Author: webrwanda

Mu rwego rwo korohereza abaturage kugura bicuruzwa bimwe na bimwe by'ingenzi, u Rwanda rwemerewe guca imisoro ya gasutamo iri munsi y'iya EAC.

Umuceri utumizwa mu mahanga uzishyura amahoro ya gasutamo ku gipimo cya 45% cyangwa amadorali y'amerika 345 kuri toni aho kwishyura 75% yishyurwa muri EAC;

Isukari izishyura amahoro ya gasutamo ku gipimo cya 25% aho kuba 100% cyangwa amadorali y'amerika 460 kuri toni.

Amafi atumizwa hanze ya EAC azajya yishyura 25% aho kuba 35% yishyurwa muri EAC.

Ibicuruzwa bitumizwa mu mahanga bicururizwa mu iguriro ryashyiriweho abakora mu nzego z'umutekano (Army Shop) nta amahoro ya gasutamo bizishyura aho kwishyura 25% yishyurwa muri EAC.

Imashini zikora imihanda nta amahoro ya gasutamo zizishyura aho kwishyura 10%.

Imodoka zitwara imizigo ku bushobozi buri hejuru ya toni 5 ariko butarengeje toni 20 nta amahoro ya gasutamo zizishyura aho kwishyura 25%;

Imodoka zitwara imizigo ku bushobozi burenze toni 20 nta amahoro ya gasutamo zizishyura aho kwishyura 25%.

Imodoka zitwara abagenzi ku buryo bwa rusange bari hejuru ya 25 zizishyura amahoro ya gasutamo ku gipimo cya 10% aho kwishyura 25%.

Imodoka zitwarira hamwe abagenzi 50 n'abari hejuru nta amahoro ya gasutamo zizishyura aho kwishyura 25%.

Imashini nini n'ibikoresho by'ibanze bikoreshwa mu budozi bw'imyenda n'inkweto nta amahoro ya gasutamo bizishyura aho kwishyura 10%;

Ibikoresho by'itumanaho nta amahoro ya gasutamo bizishyura aho kwishyura 25%.

Ibicuruzwa biri ku rutonde rw'ibikoresho by'ibanze bikenerwa mu nganda (raw materials) nta amahoro ya gasutamo bizishyura aho kwishyura aho kwishyura 10% cyangwa 25%.

Ibikoresho byifashishwa mu guhererekanya amafaranga mu buryo bw'ikoranabuhanga (amakarita ya za banki, utumashini dukoreshwa n'abacuruzi mu kwishyurwa) nta amahoro ya gasutamo bizishyura aho kwishyura aho kwishyura 25%.

Amavuta yo guteka azishyura umusoro wa 25% aho kwishyura 35%.

Source : https://umuryango.rw/amakuru/mu-rwanda/ubukungu/article/leta-y-u-rwanda-yagabanyije-amahoro-ya-gasutamo-kuri-bimwe-mu-bicuruzwa

Rutahizamu wa PSG,Neymar Jr nyuma yo kwamaganwa n'abafana b'iyi kipe yamaze guhishura ikipe y'amahitamo ye muziri kumwifuza.

Neymar Jr ni umukinnyi mpuzamahanga ukomoka mu gihugu cya Brazil. Uyu mukinnyi amaze iminsi atavugwa ku isoko ry'igura n'igurisha gusa ikizwi ni uko azava Muri Paris Saint-Germain.

Mu mezi abiri ashyize, Neymar Jr yatewe iwe mu rugo n'abafana ba Paris Saint-Germain bamusaba ko yabavira mu ikipe.

Neymar Jr ashinjwa kuba ntacyo afasha ikipe ya Paris Saint-Germain kuko ngo iyo bigeze ahakomeye uyu mukinnyi ahita avunika. Ibi bikarushaho gushavuza abakunzi ba Paris Saint-Germain kubera Umushahara uyu mukinnyi ahembwa.

Nk'uko tubicyesha ubuyobozi bw'iyi kipe, bwavuze ko butazakomezanya na Neymar Jr umwaka w'imikino utaha. Igisigaye ni ukugurisha uyu mukinnyi mu makipe amwifuza.

Neymar Jr ubu afite amahitamo menshi ku makipe amwifuza. Manchester United na Newcastle United zo mu Bwongereza .Andi mahitamo ya Neymar Jr, Hari amakipe yo muri Arabia Saudite yatangiye ku munuganuga kub uryo nawe dushobora kubona ateye ikirenge mu cya Ngolo Kante, Karim Benzema na Cristiano Ronaldo.

Nk'uko tubicyesha ikinyamakuru The Sun, kivuga ko Neymar Jr we yamaze guhitamo ikipe azajyamo. The Sun ivugako Neymar Jr yavuze ko yishyimiye kuzaba akinira kuri Old Trafford umwaka w'imikino utaha.

Source : https://umuryango.rw/imyidagaduro/imikino/article/neymar-yamaze-guhishura-ikipe-azakinira-nyuma-yokwamaganwa-muri-prg

Rutahizamu w'ikipe ya Real Madrid n'ikipe y'igihugu ya Brazail Vinicius Aliveiro Junior , nyuma y'irondaruhu aheruka gukorerwa n'abakinnyi ndetse n'abafana,yatorewe umwanya w'ubuyobozi ukomeye, aho azaba ashinzwe kurwanya ivanguraruhu mu mupira w'amaguru ku Isi.

Mu minsi ishize nibwo ikipe ya Real Madrid yakinaga n'ikipe ya Valencia muri Shampiyona y'igihugu cya Esipannye ,yaje gukorerwa irodaruhu(Racism) ndetse bisa nk'ibishimagiwe n'ubuyobozi bwa Shampiyona ntibwagira icyo bubikoraho nubwo nyuma bwaje kumusaba imbabazi ari byasaga nkaho byaragiye.

Icyo gihe abafana b'ikipe Valencia yari iri mu rugo baririmbye indirimbo zumvikanamo inkende ndetse n'ibindi bijyanye n'ivanguraruhu barangiza bakabwira Vinicius ko ariwe bari kubibwira.

Uyu mukinnyi yahise arakara ashaka kujya kurwana nabo ariko abakinnyi bagenzi be baramufata.

Nyuma y'umukino Vinicius yagiye ku mbuga nkoranyambaga ze yandika amagambo akomeye cyane yerekana ko shampiyona ya Espagne yabaye iy'irondaruhu dore ko atari n'ubwa mbere yari abikorewe.

Abantu benshi bakomeye ku Isi bahise batangira kwereka urukundo rudasanzwe uyu mukinnyi, yaba ku mbuga nkoranyambaga ndetse n'ahandi.

Muri abo bantu hari harimo na Perezida wa FIFA, Giani Infatino, wamugeneye ubutumwa butandukanye ndetse habaho no guhura hagati yabo.

Kuri ubu Giani Infatino yatangaje ko Vinicius Junior ariwe ugiye kuyobora itsinda ry'abakinnyi bazajya bashyiraho ibihano ndetse bagafata n'imyanzuro mu gihe habayeho ivanguraruhu muri ruhago.

Usibye ibyo kandi uyu mugabo uyobora impuzamashyirahamwe y'umupira w'amaguru ku Isi (FIFA) yavuze ko ubu bagiye kurwana cyane n'ikibazo cy'ivanguraruhu mu buryo bukomeye dore ko noneho iki gikorwa nikizajya kigaragara umukino ugomba kuzajya uhita uhagarikwa.

Source : https://umuryango.rw/imyidagaduro/imikino/article/nyuma-yogukorerwa-irondaruhu-rikabije-vinicius-yatorewe-umwanya-ukomeye-ku-isi

Bamwe mu baturage bo mu karere ka Musanze bahangayikishijwe cyane n'inyamaswa zo mwishyamba rya Gishwati , bivugwa ko ziri gufata abagore ku ngufu.

Ni inyamaswa zizwi 'nk'Ibitera' zikunze kuboneka mu ishyamba rya Gishwati ziri gutoroka iyo pariki ,zikirara mu baturage bo mu duce dutandukanye mu karere ka Musanze ndetse imwe murizo ikaba imaze iminsi itanu iri mu baturage.

Umuturage witwa Nyiramigisha Pelagie waganiriye na yatangaje ko iyo nyamaswa yayiboneye n'amaso ye, ubwo yerekezaga mu kigo cya Gisirikare Rwanda Peace Academy.

Yagize ati 'Ni ikinyamaswa gifite amabuno manini nkay'Abantu cyambaye ubusa,nakibonye cyiri kwerekeza mu Kigo cya Gisirikare Rwanda Peace Academy,abantu bari kuvugako Kiri gufata abagore ku ngufu ariko abo gifashe bakabigira ibanga. Duhangayikishijwe nacyo kuko imyaka yacu iheze mu mirima turi gutinya kujyayo.'

Nyiransabimana nawe wo mu Murenge wa Muhoza yabwiye yatangaje ko ari Inyamaswa 2 imwe yerekeje mu Murenge wa Muko indi mu ma saa10h z'amanywa ku ya 14 Kamena 2023 ikazamuka ahitwa muri Bugese yerekeza mu Murenge wa Muhoza.

Ati'Mukanya saa 10h nayibonye izamutse Bugese yerekeza mu Mujyi wa Musanze,iraduhangayikishije cyane ,kuko ngo iri gufata abagore ku ngufu,biteye ubwoba cyane,mudukorere ubuvugizi bayisubize aho iwanyu igomba kuba.

Umunyamabanga nshingwabikorwa w'Umurenge wa Muko Bwana Bisengimana Janvier yemeje aya makuru , avuga ko iyi nyamaswa yagaragaye mu Murenge abereye umuyobozi nko mu misi 5 ishize ,icyakora ngo nta muturage uragaragaza ko yafashwe ku ngufu n'iyi Nyamaswa ahubwo ko biri kuvugwa mu baturage .

Ati'Nibyo Koko iyo Nyamaswa yitwa Igitera yageze mu Murenge wa Muko,ishobora kuba imaze imisi igera kuri 5,nta muturage uratugezaho icyibazo cyuko iyo Nyamaswa yo mwishyamba rya Gishwati yatorotse yaba yamufashe ku ngufu,twagejeje ikibazo ku nzego zibishinzwe dutegereze ikirakorwa.'

Abaturage bakaba bagirwa inama ko uwafatwa ku ngufu n'iyi nyamaswa, yakwihutira Kwa Muganga akitabwaho mu rwego rwo ndetse ko batagomba kunyura ahashyira ubuzima bwabo mu kaga birinda kunyura ahantu hatari abantu.

Source : https://umuryango.rw/amakuru/mu-rwanda/article/musanze-inyamaswa-zifata-abagore-ku-ngufu-zikomeje-guteza-ikibazo

Umucuranzi w'imyaka 25 w'ahitwa Kitwe muri Zambia yaciye ibintu nyuma yo gushinjwa gusambanya abayoboke b'idini akoreramo umurimo bikagera ubwo atera inda 6 muri bo.

Uyu mugabo uzwi nka Apostle Sesa,ari kuvugwa cyane hirya no hino nyuma yo gutera inda abakobwa 6 bo mu itorero akoreramo umurimo barimo umwe usanzwe afite umugabo bashakanye byemewe n'amategeko.

Amakuru aravuga ko aba bakobwa bose yateye inda bari basanzwe bari mu itsinda rishinzwe kuramya no guhimbaza Imana.

Nyuma y'uko amakuru ahwihwishijwe ko uyu mugabo ariwe wateye inda aba bakobwa bose,mu cyumweru gishize abagize iri torero bahise baterana basaba uyu mugabo ibisobanuro ndetse banareba niba bamuhagarika ku murimo wo gucuranga.

Umwe muri aba bakobwa utwite inda y'uyu mucuranzi yavuze ko rimwe na rimwe uyu mugabo yajyaga abakora ku mabuno bari mu guhimbaza Imana.

Uyu nawe yabwiye itorero ko aba bakobwa yasambanyije akabatera inda nabo babishakaga kuko ngo rimwe na rimwe begeraga aho yacurangiraga ndetse ngo yabakoraga ku mabuno abigizayo ngo baticara ku byuma.

Pasiteri w'urusengero yahise ahagarika uyu mucuranzi mu gihe bamwe muri aba bagore bamureze mu nkiko.

Source : https://umuryango.rw/ubuzima-115/udushya/article/yakoze-amahano-mu-nzu-y-imana-umucuranzi-mu-rusengero-yateye-inda-abakobwa-6-bo

Kelvin Mandla wari umutoza ushinzwe kongerera ingufu abakinnyi ba Simba SC ari mu batoza basezerewe n’iyi kipe, akaba azasimbuzwa umunyarwanda Hategekimana Corneille.

Ikipe ya Simba SC ikaba irimo gukora impinduka aho yagiye isezerera abatoza bamwe na bamwe bayobowe n’umutoza w’abanyezamu Chlouha Zakaria.

Yatandukanye kandi na Fareed Cassiem wari physiotherapist ndetse n’umutoza wari ushinzwe kongerera ingufu abakinnyi, Kelvin Mandla.

Uyu mutoza Kelvin Mandla akaba nta gihindutse agomba gusimburwa n’umunyarwanda Hategekimana Corneille.

Hategekimana Corneille akaba amaze iminsi muri Tanzania aho yagiye mu biganiro n’iyi kipe ndetse binavugwa ko n’amasezerano yamaze kuyasinya.

Corneille wari usanzwe ari umutoza wa AS Kigali akaba yarashimwe n’umutoza mukuru wa Simba SC, Robertinho bakoranye muri Rayon Sports, akaba yarahisemo kumutwara.

Kelvin Mandla yasezerewe na Simba SC

Corneille umutoza mushya wa Simba SC ushinzwe kongerera ingufu abakinnyi

Source : http://isimbi.rw/siporo/article/simba-sc-yasezereye-umutoza-ishobora-gusimbuza-umunyarwanda

Abashakashatsi bo muri Afurika basabye Leta z'ibihugu gushyira amafaranga ahagije mubushakashatsi kumihindagurikire y'ikirere kugirango haboneke amakuru y'iteganyagihe  yizewe kandi  y'igihe kirekire bityo binafashe mu  kubaka ubuhadangarwa bw'Abanyafurika mu guhangana n'ingaruka ziterwa n'ibiza.

Byagarutsweho mu nama   iri kubera hano mu Rwanda ihuje Abashakashakatsi baturutse mubihugu bitandukanye bya Afurika aho bigira hamwe uburyo ubushakashatsi ku mihindagurikire y'ibihe bwahabwa imbaraga.

Africa ni umugabane ukunze kuzahazwa n'ingaruka z'imihindagurikire y'ikirere zirimo ,ibiza bituruka ku mvura n'izuba, . Kubwibyo ubushakashatsi kumihindagurikire y'ikirere ngo ni ngenzi cyane kugira ngo haboneke amakuru y'iteganya gihe yizewe abafasha gushyiraho ingamba zihamye zihangana n'ingaruka z'ibiza.

Prof Sam YALA Umuyobozi mukuru  w'Ikigo Nyafurika gishinzwe Ubumenyi bw'Imibare (AIMS ) aragira Ati' Afurika ni umwe mu migabane ifite igaragaza ubushobozi bucye cyane muguhangana n'ibiza biterwa n'ihindagurika ry'ikirere, ibyo ahanini bigaterwa  nuko ibyo biza biba binafite ubukana buri hejuru ,Niyo mpamvu  'Ikigo Nyafurika gishinzwe Ubumenyi bw'Imibare ,turi gushyira mubikorwa  gahunda  yo kwifashisha Ubumenyi bw'Imibare mu gushaka ibisubizo ku ihindagurika ry'ikirere'

Nubwo ibihugu bitandukanye bya Afurika  usanga bifite ibigo byubumenyi bw'ikirere bitanga amakuru y'iteganya gihe, ngo haracyari ikibazo cy'uko ibi bigo bitaragera kurwego rwo gutanga amakuru yi igihe kirekire yanatuma ibihugu bifata ingamba zigihe kirekire mu guhangana n'ingaruka zihindagurika ry'ikirere.

Dr Mouhamadou Bamba Sylla Ni umushakashatsi kumihindagurikire y'ikirere ukorana n' Ikigo Nyafurika gishinzwe Ubumenyi bw'Imibare ati' Iyo tuvuga amakuru ajyanye n'iteganyagihe ku ihidangurika ry'ikirere tugomba guteganya ayigike kirekire nkuko ibihugu usanga ibifite intego n'icyerezo byigihe kirere nkaho usanga hari ibifite icyekerezo 2020, ibindi 2050 ,ibindi 2040 n'ibindi ,tugomga no kugira amakuru yiteganyige y'igihe kirekire ukavuga uti ese ikirere kizaba kifashe gute muri 2040.'

Frank Rutabingwa Umujyanama wihariye muri Komisiyo yubukungu ya LONI ishinzwe Afurika , avuga ko ko ibihugu bya Afurika bikwiye kwishakamo amikoro yo guha imbaraga ubushakashatsi ku mihindagurikire y'ikirere kuko  ngo usanga ubukorwa ubu budafasha gufata ingamba zigihe kirekire kuko bukoresha mafaranga yabaterankunga.

Ati' Amakuru y'iteganyagihe atangwa n'abahanga batandukanye agaragaza ko ihindagurikire  ry'ikirere rizakomeza kurushaho kuba ribi kandi bigire ingaruka mbi cyane kuri Afurika kubera ko ubushyuye bw'isi burushaho kugira ingaruka kuri Afurika,bityo rero gushora imari mubushakashatsi mubumenyi bw'ikirere ni ingenzi cyane, kubera ko bizafasha kubona amakuru ya nyayo azafasha gufata ingamba zihamye'

Abashakashatsi bo mubihugu bitandukanye bya Afurika bamaze iminsi mu Rwanda biga uko ubushakashatsi kumihindagurikire y'ikirere bwahabwa imbaraga kugirango bufashe ibihugu kubaka ubuhadangarwa bw'Abanyafurika mu guhangana n'ingaruka ziterwa n'ihindagurika ry'ikirere. 

U Rwanda rwagaragaje ko rwatangiye gahunda yo kubaka ubushobzi bw'Abanyeshuri ba  za Kaminuza bafite imishinga ifasha mu gusubiza ibibazo biterwa n'imihindagurikire y'ikirere.

The post AFURIKA IRASABWA IMBARAGA MU KURWANYA IBYAKOMEZA KWANGIZA IKIRERE appeared first on FLASH RADIO&TV.

Source : https://flash.rw/2023/06/16/afurika-irasabwa-imbaraga-mu-kurwanya-ibyakomeza-kwangiza-ikirere/?utm_source=rss&utm_medium=rss&utm_campaign=afurika-irasabwa-imbaraga-mu-kurwanya-ibyakomeza-kwangiza-ikirere

Ibiro by'Ubushinjacyaha Bukuru bw'Urukiko bw'Urwego rwasigariyeho Urukiko Mpuzamahanga rwashyiriweho u Rwanda, bwasabye kujuririra icyemezo cy'urukiko kigaragaza ko Kabuga Félicien uregwa ibyaha bya Jenoside adashoboye kuburana kubera impamvu z'uburwayi.

Mu nyandiko y'amagambo 300 igizwe n'ingingo enye, Ubushinjacyaha bukuru bw'uru rukiko bwasabye ko Urukiko rukwiye gutanga uburenganzira bwo kujuririra icyemezo kigaragaza ko Kabuga atagishoboye kuburana.

Ubushinjacyaha bwavuze ko ingingo yo kugaragaza ko uregwa atameze neza ari ikintu gishobora kugira ingaruka ku migendekere y'urubanza.

Bugaragazaga ko ariko kuba icyemezo kigaragaza ko Kabuga adafite ubushobozi bwo kuburana kitumvikanyweho n'abari mu nteko iburanisha bitanga uburenganzira bwo kukijuririra.

Ubushinjacyaha bwagaragaje ko icyemezo cyagaragaje ko Kabuga adashoboye gukomeza gukurikiranwa gishobora no kwemerera Urukiko gukomeza kuburanisha Urubanza rwe.

Ikindi bwagaragaje ko Ubwunganizi bushobora gushaka uburyo bwo kujurira ariko butagendeye ku birebana n'impamvu z'ubuzima kandi ari ngombwa ko Urukiko rw'Ubujurire rushobora gusuzuma ingingo zombi zifitanye isano n'icyemezo cyafashwe.

Mu Cyumweru gishize Urwego Mpuzamahanga Rwashyiriweho Gukora Imirimo y'Insigarira y'Inkiko Mpanabyaha (IRMCT) rwemeje ko Kabuga atagifite ubushobozi bwo kuburana.

Ni icyemezo cyafashwe kubera ko ubushobozi bwe bwo gutekereza bumaze gukendera ku buryo atakibasha gusubiza neza ibyo abazwa, bitewe n'uburwayi bujyanye n'izabukuru.

Nyuma y'iki cyemezo urukiko rwanzuye ko ruzamuburanisha hashingiwe ku bimenyetso by'Ubushinjacyaha n'abatangabuhamya hagafatwa icyemezo ariko nta kumukatira cyangwa kumuhamya icyaha.

Mu ijambo yagejeje ku Kanama ka Loni ku wa 12 Kamena 2023, Umushinjacyaha Brammertz, yavuze ko icyemezo cy'urukiko atari icya nyuma, gishobora kujuririrwa.

Ati 'Icyo nabivugaho ni uko ibiro byanjye bifite icyizere ko urubanza rwa Kabuga rushobora kandi rugomba gupfundikirwa mu buryo bugendanye n'uburenganzira bw'uregwa'.

Ambasaderi w'u Rwanda muri Loni, Gatete Claver, yifashishije urubanza rwa Kabuga, aherutse kwibutsa ko guha ubutabera abazize Jenoside yakorewe Abatutsi n'abayirokotse atari urubanza gusa, ahubwo ari ubutabera butanzwe ku gihe.

Yavuze ko icyemezo ku rubanza rwa Kabuga ari 'icyemezo gishengura imitima ku barokotse Jenoside, abayizize ndetse n'Abanyarwanda bose muri rusange'.

The post Kabuga shobora kongera kwisanga mu rubanza appeared first on FLASH RADIO&TV.

Source : https://flash.rw/2023/06/16/kabuga-shobora-kongera-kwisanga-mu-rubanza/?utm_source=rss&utm_medium=rss&utm_campaign=kabuga-shobora-kongera-kwisanga-mu-rubanza

Minisiteri y'Ubuhinzi n'Ubworozi mu Rwanda (MINAGRI) yakuyeho amabwiriza yabuzaga abahinzi b'ikawa kugurisha umusaruro wabo ku nganda zose bashaka, bigatuma bamwe bacika intege zo gukomeza kwita no kubungabunga icyo gihingwa.

Mu mabwiriza mashya yashyizweho umukono na Minisitiri w'Ubuhinzi n'Ubworozi, harimo ko umuhinzi kuri ubu yemerewe kugurisha ikawa aho ashaka mu gihugu hose, mu gihe igiciro yahawe kimunyuze.

Ubusanzwe abahinzi b'ikawa mu Rwanda bagiye bagabanywamo ibice bizwi nka zone, aho zone imwe iba ifite uruganda runaka bakorana narwo.

Urwo ruganda nirwo rwabaga rufite uburenganzira bwo kugura ikawa y'abahinzi barukoreramo, nta wundi wabaga wemerewe kuhagura ikawa atari urwo ruganda cyangwa se ngo umuhinzi yemererwe kujya kugurisha ahandi.

Minisitiri w'Ubuhinzi n'Ubworozi, Dr Ildephonse Musafiri, yatangaje ko ubwo buryo bwabangamiraga abahinzi, bugatuma batabona ibiciro byiza n'abashoramari bamwe bikabazitira kuko batabaga bafite uburenganzira bwo kujya kugura mu tundi duce tutari utwo bahawe.

At 'Igiciro dusanzwe tugishyiraho ariko bikaba ngombwa ko umuntu ufite uruganda runaka yabonye igiciro cyiza ku isoko mpuzamahanga, agashaka kuzamura igiciro kuri zone ye. Abandi bantu bo muri zone baturanye bashakaga kujyanayo ikawa ntabwo babaga babyemerewe.'

'Ikivuyeho ni zone ku buryo buri wese yajya kugurisha, igiciro tuzakigumishaho ariko umucuruzi ushaka kurenzaho yemerewe ko yayigura n'ahandi, wa muhinzi ntibimubuze kuyijyana aho yabonye igiciro cyiza.'

Ikigo gishinzwe iyoherezwa mu mahanga ry'ibikomoka ku buhinzi n'ubworozi (NAEB), cyasigaranye inshingano zo kugena igiciro fatizo cy'ikawa, ari nacyo abaguzi bazo bazajya bakurikiza ariko bakaba bemerewe kurenzaho mu gihe babonye amasoko meza.

Minisitiri Musafiri ati 'Hari igihe uyijyana hanze yaba yabonye igiciro cyiza ku isoko akaba ashaka guha abahinzi amafaranga meza, icyo gihe rero 'zoning' yatumaga abantu batisanzura mu kugura no gucuruza ikawa.'

Mu yandi mabwiriza yashyizweho, ni uko ubwoko bw'ikawa yemerewe gutunganywa mu Rwanda ari iyogejwe neza, ni ukuvuga ifite amanota ari hejuru ya 80.

Mu gihe hari abandi bashoramari bashaka gutunganya ikawa yo ku rwego ruringaniye, bazajya babisabira uburenganzira muri NAEB banatange amafaranga runaka bitewe n'icyiciro cy'ikawa bashaka gutunganya.

Minisitiri Musafiri yagize ati 'Ikawa yo ku rwego rwa mbere ni yo twemera, ni yo dushaka ko iba nyinshi ariko kubera ko abandi nabo hari abataragera kuri urwo rwego, nabo bazajya basaba kuba bafata icyiciro cya kabiri, cya gatatu […] ariko tubanze tumusure turebe ko yujuje ibisabwa.'

Aya mabwiriza mashya yitezweho gutuma abahinzi bashishikarira ubuhinzi bw'ikawa ari nako abashoramari bahabwa rugari bagahatana, ufite ibiciro byiza akaba ari we ubona abakiliya.

Kugeza ubu mu Rwanda habarizwa zone z'abahinzi b'ikawa 313, bahinga ku buso bwa hegitari 42.000.

Umwaka ushize ikawa y'u Rwanda yinjirije igihugu miliyari zisaga 108 Frw yavuye muri toni 24.000 zoherejwe mu mahanga.

Intego ni uko mu 2024 u Rwanda rwaba rwohereza mu mahanga toni 27.000, zizaba zinjiza nibura miliyari 120 Frw.

The post Abahinga Kawa bemerewe kugurisha umusaruro aho bashaka mu gihugu appeared first on FLASH RADIO&TV.

Source : https://flash.rw/2023/06/16/abahinga-kawa-bemerewe-kugurisha-umusaruro-aho-bashaka-mu-gihugu/?utm_source=rss&utm_medium=rss&utm_campaign=abahinga-kawa-bemerewe-kugurisha-umusaruro-aho-bashaka-mu-gihugu

Kuri uyu Kane, Abaminisitiri b'Imari n'Igenamigambi b'ibihugu bigize Umuryango wa Afurika y'Iburasirazuba (EAC), bashyize hanze ingengo z'imari ibihugu byabo bizakoresha mu mwaka wa 2023/2023 uzatangirana na tariki 1 Nyakanga 2023.

Repubulika Iharanira Demokarasi ya Congo (RDC) niyo itarashyize hanze ingengo yayo y'imari kuko itarahuza n'amategeko ya EAC, asaba ko umwaka w'ingengo y'imari utangirana na buri tariki 1 Nyakanga.

Kenya ituwe na miliyoni 53 z'abaturage, ni cyo gihugu cya EAC kizakoresha ingengo y'imari nini mu zamuritswe kuri uyu wa Kane. Iki gihugu kizakoresha miliyari 25,75$, ikaba ari inyongera ya 6,5% ugereranyije n'ingengo y'imari cyakoresheje mu mwaka uri gusozwa, nk'uko byagaragajwe na Minisitiri w'Imari, Njuguna Ndung'u.

Minisitiri w'Imari n'igenamigambi wa Tanzania, Dr Mwigulu Nchemba, we yagaragaje ko igihugu cye kizakoresha ingengo y'imari ya miliyari 19,23$, ni ukuvuga ko iziyongeraho 7 % ugereranyije n'iyo bakoresheje umwaka ushize.

U Burundi buzakoresha make kurenza ibindi bihugu bya EAC

Muri Uganda, Minisitiri w'Imari Matia Kasaija yagaragaje ko icyo gihugu mu mwaka w'ingengo y'imari ugiye kuza kizakoresha miliyari 13,9$, ni ukuvuga inyongera ya 9,6 % ugereranyije n'amafaranga bakoresheje umwaka ushize.

Minisitiri w'Imari n'Igenamigambi w'u Rwanda, Dr Uzziel Ndagijimana, we yagaragaje ko hazakoreshwa ingengo y'imari ya miliyari ibihumbi 5,03 Frw, ni ukuvuga miliyari 4,1$. Ni inyongera ya 5,6% ugereranyije n'ingengo y'imari yakoreshejwe muri uyu mwaka uri gusozwa.

U Burundi buzakoresha miliyari 1,41$ mu gihe Sudani y'Epfo izakoresha miliyari 1,38$. RDC nubwo ingengo yayo y'imari itangirana n'umwaka, yateganyije gukoresha miliyari 16$ mu 2023.

Igishya muri izi ngengo z'imari zamuritswe kuri uyu wa Kane ni uko amafaranga menshi azakoreshwa azava imbere mu bihugu kurusha inkunga z'amahanga, nk'aho muri Kenya ingengo y'imari izava imbere mu gihugu ku kigero cya 79.3 %, Tanzania ni ku kigero cya 70,7 % mu gihe u Rwanda ari ku kigero cya 63%.

The post Hatangajwe ingengo y'imari mu bihugu bya EAC, u Burundi mubizakoresha make appeared first on FLASH RADIO&TV.

Source : https://flash.rw/2023/06/16/hatangajwe-ingengo-yimari-mu-bihugu-bya-eac-u-burundi-mubizakoresha-make/?utm_source=rss&utm_medium=rss&utm_campaign=hatangajwe-ingengo-yimari-mu-bihugu-bya-eac-u-burundi-mubizakoresha-make