Author: webrwanda

Umutoza Nduhirabandi Abdulkarim wamamaye nka Coka yitabye Imana azize uburwayi yari amaranye igihe kirere.

Inkuru y’urupfu rw’uyu mugabo yamenyekanye kuri uyu wa Gatanu tariki ya 16 Kamena 2023 aho n’ikipe ya Marines FC yatoje igihe kirekire yemeje aya makuru ibinyujije ku rukuta rwe rwa Twitter.

Nduhirabandi Abdulkarim akaba yari amaze igihe kinini arwaye ariko bivugwa ko abaganga bari barabuze indwara. Ubu yari Diregiteri Tekinike wa Marines FC.

Nduhirabandi yamamaye mu ikipe ya Marines FC yatoje igihe kinini, yatoje kandi Etincelles FC, Kirehe FC n’izindi.

Nduhirabandi Abdulkarim yitabye Imana

Source : http://isimbi.rw/siporo/article/coka-watoje-marines-igihe-kirekire-yitabye-imana

Umuryango wa Paul Rusesabagina warahiriye kutazaceceka kuri politiki yarwo kuko ari yo ntwaro yatumye uyu mugabo afungurwa, bikaba bihabanye n'ibyo yanditse mu ibaruwa asaba imbabazi Perezida Kagame.

Rusesabagina washinze Umutwe w'Iterabwoba wa MRCD/FLN yarekuwe ku mbabazi za Perezida muri Werurwe uyu mwaka, nyuma y'imyaka isaga ibiri afungiye mu Rwanda ku byaha by'iterabwoba byahitanye ubuzima bw'abaturage icyenda mu bice bitandukanye by'igihugu.

Yari yarakatiwe gufungwa imyaka 25 ariko aza gufungurwa nyuma yo gutakambira umukuru w'igihugu, avuga ko kubera 'izabukuru n'uburwayi budakira' asaba gufungurwa kandi ko ntaho azongera guhurira n'ibikorwa bya politiki.
Muri iyo baruwa Rusesabagina yavuze ko yicuza ko atakoze 'ibishoboka byose ngo abanyamuryango bose b'Ihuriro MRCD bagendere ku mahame yo kudakoresha ubugizi bwa nabi.'

Ati 'Ndamutse mpawe imbabazi nkarekurwa, ndahamya ko nzamara igihe nsigaje cy'ubuzima bwanjye muri Leta Zunze Ubumwe za Amerika ntuje. Ndabizeza binyuze muri iyi baruwa ko nta zindi nyungu ntegereje zaba bwite cyangwa iza politiki. Ibibazo bijyanye na politiki y'u Rwanda nzabisiga inyuma yanjye'.

Nyuma y'amezi atagera kuri atatu arekuwe, Rusesabagina yanyuranyije n'ibaruwa yanditse asaba imbabazi, mu ijambo yagejeje ku bitabiriye inama izwi nka Oslo Freedom Forum. Yumvikanishije ko gufungurwa kwe kwaturutse ku bagize Umuryango Human Rights Foundation.

Yagize ati 'Uyu munsi ndi umuntu widegembya, kubera amajwi yanyu n'abandi benshi nkamwe…mwese mwashyize hamwe muharanira ko mfungurwa n'izindi mfungwa zose za politiki. Ku bwanjye mwegukanye intsinzi'.

'Ukwidegembya kwanjye kurerekana ko iyo mushyize hamwe mugaharanira ibyo mwemera, iyo mushyize hamwe, muyobowe n'amahame y'uburenganzira bwa muntu na demokarasi, muratsinda'.

Abakobwa ba Rusesabagina ari bo; Carine Kanimba na Anaïse Kanimba ubwo bari mu kiganiro The Exchange gica kuri CNN, basobanuye ko ibyo umubyeyi wabo arimo 'ari ugutera akanyabugabo abaharanira uburenganzira bwa muntu, abari mu bihe nk'ibye no kwibutsa buri wese 'gukomeza intego yabo, kudaceceka kuko ari bwo bazafasha abandi n'imfungwa za politiki'.

Anaïse Kanimba ati 'Ni ingenzi ko dukomeza uru rugamba.'

Abakobwa ba Rusesabagina bibukijwe ko ibyo batangaza bihabanye n'ibyo umubyeyi wabo yanditse ubwo yasabaga imbabazi, bavuga ko batazaceceka, bazakomeza urugamba rwo kuvuganira n'abandi bari mu bihe nk'ibya Se.
Ati 'Kurekurwa kwa Papa ni igihamya cy'uko iyo ushyize imbaraga ku cyo wemera uharanira, bishoboka'.

Ibi bivugwa na Rusesabagina bisa nko gukina ku mubyimba imiryango y'abahitanywe n'ibitero bya MRCD/FLN yashinze no kumvikanisha ko azakomeza inzira yari yaratangiye mbere yo gufungwa.

Ubwo Rusesabagina yari amaze kurekurwa kubera imbabazi, Guverinoma y'u Rwanda yavuze ko guhabwa imbabazi kwe bidakuraho igihano yahamijwe ndetse ko gishobora gusubizwaho mu gihe yaba asubiriye ibyaha yakoze.

Source : https://umuryango.rw/amakuru/mu-rwanda/politiki/article/abakobwa-ba-rusesabagina-na-se-wa-bo-barahiriye-kutazacogora-kuri-politiki-y-u

Umushinjacyaha Karim Asad Ahmad Khan yatangaje ko ubwo busabe bwa leta ya Kinshasa buherekejwe n'inyandiko z'ibihamya zisaba ibiro bye 'guperereza ku ngabo n'imitwe yitwaje intwaro' bashinja ibyaha muri Kivu ya Ruguru.

Yongeraho ko 'ibyaha byose bivugwa' muri ubwo busabe 'byakozwe n'umuntu uwo ari wese, hatitawe uruhande ariho cyangwa ubwenegihugu, bizasuzumwa'.

Uyu mushinjacyaha ntiyatangaje abo leta ya Kinshasa ishinja.

Ariko abategetsi muri DR Congo basanzwe bashinja umutwe wa M23 n'igisirikare cy'u Rwanda ibyaha by'ubwicanyi mu Ntara ya Kivu ya Ruguru.

Raporo z'inzobere za ONU zavuze ko u Rwanda rwohereje ingabo gufasha umutwe wa M23.

Raporo z'imiryango iharanira uburenganzira bwa muntu zishinja M23 ifashijwe n'igisirikare cy'u Rwanda ibyaha birimo ubwicanyi ku basivile no gufata abagore ku ngufu.

Abategetsi b'u Rwanda bahakana ko gufasha M23 bavuga ko ibibera mu burasirazuba bwa DRC bireba iki gihugu ubwacyo. M23 nayo yahakanye ko ntaho ihuriye kandi idafashwa n'ubutegetsi bw'u Rwanda.

Iyi ni inshuro ya kabiri leta ya DR Congo isaba uru rukiko mpuzamahanga mpanabyaha gukurikirana ibyaha byakorewe ku butaka bwayo.

Iya mbere yari mu 2004 aho Kinshasa yasabye uru rukiko gukurikirana ibyaha byibasiye inyoko muntu byakozwe kuva mu 2002 mu ntara ya Ituri byakozweho iperereza ndetse hakagira abantu bafatwa bakaburanishwa.

Muri bo harimo Jean Pierre Bemba wahamijwe bimwe mu byaha agafungwa nyuma akaza kujurira akagirwa umwere ndetse akarekurwa, ubu ni Minisitiri w'ingabo wa DR Congo.

Source : https://umuryango.rw/amakuru/mu-mahanga/umutekano/article/drc-yongeye-gusaba-urukiko-mpuzamahanga-guperereza-ku-byaha-by-inyeshyamba-muri

Kapiteni w'ikipe y'igihugu Amavubi, Haruna Niyonzima yaciye amarenga yo gusezerera Ikipe y'Igihugu Amavubi, nyuma y'ibyo yatangarije B&B FM-Umwezi.

Abajijwe uko yakira kuba amaze iminsi adahamagarwa mu Ikipe y'Igihugu yavuze ko atari we wihamagara ndetse bitanamubabaza.

Yagize ati ' Ntabwo ari njye wihamagara ariko abariyo tuba tuvugana. Njye ntabwo ndi umukinnyi wo kwinginga ngo mpamagarwe. Ikindi ntabwo byambabaza ariko nababazwa n'umusaruro mubi wayo.'

Yakomeje avuga ko ku rundi ruhande aba yumva iby'Ikipe y'Igihugu yaramaze kubivamo.

Yagize ati 'Ku mutima wanjye mba numva naramaze kubivamo ariko ingufu ndazifite kuko muri 'club' yanjye ndakina.

Haruna Niyonzima yatangiye gukinira ikipe y'igihugu muri 2006, gusa ntabwo yigeze agira amahirwe yo kuba yagira ikintu gikomeye ayigezeho nko kuyihesha itike y'igikombe cy'Afurika cyangwa itike y'igikombe cy'Isi.

Source : https://umuryango.rw/imyidagaduro/imikino/article/niyonzima-haruna-munzira-isezera-amavubi

Mu kiganiro gishya cya ABTalks yatangaje ukuntu yicuza kuba yarigeze kugira ibibazo n'umugore we avuga ko yakabaye yarahosheje ibibazo mu bundi buryo aho gutuma bigera ku rugero byagezeho.

Aboneraho kandi kuvuga ko Chioma ari umuntu w'igikundiro n'ingeso nziza atari akwiye kumunyuza mu bihe yamunyujijemo avuga ku kintu yicuza yagize ati'Ndumva ari igihe njye n'umugore wanjye Chioma twagiranaga ibibazo.'

Akomeza agira ati'Ntekereza ko nakabaye naramwitwayeho neza kubera ko ari umuntu mwiza. Numva aricyo gihe nazambije ibintu ariko ubu byarakemutse.'

Nubwo Davido na Chioma bigeze kugirana ibibazo gusa baje kwiyunga bakaba baranashyingiranwe ati'Sinigeze ubundi mara igihe kingana gutya nsa n'utujemo mu muziki.'

Yongeraho ati'Gusa cyari igihe cyo kongera kwitecyerezaho, kuruhuka, gutegura ejo hazaza kugira igihe n'umuryango wanjye harimo no gutunganya indirimbo nshya. Naranatembereye kandi nkora ubukwe.'

Agaruka ku bukwe bwe, Davido yerekanye ko ari wo mwanzuro mwiza yafashe mu buzima bwe ,ashimira umugore we ukomeza kumuba hafi kandi akabasha kumwumva muri byose.

Davido ari mu bahanzi bakomeye Afurika ifite, akagira indirimbo zikundwa na benshi ku Isi, imbaraga n'ubuhanga agaragaza ku rubyiniro bituma ibitaramo agenda akorera hirya no hino bikundwa na benshi.Davido yatangaje ko yicuza kuba yarigeze gutenguha Chioma

Davido yemeje ko yashyingiranwe na Chioma kandi ubu bameze neza amushimira kuba abasha kumwumva .

Source : https://umuryango.rw/imyidagaduro/article/davido-yahishuye-icyo-yicuza-cyagije-umuryango-we

Umugore witwa Ngagi yaciye ibintu nyuma yo kuvuga ko iyo anyweye ikigage anyarira umugabo we ndetse akamutaho n'amazirantoki (Videwo)

Mu mashusho magufi yakomeje gucaracara ku mbuga nkoranyambaga yasekeje imbaga nyamwinshi nyuma yo kubona umugore wigamba avuga ko iyo yinywereye ikigage anyarira umugabo we ndetse akanamunera bikaba ari n'abyo byasekeje bikanatungura bamwe mu bakoresha umbuga nkoranyambaga.

Reba video hasi.. 

Source : https://yegob.rw/umugore-witwa-ngagi-yaciye-ibintu-nyuma-yo-kuvuga-ko-iyo-anyweye-ikigage-anyarira-umugabo-we-ndetse-akamutaho-namazirantoki-videwo/

Ikibazo:
Ni ikihe kintu gihuza abantu babiri kiri ku muntu umwe?
Igisubizo:
Impeta.
Impeta ihuza abantu ku buryo n'iyo umuntu akubonye uri wenyine wambaye impeta, ahita amenyako hari umuntu mwihuje nta n'icyo yiriwe akubaza.

Source : https://yegob.rw/ngaho-subiza-ni-ikihe-kintu-gihuza-abantu-babiri-kiri-ku-muntu-umwe-igisubizo/

Amakuru agezweho: Ibya Léandre Willy Esombe Onana n'ikipe ya Simba SC byashyizweho umucyo ku munota wa nyuma

Onana wakomeje kuvugwaho amakuru atandukanye arimo n'ayuko ashobora kudasinyira Simba SC ya hariya muri Tanzania ubu amakuru ahari yizewe ni uko ibiganiro bye n'iyi kipe byarangiye kandi byemejwe ko agomba kuyikinira.

Uyu munya-Cameroon wahoze akinira Rayon Sports, Léandre Willy Esombe Onana yerekeje mu biruhuko iwabo avuye muri Tanzania , nyuma yo gusoza ibiganiro na Simba SC.

Amakuru ahari yizewe atugeraho avuga ko Biteganyijwe ko Simba iza ku mutangaza nk'umukinnyi wayo mushya mu gihe cya vuba.

Source : https://yegob.rw/amakuru-agezweho-ibya-leandre-willy-esombe-onana-nikipe-ya-simba-sc-byashyizweho-umucyo-ku-munota-wa-nyuma/

Umukobwa w'imyaka 25 y'amavuko ukomoka muri Repubulika Iharanira Demokarasi ya Congo wendaga guhabwa ububikira mu kigo cy'ababikira giherereye mu Kagari ka Ruhembe mu Murenge wa Zaza mu Karere ka Ngoma, yabuze nyuma y'uko asize yanditse ibaruwa asezera bagenzi be.

Mu nyandiko yanditswe n'uyu mukobwa witwa Furaha Florence Drava tariki 08 Gicurasi 2022, yatangiye ashimira umuryango w'aba babikira witwa Religieuses de l'Instruction Chretienne, uburyo yabanye na bagenzi be muri iki kigo.
Yagize ati 'By'umwihariko uburezi nahigiye ndetse n'ibindi byose nahungukiye, ndashimira buri wese bavandimwe banjye mpereye ku muyobozi mukuru w'Intara ndetse n'abandi babikira bose.'

Yakomeje abiseguraho ko atabashije gukomezanya na bo urugendo rwo kwiha Imana akaba ahisemo kubatoroka ku bushake bwe.
Ati 'Bavandimwe banjye mbasabye kutazirirwa munshikisha kuko ntatakaye ahubwo ngiye kubaho ubundi buzima nk'igitekerezo gishya cyanjemo cyatumye Imana itanyemerera gukomeza ahubwo ikanyereka ubundi buzima n'amateka.

Umuyobozi wuyu muryango w'Ababikira Mushimiyimana Beatha avuga ko yitabaje urwego rwa RIB ngo kuko bafite impungenge kuko uyu mukobwa Furaha Florence Drava bari bamwakiriye bamuhawe n'ababyeyi be ndetse ko nta telefone yagiraga.

Uyu muyobozi yavuze ko inzego z'abihayimana zifite uburyo zikora bityo ko amakuru arambuye yatangwa n'ubuyobozi bw'iki kigo cy'abihayimana. Mu nyandiko yanditswe n'uyu mukobwa witwa Furaha Florence Drava tariki 08 Gicurasi 2022, yatangiye ashimira umuryango w'aba babikira witwa Religieuses de l'Instruction Chretienne, uburyo yabanye na bagenzi be muri iki kigo.

Source : https://yegob.rw/umukobwa-yasezeye-mucyimasera-asiga-ababwiye-amagambo-akomeye-cyane/

Wa mwana wafotowe y'igira ku matara yo ku muhanda yakorewe igikorwa cy'urukundo ubu akamwenyu ni kose ku maso he(AMAFOTO)

Ni inkuru y'umwana w'mukobwa twari twabagejejeho wo mu Karere ka Kayonza mu Murenge wa Nyamirama aho uyu mwana yanyuzweho ari kwigira ku matara yo ku muhanda aho yavugaga ko iwabo nta muriri bagira.

Gusa uyu mwana yaje gukorerwa igikorwa cy'urukundo nababibonye kuko ubuvugizi bwakozwe bwagize akamaro.

Ababonye ubu butumwa ku mbuga nkoranyambaga bagaragaje ko bubakoze ku mutima, benshi batekereza uko bamugeraho ngo bamufashe.

Mu bagaragaje ubushake bwo kumufasha harimo n'Ikigo gitanga amashanyarazi aturuka ku mirasire cyahise gishyira amashanyarazi iwabo mu rugo ndetse kimugenera n'ibindi bikoresho by'ishuri.

Uwo mukobwa witwa Yvette yashimiye abamufashije, agasanga ari amahirwe abonye azamufasha kwiga neza no kugera ku nzozi afite zo kuzaba umusirikare.

Source : https://yegob.rw/wa-mwana-wafotowe-yigira-ku-matara-yo-ku-muhanda-yakorewe-igikorwa-cyurukundo-ubu-akamwenyu-ni-kose-ku-maso-heamafoto/