Author: webrwanda

Mu ijoro ryo kuri uyu wa gatanu tariki 26 Gicurasi 2023 mu nyubako ya BK Arena haraye habereye umukino wo guhatanira umwanya wa Gatatu mu mikino ya Basketball Africa League , ni umwanya wegukanywe na Stade Malien itsinze Petro de Luanda amanota 73-65.

Muri uyu mukino ikipe ya Stade Malien niyo yawinjiyemo neza itsinda aace ka Mbere Stade ku manota 20 kuri 13 ya Petro de Luanda, ni mu gihe mu gace ka kabiri Petro yihagazeho ndetse ikoresha imbaraga nyinshi birangira nubundi Stade Malien iyoboye, igice cy'umukino kirangira ari amanota 36-34.

Bavuye kuruhuka ikipe ya Petro ibifashijwemo na kabuhariwe wayo Carlos Morais na Buiamba bagerageje kugabanya amanota kugeza ubwi agace ka gatatu karangiye Stade Malien iyoboye ku manota 54-50.

Agace ka nyuma karanzwe n'ubundi no kwiharira amanota kwa Stade Malien binyuze kuri ba kabuhariwe babo Aliou Diarra na Souleymane Berthe, bityo umukino urangira Stade Malien yegukanye intsinzi ku manota 73 kuri 65 ya Petro de Luanda.

Ikipe ya Stade Malien yegukanye umwanya wa Gatatu mbere y'uko kuri uyu wa gatandatu hakinwa umukino wa nyuma uhuza ikipe ya Al Ahly yo mu misiri ikina na AS Douane yo muri Senegal, ni umukino uri bukinwe guhera saa kumi n'ebyiri z'umugoroba.

The post Stade Malien yegukanye umwanya wa gatatu mu mikino ya Basketball Africa League itsinze Petro de Luanda amanota 73-65 appeared first on RUSHYASHYA.

Source : https://rushyashya.net/stade-malien-yegukanye-umwanya-wa-gatatu-mu-mikino-ya-basketball-africa-league-itsinze-petro-de-luanda-amanota-73-65/?utm_source=rss&utm_medium=rss&utm_campaign=stade-malien-yegukanye-umwanya-wa-gatatu-mu-mikino-ya-basketball-africa-league-itsinze-petro-de-luanda-amanota-73-65

Rayon Sports y’abagore yaraye imurikiye abafana igikombe cya shampiyona y’icyiciro cya kabiri baheruka kwegukana, bahita bahabwa agahimbazamusyi ka miliyoni 8.

Ni umuhango wabaye ejo hashize mu Nzove aho wabimburiwe no guhemba umukinnyi witwaye neza mu kwezi kwa Kane.

Mu bagore iki gihembo cyaje kwegukanwa na rutahizamu Manizabayo Florence.

Mu bagabo iki gihembo cyatwawe na Luvumbu Héritier Nzinga aho yahigitse Léandre Onana ndetse na Musa Esenu.

Hahise hakurikiraho umuhango wo kwereka igikombe abafana, igikombe cya shampiyona y’icyiciro cya kabiri beguyakanye badatsinzwe ndetse bahita bazamuka mu cyiciro cya mbere.

Umuyobozi wa Rayon Sports, Uwayezu Jean Fidele yavuze ko ubu ikigiye gukurikiraho ari ukwandika amateka muri shampiyona y’icyiciro cya mbere.

Ati “Reka dushimire umuyobozi wa SKOL kubera imikoranire myiza dufitanye. Nta mezi atandatu, ubuyobozi bwiza bwa SKOL na Rayon Sports batashye iki kibuga, ndetse hari haciye iminsi micye ikipe y’abagore itangiye, none nayo ituzaniye igikombe cya mbere cya shampiyona.
Twazamutse mu cyiciro cya mbere, ubu tugiye kubaka ikipe ikomeye, ndetse twongere imbaraga mu bakinnyi, ku buryo n’icyiciro cya mbere dushaka kuhakorera amateka.”

Umuyobozi wa Skol, umuterankunga wa Rayon Sports, Ivan Wulffaert yavuze ko biteguye gukora ibisabwa byose iyi kipe ikaguma ku gasongero.

Ati “ibyo bireba perezida wa Rayon Sports n’abandi bazi byinshi mu mupira, tubifite mu masezerano ko intambwe ku ntambwe tugomba gufasha ikipe yaba iy’abagabo cyangwa abagore. Nibyo tugomba kugura abakinnyi bashya, nabirekeye ubuyobozi bwa Rayon Sports ngo bubitegure neza, hagize ikirenga ku ngengo y’imari yateguwe, turi hano tugomba kugira icyo tubikoraho.”

Iyi kipe ikaba yashyikirijwe agahimbazamusyi kayo ka miliyoni 8 z’amafaranga y’u Rwanda harimo 5 zo kuba baratwaye shampiyona n’eshatu zo kugera ku mukino wa nyuma w’igikombe cy’Amahoro.

Ubuyobozi bw’uruganda rwa Skol rutera inkunga iyi kipe ndetse bikavugwa ko ingengo y’imari yose igenda ku ikipe y’abagore ari rwo ruyitanga, ruvuga ko mu kibuga cyo mu Nzove bagiye kubakira abakobwa urwambariro rwabo rwihariye.

Igikombe cyeretswe abafana

Byari ibyishimo bikomeye

Manizabayo Florence yahembwe nk’umukinnyi w’ukwezi kwa 4

Mu bagabo igihembo cyegukanywe na Luvumbu

Source : http://isimbi.rw/siporo/article/rayon-sports-yeretse-igikombe-abafana-luvumbu-ahigika-onana-na-esenu

Abapasiteri babiri b'abagore bavugishije imbaga y'abantu nyuma yo gutangaza uburyo baba bafite amakuru yo ku rwego rwo hejuru.

Mu mashusho yagaragaye ku rubuga rwa Instagram yagaragaje abagore babiri bari kuvuga uburyo baba bafite amakuru ariyo mpamvu bameze nk'ibifaru byigenza ngo niyo banywa icyayi baba bafite amakuru.

Amashusho:

Bimwe mu byo abantu bagiye bavuga nyuma yo kubona aya mashusho:

Source : https://yegob.rw/twe-dufite-amakuru-niyo-mpamvu-ubona-tumeze-nkibifaru-byigenza-abapasiteri-babiri-babagore-bavugishije-abantu-nyuma-yo-gutangaza-amakuru-bagendana-video/

Abantu benshi bacyeka ko imyambarire y'umuntu haraho ihuriye n'imico mibi y'ubusambanyi ariko ngo burya siko biri niba ariko ubitekereza uribeshya cyane.

Mu kiganiro n'umunyamakuru Murungi Sabin kuri YouTube channel yitwa Isimbi Tv Paccy yatangaje ko imyambarire y'umuntu n'ubusambanyi ntaho bihuriye kuko nta mwenda ubaho umuntu yambara utavamo kubera ko umuntu yaba yikwije cyangwa atikwije ariko ashaka gusambana ntacyabimubuza.

Amashusho:

Source : https://yegob.rw/ntaho-bihurira-kuko-nta-mwenda-utavamo-paccy-ukuri-kose-yagushyize-hanze-ajijura-abibwira-ko-imyambaro-haraho-ihuriye-nimico-yumuntu-video/

Abashakanye gusa: inshuro utagomba kujya munsi mu cyumweru mu bijyanye n'inshingano z'abakuze.

Ni ngombwa cyane kubahiriza inshingano z'urugo yaba ku mugabo cyangwa ku mugore, Ubushakashatsi bwagaragaje ko iyo utuzuza inshingano z'urugo cyane cyane ibijyanye n'imibonano mpuzabitsina uba uri gusenya urugo rwawe bucece.

Ndetse gukora imibonano mpuzabitsina ni kimwe mu bintu byongera ubucuti hagati y'abashakanye, ndetse Ubushakashatsi buvuga ko byibuza abashakanye bakagombye gukora imibonano mpuzabitsina inshuru ziri hejuru y'ebyiri 2 mu cyumweru zaba nyeya zika ebyiri.

Ubundi ngo abashakanye bakabaye babikora inshuro nyinshi zishoboka gusa usanga abenshi baba bahugiye mu kazi ndetse n'ibindi byinshi bibazitira.

____________izindi_nkuru_______________

Dore uburyo wakosora ubutumwa bwa WhatsApp wanditse ugashyiramo amakosa utabizi ndetse n'uwo wandikiye ntabimenye ko wari wibeshye

Source : https://yegob.rw/abashakanye-gusa-inshuro-utagomba-kujya-munsi-mu-cyumweru-mu-bijyanye-ninshingano-zabakuze/

Abategetsi mu ntara ya Bururi birukanye abaturage 61 babaga muri iyi ntara babapakira mu modoka ya polisi babasubiza iwabo bakeka ko baba aribo bateza umutekano muke mu ntara.

Abenshi muri aba birukanwe bakoraga utuzi duciriritse muri iyi ntara harimo guhingira abandi, gutwara imizigo n'ibindi.

Aba baturage bava mu ntara za Gitega na Karusi mu gihugu hagati ndetse n'abategetsi bavuze ko abashaka kuza kuba muri iyi ntara ya Bururi bagomba kuzana ibyangombwa bahawe n'ubutegetsi bwaho batuye byerekana ko aria bantu b'inyangamugayo.

Ikinyamakuru SOS Media cyanditse ko umupolisi wagihaye amakuru yakibwiye ko babanje kubafunga icyumweru, kuwa kane babapakira imodoka buri wese yerekezwa iwabo.

Igipolisi cy'u Burundi kivuga ko mu mezi 2 ashize muri iyi ntara habaye urugomo n'ubwicanyi ndetse abantu 10 barishwe kandi ababishe bakaba bataramenyekana kugera ubu ngo iperereza riracyakomeje, hagakekwa ko abantu baba muri iyi ntara ya Bururi batagira icyo bakora n'ikibaranga baba bihishe inyuma y'uwo mutekano muke.Mu cyumweru gishize ministre w'umutekano w'imbere mu Burundi yavuze ko ubugizi bwa nabi bubera mu ntara ya Bururi bwaburiwe izina.

The post Burundi: Abaturage 61 birukanwe mu ntara ya Bururi appeared first on FLASH RADIO&TV.

Source : https://flash.rw/2023/05/27/burundi-abaturage-61-birukanwe-mu-ntara-ya-bururi/?utm_source=rss&utm_medium=rss&utm_campaign=burundi-abaturage-61-birukanwe-mu-ntara-ya-bururi

Inkuru y'ikinyamakuru The Citizens ivuga ko uku gushyamirana kwa Polisi n'aba bucuruzi kwabereye hafi y'ishuri ribanza rya Ndurarua kuri uyu wa 26 Gicurasi 2023.

Ubwo abapolisi bageragezaga guhangana no guhosha imyigaragambyo y'aba bacuruzi bo mu mihanda, ni bwo barashe mu kirere, batangira kujugunya ibyuka biryana mu maso kuri aba bacuruzi, ari nako batwika ibicuruzwa byabo.

Muri iryo hangana, amacupa 2 yuzuye gaze yaje kujugunywa mu mu mbuga y'ishuri ahita aturika, iyi myuka ijya mu maso y'abanyeshuri n'abarimu ubwo bageragezaga gushaka aho bahungira. Abanyeshuri bagera kuri 35 nibo byatangajwe ko bataye ubwenge kubera iki kibazo.

Umuyobozi w'iri shuri witwa John Njuguna yavuze ko abanyeshuri bagizweho ingaruka n'iyi myigaragambyo bahise bajyanwa mu bitaro bitandukanye.

Yagize ati: “Abanyeshuri bagizweho ingaruka bahise bihutanwa mu mavuriro ya Mediheal, Riruta, Eagle ndetse no mu bitaro bya Melchizedek aho bari kwitabwaho.”

Njuguna yongeyeho ko ikigo cyahise gihamara ababyeyi ngo babe bajyanye abana babo mu gihe ikigo kigisana ibyangirikiye muri uku guhangana kw'abapolisi n'abacuruzi.

Source : https://umuryango.rw/amakuru/mu-mahanga/umutekano/article/kenya-police-yahanganye-n-abazunguzayi-ibatera-ibyuka-bibangamira-abanyeshuri

Daily Monitor yanditse ko uyu mugabo wahawe amazina ya Benjamin Akampa a.k.a Kyojo, akaba umuturage wo mu gace ka Kitojo Central, mu cyaro cya Buyanja, ari we wapfiririye muri kasho yo ku biro bya Polisi bya Buyanja mu buryo budasobanutse.

Umuvugizi wa Polisi mu gace ka Kigezi, Mr Elly Maate, avuga ko uyu ukwekwa yaba yarakubiswe na bagenzi be mbere y'uko afungwa, akaba aribyo byamuteye gupfa ageze kuri polisi.

Maate yongeyeho ko impamvu bamukubise ari uko yari yanze kubarangira aho televiziyo iherereye, ngo nibwo bamujyanye kuri polisi ya Buyanja ngo afungwe. Yongeraho kandi ko amakuru ava mu bo bari bafunganywe, avuga ko mbere yo gupfa yabanje kuribwa mu gifu, bikekwa ko byaba byaraterwaga n'inzoga yari yanyoye.

Umubiri we wajyanywe mu buruhukiro bw'ibitaro by'ahitwa Rwakabengo ngo harebwe neza icyo yaba yazize. Abandi bane bo bakomeje gufungwa mu gihe iperereza rigikomeje.

Source : https://umuryango.rw/amakuru/mu-mahanga/umutekano/article/uganda-yapfiriye-muri-kasho-ya-polisi-yari-imukurikiranyeho-ubujura

Umubyeyi Yolo The Queen umunyarwandakazi w'uburanga n'ikimero wamamaye cyane kubera amafoto atandukanye yagiye ashyira ku mbuga nkoranyambaga by'umwihariko instagram yitabye Imana azize uburwayi.

Amakuru yizewe UMURYANGO ufite nuko uyu mubyeyi w'imyaka 50 yitabye Imana ku munsi w'ejo tariki ya 26 Gicurasi 2023 azize uburwayi.

Kuri ubu uyu Yolo The Queen ntaragira icyo atangariza abamukurikira ku by'iyi nkuru n'akababaro yamubayeho.a

Yolo The Queen yatangiye kuvugwa cyane muri 2020 ,ni nyuma y'uko yari amaze gushyira ku rukuta rwe rwa Instagram ifoto hejuru nta kintu yambaye uretse udupfukamunwa yari yapfukishije amabere.

Uyu mukobwa ufite ikibuno kinini gitangarirwa na benshi ariko gikurura abagabo kugeza naho umuhanzi Drake wo muri Leta Zunze Ubumwe z'Amerika yigeze kugaragaza amaragamutima kuri we, aho byagiye bigaragara ko hari ubutumwa yagiye yandikirana na Yolo.

Yolo ni umwe mu bakobwa bake b'abanyarwanda bigaragaje ku mbuga nkoranyambaga ko bakunzwe n'ibyamamare ku Isi,nyuma ya ShaddyBoo na Kate Bashabe,nkuko nabo byagiye bigaragara ko bakundwa n'ibyamamare byiganjemo n'abakinnyi bo mu makipe y'umupira w'amaguru akomeye ku Isi.

Source : https://umuryango.rw/imyidagaduro/article/nyina-wa-yolo-the-queen-yitabye-imana

Madamu Jeannette Kagame yakomeje abahuye n'ibiza mu Ntara y'Uburengerazuba, Amajyaruguru n'Amajyepfo, byaturutse ku mvura yaguye mu ntangiriro z'uku kwezi, abagenera ubutumwa bwo kubihanganisha.

Ni impanuro Madamu Jeannette Kagame yatanze kuri uyu wa Gatanu tariki 26 Gicurasi 2023. Mu karere ka Ngororero, ibiza byahitanye abantu 23, hakomereka bane, inzu 256 zisenyuka burundu izindi 324 zisenyuka igice, ni mu gihe izindi 831 ziri ahantu hateza ibibazo abazituyemo. Imiryango 864 igizwe n'abantu 3,559 icumbikiwe kuri site 14 zirimo amashuri, insengero n'ahandi.

Madamu Jeannette Kagame yaganirije anafata mu mugongo abagize ibyago byo kubura ababo mu biza, asura abana bo mu irerero bazanye n'ababyeyi babo bavanywe ahashyiraga ubuzima bwabo mu kaga.

Ati 'Birasanzwe mu muco wacu kuba hafi y'uwagize ibyago. Natwe nk'ababyeyi uyu munsi twabazaniye ubutumwa bwo kubakomeza, mukomere kandi mukomeze kwihangana. Iteka kubura uwawe mu buryo nk'uko byagenze bishengura imitima, ababuze ababo mukomere mwihangane kandi turabizeza ko turi kumwe namwe'.

Yabashimiye ko bakomeje kwihangana mu bihe bigoye kandi bakaba bakomeje kwishakamo ibisubizo, ubuzima bukaba bukomeje kugaruka.

Madamu Jeannette Kagame yashimiye ababaye hafi abahuye n'ibiza bakabatabara avuga ko 'ubusanzwe kuva kera ubumuntu no gutabara ari indangagaciro z'umunyarwanda' kandi n'ibibazo by'ibiza byagwiriye u Rwanda ruzabitsinda.

Ati 'Igihugu cyacyu cyanyuze mu bihe bikomeye nka Covid-19, byatweretse ko dukwiye guhora twiteguye guhangana n'ibibazo bitandukanye byibasira Isi dutuyemo. Nk'uko twatsinze urugamba rwa Covid-19 uru na rwo tuzarutsinda kuko dufite ubuyobozi bwiza, tuzarutsinda kuko dufite ubuyobozi bwita ku baturage babwo'.

Madamu Jeannette Kagame yasabye abaturage kongera gutekereza ku muryango, kwita ku buzima bw'abagize umuryango cyane cyane abana bato, abafite ubumuga, ababyeyi, abakuze ndetse n'abagize ihungabana.

Yibukije ko Akarere ka Ngororero kazwiho kweza no gukunda umurimo, ariko hari ikibazo cy'igwingira ry'abana, abasaba ubufatanye mu guhangana n'iki kibazo.

Ati 'Munyemerere mbasabe ko hashyirwaho ingamba zihamye zo kurwanya igwingira dushishikariza ababyeyi kugaburira abana indyo yuzuye, kwita ku isuku mu ngo zacu ndetse no ku mubiri'.

Ubushakashatsi bwakozwe ku buzima n'imibereho by'abaturage RDHS (Rwanda Demographic and Health Survey) bwakoze n'Ikigo cy'Igihugu cy'Ibarurishamibare [NISR] mu 2020, bwerekana ko 33% by'abana bari munsi y'imyaka itanu mu Rwanda bafite ikibazo cyo kugwingira.

Akarere kaza inyuma y'utundi kuri ubu ni Ngororero 50,5%, Nyabihu 46,7%, Rutsiro 44,4%, Rubavu 40,2%, Gakenke 39,3%, Nyaruguru 39,1%, Ruhango 38,5%, Nyamagabe 33,6%, Karongi 32,4%, Rusizi 30,2%, Huye 29,2%, Kayonza 28,3% na Bugesera yari ifite 26,1%.

Intara y'Uburengerazuba hari site 53 ziriho abakabakaba ibihumbi 16 bibasiwe n'ibiza by'imvura yaguye mu ijoro ryo kuwa 2 rishyira kuwa 3 Gicurasi 2023.

Umwe mu bagizweho ingaruka n'ibiza, Vedaste Nzahumunyurwa wo mu Murenge wa Kavumu uri kuri site ya Muteke, yavuze ko yasenye inzu, inkangu ziracika, abantu barapfa, abandi bacura imiborogo.

Yashimiye uburyo Leta y'u Rwanda yahumurije abagizweho ingaruka n'ibiza, hatunganywa imihanda kugira ngo ubutabazi bwihuse bubagereho n'ibiryo bikabageraho byihuse.

Minisitiri w'Ubutegetsi bw'Igihugu, Musabyimana Jean Claude, yashimiye Umuryango Imbuto Foundation watanze inkunga yo kwita ku bana bari munsi y'imyaka itanu bari muri za Site, aho muri Ngororero hari abana 345.

Leta yahise igoboka abaturage bahuye n'ibiza, ibaha ibiryamirwa, ibiryo bigenewe abagore batwite ndetse n'abana, tubaha ibikoresho by'isuku n'ibindi kuko ibindi byari byatwawe n'ibiza.

Minisitiri Musabyimana yavuze ko ibiza byabaye ariko ubu leta iri gutegura uburyo abaturage bose bahuye n'ibiza basubira mu buzima busanzwe no kububakira, aho imiryango isaga 7000 igiye kubakirwa ku ikubitiro.

Ati 'Ubu kugeza uyu munsi Site bazubakirwaho bose zaramenyekanye ndetse n'imiryango 7909 igomba kubakirwa mu turere twa Rubavu, Rutsiro, Karongi, Ngororero, Nyabihu na Burera yose turayizi, twose turayizi tukaba tuzahera ku miryango ifite ubushobozi buke kurusha iyindi ariko imiryango yose izafashwa kubona aho gutura'.

Mu karere ka Ngororero, abahuye n'ibiza bahawe ibiribwa bigizwe na kawunga ibilo birenga ibihumbi 56, ibishyimbo ibilo birenga ibihumbi 33, umuceli, shisha kibondo, ibisuguti, amagi, isukari n'ibindi.

Muri aka karere ibiza byishe amatungo 182 arimo inka 11, intama 14, ihene 41, ingurube 19, inkwavu 73 n'inkoko 24. Ubuso bw'imyaka yangiritse ni hegitari 897,13, imihanda yangiritse ni itandatu ariko ubu yose yabaye nyabagendwa. Ibiraro byangiritse ni 14, amapoto ni icyenda n'imiyoboro y'amazi umunani.

Source : https://umuryango.rw/amakuru/mu-rwanda/article/ifoto-y-icyumweru-madamu-jeannette-kagame-yasuye-ababyeyi-bagizweho-ingaruka-n