Webrwanda Backend

Author: webrwanda

  • Ubushomeri buragwira! Umugabo yabonye ubushomeri bumugeze habi ahitamo gukora icyaha gikomeye cyane ariko mu buryo butangaje – YEGOB #rwanda #RwOT

    Umugabo w'umushomeri arashinjwa kwihindura umupolisi,akajya gukora atabiherewe uburenganzira yitwaje ko yararambiwe guhangayikishwa n'ubuzima.

    Uyu mugabo wo mu Burusiya ubuzima bwamubereye ingume,ahitamo gushaka imyenda isa n'iya polisi maze, atangira gukora nk'uko n'abandi bakora atabiherewe imyitozo n'uburenganzira na Leta.

    Mu gihe kigera ku mezi abiri,uyu mugabo yakoranaga na polisi,ariko nta numwe ubizi ko yihaye akazi,ndetse akazi yihaye adateze umushara,yagakoze neza cyane,mu ngufu n'umurava.

    Byatangajwe ko uyu mugabo yayobotse itsinda ry'abapolisi 4 akaba uwa gatanu,kuko yari yambaye nkabo, ntabwo bamenye ko abihishemo,ariko barakorana neza kandi inshingano zigenda neza nk'ibisanzwe,nubwo baje gutungurwa bamenyeko inkuru y'uyu mugabo.

    Yabaye umupolisi mwiza,abanyamakosa akabahana harimo n'abatwara ibinyabiziga badafite ibyangombwa,abandi akabigisha amabwiriza akwiye kubaranga,nawe ubwe atangazwa n'uburyo akora neza akazi nk'umupolisi wese.

    Ubwo abayobozi bakoraga igenzura,babonye apapolisi bohereje mu kazi ari bane,barahindutse batanu,maze barebye mu mpapuro basanga hari umupolisi ubarimo batazi iyo yavuye,nta cyangombwa kigaragaza ko yemerewe ako kazi.

    Ubwo bamenyaga ko yinjiye mu kazi nta ruhushya,batanze ikirego cyo kumufata agafungwa ndetse na bagenzibe bakoranaga bagahanwa, ku bwo guhishira umunyabyaha,nubwo bahakana bavuga ko batigeze bamenya ko yizanye mu kazi nta burenganzira.

    Source : https://yegob.rw/ubushomeri-buragwira-umugabo-yabonye-ubushomeri-bumugeze-habi-ahitamo-gukora-icyaha-gikomeye-cyane-ariko-mu-buryo-butangaje/

  • Iyi shampiyona abeza bose irabamaze: Sadio Mané yerekeje mu ikipe ikanamo rutahizamu wa mbere ku Isi -AMAFOTO – YEGOB #rwanda #RwOT

    Iyi shampiyona abeza bose irabamaze: Sadio Mané yerekeje mu ikipe ikinamo rutahizamu wa mbere ku Isi.

    Sadio Mané wakiniraga ikipe ya FC Bayern Munich  yo mu gihugu cy'u Budage amaze kwerekeza mu ikipe ya Al-Nassr kuri miliyoni 40€ akaba asanzeyo rutahizamu ufatwa nka nimero ya mbere ku Isi Cristiano Ronaldo ndetse na Fofona n'abandi benshi iyi kipe imaze kwibikaho.

    Amafoto:

    Source : https://yegob.rw/iyi-shampiyona-abeza-bose-irabamaze-sadio-mane-yerekeje-mu-ikipe-ikanamo-rutahizamu-wa-mbere-ku-isi-amafoto/

  • Abakunzi ba Real Madrid bashonje bahishiwe: Rutahizamu Kylian Mbappe ari mu muryango winjira muri Real Madrid bifuzanya cyane – YEGOB #rwanda #RwOT

    Abakunzi ba Real Madrid bashonje bahishiwe: Rutahizamu Kylian Mbappé ari mu muryango winjira muri Real Madrid bifuzanya cyane.

    Kylian Mbappé umaze iminsi avugisha abakunzi ba ruhago ku Isi kubera kugaragaraza ko adashaka kuguma mu ikipe ya Paris Saint Germain ubu noneho ibye bishobora kuba bigiye gusobanuka.

    Mama wa Kylian Mbappé witwa Faizza Lamary yahuye n'umunya Iran witwa Kia Joorabchian washyizweho n'ikipe ya Paris Saint Germain ngo aganire n'umuryango wa Mbappé amubwira ko PSG yifuza miliyoni 250€ nta kindi kintu ishaka.

    Ibi bisobanuye neza ko mu gihe ikipe ya Real Madrid yatanga aya mafaranga yakwegukana uyu musore w'umuhanga cyane ufatwa nk'umusimbura mwiza wa Cristiano Ronaldo na Lionel Messi mu myaka iri mbere.

    Source : https://yegob.rw/abakunzi-ba-real-madrid-bashonje-bahishiwe-rutahizamu-kylian-mbappe-ari-mu-muryango-winjira-muri-real-madrid-bifuzanya-cyane/

  • Roho mutagatifu mbera umuyobozi: Ubutumwa bwanyuma Junior Multisystem yageneye abamukurikira – YEGOB #rwanda #RwOT

    Ishavu, agahinda n'umubabaro nibyo byuzuye mu muryango mugari w'imyidagaduro mu Rwanda kubera urupfu rwa Karamuka Jean Luc wamamaye nka Junior Multisystem, watunganyije indirimbo nyinshi z'abahanzi zakunzwe.

    Ku mugoroba w'ejo hashize ku wa Kane tariki ya 27 Nyakanga nibwo iyi nkuru y'incamugongo yamenyekanye ko Producer Junior Multisystem yitabye Imana azize uburwayi, akaba yaguye ku Bitaro bya Nyarugenge.

    Junior yari amaze igihe arwaye, ni uburwayi bwafashe akaboko ke kaciwe bikomotse ku mpanuka yakoze muri 2019.

    Mu mpera za 2019 nibwo yatangiye gusaba abantu ko bamusengera kubera ko arwaye ameze nabi ndetse ko abonye ubufasha akavurwa byaba byiza kurushaho.

    Nyuma y'iminsi mike aciwe ukuboko, Producer Junior yahishuye ko yatangiye kujya aribwa aho baguciriye, bigenda bikura kugeza bivuyemo uburwayi bukomeye.

    Tariki ya 21 Gicurasi 2023 nibwo Producer Junior Multisystem aheruka kugira icyo ashyira ku rukuta rwe rwa Instagram. Ni ifoto arimo asoma Bibiliya maze iherekezwa n'amagambo asaba Imana kumubera umuyobozi.

    Source : https://yegob.rw/roho-mutagatufu-mbera-umuyobozi-ubutumwa-bwanyuma-junior-multisystem-yageneye-abamukurikira/

  • Healing Music ibarizwamo Yal, Brian na Dinah… – #rwanda #RwOT

    “Inyito y’iki gitaramo twayihisemo dushingiye ku ngaruka agakiza kagira ku muntu wizeye Kristo, aho umaze kumwizera abona ubugingo buhoraho, na ndetse akiri muri uyu mubiri, Yesu Kristo akamubera ibyiringiro, imbaraga, amahoro, n'umunezero, nk’uko umwanditsi wa Zaburi 118:14 'Uwiteka ni we mbaraga zanjye n’indirimbo yanjye, Kandi yahindutse agakiza kanjye'. 

    Abo ni Healing Music ubwo basobanuriraga inyaRwanda impamvu igitaramo cyabo bacyise “Yesu Indirimbo Yanjye”. Bakomeje bavuga ko intego y’iki gitaramo ari ukugira ngo bamamaze ubutumwa bwiza, basangiza abantu uwo Kristo asobanuye muri bo binyuze mu ndirimbo. 

    Healing Music ibarizwamo abaramyi b’ibyamamare nka Yael, Dinah Uwera na Brian Blessed bagize bati “Turifuza ko buri wese uzagira umugisha wo kubana natwe azataha asobanukiwe ko kugira Yesu biruta ubutunzi bwose umuntu yakenera kandi muri we ariho tubonera ibyo isi itabasha gutanga”.

    “Turifuza ko abamaze kwakira Kristo, bongera kwibutswa ko babeshwjweho nawe kandi bariho ku bw'ubuntu bwe, bityo bakwiye kunyurwa nawe bikabatera gutera umugongo ibidafite umumaro, ndetse n'amahame atubakiye kw'Ijambo ry'Imana”.

    Healing Music bavuga ko “nkuko ijambo ry'Imana ribidusaba mu Abakolosayi 3:16, turahamagarira abantu kwitabira iki gitaramo kugira ngo tuzahugurane mu byo kwizera Kristo, twifashishije ijambo ry'Imana, indirimbo ndetse n'ibihimbano by'umwuka. Buri wese azabona umwanya wo gusaba n'Imana binyuze mu ndirimbo, imbyino, imicurangire, ijambo no gusenga”.

    Muri iki gitaramo hatumiwemo Umuyobozi Mukuru w'Itorero rya Healing Center Church, Bishop Ntayomba Emmanuel, ndetse n'umuramyi Afande Simon Kabera. Kizaba tariki 30/08/2023 muri Healing Centre Church kuva saa Kumi n’umugoroba kugeza saa Mbiri z’ijoro.

    Healing Music ni bantu ki?

    Healing Music ni itsinda rigize andi menshi yo mu itorero Healing Center Church, ryashyizweho mu mwaka wa 2007. Ubu rigizwe n’abanyamuryango basaga Mirongo irindwi (70). Iri tsinda rifite inshingano zo kuvuga ubutumwa bwiza binyuze mu ndirimbo n’umuziki muri rusange. 

    Ku geza ubu, Healing Music ikora iryo vugabutumwa mu materaniro yose y’itorero rya Healing Center-Remera, ndetse no mu bikorwa bidasanzwe nko mu mihango yo gusezeranya abakristo ba Healing Center baba bagiye kubana iteka, ndetse n’ahandi hose bahawe ubumire.

    Hashize igihe kinini Healing Music ikora ibihangano byayo ikanabyifashisha mu materaniro ya Healing Center Church n'ahandi itumirwa, gusa ibyo bihangano byari bitarajya hanze. Ibikorwa byo gushyira ibihangano hanze bigeze ku kigero cyiza, na ndetse bitarenze ukwezi kwa Nzeri, indirimbo zitari munsi y'eshanu (5) zizajya hanze. 

    Simon Kabera azahesha umugisha abazitabira igitaramo Christ My Song

    Christ My Song ni igitaramo gikomeye kizaba ku Cyumweru muri Healing Center Church Remera

    Source : https://inyarwanda.com/inkuru/132514/healing-music-ibarizwamo-yael-brian-na-dinah-yateguye-igitaramo-christ-my-song-yatumiyemo–132514.html

  • Guverinoma y'u Bubiligi na Jambo Asbl berekanye ko ari 'aba-chou #rwanda #RwOT

    Guverinoma y'u Bubiligi n'agatsiko k'abana b'abajenosideri barajwe ishinga no gutagatifuza ababyeyi babo b'inkoramaraso, Jambo Asbl, beretse amahanga ko ari inshuti magara, cyangwa 'aba-chou' mu mvugo y'urubyiruko.

    Ni nyuma y'uko ku wa 24 Nyakanga 2023 ikinyamakuru cyashinzwe n'ako gatsiko kinyuzwamo inyandiko zipfobya n'izihakana Jenoside yakorewe Abatutsi, Jambo News, kibaye icya mbere gitangaje ko u Bubiligi bwanze kwemeza Vincent Karega nka Ambasaderi mushya w'u Rwanda muri icyo gihugu.
    Kuba guverinoma y'u Bubiligi yashaka guha ubutumwa guverinoma y'u Rwanda igatuma Jambo Asbl izwiho guhakana Jenoside yakorewe Abatutsi, ni ikimenyetso simusiga cyo gutsimbarara ku kurema amacakubiri n'ivangura mu Banyarwanda byagejeje kuri Jenoside.

    Ababiligi barabizi neza ko ari bo bazanye ibipimo bifashishije bita bamwe Abatutsi, bakarenzaho ko bakandamiza abo bise Abahutu. Byatumye ubwicanyi buba mu myaka itandukanye Abatutsi barameneshwa, bahezwa ishyanga ngo igihugu ni icy'Abahutu, kugeza mu 1994 ubwo Abahutu bashatse kumaraho Abatutsi burundu bakabakorera Jenoside.

    Aho gusaba Abanyarwanda imbabazi no gufasha Leta y'u Rwanda kugeza imbere y'ubutabera abajenosideri bidegembya muri iki gihugu, u Bubiligi bukomeje gutonesha Jambo Asbl kubera umurongo wayo wo guhakana Jenoside yakorewe Abatutsi, kugeza aho buyirutisha ibitangazamakuru by'igihugu akaba ariyo imenyekanisha ubutumwa bwabwo.

    Ngo akabaye icwende ntikoga! N'ubundi Abanyarwanda ntibatunguwe cyane n'iyi myitwarire igayitse y'Abanyaburayi basanzwe biyita ba nyambere muri dipolomasi, cyane ko hari n'andi mahano bakoze. Nako nta nkumi yigaya!
    Mu 2018, Inteko Nshingamategeko y'u Bubiligi yemeye ko haba ikiganiro mpaka cyateguwe na Jambo Asbl cyiswe 'amateka y'u Rwanda', kigamije gutambamira kwemeza itegeko rihana abahakana Jenoside yakorewe Abatutsi mu 1994 muri icyo gihugu, nk'uko gisanzwe gihana abahakana Jenoside yakorewe Abayahudi.

    Mu 2020, u Bubiligi bwatoranyije Laure Uwase (umwe mu bagize Jambo Asbl) ukunze kumvikana ahakana Jenoside yakorewe Abatutsi, nk'umwe bu bagize komisiyo igomba gufasha Abadepite b'icyo gihugu kwiga ku mateka y'ubukoloni icyo gihugu cyakoze mu Rwanda, Repubulika iharanira Demokarasi ya Congo n'u Burundi.

    U Bubiligi bufasha Jambo Asbl mu buryo bw'amafaranga n'ibitekerezo kugira ngo intego yabo yo guhakana Jenoside yakorewe Abatutsi igerweho.
    Uretse kuba guverinoma y'u Bubiligi na Jambo Asbl bahuje umugambi, uku gukomeza kwereka Isi yose ko ako gatsiko kagendera mu bushake bw'icyo gihugu ndetse kamaze kuba umwizerwa wacyo, nabyo bifite ubundi butumwa bitanga: u Bubiligi ntibwifuriza Abanyarwanda kugera ku mahoro arambye.

    Jambo Asbl yashinzwe n'abana bakomoka ku nkoramaraso zasize zihekuye u Rwanda, zagize uruhare muri Jenoside yakorewe Abatutsi, yahitanye ubuzima bw'abarenga miliyoni imwe.
    Placide Kayumba uyiyobora ni umuhungu wa Dominique Ntawukuriryayo, wari Sous-Préfet wa Gisagara muri Jenoside yakorewe Abatutsi. Mu 2010 yakatiwe igifungo cy'imyaka 25 n'icyahoze ari ICTR kubera ibyaha bya jenocide, aho yayoboye ubwicanyi k'umusozi wa Kabuye ahiciwe Abatutsi barenga 30,000.

    Ruhumuza Mbonyumutwa nawe uyibarizwamo, ni umuhungu wa Shingiro Mbonyumutwa akanaba n'umwuzukuru wa Dominique Mbonyumutwa, wabaye President wambere w'u Rwanda muri 1961. Shingiro Mbonyumutwa, yatorotse nyuma yo gushinjwa ibyaha bya Jenoside. Yari umurwanashyaka ukomeye wa MDR-Power, aba n'umuyobozi (DireCab) mu biro bya Ministiri w'Intebe wa guverinoma yiyise iy'abatabazi,Jean Kambanda. Iyo guverinoma ya Kambanda niyo yashyize Jenoside mu bikorwa.

    Undi munyamuryango ni Liliane Bahufite; umukobwa wa Col Juvénal Bahufite, wabaye umuvugizi w'ingabo n'interahamwe zahungiye mu cyahoze ari Zaire (i Bukavu) nyuma yo gutsindwa n'ingabo za RPA/ RPF Inkotanyi.
    Jambo asbl ishingwa yabanje kwitwa abanyarwanda 'b'abahutu' ba diaspora, mu rwego rwo kwiyegereza abandi bafite imyumvire ishingiye ku moko.

    Jambo asbl ni ihuriro (itsinda) ryihisha mu mwambaro wa 'diaspora' cyane cyane igice cy'urubyiruko gihora kiyobya uburari ku mateka nyayo y'u Rwanda cyane cyane kubera uruhare imiryango (ababyeyi) yabo yagize muri Jenoside yakorewe Abatutsi.

    The post Guverinoma y'u Bubiligi na Jambo Asbl berekanye ko ari 'aba-chou appeared first on RUSHYASHYA.

    Source : https://rushyashya.net/guverinoma-yu-bubiligi-na-jambo-asbl-berekanye-ko-ari-aba-chou/?utm_source=rss&utm_medium=rss&utm_campaign=guverinoma-yu-bubiligi-na-jambo-asbl-berekanye-ko-ari-aba-chou

  • Byarangiye Ojera yemeye amamiliyoni yahawe! Rutahizamu Joackiam Ojera yafashe umwanzuro wa kigabo atera umugongo ikipe ye maze ashyira umukono ku masezerano mu ikipe yifuzwagamo – YEGOB #rwanda #RwOT

    Rutahizamu Joackiam Ojera ukomoka muri Uganda, yafashe umwanzuro wa kigabo maze atera umugongo ikipe ye nyuma yo guhabwa miliyoni nyinshi kugira ngo asinye.

    Nyuma y'umunsi umwe gusa, Joackiam Ojera avuye kurangizanya n'ikipe ye ya URA FC y'iwabo muri Uganda yari yaramutije muri Rayon Sports mu mwaka w'imikino wa 2022-2023.

    Nyuma yo kubona urukundo rudasanzwe yeretswe n'abafana ba Rayon Sports, Ojera yahisemo gufata miliyoni 20 Frw maze asinyira Murera igiye kingana nk'umwaka umwe.

    Bidasubirwaho Ojera ni umukinnyi wa Rayon Sports mu gihe cy'umwaka umwe, kuko yari amaze iminsi ari kurangizanya na URA FC yari yamutije muri Rayon Sports.

    Bivugwa ko muri miliyoni 20 Ojera yahawe, yahayeho URA FC miliyoni 5Frw maze yemera kumurekura.

    Source : https://yegob.rw/byarangiye-ojera-yemeye-amamiliyoni-yahawe-rutahizamu-joackiam-ojera-yafashe-umwanzuro-wa-kigabo-atera-umugongo-ikipe-ye-maze-ashyira-umukono-ku-masezerano-mu-ikipe-yifuzwagamo/

  • Nyabihu: Gucuruza ibitebo byamufashije kurihi… – #rwanda #RwOT

    Mu kiganiro yagiranye na InyaRwanda.com, Mukangamije yagaragaje ko yatangiye gucuruza ibitebo, umwana we wa nyuma (Umuhererezi) ageze mu mwaka wa Gatanu w'amashuri yisumbuye, gusa ngo atangira kubicuruza nta kintu afite na kimwe nyuma biza kumuhereza ubuzima.

    Mu kiganiro n'uyu mubyeyi w'imyaka 56, uyu mubyeyi yavuze ko atabonera amahoro mu guhora yicaye. Ati: 'Natangiye gucuruza ibitebo ubwo umwana wanjye wa nyuma yari mu mwaka wa 5 w'amashuri yisumbuye,

    Ntangira kubikora, twari tubayeho mu buzima butari bwiza na gato kuko nta kazi nagiraga ku buryo nahoraga nicaye. Nkimara guhaguruka rero ni bwo natangiye kubona inyungu zabyo ku buryo ngira inama n'abandi bagore batagira akazi batekerezo kwirirwa bicaye ari cyo gisubizo'.

    Mukangamije umaze imyaka 21 acuruza ibitebo bimufasha gutunga abana be wenyine ngo na cyane ko yabuze umugabo mu 1998 azize intambara, ati: 'Nari nasigaranye abana bato njyenyine mbaho nabi, none abana barakuze kandi n'umwana wiga ndamwigisha nkabishobora kubera ibi bitebo'.

    N'ubwo ubuzima buba butoroshye, uyu mubyeyi yashimiye ubuyobozi bw'igihugu kubera umutekano mwiza na cyane ko iyo ari gucuruza ibitebo nta muntu umuhohotera, avuga ko mu gihe cy'ukwezi ashobora no gukorera ibihumbi 15 Frw bibasha kumufasha kwiyitaho n'abana be.

    Inama ze ku babyeyi batwara abana mu muhanga kubasabisha cyangwa bagahora bicaye ni uko bagomba gukora. Ati: 'Njye iteka mbaha inama zo guhaguruka bakajya gukora kuko igihumbi kimwe wakibonye, wabasha kukigura igitebo, kikakungura ejo ukagura ikindi gutyo gutyo ariko ntubashe gusabiriza'.

    Ubucuruzi bw'ibitebo mu duce twa Nyabihu na Ngororero ni bumwe mu bucuruzi bukorwa cyane n'abantu batandukanye, haba ababiboha n'abantu babigura bakabigurisha abasaruzi b'imyaka ndetse n'abahinzi.

    N'ubwo ibitebo bicuruzwa cyane ariko na byo bigira igihe bigira abaguzi nko mu gihe cy'isarura nk'uko byemejwe n'abandi bacuruzi babyo baganiriye na InyaRwanda.com.

    Source : https://inyarwanda.com/inkuru/132498/nyabihu-gucuruza-ibitebo-byamufashije-kurihira-abana-ishuri-no-gutunga-umuryango-wenyine-132498.html

  • Abakinnyi 12 nibo bazahagararira u Rwanda mu… – #rwanda #RwOT

    Afrobasket Women 2023 ni irushanwa rya mbere rikomeye mu mukino wa Basketball hano muri Africa mu cyiciro cy’abagore, rikaba rigiye kuba ku nshuro yaryo ya 28 aho ikipe y’igihugu ya Senegal ariyo ibitse iri rushanwa inshuro nyinshi, zigera kuri 11. Ni mu gihe Nigeria irifite inshuro eshanu ari nayo ibitse igikombe giheruka.

    Ikipe y’igihugu y’u Rwanda ni imwe mu makipe 12 azitabira iri rushanwa, umutoza wayo Dr Sheikh Sarr, akaba yamaze gushyira hanze abakinnyi 12 azifashisha mukwiyereka abanyarwanda.

    Abakinnyi bahamagawe: Assouma Uwizeye, Odile Tetero, Destiney Promise, Crooms Robertson, Chantal Kiyobe, Ineza Sifa, Sandra Kantore, Hope Butara, Soiffa Wibabara, Charlotte Uwugwaneza, Cecile De Roy na Marie Laurence Imanizabayo.

    U Rwanda ruherereye mu itsinda rya mbere ririmo Cote d’Ivoire ndetse na Angola aho kuri uyu wa Gatanu ubwo irushanwa riza kuba ritangira ruza rwesurana n’ikipe y’igihugu ya Cote d’Ivoire kuva ku isaha ya saa kumi n’ebyiri z’umugoroba. 

    Abakinnyi bahamagawe 

    Source : https://inyarwanda.com/inkuru/132497/abakinnyi-12-nibo-bazahagararira-u-rwanda-mu-mikino-ya-afrobasket-women-2023-igiye-kubera–132497.html

  • Vessels of Praise bo guhangwa amaso bagarukan… – #rwanda #RwOT

    Vessels of Praise, ni umutwe w’abaririmbyi babarizwa muri Leta ya Maine muri Leta Zunze Ubumwe za Amerika (USA), watangiye umurimo w’ivugabutumwa mu 1997, icyo gihe ikaba yaritwaga Voice of Angels. Kuva mu 2010 kugeza mu 2011 ni bwo habaye impinduka bayita Vessels of Praise.

    Yatumbagirijwe ubwamamare n’indirimbo yitwa “Intsinzi yacu” yakozwe na Nicolas afatikanyije na Yannick na Zawadi. Ibarizwamo ab’amazina azwi muri Gospel nka Willy Uwimana waririmbye “Uri mwiza”, Zawadi waririmbye “Ntuhinduka” Ft Adrien, Zabron & Deborah n’abandi.

    Ni korali igizwe n’abaririmbyi 36 barimo ingeri zose. Imaze gukora indirimbo eshatu ari zo: “Nzaririmba Ishimwe”, “Intsinzi yacu” na “Ngusingize”. Ni abo guhangwa amaso mu muziki bitewe n’ubudasa bwabo butuma berekwa urukundo rwinshi mu bihangano byose bashyira hanze.

    Urugero, indirimbo baherukaga gukora “Intsinzi yacu”, yarakunzwe bitangaje. Abarenga ibihumbi 104 bamaze kuyireba mu mezi macye cyane. Umwihariko wabo utuma bakundwa, ni amashusho meza y’ibihangano byabo aho baba bambaye neza mu buryo buryoheye ijisho.

    Ibanga bakoresha nta rindi ahubwo “nuko tubyitondera cyane kandi muri twe tukaba dufite abantu batundakanye basanzwe bamenyereye ibikorwa byo gutunganya indirimbo mu buryo bw'amajwi namashusho ibyo byose bigatuma bigenda neza” nk’uko babidutangarije.

    Umuyobozi Mukuru wa Vessels of Praise, Byinshi Tharscisse Dudu, yabwiye inyaRwanda ko umwihariko w’iyi ndirimbo yabo ya gatatu “Ngusingize” ni ubutumwa bw’amashimwe burimo. Avuga ko intego yabo ari ugukora hagati y’indirimbo ebyiri cyangwa eshatu ku mwaka”.

    Mu byo aba baririmbyi bifuza gukora mu bihe biri imbere harimo gukora Album y’indirimbo z’amajwi n’amashusho. Ati “Bidukunduye umwaka utaha twayisoza, ibindi ni ugukora ama tours ndetse n’ama concert. Dufite igitarmo muri Arizona mu mpera z’ukwezi kwa cumi. Bidukundiye twakora indi hano muri Portland Maine mu mpera z’umwaka”.

    Yavuze ko abakristo b’itorero bakoreramo umurimo w’Imana, bakira neza indirimbo zacu kandi “bari mu ba mbere badushigikira”. Kujya muri iyi korali bisaba ko uba ukijijwe kandi ugaragaza impano yo kuririmba n’izindi mpano zikenewemo nko gucuranga, gukora muri tekinike cyangwa se ukaba wifuza kuba umuterankunga wayo.

    Pastor Mutima Peter ni we uyobora Itorero Bethel Christian Center ribarizwamo Vessels of Praise. Ni Itorero ryakiriye abanyafurika benshi muri Leta ya Maine, rirabafasha. “Pasiteri yaje muri Maine mu 1992, urumva yafashije abantu benshi, ibyo bituma church yarabaye nka famille (umuryango)”.

    Zawadi, umucuranzi wa Piano akaba n’umuyobozi w’indirimbo ‘Music director’ muri Vessels of Praise, aherutse kubwira inyaRwanda.com ko iri torero “turikundira ko uburyo bwa ‘Social affairs’ bukora neza pe, kandi ibyo byahereye kera, abantu bose barisanga”.

    Bamwe mu bakobwa n’abagore bagize itsinda Vessels of Praise

    Bamwe mu basore b’abagabo bagize itsinda Vessels of Praise

    Ni abaramyi biyemeje gukora umuziki uri ku rwego mpuzamahanga

    Vessels of Praise bahagurukanye imbaraga nyinshi mu muziki wa Gospel

    Vessels of Praise bateguje igitaramo gikomeye mu mpera z’uyu mwaka

    REBA INDIRIMBO NSHYA “NGUSINGIZE” YA VESSELS OF PRAISE BO GUHANGWA AMASO

    REBA INDIRIMBO “INTSINZI YACU” YA VESSELS OF PRAISE ARI NAYO YAREBWE CYANE

    Source : https://inyarwanda.com/inkuru/132495/vessels-of-praise-bo-guhangwa-amaso-bagarukanye-ngusingize-banavuga-ku-gitaramo-bari-kwite-132495.html