Webrwanda Backend

Author: webrwanda

  • Nyagatare: Imboni z'Umupaka zirenga 600 zasabiwe amasezerano y'akazi – #rwanda #RwOT

    Yabigarutseho ku wa Gatanu, tariki ya 12 Gicurasi 2023, ubwo yatangizaga amahugurwa y'iminsi itatu y'Imboni z'Imipaka 611 zo mu mirenge irindwi y'Akarere ka Nyagatare ihana imbibi n'ibihugu bya Tanzania na Uganda.

    Imboni z'imipaka ni abaturage batoranywa mu bandi kugira ngo babe abarinzi b'ibyambu birenga 100 bikoreshwa n'abacuruza ibiyobyabwenge na magendu bashaka kubyinjiza mu Rwanda.

    Abenshi batanga amakuru ku nzego z'umutekano zikaburizamo aba baba bazanye ibiyobyabwenge na magendu aho byanafashije Akarere ka Nyagatare kuza ku isonga.

    Kuri ubu aba baturage batangiye guhabwa amahugurwa y'iminsi itatu n'Ikigo cy'Igihugu cy'Imisoro n'Amahoro, RRA, ku bufatanye n'izindi nzego mu kurushaho kubongerera ubumenyi mu kurwanya abashaka kwinjiza ibiyobyabwenge na magendu mu gihugu.

    Guverineri w'Intara y'Iburasirazuba, Gasana Emmanuel, yashimiye izi mboni ku kazi keza zimaze gukora ko kurwanya kanyanga n'ibindi biyobyabwenge byanyuzwaga mu nzira zitemewe, yakomeje asaba abanyamabanga Nshingwabikorwa b'imirenge guha amasezerano y'akazi izi mboni ngo kuko ziyakwiye.

    Ati 'Ndasaba ba gitifu b'imirenge bari hano babahe amasezerano y'akazi nimuva hano muri aya mahugurwa muzazane amarangamuntu yanyu musinyane na bo uko muzajya mukora akazi.'

    Yakomeje avuga ko guca kanyanga mu Karere ka Nyagatare byagizwemo uruhare n'izi mboni ari na yo mpamvu kesheje imihigo kakaza ku mwanya wa mbere.

    Guverineri Gasana yavuze ko amahugurwa bari guha izi mboni agamije kuzifasha gusuzuma neza uburyo babafasha mu kubongerera ubushobozi kugira ngo bace burundu kanyanga n'ibindi byaha birimo ibiyobyabwenge.

    Ati 'Turagira ngo tubibutse neza inshingano zabo bamenye ibyaha, uburyo bwo gutanga amakuru, gufatanya ndetse bamenye n'ibyo bagomba gukora ntibarenge inshingano zabo cyangwa ngo babiyoberwe. Ubu turabasaba gukomeza intumbero no gukomeza gukora neza kurushaho bagira ikinyabupfura.'

    Bamwe mu mboni z'imipaka bavuga ko bishimira akazi bakora ngo kuko batuma nibura ibiyobyabwenge byinshi bitinjira mu gihugu, abandi bagatuma magendu zidapfa kwinjira.

    Vunabandi Jacques yagize ati 'Iyo dukumiriye magendu ziba zishaka kunyura mu nzira zitemewe, zikanyura mu zemewe barasora igihugu kikubakwa. Ibiyobyabwenge byo tubirwanya twivuye inyuma kuko byangiza urubyiruko, tutabaye maso ngo tubikumire byarworeka.'

    Sebahire Mathias yavuze ko bagiye kongera imbaraga mu guhangana n'ababa bashaka kwinjiza magendu n'ibiyobyabwenge mu gihugu ngo kuko nta cyiza cyabyo uretse kwangiza abakiri bato.

    Mu butumwa yatanze, yijeje abayobozi ko inama babahaye bagiye kuzikoresha mu kwimakaza icyiza barushaho kwirinda ruswa.

    Kuri ubu Akarere ka Nyagatare gafite imirenge irindwi ihana imbibi n'ibihugu bya Uganda na Tanzania. Iyo mirenge ni Rwempasha, Musheri, Rwimiyaga, Karama, Kiyombe, Tabagwe, na Matimba ikora ku mipaka y'ibihugu byombi.

    Guverineri w'Intara y'Iburasirazuba, Gasana Emmanuel, yasabiye amasezerano y'akazi, abaturage bazwi nk'Imboni z'Umupaka bazwiho kurwanya magendu n'ibiyobyabwenge mu Karere ka Nyagatare

    Yagaragaje ko ibi bizabafasha kurushaho gukora akazi kabo neza no gutanga umusanzu wo kwirinda ibyaha bitandukanye birimo ubucuruzi butemewe no gukoresha ibiyobyabwenge

    Source : http://igihe.com/amakuru/u-rwanda/article/nyagatare-imboni-z-umupaka-zirenga-600-zasabiwe-amasezerano-y-akazi

  • Perezida Kagame yeretswe urukundo n'abaturage b'i Musanze n'i Nyabugogo (Amafoto) – #rwanda #RwOT

    Kuri uyu wa 12 Gicurasi 2023 ni bwo Perezida Kagame yasuye abaturage bibasiwe n'ibiza bashyizwe kuri site zirimo iya Nyemeramihigo, Nyamyumba, Kanyefurwe n'iri kuri Vision Jeunesse Nouvelle.

    Umukuru w'Igihugu kandi yanasuye n'uduce ibyo biza byangije mu Karere ka Rubavu, turimo aka Mahoko, Nyundo na Pfunda aho yarebye uburyo byibasiye utwo uduce, bigatwara ubuzima bw'abantu ndetse bikangiza n'ibikorwaremezo.

    Ubwo Perezida Kagame yari ageze i Musanze abaturage bo muri uwo mujyi w'ubukerarugendo bamwakiriye na yombi, aho bose bavugiraga hamwe bati 'Ni wowe ni wowe' na we mu guhuza urugwiro na bo dore ko yari yavuye mu modoka agenda n'amaguru, abapepera aho bari mu bice bitandukanye by'uwo mujyi.

    Umwe mu baturage baganiriye na RBA yavuze ko yishimiye bihambaye kubona Perezida Kagame ava mu modoka akabasuhuz.

    Yagize ati “Ni umusaza mwiza w'icyubahiro, usobanutse, aradupepeye numva ndanezerewe. Nari nzi ko nzapfa ntamubonye ariko nshimiye Imana ko mukubise amaso. Imana irakoze itumye mubona. Mbonye icyo nzabwira abandi.'

    Yakomeje ari 'Nzavuga ko nabonye umusaza wacu waduhaye byinshi, waduhaye umutekano, ntacyo twamushinja.'

    Mugenzi we na we yagize ati 'Njye n'iyo naburara nararira ibyishimo by'uko mbonye Perezida [Kagame]. Nari nyafite [amatsiko] cyane yo kumubona. Ni bwo namubona.'

    Undi muturage wari hafi y'Isoko rya Goico Plaza aho Perezida Kagame yasuhurije abaturage b'i Musanze na we yanyuzwe no kumubona, ashima ukwicisha bugufi kwe, agasuhuza abaturage,

    Yakomeje ati 'Ni bwo namubona. Namwishimiye, Imana yakoze nza mu mujyi. Byadushimishije cyane kuko twabonye atwitayeho.'

    Perezida Paul Kagame yakiranyweho ibyishimo n'abaturage yasanze i Musanze mu Mujyi wa Kigali, aho yageze avuye i Rubavu aho yasuye abagizweho ingaruka n’ibiza biheruka kwibasira Intara zirimo iy’Iburengerazuba

    Nk'uko yabigenje ari i Musanze, Perezida Kagame yageze mu Karere ka Nyarugenge mu Murenge wa Kimisagara ahazwi nka Nyabugogo nabwo ava mu modoka asuhuza abaturage bari bahari.

    Na bo ntibazuyaje, bamwakirije urugwiro aho umugabo, umugore, umusaza, umukecuru, umuto n'umukuru bose wabonaga badashaka ko ahava.

    Si ku nshuro ya mbere, Umukuru w'Igihugu anyuze i Nyabugogo agahagarara agasuhuza abaturage.

    Muri Kanama 2023 ubwo yari avuye mu ruzinduko rw'iminsi ine yari amaze iminsi agirira mu Ntara y'Amajyepfo n'Iy'Uburengerazuba, na bwo yageze i Nyabugogo ava mu modoka abaturage baramushagara mu mashyi n'impundu bamwereka ko bamwishimiye.

    Icyo gihe yari avuye mu Karere ka Karongi mu Ntara y'Iburengerazuba, aho yasuye Uruganda rw'Icyayi rwa Rugabano nk'imwe muri gahunda yari igize uruzinduko rwe muri izo ntara, rwari muri gahunda yo kwegera abaturage, kumenya ibibazo bafite no kubikemura.

    Amakuru y'ibiza byibasiye Intare y'Iburengerazuba, Amajyaruguru n'Amajyepfo akimara kumenyekana Perezida Kagame yihanganishije imiryango yabuze ababo n'ababikomerekeyemo. Ibi biza byatewe n'imvura nyinshi yaguye mu bice bigize izo ntara, byahitanye abaturage 131.

    Icyo gihe Umukuru w'Igihugu yashimiye abaturage bari mu duce twose twibasiwe ku bufatanye bagaragaje, abasezeranya ko 'hakorwa ibishoboka byose kugira ngo habungabungwa ubuzima'.

    Kuri uyu wa Gatanu ubwo yasuraga abaturage b'i Rubavu yavuze ko Leta iri gukora ibishoboka byose kugira ngo aba baturage bafashwe muri ibi bihe bitoroshye, kandi ko yizeye ko mu gihe gito bazaba babashije gusubira mu byabo.

    Perezida Kagame yageze i Musanze ava mu modoka asuhuza abaturage bari bamutegerezanyije ubwuzu

    Abaturage bari imbere y'Isoko rinini rya Musanze rizwi nka Goico Plaza beretse urukundo Perezida Kagame

    Perezida Kagame yasuhuzaga abaturage impande n'impande kuko abatari bari mu mabaraza y'amagorofa bari ku nkengero z'umuhanda

    Bamwe byabasabye kujya ku mabaraza y'inzu ahirengeye kugira ngo babone Perezida Kagame neza

    Perezida Kagame ni inshuti ikomeye y'urubyiruko aho anyuze buri wese abasha ashaka kumuhanga ijisho ubutaruhuka

    Perezida Kagame yagiranye ibihe byiza n'abaturage b'i Musanze bamwereka urukundo ndetse bahuza urugwiro

    Abaturage bari bafite ibyishimo by’ikirenga nyuma yo kubona Perezida Kagame

    Umukecuru, umusore, inkumi, uhetse wese wabonaga ko yishimiye Umukuru w'Igihugu

    Yageze mu Karere ka Nyarugenge mu Murenge wa Kimisagara ahazwi nka Nyabugogo arongera ava mu modoka nabwo asuhuza abaturage wabonaga ko bari bamutegereje

    Aha Perezida Kagame yasuhuzaga abari bamutegereje mu nkengero z’umuhanda wa Nyabugogo

    Abanyamujyi beretse Umukuru w'Igihugu urugwiro na we ava mu modoka barasabana

    Byari ibyishimo cyane ku rubyiruko rw'i Kigali nyuma yo gusuhuzwa na Perezida Kagame

    Amafoto: Village Urugwiro

    Source : http://igihe.com/amakuru/u-rwanda/article/perezida-kagame-yeretswe-urukundo-n-abaturage-b-i-musanze-n-i-nyabugogo-amafoto

  • Uwihirwe Yasipi Casmir wabaye igisonga cya mbere cya Miss Rwanda yasutse amarangamutima ku musore wamutwaye umutima – YEGOB #rwanda #RwOT

    Uwihirwe Yasipi Casmir wabaye Igisonga cya Mbere cya Miss Rwanda 2019, amarangamutima yamugoye kuyafata ahishura umusore umaze igihe yarigaruriye umutima we.

    Abinyujije ku rukuta rwe rwa Instagram Miss Yasipi yasangije abamukurikirana amashusho ye arukumwe n'umusore wigaruriye umutima we, ayaherekesha amagambo meza y'urukundo.

    Yagize ati 'Uwo umutima wanjye waboneyeho umutuzo. Ndagukunda Cako'

    Source : https://yegob.rw/uwihirwe-yasipi-casmir-wabaye-igisonga-cya-mbere-cya-miss-rwanda-yasutse-amarangamutima-ku-musore-wamutwaye-umutima/

  • Yolo nzakugwa inyuma! Harmonize yifashishije Bruce Melodie kugira ngo ashimangire urwo akunda Yolo The Queen – YEGOB #rwanda #RwOT

    Harmonize yashyize hanze indirimbo yakoranye na Bruce Melodie bise 'Zanzibar', yatunganyijwe mu buryo bw'amajwi na Element.

    Muri iyi ndirimbo Harmonize yongeye gushimangira ko yihebeye umunyarwandakazi Yolo The Queen, aho avugamo amagambo ataka uyu mukobwa.

    Hari aho yagize Ati:'Ndarahiye atuma mbyina ateye neza nk'Umwamikazi Yolo aho azajya hose nzamukurikira.'

    Yongera kandi kuvugamo ko agiye kwishyira tattoo yisura y'uyu mukobwa agira ati:'Nshaka kwishyiraho tattoo yanjye ya nyuma izaba ari isura yawe yagatangaza.'

    Ni amagambo yongera guhamya ko uyu muhanzi ibye na Yolo The Queen biri kugenda bifata indi ntera.

    Iyi ndirimbo ikaba igiye hanze nyuma yuko Harmonize agaragaje ko yihebeye Yolo The Queen akanatangaza ko yiteguye kwishyira Tatttoo ye ku mubiri.

    Source : https://yegob.rw/yolo-nzakugwa-inyuma-harmonize-yifashishije-bruce-melodie-kugira-ngo-ashimangire-urwo-akunda-yolo-the-queen/

  • Urugendo rugoye rwo kugeza imbere y'ubutabera umwicanyi Vincent Murekezi,wari utunze intwaro mu gihugu cya Malawi anashyigikiwe n'abategetsi bo muri icyo gihugu #rwanda #RwOT

    Hari ku wambere tariki ya 28 Mutarama 2019, ubwo urwego rushinzwe amagereza muri Malawi rwashyikirizaga urwego rushinzwe amagereza mu Rwanda uwitwa Vincent Murekezi kugirango arangize igihano yari yarakatiwe n'inkiko zo muri icyo gihugu.

    Murekezi yahamwe n'ibyaha birimo ruswa, kunyereza imisoro ndetse no gukoresha impapuro mpimbano. Ibi byabaye nyuma yuko mu mwaka wa 2017 u Rwanda na Malawi basinye amasezerano yo guhererekanya abanyabyaha.

    Izina Vincent Murekezi ariko ryibutsa Aanyarwanda cyane cyane abakomoka mu majyepfo mu mugi wa Huye ibihe bitari byiza kuko yari umwicanyi ruharwa mu gihe cya Jenoside yakorewe Abatutsi.

    Murekezi kimwe n'abandi banyarwanda bahunze ubutabera abenshi bahiriwe n'ubucuruzi muri icyo gihugu, bityo bibafasha kwiyegereza abantu bo mu nzego zitandukanye muri icyo gihugu. Kuvuga izina Murekezi muri Malawi byari ikizira kubera imbaraga yari afite.
    Ibinyamakuru bibiri byo muri icyo gihugu byagerageje kwandika kuri uyu mu gabo byararezwe n'abunganizi mu mategeko ba Murekezi mu mwaka wa 2016.

    Ibi binyamakuru byavugaga ko yabonye pasiporo mu buryo butemewe n'amategeko ndetse yiyita umutanzaniya kandi ari umunyarwanda ushakishwa n'ubutabera kubera ibyaha bya Jenoside yasize akoze mu Rwanda. Abandikaga iyi nkuru ntibashyizeho amazina yabo kubera gutinya imbaraga za Murekezi.
    Nubwo Murekezi yakingirwaga ikibaba n'inzego z'umutekano ndetse akagira inshuti zikomeye harimo uwari Minisitiri w'umutekano Uladi Mussa ndetse n'umupolisi ukomeye ACP Emmanuel Soko igitutu cyabaye cyinshi maze arafatwa arafungwa kubera kubona pasiporo yicyo gihugu akoresheje ruswa n'impapuro mpimbano.

    Uwari Minisitiri Uladi Mussa nawe yarafashwe arafungwa akatirwa imyaka itandatu kubera guha pasiporo Murekezi akanamuhindurira irangamimerere.
    Murekezi yari afite pasiporo ifite numero MA0788171 yabonye mu mwaka wa 2011 ku mazina ya Banda Vincent igaragaza ko yavukiye Tanzaniya. Ubwo Murekezi yamenyaga ko ibye byagiye hanze, yagiye mu gihugu cy'Afurika y'Epfo amarayo imyaka igera kuri itatu agaruka muri 2016 nibwo yahise afatwa ariko arekurwa nyuma y'iminsi itatu amaze gutanga ruswa y'amadorali ibihumbi bitatu. Murekezi nubwo yari yarasabye uruhushya rwo gutunga imbunda, ntarwemerwe byaje kumenyekana ko yari atunze imbunda. Ibya Murekezi byakomeje kuba agatereranzamba kuko yarafatwaga akongera akarekurwa kubera gukoresha ruswa ariko tariki ya 6 Werurwe 2017 yakatiwe igihano cyo gufungwa imyaka itanu ahamwe n'ibyaha bya ruswa no kunyereza imisoro yakoze guhera mu mwaka wa 2008.

    Icyo gihano nicyo Murekezi ari gukora akaba ategereje ko kirangira mu gihe ategerejwe kuburana ku byaha bya Jenoside dore ko Gacaca yo yamukatiye imyaka 19 adahari. Niba warageze ahitwa ” Kuri Ruliba ” mu mudugudu wa Nyarurembo, akagari ka Gitwa, umurenge wa Tumba mu karere ka Huye waba warageze ku rugo rwa Vincent Murekezi kuko niwe wabashije kubakisha urugo rwe amatafari ya Ruliba yakoreshwaga na bake mbere ya Jenoside yakorewe Abatutsi.

    Murekezi avugwa mu bwicanyi bwibasiye Abatutsi muri Butare aho yakoranaga hafi na hafi na Major Cyriaque Habyarabatuma, Dr. Sosthene Munyemana na Dr. Eugene Rwamucyo. Ashinjwa gushuka Abatutsi ko azabakiza akabajyana iwe akabaka amafaranga ubundi akabagabiza interahamwe.
    Murugo rwe harimo igiti cy'umunyinya. Aha niho inama zaberaga zo kwica abatutsi ndetse nimugoroba akagurira interahamwe inzoga azishimira akazi keza zakoze.

    Murekezi amaze kubona ibyaha yakoze ndetse no kumenya amakuru ko ingabo za RPF Inkotanyi zikomeje gufata uduce twinshi, yahunze mu bambere dore ko yambutse umupaka wa Rusizi muri Kamena 1994 yambukana n'ikamyo itwaye ibicuruzwa.

    Nyuma yo kuba mu mutwe wa FDLR, Murekezi yerekeje muri Afurika y'Epfo akaba yarabaye n'umunyamuryango wa RNC umutwe w'iterabwoba washinzwe na Kayumba Nyamwasa. Murekezi yagaragaye kenshi mu myigaragambyo yateguwe na RNC yiyita umunyapolitiki ndetse no mu nama zayo.

    Ibi byo kwihisha inyuma ya politiki bikorwa n'abajenosideri benshi batandukanye. Jean Paul Micomyiza uherutse koherezwa n'ubutabera bwo muri Suwede, yasuwe na Televiziyo yo muricyo gihugu yitwa TV4 maze ayibwira ko impamvu ubushinjacyaha bwo mu Rwanda bumushaka ari uko aba mu ishyaka ritavuga rumwe na leta rya FDU Inkingi ryashinzwe na Victoire Ingabire.

    Ntabwo ariwe wenyine mwicanyi ubarizwa muri iryo shyaka kuko na Marcel Sebatware wishe abatutsi mu Bugarama nawe yihisha inyuma ya politiki ahunga ubutabera. Urutonde ni rurerure muri FDU Inkingi.

    Muri Malawi ntabwo Murekezi yari umuntu usanzwe. Ruswa no kunyereza imisoro yabikoze guhera 2006 ariko ntakinyamakuru cyangwa umuryango utegamiye kuri Leta washoboraga kuba wabishyira hanze kubera gutinya kuba bagirirwa nabi bitewe n'abantu bakomeye bari baziranye na Murekezi. Ntabwo ariwe wenyine kuko amakuru menshi avuga ko muri Zambiya na Malawi, abasize bahekuye u Rwanda bageze muri ibyo bihugu bakorana ingufu bidasanzwe bitandukanye n'abenegihugu bityo bakagira ubushuti budasanzwe n'abari mu nzego z'umutekano n'abandi bayobozi batandukanye kubera kugira amafaranga.

    Ibya Murekezi muri Malawi ninki bya Kabuga Felecien muri Kenya. Bakoresheje imitungo yabo ngo babashe gucika ubutabera igihe kirekire bagaha ruswa abayobozi batandukanye ndetse nabo mu nzego z'umutekano bakaburirwa mbere igihe bashakishwa. Aha ni mu bihugu byo muri Afurika birangwamo ruswa.

    Mu bihugu by'uburayi n'Amerika, abajenosideri bihisha inyuma ya politiki, imiryango iharanira uburenganzira bwa muntu ndetse n'itangazamakuru.

    Imyaka hafi 30 irashize Jenoside yakorewe Abatutsi ihagaritswe, kuvuga ko bitazongera ukundi ni ukubanza ugahana abayikoze nkuko byemezwa n'imyanzuro y'Umuryango w'Abibumbye ndetse n'Umuryango w'Ubumwe bw'Afurika kuri Jenoside yakorewe Abatutsi mu Rwanda.

    The post Urugendo rugoye rwo kugeza imbere y'ubutabera umwicanyi Vincent Murekezi,wari utunze intwaro mu gihugu cya Malawi anashyigikiwe n'abategetsi bo muri icyo gihugu appeared first on RUSHYASHYA.

    Source : https://rushyashya.net/urugendo-rugoye-rwo-kugeza-imbere-yubutabera-umwicanyi-vincent-murekeziwari-utunze-intwaro-mu-gihugu-cya-malawi-anashyigikiwe-nabategetsi-bo-muri-icyo-gihugu/?utm_source=rss&utm_medium=rss&utm_campaign=urugendo-rugoye-rwo-kugeza-imbere-yubutabera-umwicanyi-vincent-murekeziwari-utunze-intwaro-mu-gihugu-cya-malawi-anashyigikiwe-nabategetsi-bo-muri-icyo-gihugu

  • Abanduye Virusi itera SIDA ubu bemerewe kwinj… – #rwanda #RwOT

    Iri teka ryasabwe na Minisitiri w'imbere mu gihugu cy'u Bufaransa, Gérald Darmanin, “rizashyirwa ahagaragara mu minsi iri imbere” kandi rizashyirwa mu bikorwa na gendarmerie, brigade ishinzwe kuzimya umuriro wa Paris na Marseille, ndetse n'ingabo zose”, nk’uko Lecornu yabitangarije gahunda ya televiziyo ya Les Quatre vérités ku wa mbere.

    Yashimangiye ati: “Kwandura virusi itera SIDA ntibizongera kuba ishingiro ryo kuvangura.”

    Kugeza ubu, ibigenderwaho by’ubuzima ntibyemerera ababana na virusi itera SIDA kwinjira muri iyo myuga. Mu mpera z’Ugushyingo 2022, ni bwo iryo vangura mu guha akazi ababana na virusi itera SIDA ryari ryarakuweho ku bapolisi.

    Sisitemu yo gusuzuma imigaragarire y’umubiri

    Minisiteri y'ingabo, serivisi y'ubuzima ishinzwe kwinjiza abajandarume ba gisirikare n'abashinzwe kuzimya umuriro, izahindura “Sigycop” – uburyo bwo gusuzuma ubuzima bw'umubiri bukoreshwa mu myuga myinshi y'abakozi ba Leta.

    Iyo bishyizwe mu bikorwa, iri suzuma ryagaragaje ko ababana na virusi itera SIDA badakwiriye kujya muri uyu mwuga. Ubushakashatsi buherutse gukorwa bwerekanye ko abantu banduye virusi itera SIDA bahabwa imiti igabanya ubukana bwa virusi bafite mu gihe itamenyekana kandi ntibashobore kwanduza abandi.

    Umwanditsi: Brenda MIZERO

    Source : https://inyarwanda.com/inkuru/129288/abanduye-virusi-itera-sida-ubu-bemerewe-kwinjira-mu-gisirikare-cyu-bufaransa-129288.html

  • Kiyovu Sports yatsinzwe urubanza yaregwagamo… – #rwanda #RwOT

    Tariki 10 Kamena 2022, ni bwo Sharaf Eldin Shaiboub na Mano John basinyiye ikipe ya Kiyovu Sports amasezerano y’imyaka ibiri, aho iyi kipe yiteguraga umwaka w’imikino 2022/23. Icyo gihe, shampiyona yari itararangira aho yari igeze ku munsi wa 28 wa shampiyona. 

    N’ubwo aba bakinnyi basinye, nyuma y’amezi abiri gusa, umuyobozi wa Kiyovu Sports Mvukiyehe Juvenal, yaje kwemeza ko abakinnyi baherutse gusinyisha batandukanye kubera kutubahiriza ibisabwa. 

    Yagize ati 'Haje kubamo kutumvikana neza badusaba gusesa amasezerano, turabibemerera, tubemerera ko twasesa amasezerano mu gihe cyose badatanze ibyo byangombwa ariko bagasubiza ibyo twabatanzeho.”

    Nyuma y’ibi byose aba bakinnyi ku ikubitiro, Sharaf Eldin Shaiboub yahise atanga ikirego muri FIFA avuga ko ikipe ya Kiyovu Sports itubahirije amasezerano bari baragiranye, ndetse bagatandukana mu buryo bunyuranyije n’amategeko.

    Iki kirego cyaje gukurikiranwa na Sosiyete bita Sports and Justice, ishinzwe inyungu z’abakinnyi, ariyo yaje gutangaza ko uyu mukinnyi yamaze gutsinda Kiyovu Sports. 

    Imyanzuro y’urubanza yemeje ko Kiyovu Sports igomba guha Sharaf Eldin Shaiboub miliyoni 50 z’amanyarwanda nyuma yo kubimenyeshwa. 

    Biteganyijwe ko kandi nyuma y’iyi myanzuro, FIFA iza gusoma indi myanzuro ya John Mano nawe wari wasinyiye Kiyovu Sports umunsi umwe na Mugenzi we. 

    Sharaf yari yaguzwe mu gihe Kiyovu Sports yari ifite ubwoba bwo kuzatakaza Emmanuel Okwi 

    John Mano nawe byitezwe ko ikirego yatanze kiza gusomerwa imyanzuro

    Bimwe mu byo Sports and Justice yakurukiranaga ikirego, yatangaje

    Source : https://inyarwanda.com/inkuru/129295/kiyovu-sports-yatsinzwe-urubanza-yaregwagamo-na-sharaf-eldin-shaiboub-ukomoka-muri-sudan-129295.html

  • Uru nirwo rukundo! Umugabo yishushanyijeho mu kanwa h’umugore we ku bera urukundo – YEGOB #rwanda #RwOT

    Uru nirwo rukundo! Umugabo yishushanyijeho mu kanywa h'umugore we ku bera urukundo.

    Ku mbuga nkoranyambaga hakwirakwiye ifoto itangaje cyane y'umugore n'umugabo bakundana birenze uko aba abitekereza.

    Iyi foto iratangaje cyane bitewe n'ibyo umugabo yishushanyijeho kubera urukundo akunda umugore we.

    Uyu mugabo yishyirishijeho tatowaje ku itama, igaragaza imiterere y'omukanwa ku mugore we.

    Source : https://yegob.rw/uru-nirwo-rukundo-umugabo-yishushanyijeho-mu-kanwa-humugore-we-ku-bera-urukundo/

  • “Nubwo hari abantu banyita imbwa ariko ntabwo ndiyo” Umunyarwenya Ndimbati uzwiho gutembagaza imbaga y’abantu yagiriye inama ikomeye abakunzi be (video) – YEGOB #rwanda #RwOT

    Umukinnyi wa filime nyarwanda ukomeye cyane Uwihoreye Jean Bosco wamamaye ku izina rya Ndimbati yongeye kuvuga byinshi ku bantu bakunze kwibaza ku buzima bwe kandi agira inama abantu yo kutita ku bavuga.

    Ndimbati mu kiganiro n'umunyamakuru akaba n'umuhanzi ukomeye cyane hano mu Rwanda Yago baganiriye byinshi bitandukanye kuri YouTube channel yitwa Yago Tv Show maze amubwire uburyo abantu badakwiye kwita ku bantu babavuga kuko nabo bafite ihungana ryo kuba uriho.

    Ndimbati avuga byinshi bitandukanye mu kiganiro na Yago kuri YouTube channel yitwa Yago Tv Show:

    Source : https://yegob.rw/ntubwo-hari-abantu-banyita-imbwa-ariko-ntabwo-ndiyo-umunyarwenya-ndimbati-uzwiho-gutembagaza-imbaga-yabantu-yagiriye-inama-ikomeye-abakunzi-be-video/

  • Agezweho kano kanya kuri cya gikombe cyiri kwirukwaho n’amakipe yose yitwa ngo arakomeye mu Rwanda – YEGOB #rwanda #RwOT

    Ishyirahamwe Nyarwanda ry'Umupira w'Amaguru, Ferwafa, ryatangaje ko imikino ya nyuma y'Igikombe cy'Amahoro, izakinirwa kuri Stade Mpuzamahanga ya Huye.

    Irushanwa ry'Igikombe cy'Amahoro, rigeze muri ½ mu mikino yo kwishyura izakinwa ku wa Gatandatu no ku Cyumweru tariki 13 na 14 Gicurasi 2023 kuri Kigali Péle Stadium.

    Mu wego rwo kwegereza umupira w'amaguru abakunzi ba wo, Ferwafa yatangaje ko umukino wa nyuma n'uwo guhatanira umwanya wa Gatatu, izabera kuri Stade Mpuzamahanga ya Huye tariki 3 Kamena 2023.

    Muri kimwe cya Kabiri harimo ikipe ya APR FC, KIYOVU SPORTS, RAYON SPORTS na MUKURA VS.

    Source : https://yegob.rw/agezweho-kano-kanya-kuri-cya-gikombe-cyiri-kwirukwaho-namakipe-yose-yitwa-ngo-arakomeye-mu-rwanda/