Author: webrwanda

Abarenga ibihumbi 2500 by'abayisilamu mu myambaro ikeye  n'umwuswara bifashisha mu gusenga, bazindukiye kuri  Kigali Pele Stadium, aho bitabiriye isengesho rusange ryo kwizihiza umunsi w'igitambo wa Eid al-Adha. 

Kuva saa 06:00 AM aba mbere bari batangiye kwinjira kuri iyi Sitade, abandi bagenda babiyungaho kugeza saa 8:00 AM ubwo iri sengesho ryatangizwaga na Mufuti w'u Rwanda, Sheikh Salim Hitimana. 

Nyuma y'iri sengesho Mufuti yasabye abayisilamu gukomera ku ndangagaciro basanganywe zo gukundana, kwirinda amacakubiri ndetse no gukomera ku mahame n'amategeko y'idini, kuko aribyo bizakomeza kubafasha kubaho neza ndetse no kubana neza na bagenzi babo. 

Yibukije kandi abitabiriye iri sengesho ko bakwiye gukomeza guhumuriza abarokotse Jenoside yakorewe Abatutsi mu  Rwanda mu 1994  ndetse no gufasha ababaye n'abadafite kivurira, cyane cyane muri iki gihe u Rwanda n'Isi bari kwibuka ku nshuro ya 29 Jenoside yakorewe Abatutsi. 

Iri sengesho kandi ryitabirwe n'abakomeye barimo Lt Gen Mubarack Muganga, Umugaba Mukuru w'Ingabo z'u Rwanda, Murenzi Abdallah Perezida w'Ishyirahamwe ry'Umukino w'Amagare mu Rwanda n'abandi batandukanye. 

Eid Al-Adha ni munsi ki ku bayisilamu? 

Eid al-Adha, ni Umunsi Mukuru w'Igitambo wizihizwa hazirikanwa igihe Aburahamu yari agiye gutamba umwana we Ismail ho igitambo ariko Imana ikamuha intama mu cyimbo cy'uwo mwana.

Mufuti Sheikh Salim yabwiye Itangazamakyru ko Abayisilamu bo mu Rwanda n'ahandi ku Isi bawizihije kuri uyu wa Gatatu tariki 28 Kamena 2023.

Yavuze ko kandi uyu munsi wizihizwa mu kwezi kwa Dhul Hijjah, ukwa cumi na kabiri ndetse kukaba n'ukwa nyuma ku ngengabihe y'idini ya Islam. Ni wo munsi utangiriraho umutambagiro mutagatifu uzwi nka Hajj ubera muri Arabie Saudite i Mecca ukamara iminsi itanu.

Mu bikorwa biranga Abayisilamu ku munsi w'Igitambo harimo n'iby'urukundo nko gufasha abatishoboye. Isengesho ryo kuri uwo munsi rigomba gukorwa kare mu gitondo izuba rikirasa kandi rigahuriza hamwe abantu benshi.

Kuri uyu munsi uba ari n'ikiruhuko, Abayisilamu bashishikarizwa kurangwa n'ibikorwa by'urukundo, bagafasha abakene, kandi bagahurira hamwe mu isengesho.

Nyuma y'isengesho, imiryango n'inshuti barahura bakifurizanya ibyiza, bagasurana, bagakemura amakimbirane yaba ari hagati yabo, nyuma bagasangira.

Mufuti w'u Rwanda Sheikh Salim Hitimana yibukije abayisilamu gufasha abatishoboye cyane cyane kuri uyu munsi wo kwizihiza Eid Al-adha 

Lt Gen Mubarack Muganga ni umwe mu bitabiriye isengesho rusange ryo kwizihiza uyu munsi mukuru wa Eid Al-Adha 

Ibihumbi birenga 2500 by'abayisilamu byitabiriye isengesho rusange ryo kwizihiza umunsi wa Eid Al-Adha 

Kanda hano urebe andi mafoto 

AMAFOTO: Serge Ngabo / INYARWANDA

Kuva mu rugo kwa Pastor Theogene, umurongo w'ibinyabiziga wari mwinshi ku buryo imodoka yari itwaye abanyamakuru ba InyaRwanda yageze ku rusengero rwa ADEPR Nyarugenge mu buryo bugoranye kuko tukimana kugera ku marembo wabonaga kwinjira byasaga n'ibyabaye amateka.

Icyakora twakambiye uwari ufite ububasha ari imbere y'umuryango mu mbuga y'urusengero, abonye ko turi abanyamakuru atugirira impuhwe turinjira. Uru rusengero rwa ADEPR Nyarugenge ruherereye mu mujyi wa Kigali, mu Karere ka Nyarugenge, Umurenge wa Nyarugenge, ahazwi nko mu Gakiriro ariko hahoze hitwa Agakinjiro

INKURU BIFITANYE ISANO

Ntabwo twari tuzi aho twerekeza kuko gutambuka byasabaga kubyigana ku buryo ufite amagara make nta kabuza umwuka wamubanye iyanga. Tugeze imbere mu rusengero byasabaga kuzamura camera n'amakarita kugira ngo batureke twibyiganire kuko aho gukandagira hari hashize.

Twazengurutse imiryango yose tubura aho duhagarara. Ku bw'amahirwe, umunyamakuru wa InyaRwanda yari imbere abikurikirana mu mafoto n'amashusho. 

Aho twanyuraga hose, icyifuzo abakristu n'inshuti n'abandi bamenye Pasiteri Théogène Niyonshuti bumvikanaga bavugira mu matamatama bati: 'Ese ubu iyo bareka tukajya muri stade twese tukabasha gusezera umuntu wacu'.

Usibye ko uwari wasigaye inyuma muri wa murongo w'ibinyabiziga navuze hejuru nubwo waba uri uwo mu muryango wa Pasiteri Théogène Niyonshuti mu rusengero byagoranye kuko utayiraye ku ibaba rwose ntabwo yabashije kumusezeraho bwa nyuma. 

Mu muhanda ukikije urusengero hari huzuye. Mu mbago z'urusengero hari huzuye abifuza gusezera kuri Pasiteri Théogène Niyonshuti ntabwo bagize ayo mahirwe. Mu mpande zose z'urusengero hari huzuye ku buryo no kubona aho unyura usohoka byari bigoye cyane pe.

Umubyeyi warimo ushaka kwigira imbere ngo asezere kuri Pasiteri Théogène Niyonshuti yari afite umwana amuhetse mu mugongo. Yabyiganaga ashaka kureba imbere yibagirwa ko ahetse umwana. 

Nyamara uwamuhwituye amwibutsa ko nareba nabi umwana we ahera umwuka yahise yikanga kuko yari yabyibagiwe. Bivuze ko haza kuvuka ibibazo ku bantu bari bubure umwuka cyangwa se abafite amagara make bakaba bahatesekera.

Ishusho yo ku rusengero mu gusezera bwa nyuma Pasiteri Théogène Niyonshuti

Abantu babuze aho bicara baje kumusezera bari uruvunga nzoka ku buryo buri muntu kubona aho ahagarara ni ikibazo gikomeye cyane.

Ubwo bari mu muhango wo gusezera nyakwigendera pasiteri Niyonshuti Theogene wamenyekanye nk'inzahare cyangwa inzahuke hari abantu benshi cyane kandi buri muntu wese yumvaga ashaka kumusezeraho bwa nyuma. 

Nibura hari abarenga ibihumbi 400 kandi bose bashaka ko bamusezeraho byari bimeze nko muri bya bihe byo kujya ikibeho kwa nyina wa Jambo mu ma bonekerwa ikibeho.

Mwibuke ko Pasiteri Theogene yabanaga na buri wese harimo abasengera mu madini yose cyane cyane abandi bo mu mihanda, abacuruzi mu mujyi bafunze hafi ya bose baje guherekeza Pasiteri Théogène Niyonshuti.

Mu rugo kumusezera bwa nyuma ntabwo abahaje bari benshi

Mu gitondo cyo kuri uyu wa 28 Kanama 2023 mu karere Rulindo mu murenge wa Ntarabana, akagari ka Kajevuba, umudugu wa Bikamba mu Isibo yo Gukunda umurimo ni bwo habaye umuhango wo gusezera bwa nyuma Pasiteri Théogène Niyonshuti watabarutse azize impanuka. 

Yagonzwe avuye muri Uganda ageze i Kabale ahagana saa tanu z'ijoro abona ubutabazi atinze. Nibura abaje kumutabara bamugezeho saa sita z'amanywa. Iyi mpanuka yari ikomeye kuko yahitanye abantu bane bari bari mu modoka yari itwawe na Pastor Theogene.

Mu kumusezera bwa nyuma, mu rugo rwe hari huzuye ku buryo abafite imitima yoroshye bari bananiwe kwihangana amarira ari yose. Urugo rwari ruruzuye kandi ari guherekezwa mu masengesho kuko n’ubundi ubuzima bwe bwaranzwe no gukorera Imana yamuhamagaye.

Hari saa kumi n'ebyiri za mu gitondo ubwo umuryango, inshuti, itorero rya ADEPR bajyaga gufata umubiri wa Pasiteri Théogène Niyonshuti. Yabonye izuba ku itariki 01 Mutarama mu 1982. Yatashye ku itariki 22 Kanama 2023 saa tanu z'ijoro. Agiye assize abana bane n'abandi 22 yareraga ku bw'ubugwaneza bwamuranze ubuzima bwe bwose.

Ku isaha ya saa tatu n'igice nibwo umubiri wari ugejejwe mu rugo rwa nyakwigendera. Kuva umubiri we uhageze amarira yabaye menshi mu gikari abandi kwifata birabananira. Uyoboye umuhango yabanje kuvuga ko nta mpamvu yo kumuherekeza mu gahinda kuko yasabye ko yazaherekezwa mu byishimo no mu ndirimbo.

Niko byagenze yahise asaba korali kwanzika bashyiraho indirimbo zirimo ubuhamya bugira buti:'Wabaye intwari mu buzima uyobora benshi ku Mana. Aratashye umukozi w'Imana, aratashye intwari ya benshi'.

Ni indirimbo ivuga ko hahirwa abapfa bapfira mu mwami. Baruhukira mu Mwami. Bati:'Wakoreye Imana, Wakoreye Imana mukunzi igendere ruhuka mugeni wa Kristo'.

Pasiteri Théo, wari ufite imyaka 40, yari azwi cyane mu Banyarwanda n’Abarundi n’abandi bumva Ikinyarwanda bakurikira ibiganiro ku rubuga rwa YouTube.

Yabwirizaga akenshi yifashishije ingero zo mu buzima yanyuzemo nk’umwana wo mu muhanda.

Ni ibiganiro yatangaga abivangamo no gutebya (gutera urwenya). Rimwe na rimwe yanatumirwaga ari kumwe n’umugore we. Yari umushumba wa Paruwasi ya Muhima mu itorero rya ADEPR-Kamuhoza, mu mujyi wa Kigali.

Pasiteri Ndayizeye ati: “Ndamuzi ataraba na pasiteri. Yari afite impano yihariye mu ivugabutumwa, ijyanye n’ubuzima yabanje kubamo muri Jenoside. “Yabaye imfubyi, aba ku muhanda ariko arakizwa. Yari umuntu wahindutse, wifitemo umutima wo gukunda”.

Pasiteri Ndayizeye avuga kandi ko Pasiteri Théo hari abana yari yarakuye mu buzima bwo mu muhanda akabarihira ishuri. Ati: “Yari umuntu ufißte ubwo bwitange”.

Asize abana bane n’umugore.

Pasiteri Niyonshuti, yari umugabo wahindutse ahindura n'abandi Mu buhamya bwe, Pasiteri Niyonshuti yivugiraga ko ari umwe mu bakozi b'Imana batarya iminwa iyo bigeze ku ngingo ijyanye no kuvuga ubuzima bw'ibyo banyuzemo.

Ubusanzwe avuka mu muryango ukomeye ariko nyuma ya Jenoside yakorewe Abatutsi muri Mata 1994 yabayeho mu buzima bugoye bwatumye ayoboka inzira yo kwicira incuro.

Muri ubwo buzima yari atunzwe no gukora mu kinamba ndetse uwarangaraga amuri hafi yasangaga amutwaye umuzigo we.

Nyuma yo kurambirwa nubwo buzima bwo gushakira amahoro mu rumogi n'ibindi, mu 2003 ni bwo yafashe umwanzuro wo kwakira agakiza, ndetse yari akigahagazemo yemye kugeza atabarutse.

Nyuma yo kwimarira mu gakiza, yasubiye ku muhanda akurayo bamwe mu bo yahasize, abahindurira ubuzima, bamwe abafasha kwiga imyuga, abandi abafata nk'abana be.

Umuhango wo kumushyingura ukomereje ku irimbi rya Rusororo aho biza kugorana ku bari butinde kuhagera kuko bigaragara ko yaherekejwe n'abantu benshi.

AMAFOTO:Nathanael Ndayishimiye

VIDEO: DODOS &DOX VISUAL

Uyu mugabo afite imyaka 55,yavutse taliki 22 Ukwakira 1967. Yavukiye mu gace ka Titograd mu gihugu cya Montenegro gihereye mu magepfo ashyira uburasirazuba ku mugabane w'I Burayi. Umupira yatangiye kuwukina mu 1980 akina mu kibuga hagati  mu ikipe yitwa Buducnost Totograd ikina ikiciro cya mbere iwabo,nyuma y'imyaka 8 yaje  kwerekeza mu ikipe ya Sutjeska Niksic ikina ikiciro cya kabiri. Yakinnyeyo igice cy'umwaka w'imikino maze arongera asubira muri Buducnost Totograd yongera kuhava  mu 1991. Yerekeje mu makipe atandukanye maze mu 1998 afata umwanzuro wo kureka ruhago

Miodrag Radulovic yatangiye gutoza muri 2001 ari umwungiriza mu ikipe yo mu gihugu kiwabo yitwa Zeta,muri 2006 yaje kujya kuba umutoza w'ungirije mu ikipe ya  Boavista ikina muri shampiyona y'ikiciro cya mbere muri Portugal.

Muri 2010 nibwo yatangiye gutoza nk'umutoza mukuru ahereye ku ikipe yitwa FC Pakhtakor Tashkent yo mu gihugu cya Uzbekistan , nyuma yaje guhita asubira mu gihugu yavukiyemo ajya gutoza ikipe yitwa Buducnost Podgorica ikina ikiciro cya mbere ndetse ahita yegukana n'igikombe cya shampiyona.

Nyuma yo gukora akazi gakomeye muri 2015 yahise ahabwa ikipe y'igihugu ya Lebanon nyuma yuko  itandukanye n'umutaliyani Guiseppe Giannini. Miodrag Radulovic nubwo atabashije guhesha Lebanon itike y'Igikombe cy'Isi ariko bwambere yabaheshe itike y'igikombe gihuza amakipe y'ibihugu yo ku mugabane wa Asia.

Yakomeje kuba umutoza mukuru mu makipe agiye atandukanye maze muri 2020 agirwa umutoza w'ikipe y'igihugu cye cya Montenegro ndetse ahita anatoza imikino yo gushaka itike y'igikombe y'isi cya 2022 cyabereye muri Qatar. Uyu niwe mutoza uri kuvugwa kukuba yatoza ikipe y'Ingabo z'Igihugu ndetse yewe uyu munsi ari busesekare mu Rwanda.

Miodrag Radulovic uri kuvugwa mu kuza gutoza ikipe ya APR FC

Mu gitondo cyo kuri uyu wa 28 Kanama 2023 mu Karere Rulindo mu Murenge wa Ntarabana, akagari ka Kajevuba ,Umudugu wa Bikamba mu Isibo yo Gukunda Umurimo turi gusezera mu cyubahiro bwa nyuma Pasiteri Théogène Niyonshuti watabarutse azize impanuka. Yagonzwe avuye muri Uganda ageze I Kabale ahagana saa tanu z'ijoro abona ubutabazi atinze. Nibura abaje kumutabara bamugezeho saa sita z'amanywa. Mu rugo rwe haruzuye ku buryo abafite imitima yoroshye bari kunanirwa kwihangana amarira ni yose. Urugo ruruzuye kandi ari guherekezwa mu masengesho kuko n’ubundi ubuzima bwe bwaranzwe no gukorera Imana yamuhamagaye.

Saa kumi n'ebyiri za mu gitondo nibwo umuryango, inshuti, itorero rya ADEPR bagiye  gufata umubiri wa Pasiteri Théogène Niyonshuti. 

Ku isaha ya saa tatu n'igice nibwo umubiri we  wari ugejejwe mu rugo rwa nyakwigendera. Kuva umubiri we uhageze amarira yabaye menshi mu gikari abandi kwifata birabananira. Uyoboye umuhango yabanje kuvuga ko nta mpamvu yo kumuherekeza mu gahinda kuko yasabye ko yazaherekezwa mu byishimo no mu ndirimbo. Niko byagenze yahise asaba korali kwanzika bashyiraho indirimbo zirimo ubuhamya bugira buti:'Wabaye intwari mu buzima uyobora benshi ku Mana. Aratashye umukozi w'Imana, aratashye intwari ya benshi'.

 

Ni indirimbo ivuga ko hahirwa abapfa bapfira mu mwami. Baruhukira mu Mwami. Bati:'Wakoreye Imana, Wakoreye Imana mukunzi igendere ruhuka mugeni wa Kristo'.

 

 

Pasiteri Théo, wari ufite imyaka 40, yari azwi cyane mu Banyarwanda n’Abarundi n’abandi bumva Ikinyarwanda bakurikira ibiganiro ku rubuga rwa YouTube.

Yabwirizaga akenshi yifashishije ingero zo mu buzima yanyuzemo nk’umwana wo mu muhanda.Ni ibiganiro yatangaga abivangamo no gutebya (gutera urwenya). Rimwe na rimwe yanatumirwaga ari kumwe n’umugore we.

Yari umushumba wa Paruwasi ya Muhima mu itorero rya ADEPR-Kamuhoza, mu mujyi wa Kigali.

Pasiteri Ndayizeye ati: “Ndamuzi ataraba na pasiteri. Yari afite impano yihariye mu ivugabutumwa, ijyanye n’ubuzima yabanje kubamo muri Jenoside.Yabaye imfubyi, aba ku muhanda ariko arakizwa. Yari umuntu wahindutse, wifitemo umutima wo gukunda”.

Pasiteri Ndayizeye avuga kandi ko Pasiteri Théo hari abana yari yarakuye mu buzima bwo mu muhanda akabarihira ishuri.Ati: “Yari umuntu ufite ubwo bwitange”.

Asize abana bane n’umugore.

Pasiteri Niyonshuti, yari umugabo wahindutse ahindura n'abandi

Mu buhamya bwe, yivugiraga ko ari umwe mu bakozi b'Imana batarya iminwa iyo bigeze ku ngingo ijyanye no kuvuga ubuzima bw'ibyo banyuzemo.

Ubusanzwe yavukaga mu muryango ukomeye ariko nyuma ya Jenoside yakorewe Abatutsi muri Mata 1994  yabayeho mu buzima bugoye bwatumye ayoboka inzira yo kwicira incuro nyumayo kwisanga ari wenyi , umuryango we wose wishwe.

Muri ubwo buzima yari atunzwe no gukora mu kinamba ndetse uwarangaraga amuri hafi yasangaga amutwaye umuzigo we.

Nyuma yo kurambirwa nubwo buzima bwo gushakira amahoro mu rumogi n'ibindi, mu 2003 ni bwo yafashe umwanzuro wo kwakira agakiza, ndetse yari akigahagazemo yemye kugeza atabarutse.

Nyuma yo kwimarira mu gakiza, yasubiye ku muhanda akurayo bamwe mu bo yahasize, abahindurira ubuzima, bamwe abafasha kwiga imyuga, abandi abafata nk'abana be.

AMAFOTO: Nathanael Ndayishimiye