Author: webrwanda

Urutonde rw’abantu 5 barindwa cyane ku isi batari abayobozi b’ibihugu, harimo icyamamarekazi Beyonce, umuherwe Mark Zuckerberg n’abandi:

1.Imva y'umugabo Vladmir Lenine wo mu Burusiya

Uyu mugabo yahoze ari umusirikare w'ingabo z’Abarusiya usibye kuba atakiriho ariko ari mu bantu bubashywe mu Burusiya kubera ibitekerezo byamuranze akiriho. Bivugwa ko abasirikare b’u Burusiya babwiwe ko umubiri wa Vladmir ari bintu by’ingenzi u Burusiya bufite. 

Mu Rubuga rw'Umutuku (Red Square) muri Moscow rwa gati, mu gihugu cy'u Burusiya niho hari umubiri wa Vladmir, bivugwa ko uyu mugabo yari igihangange mu kuba umutegetsi w’abasirikare ukomeye, umubiri we watewe imiti ituma utabora, umubiri we wahashyizwe nyuma gato yo gupfa kwe mu 1924.

Amakuru avuga ko usibye inshuro mbarwa zabayeho mu bihe nk'iby'intambara, uyu mubiri we urindwa amasaha 24/24, iminsi 7/7 kuva mu myaka 95 ishize. Umubiri we ufatwa n'ikimenyetso cy'ibitekerezo bye.

2. Imfungwa yitwa Guzman uzwi ku izina rya El Chapo

Uyu mugabo arazwi cyane kubera gutoroka kenshi gereza, kuba umucuruzi ukomeye w’ibiyobyabwenge. Ari mu barinzwe cyane ku isi ariko kuva yafatwa mu 2016 nyuma yo gutoroka gereza akoherezwa muri Amerika, aho kuri ubu abarizwa muri Gereza yo muri Manhattan i New York, arindwa amasaha 24/24 mu kwirinda ko yatoroka. Uyu mugabo kandi buri joro ahindurirwa aho arara ngo atahamenyera akazacika.

Uyu mugabo ntajya agera hanze, nta n’ubwo yemerewe kugira umuntu umusura keretse umunyamategeko we gusa. Ashinjwa impfu z'abantu babarirwa mu 1,000 bagiye bagwa mu ntambara hagati y'abacuruzi b'ibiyobyabwenge muri Mexique, ndetse akaba azwiho kwica abanzi be n'iyo yabaga afunze.  

3.Umwana w'umukobwa w'imyaka 13 wo muri Ethiopia

Uyu mwana yaburiwe irengero hashira ibyumweru nyuma yo gushimutwa n'abagabo bagera kuri barindwi bashakaga kumushyingira ku ngufu umwe muri bo. Yaje kuboneka arinzwe n'intare zigera kuri eshatu, bikaba byaragaragaye ko zabashije kwirukana abari bamushimuse.

Ubwo yabonekaga, abayobozi batangaje ko izo ntare zamuvuye iruhande gahoro gahoro zikisubirira inyuma zigana mu ishyamba nta guhangana kubayeho. Ibi byabaye nk'igitangaza kuko ubusanzwe intare zo muri ibi bice ngo zizwiho kurya abantu. 

Bamwe bakeka ko kurira no gutabaza kw'uyu mwana kwaba kwaratumye izi ntare zumva ari nk'ukw'ibibwana byazo zigahitamo kumureka ntizimurye. Abandi nabo bavugaga ko izi ntare zaba zaroherejwe n’Imana ngo zimurinde dore ko bitumvikana uburyo izi ntare zitigeze zimugirira nabi ndetse zikanamusubiza iwabo.

4. Mark Zuckerberg nyiri kompanyi ya META

Uyu mugabo ufite mu biganza bye Meta ibarizwamo WhatsApp, Facebook na Instagram hamwe n’urubuga rushya ‘Threads’, akaba n’umwe mu baherwe ku Isi ni umwe mu bantu bafite uburinzi buhambaye. 

Kuva mu 2015 yashoye arenga miliyoni 20$ (amadorari) ku mutekano we, ku kwezi akoresha arenga Miliyari 4 uyashyize mu manyarwanda. Amakuru avuga ko rimwe na rimwe ajya aniyongera agera kuri miliyoni 7,3$ akaba agenda ku barinzi be mu rugo n'abamuherekeza aho agiye. 

Aba barinzi ba Zuckerberg rimwe na rimwe bajya babita Igipolisi cy'ibanga cye (Zuckerberg Secret Police') aho bivugwa ko bagizwe n'abarinzi 16 bahora bamurinze, bakora basimburana. Mu myaka nk'icumi ishize, Larry Ellison wa Oracle ni we wari umuyobozi w'ikigo urusha abandi uburinzi, aho yashoraga agera kuri miliyoni 1,8$.

5. Beyoncé

Hari amakuru avuga ko ubwo Beyonce yari ari ku rubyiniro yasagariwe n’umufana ashaka kumumanura ku rubyiniro, akaba ari cyo cyatumye Jay-Z ahita yiyemeza gukaza umutekano we birushijeho. Yahaye akazi abagabo batanu bashinzwe umutekano (Bodyguards) biyongera ku bandi batanu yari afite.

Aba bose biyongera ku wundi mugabo usanzwe akorera ikigo cya Leta cy’Ubutasi muri Amerika uherekeza Beyonce igihe agiye mu rugendo rwa kure no kugira amakuru amenya y’ahantu azajya mbere y’uko ahajya. 

Ibi bisobanuye ko Beyonce afite abagabo 11 bashinzwe kumurindira umutekano. Uyu muryango kandi waguze imodoka ebyiri zo mu bwoko bwa Latvia SUVs zidatoborwa n'amasasu cyangwa bombe. Izi modoka zikozwe mu mabati ameze nk’ay’iz’abaperezida ba Amerika.

Igitangaje ni uko Beyonce ariwe ufite abamurindira umutekano benshi kurusha abumugabo we Jay Z dore ko uyu muraperi akenshi usanga afite abagabo babiri bamugenda iruhande. 

Mu 2021 Jay Z yabwiye Variety Magazine ko bitewe n’ubuzima yakuriyemo bwo mu muhanda i Brooklyn muri New York, yumva adakeneye umutekano ukaze kuko nawe ubwe yabasha kwirinda nk’uko yabikoraga cyera ataramamara cyangwa ngo abe umuherwe.

Junior Multisystem yatabarutse ku itariki 27 Nyakanga 2023 ari saa kumi n'ebyiri z'igicamunsi. Yari yagiye kwa muganga saa tanu z'amanywa. Ni nyuma y’imyaka ine ari mu buribwe ariko butamubuzaga kwisekera nk’uko abamubaye hafi babihamya. 

 

Mama wa Junior watanze ubuhamya yavuze ko umwana we yarinze ashiramo umwuka adasambye. Yagize ati:'Yanyweye amazi areba hirya ahita ashiramo umwuka'. Byumvikana ko nta mwanya wabayeho wo kurwana n'ubuzima bimwe bita gusamba.

Ku mugoroba wo gusezeraho bwa nyuma uyu mugabo watabarutse afite imyaka 30 y'amavuko akaba asize umwana nk’uko mama we yavuze ko'Ansigiye umwuzukuru' abahanzi batangiranye nawe abasanze ari icyamamare n'abo yafashije kwamamara bari bahari. 

Mu myaka 10 yamaze atunganya umuziki guhera mu 2009 kugeza mu 2019, ubwo yakoraga impanuka avuye mu birori by'isabukuru ya mushiki we nibura ufashe impuzandengo y'umuhanzi umwe ku mwaka wabona ko yari akunzwe.

Ni abahanzi basaga 16 bari bateraniye mu busitani buri Kimironko ahasanzwe habera ubukwe n'ibindi birori. Uhereye ku bahanzi baje mbere ye bari barangajwe imbere na Tom Close watangiye umuziki ahagana za 2005 ndetse na Victor Rukotana w'ejo bundi bose bari bahari ku bwo guherekeza Junior wasabye ko natabaruka azakorerwa ibirori bakaririmba aho kubabara. 

Abahanzi bari bahari Inyarwanda yabashije kubona barimo: Tom Close, Riderman, Dj Pius, Platini P, Oda Paccy, Bruce Melodie,Uncle Austin, Mc Tino, Toni unique, Tonzi, King James, Young Grace, Zizou Alpacino uhuza abahanzi mu ndirimbo Marina waje aherekejwe na Yvan Muziki bari mu rukundo, Butera Knowless yazanye n'umugabo we, Victor Rukotana n'abandi inyarwanda itaciye iryera. 

Aba bahanzi uwabashije gufata ijambo yavuze ko atazibagirwa umusanzu wa Junior mu iterambere rya muzika nyarwanda. Ariko rero hari n'abamushimiye ko yagize uruhare mu rugendo rwabo barimo Oda Paccy wavuze ko umuziki we awukesha Junior ku kigero cya 80%. Dj Pius we yahamije ko yakoze umuziki kubera Junior ndetse n'abandi benshi bagiye bamuvuga ibyiza yabakoreye.

REBA TOM CLOSE AVUGA UKO YAHUYE NA JUNIOR

“>

Abahanzi nibura 16 baje gusezera bwa nyuma Junior wabakoreye indirimbo zabahinduriye ubuzima

Young Grace yibuka indirimbo yakorewe na Junior ikiniga kikamufata. Guhera za 2011 indirimbo Junior yarambikagaho ibiganza zarakundwaga

Young Grace mumwibuke mu ndirimbo yakozwe na Junior akiri muri Bridge Records. Indirimbo Ikigusha ni Junior wayikoze. Ni Young Grace na Butera Knowless bayihuriyemo

Yvan Muziki yazanye na Marina. Marina yakorewe Too Much na Junior ndetse niwe wahuje Austin na Marina. Umuziki wa Marina awukesha Junior

Dj Pius yavuze ko Junior ariwe watumye akora umuziki

Bahati wo muri Just Family yasabye abahanzi kongera bakunga ubumwe ntibagahuzwe n’urupfu rwa mugenzi wabo

Oda Paccy ubwo yari afite inda y’amezi 7 Junior yaramuhamagaye amubwira ko atazanywe no kubyara ahubwo agomba gukora umuziki

Oda Paccy yavuzeko umuziki we ku kigero cya 80% awukesha Junior

Mc Tino yasabye abahanzi kongera bakajya bahura nkuko byari bimeze bakitabira Primus Guma Guma Super Star

Toni Unique yagaragaje akamaro ka Junior ku rugendo rwe rwa muzika

Iyo hatabaho Junior ntabwo Marina yari guhura na Uncle Austin wamwinjije mu muziki

Junior yakoze Too Much yarimo abahanzi batandukanye ariko yasize Marina amenyekanye. Marina asuhuzanya na Tonzi

Tonzi yaririmbye agace gato k’indirimbo Humura

Platini P yavuze ko nyinshi mu ndirimbo za Dream Boys ari Junior wazikoze

Abahanzi b’urungano rwa Junior baje kumusezeraho

King James yabaye hafi Junior mu minsi ya nyuma

Butera Knowless yaririmbye mu guha icyubahiro Junior 

Uncle Austin yaririmbye

Platini P, King James na Butera Knowless

Bruce Melodie yateye abantu urwenya rw’intebe yigeze gushwanyuka kubera Junior yari aremereye

Tom Close yatanze impanuro ku bahanzi

Bruce Melodie yari kumwe na Mubi cyane umucungira umutekano

King James na Butera bari bicaranye

AMAFOTO:NATHANAEL

VIDEO: DIEUDONNE MURENZI

Ubusanzwe hose ku Isi imikino ya gicuti amakipe ayikoresha mu kwitegura ndetse no kurushaho kwiyubaka harebwa ahari imbaraga nke  zikaba zakongerwa bigishoboka, cyangwa hakagirwa igihunduka bitewe n’ibyavuye muri iyo mikino. Muri Rayon Sports rero ndetse no mu Rwanda muri rusange, ntabwo ariko bimeze kuko abafana ba Rayon Sports barakaye cyane ndetse bavuga ko nta kipe bafite.

Mu ijoro ryatambutse, nibwo ikipe ya Rayon yakinnye umukino wa kabiri wa gicuti, aho yari yakiriye ikipe ya Gorilla FC. Ubwo uyu mukino warangiraga abafana ba Rayon Sports basohotse muri sitade batareba inyuma, aho batashye bakubita agatoki ku kandi bavuga ko ikipe bafite nibacunga nabi hari igihe itaza no mu makipe ane ya mbere.

Abafana ba Rayon Sports batangiye kwishyira ku gututu na shampiyona itaratangira 

Umwe mu bafana twaganiriye yavuze ko nyuma y’imikino ibiri babonye nta kipe bafite. Yatangiye agira ati” Mbere na mbere namwe abanyamakuru muri abana babi munica amakipe yacu nk’ubu hari abanyamakuru batubwiraga ibintu tugashamaduka ariko ibyo turi kubona mu kibuga birahabanye. Abo banyamakuru turabazi ariko barabeshya. Ubuyobizi bwacu nabwo ni ababeshyi. Ubuse uriya munyezamu Hategekimana agiye kwicaza bamukuye he? Bariya barutahizamu se bo bavuye hehe?”

Rayon Sports umukino yaraye ikipe ikinnye na Gorilla FC yamaze iminota 25 y’igice cya mbere itaratera ishoti mu izamu rya Gorilla FC. Ibi byabaye ku nshuro ya kabiri yikurikiranya nyuma y’uko n’umukino wa mbere bahuyemo na Vital’O FC ariko byari byagenze.

Abafana kandi ntabwo bishimiye amafaranga ikipe iri kubishyuza ndetse bamwe bavugako kuri Rayon Day batazaza.

Bamwe banze gukomera ikipe amashyi basohoka batareba inyuma, ndetse bamwe bakavuga ko nibatagabanya amafaranga bari kwishyuza bitaza kugukanda 

Bamwe mu bafana bavuga ko Rayon Sports nk’ikipe yabo, uyu mwaka yaje ije kubacucura kanti ntacyo iri kubaha. Umufana aracyatuganirira. “Reka duhere mu Nzove ubwo imyitozo yatangira, icyo gihe twishyuye ibihumbi 2 ikipe itubwira ngo iratangira imyitozo ariko ntasanze nta mukinnyi mushya w’umunyamahanga wari uhari, ibyo byakomeje uko, kugera aho gusubira ku myitoza tubigabanyije, twongera gusubira Youssef yaje.

Ku mukino wa Vital’O FC, ikipe yatwishyuje ibihumbi 5000 ariko umukino batweretse Imana niyo iwuzi. Ku mukino wa Gorilla FC amafaranga batwishyuje n’ibyo duhawe ntabwo bingana ku munsi w’igikundiro nibatagabanya amafaranga bashyizeho abazitabira ni mbarwa kuko twamaze kubona ko nta kipe dufite.”

Uwayezu Jean Fidele nawe yageze aho arumirwa nyuma yo kubona umupira Gorilla FC irimo gutera ikipe ye 

Nubwo umutoza wa Rayon Sports arimo gukora impinduka ashakisha nibura abakinnyi bahagaze neza, ntabwo abafana babikozwa kuko bo  birebera umusaruro gusa nuubwo atariko byakagenze mu mikino uhanziriza shampiyona.

Abafana ba Rayon Sports bavuga ko bakeneye ko ikipe igura undi munyezamu kuko Simon Tamale baguze niba azicwaza na Hategekimana Bonheur nawe batemera, bisobanuye ko nta muzamu bafite. Abafana bakomeza bemeza ko ntamukinnyi bafite ukina nka nimero 9 na 10 kandi bahagaze neza.

Yamen utoza Rayon Sports, nawe hari aho bigera akibaza ku bushobozi bwa bamwe mu bakinnyi afite 

Bavakure Ndekwe Felix uri gukina nka Nimero 8 kuri ubu, niwe mukinnyi umutoza wa Rayon arambirijeho ndetse ni nawe mukinnyi umaze gukina iminota myinshi mu mikino ibiri Rayon Sports heruka gukina.

Rayon Sports kuri uyu wa Gatandatu tariki 5 Kanama izaba ifite ibiruri by’umunsi witiriwe Rayon Sports Day aho izerekana abakinnyi n’imyenda mishya, ndetse ikazakina umukino wa 3 wa gicuti ukaba uwa kabiri mpuzamahanga, aho izakina n’ikipe ya Police FC yo muri Uganda.

Mussa Essenu ntabwo abafana bumva uburyo ahushamo ibitego buri kanya kandi aba yanahawe imipira myiza 

Hategekimana ntagihindutse ashobora kuzaba umunyezamu wa mbere wa Rayon Sports mu mwaka ugiye kuza w’imikino