngira ngo mbabwire ko tubatekereza, uko muhangayitse natwe biraduhangayikishije kubona uko mumeze, ndetse dushakisha ibishoboka byose kugira ngo dushobore kubafasha muri ibi bihe bitoroshye murimo.”
Yakomeje agira ati “Ndetse wenda mu gihe gito gishoboka abashobora gusubira mu byabo bashobore kuba babisubiramo, ariko ubu cyane cyane turacyahanganye no kugira ngo mushobore kugira ubuzima nibura muri iki gihe mutari mu ngo zanyu, cyangwa se mudashobora kwikorera imirimo musanzwe mukora, mudashobora kwigaburira nk'uko bisanzwe, ibyo ni byo twahagurukiye kugira ngo dushake ibishoboka byose tubafashe.”
Mu Karere ka Rubavu habarirwa abaturage 5055 batujwe muri site enye, bakuwe mu byabo n'ibiza biheruka kwibasira Intara y'Iburengerazuba, Amajyarugu ndetse n'Amajyepfo. Mu gihugu hose habarirwa abarenga ibihumbi icyenda basenyewe n'ibiza biganjemo abo mu turere two mu Ntara y'Iburengerazuba, turimo Rubavu, Rutsiro, Karongi na Ngororero.
Perezida Paul Kagame yaheruka kugirira uruzinduko mu Karere ka Rubavu muri 2019, muri gahunda asanzwe agirira mu turere yo gusura no kuganira n'abaturage.
Umutarage witwa Nshizirungu Aimable utuye mu kagari ka Nyundo, umu murenge wa Nyundo mu karere ka Rubavu, yisabiye umukuru w'igihugu Akazi nyuma yo kumufasha kwiga icyiciro cya gatatu cya kaminuza kizwi nka 'Masters'.
Muri muri Gicurasi 2019 ubwo Perezida Perezida Paul Kagame yari yagiriye uruzinduko muri Rubavu , Nshizirungu yamwibukije ko ubwo yasuraga abanyeshuri bigaga muri kaminuza y'u Rwanda, ishami rya Huye mu 2015, yamusezeranyije ubufasha bwo kwiga 'Masters', gusa ntibyari byagakunze nyuma y'imyaka 3.
Icyo gihe Nshizirungu wize amasomo y'ubukungu yagize ati: 'Mu gihe mwari mwadusuye kuri kaminuza y'u Rwanda, ishami rya Huye ku wa 12/04/2015, nabasabye kumfasha kuzakomeza kwiga amashuri ya Masters, munyemerera ko bizatungana maze kurangiza Bachelor's Degree. None Nyakubahwa Perezida wa Repubulika, ubu maze imyaka 3 ndagije Bachelor's degree, nifuza ko nakomeza kwiga Masters mwanyemereye. Murakoze.'
Perezida Kagame yabwiye Nshizirungu ko atagombaga gutegereza ko bongera guhura, ko ahubwo yari kujya kuri Minisiteri y'Uburezi bakamufasha gukomeza amasomo. Ati: 'Ubu se wategereje kubinyishyuza, Minisiteri ibishinzwe, ubu iyo ntaza hano wari gukomeza ugategereza? Hari ba Minisitiri babishinzwe, iyo aba ari bo waganaga. Uzabikurikirane na Minisiteri.'
Kuri uyu wa 12 Gicurasi 2023, nyuma y'aho Perezida Kagame aganiriye n'abibasiwe n'ibibaza muri Rubavu, Nshizirungu yamenyesheje Umukuru w'Igihugu ko yarangije ya 'Masters', ariko ngo ntabwo arabona uburyo ayibyaza umusaruro mu buryo bw'akazi. Yaboneyeho kumusaba ko yamuha ubutumwa.
Nshizirungu yagize ati: 'Ni njye wa muturage mu gihe wari uheruka ino mu 2019, wari wemereye kwiga amashuri ya Masters. None nyakubahwa, byaje gutungana. Rwose ndagushimira kuko uri Data, uri Data pe! N'ubwo ntabona ka occupation (akazi) ariko nizeye gukorera igihugu cyanjye, kandi ngo 'Uwaguhaye amata, ntiwamwima amatwi'. Niteguye kuguhereza amatwi yanjye, kukumvira, aho uzantuma nanjye nzatumika.'
Perezida Kagame amaze kumva isezerano rya Nshizirungu, yasabye abayobozi bari muri iki kiganiro ko bajya batuma abantu nka we. Ati: 'Ubwo aba mujye mubatuma kandi.'
Intego nyamukuru y'uruzinduko Perezida Kagame yagiriraga muri Rubavu ni gusura abibasiwe n'ibiza. Yabasabye kwihangana, abizeza ko Leta irakomeza ikore ibishoboka mu kubafasha, inakemura ibibazo byateza ibiza.
Nshizirungu mu 2019 ubwo yibutsaga Perezida Kagame ko ataratangira kwiga 'Masters'
Ubwo yari mu kiganiro 'H Steph', Omah Lay wigeze gutaramira i Kigali, yavuze ko yanyuze mu buzima butari bworoshye na gato ku buryo kuba yarabashije kubwigobotora akaba ageze aho uyu munsi amahanga amurangamira, ari ibitangaza Imana yakoze, kuko ariyo ibasha gukiza abashavuye.
Omah agereranya ubuzima yabayeho nk'umuferege. Avuga ati 'Nari nko mu muferege nasaga nk’umuntu wiyishe, ariko ibyo byose byararangiye.'
Uyu munyamuziki atekereza ko Imana yamucishije muri ubwo buzima, kugira ngo igihe kimwe nagira aho agera azibuke abazaba bari muri ubwo buzima yanyuzemo.
Akomeza ati 'Ariko wenda hari ubwo nari ndiyo kugira ngo nanjye nzibuke ubwo buzima nabayemo maze nanjye mfashe abantu baburimo kuri ubu nabo babashe kubuvamo nk'uko nabuvuyemo.'
Omah ugezweho muri iki gihe mu ndirimbo 'Soso', yavuze ko bisaba imbaraga zihambaye, kugira ngo umuntu ‘nkanjye’ wanyuze mu bihe birushya umutima, abashe kuba yaravuyemo umuhanzi w'ikitegererezo.
Yungamo ati 'Ndabivuze byasaba izindi mbaraga kugirango ubone umuntu wabaye mwa buriya buzima nkanjye nonaha abe ari umuhanzi w’icyitegererezo nkange, noneho narangiza abivuge nta nkomyi.'
'Ntabwo nziko wabona umuhanzi wa Afro beat wakora nkabiriya nakoze kuri ubu, buri wese aba ari kwivugirako 'Afro beat' ntabirenze ari ibintu byoroshye, rero niyo mpamvu buri muntu agomba gutangazwa nibyo nkora, n'ubwo usanga bamwe bavuga ko umuziki wabaye akavuyo.'
Uyu muhanzi ashimangira ko nta bwoba afite bwo gukora umuziki ukwiye abafana be, ashingiye ku bihe yanyuzemo n'ibyo amaze kunyuramo mu muziki.
Omah Lay yavukiye ahitwa Port Harcourt. Mu gihe gito amaze mu muziki amaze guhatanira ibihembo bikomeye birimo City People Music Award nk'umuhanzi w'umwaka, MTV Africa Music Awards 2021, The Headies Award abicyesha indirimbo ye 'Bad Influence' n'ibindi.
Uyu musore w'imyaka 25 y'amavuko muri Gicurasi 2020 yasohoye EP yise 'Get Layd' iriho indirimbo ye yise 'You' na 'Bad Influence' zamumenyekanishije.
Tariki 13 Mutarama 2021, yabwiye Ikinyamakuru Teen Vogue ko yagiye gushyira ku isoko iyi EP afite ubwoba bw'uko yashoboraga kutakirwa neza na rubanda.
Avuga ariko ko ari muri studio yumvaga ifite icyanga biri no mu murongo yihaye wo gukora indirimbo zikora ku marangamutima ya benshi. Ati 'Umuziki wanjye n'ibyo nanyuzemo, ni njye, ni ubuzima bwanjye.'Â 
Omah Lay yatangaje ko yagerageje kwiyahura bitewe n'ibihe yanyuzemo 
Omah yavuze ko iyo hataba Imana atari kuva mu buzima buruhije umutima yanyuzemo 
Omah Lay yavuzeko ntabwoba afite bwo gukora umuziki nyawo, agendeye kuburambe amaze kugira m’umuziki. I
KANDA HANO UREBE AMASHUSHO Y'INDIRIMBO 'SOSO' YA OMAH LAY
Umwanditsi: Jean Harerimana-InyaRwanda.com
Source : https://inyarwanda.com/inkuru/129281/omah-lay-yahishuye-ko-yagerageje-kwiyahura-129281.html