Author: webrwanda

Ni inama yitezweho gutanga umurongo ku mutekano muke ukomeje kuvugwa mu burasirazuba bwa RDC no gushyira umucyo cyangwa kugenzura umusaruro w'ingabo za EACRF ibi bihugu byohereje mu burasirazuba bwa Congo.

Birashoboka ko kandi bagaruka no ku makuru amaze iminsi ahwihwizwa ku kohereza ingabo za SADC mu burasirazuba bwa RDC , ubufatanye bwazo n'ingabo z'ibihugu bya Afurika y'iburasirazuba.

Ikindi nanone umuntu yakwitega kuri iyi nama ni ukurebera hamwe imyanzuro yashyizweho n'abakuru b'ibi bihugu ku kubahiriza amasezerano y'amahoro hagati ya RDC na M23 yemeye kurekura tumwe muduce yafash ngo ihabwe amahirwe yo gushyikirana n'ubutegetsi bw'igihugu bakomokamo cya RDC

Iheruka yabaye tariki 4 Gashyantare 2023, igamije gusuzumira hamwe ibijyanye n'umutekano mu Burasirazuba bwa Repubulika Iharanira Demokarasi ya Congo nka kimwe mu bihugu binyamuryango byugarijwe n'intambara mu karere.

Source : https://umuryango.rw/amakuru/mu-rwanda/politiki/article/minisitiri-w-intebe-dr-ngirente-yitabiriye-inama-ya-21-idasanzweze-i-bujumbura

Umuyobozi wa Umwalimu Sacco, Uwambaje Laurence yemeje iby'aya makuru avuga ko Umwalimu Sacco Ishami rya Gatsibo mu Murenge wa Kabarore mu Ntara y'Iburasirazuba yibwe. 

Yagize ati: “Amakuru avugwa ni ukuri Umwalimu Sacco wibwe, ariko nta muntu wo hanze watwibye, ahubwo umwe mu bakozi bacu ni we watwibye.”

Umuvugizi w’Urwego rw’Igihugu rw’Ubugenzacyaha (RIB), Dr Murangira B. Thierry nawe yatangaje ko hibwe Miliyoni 37, akibwa taliki 26 Gicurasi 2023, bikaba bicyekwa ko yibwe n’umucungamutungo Mukabaramba Françoise wari wasigariyeho umuyobozi wa Sacco.

Ubwo amakuru yamenyekanaga iperereza ryahise ritangira, hafatwa Manager Umuhoza Jacqueline ufungiye kuri sitasiyo ya Kabarore. 

Biravugwa ko ubwo byabaga, Umuhoza Jacqueline yari ari muri konje, naho Mukabaramba Françoise uri gushakishwa biravugwa ko yaba yaragiye mu gihugu cya Uganda anyuze ku mupaka wa Kagitumba.

Umuturage waganiriye na InyaRwanda.com witwa John Kanyaruguru yavuze ko ubwo yajyaga gusaba serivise ari bwo yabimenye kuko bagenzi be bari bagiye gusaba inguzanyo bari bamaze guhakanirwa. 

Ati: 'Nari ngiye gusaba serivice ku Mwalimu Sacco wa Gatsibo, ngezeyo nsanga bagenzi banjye bari baje gusaba inguzanyo bazimwe kubera ko hari ikibazo cy'uko Sacco yibwe ariko batarabibwirwa. Nyuma ni bwo babitubwiye rero bavuga ko bakwihangana bigakemurwa'.

Source : https://inyarwanda.com/inkuru/129968/gatsibo-umukozi-wa-umwalimu-sacco-birakekwa-ko-yibye-miliyoni-37-frw-agahita-atoroka-129968.html

Minisitiri w'Intebe Dr. Ngirente yageze i Bujumbura mu Burundi, aho yitabiriye Inama ya 21 idasanzwe y'Abakuru b'Ibihugu bigize Umuryango wa Afurika y'Iburasirazuba (EAC).

The post Minisitiri Ngirente yageze i Burundi mu nama ya EAC appeared first on FLASH RADIO&TV.

Source : https://flash.rw/2023/05/30/minisitiri-ngirente-yageze-i-burundi-mu-nama-ya-eac/?utm_source=rss&utm_medium=rss&utm_campaign=minisitiri-ngirente-yageze-i-burundi-mu-nama-ya-eac

Umunyamakuru akaba n'umushyushabirori Anita Pendo, yavuze ukuntu yigeze kwangira mugenzi we Tidjara Kabendera gukora ubukwe inshuro ebyiri we nta narimwe arabukora.

Usanzwe Anita ni umubyeyi w'abana babiri, ariko akaba akunda kwiyita umukobwa w'irwanyeho, yavuze ko mu gihe Tidjara Kabendera yamuhamagaraga amubwira ko agiye muri Tanzania gukora ubukwe n'umugabo we babana, Anita amubwira ko ataribubyemere.

Mu kiganiro aba bombi baherutse kugirana na Chita Magic, basobanuye urugendo rw'ubuzima bwabo kuva bamenyana muri 2006, aho ngo banyuranye muri byinshi kugeza ubwo nta gihe umwe yigeze agira ibyo ahisha mu genzi we.

Tidjara yavuze ko mu gihe cyashize yakoze ubukwe ariko benshi babibona ku mbuga nkoranyambaga batazi uburyo bwabayemo. Ngo ajya kubukora yari yabanje kubwira Anita ko agiye kujya muri Tanzania gukora ubukwe.

Mu gusubiza Anita yagize Ati 'Ariko mami oya man ibi ntabwo bibaho unkoreyeho turu (Tour) ubukwe kabiri njye nta narimwe.

Icyo gihe ngo Anita yabanje kumwangira amubwira ko adakwiye kubukora inshuro ebyiri nyamara we nta narimwe arabukora.

Aba bombi batangaza ko nyuma yo kumenyana hari byinshi umwe yigiye ku wundi, ariko by'umwihariko Anita akaba afata Tidjara nk'umubyeyi we. Bitewe n'imiterere karemano yabo, bavuga ko ubwo batangiraga ibikorwa by'itangazamakuru, benshi batangiye kujya babitiranya bakabibeshyaho ko baba bakoresha ibiyobyabwenge.

Anita Pendo na Tidjara Kabendera ni inshuti kuva cyera. Tidjara na Anita ubushuti bwabo bwakomeye ubwo bahuriraga muri RBA mbere y'uko Tidjara asezera agakomeza indi mirimo.

Source : https://yegob.rw/yanze-ko-akora-ubukwe-byinshi-ku-bushuti-bwa-anita-pendo-na-tidjara-kabendera/

Umutoza w'ikipe ya APR FC, Ben Moussa yavuze ko bitarangiriye ku gutwara igikombe cya shampiyona ahubwo urugamba rukomereje i Huye ku mukino wa nyuma w'igikombe cy'Amahoro bazahura na Rayon Sports.

Ben Moussa yavuze ko nyuma yo kwegukana igikombe cya shampiyona agomba kwegukana n'igikombe cy'Amahoro cya 2023.

Ati 'Imikino yose irakomeye kuri twe, tugiye gutegura umukino wacu cyane cyane mu mutwe kuko iki gikombe ugomba kugitsinda mu gihe umeze neza mu mutwe. Ngomba gutwara iki gikombe cya kabiri kuko ni ingenzi kuri njyewe, urugamba ntirurarangira.'

Ni umukino uzaba kuri uyu wa Gatandatu tariki ya 3 Kamena 2023 kuri Stade ya Huye aho APR FC izaba ahatana na Rayon Sports ku mukino wa nyuma w'igikombe cy'amahoro.

 

Source : https://yegob.rw/ben-moussa-yatangiye-guhabya-murera-umutoza-wa-apr-fc-mu-butumwa-yatanze-ntacyo-yijeje-ikipe-ya-rayon-sports/

Rutahizamu w'ikipe ya Rayon Sports Leandre Willy Essombe Onana ubwe yatangaje akayabo k'amamiliyoni yasabye kugira ngo akinire Amavubi.

Mu kiganiro yagiranye na radiyo BB Umwezi, Onana yavuze yo yasabye guhabwa miliyoni 80 z'amanyarwanda kugira ngo akinire Amavubi.

Yagize ati 'Ntabwo nanze gukinira u Rwanda, ni ukumbeshyera. Gusa hari ibyo nasabye ko nabona nkafata umwanzuro wanjye, nkakinira u Rwanda.

Abajijwe amafaranga yasabye kugira ngo akinire Amavubi, Onana yagize ati' Nasabye amadorari ibihumbi 80 gukinira Amavubi.' Angana nka miliyari 80 zirengaho z'amanyarwanda.

Ni mu gihe muri iki gitondo cyo kuri uyu wa Kabiri tariki 30 Gicurasi 2023, umutoza Carlos Alós Ferrer w'Amavubi yari yatangarije Radio/Tv1 ko Onana yabateye utwatsi.

Source : https://yegob.rw/yifuza-akayabo-kamamiliyoni-rutahizamu-leandre-onana-yavuze-umubare-wamafaranga-yasabye-kugira-ngo-akinire-amavubi/

Rutahizamu w'ikipe y'igihugu y'u Bubiligi na Inter de Milan yo mu Butaliyani Romelu Lukaku Bolingoli, bikekwa ko ari mu munyenga w'urukundo nyuma yo kugaragara ari kumwe n'umuraperikazi w'Umunyamerika Megan Thee Stallion.

Aba bombi bagaragaye bahuje urugwiro mu bukwe bwa mugenzi wa Lukaku, Lautaro Martinez bakinana mu Butaliyani bwabaye kuri uyu wa Mbere.

Gusa ntabwo biramenyekana niba bombi baritabiriye ubu bukwe nka couple gusa bose baheruka gutandukana n'abakunzi babo.

Lukaku aheruka gutandukana na Sarah Mens mu gihe Megan yatandukanye na Pardison Fontaine na we usanzwe ari umuhanzi.

Source : https://yegob.rw/bose-ni-abagwizatunga-rutahizamu-romelu-lukaku-aravugwa-mu-rukundo-numuhanzikazi-ufite-ubwiza-buhebuje-megan-stallion-amafoto/

Itsinda ry'abantu 11 bavuga ko ari impirimbanyi z'uburenganzira bwa muntu muri Uganda, baregeye urukiko ririnda itegeko nshinga barusaba gutesha agaciro itegeko rihana abaryamana bafite ibitsina biteye kimwe ryasinywe na perezida Museveni kuri uyu wa Mbere tariki 29 Gicurasi 2023.

Aba bantu bandikiye urukiko barimo abanyamategeko, abadepite, abanyamakuru, impirimbanyi z'uburenganzira bwa muntu ndetse n'abaharanira ukwigira kwa Afrika nk'uko ikinyamakuru The Observer cyabyanditse.

Iri tegeko ryavumiwe kugahera n'amahanga cyane cyane Amerika ryanatumye hari ibihano birimo kwimwa vizabifatirwa bamwe mu bategetsi ba Uganda, ririmo ingingo ziremereye nk'igihano cy'urupfu kubazafatirwa mu bikorwa ndengakamere by'ubutinganyi.

Umunyamatgeko w'iri tsinda ry'impirimbanyi yavuze ko bareze kuko itegeko riremereye nk'iri ryatowe nta kuganiriza abaturage kwabayeho ngo buri wese agaragaze aho ahagaze,bakavuga ko bihabanye cyane n'ibiteganwa n'itegeko nshinga rya Uganda. Izi mpirimbanyi zirasaba ko iri tegeko riteshwa agaciro uko ryakabaye kuko ryatowe mu buryo butubahirije amategeko.

Nubwo izi mpirimbanyi zaryamaganye ariko ubu perezida Museveni ngo ari ku ibere kuri bamwe mu banyamadini akomeye muri Uganda, kuko banejejwe no kuba yarisinye agaca icyo bita akajagari no kurengera umuco kuko ubutinganyi ari ikibazo kubana bakibyiruka nk'uko ikinyamakuru Daily Monitor cyabyanditse.

Ibihugu nka Amerika byifatiye ku gahanga Uganda kubera iri tegeko ndetse nk'ubu ikinyamakuru Quartz cyanditse ko perezida wa Amerika Joe Bidden yasabye mugenzi we wa Uganda Yoweli Kaguta Museveni kwisubiraho kuri iri tegeko, kuko ari uguhonyora uburenganzira bwa muntu ku rugero rutigeze rubaho.

Uyu mutegetsi wa Amerika wamaze gukuraho viza ku bategetsi ba Uganda yavuze ko iri tegeko Kampala yasinye rizagira ingaruka ku baturage ba Uganda n'abisi yose muri rusange udasize abadipolomate ba Amerika, abakerarugendo n'abashoramari. Perezida Biden avuga ko ubu inzirakarengane muri Uganda zitakibashije kujya kwa muganda kuko ntawaziha servisi cyangwa se ahahurira abantu benshi kuko ubutegetsi bwamaze kubangisha abantu.

The post Uganda: Impirimbanyi z'uburenganzira bwa muntu zasabye urukiko  gutesha agaciro itegeko rihana abatinganyi appeared first on FLASH RADIO&TV.

Source : https://flash.rw/2023/05/30/uganda-impirimbanyi-zuburenganzira-bwa-muntu-zasabye-urukiko-gutesha-agaciro-itegeko-rihana-abatinganyi/?utm_source=rss&utm_medium=rss&utm_campaign=uganda-impirimbanyi-zuburenganzira-bwa-muntu-zasabye-urukiko-gutesha-agaciro-itegeko-rihana-abatinganyi

Bisa n’aho Léandre Onana atagikiniye ikipe y’igihugu y’u Rwanda, Amavubi, ni nyuma y’uko banze gutanga amafaranga yabasabye.

Léandre Onana uri ku mpera z’amasezerano ye muri Rayon Sports, ni umukinnyi wifuzwaga n’u Rwanda ngo abe yaza kongera imbaraga ze mu ikipe y’igihugu Amavubi, ndetse yagiye abonana n’umutoza w’ikipe y’igihugu mu bihe bitandukanye ndetse na FERWAFA abereka ibyo yifuza ngo abe yakinira u Rwanda.

Uyu mukinnyi yemereye B&B FM ko atanze gukinira Amavubi ahubwo hari ibyo batumvikanyeho aho bamwimye amafaranga yasabye.

Ati “Ntabwo nanze gukinira u Rwanda barambeshyera, gusa hari ibyo nanasabye nabona nkafasha umuryango wanjye nkakinira u Rwanda. Nasabye ibihumbi 80 by’amadorali. “

Bivugwa ko uyu mukinnyi yatanze amahitamo 2, yo kuba u Rwanda rwagurira umuryango we inzu muri Cameroun mu Mujyi wa Yaounde we akaba yahabwa ibihumbi 20 by’amadorali, ni ukuvuga amafaranga y’u Rwanda arenga miliyoni 20.

Ibi bitakunda akaba yahabwa ibihumbi 80 by’amadorali (arenga miliyoni 80 z’amafaranga y’u Rwanda) ubundi akirwariza.

Amakuru avuga ko iki cyifuzo FERWAFA na Minisiteri ya Siporo bacyanze, bavuga ko batamuha amafaranga angana atyo, bivugwa ko bo bemeraga kumuha ibihumbi 20 by’amadorali gusa.

Léandre Onana avuga ko yimwe amafaranga kugira ngo akinire Amavubi

Source : http://isimbi.rw/siporo/article/u-rwanda-rwateye-utwatsi-icyifuzo-cya-onana-leandre-wifuzaga-akayabo

Nyuma y'igihe kitari gito Sheebah Karungi na mugenzi we Spice Diana batawubanye, bongeye guhuza. Ku wa 05 Gicurasi uyu mwaka, ni bwo abafana ba Sheebah Karungi na Spice Diana batunguwe no kubona aba bombi bari kubyinana, ibintu bumvaga ko bidashoboka.

Bongeye gutungurwa kandi no kubabonana muri komite nyobozi y’ihuriro ry’Abahanzi muri Uganda rya Uganda National Musicians Federation (UNMF).

Sheebah Karungi muri iri huriro riyobowe na Eddy Kenzo akaba ari Visi Perezida wa mbere naho Spice Diana akaba deputy vice president.

Kuri Sheebah, asanga ngo we Diana gukorera hamwe ari byo bifite akamaro kanini kuruta kuba buri wese yakora ibye.

Sheebah yatangaje ko we na Spice Diana nta kibazo bafitanye kandi ko bagiye gukorana

Kandi ngo asanga atari ngombwa ko bemeranya kuba inshuti kugira ngo bakorere hamwe, ahubwo ngo inyungu zirahagije ngo zibahuze.

Ati “Nk’Abanyamuziki nta mpamvu yo kuba wagirana ikibazo na mugenzi wawe. Diana nta kintu na kimwe yankoreye kandi nanjye ntacyo namukoreye, ahubwo amakimbirane ari hanze mu bafana bacu naho ubundi twe nta kibazo dufitanye.”

Sheebah avuga ko abafana babo aribo baremereje ibintu hagati yabo

Agaruka ku ihuriro ryabo, akaba yaravuze ko bicaye bagasanga nta kibazo kiri hagati yabo ahubwo ikibazo ari abantu bashaka kwiba amafaranga y’abandi mu muziki.

Ikindi kandi ngo intego yabo nk’ihuriro, ni ukurwanya gushishura indirimbo no gushyiraho amabwiriza akomeye. Yanavuze ko hari ibibazo bishaka kubavangira ariko ko bagomba ku byirengagagiza bakibanda ku ntego yabo nyirizina.

Hari hashize igihe Sheebah na Spice badacana uwaka

Ati “Dukeneye gushyira ibidutandukanya ku ruhande. Ntabwo dukeneye kuba inshuti kugira ngo dukorere hamwe, ahubwo dukwiye gukora kugira ngo tugere ku ntego imwe n’inyungu za twese ndetse n’inyungu z’abana bacu ejo hazaza.

Source : https://inyarwanda.com/inkuru/129950/sheebah-agiye-gukorana-na-spice-diana-nyuma-yigihe-badacana-uwaka-129950.html