Umuhanzikazi Spice Diana yatangaje ko yamaze gusezera mu ihuriro ry'abahanzi muri Uganda akaba yari asanzwe ari Visi-Perezida w'iri huriro.
Mu kiganiro na Spark TV, Spice Diana yahishuye ko yamaze gutandukana n'iri huriro riyobowe na Eddy Kenzo avuga abona nta kerekezo cy'iri huriro.
Spice Diana yagize ati 'Navuye mu ihuriro ntabwo nkiri umuyoboke waryo. Byashoboka ko abantu bakiri muri ririya shyirahamwe bakora cyane bagatera imbere, ariko njyewe nta nyungu nabonaga nari ndifitemo.'
Burera: Umugabo witwa Gafaranga yasazwe n'irari ni uko maze ubugabo burarega birangira agiye gusaba umugore w'umuturanyi ko Bagira gusa ibyo yahaboneye ari kubitekerezaho aho ari mu bitaro by'indembe.
Umugabo witwa Gafaranga Donatien utuye mu mudugudu wa Ntwana, akagari ka Gafuka, umurenge wa Kinoni mu karere ka Burera, aravugwaho gukubitwa bikomeye azira gusaba umugore w'umuturanyi ko baryamana.
Amakuru dukesha BWIZA aravuga ko mu masaa tanu y'ijoro ryo kuri uyu wa 1 Kanama 2023, Gafaranga yagiye ku rugo rw'umuturanyi urwaje umuntu mu bitaro bya CHUK mu mujyi wa Kigali, asaba umugore we witwa Uwimana kumukingurira.
Ngo umugore yabanje kubaza Gafaranga impamvu akinguza, ngo amubwira ko akimubwira yinjiye. 'Yageze aho arakingura, Gafaranga ahita afata ku rutugu Uwimana, aramubwira ngo namubabarire amuhe, umugore ayoberwa ibyo aribyo, nibwo uwo Gafaranga yahise amufatira amaboko inyuma, aramubwira ngo aramuha.' Ni ko raporo y'umutekano ibivuga.
Aya makuru agera aho avuga ko Gafaranga na Uwimana basohotse hanze y'igipangu bagundagurana, 'ataramusambanya' haza abahungu babiri b'uyu mugore barimo uw'imyaka 22 na 25 y'amavuko, bakubita uyu mugabo, bamukomeretsa bikomeye mu maso no ku maboko.
Nyuma y'uru rugomo, abayobozi bo mu nzego zitandukanye n'abo mu nzego zishinzwe umutekano bagiye gutabara muri iri joro, ariko basanga abasore ba Uwimana batorotse nyuma yo gukomeretsa Gafatanga.
Uwakomerekejwe we yabanje kujyanwa ku kigo nderabuzima cya Kinoni, ahita ahabwa 'transfer', yoherezwa ku bitaro bikuru bya Ruhengeri, aho ari kuvurirwa n'ubu.
Â
Ni nyuma y'umukino wa gicuti waraye uhuje amakipe yombi kuri Kigali Pelé Stadium aho yanganyije 1-1.
Gatera Moussa nyuma y'uyu mukino akaba yavuze ko Rayon Sports ku kijyanye n'imbaraga bameze neza ariko bagifite ikibazo mu bijyanye na tekinike ari nacyo cyatumye badatsinda.
Yasabye umutoza ko yakwibanda mu guhagarika abakinnyi neza kuko ari ho bagifite ikibazo, bitabaye ibyo bazatsindwa mu mikino Nyafurika.
Ati 'Umutoza yajya afasha abakinnyi be guhagarara mu kibuga neza, abafashe cyane, cyane ko bo bari mu mikino Nyafurika, bazahura n'amakipe yo hanze hariya ukora ikosa bakagukosora, ni amakipe afite ubunararibonye, nibyo nabonye nkeka nabyitaho bizamufasha.'
Rayon Sports mbere yo gutangira umwaka w'imikino wa 2023-24 ikina na APR FC kuri Super Cup tariki ya 12 Kanama, isigaje gukina undi mukino umwe wa gicuti na Kenya Police FC uzaba tariki 5 Kanama 2023 ari nabwo izerekana abakinnyi izakoresha mu mwaka w'imikino wa 2023-24.
Urutonde rw’abagore 10 bakize kurusha abandi ku Mugabane wa Afurika rwashyizwe hanze na Forbes Magazine, yavuze ko aba bose bahuriye ku kuba barakoze cyane ndetse bakanabirira ibyuya amafaranga bafite nubwo benshi bavuga ko bamwe muribo umutungo bibitseho bawukuye mu miryango bakomokamo.
Forbes Magazine ikomeza ivuga ko aba bagore nubwo harimo abavuka mu miryango ikize, nyamara nabo bashyize imbaraga mu bikorwa byabo birimo ubucuruzi kugirango nabo babone amafaranga yabo adaturutse ku bagabo babo cyangwa imiryango yabo.
Aba bagore kandi banatanga inama bifashishije ingero zabo bwite zatumye bageze ku butunzi bafite.
1. Isabel dos Santos
Ni we mugore ukize kurusha abandi muri Afurika yose. Umutungo we ubarirwa kuri Miliyari 3,7 z'Amadorali ya Amerika. Ku myaka ye 50 gusa, uyu mukobwa mukuru wa Jose Eduardo dos Santos wayoboye Angola, ni umwe mu bagize inama z'ubutegetsi za sosiyete zitandukanye muri Angola no muri Portugal.
Uyu mugore akuriye kandi Banki zikomeye zitandukanye akaba kandi yarashoye imari ye muri diyama (Diamond) ndetse na Peteroli.
2. Folorunsho Alakija
Uyu mugore bamwe bavuga ko ari we uhiga abandi mu gutunga agatubutse muri Afurika (iyo bavuga ko amafaranga ya Isabel ari aya se), akomoka muri Nigeria. Yavutse tariki 15 Nyakanga 1951, akaba umushoramari washoye imari ye mu bijyanye na Peteroli, akaba kandi ari umuyobozi wungirije wa sosiyete ikora mu bya peterori yitwa 'Famfa Oil'.
Umutungo we usaga Miliyari n'icice z’amadolari (1,500,000,000$) y'Amadorari y'Amerika.
Mu 2014, yigeze kuvana Oprah Winifrey ku mwanya wa mbere w'abagore bakize kurusha abandi b’Abirabura.
Avuga ko ibanga ryamufashije kugera aho ageze ari uko yizera ko ari 'ngombwa kumenya umugambi w'Imana ku buzima bwawe, hanyuma ukawugenderaho.' Ikindi ngo ni ukugira intego no kudatezuka.
3. Ngina Kenyatta
Ngina Kenyatta, Abanyakenya bakunze kwita Mama Ngina, ni umubyeyi wa Perezida Uhuru Kenyatta, akaba n'umupfakazi wa Perezida Jomo Kenyatta, Perezida wa mbere wa Kenya.
Uyu mubyeyi w'imyaka 85 kuko yavutse mu 1933, ntakunze gutangaza ibijyanye n'umutungo we. Mu 2013, Forbes magazine yatangaje ko atunze byibura Miliyari y'Amadolari, akaba ayashora mu myubakire, banki ndetse no mu gushakira abantu amacumbi.
4. Hajia Bola Shagaya
Hajia akomoka muri Nigeria akaba yarashinze ikigo cyitwa 'Bolmus Group International', akaba ari we muyobozi mukuru (CEO),aho yashoye imari mu bijyanye na Peteroli, kubaka inzu nyinshi ziri hamwe 'real estate'. Yashoye kandi mu bijyanye na banki, kugeza ibicuruzwa ku babitumije no mu bijyanye n'itumanaho.
Umutungo we ubarirwa muri miliyoni 850 z'Amadorari ya Amerika.
Avuga ko ibanga ryamufashije mu kazi ke, ari ukwita ku kazi kuva ku wa mbere kugeza ku wa gatanu, ku minsi y'impera z'icyumweru yahuraga n'incuti ze n'abagize umuryango. Yakomeje gahunda ze zijyanye no gusenga n'ukwemera, akaryama saa tatu z'ijoro, akabyuka saa kumi n'imwe za mu gitondo, akanafata umwanya wo kumenya abo bakorana ubushabitsi no kwagura ibikorwa bye.
5. Njeri Rionge
Uyu mugore ukomoka muri Kenya, afite imyaka 36, akaba ari mu bagore ba mbere bashoye imari mu bijyanye n'ikoranabuhanga, akaba ari mu bashinze sosiyete zitandukanye nka Wananchi Online, Wananchi Group Holdings, Ignite Consulting, Insite Limited, Business Lounge na Njeri Rionge Business Consulting Inc.
Umutungo we usaga miliyoni 500 z'Amadorari y'Amerika.
Aganira n'ikinyamakuru Forbes, yavuze ko ibanga ryamufashije kugera aho ageze, ari ukugaragaza ibyo akora mu bushabitisi (accountable in business). Yagize ati 'Iyo uri mu bushabitsi , uba ugomba kubazwa byose, ibyiza n'ibibi, uba ugomba kwitonda igihe cyose, ukamenya ko ugomba kwirengera ibyo wowe cyangwa sosiyete uyoboye yakora'.
'Kuba mu bushabitsi ni nko kwiga gutwara igare cyangwa imodoka. Bigusaba ko wiyizera, ukizera umutimanama wawe, ubundi ugashyiraho gahunda n'umurongo ugomba gukoreraho. Ugatangira gushyira mu bikorwa ibyo wiyemeje kimwe ku kindi, ukagira umuhate, ubikunze kandi wizeye ko bizashoboka, hanyuma ugahora witeguye kuba wagira icyo uhindura mu gihe ubisabwe n'abakiriya bawe'.
6. Wendy AppelbaumÂ
Ku mwanya wa Gatandatu w'abagore batunze agatubutse muri Afurika, Kigali Today yahashyize Wendy Appelbaum, umugore w'Umunyafurika y'Epfo, w'imyaka 58 y'amavuko. Ni umukobwa w'umuherwe ukomoka muri icyo gihugu witwa 'Donald Gordon' washinze sosiyete yitwa 'Liberty Group'.
Wendy Appelbaum yabanje kuba umuyobozi (Director), muri iyo sosiyete ya Se, akaba kandi yari n'umwe mu banyamigabane bakomeye muri iyo sosiyete, nyuma aza kugurisha imigabane ye, ajya gutangira Business ye bwite yo guhinga imizabibu ikorwamo Umuvinyo afatanije n'umugabo we.
Ni umuyobozi mukuru (Chairperson), akaba n'umwe mu bafite imirima ihingwamo imizabibu ikorwamo divayi 'De Morgenzon Wine Estate',Ukaba ari umwe mu mirima yemerwa ku rwego rukomeye ugereranije n'indi y'aho muri Cape Town muri Afurika y'Epfo.
Umutungo we ubarirwa muri Miliyari enye na miliyoni magana arindwi z'amarande (amafaranga yo muri Afrika y'Epfo) ni ukuvuga arenga na Miliyoni 325 z'Amadorari y'Amerika.
Ibanga ryamufashije kugera aho ageze, ni ukwita ku bikorwa byo gufasha abagore. Yagize ati 'Ku bwanjye numva ari iby'agaciro gakomeye gutanga ku mutungo wanjye, nkagira icyo marira sosiyete nkomokamo' .
'Uko ugenda ugira umutungo, ni nako, uba ufite inshingano zo kuwusangira n'abatagize icyo bafite.'
7. Wendy Ackerman
Akomoka muri Afurika y'Epfo, ni umwe mu bagore b'abakire muri Afurika, abikesha umugabo we, kuko mbere mu myaka ya za 1960, yari umwarimu usanzwe wigisha Abirabura Icyongereza, nyuma aza gusanga umugabo we bafatanya mu bushabitsi bujyanye na 'supermarche' nini yitwa 'Pick n Pay'
Ni umwe muri ba nyiri sosiyete yitwa 'Pick and Pay retail establishment na Ackerman Family Trust'.
Umutungo we usaga Miliyari imwe na miliyoni 900 y'Amarande ni ukuga arenga Miliyoni 130 z'Amadorari y'Amerika.
Avuga ko ibanga ryamufashije kugera ku byo agezeho ari ugukora cyane.Yagize ati:'Sindigera ngira ubunebwe, iteka mpora nihata gukora, sinzi aho mvana imbaraga'.
'Kuva ndi umwana muto nabonaga amahirwe adasanzwe mfite.Nabonye abandi badafite amahirwe yo kwiga, numva umutima wanjye ubagiyeho cyane'.
8. Bridgette Radebe
Bridgette Radebe, avuka muri Afurika y'Epfo, akaba afite imyaka 59 y'amavuko.
Ni umuyobozi mukuru 'Executive Chairperson' , akaba ari nawe washinze sosiyete y'amabuye y'agaciro yitwa 'Mmakau Mining(Pty) Ltd'.
Ni umugore ufatwa nk’Intwari kuko yashoboye kwihangira umurimo, agashinga sosiyete y'amabuye y'agaciro kandi igakora neza.
Umutungo we ubarirwa muri miliyoni zirenga 103 z'Amadorari ya Amerika.
9. Irene CharnleyÂ
Uyu mugore w'Umunyafurika y'Epfo, yavutse tariki 06 Gicurasi mu 1960, akaba mu buyobozi bukuru bwa MTN Group, ndetse akaba anayoboye izindi sosiyete zikomeye nka Johnnic Communications, na Fistrand Limited ariyo sosiyete iruta izindi mu bijyanye n'itumanaho rya telefone muri Afurika yose.
Umutungo w'uyu mugore ubarirwa muri Miliyari n'igice z'Amarand, ni ukuvuga arenga gato Miliyoni 100 z'Amadolari y'Amerika.
10. Jane Wanjiru Michuki
Ni umugore ukomoka mu gihugu cya Kenya, Umunyamategeko, akaba umushoramari, agakora ibijyanye n’ubushabitsi, akaba no mu bayobozi ba sosiyete yitwa ' Kimani & Michuki Advocates'
Umutungo we usaga miliyoni 60 z'Amadorari y'Amerika.
Ibanga ryamufashije kugera aho ageze, ngo ni uko yizera ko abagore bashoboye kandi bafite imbaraga zo kuba bagera ku nzozi zabo no ku ntego bihaye.
Tom Close wageze ahabereye umuhango wo gusezera no kugaruka ku mateka ya Karamuka Jean Luc wamamaye nka Junior Multisystem yazanye n'umugore we Tricia Close. Igihe kigeze cyo kugaruka ku buzima bwaranze Junior Multisystem umuhanzi uhagarariye abandi, Tom Close niwe wafashe ijambo ryamaze iminota 12 ariko yagaragaye afite ikiniga cyakora bimwe bya kigabo akihagararaho ariko bigaragara ko yababaye cyane.Â
Tom Close imyaka irenga 18 mu muziki yatangiye avuga ko amenya Junior Multisystem bwa mbere yamwumvise muri Bridge Records. Iyi studio iri mu zafashije Junior kubaka izina mu myaka itatu yahamaze. Ubwo duheruka kuganira na nyiri iyi studio usigaye atuye muri Canada, yabwiye InyaRwanda ko indirimbo nyinshi zanditse amateka ku bahanzi bahari ubu zakorewe muri iriya studio.
Tom Close yagize ati: 'Menya bwa mbere Junior yari muri Bridge Records'. Icyo gihe Tom Close yakoranaga na Producer witwa Didier ariko bakajya biyambaza Junior ngo abafashe gucuranga mu ndirimbo. Tom Close rero yari agiye gukorana indirimbo na Ally Soudy yitwa “Bibaho”.
Yanahishuye ko ari bwo Junior yahise amusaba kumukorera ikirango 'Jungle' buri wese wumva indirimbo zakozwe nawe ziba zifite ako karango gakozwe mu ijwi rya Tom Close. Indirimbo za mbere y'uko Tom Close ahura na Junior ntabwo zumvikanamo kiriya kirango cya Junior Multisystem.Â
Tom Close avuga ko umuntu kumuvuga ibyiza gusa bidakuraho ko aba yarakoze n'ibibi. Ati:'Jyewe yanyiciye gahunda ariko impamvu yabaga afite indirimbo nyinshi kandi agezweho, rero yari umuhanga. Indirimbo nyinshi yakoze zaramamaye kuko yari umuhanga'. Yasobanuye ko bigoye ku mu producer ugezweho kuba yakubahiriza gahunda kuko akenshi ngo ntibaruhuka.
Tom Close niwe wakoze ikirango cyamenyekanishije 'Jungle' Junior Multisystem ubwo bahuraga ngo bakore indirimbo yari yatangiwe na Didier Touch ariko ikaza kunozwa na Junior Multisystem. Iyo ndirimbo ni iyahurije hamwe Tom Close na Ally Soudy.Â
Tom Close wavuze ahagarariye abandi bahanzi yavuze ko kuva yakora Indahiro kugeza akoze impanuka atigeze atakaza umwanya wa mbere mu batunganya imiziki hano mu Rwanda ibizwi nka'Hit'. Tom Close ati: 'Imana niyo iduha ubuzima iyo igihe kigeze irabwisubiza. Tumaze igihe tubura abahanzi. Kuri twe buriya Junior Multisystem urugendo rwe yararugenze.
Kuba agiye ejo n'undi muri twe. Igihe nk'iki tumwibuka dukwiriye kuzirikana ko natwe undi uwo ari we wese muri twe byamubaho. Tom Close avuga ko abahanzi bagira uruhare runini mu buzima bw'igihugu ku buryo abahanzi bakwiriye kubizirikana kuko bisiga umusanzu mu gihugu.
Ati:'Tumenye ko hari abifuza kubaho nk'uko tubayeho bityo dukanguke. Hari umunsi tuzaba tutakiri hano. Iyo umuntu avutse niwo munsi usinya amasezerano yo gupfa. Twe iminsi dusigaje ntituyizi ahubwo dukore umusanzu wacu. Junior simuzi hari umuntu bafitanye ibibazo'beef'.'
Tom Close yasabye abahanzi kurya bari menge kuko buri wese azatabaruka
Yagarutse ku musanzu w'umuhanzi muri sosiyete nyarwanda. Avuga ko ibyo bakora bigirira benshi akamaro. Urugero yatanze ni zimwe mu ndirimbo zakozwe na Junior zikaba hari abo zafashije gukundana, abo zahaye ibyishimo, abo zatumye babana akaramata bari bagiye gutandukana. Tom Close yanagarutse ku ijambo ryaranze Junior aho yavuze ko ubuzima bwamwigishije ko ari ubusa.
Yakebuye abahanzi nyarwanda abibutsa agaciro bafite muri sosiyete. Ati:'Ntimwumvise mushiki wa Junior wahoraga amusaba nimero za Butera Knowless. Buriya rero bifuza kubaho nka Butera. Muzi abantu bifuza guhura natwe? Abifuza ko twakwicarana?Â
Rero aya ni amahirwe yo kubyaza umusaruro tukamenya ko tugomba gukora ibikorwa bizahora byibukwa. Ntabwo hazabaho Jenoside yakorewe Abatutsi bwa kabiri ariko hano turi twese ntabwo mu gihe runaka tuzaba duhari. Rero ntitugapfushe amahirwe dufite kuko umunsi tuvuka niwo munsi twasinye amasezerano n'urupfu'.
Tom Close yanasabye abatunganya imiziki kugira isomo bakura kuri Junior kuko kuva yatangira gutunganya umuziki mu 2009 kugeza ubwo yakoraga impanuka mu 2019 yari ku gasongero mu batunganya imiziki mu Rwanda.Â
Ati:'Junior kuva yatangira gutunganya imiziki kugeza akoze impanuka yari kuri hit kandi nta wundi wari wabigeraho. Indirimbo yakoze zatwaye ibihembo kandi zahinduye ubuzima bwa benshi rero ibyo yakoze ntabwo bizibagirana'.
Tom Close yasabye abahanzi kuzasiga urwibutso rwiza ku isi
Tom Close yabwiye abahanzi kuba maso kuko igihe kizagera buri wese agatabaruka
Tom Close yakoreye Jingle Junior Multisystem nyuma yo guhura bagiye gukora indirimbo yahuriyemo na Ally Soudy
Tom Close yari kumwe na Tricia Close
REBA TOM CLOSE AVUGA MU IZINA RY’ABAHANZI BOSE
Inama y'Abaminisitiri yateranye muri Village Urugwiro iyobowe na Perezida Paul Kagame kuri uyu wa Kabiri yahaye imirimo Ange Kagame yo kuba Umuyobozi wungirije w'Akanama gashinzwe Ingamba na Politiki za Leta mu Biro bya Perezida.
Ange Kagame ni we wa vuba aha mu bana ba Perezida Kagame ushyizwe mu mirimo yo mu nzego za leta, nyuma ya Ian Kagame wagaragaye muri Mutarama (1) uyu mwaka ari mu itsinda ry'abacunga umutekano wa Perezida Kagame.
Muri Kanama (8) mu 2022, Ian Kagame yasoje amasomo ya gisirikare ku ishuri Royal Military Academy Sandhurst ryo mu Bwongereza.
Mu 2020, Ivan Cyomoro Kagame, wize ubukungu muri Amerika kuri Pace University n'icungamari kuri University of Southern California, akaba n'imfura ya Perezida Kagame, yashyizwe mu bagize inama y'ubutegetsi y'ikigo cy'igihugu cy'iterambere, Rwanda Development Board.
Iyi nama yateranye kuri uyu wa Kabiri tariki ya 1 Kanama, ya mbere muri uku kwezi. Yafatiwemo imyanzuro irimo ko Gen Maj Charles Karamba agirwa Ambasaderi w'u Rwanda muri Ethiopia aho agomba kuba anahagarariye igihugu muri AU, mu gihe Michel Sebera yagizwe Ambasaderi muri Guinée naho Shakila Umutoni Kazimbaya agirwa Ambasaderi w'u Rwanda muri Maroc.
Gen Maj Karamba wagizwe Ambasaderi muri Ethiopia yari aherutse gusoza manda ye nka Ambasaderi w'u Rwanda muri Tanzania. Muri Ethiopia asimbuye Hope Tumukunde Gasatura nawe uherutse gusoza manda ye.
Ni mu gihe Michel Sebera wagizwe Ambasaderi w'u Rwanda muri Guinée , abaye uwa mbere ufashe izo nshingano kuko ubusanzwe uwarebereraga inyungu z'u Rwanda muri icyo gihugu, ari Ambasaderi w'u Rwanda muri Ghana guhera mu 2020.
Sebera yari asanzwe ari Minisitiri-Umujyanama (Minister Counsellor) muri Ambasade y'u Rwanda mu Buholandi.
Shakila Umutoni Kazimbaya we yari asanzwe ari Umuyobozi Mukuru ushinzwe Afurika muri Minisiteri y'Ububanyi n'Amahanga. Agiye gusimbura Zaina Nyiramatama wari usanzwe ari Ambasaderi w'u Rwanda muri Maroc.
CG Dan Munyuza wagizwe Ambasaderi w'u Rwanda mu Misiri agiye gusimbura Alfred Kalisa wari muri izi nshingano. Hari hashize amezi ane Munyuza asimbuwe ku buyobozi bwa Polisi y'Igihugu.
The post Ange Kagame yahawe inshingano muri perezidansi y'u Rwanda:Ibyemezo by'inama y'abaminisitiri appeared first on FLASH RADIO&TV.
Ikipe ya Rayon Sports ikomeje kwitegura gukina umukino wayo wa kabiri mpuzamahanga yaraye inganyije na Gorilla FC igitego kimwe kuri kimwe mu mukino wa gishuti.
Uyu mukino wabereye kuri Kigali Pelé Stadium watangiye ku isaha ya saa kumi n'ebyiri z'umugoroba urangira amakipe yombi aguye miswi y'igitego kimwe.
Muri uyu mukino abatoza bombi b'aya makipe bakoresheje hafi abakinnyi bayo bose kugirango barusheho kumenya ibyo bakosora ndetse no kubongerera dore ko shampiyona y'u Rwanda ibira iminsi 16 ngo itangire ikinwe.
Igice cya mbere cy'uyu mukino waranzwe gukinirwa hagati mu kibuga cyarangiye amakipe yombi anganya ubusa ku busa.
Ubwo umukino wari ugeze ku munota wa 76â², nibwo Gikundiro yabonye igitego cyayo cyafunguye amazamu, ni igitego cyitsinzwe n'umunyezamu wa Gorilla FC Matumele Mozombo.
Ku munota wa 80 nibwo habonetse Penaliti ya Gorilla FC, ni nyuma y'ikosa ryakozwe na Ndekwe Felix wa Rayon Sports wagushije rutahizamu wa Gorilla FC mu rubuga rw'amahina.
Hahise haterwa iyo Penaliti yatewe neza na Johnson Adeaga Adeshola abona igitego cyo kwishyura bityo umukino unarangira amakipe yombi anganyije igitego kimwe kuri kimwe.
Uyu mukino ukirangira byagaragaye ko bamwe mu bakunzi ba Rayon Sports ndetse n'abandi bakurikirana ibya Ruhago batishimiye imikinire ya Rayon Sports dore ko wari umukino wa kabiri banganyije nyuma y'uwa Vitalo'o banganyije 2-2.
Rayon Sports iritegura gukina na Police Kenya kuwa gatandatu w'iki cyumweru, ni mu mukino uzahuzwa n'umuhango w'ibirori byayo bise Rayon Day.
Rayon Day ni umunsi herekanwa ikipe izakoreshwa mu mwaka w'imikino, herekanwa abakonnnyi bashya ndetse hagakinwa n'umukino wa gishuti.
The post Rayon Sports yitegura gukina na Police ya Kenya kuri Rayon Day yanganyije na Gorilla FC 1-1 appeared first on RUSHYASHYA.
Rutahizamu Imanizabayo Frolence yasinye muri yabonye ikipe nshya yo hanze y'u Rwanda.
Uyu mukobwa uhumeka uzamu kurusha ibindi yamaze gusinya muri Kampala Queens FC y'i Bugande.
Uyu mukobwa yerekeje i Bugande avuye muri Rayon Sports WFC yamumuritse ubundi isi yose ikamumenya.
Uyu Rutahizamu yatsinze ibitego bigera kuri 60 mu mikino 26 akaba yaranatsinze ibitego hat-trick 10.
Ikipe ya Rayon Sports yamaze gutangaza kumugaragaro ibindi byamamare 2 bigomba kuba byitabyiriye Rayon Day ibura iminsi micye cyane.
Kuri uyu wa gatatu nibwo ikipe ya Rayon Sports babinyijije kumbuga nkoranyambaga zabo batangaje ko abavanga miziki 2 barimo Dj Brianne ndetse na Selekta faba bazaba bari gushyushya abantu Kuri Rayon Day.
Uyu Dj Brianne n'umwaka ushize yari mu byamamare byari byitabyiriye uyu muhango uba ngaruka mwaka w'ikipe ya Rayon Sports. Aba ba Dj babiri biyongeye kuri Platin P uzaba aririmbira abafana bazaba baje muri ibi birori.
Umusore w'imyaka 19 yahengereye nyirinzu adahari ni uko yicana urugi ubugome maze abatura televiziyo itari ikiromba maze abonye abuze aho ayitwara ayihisha mu rutoki bimuhindukira nko kwihisha mu murima w'ubunyobwa.
Uyu musore yafatiwe mu Murenge wa Nasho mu Karere ka Kirehe mu masaha y'ijoro ubwo yari agiye gukura televiziyo yari yahishe mu rutoki nyuma yo kuyiba umuturage.
Iyi televiziyo yari iyo mu bwoko bwa Flat Screen B box ifite pousse 24.
Umuvugizi wa Polisi mu Ntara y'Iburasirazuba, Superintendent of Police (SP) Hamdun Twizerimana yemeje ayo makuru avuga ko uyu musore yibye iyi televiziyo mu rugo rw'umuturage.
Hamdun akomeza asobanara ko nyirinzu yatashye agasanga televiziyo ye yibwe ni uko maze akabimenyesha inzego z'umutekano aho zahise zitangira gushakisha maze baza gufata uwo musore avuye kuyikura mu rutoki aho yari yayihishe.
Uyu musore yashyikirijwe urwego rw'igihugu rw'Ubugenzacyaha kuri sitasiyo ya Nasho ngo akorerwe dosiye, naho Televiziyo isubizwa nyirayo.