Author: webrwanda

Iyi miryango yavuguruye amasezrano yabo no kwiyemeza kubana imbere y’ Imana igizwe n’abakristo b’ Itorero rya Methodiste Libre rya Kicukiro. 

Bamaze kuvuga indahiro ishimangira  isezerano ryabo imbere y’ Imana indahiro yabo yakiriwe n’ umushumba Rev. Ndagijimana Jean Baptiste akaba ariwe ayobora Paroisse ya Kicukiro.

Hakurikiyego igikorwa  cyo gusinyira mu gutabo cyitorero cya  Methodiste Libre – Kicukiro 

Abashingirwanywe bose uko ari 11 bavuga ko bahuguwe babwirwa ibyiza byo kubana byamewe n’amategeko ya Repubulika y’ u Rwannda ndetse  nuko Bibiliya ibitegeka . Sibyo gusa kuko bigishijwe kendi umumaro wo gukorera Imana barasezenye imbere y’ Imana .  Izi mpamvu zose ngo akaba arizo zabateye kwemera bagategurira hamwe ibirori byabo. Itoreo naryo ribahitiramo kubasezeranyiriza umunsi umwe . 

Bamaze gusezerana no gusinya Itorero ryabahaye impano igizwe na Bibiliya ndetse n’igitabo cy’ indirimbo 

Ku rwego rw’ Itorore ibirori byo kubakira bikaba biza kubera ku rusengero noneho nyuma y’iyi mihango muri muryango ukaza gukomereza ibirori mu rugo 

Umuyobozi w’itorero abasezeranya yagize ati” Uwiteka abarebe neza kandi abahe kubana  amahoro. Ababyeyi beza bubaka umubare nyarwanda bazarerere igihugu. “ 

Ibi birori kandi byitabiriwe n’umunyamabanga nshingwa bikorwa w’ Umurenge wa Kicukiro mu Karere ka Kicukiro.  Mu ijambo rye yagarutse ku bufatanye n’itorero Methodiste Libre ndetse abashimira kuba barahuguye iyi miryango anabasezeranya ko ubutaha mu gikorwa nkicyo azazana ibendera ku rusengero hakanabera umuhango wo kubasezeranya icyarimwe mu mategeko ndetse n’imbere y’Imana . 

Asoza ijambo rye yaboneyeho gushishikariza abakristo ba Methodiste Libre kwitabira gahunda yo kwishura ubwishingane mu kwivuza Mutuelle de Santé .

Ndetse Itorero naryo rimwereka ko iyo gahunda bayitabiriye ahubwo rinamushikiriza sheki y’amafaranga yakusanijwe n’itorero ngo ryishurire abantu  mutuelle de santé .

Michael Collins Ajereh wamamaye ku izina rya Don Jazzy umwe mu bafite izina rikomeye mu muziki nyafurika, akaba ndetse anafite inzu ifasha abahanzi ya 'Marvin Record Label', yagarutse ku mpamvu zamubujije gusinyisha abarimo Davido na Wizkid.

Uyu mugabo yavuze ko nubwo yabishakaga cyane atagize amahirwe yo gusinyisha Davido kuko uyu muhanzi yamamaye nta nzu n’imwe imufashije bityo ngo byari kugora Don Jazzy kumusinyisha.

Don Jazzy yavuze ko kuba Davido yaramenyekanye nta nzu ibimufashijemo byatumye abura uko amusinyisha

Yagize ati: 'Byari bigoranye kuko Davido ntacyo nari kumwereka namufasha kuko yari yaramaze kwigeza kuri byinshi ari wenyine kandi igihe nashinganga Label yanjye, Davido we yari yaramaze kuba umusitari ku buryo bitari koroha ko musinyisha'.

Don Jazzy yakomeje anagaruka kuri Wizkid agira ati: 'Sinari kumusinyisha nawe kuko yari yari amaze gusinyishwa muri Label ya Bank W ya Empire Mates Entertainment. Nawe namwifuje bitinze bitakunda ko mubona'.

Wizkid wari warasinyanye n'indi Label, byabujije Don Jazzy amahirwe yo kumusinyisha

Don Jazzy uvuga ko atagize amahirwe yo gusinyisha ibi byamamare byombi, yasoje agira ati: 'Nterwa ishema nabo naho bamaze kugeza Afro Beat. Ntekereza ko kuba ntarasinyishije nta kibazo kirimo kuko nifuzaga ko batera imbere kandi babigezeho. Nubwo atarinjye wabafashije ariko ndabyishimira'.

Magingo aya Don Jazzy ufite Marvin Record Label niwe uri gufasha abahanzi bahagaze neza muri iyi minsi barimo Ayra Starr na Rema umaze kuba umusitari mpuzamahanga kubera indirimbo ye 'Calm Down'.

Yabitangaje kuri uyu wa Gatanu tariki 14 Nyakanga 2023, atangiza ku mugaragaro uruhererekane rw'ibiterane by'ivugabutumwa ryagutse 'Miracle Gospel Harvest' biri kubera muri aka Karere kuva kuwa Gatanu kugeza ku Cyumweru tariki 16 Nyakanga 2023.

Ni ibiterane by'Umuvugabutumwa Dana Morey wo muri Leta Zunze Ubumwe za Amerika ategura anyujije mu muryango 'A Light to the Nations' (aLn).

Byabereye muri aka Karere nyuma yo gutangirira mu Karere ka Nyagatare mu Burasirazuba bw'u Rwanda kuw 07-9 Nyakanga 2023.

Ibi biterane biherekejwe n'Ijambo ry'Imana, ndetse na tombola z'ibihembo birimo moto, televiziyo, amagare n'ibindi binyuranye. 

Biririmbamo abahanzi b'amazina akomeye nka Rose Muhando wo muri Tanzania na Theo Bosebabireba wamamaye mu ndirimbo zomoye imitima ya benshi, kuva mu myaka irenga 15 ari mu muziki.

Ubwo yatangizaga iki giterane, Meya Mutabazi yashimye Perezida Paul Kagame ku bwa sitade y’Akarere ka Bugesera yatumye babasha kwakira igiterane nk’iki. Ati “Kwari ukugira ngo umunsi (nk'uyu) Dana Morey (ubwo) azaza, azabone aho duhurira.”

Muri iki giterane, Meya Mutabazi yashimye umuryango wa ‘A Light to the Nations’ ku bwo gutegura iki giterane kubera ‘umurimo ukomeye bakorera mu karere kacu’. Ndetse, anashima abafatanyabikorwa b’uyu muryango. Ati “Imana ibahe umugisha.”

Yashimye kandi abatuye Umujyi wa Nyamata ku bwo kwitabira iki giterane. Ati “Hari byinshi mwari gukora, ariko mwavuze ‘reka tujye gushaka Imana’.”

Mutabazi yifashishije imirongo itatu ya Bibiliya, yasabye abanya-Bugesera ibintu bitatu: Yavuze ko buri wese afite umuryango abarizwamo, abasaba kwirinda amakimbirane.

Ati 'Tubyirinde! Abenshi hano twakiriye ijambo kandi twakiriye agakiza, twakijijwe kandi ijambo ry'Imana rivuga ko uwakiriye Yesu Kristo aba yahindutse icyaremwe gishya.'

Akomeza ati 'Aho duturuka mu miryango yacu, tuberere imbuto, twirinde amakimbirane.'

Mu gusobanura neza iyi ngingo, yifashishije amagambo aboneka mu Imigani 18: 19 hagira hati 'Umuntu ubabajwe n'uwo bava inda imwe, Kumugorora biraruhije biruta guhindura umurwa ukomeye, Kandi intonganya zabo zimeze nk'ibyuma byugariye ibihome.'

Uyu muyobozi yakomeje asaba abatuye aka Karere gukura amaboko mu mifuka bagakora. Yisunze Bibiliya yasomye amagambo aboneka muri Zaburi 128:2 hagira hati 'Kuko uzatungwa n'imirimo y'amaboko yawe, Uzajya wishima, uzahirwa.'

Yavuze ko nta muturage ukwiriye gushishikazwa no guhindura icyiciro cy'ubudehe kugira ngo Leta imuhe ubufasha, ahubwo akwiriye kwiteza imbere.

Yabwiye abanya-Bugesera ko 'Imana iratwifuriza kugira amahoro mu ngo n'umutekano.' Yifashishije amagambo aboneka muri Zaburi 122:7, ati 'Amahoro abe imbere y'inkike zawe, Kugubwa neza kube mu nyumba zawe.'

Meya Mutabazi yumvikanisha ko kwirinda ubujura, gutangira amakuru ku gihe, kwirinda abagizi ba nabi, kubaruza abantu baraye mu Mudugudu 'Biriya byose ni kugira ngo tuzagire amahoro mu nkike zacu.'

Meya Mutabazi yasabye abatuye akarere ka Bugesera kwirinda amakimbirane

Mutabazi yatangije ku mugaragaro ibiterane bigamije ivugabutumwa biri kubera muri aka karere ayoboye

Abarenga ibihumbi 30 bitabiriye umunsi wa mbere w’igiterane

Meya Mutabazi yashimye umuvugabutumwa Dana Morey, kubera ibiterane ari gukorera mu Bugesera

Kanda hano urebe amafoto menshi yaranze iki giterane ku munsi wa mbere

Umwanditsi: Patience Muhoza