Author: webrwanda

Kuwa 27 Nyakanga 2023 mu masaha y'umugoroba ni bwo byamenyekanye ko Junior Multisystem yitabye Imana inkuru itoroshye kwakira ku bakunzi b'umuziki nyarwanda kuko yabaye umwe mu mpirimbanyi zawo.

Uyu mugabo kandi akagira ubuhanga bwatumye yiyambazwa na benshi b'abahanzi bamuganaga bamusaba ko yabatunganyiriza indirimbo dore ko izo yakoragaho zose zahitaga zamamara.

Umubare w'indirimbo yakoze biragoye kuwumenya kuva yakwinjira mu gutunganya umuziki, ibigwi bye biyingayinga ibya Lick Lick banakoranyeho igihe gito mbere ya 2011.

Junior Multisystem wari umaze igihe arembejwe n’uburwayi inkuru y’urpfu rwe yashavuje benshi

Niba uzi indirimbo 'Ndaje' ya The Ben iri mu zatunganijwe na Junior ,uyu muhanzi akaba yaragaraje ko yatewe akababaro gakomeye ni iyi inkuru amwifuriza kuruwuhikira mu mahoro.

Shaddyboo na we ni umwe mu basabiye uyu mugabo kuruhukira mu mahoro. King James wakoranye igihe kitari gito na Junior yagize ati'Rimwe na rimwe umuntu abura icyo avuga kubera agahinda. Ruhukira mu mahoro muvandimwe nshuti.'

Uncle Austin na we yerekanye ko ari mu bihe bitoroshye ati'Nta magambo mfite yo kuvuga.Roho yawe iruhukire mu mahoro munyabigwi.' 

Oda Paccy yerekanye ko biroshye ku bw'ibihe yanyuranyemo na Junior Multisystem.

Uyu muhanzikazi yagize ati'Hari inkuru igoye kumva Imana ikwakire muvandimwe kuva muri 2009 wari umuntu wanjye.'

Safi Madiba ati'Ntacyo mfite cyo kuvuga kugera ubwo tuzongera guhura muvandimwe.'

The Ben ari mu bifurije kuruhukira mu mahoro Junior Multisystem wanamukoreye zimwe mu ndirimbo

Safi akomeza agira ati'Ndabizi muvandimwe uri mu ijuru urimo ucuranga piano. Roho yawe iruhukire mu mahoro.' 

Christopher Muneza ati'Mu kuri ntacyo mfite cyo kuvuga ndababaye.'

Meddy Saleh ati'Uruhukire mu mahoro.' 

Teta Dian na we yagize ati'Canga Ikarita, Fata Fata, Menya Ibyawe wabaye ingenzi uruhuke neza Junior Multisystem.'

Riderman ati'Uruhukire mu mahoro Umwami. Nyagasani agutuze aheza.' 

Davis D ati'Uruhukire mu mahoro muvandimwe Junior.' Irene Murindahabi ati'Uruhukire mu mahoro muvandimwe Junior Multisystem.'

Umunyamideli w'umunyarwandakazi uba mu Bubiligi Mim, Mirage uheruka kugirana ikiganiro na The Choice aho yari kumwe Junior Multisystem na we yashyize ubutuwma hanze.

Agira ati'Warakoze muvandimwe Phil Peter gutuma mbasha guhura n’iyi Roho nziza. Umutima wanjye urababaye kubera kumva iyi nkuru y’uko yatuvuyemo.'

Yongeraho ati'Nakunze Roho yiwe n'uburyo yakomezaga kwikomeza nubwo bwose yarimo anyura mu bihe bitoroshye. Roho yawe iruhukire mu mahoro Junior Multisystem.'

Phil Peter na we yagaragaje ko yashenguwe cyane n'urupfu rwa Junior Multisystem. Rocky Kimomo ati'Uruhukire mu mahoro.' Junior Giti ati'Ruhuka neza musirikare Junior Multisystem.'

Mimi Mirage ubwo yari mu Rwanda yagize umwanya wo guhura na Junior Multisystem witabye Imana

Ni benshi bakomeje kugaragaza ko umuziki nyarwanda uhombye umunyabigwi banamwifuriza kuruhuka neza. Uyu mugabo uburwayi bwe bukaba bwaraturutse ku mpanuka yakoze mu 2019 yanatumye bamuca akaboko.

Natwe tumwifurije kuruhukira mu mahoro kandi Imana yorohereze umuryango we n'abavandimwe be.

Kuri uyu wa Gatandatu guhera ku isaha ya saa Kumi n’imwe kuri Grande Legacy Hotel ,abanyarwanda n'abanyamahanga bazahurira muri Story Telling Night ,igikorwa kimaze kwamamara mu gutanga ubumenyi, guhuza abantu no komora imitima ya benshi.

Mu kiganiro InyaRwanda iheruka kugirana  n'ubuyobozi bwa Interact Rwanda itegura iki gikorwa, batangaje ko bishimira aho bamaze kugera mu gihe gito bamaze ku buryo bizera ko ku nshuro ya cumi ntakabuza n'ibinyamakuru mpuzamahanga bizaba byaratangiye kubandikaho.

InyaRwanda tukaka  twifuje gukomoza gato ku  bantu bazatanga ibiganiro ku ngingo irebana n'ibibera mu bihugu bitandukanye dore ko aba bagabo bazaganiza abazitabira banyuze muri byinshi yaba ibya Afurika no hakurya yayo.

Eugene Anangwe

Ni umuyobozi wa CNBS Africa mu Rwanda,ari mu batangije televiziyo zitandukanye nka TV47 Kenya na Look Up TV. Kuri ubu afite ikiganiro ayobora kinyura kuri televiziyo Rwanda kitwa 'The Summit'.

Ari mu banyamakuru n'inararibonye mu birebana n'itangazamakuru mu Karere k'Ibiyaga Bigari mu binyacumi amaze atangiye urugendo rw'itangazamakuru.

Yagiye akorana ibiganiro bitandukanye n'abayobozi bakomeye barimo Perezida Paul Kagame, Benjamin Mukappa wabaye Perezida wa Tanzania n’abashoramari batandukanye barimo  Patrice Motseppe wo muri Afurika y’Epfo.

Mikel Roberto Quintana

Ari mu bayobozi b'Agahozo Shalom Village, ubuzima bwe yabwerekeje mu birebana n'uburezi bwambukiranya imipaka. Uyu mugabo akaba yaravuye muri Leta ya New York ho muri Leta Zunze Ubumwe za Amerika.

Yabaye mu bihugu bitandukanye birimo Espagne, Mexico, Australia, Equador na Chile, ubu atuye mu Rwanda, yize muri Kaminuza ya Boston aho yize mu ishami ry'ububanyi n'amahanga.

Charline Prazen Chikomo

Yabayeho umwe mu bagize Inteko Ishingamategeko ya Zimbabwe, ibikorwa byatumye agenda atembera mu bihugu bitandukanye birimo Nigeria, Afurika y’Epfo , Uganda, Kenya n'ibindi.

Ni umwanditsi akaba n’intyoza mu bijyanye no gutanga ibiganiro, aho yagiye atanga ibiganiro bitandukanye binanyuze no muri Duce Leadership Initiative yatangije, igenda itanga ubujyanama mu bintu bitandukanye  byibanda ku miyoborere.

Wagura itike yawe unyuze ku rubuga rwa www.interactrwanda.com ukaba wanasura imbuga nkoranyambaga bagenda bakoresha yaba Instagram, Facebook na Twitter.

Ushobora kwifashisha uburyo bwa Momo Code ugura itike yaweNi kuri Grande Legacy Hotel, Story Telling Night ku nshuro yayo ya Gatatu izabera guhera saa Kumi n’imwe kugera saa mbiri z’umugoroba kuri uyu wa 29 Nyakanga 2023 

Ni gake cyane wasanga umusitari yakundanye n’umufana we kugeza aho basezerana kubana akaramata gusa hari ibyamamare byerekanye ko ibi bishoboka cyane. Ikinyamakuru People Magazine kabuhariwe mu myidagaduro muri Amerika cyasohoye urutonde rw’ibyamamare 10 byakoze ubukwe n’abafana babyo.

Uru rutonde kandi ruhuye neza n’urwo ikinyamakuru Hollywood Reporter cyakoze aho cyerekanye abasitari 10 bashakanye n’abafana babo. Uru rutonde rugizwe n’abahanzi bafite izina rikomeye ku rwego mpuzamahanga hamwe n’abakinnyi ba filime bazwi cyane:

1.Justin Bieber n’umugore we Hailey Baldwin

Mbere y’uko Justin Bieber akundana n’umunyamideli Hailey Baldwin, Hailey yahoze ari umufana ukomeye wa Justin Bieber kuva muri 2009 ndetse baza kuba inshuti ubwo Justin Bieber yaragikundana na Selena Gomez kuko icyo gihe aba bakobwa bombi bari inshuti magara. Nyuma yo kutandukana kwa Selena na Justin, Hailey yahise abona amahirwe yo gukundana n’umuhanzi yakundaga Justin Bieber. Ibyabo ntibyatinze kuko bakoze ubukwe muri 2019 bamaze umwaka umwe bakundana.

2.Kanye West na Kim Kardashian

Igitangaje kuri ibi byamamare ni uko buri umwe yafanaga undi! Kuva kera mbere y’uko kanye West akundana na Kim Kardashian muri 2012, yakunze kujya avuga mu ndirimbo ze ko akunda Kim Kardashian. Ku ruhande rwa Kim nawe yakunze gutangaza ko Kanye West ariwe muraperi afana. Aba bombi barakundanye bakora ubukwe muri 2014 gusa umubano wabo ntiwakomeje kugenda neza dore ko ubu batandukanye bamaranye imyaka 6 gusa.

3.Jessica Alba na Cash Warren

Umukinnyi kabuhariwe wa filime, Jessica Alba uri no ku rutonde rw’abagore bakurura abagabo cyane ku Isi,yakundanye na Cash Warren utunganya filime, uyu mugabo  akaba yari umufana ukomeye  ariwe Jessica Alba mbere y’uko bakundana. Aba bombi batangiye gukundana muri 2004 bakora ubukwe muri 2007. Kugeza ubu bamaze kubyarana abana 3.

4.John Travolta na Kelly Preston

Nubwo aba bombi ari ibyamamare muri Hollywood ntibyabujije Kelly Preston gufana cyane John Travolta ukina filime ndetse Kelly ni nawe wagiye kwiteretera John Travolta akimara kumubona muri filime yitwa Grease yasohotse mu 1991. Aba bombi kuva ubwo bahise bakundana baza gukora ubukwe mu 1994 kugeza n’ubu basazanye bakirebana akana ko mu jisho.

5.Matt Damon na Luciana Barroso

Matt Damon uzwi cyane muri filime nka Jason Bourne, The Martian, The Departed n’izindi yahuye na Luciana Barroso muri 2002 ubwo yari yasohokeye mu kabari agasanga Luciana niho akora aseriva inzoga, maze Luciana amubwira ko akunda filime ze, Matt Damon kuva ubwo ahita amukunda. Bombi bakoze ubukwe muri 2005 kugeza ubu.

6.Steve Harvey na Marjorie Bridges

Umunyarwenya wabigize umwuga Stevie Harvey yakoze ubukwe na Marjorie Bridges nyuma y’imyaka 4 Marjorie Bridges abwiye Steve Harvey ko ari umufana we ukomeye.

7.Prince William na Kate Middleton

Ubwo Kate Middleton yari akiri muto afite imyaka 11,yari afite ifoto ya Prince William ku gikapu yajyanaga ku ishuri kuko yamukundaga.Aba baje gukundana bamaze gukura maze muri 2011 bakora ubukwe.Ubu bafitanye abana 3.

8.Wiz Khalifa na Amber Rose

Umunyamideli Amber Rose yahoze akunda cyane umuraperi Wiz Khalifa ndetse na Wiz Khalifa byari uko.Aba bombi barakundanye bakora ubukwe muri 2016 gusa ntabwo byabahiriye kuko baje gutandukana babyaranye umwana w’umuhungu.

9.Kevin Hart na Eniko Hart

Mbere y’uko Kevin Hart akundana n’uyu mukobwa Eniko Parrish yahoze ari umufana wa Kevin Hart dore ko yakundaga kwitabira ibitaramo by’urwenya Kevin Hart yabaga yakoze.Aba bombi banaherutse gusura u Rwanda, batangiye gukundana muri 2009 maze bakora ubukwe muri 2016.Kugeza ubu bafitanye abana 2.

10.Nicolas Cage na Alice Kim

Umukinnyi ukomeye wa filime Nicolas Cage ,yahuye n’umufana we Alice Kim muri 2004 ubwo yakoraga muri resitora Nicolas Cage yakundaga kuriramo.Aba bombi baje gukundana bakora ubukwe ndetse banabyarana umwana w’umuhungu witwa Kal-El.Baje gutandukana bamaranye imyaka 11 babana nk’uko Daily Mail yabitangaje.

Kenshi usanga habaho gahunda zitandukanye zo gushyigikira umwana w'umukobwa yigishwa uko yakwirinda ibigusha n'uburyo bw'imyitwarire ariko ugasanga   atarizo mbaraga zikoreshwa ku bahungu kandi akenshi aribo bagira uruhare mu gushuka bashika babo.

Umuryango AMERWA wasanze bidahagije ku kugira ngo umuryango ubeho wuje indangagaciro uhitamo kwiha umukoro wo gutoza abana b'abahungu ngo bakurane kumva ko bafite inshingano yo kwiteza imbere no guteza imbere abandi.

Ibi bikazajya bikorwa buri mwaka mu mwiherero wahawe izina rya 'Boys to Men' aho abana bose bemerewe kwitabira gusa ku nshuro ya mbere hakaba hari umubare ntarengwa w'abana 60.

Aho uwiyandikisha agomba kuba ari hagati y'imyaka 10 na 16, mu kiganiro n'itangazamakuru Alain Numa uri mu bateguye iki gikorwa usanzwe ari n'Umuyobozi wa AMERWA.

Asobanura iki gikorwa yagize ati'Tumaze kumenyera ko muri gahunda zitandukanye abakobwa aribo baganizwa cyane ariko twe twatekereje ku bahungu.'

Yongeraho ati'Ahanini bitewe no kuba ababyeyi batabona umwanya uhagije muri iki gihe, uko abanyarwanda bakuze bumva ko hari ibyo batabwira abana babo.'

Akomeza agira ati'Bityo twateguye umwiherero aho  abana bazaganirizwe ku bikorwa bitandukanye ku isonga indangagaciro z'umuco nyarwanda.'

Avuga ko  banatekereje ku bibazo byugarije urubyiruko ati'Bazaganizwa ku biyobyabwenge, imikoreshereze iboneye y'ikoranabuhanga harimo imbuga nkoranyambaga, imiyoborere, kumenyereza abana umuco wo kwizigamira gutegura imishinga n'ibindi.'

Rev Alain Numa Umuyobozi wa AMERWA yateguye igikorwa cya Boys To Men

Iki gikorwa kikaba cyaratekerejweho ahanini bishingiye ku cyifuzo cya Mugisha Numa Ian w'imyaka 14 nk’uko yabitangaje ati'Nifuje ko abana b'abahungu bagenzi banjye batangira gutozwa gukunda igihugu no kugira inshingano hakiri kare mbibwira AMERWA iranshyigikira.'

Mugisha Numa Ian ni we wabaye imbarutso y’igikorwa cya ‘Boys To Men’

Gasore Serge Foundation isanzwe ifasha mu buzima bwa buri munsi bw'igihugu byumwihariko abana b'abakobwa babyariye mu rugo, bavuze ko igikorwa cya 'Boys To Men' ari ingenzi kuko usanga abakobwa ataribo bishyira mu bibazo  ahubwo ko abahungu babigiramo uruhare.

Kwiyandikisha bikaba byaratangiye [kanda hano wiyandikishe] ku bana b'abahungu bifuza kwitabira aho basabwa kwishyura ibihumbi 50Frw ,azabafasha mu bintu bimwe na bimwe guhera kuwa 13 kugera kuwa 19 Kanama 2023 mu gihe cy'umwiherero uzabera mu Karere ka Bugesera .

Ubuzima bw'ababana buzaba bukurikiranwa umunsi ku wundi na Market In Touch iri mu baterankunga b'iki gikorwa hari n'abatetsi bavuye mu gihugu cy'Ububiligi ku bufatanye na Metis Vision Organization.

Muri iki gihe cy'umwiherero abana bazajya bagenda banahabwa ibihembo bitandukanye bizatangwa n'abarimo Mythos Hotel ari nayo yabereyemo ikiganiro n'itangazamakuru hasobanurwa iyi gahunda.

Abana kandi bazagenda basura abaturage n'uduce dutandukanye banakora ibikorwa by'urukundo maze kuwa 19 Kanama 2023 bazasoze mu birori bizitabirwa n'abyeyi babo n'abandi batumirwa batandukanye.

AMERWA yateguye iki gikorwa ni ishyirahamwe ryita ku buzima bw'abana bafite ababyeyi babirabura n'abazungu mu Rwanda, ryashyizweho hagamijwe kwita ku buzima bwabo benshi usanga bunagoranye.

Bitewe ahanini n’uko abanyamahanga usanga barababyaye ari ababa bari mu kazi mu Rwanda by'igihe gito bamwe bakanagenda batanazi ko banateye inda.

Gusa uyu muryango unafite ni inshingano yo gufasha abantu bose muri rusange kubaho kandi neza binyuze mu kubafasha mu bikorwa by'iterambere n'ibindi binyuranye.

Igikorwa cya ‘Boys To Men’ kizajya kiba buri mwaka kuri ubu cyatewe inkunga na Gasore Serge Foundation, MVO na Mythos Hotel