Author: webrwanda

Umukino wa nyuma wa UEFA Champions League uzahuza ikipe ya Manchester City yo mu Bwongereza na Inter Milan yo mu Butaliyani. Aya makipe nta n'imwe yageze aha ku bw'impanuka kuko yose yahuye n'inzira ikomeye.

Ikipe ya Manchester City kugera ku mukino wa nyuma byayisabye gukuramo amakipe akomeye nka Bayern Munich yo mu Budage na Real Madrid yo muri Espain. 

Inter Milan nayo kugera kuri uyu mukino byayisabye gukuramo mukeba wayo w'ibihe byose AC Milan. 

Manchester city yo mu Bwongereza izakina umukino wa nyuma na Inter Milan yo mu Butaliyani

Indi kipe yo mu Butaliyani iri ku mukino wa nyuma ni AS Roma. Ibi yabigezeho nyuma yo gusezerera ikipe ya Bayer Leveerkusen yo mu gihugu cy'u Budage. 

Habuze gato ngo Roma izahure n'indi kipe yo mu Butaliyani, kuko Juventus yasezerewe muri kimwe cya kabiri na FC Sevilla.

FC Sevilla niyo kipe igeze ku mukino wa nyuma idaturuka mu Bwongereza cyangwa mu Butaliyani.

FC Sevilla niyo kipe itabarizwa mu Bwongereza cyangwa mu Butaliyani izakina ‘Final’ ya Europa League

Europa Conference League niyo amakipe azakina umukino wa nyuma yamenyekanye kuri uyu wa kane. Andi ni West Ham United yo mu Bwongereza na Fiorentina yo mu Butaliyani. 

West Ham United yageze ku mukino wa nyuma nyuma yo gusezerera AZ Alkmaar, Fiorentina nayo yabigezeho nyuma yo gusezerera Basel.

Aya marushanwa uko ari atatu niyo akomeye ku mugabane w'i burayi akinwa n'amakipe asanzwe. Ubwo ari mu marushanwa atatu ageze ku mikino ya nyuma bivuze ko amakipe atandatu ariyo azakina iyi mikino ya nyuma. 

Muri ayo makipe atandatu atanu ni ayo mu Bwongereza ndetse n'u Butaliyani.

Ibi ntabwo byatuma wirengagiza ko igikombe cy'u Burayi giherutse u Bwongereza n'u Butaliyani aribyo bihugu byakinnye umukino wa nyuma. 

Nk'uko u Butaliyani bwatwayye u Bwongereza igikombe, ni nako burusha u Bwongereza amakipe menshi kuri iyi mikino ya nyuma.

Nituvuga imikino ya nyuma si irushanwa rimwe, ahubwo ni amarushanwa atatu. Gusa ayo marushanwa yose ageze ku mikino ya nyuma. 

U Butariyani bufitemo Inter Milan muri UEFA Champions League, AS Roma muri Europa League na Fiorentina muri Europa Conference League. 

U Bwongereza bufite Manchester City muri Champions League na West Ham United muri Europa Conference League. 

Ikindi gihugu gifite ikipe iri ku mukino wa nyuma ni Espagne ifite FC Sevilla muri Europa League. 

Manchester city yo mu Bwongereza izakina ‘Final’ na Inter Milan yo mu Butaliyani. Ibi yabigezeho itsinze Real Madrid

Inter Milan yo mu Butaliyani iri ku mukino wa nyuma wa UEFA Champions League

AS Roma yo mu Butaliyani iri ku mukino wa nyuma wa Europa League

West Ham United yo mu Bwongereza izakina umukino wa nyuma wa Europa Conference League

Fiorentina yo mu Butaliyani iri ku mukino wa nyuma wa Europa Conference League 

U Butaliyani n’u Bwongereza nizo zakinnye umukino wa nyuma wa Euro 2020

Source : https://inyarwanda.com/inkuru/129580/u-butaliyani-nu-bwongereza-bakomeje-kuyobora-umupira-wamaguru-i-burayi-129580.html

Guhera kuri uyu wa wa gatandatu talriki 20 Gicurasi 2023 mu Rwanda harabera Irushanwa Nyafurika muri Basketball, BAL.

Iyi mikino ibera muri BK Arena akaba ari ku nshuro ya 3 igiye kubera mu Rwanda. Amakipe 8 niyo azakina iri rushanwa,4 yavuye muri Nile Conference kongeraho andi 4 yavuye mu itsinda Sahara Conference.

Imikino ya BAL irebwa n'abantu benshi cyane baturutse mu bihugu bitandukanye, ibi biterwa n’uko haba harimo ibintu bitandukanye biryoheye ijisho. 

Usibye imikino ya Basketball ahubwo haba harimo n'Imyidagaduro. Kuri iyi inshuro abarajya kureba iyi mikino ku munsi wa mbere barasusurutswa n'abahahanzi bagezweho mu Rwanda aribo Juno Kizigenza, Kenny Sol ndetse na Ariel Wayz uheruka gushyira indirimbo hanze yise ‘Shayo’.

Usibye aba bahanzi nyarwanda kandi haraba hari na Michael Ndung'u wamamaye ku mazina ya DJ FULLY Focus. Uyu avanga umuziki akaba yavuye muri Leta Zunze Ubumwe z’Amerika.

Umukino wa mbere uri bukinwe saa kumi zuzuye, urahuza stade Malien na Cape Town. Saa moya n'igice nibwo ikipe ihagarariye u Rwanda muri aya marushanwa ya BAL, REG iri bumanuke mu kibuga icakirana na AL Ahly Sporting Club.

Kenny Sol uri bususurutse abari bwitabire imikino yo ku munsi wa mbere wa BAL

Juno Kizigenza agiye kongera gutaramira abitabira imikino ya BAL

Ariel Wayz uherutse gushyira indirimbo hanze yitwa Shayo

DJ Fully ukubutse muri Leta Zunze Ubumwe z’Amerika

Source : https://inyarwanda.com/inkuru/129581/bal2023-yashyushye-abahanzi-babimburira-abandi-bamenyekanye-129581.html

Iya Aliah Cool ni igikoko! Dore abanyarwandakazi batunze imodoka nziza cyane muri Kigali.

Ana abanyarwandakazi baba barakuye amaboko mu mifuka bagashakisha amafaranga.

Kuri ubu turagaruka kuri 4 batunze imodoka nziza cyane muri Kigali.

ALIAH COOL

KATE BASHABE

MUKANSANGA SALIMA

NIRAGIRE MARIE FRANCE

 

Source : https://yegob.rw/iya-aliah-cool-ni-igikoko-dore-abakobwa-batunze-imodoka-nziza-cyane-kurusha-abandi-bakobwa-bo-muri-kigali-amafoto/

'Nzagura Intanga z'umuzungu nibyarire umumetisi' Umukobwa w'ikizungerezi arahiye ko atazigera ashaka umugabo kuko nta rukundo akigira

Uko bwije n'uko bukeye hagenda haza ikorabuhanga ndetse ryoroshya n'ubuzima bwa benshi, gusa muri iryo koranabuhanga riza rigenda rizana n'utundi dushya.

Muri utwo twavuga nko kwiteresha intanga ku bagore bakibaruka badahuye n'abagabo.

Mu kiganiro na Isimbi Tv hari umukobwa wikizungerezi witwa Teta wavuze ko mu bintu yifuza hatarimo umugabo ahubwo ko icyo ashyize imbere ari ugushaka amafaranga.

Gusa ahamya ko mu gihe azaba akeneye umwana yagura intanga z'umuzungu ndetse akibyarira n'umumetisi.

Icyakora yongeye ho ko naramuka amushatse bizaba ari nka 'bonus' kuko we ntago biri mu byo ashyize imbere.

N'ubwo yavuze ibi bamwe mu babonye ikiganiro bavuze ko ibi n'abyo atari ubumuntu kuko umuntu arangwa no kwibaruka kandi bikanyura mu nzira nziza zagenwe.

Source : https://yegob.rw/nzagura-intanga-zumuzungu-nibyarire-umumetisi-umukobwa-wikizungerezi-arahiye-ko-atazigera-ashaka-umugabo-kuko-nta-rukundo-akigira/

Ibyo bari barigize barafashwe! Abajura baguwe gitumo bamaze kubaga ingurube bari bibye maze babakorera ibintu agakoryo ku buryo batazongera kwiba.

Mu karere ka Rusizi haravugwa inkuru y'abajura baguwe gitumo bari kubaga ingurube y'umuturage bari bibye.

Aba bajura bafashwe n'inzego z'umutekano zabasanze aho bari bari kubagira iyo ngurube bari bibye.

Nyuma yo gufatwa bahise bikorezwa izo nyama z'iyo ngurube bari babaze aho bazengurutse isantere ya Kamembe bazikoreye.

Source : https://yegob.rw/iminsi-yumujura-ni-40-abajura-baguwe-gitumo-bamaze-kubaga-ingurube-bari-bibye-maze-babakorera-agakoryo-ku-buryo-batazongera-kwiba-ukundi/

Ubwongereza burasaba ko hakorwa amavugurura muri urwo rukiko, nyuma y'aho abacamanza barwo bahagaritse ingendo zohereza mu Rwanda abasaba ubuhungiro.

Kuva uyu mwaka watangira, abategetsi b'Ubwongereza bamaze kubona hafi ibihumbi birindwi by'abimukira binjira mu gihugu bambukiye mu muhora La Manche mu mato matoya baturutse mu gihugu cy'Ubufaransa.

Umubare w'abambutse mu 2022 warenze ibihumbi 45. Minisitiri w'intebe w'Ubwongereza Rishi Sunak yakomeje kwizeza mu magambo ye 'guhagarika ayo mato.'

Umwaka ushize rero, Ubwongereza bwagiranye amasezerano na leta y'u Rwanda, azatuma umubare utazwi w'abimukira woherezwa mu Rwanda ngo abe ari ho dosiye zabo zisuzumirwa. Ibyo ni bijyanye no gusaba ubuhunzi ndetse no gutuzwa kandi nta burenganzira bafite bwo kujurira.

Bijyanye n'aya masezerano, Ubwongereza bwamaze kwishyura u Rwanda miliyoni 150 z'amadolari y'Amerika.

Icyakora abacamanza mu rukiko rw'Uburayi rushinzwe uburenganzira bwa muntu ibi barabyanze. Ubwo indege ya mbere yiteguraga kuguruka yerekeza mu Rwanda mu kwa Gatandatu k'umwaka ushize, uru rukiko rwasohoye ikizwi nk' 'icyemezo nomero 39' gitambamira izo ngendo kubera ko zisa nk'izihonyora amasezerano y'Inama y'Uburayi ku byerekeranye n'uburenganzira bwa muntu — Ubwongereza bwashyizeho umukono. Inama y'Uburayi ntabwo ibarirwa mu nzego z'umuryango w'Ubumwe bw'Uburayi.

Mu gusubiza kuri ibyo, leta y'Ubwongereza yateguye itegeko rishya rizajya ritesha agaciro ibyemezo byafashwe n'urukiko rw'Uburayi. Umushinga waryo ubu urimo kugibwaho impaka mu nteko nshingamategeko.

Kandi mu nama yagiranye n'Inama y'uburayi muri iki cyumweru, Minisitiri w'intebe Sunak yavuze ko azagerageza kumvisha abafatanyabikorwa b'i Burayi ko hakorwa amavugurura mu rukiko ubwarwo.

Bamwe mu basesenguzi bavuga ko Uburayi butari mu mwuka mwiza wo kuganira n'Ubwongereza nyuma y'aho iki gihugu cyivanye mu muryango w'Ubumwe bw'Uburayi.

Camino Mortera-Martinez, wo mu kigo cy'Uburayi gishinzwekuvugurura amategeko yavuze ko atiyizeye neza ko bazatera intambwe ngo binjire mu mavugurura y'ikindi kigo cy'Uburayi ngo barashimisha Bwana Sunak na guverinoma ye itavugirwamo, bijyanye na gahunda y'abimukira.

Bamwe mu bo mu ishyaka rya Sunak ry'Abatsimbaraye ku mahame ya kera barifuza ko Ubwongereza buva mu Nama y'Uburayi bukanivana mu masezerano yayo ku burenganzira bwa muntu. Igihugu cyaherukaga kuva muri uwo muryango ni Uburusiya, bwawirukanywemo umwaka ushize nyuma yo gutera Ukraine.

Camino Mortera-Martinez, yakuriye Ubwongereza inkoni ku gishyitsi ati 'Mu guhangana n'ibikangisho bya 'nimuduhe ibyo dushaka, cyangwa se twivane mu masezerano y'Uburayi ku burengenzira bwa muntu no mu Nama y'Uburayi, 'igisubizo gishobora kuba rwose 'nta kibazo, nimukomeze mugende mube leta y'igicibwa, nk'uko Uburusiya bumeze.' Nibwira ko ryaba ari ikosa ku Bwongereza gukora ibyo muri iki gihe, na cyane ko nk'uko mbivuga, dufite intambara hafi aha ku muturanyi muri Ukraine.'

Abagera kuri kimwe cya kane mu bimukira baje mu bwato butoya mu 2022 bari abanyalubaniya. Ubwongereza bwasubije mu gihugu cyabo abagera ku gihumbi. Minisiri w'intebe wa Alubaniya mu kwezi gushize yavuze ko Ubwongereza burimo 'guteshwa umutwe' n'ibibazo by'abimukira.

Source : https://umuryango.rw/amakuru/mu-rwanda/ubutabera/article/urukiko-rw-uburayi-rwahagamye-ubwongereza-ku-kibazo-cyo-kohereza-abimukira-mu

Umupolisi witwa PC Opio Charles ufite nomero y'akazi, NO.50158 akaba akorera i Mbarara, yarashe umusirikare witwa CPL Yeremiah Paper, wo mu gisirikare cya Uganda, UPDF.

Uyu musirikare yakoreraga mu ishami rya Polisi (Ruhengyere Engineering Brigade) riri hafi ya Banki ikorera muri Mbarara.

Polisi ivuga ko amakuru ya mbere avuga ko uriya mupolisi yabanje guterana amagambo n'umusirikare bivamo kumurasa.

Itangazo rivuga ko uriya ukekwaho kurasa umusirikare yatawe muri yombi, akaba afungiye i Mbarara, ndetse n'imbunda yakoresheje yayambuwe.

Umurambo wa nyakwigendera wajyanwe mu buruhukiro bw'ibitaro bya Mbarara.

Source : https://umuryango.rw/amakuru/mu-mahanga/umutekano/article/umupolisi-wa-uganda-yarashe-umusirikare

Amakuru y'ubwegure bwa Rutayisire wari umaze imyaka itanu ari umukozi ashinzwe gukurikirana imibereho y'amakipe y'igihugu muri FERWAFA, yamenyekanye mu ijoro ryakeye.

Uyu mugabo yeguye nyuma y'uko muri iki cyumweru Ikipe y'Igihugu 'Amavubi' yatewe mpaga y'ibitego 3-0 na Bénin, bituma umukino wo gushaka itike y'Igikombe cya Afurika amakipe yombi yari yaraguyemo miswi y'igitego 1-1 ahinduka impfabusa ku ruhande rw'u Rwanda.

Amavubi yatewe mpaga nyuma yo gukinisha Kevin Muhire umukino wo mu tsinda L yari yakiriyemo Bénin ku wa 29 Mata 2023. Ni Kevin Muhire wari utemerewe gukina uyu mukino kuko yari yareretswe amakarita abiri y'umuhondo mu mikino ibiri yari yabanje.

Nyuma y'uko u Rwanda rwari rumaze guterwa mpaga Rutayisire ni we washyizwe mu majwi, ashinjwa kuba nka Team Manager yaragize uburangare bikarangira atanditse ikarita y'umuhondo Muhire Kevin yari yaraboneye mu mukino wa gatatu wo mu tsinda L u Rwanda na Bénin banganyirijemo igitego 1-1 i Cotonou.

Iyi karita ni yo yatumye Amavubi aterwa mpaga.

Rutayisire Jackson yafashe icyemezo cyo kwegura mu kipe y'igihugu 'Amavubi' nyuma y'iminsi ibiri Minisiteri ya Siporo yiyemeje gukurikirana icyihishe inyuma ya mpaga yatewe Amavubi.

Source : https://umuryango.rw/imyidagaduro/imikino/article/team-manager-w-amavubi-yeguye-hakekwa-umweyo-wavuzwe-na-minispoc

Minisiteri y'Ububanyi n'Amahanga y'u Burusiya kuri uyu wa Gatanu yatangaje ko ibyo bihano bifashwe mu kwihimura ku byo nabwo bwafatiwe na Leta Zunze Ubumwe za Amerika biturutse ku ntambara bumazemo igihe muri Ukraine.

Uretse Obama, ku rutonde rw'abafatiwe ibihano harimo abandi nka Jon Huntsman wahoze ari Ambasaderi wa Amerika mu Burusiya, Charles Q. Brown Jr uhabwa amahirwe yo kuba Umugaba Mukuru w'ingabo za Amerika, abanyamakuru batandukanye n'abandi.

Mu bahanwe kandi u Burusiya buvuga ko harimo abagize uruhare mu kugirira nabi abatavuga rumwe na Leta bigabije icyicaro cy'Inteko Ishinga Amategeko tariki 6 Mutarama 2021, ubwo hemezwaga ko Joe Biden yatsinze Donald Trump mu matora.

Bamwe bari bashyigikiye Trump batawe muri yombi bashinjwa guteza akaduruvayo no gushaka guhirika inzego zashyizweho n'abaturage.

U Burusiya bwatangaje ko ibyo bihano ari isomo kuri Amerika, ko butazakomeza kwicara ngo burebere mu gihe icyo gihugu gikomeza kwibasira u Burusiya.

Ntabwo u Burusiya bwatangaje ikosa buri umwe mu bari ku rutonde yagiye akora cyangwa se ibindi bihano yafatiwe birenze kudakandagira mu Burusiya.

Source : https://umuryango.rw/amakuru/mu-mahanga/politiki/article/barack-obama-ari-mu-banyamerika-500-uburusiya-bwafatiye-ibihano

REG BBC igiye guhagararira u Rwanda muri iri rushanwa ku nshuro ya kabiri yikurikiranya, aho mu mwaka wa mbere yaviriyemo muri ¼, ku mukino wa mbere yakiniye i Kigali.

Mu kiganiro n'itangazamakuru cyabaye ku wa 19 Gicurasi, Ikipe ya REG yari ihagarariwe n'Umutoza mukuru, Dean Murray na Kapiteni wayo Shyaka Olivier.

Umutoza Dean Murray yavuze ko bishimiye ubufasha bari guhabwa n'ubuyobozi ndetse buri wese mu ikipe yishimiye uko yitaweho kugira ngo abone intsinzi ndetse ko hari amahirwe kuko bari gukinira mu rugo.

Murray yongeyeho ko amakipe ari mu iri rushanwa yose akomeye kandi babizi ko nta mukino uzoroha namba, nta mpamvu zo kuyasuzugura.

Kapiteni wa REG BBC, Shyaka Olivier, yavuze ko nta bwoba ikipe ifite ku mukino wayo wa mbere ihuramo na Al Ahly, ashingiye ku kuba bari mu rugo kandi abakinnyi bashaka guhindura ibyabaye ubushize.

REG BBC irakina umukino wa mbere kuri uyu wa 20 Gicurasi 2023 na Al-Ahly yo mu Misiri guhera saa Moya n'igice z'ijoro.

Abakinnyi izifashisha muri iri rushanwa ni Adonis Filer, Cleveland Thomas Jr, Pitchou Manga, Delwan Graham, Shyaka Olivier, Nshobozwabyosenumukiza Jean Jacques, Ntore Habimana, Ndizeye Dieudonné, Nyonkuru Pascal, Umuhoza Jean, Ulrich Chomche na Axel Mpoyo.

Source : https://umuryango.rw/imyidagaduro/imikino/article/bal-2023-reg-bbc-ihagarariye-u-rwanda-ku-ncuro-ya-2-yifitiye-icyizere-gihambaye