Author: webrwanda

Biravugwa ko umutoza wa APR FC yafashe umwanzuro ko mu banyamahanga 7 afite, Bindjeme Charles Salomon Banga ari we uva muri 18 kimwe n’umunyezamu Ishimwe Pierre.

Uyu munsi saa 15h00′, APR FC irahura na Rayon Sports mu mukino w’Igikombe kiruta ibindi mu gihugu ‘Super Cup’.

Inkuru nziza ku bakunzi na APR FC ni uko Sharaf Eldin Shaiboub Ali Abdelrahman na Mugisha Gilbert bari bafite imvune ubu bameze neza bari bugaragare kuri uyu mukino.

Uyu mukino nk’uko amategeko abiteganya, buri kipe igomba gukinisha abanyamahanga 6 ni mu gihe APR FC ifite 7.

Umutoza wa APR FC, Umufaransa Thierry Froger yahisemo ko umunyamahanga ari bukure muri 18 ari myugariro ukomoka muri Cameroun, Salomon Bindjeme Charles Banga utaramera neza nk’uko umutoza amwifuza.

Undi mukinnyi bivugwa ko umutoza yakuye muri 18 ni umunyezamu wa kabiri, Ishimwe Pierre bivugwa ko hari ukuntu atumvikanyeho n’uyu mutoza, bivuze ko umunyezamu wahise uza muri 18 ari Mutabaruka Alexandre.

Bindjeme Charles Salomon Banga yakuwe muri 18 bagomba gukina uyu mukino

Ishimwe Pierre ntabwo ari 18 bari bukine uyu mukino

Shaiboub yiteguye gukina uyu mukino

Source : http://isimbi.rw/siporo/article/bindjeme-salomon-banga-na-ishimwe-pierre-bakuwe-muri-18-bakina-na-rayon-sports

RIP Evariste : Muhanga umugabo yishwe n'ibuye.

Akimanizanye Evariste umugabo w'imyaka 37 yagwiriwe n'ibuye ritutse hejuru ye rituma ahasiga ubuzima.

Akimanizanye yari atuye mu Mudugudu wa Kabuga, Akagari ka Gasharu Umurenge wa Rongi mu Karere ka Muhanga.

Ubuyobozi bwasobanuye ko uyu mugabo yavuye mu rugo agiye kwahira icyarire cy' inka mu ishyamba ryari riri gusarurwa n'imwe muri kampanyi z'isarura amashyamba mu karere ka Muhanga.

Abakozi b'iyi kampanyi batemye igiti gituma ibuye ririni ryari riri aho hafi ryibarangura, ni mu gihe ubwo Evariste yari ari munsi yabo batabizi, ibuye ryamukubise mu mugongo, akubita umutwe kurindi buye ryari riri munsi ye.

Abaturage ndetse n'abakozi b'iyi campanyi baratabaje ndetse bagiye kumujyana kwa muganga atabarukira aho.

Uyu mugabo yari afite abana n'umugore. Ndetse ubu iperereza riracyakorwa mu buryo bwimbitse.

 

 

 

Source : https://yegob.rw/rip-evariste-muhanga-umugabo-yishwe-nibuye/

Dore impamvu 6 abasore batagira amafaranga bakundwa n'abakobwa cyane

Ni kenshi cyane uzabona abasore badafite amafaranga bakundwa cyane n'abakobwa ndetse ugasanga abakobwa babakunda baba babarusha amafaranga cyangwa bakomoka mu miryango ikize. Rero hari impamvu zimwe zituma aba basore bakundwa cyane.

1.Baba bicisha bugufi, akenshi abakobwa bakunda abasore bicisha bugufi bakabumva.

2. Baba bazi gutereta no gutera imitoma, akenshi aba basore baba bazi gutereta cyane kuko nicyo kintu baba bitaho cyane kurenza ibindi kuko na business baba bafite zo kwita ho.

3. Baba bazi kwinginga no gutanga care, akenshi abakobwa bakunda abantu babinginga kandi babaha care.

4. Babonera umwanya uhagije abakobwa, kuko aba basore nta business baba bafite zibatwara umwanya bituma umwanya wabo wose bawuha abakobwa.

5. Nanone abakobwa hari ubwo baba barazinutswe urukundo rw'abakire kubera kutabaha agaciro kabo.

6. Aba basore bubaha abakunzi babo cyane.

 

 

Source : https://yegob.rw/dore-impamvu-6-abasore-batagira-amafaranga-bakundwa-nabakobwa-cyane/

Umuhanzi Nemeye Platini wamamaye nka Platini P cyangwa Baba yatanze gasopo ku bantu bakoresha amafoto y'umwana we ku mbuga nkoranyambaga, ngo bararye ari menjye kuko ingaruka zishobora kuzabageraho.

Muri Mata uyu mwaka nibwo inkuru zashyushye mu bitangazamakuru no ku mbuga nkoranyambaga ko uyu muhanzi yaba yaramaze gutandukana na Ingabire Olivia bari bamaze igihe kitari kinini bakoze ubukwe.

Ngo intandaro ya byose ni umwana wabo w'Imfura, Iganze Nemeye Zolane wavutse muri Nyakanga 2021 aho byavugwaga ko Platini yaje gusanga atari uwe.

Inkuru zavugaga ko uyu mugabo yageze aho gupimisha ikizamini cya ADN ngo basanga koko umwana atari uwe ari bwo yahitagamo gutandukana na Olivia.

Platini mu minsi ishize yavuze kuri iki kibazo ariko adashaka kubivagaho cyane, no kuri iyi nshuro nabwo yirinze kubivugaho cyane kuko ibibazo by'umuryango bikemukira mu muryango.

Ati 'Rero nta muntu naganirije, nta n'uwo nteganya kuganiriza kubera ko ibireba umuryango biguma mu muryango, ntabwo nzi aho amakuru muyavana sinzi uko byabagendekeye ariko ibireba umuryango biwugumamo, biragoye ko nakubaza ngo uvuge ku muryango wawe hano, uze imbere ya camera ubwira abantu njyewe byangendekeye gutya cyangwa nagowe muri ubu buryo, ngo uvuge ibibera mu gikari imbere mu rugo.'

'Hari ababizi kundusha, hari abo nabonye bafite amakuru yanjye kurusha uko nyazi, bazagumya babibasobanurire, sinshaka kujyana nabo ariko ndagira ngo mbabwire ko nta kibazo na kimwe mbona mu byo bavuze nkwiye gusobanura hano.

Yaburiye abantu bose bakoresheje amafoto y'umwana we ku mbuga nkoranyamba ko atari byo kandi ko n'inzego bireba zizabyinjiramo.

Ati 'ubundi abana baba bakwiye kurindwa, mbwira n'abantu bafata amashusho y'umwana wanjye ko ibyo bintu atari byo ni uko nabahaye agahenge ngo bigire inama ngo barwane nabyo base n'ababikura mu nzira ariko inzego zibishinzwe zazabijyamo Ingaruka zizabageraho.'

Yavuze ko ibintu by'umugore n'umugabo biba ari ibyabo biba bigomba gukemukira mu muryango ndetse n'inshuti ze zijya kumuvuga ziba atari inshuti ze.

Ati 'Igihari rero ni iki ng'iki, nk'abantu babana, umugore n'umugabo ibintu byanyu biba ari byanyu kuko iyo mbajije umuntu nti ibintu wavuze wabikuye he, ngo ni inshuti zanjye za hafi, ubwo se inshuti yanjye ya hafi niba ari inshuti yanjye yamvuyemo, ubwo ntabwo ari inshuti.'

Muri ibyo byose byabaye, yababajwe no kubona umuntu w'inshuti ye amuvuga kandi akamuvuga batanavuganye.

Ati 'Nta kindi uretse kubona umuntu akuvuga ntacyo mwaganiriye cyangwa nko kubona umuntu w'umushuti yawe arimo kukuvuga mutavuganye, uratungurwa ariko njye nari nibereye mu kazi kanjye.'

Source : https://yegob.rw/yarababaye-pee-platini-p-byabaye-ngombwa-ko-abanza-kwitsa-imitima-maze-avuga-umuntu-watumye-ibye-bijya-hanze/

Nyuma y'uko Ishyirahamwe ry'Umupira w'Amaguru mu Rwanda, FERWAFA, rihaye uburenganzira amakipe yo gutegura shampiyona 'League', yamenyesheje itangazamakuru ko ubu noneho uretse amashusho no kogeza imipira hazajya hogeza uwabiguze.

Bidasubirwaho uyu mwaka w'imikino wa 2023-24, amakipe agize shampiyona y'icyiciro cya mbere mu Rwanda yakoze ikitwa 'League', batora abayobozi bayo bakaba bagiye kujya bitegurira shampiyona aho uyu mwaka izaba yitwa 'Rwanda Premier League' mu gihe itarabona umuterankunga.

Mu kiganiro n'itangazamakuru cyabaye ku munsi w'ejo cyagarukaga ku myiteguro ya shampiyona, umuyobozi wa 'League', Mudaheranwa Hadji usanzwe ari perezida wa Gorilla FC, yavuze ko ibintu byose muri shampiyona bizaba bicuruzwa, uretse amashusho no gutambutsa umupira mu buryo bw'amajwi ( radio zogeza) ugomba kubanza kwishyura.

Ati 'Kukijyanye no gushaka ubushobozi, mwabajije ese umupira bazawerekana, bazawucuruza, oya ntakizongera gucururizwa ubuntu, no kuwuvuga ubwa byo amajwi azagurwa. Icyo mukitegure niko kimeze.'

Ni ibintu bitakiriwe neza mu itangazamakuru aho benshi bahuriza ku kuba iyi League mbere yo kubanza kwishyuza itangazamakuru yakabanje kureba mbere na mbere icyo itangazamakuru riyifashije cyangwa rizayifasha mu rugendo rwo kwiyubaka.

Bisa n'aho bafatiye urugero kuri Tanzania aho yagurushije shampiyona ubu Radio y'igihugu ari yo yemerewe gutambutsa imikino mu buryo bw'amajwi, gusa birengagiza ko batanze iryo soko shampiyona imaze gukomera aho League yabo yari imaze imyaka 4 yigenga.

Mu gihe iyi ngingo itakwiganwaho ubushishozi bishobora kuzazana igisa n'ihangana hagati ya 'League' n'Itangazamakuru.

Source : https://yegob.rw/hazajya-harya-ufite-inkwi-zumye-shampiyona-yu-rwanda-iri-mu-marembo-ayiganisha-ku-guhangana-nitangazamakuru/

Harabura amasaha make rukambikana hagati ya APR FC na Rayon Sports mu mukino w'Igikombe kiruta ibindi mu gihugu 'Super Cup'.

Ni umukino uteganyijwe kuri uyu wa Gatandatu tariki ya 12 Kanama 2023 kuri Kigali Pelé Stadium saa 15h00'.

Ni umukino amakipe yombi agiye gukina APR FC ifite abakinnyi babiri bashidikanywaho kubera imvune aho Umunya-Sudani, Sharaf Eldin Shaiboub Ali Abdelrahman we ashobora kutawukina, ni mu gihe Mugisha Gilbert na we ashidikanywaho ariko byitezwe ko ari bukine.

Ni umukino wa mbere w'irushanwa APR FC igiye gukina ifite abanyamahanga nyuma y'imyaka 11 itabakoresha, benshi biteze kureba uko iyi kipe iri bwitware.

11 buri ruhande rushobora kubanzamo

Rayon Sports: Hategekimana Bonheur, Serumogo Ali, Rwatubyaye Abdul, Mitima Isaac, Aruna Moussa Madjaliwa, Mvuyekure Emmanuel, Heritier Nzinga Luvumbu, Youssef Rharb, Joackiam Ojera na Charles Baale

APR FC: Pavelh Ndzila, Omborenga Fitina, Ishimwe Christian, Buregeya Prince, Salomon Banga, Taddeo Lwanga, Nshimirimana Ismaïl Pitchou, Ruboneka Bosco, Asongue Apam, Mugisha Gilbert na Victor Mbaoma

Source : https://yegob.rw/baraza-kwesurana-ivumbi-ritumuke-dore-11-impande-zimbo-zishobora-kubanza-mu-kibuga-hagati-ya-apr-fc-na-rayon-sport/

Uburyo wakoresha kugirango umukobwa ntakurambirwe igihe muri kuganira mukaba mwara n'amasaha 5 mukiganira

Akenshi hari ubwo usanga umusore agiye kuganiriza umukobwa ariko ntibamare n'iminota 5 byibuza bari kuganira. Gusa hari uburyo ushobora gukoresha mukagirana ikiganiro kirekire.

1.Jya umubaza ibibazo, kubaza ibibazo bya hato na hato cyane ibyerekeye ubuzima cyangwa se urukundo, ni uburyo bwiza bwo gutuma ikiganiro cyanyu kiramba.

2. Jya umubwira inkuru, abakobwa bari mu bantu bakunda kumva inkuru zabaye cyane, byaba byiza umubwiye inkuru z'ubuzima cyangwa z'urukundo.

3. Jya umusetsa, abakobwa burya bakunda n'inkuru zisekeje.

4. Jya umutega amatwi umwumve, kumva umuntu, ukamwereka ko umwitayeho ni uburyo bwiza butuma ikiganiro kiramba.

5. Ba wowe ubwawe! Ntukigereranye n'umuntu utari we, jya wivuga uko uri utishyira ku rwego utariho.

6. Ntukabe umuhakanyi ! Abakobwa burya banga abantu bahora bahakana.

 

Source : https://yegob.rw/uburyo-wakoresha-kugirango-umukobwa-ntakurambirwe-igihe-muri-kuganira-mukaba-mwara-namasaha-5-mukiganira/

Muzamuryozwa! Platini P yatanze gasopo ku mwana we

Nyuma y'amakuru yagiye acicikana hirya no hino ku mbuga nkoranya mbaga ko Platini n'umugore we baba baratundakanye, Platini yatanze gasopo ku mwana we.

Benshi bakomeje kuvuga ko intandaro yo gutandukana kwabo yaba ari umwana wabo winfura, ndetse benshi bakomeje gukoresha amafoto y'umwana wabo muri ibi bibazo.

Platini P yaburiye abantu bose bakomeje gukoresha aya mafoto y'umwana wabo, yabagiriye inama ababwira ko hari igihe byabagarukira kandi mu buryo butari bwiza.

Yavuze ko ari uko yanze kugira icyo abivugaho naho ubundi iyo abajyana mu buyobozi biba byarabaye ibindi bindi. Ibi rero bigaragaza ko ari ukuburira buri umwe ukoresha amafoto y'umwana we.

Ndetse mu kiganiro aheruka gukora yavuze ko kuba barakoresheje amafoto y'umwana we muri ibi bintu, aricyo kintu cyambere cyamubabaje.

Source : https://yegob.rw/muzamuryozwa-platini-p-yatanze-gasopo-ku-mwana-we/

Mu masaha ya saa kumi n’ebyiri n’igice z’umugoroba, nibwo umuhanzi Diamond Platnumz abinyujije kuri Instagram Story ye yatangaje ko amaze kugera mu Rwanda kuri uyu mugoroba.

Uyu muhanzi ageze mu Rwanda nyuma y’amasaha make umuhanzi Mico The Best atangaje ko ibibazo yari afitanye na Diamond Platnumz byamaze gukemuka kugeza magingo aya akaba ari nta cyasha Diamond afite mu maso y’abanyarwanda.

Diamond Platnumz azataramira abanyarwanda kuri iki cyumweru tariki ya 13 Kanama 2023 aho azataramana n’umuhanzi Masamba Intore hamwe n’umubyinnyi Sherri Silver.

Muri iri serukiramuco si Diamond Platnumz utegerejwe cyane gusa kuko mu gusozwa kwaryo hazatarama abahanzi bakomeye cyane mu gihugu cya Nigeria aribo Davido na Tiwa Savage icyo gihe bakazafatanya na Bruce Melodie.

Diamond aje mu Rwanda nyuma yo gutenguha abafana be mu Rwanda ubugira kabiri dore ko umwaka ushize mu kuboza yategerejwe ku kibuga cy’indege ariko akabura hanyuma undi munsi akaba mu kwezi kwa mata aho byari biteganyijwe ko azaza mu Rwanda ariko bikarangira atahabonetse.

Diamond Platnumz yaherukaga mu Rwanda mu mwaka wa 2017 aho yakoreye igitaramo cyanyuze benshi caybereye i Nyamata Hotel Golden Tulip.

Diamond aje gutaramira mu Rwanda akubutse mu gihugu cya Canada aho yagiye avuye muri Uganda akaba anafite indirimbo irimo kubica bigacika yakoranye na Jux bita Enjoy.

Diamond Platnumz araye i Kigali aho kuri iki cyumweru azataramira abanyaRwanda.

Nta kurara imitima idahagaze ko ashobora kutaboneka kuko Diamond yamaze kugera mu Rwanda.

Ubwo aheruka mu Rwanda, yavuze ko nta bahanzi bo mu Rwanda azi ariko kuri iyi nshuro agarutse yarakoranye indirimbo na the Ben bise “WHY” 

“>

Amafoto: Igihe

Source : https://inyarwanda.com/inkuru/133066/nyuma-yo-kwishyura-mico-the-best-diamond-araye-i-kigali-133066.html

Ishimwe Kenny Angelo wamenyekanye cyane nka Muhinde, umwe mu banyarwenya bari kubaka izina mu buryo bwihuse mu Rwanda, yavutse tariki 10 Mata 2003, avuka ari umwana wa kabiri mu muryango w'abana batatu b'abahungu.

Aganira na InyaRwanda, umunyarwenya Muhinde, yavuze ko umuryango we wishimira ibyo akora cyane cyane ko basanzwe bakunda comedy. Yavuze ko kandi ibyo agezeho uyu munsi abikesha gukora cyane kandi yishimira aho ageze.

Ati ‘'Ntabwo nari nzi ko nagera aho ngeze uyu munsi, sinarinzi ko byakunda mu gihe gito nk'iki. Nabonaga bizagorana ariko byari mu nzozi zanjye. Ntabwo natekerezaga ko bizakunda ariko narabyifuzaga, nkakora cyane ngo nzabigereho.''

Mu Rwanda, mu banyarwenya bose Muhinde akunda urwenya rwa Rusine Patrick ndetse na Fally Merci.

Ati: 'Ubusanzwe mu Rwanda nkunda urwenya rwa Merci na Rusine. Urwenya rwabo ndarwemera bya hatali.'

Umunyarwenya Muhinde avuga ko nta munyarwenya utababazwa no kujya gusetsa abantu kuri stage ntiyishimirwe

Muhinde yavuze ko nubwo byamubayeho inshuro imwe gusa, ariko ko nta kintu kibabaza nko kujya gutera urwenya kuri stage ntiwishimirwe.

Ati'Njyewe ntibirambaho cyane kuba najya kuri stage nk'iyi ngiyi ngo abantu ntibaseke, kuko nko muri Gen-Z nta na rimwe ndajyaho ngo bange kunyakira neza. Ariko uko mbizi birababaza ariko ntibyatuma umuntu acika intege, ahubwo bituma ubutaha agaruka yiyemeje guhindura ibitaragenze neza. Ariko birababaza ku buryo nta kindi kintu kibabaza umunyarwenya nk'icyo ngicyo.'

Yongeyeho ati: 'Byambayeho nanjye, kandi buriya uri n'umunyarwenya wasenga bikakubaho hakiri kare ukagira ubwo bunararibonye hakiri kare nibyo byiza. Ntabwo nabyibagirwa kuko iyo bikubayeho bikubikamo ikintu cyo guhora ukora neza kugira ngo bitazagaruka''

Asobanura uko byamugendekeye yagize ati: 'Ntabwo ikibazo cyari njye kuko niyo stage ya mbere nari nkoze. Byongeyeho hari no mu banyeshuri, muri IPRC Musanze umwaka ushize.

Narakoze ariko urabizi iyo abanyeshuri banyweye nta kintu baba bumva, ubaterera urwenya bakaguca amazi. Nuko byangendekeye ariko nubwo ikibazo kitari njye, ntabwo byamvamo.

 Ntabwo ahantu wahiye uri umunyarwenya wahibagirwa ntabwo bishoboka.'

Muhinde avuga ko nawe atiyumvisha uburyo ageze aho ageze uyu munsi kuko abona byihuse

Kuri ubu uyu munyarwenya ukuri muto uri kwigarurira imitima ya benshi, ari kwiga mu mwaka wa kabiri wa kaminuza, mu bijyanye n'ubucuruzi bukorerwa kuri murandasi (E-Commerce) muri IPRC ishami rya Musanze.  

Mu muryango we, avuga ko ariwe munyempamo urimo gusa. Afite inzozi zo gutungwa n'urwenya gusa kandi yizeye ko hamwe no gukora cyane no kudacika intege azabigeraho.

Muhinde, ni umwe mu bagize ikirango gishya mu ruganda rwo gusetsa, babyawe n'umunyarwenya Fally Merci washinze sosiyete yise 'Generation-Z' imaze kubaka izina mu Rwanda binyuze gukora ibitaramo bihuza abanyarwenya bashya kandi bakiri bato.

Si Muhinde gusa, ahubwo muri Gen-Z habarizwamo abandi banyarwenya bato barimo Kadudu, Cardinal, Mavide & Pazzo, Admin, Fred Rufendeke, Dr Nsabii n'abandi.

   

Source : https://inyarwanda.com/inkuru/133063/hura-na-muhinde-umunyarwenya-ukiri-muto-wakuze-yitinya-133063.html