Author: webrwanda

Yabigarutseho mu ruhererekane rw'ibiganiro bya Televiziyo Mützig Live Bold TV, bitegurwa n’uruganda rwa Bralirwa binyuze mu kinyobwa cya Mützig mu rwego rwo gutinyura buri wese no guharanira kugeza ku nzozi ze, kuko nta gihe cyiza nk’ubu.

Muri iki kiganiro, Hope Azeda yavuze ko yatangije Ubumuntu Arts Festival biturutse ku kuba yari amaze igihe atekereza ku mibereho ya muntu, yibaza ukuntu umuntu ashobora kubyuka aseka, umunsi ukira yarakaye.

Mu ntekerezo ze hazagamo cyane ikiremwamuntu, yewe rimwe na rimwe akibaza ukuntu umuntu agira urwango kugeza ubwo yishe mugenzi we.

Uyu mugore yavuze ko iri serukiramuco rya Ubumuntu ari nk’urubuga rwo kongera kwitekerezaho nk’abantu. Ati “Buri wese afite aho atangirira. Indege nayo itangira hasi mbere y’uko ijya mu birere. Uko byaba bito kose, wowe bikore.”

Yasobanuye ko ubuhanzi ari ubuzima. Kandi muri Nigeria no muri Brazil bamaze kugaragaza ko bashaka kujya bakora iserukiramuco nk'iri mu rwego rwo kugaragaza uruhare rw'ubuhanzi mu kongera kubanisha neza abantu, guharanira amahoro arambye n'ibindi.

Umwana w'iyo mu cyaro wisanze akunda ubuhanzi bwimazeyo kandi yaravukiye mu rugo rw'umuganga

Hope Azeda yavuze ko yakuriye mu gace ka Rukoni mu Burengerazuba bwa Uganda, kandi ko yari umwana ukunda gukina imikino inyuranye. Yibuka ko Nyina yari umubyaza, kandi yagiye agira uruhare rukomeye mu kubyaza abagore banyuranye.

Hope avuga ko yitaga amazina aba bana babaga bavutse, kandi yifashishije ibirere yahanze imyambaro aba bana bambaraga.Kuri we, avuga ko aha ariho habaye intangiriro yo gutangira guhanga ibintu bishya mu buzima bwe byubakiye ku buhanzi.

Icyo gihe ntiyari azi icyo azavamo. Ariko buri gihe yakurikiraga umutima we akajyanisha n’ibyo yiyumvamo.

Yavuze ko buri gihe Nyina yababwiraga ko ‘intego yacu ya mbere yo kubaho ku Isi ni ukubiba amahoro n’urukundo’.

Akomeza ati “Rero, buri gihe nakundaga icyo kintu, nkakunda gukina njyanisha n’ibyo bintu.'Icyo gihe yari afite imyaka irindwi y’amavuko.

Hope avuga ko kuri iyo myaka yakundaga gufasha abantu kandi  nyina yagiye abigisha kuvura n’ubwo we atigeze ahitamo kwiga gutera ishinge.

Avuga ko yari afite ubumenyi bw’ibanze, ku buryo iyo umuntu yabaga arwaye nka Malaria, yashoboraga kumubwira imiti yo kunywa. Ati “Twakuze turi muri uwo murongo wo kwita ku bantu.”

Yavuze ko yakuriye mu gace karimo insengero ku buryo rimwe na rimwe yajyaga kwifatanya na korali akaririmba cyangwa se akiga imikino inyuranye yatumye imushyigikira kugeza n’uyu munsi.

Hope avuga ko no mu bibi yahoranye icyizere cy’ubuzima ari nayo mpamvu atekereza inkomoko y'amazina imiryango y'abo yahisemo kubita.

Kuri we, avuga ko iri zina yahawe n’ibindi bikorwa yagiye akora, byagiye bica inzira y’ubuzima agezemo muri iki gihe.

Uyu mugore avuga ko yamaze hafi imyaka itandatu yiga ibijyanye no kubyina, kugeza ubwo anafashe icyemezo cyo kwiga umuziki no kubyina muri Kaminuza (Music Dance and Drum).

Se yari umunyamibare! Yatunguwe no kumva umwana we agiye kwiga umuziki

Muri iki kiganiro, Hope yavuze ko ubwo yabwiraga Se ko agiye kwiga ibijyanye n’umuziki yamubajije ibibazo binyuranye’ birimo inyungu iva mu muziki.

Se yari asanzwe ari umwarimu w’Imibare n’aho Nyina akaba umuganga, ku buryo batiyumvisha uburyo umwana w’abo agiye kwiga umuziki!

Byageze n’aho Se amugira inama yo kwiga amategeko ariko amanota asohotse agaragaza ko Hope akwiye kwiga ibijyanye n’umuziki.

 

Uyu mugore avuga ko yavukiye mu muryango w’abana 11. Yavutse ari umwana wa 10 kandi abandi bose bari barahisemo kwiga imibare ndetse na siyansi.  

Hope ati “Rero kugirango ubumvishe ngo ugiye kubyina, ugiye kuririmba, ugiye gukora ikinamico ntabwo babyumvaga.”

Yavuze ko yari afite Musaza we wakundaga imibare cyane, ku buryo yakundaga kumubaza impamvu we atahisemo kwiga imibare.

Kwandika igitabo, intambwe yo kwinjira muri Orinfor-Imvano y'ibikorwa bishamikiye ku buhanzi yatanze.

Hope avuga ko asoza amasomo  ya Kaminuza yanditse igitabo ku mateka y’u Rwanda, kuko yari amaze igihe mu cyaro areba uburyo yakwifashisha umuziki mu gukemura ibibazo binyuranye byugarije sosiyete.

Yavuze ko yakunze kubaza Se impamvu badasubira mu Rwanda, azakumuganirira ku mpamvu yagejeje ku guhungira muri Uganda.

Hope avuga ko muri ibyo biganiro yumvisemo ko hakenewe kongera kubana hagati y’Abanyarwanda. Icyo gihe, byahise biba imvano yo kwandika umukino yise 'Amashyiga ya Sehutsitwa!

Ni umukino avuga ko yanditse ashingiye ku mashyiga atatu yabonaga ko yahuza Abanyarwanda.

Ubwo bakinaga uyu mukino muri Uganda, mu bari bitabiriye icyo gikorwa harimo Umuyobozi wa Orinfor yaje guhinduka Ikigo cy'Igihugu cy'Itangazamakuru (RBA).

Uyu mugabo yakunze uburyo uyu mukino uteguye n'ubutumwa burimo. Ubwo igikorwa cyari gisoze yegereye Hope amubaza niba ari umunyarwanda,undi arabimwimerera, amusaba ko uyu mukino yawukinira mu Rwanda kandi amwizeza kuzamufasha.

Hope avuga ko icyo gihe ari bwo yahise afata icyemezo cyo kugaruka mu Rwanda. Yavuze ko uwo mukino wari wabonye amanota meza cyane bituma muri we yiyumvamo ko yawugaragaza mu Rwanda.

Yavuze ko ababyeyi bari bagarutse mu Rwanda mu 1995, ariko we aguma muri Uganda kubera amasomo yigaga.

Avuga ko igihe cyageze akumva neza impamvu yo kugaruka mu Rwanda, afata impapuro yari yashyizemo umukino we hanyuma aragaruka.

Hope avuga ko ageze ku Kimironko aho musaza we yari atuye, yabanje kumubaza niba ibyo agiye kwinjiramo abyumva neza kugeza ubwo amubwiye ko yamaze kwanzura kujya kureba umuyobozi wa Orinfor kuko yamwemereye kuzamufasha.

Yavuze ko hari abantu batumvaga ibyo yashakaga kwinjiramo, ariko kandi umutima we wahamanyaga neza n’ibyo yashakaga kwinjiramo.

Hope yavuze ko yazindutse mu gitondo ahagana saa mbili ajya kuri Radio Rwanda, abwira abari bashinzwe kwakira abantu ko agiye kureba Shabani.

Uyu mukino wari mu rurimi rw’icyongereza, Shabani amwemerera kumuhuza n’abantu bamufashije guhindura uyu mukino mu rurimi rw’ikinyarwanda.

Avuga ko kuva icyo gihe yahise atangira gukora kuri Radio Rwanda mu bijyanye no gutegura ikinamico. Hope avuga ko uyu mukino yari yanditse udasanzwe kuko wari ukubiyemo byinshi bigamije kongera kubanisha Abanyarwanda.

Yavuze ko bamushakiye abakinnyi bo gutoza uyu mukino, kandi ko imyitozo y’abo yaberaga ahari Orinfor mu Mujyi rwagati [Ahahoze Ecole Belge].

Avuga ko uyu mukino wari ukenewe n'abantu benshi, kuko yanatangiye gushaka abaterankunga atangirira kuri Bralirwa binyuze muri ‘Primus Gahuza miryango’.

Umukino wa mbere wabereye kuri Saint Paul kandi kwinjira byari 2500 Frw. Hope avuga ko icyo gihe ari bwo Se yatangiye guterwa ishema nawe.

Yavuze ko mu gihe cy’amezi atatu yahise asezera kuri Orinfor, ajya gukorera mu ikigo cyari gishinzwe ubumwe n’ubwiyunge cyari gishyizweho na Leta.

Hope avuga ko icyo gihe yari yaratangiye Mashirika ,kandi ko u Rwanda rwamubereye ishuri. Ati “Ni ishuri kuri njye.”

Avuga ko ubwo u Rwanda rwiteguraga Kwibuka  ku nshuro ya 10 Jenoside yakorewe Abatutsi mu 1994, Leta yamwegereye ikamusaba gutegura uwo mukino.

Hope Azeda avuga ko gushikama ku nzozi ze ari byo byagejeje ku gutangiza Mashirika ndetse n’iserukiramuco ‘Ubumuntu’ 

Hope avuga ko buri gihe haba hari amahirwe, ahubwo umuntu akwiye gukomeza kugerageza uko byaba bimeze kose 

KANDA HANO UREBE IKIGANIRO KIRAMBUYE HOPE AZEDA YAGIRANYE NA NKUSI ARTHUR

“>

Kiyovu Sports yisanze itemerewe gusinyisha abakinnyi nyuma y’uko  iminsi 45 irenze itabashije kwishyura rutahizamu ukomoka muri Sudan Sharaf Eldin Shaiboub.

Tariki 10 Kamena 2022, ni bwo Sharaf Eldin Shaiboub na Mano John basinyiye ikipe ya Kiyovu Sports amasezerano y’imyaka ibiri, aho iyi kipe yiteguraga umwaka w’imikino 2022/23. Icyo gihe, Shampiyona yari itararangira aho yari igeze ku munsi wa 28.

Nubwo aba bakinnyi basinye, nyuma y’amezi abiri gusa, umuyobozi wa Kiyovu Sports Mvukiyehe Juvenal, yaje kwemeza ko abakinnyi baherutse gusinyisha batandukanye kubera kutubahiriza ibisabwa. Yagize ati 'Haje kubamo kutumvikana neza badusaba gusesa amasezerano, turabibemerera, tubemerera ko twasesa amasezerano mu gihe cyose badatanze ibyo byangombwa ariko bagasubiza ibyo twabatanzeho.”

Sharaf Shaiboub ntabwo yigeze akinira Kiyovu umukino n’umwe, ariko aracyayihagama

Nyuma y’ibi byose aba bakinnyi ku ikubitiro, Sharaf Eldin Shaiboub yahise atanga ikirego muri FIFA avuga ko ikipe ya Kiyovu Sports itubahirije amasezerano bari baragiranye, ndetse bagatandukana mu buryo bunyuranyije n’amategeko, byatumye tariki 12 Gicurasi FIFA yoherereza impapuro Sosiyete bita Sports and Justice ariyo yari yakurikiranye ikirego, iyimenyesha ko Kiyovu Sports yatsinzwe urubanza bari bayirezemo.

Nyuma y’uko  Kiyovu Sports imenyesherejwe ko yatsinzwe, ntacyo yabikozeho, ndetse iminsi 45 yari yahawe  ikaba yararenze, bivuzeko ubu nta mukinnyi wa Kiyovu Sports wemerewe kwinjira muri sisiteme y’igura n’igurisha. Ubusanzwe Kiyovu Sports igomba guha Sharaf Eldin Shaiboub miliyoni 50 z’amanyarwanda nyuma yo kubimenyeshwa.

Aha niho imyanzuro y’itsindwa rya Kiyovu Sports yatangiriye

Muri iki gitaramo, Maurix yaririmbye acurangirwa ibicurangisho by'abahanga nka Violin ndetse na Cello, ubundi bitamenyerewe mu Rwanda.

Kwitabira iki gitaramo cyabaye mu ijoro ryo ku wa Gatandatu tariki 24 Kamena 2023, byasabaga kuba warahawe ubutumire.

Maurix yabwiye InyaRwanda ko bahisemo gutanga ubutumire ku bitabiriye iki gitaramo, bitewe nuko bari bafite umubare w'abantu batagomba kurenza.

Ati 'Twakoresheje gutumira kubera ko twari dufite umubare ntarengwa w'abagombaga kwitabira igitaramo bitewe nuko aho cyateganyirijwe kubera bakira abantu bake kandi kubera hari abashyitsi bakuru n'abaterankunga hari hakenewe gutanga 'invitation' hato hatabaho umuvundo.'

Yakoze iki gitaramo mu ijwi ryiza n'imicurangire ya gihanga, indirimbo zose zanditse ku manota ya muzika, abantu baranezerwa bigera n'aho bahaguruka basanga Maurix ku rubyiniro barabyina.

Ni igitaramo kitabiriwe n'abarimo Umuyobozi w’ishami rishinzwe kubungabunga za Pariki muri RDB, Ngoga Telesphore, Umuyobozi muri Komisiyo y'Igihugu ya Unesco n'abandi.

Barishimye cyane umwihariko n'ubuhanga byumvikana muri muzika Afro-Opera ya Maurix ndetse bamushishikariza gukora ibitaramo byinshi bigera ku banyarwanda benshi no mumahanga.

Bimwe mu bihe by'ingenzi byaranze iki gitaramo, harimo kuba abatumirwa barakirijwe inyama y'inkware-Benshi bwari ubwa mbere bayiriye.

Ikindi ni uko ubwo Maurix yajyaga kuririmba indirimbo ye yise 'Igitenge' yitegura gushyira hanze, abatumirwa bahawe 'noeud' ikoze mu gitenge bambara mu ijosi.

Nezha Axelle w'imyaka 10 aririmba mu gitaramo cya Maurix Baru

Umubyinnyi Celine abyina Afro-Opera

Maurix Baru n'abacuranzi be ku rubyiniro mu ndirimbo 'Isi irabakeneye' mu njyana ya Afro-Opera

Kajuga Jérôme wari umusangiza w'amagambo muri iki gitaramo. Asanzwe ashinzwe Umuco muri Komisiyo y'Igihugu ya UNESCO

Abitabiriye banyuzwe n'ubuhanga bwa Maurix Baru, bamwe batangira gufata amafoto n'amashusho by'urwibutso

Ngoga akurikiye uburyohe bwa Afro-Opera mu ncurango ya gihanga yanditse mu manota

Umunyamideli wamenyekanye cyane mu Rwanda, Rupari Cynthia yateye inkunga Maurix Baru mu gukora iki gitaramo

Telesphore wari Umushyitsi Mukuru muri iki gitaramo yahawe impano y'igitenge

Iki gitaramo cyanatumiwemo abakundana 'Couples' mu rwego rwo kubumvisha iyi njyana igizwe n'ibicurangisho by'abahanga 

Abitabiriye buri wese yahawe 'noeud' y'igitenge mbere y'uko Maurix abasogongeza indirimbo ye nshya yise 'Igitenge' 

Muri iki gitaramo, Maurix yanatanze umusogongero w'indirimbo 'Dieu t'a béni le Rwanda'- Benshi basaba ko ayisumbiramo

Abitabiriye iki gitaramo basangiye inyama z'inkware [Abenshi bayizi nk'inkoko y'ishyamba]

Aka couples y'abakundana akunda iyi njyana yitabiriye igitaramo 

Ngoga Telesphore wari umutumirwa Mukuru muri iki gitaramo, yashimye uburyohe n'ubuhanga by'injyana Afro-Opera ndetse asaba Maurix gukora ibitaramo nk'ibi byinshi

Abitabiriye barishimye batangira no gufotora Maurix Baru

Basanze Maurix ku rubyiniro barabyina karahava

Byari bishyushye mu gitaramo cya Maurix Baru acuranga Afro-Opera

Intore Karinganire muri Afro-Opera na Maurix Baru

KANDA HANO UREBE AMASHUSHO Y’INDIRIMBO ‘DONNE-MOI TA MAIN’

“>

Ibi biterane by’umuvugabutumwa w’umunyamerika Ev. Dana Morey bizabera mu Ntara y’Iburasirazuba mu kwezi kwa Nyakanga uyu mwaka. Si ubwa mbere uyu mukozi w’Imana agiye gukorera giterane i Nyagatare, ariko ni ubwa mbere azaba agikoreye mu Karere ka Bugesera.

“Uko mbizi muri Minisiteri yacu ni ku nshuro ya mbere tugiye gukorera igiterane i Bugesera. Impamvu ni inzara abaturage ba Bugesera bafitiye ijambo ry’Imana kandi n’icyicaro gikuru cya Minisiteri yacu kiri i Bugesera.” A Light to the Nations bavuga ku giterane cya Bugesera.

Igiterane cya mbere kizabera i Rukomo muri Nyagatare tariki 7-9 Nyakanga 2023 kuva saa munani z'amanywa kugeza saa kumi n'ebyiri z'umugoroba. Igiterane cya kabiri kizabera mu Karere ka Bugesera kuwa 14-16 Nyakanga 2023. Ni ivugabutumwa ry’ibiterane by’ibitangaza n’Umusaruro.

Ibiterane bya Dana Morey byitabirwa n’abantu uruvunganzoka

Ibi biterane byombi bizaririmbamo abahanzi b’ibyamamare mu Karere ka Afrika y’Iburasirazuba ari bo Theo Bosebabireba wo mu Rwanda na Rose Muhando wo muri Tanzania. Aba bahanzi bombi banaherutse guhurira mu giterane cy’amateka i Burundi, cyateguwe na A Light To The Nations.

By’umwihariko mu Karere ka Bugesera hazabera Seminari y’Abamama izaba tariki 13 Nyakanga 2023 ibere kuri Itorero RPC Bugesera. Kuwa 14-16 Nyakanga 2023, kuva saa mbiri kugeza saa sita z’amanywa hazaba Seminari y’Abizera kuri RPC Church iyoborwa na Pastor Dr Ian Tumusime.

Abazitabira ibi biterane bazahembuka mu buryo bw'Umwuka ariko kandi bamwe muri bo bazanagira amahirwe yo gutahana mu rugo ibikoresho bitandukanye by'agaciro kenshi birimo moto, telefone, igare, televiziyo n'ibindi binyuranye. Hazatangwa kandi impano zirimo inka n’ihene.

Birasaba iki kugira ngo umuntu azagire amahirwe yo gutahana impano zirimo Inka, Moto n’ibindi?