Mbappe ngo ashobora kongera amasezerano y'umwaka umwe akazageza 2025 muri PSG ariko akazagurishwa 2024
Ubu yagaruwe muri squad ya PSG Kandi arishimiwe cyane bitarabaho.
Source : https://yegob.rw/akanyamuneza-ni-kose-kuri-mbappe-nabafana-ba-paris-saint-germain/
Abasore benshi bakunze kubabara iyo bagerageje kwegera umukobwa akanga ku ikubitiro, abenshi bakeka ko ari uko atari beza ku rugero rw'abo bakobwa. Hari n'abatekereza ko bakagombye kuba bari ku rwego nk'urwabo bakobwa mbere y'uko babatereta ariko burya si ibyo gusa bishobora gutuma umukobwa yanga gukundana nawe.
DORE IBINTU BY’INGENZI 10 ABAKOBWA BAGENZURA KU MUHUNGU MBERE YO KUMWEMERERA URUKUNDO:
1. Amenyo ye
Burya abakobwa benshi bahita bareba amenyo y'umusore ugitangira kubegera. Ntibakunda umusore ufite amenyo atagirira isuku, amwe usanga ameze nk'ayahomye amamesa. Nta mukobwa wishimira kubona umukunzi we ufite ayo menyo kuko aba yibaza niba azabasha kwisanzura agaseka igihe baganira.
2. Inkweto yambara
Abakobwa benshi bakunda umusore wambara agakweto gakeye kandi gahanaguye. Nta mukobwa ukunda umusore wambara inkweto yahinduye ibara kubera umwanda. Hari n'ureba uko ameze yahuza n'inkweto wambaye akabona niba uri umwiyemezi. Uyu ahanini areba iyo nkweto akagereranya n'amafaranga winjiza ku kwezi.
3. Isaha yambara
Abakobwa benshi bakunda umusore wambara isaha. Ngo agaragara nk'umunye businesi. Umusore wambara isaha nziza kandi nawe ngo aba agaragara neza ku buryo bishimishije kumurata. Uba ubona yiyubashye kandi ari umusirimu.
4. Amarineti yambara
Abakobwa benshi babona umusore wambara amadarubindi nk'uzi icyo gukora. Gusa ibyo babona ni ikinyuranyo kuko akenshi aba basore baba bazi gushuka abakobwa cyane. Umukobwa rero iyo abonye uyambara ntazuyaza kujya mu rukundo nawe.Â
Ubusanzwe iyo abantu babonye umuntu wambaye amadarubindi atari ukubera uburwayi, bamufata nk'umunyamashuri cyangwa inzobere. Hari n'abavuga ko bituma umuntu aba mwiza kandi agaraga nk'umusirimu.
5. Uburyo ugerageza kumwegera
Bamwe mu bakobwa ni abanyagasuzuguro. Iyo umwegereye utiyubashye kandi utihagazeho biba ari impamvu yoroshye yo kuguca amazi. Abakobwa benshi bakunda abasore batinyitse kuko babifashisha mu kwiyama abandi bahungu babagendaho.
6. Inyogosho
Abakobwa benshi ntibakunda abasore bafite imisatsi y'akajagari bamwe usanga baboshye direde. Bamwe babifata nk'ikigaragaza ko uri ikirara. Gusa abenshi ntibazi ko ari sitire ifite inkomoko muri Afurika, aho usanga ikunze kugaragara ku bahanzi. Burya baba bashaka kwamamaza Afurika nk'inkomoko y'iyi sitire y'imisatsi.
7. Umwuka uhumeka
Uretse n'abakobwa, nta muntu wishimira kuganira n'umuntu ufite impumuro mbi mu kanwa kuko birabangama. Ushobora kuganira n'umuntu ukamwibutsa kugira isuku akarwanya icyo kibazo ariko abakobwa ntibabigarukaho. Yumva ko iyi mpumuro ishobora kubangamira n'izindi gahunda zo kwinezeza mu rukundo.
8. Imyambarire
Abakobwa bakunda umuhungu wambara neza akaberwa. Agashati keza, gateye ipasi, agapantaro bijyanye, agakweto keza kandi gahanaguye, umusatsi uri kuri gahunda n'ubwanwa busokoje cyangwa buconze. Birashoboka ko yakunda umusore utitwara gutya akaba yamushyira ku murongo kugera abigezeho ariko siko babitekereza. Kukubona ujagaraye ahita akureka atiriwe anagerageza.
9. Uko wakoze umubiri
Abasore bafite umubiri ugaragara (bakoze umubiri) bagaragara nk'abanyembaraga. Abakobwa barabakunda cyane. Iyo abona uri umusore uteye, ukomeye yumva ko abonye umugabo uzamurinda.
10. Amafaranga
Nta mukobwa wifuza kubaho nabi. Abakobwa benshi bifuza abasore bafite amafaranga bazabasha kubatunga no kubaha icyo bakeneye cyose. Gusa muri iki gihe bisa n'ibyahindutse kuko n'abagabo ntibagikeneye abagore b'ibyangamibyizi. Abakobwa rero na bo bakeneye gukora kugira ngo bazabone abagabo bifuza.
Uru rutonde rw'abantu bo mu byiciro bitandukanye by'imyidagaduro, rugaragaramo abahanzi, abakinnyi na ba Nyampinga bahesheje ishema u Rwanda mu ruhando mpuzamahanga bagatuma ibendera ry'igihugu cyacu rizamurwa, aha hakaba harimo abari mu Rwanda ndetse n'abakomoka mu Rwanda baba hanze ariko uruhare rwabo mu guhesha ishema u Rwanda rukaba rugaragara.
1. Jimmy Gatete
Uyu mukinnyi w'umupira w'amaguru wavutse tariki 11 Ukuboza 1982, ntazigera yibagirana mu mitima y'abanyarwanda benshi kubera ubuhanga yagaragaje ubwo yatsindaga ibitego byafashije ikipe y'igihugu y'umupira w'amaguru kugera mu mikino ya nyuma y'igikombe cy'Africa cy'ibihugu (CAN 2004), iyo ikaba ari nayo nshuro rukumbi u Rwanda rwabashije kugera kuri iyo ntera.
2. Disi Dieudonne
Disi Dieudonne wavukiye i Ntyazo mu cyahoze ari Butare tariki 24 Ugushyingo 1980, ni umukinnyi w'umunyarwanda mu mukino wo kwiruka n'amaguru umaze guhesha ishema igihugu kenshi kandi mu marushanwa mpuzamahanga atandukanye, akaba yaragiye yegukana imidari myinshi nyuma yo kwegukana umwanya wa mbere. Yatangiye kwigaragaza ubwo yegukanaga umwanya wa 4 mu marushanwa yabereye i Brazzaville muri 2004, hanyuma biba akarusho muri 2005 ubwo yegukanaga umwanya wa mbere mu gusiganwa muri metero 10.000 ndetse n'umwanya wa 3 mu gusiganwa muri metero 5.000, icyo gihe akaba yaratsinze amahanga mu marushanwa yari yabereye i Niamey muri Niger maze ibendera ry'u Rwanda rirazamurwa.
Uyu mwanya wa mbere kandi yaje no kongera kuwegukana mu marushanwa mpuzamahanga yabereye i Marseille mu Bufaransa ndetse n'andi marushanwa mpuzamahanga akomeye yabereye i Beirut muri Libani. Kugeza ubu amaze kwitabira amarushanwa menshi ku rwego mpuzamahanga kandi yagiye yitwara neza muri rusange ahesha ishema u Rwanda anegukana imidari myinshi.
3. Alpha Rwirangira
 Alpha Rwirangira wavutse tariki 25 Gicurasi 1986, ni umusore w'umuhanzi w'umunyarwanda wamenyekanye cyane ku rwego mpuzamahanga ubwo yegukanaga igihembo cy'irushanwa rya Tusker Project Fame ku nshuro ya 3 yari ibaye, icyo gihe akaba yarakuye igihembo muri Kenya maze ahita yamamara mu Rwanda, Kenya, Burundi, Uganda, Tanzania, Sudani n'ahandi hirya no hino muri Afurika, bihesha ishema u Rwanda ku rwego rwo hejuru.
Ibi ntibyaje kurangirira aho kuko uyu muhanzi muri 2011 yaje no kongera kwegukana igihembo gikomeye muri Tusker Project Fame, icyo kikaba ari icy'irushanwa ryahuje abigeze gutsinda muri Tusker Project Fame bose mu cyiswe ” Tusker All Stars ” maze nabwo yongera gutsinda, ibendera ry'u Rwanda ryongera kuzamurwa amahanga yibonera ubuhanga bw'umusore uvuka mu rwa Gasabo.
4.Miss Mutesi Aurore
Mutesi Kayibanda Aurore wabaye Miss Rwanda 2012, ni umwe mu bakobwa b'abanyarwandakazi babashije kwitabira amarushanwa mpuzamahanga menshi y'ubwiza, muri ayo yose akaba yaranaje kwambikwa ikamba rya Miss FESPAM 2013, iri rikaba ari ikamba yakuye muri Congo Brazzaville atsinze abandi bakobwa bari bitabiriye aya marushanwa yateguwe n'iserukiramuco nyafurika rihuza abahanzi b'abanyamuziki.
Uyu mukobwa, yabashije gutsinda amahanga ibendera ry'u Rwanda rirazamurwa, anahabwa ibehembo bishimishije birimo no guhagararira umugabane wa Afurika mu bikorwa bya FESPAM ku rwego rw'Isi, iyi ikaba ari intera ikomeye yabashije kugeza kuri we ubwe, ku Rwanda ndetse no ku banyarwanda bose muri rusange kuko gutsinda k'Umunyarwanda bitabura kuba ishema ry'abenegihugu bose.
5. Mani Martin
Maniraruta Martin ni umuhanzi w'umunyarwanda wavutse tariki 24 Ukuboza 1988, akaba amenyerewe ku izina ry'ubuhanzi rya Mani Martin. Uyu musore yakunzwe kuva cyera ubwo yatangiraga muzika aririmba indirimbo zihimbaza Imana nk'iyitwa Urukumbuzi yakunzwe cyane, nyuma aza kugenda akora n'izindi zifite ubutumwa bwafashije benshi nk'iyitwa 'Icyo Dupfana ', Intero y’Amahoro n'izindi.
Mu ndirimbo za Mani Martin zakunzwe zikanamuhesha ishema ndetse bigatuma n'ibendera ry'u Rwanda rizamurwa, ntayamurutira ” My Destiny “, iyi ikaba yarashyizwe na BBC ku rutonde rw'indirimbo 50 z'ibihe byose ku mugabane wa Afurika, ibintu byashimishije abanyarwanda kandi na nyir'ubwite akagaragaza ko ari ishema kuri we no ku Rwanda avukamo.
6.Ben Kayiranga
Umuhanzi w'umunyarwanda Ben Kayiranga utuye mu gihugu cy'u Bufaransa unanyuzamo akagaruka mu Rwanda, yamenyekanye cyane mu ndirimbo yitwa ” Freedom “, iyi ikaba yaraje no kumuhesha ishema mu ruhando mpuzamahanga tariki 31 Mutarama 2013 ubwo yashyirwaga ku mwanya wa Gatanu ku rutonde rw'indirimbo 20 zahinduye Isi, ibi bikaba byarakozwe na BBC News Magazine nyuma yo gukora ubushakashatsi igasanga iyi ndirimbo iri mu zatanze umusaruro mu guhindura Isi hifashishijwe ubutumwa bwiza buyirimo.
Iri ni ishema kuri uyu muhanzi Ben Kayiranga ariko rikaba n'ishema rikomeye ku Rwanda n'abanyarwanda kuba indirimbo y'umuhanzi nyarwanda yashyirwa ku mwanya wa gatanu ku rutonde rw'indirimbo zahinduye Isi.
Uyu nawe akaba yaragize uruhare mu gutuma ibendera ry'u Rwanda ryazamurwa amahanga akamenya ko i Rwanda ko hari abahanzi bahanga ibyagirira Isi akamaro.
7. Sonia Uwitonze Rolland
Sonia Uwitonze Rolland wavukiye i Kigali tariki 11 Gashyantare 1981 kuri nyina w'umunyarwandakazi na se w'Umufaransa, ni umugore ukiri muto ukomeye ku rwego mpuzamahanga dore ko ubu ari umukinnyi w'amafilime akaba n’umwanditsi w’ibitabo ukomeye mu Bufaransa. Miss Sonia Rolland yabashije guca agahigo kataragirwa n'undi wese ko kuba Miss France yaravukiye ku mugabane wa Afurika, aho yavukiye hakaba nta handi hatari mu Rwanda.
Uyu mugore kugeza ubu ufite abana babiri b'abakobwa, yakunze gufasha abanyarwanda cyane cyane abatishoboye n'abari mu kaga kandi akaba agaragaza kenshi ko aterwa ishema n'aho avuka. Uwitonze Sonia Rolland yahesheje ishema cyane igihugu avukamo ubwo yakorwaga nka Miss France mu mwaka w'2000, kuva icyo gihe akaba atarahwemye kwerekana ko intsinzi ye ari iy'abanyarwanda nubwo yatsinze nka Miss France.
8. Yvan Buravan
Nyakwigendera Yvan Buravan wabonye izuba ku wa 27 Mata 1995 akitaba Imana ku wa 17 Nyakanga 2022, ari mu bahanzi b’abanyempano batazibagirana mu mitima y’Abanyarwanda bitewe n’ibihangano bye byanyuze benshi byumwihariko akaba yarabashije gushesha ishema u Rwanda ku rwego mpuzamahanga.
Yvan Buravan yazamuye ibendera ry’u Rwanda ubwo yatwaraga igihembo gikomeye cya 'Prix Decouverte' gitegurwa na Radiyo Mpuzamahanga y'Abafaransa (RFI), ku wa 8 Ugushyingo 2018. Mu bihembo yahawe harimo urugendo rw'ibitaramo bikomeye yakoze azenguruka Afurika, amayero ibihumbi icumi[10,000 euros] kongeraho n'igitaramo kiruta ibindi yakoreye mu mujyi wa Paris. Ibi bikazahora byibukwa mu mitima y’abakunzi b’umuziki nyarwanda.
9. Jean Paul Samputu
Umuhanzi Jean Paul Samputu, ni umwe mu bahanzi nyarwanda bagize amateka akomeye kandi babashije kwegukana ibihembo mpuzamahanga bitandukanye byatumye ahesha ishema u Rwanda kandi akabasha no kuzamura ibendera ry'igihugu mu ruhando mpuzamahanga. Mu bihembo mpuzamahanga yegukanye harimo Kora Awards yatsindiye muri 2003.
Mu mwaka wa 2006, Samputu yatsindiye umwanya wa mbere mu irushanwa mpuzamahanga ryo kwandika indirimbo aho yanditse iyitwa 'Psalm 150'.
Yagizwe ambasaderi w'amahoro n'umuryango witwa ” Universal Peace Federation ” hari ku itariki 18 Ugushyingo 2007. Samputu abasha kuririmba mu ndimi 6 arizo; Ikinyarwanda, Igiswahili, Ilingala, Ikigande, Igifaransa, n'Icyongereza.Kuri ubu, Jean Paul Samputu afitanye amasezerano na kompanyi ebyiri zikomeye zimukorera ibijyanye na muzika, imwe ni Mi5 Recordings ndetse na EMI.
10. Sherrie Silver
Umubyinnyi kabuhariwe Sherrie Silver uri mu bayoboye mu Bwongereza nawe akomoka mu Rwanda aho yavutse kuri Se w’umunyarwanda. Mu 1994 Sherrie na Nyina witwa Florence Silver bagiye kuba i Londre ari naho atuye kugeza ubu.
 Izina rye ryatangiye kumenyekana cyane mu 2018 ubwo yabyinaga mu mashusho y’indirimbo y’icyamamare Childish Gambino yise ‘This Is America’ yanaherewe igihembo cya MTV Video Music Award muri uwo mwaka. Ibi byatumye n’abahanzi nyafurika barimo Diamond Platnumz bamwitabaza ngo ababyinire mu ndirimbo zabo.
Kugeza ubu Sherrie Silver ni umwambasaderi wa UN mu bijyanye n’ubuhinzi ndetse yanigeze kwigisha kubyina Tedros Adhanom umuyobozi mukuru w’Ishyami ry’Umuryango w’Abibumbye ryita ku buzima (World Health Organization). Kubera imibyinire ye myiza Sherrie Silver yakorewe ikibumbano cye gishirwa rwagati mu mujyi wa London mu Bwongereza.
Ibi bihembo 'East Africa Arts Entertainment Awards (EAEA)' bigamije gushyigikira urugendo rw'iterambere rw'abahanzi bakorera umuziki ku mugabane wa Afurika, by'umwihariko mu Karere k'Afurika y'Iburasirazuba.
Byatangiwe mu Mujyi wa Nairobi mu gihugu cya Kenya, kuri uyu wa 14 Kanama 2023.
Bruce Melodie yegukanye igihembo mu cyiciro ‘People’s Choice Best Rwandan Sound’ abicyesha indirimbo ye yise ‘Akinyuma’
Ni mu gihe Dj Brianne yegukanye igikombe mu cyiciro cy’umugore ukora umwuga wo kuvanga imiziki ‘Peoples’ Choice Female Deejay of the Year’
Bien-Aime wo mu itsinda rya Sauti Sol yegukanye igikombe cy’umwanditsi w’indirimbo w’umwaka [People’s Choice Songwriter of the year].
Ni mu gihe Butera Knowless na Nel Ngabo begukanye igikombe cy’indirimbo ihuriweho ‘People’s Choice Collaboration Single of the year’ babicyesha indirimbo ‘Mahwi’ bakoranye.
Diamond yihariye ibihembo! Yegukanye igikombe cy’umuhanzi w’umwaka [Artist of the year], icy’indirimbo ifite amashusho meza abicyesha ‘Yatapita’, yabaye kandi umuhanzi w’umugabo w’umwaka wo muri EAC. Yari ahatanye mu byiciro 11.
Mu 2022, Meddy yabaye umuhanzi rukumbi wegukanye igikombe muri ibi bihembo. Icyo gihe yegukanye igihembo cy'umuhanzi w’umwaka wo mu Rwanda wahize abandi [People’s Choice artist of the year- Rwanda].
Umuhanzikazi w’umugore w'umwaka wahize bagenzi be mu 2022 (People’s Choice Best Female Artist 2022) yabaye Nandy. Yahigitse Butera Knowless.
Knowless yari ahatanye kandi mu cyiciro cy'umuhanzikazi ufite indirimbo nziza y'amashusho mu Rwanda [EAEA Best Rwanda Music Video] n'icyiciro cy'umuhanzi w'umwaka [EAEA Artist of the Year].
Bruce Melodie ntiyahiriwe muri ibi bihembo, kuko mu byiciro bitatu yari ahatanyemo hose yatsinzwe. Abandi batahiriwe ni Juno Kizigenza na Ariel Wayz.
Mu 2022 Bruce Melodie yatashye amara masa muri ibi bihembo-Kuri iyi nshuro yatsinzeÂ
Mu 2022 Knowless yari ahatanye mu byiciro bitatu-Kuri iyi nshuro yegukanye igikombe abicyesha indirimbo yakoranye na Nel NgaboÂ
Dj Brianne yegukanye igikombe cy’umugore uvanga imiziki w’umwaka ‘Dj’
Abantu icumi baguye mu musigiti kuri uyu wa Gatanu muri Leta ya Kaduna iherereye mu Majyaruguru ya Nigeria, ubwo uwo musigiti wabagwagaho.
Umuvugizi wa Polisi, Mohammed Jalige yabwiye Xinhua ko uyu musigiti waguye abantu bari gusenga kuwa gatanu.
Mu gihe icumi aribo byemejwe ko bapfuye, abandi 25 bakomeretse. Iperereza rirakomeje ngo hamenyekane uburyo uwo musigiti waguye.
Uyu musigiti waguye wubatswe kera mu myaka ya 1830 ndetse wafatwaga nk'inzu ndangamurage abayisilamu bo hirya no hino ku Isi bazaga gusengeramo.
Hari hashize iminsi hari imitutu yiyashije mu bikuta by'uwo musigiti, ku buryo bikekwa ko ari byo byabiteye.
Source : https://yegob.rw/inkuru-yakababaro-abantu-10-baburiye-ubuzima-mu-musiguti/
Mu gitondo cyo ku wa Gatandatu tariki ya 12 Kanama 2023, Nibwo imodoka iri mu bwoko bwa Jaguar yaturukaga mu Rwanda yakoze impanuka ipfiramo abantu batatu.
Amakuru avuga ko, iyi mpanuka yabaye yatewe nuko imodoka yari yarenze umuhanda ubwo yari mu gace ka Kajumiro , ku muhanda wa Maddu-Ssembabule wo mu karere ka Gomba.
Polisi ya Uganda yatangaje ko abantu batatu baguye mu mpanuka ya bisi y'ikompanyi itwara abagenzi ya Jaguar, yari ivuye mu Rwanda yerekeza muri icyo gihugu.
Ibinyamakuru bitandukanye birimo Umuseke ,galaxyfm yo muri Uganda, Bivuga ko abaguye mu mpanuka ari umushoferi wayo witwa David Asiimwe, n'abandi bantu babiri, abandi umunani barakomereka.
Umuvugizi wa Polisi ya Uganda ushinzwe umutekano wo mu muhanda, SP Michael Kananura, kuri iki cyumweru yatangaje ko abakomeretse bihutanywe ku kigo nderabuzima, Maddu Health centre III.Ni mu gihe imirambo yo yajyanywe mu buruhukiro bw'iBitaro bya Gomba.
Umuvugizi wa Polisi yongeyeho ko iyi bisi yahise ijyanwa kuri sitasiyo yayo ya Kanoni, kugira ngo ikorererwe igenzura mu gihe icyateye iyi mpanuka kitaramenyekana, ariko iperereza rikaba ryatangiye gukorwa.
Kugeza ubu ntibiratangazwa niba hari abanyarwanda baba baguye cyangwa bakomerekeye muri iyo mpanuka.
Ku wa Gatanu tariki ya 11 Kanama 2023, Nibwo abakozi bane b'Ikigo cy'Amashuri cya Saint Trinité de Nyanza, bakatiwe gufungwa iminsi 30 y'agateganyo mu gihe bategereje kuburanishwa mu mizi ku byaha bakurikiranyweho bifitanye isano n'umwarimu bikekwa ko yateye inda umunyeshuri.
Aba bakozi barimo abarimu batatu, ushinzwe ububiko 'Stock' n'uwo mu kabari ko mu Karere ka Nyanza bikekwa ko ariwe wanyujijweho umuti wifashishijwe mu gukuramo inda ariko we Urukiko rukaba rwategetse ko azakurikiranwa adafunze nk'uko bigaragara mu mwanzuro w'Urukiko ku ifunga n'igungurwa ry'agateganyoBagenzi be bo bagiye gufungirwa mu Igororero rya Muhanga.
Aba bakurikiranyweho ibyaha bitatu birimo gukoresha undi imibonano mpuzabitsina ku gahato, gucura umugambi wo gukora icyaha no gukuramo undi inda ndetse n'icyaha cyo kuba icyitso cyo gukuriramo undi inda.
Ibi byaha bivugwa ko babikoze mu bihe bitandukanye, aho bivugwa ko umwarimu yasambanyije umunyeshuri yigishaga, akamutera inda, nyuma ku wa 12 Nyakanga 2023 bamwe muri abo barimu bagafatirwa mu cyuho bamaze guha imiti ikuramo inda uwo munyeshuri.
Amakuru avuga ko bari babisabwe na mugenzi wabo wari warateye inda nk'uko byanasobanuwe mu Rukiko mu gihe cy'iburanisha.
Uwo mwana w'umukobwa wigaga kuri iri shuri rya St Trinité ryo mu Murenge wa Kigoma, Akarere ka Nyanza, yafashwe anaterwa inda tariki 3 Kamena 2023, nyuma y'uko ngo yari amaze iminsi abeshywa n'uwo mwarimu ko azamufasha mu buzima bwe cyane ko yari imfubyi, bityo akaba yaramusohokanaga mu bubari butandukanye.
Ibyaha aba bagabo bose uko ari batanu bakurikiranyweho baramutse babihamijwe n'urukiko bafungwa imyaka itari munsi y'icumi ndetse bakanatanga ihazabu ya miliyoni 1 Frw ariko itarenze miliyoni 2 Frw nk'uko biteganywa n'Itegeko rigena ibyaha n'ibihano muri rusange nkuko Igihe kibitangaza dukesha iyi nkuru.
Ku cyaha cyo gucura umugambi wo gukora icyaha no gukuramo inda, ugihamijwe n'urukiko ahanishwa igihano giteganyirijwe icyaha cyacuriwe umugambi.
Icyaha cyo kuba icyitso cyo gukuriramo undi inda cyo ntabwo gihanwa kimwe n'uwakoze icyaha keretse igihe itegeko ribiteganya ukundi cyangwa umucamanza abona ko uruhare rw'icyitso mu gukora icyaha rungana cyangwa ruruta urw'uwakoze icyaha.
Urwego rw'Ubugenzacyaha, RIB, ruherutse gutangaza ko rutazihanganira abantu bakora ibyaha byo gusambanya abana ndetse no gukoresha undi imibonano mpuzabitsina ku gahato cyangwa abamara kubikora bagashaka gufasha abo bateye inda kuzikuramo nkuko byatangajwe na Dr Murangira B Thierry, Umuvugizi wa RIB.
Yagize ati 'RIB iributsa abaturarwanda ko itazihanganira uwo ari we wese ukora ibyaha nk'ibi birimo icyaha cyo gukoresha undi imibonano mpuzabitsina ku gahato, gucura umugambi wo gukora icyaha no gukuramo undi inda no kuba icyitso cyo gukuriramo undi inda bitwaje umwuga bakora.'
Kuri iki cyumweru tariki ya 13 Kanama 2023, Perezida wa Repubulika Paul Kagame yitabiriye itangizwa ry'iserukiramuco rya Afurika rizwi nka 'Giants Of Africa' ritegurwa na Masaï Ujiri.
Perezida Kagame ari kumwe na madamu we Jeannette Kagame, Umunya- Nigeria, Masaï Ujiri usanzwe ayobora ikipe ya Toronto Raptors isanzwe ikina irushanwa rya Shampiyona ya Basketball ya Amerika (NBA).
Ibi birori byabereye mu nyubako ya BK Arena, byari byitabiriwe n'urubyiruko rutandukanye ku mugabane wa Afurika, byahuriranye kandi no kwizihiza imyaka 20 uyu muryango (Giants Of Africa) umaze ushinzwe na Ujiri.
Giants Of Africa ni umuryango usanzwe ufasha guteza imbere urubyiruko rwa Afurika I rukina umukino w'intoki wa Basketball ndetse no gufasha ibihugu bitandukanye mu bikorwa remezo.
Aha hakaba ari naho Masaï yafashije igihugu kubaka ibibuga bitandukanye harimo icya Kimironko ndetse no kuri Club Rafiki i Nyamirambo.
Kuri iki cyumweru kandi ni naho hatashwe ibibuga bibiri byubatswe mu ishuri ry' Agahozo Shalom Youth Village' riherereye mu karere ka Rwamagana, iki kibuga kikaba cyaratashywe ku mugaragaro na Minisitiri wa Siporo, Madame Aurore Munyangaju Mimosa ari kumwe kandi na Masaï Ujiri.
Ibi birori byo kuri iki cyumweru kandi byasojwe n'igitaramo cyabereye muri BK Arena, ni igitaramo cyasusurukijwe n'abahanzi batandukanye bayobowe n'umunya- Tanzania, Diamond Platinumz.
Mu gitondo cyo kuri uyu wa mbere kandi nibwo hakomeje ibikorwa bya Gians of Africa, birimo gushyira ibuye ry'ifatiza ahazubakwa ibikorwaremezo bizafasha mu guteza imbere agace k'umujyi wa Kigali.
I Remera ahahoze hakorera RBC niho hashyizwe ibuye ry'ifatizo ahagiye kubakwa ibikorwa remezo binyuranye, birimo ibibuga by'imikino inyuranye, hoteli n'ibindi.
Ni umuhango witabiriwe na Perezida Paul Kagame ari kumwe na Masaï Ujiri usanzwe ayobora Giants Of Africa.
Aka gace kahawe izina rya Zaria Court Kigali, ni izina rifitanye inkomoko naho Masaï akomoka ku gihugu cya Nigeria kamwe mu gace uyu mugabo yakuriyemo.
Zaria Court Kigali izaba igizwe n'ibice bitandukanye birimo Hoteli izaba igizwe n'ibyumba bigera kuri 80, aho abantu bazakorera siporo hazwi nka Gym n'ibindi.
Biteganyijwe ko imirimo yo kubaka Zaria Court izarangira n'ukwezi k'Ugushyingo 2024 naho itangire gukorerwamo muri Gashyantare 2025.
The post Amafoto â” Perezida Kagame yatangije Iserukiramuco rizwi nka 'Giants of Africa', anashyira ibuye ry'ifatizo kuri 'Zaria Court Kigali' appeared first on RUSHYASHYA.
Umukinnyi wa filime nyarwanda umaze kwandika izina, Bahavu Jeannette yateye utwatsi amakuru y’uko akubita umugabo we, Ndayikengurikiye Fleury aho hari amakuru yashyizwe hanze n’abantu bashaka gusebya urugo rwe.
Mu minsi ishize nibwo ku mbuga nkoranyambaga haje inkuru y’uko Bahavu umaze kwandika izina muri Sinema nyarwanda yaba akubita umugabo we Fleury bafatanya kwandika no gutegura filime zirimo iy’uruhererekane igezweho ya Impanga Series.
Ibi byavuzwe cyane ubwo yarimo yishyuza imodoka ye yahawe mu bihembo bya RIMA ariko ntahite ayibona bitewe n’uko hari ibyo atumvikanagaho n’abateguye irushanwa harimo ko bashakaga ko ajya ayigendamo iriho ibirango by’umuterankunga ariko we akabyanga ngo kuko bitari mu masezerano.
Aha niho hahise hazamukira inkuru z’uko adashobotse, ari umuntu ugorana ndetse ajya anakubita umugabo we.
Muri Gicurasi 2023 nibwo Fleury yakoze ikiganiro bashyize ku rukuta rwabo rwa YouTube yahakanye aya makuru aho yavuze ko nta mugore wamukubita.
Mu kiganiro yagiranye n’ikinyamakuru ISIMBI, Bahavu yavuze ko ayo makuru atari yo ndetse uretse kuba atanatinyuka kubikora ahubwo nta nubwo yamushobora ahubwo ari bya bindi byo umuntu abura icyo asebya inka akavuga ati dore igicebe cyayo.
Ati 'Oya icyo ntacyabaho ntikizanabaho. N’abanyarwanda baca umugani ngo iyo ubuze icyo utuka inka uravuga ngo dore igicebe cyayo, ni ukuvuga ngo hari umuntu uba wabuze aho amenera, Fleury na Jeannette ashake uburyo adusebya, no mu Rwanda ntiwapfa kubona umugore ngo yakubise umugabo, ikindi sinanamushobora, numvise ari n’ibintu bidasebetse, uwabikoze uwo ari we wese, Imana imubabarire kandi abimenye neza ko ntacyo byankozeho.'
Uyu muryango si wo wonyine w’ibyamamare mu Rwanda wavuzweho ko umugore akubita umugabo kuko n’umuhanzi Meddy bivugwa ajya akubitwa n’umugore we Mimi.
Umukinnyi wa filime wamamaye nka Mama Sava akaba umukunzi wa Rayon Sports yavuze ko ubu iyi kipe ari yo yonyine iri mu Rwanda kubera ko imaze igihe ihondagura mukeba wabo, APR FC.
Ni nyuma y’umukino wa Super Cup wabaye ku wa Gatandatu tariki ya 12 Kanama 2023 bagatsinda APR FC 3-0, ndetse ukaba wari umukino wa 3 wikurikiranya iyi kipe itsinda APR FC.
Mama Sava wari waje gushyigikira ikipe ye, yabwiye ISIMBI ko kubera uburyo basigaye batsindamo APR FC ari we mukeba wabo, ubu ngo Rayon Sports niyo kipe yonyine iri mu Rwanda.
Ati 'Rayon Sports ni ikipe imwe mu Rwanda, niyo yonyine, none se niba iyari mukeba tuyikubita gutya, niyo yonyine isigaye.'
Yakomeje avuga ko nubwo batsinze APR FC nayo yakinnye neza ariko na none ngo nijya ibona Rayon Sports ijye iberereka.
Ati 'APR FC ntabwo navuga ko biraye, bakinnye neza umukino bawukinnye neza pe ariko twabatsinze ntabwo tubigarukaho ahubwo nibazajya bavuga Rayon Sports mujye muberereka.'
Ni umukino wa 3 wikurikiranya wo Rayon Sports yatsinzemo APR FC, umwaka ushize w’imikino yabatsinze mu mukino wo kwishyura wa shampiyona ndetse no ku mukino wa nyuma w’igikombe cy’Amahoro, ibasubira ku mukino wa Super Cup.
Source : http://isimbi.rw/siporo/article/rayon-sports-niyo-kipe-yonyine-iri-mu-rwanda-mama-sava